Rasul Kusherbayev

10 October 2024 14:23

❗️Орол денгизи сувга тўлмоқда

Орол денгизининг шимолий қисмига (Шимолий Орол) ҳар йили 400 миллион кубометр сув жўнатилган бўлса, жорий йилда деярли бир миллиард куб метр етказиб берилган.

Йил охиригача яна ярим миллиард кубометр етказиб бериш режалаштирилган.

– Айни пайтда Шимолий Оролдаги сув ҳажми 22 миллиард куб метрни ташкил этмоқда. – дейди Қозоғистон Республикаси Орол-Сирдарё ҳавза инспекцияси бошлиғи ўринбосари Зейнолла Казтўганов. – Бунинг эвазига балиқчилар йилига аввалги 400 тонна ўрнига, 8 минг тонна балиқ овлаш имконига эга бўлишади.

«Сув келиши билан балиқ жонланди. Орол денгизи даражасини ҳозирги даражада ушлаб турсак, балиқчилик ривожланади». – дейди 76 ёшли балиқчи Кунтуган Турганбоев.

Маълумот учун: Шимолий Орол — Қозоғистоннинг Қизилорда вилоятидаги шўр кўл, бўлинган Орол денгизининг шимолий қисми, Сирдарёдан сув олади. У 1987 йилда Орол денгизининг қуриши натижасида вужудга келган.

👉 @r_kusherbayev

Rasul Kusherbayev

10 October 2024 11:01

❗️Хотини қиз туғса "мусор яшик"ка ташламоқчи бўлган тик токерга жиноят иши қўзғатилди

Нишон туманилик тик-токер Сардор Гангстерга нисбатан Жиноят кодексининг 140-моддаси 2-қисми билан жиноят иши қўзғатилди.

"Мен қиз фарзанд кўрмайман, агар хотиним қиз туғса мусор яшикка ташлаб юбораман"- деб чиққан эди Сардор Гангстер.

Тик токерчи қилган ишидан пушаймонлигини билдириб, кечирим ҳам сўраган.

👉 @r_kusherbayev

Rasul Kusherbayev

10 October 2024 09:19

Сайловолди дебатлар мамлакатимизда муҳим сиёсий жараёнларнинг ажралмас қисмига айланиб улгурди. Кўплаб номзодлар ва партия вакиллари ўз ғоялари ва дастурларини қизғин баҳсларда тақдим қилишяпти.

Сиёсат билан бир қаторда иқтисодиёт ва тадбиркорлик соҳалари ҳам эътибордан четда қолмаяпти. 11 октябрь куни соат 17:00 да Дебат холл’да иқтисодиёт ва тадбиркорлик мавзусидаги янги жонли теледебат ўтказилади. Уни ўзбек тилида UzReport, Sevimli, RTV, MY5, ZoʻrTV каналлари орқали кузатиш мумкин.

Шунингдек, рус тилидаги эфирни Dunyo бўйлаб, инглиз тилида эса Foreign languages канали орқали томоша қилиш мумкин. Бундан ташқари, Халқаро пресс клубнинг ижтимоий тармоқлардаги саҳифаларида ҳам эфирни томоша қилиш мумкин.

#sаylоv24
👉 @r_kusherbayev

Rasul Kusherbayev

09 October 2024 14:27

❗️Қўлда терилган пахта нархи 2500 сўм этиб белгиланди

Ҳукумат томонидан бугундан бошлаб қўлда терилган 1 кг. пахта учун 2500 сўмдан тўлаш белгиланди.

Бунда 2000 сўми кредит, 500 сўми эса кластер корхонаси ҳисобидан тўланади.

👉 @r_kusherbayev

Rasul Kusherbayev

09 October 2024 11:39

Қайта тикланадиган энергия манбаларини ривожлантиришга қаратилган "яшил энергетика" стратегиясини ишлаб чиқамиз — Экопартия

Ўзбекистон Экологик партияси "Табиат учун бирлашайлик" шиорини илгари суради. Партия ҳар бир инсоннинг соғлом атроф-муҳитга эга бўлиши, тоза ҳаводан нафас олиши ҳамда тоза ичимлик суви, хавфсиз ва экологик тоза озиқ-овқат истеъмол қилиши ҳозирдан амалий чоралар кўришга эътибор қаратяпти.

Шунингдек, партия дастурида қайта тикланувчи энергия манбаларининг электр энергиясини ишлаб чиқаришдаги 15% улушини 2030 йилгача камида 40% га олиб чиқиш илгари сурилган. Бу кўрсатгичга эришиш учун эса ҳар йили 25 млрд.м3 табиий газни тежаш, атмосферага зарарли ташланмаларни 34 млн тоннага қисқартириш керак.

Шахсан мен ҳам яшил олам тарафдориман. Кўз олдимизда намоён бўлаётган экологик муаммоларга ечим бериш вақти келди.

#saylov24
@r_kusherbayev

Rasul Kusherbayev

09 October 2024 07:10

Диққат: Одил суд ишига аралашув!

Жамоатчилик фаоли, адвокат Абдумалик Абдуллаевнинг билдиришича, “Долзарб 40 кунлик” тадбирида қўлга олинганлардан айримларига нисбатан бўлган жиноят иши бўйича жабрланувчи маълум қилишича, судда сўроқ беришидан олдин уни Тошкент шаҳар ИИББ да бошқарма ходими томонидан "тор доирада"ги суҳбатдан ўтказилган ва унга дастлабки терговда берган кўрсатувларини судда ҳам такрорлаб бериши кераклиги уқтирилмоқда.

Бу амалдаги қонунларга зид ҳаракат. Хусусан, ЖПКнинг 88-моддаси 2-қисми 8-бандига кўра, мазмунан кўриб чиқиш учун судга юборилган жиноят иши доирасида процесс иштирокчиларини суриштирув ва дастлабки тергов органлари ходимлари томонидан ҳуқуқни муҳофаза қилувчи органларга чақириш ва (ёки) сўроқ қилиш тақиқланган.

☝️Қизиқ: очиқ суд жараёнини ёритгани учун журналистларга чора кўрадиган суд тизими бу вазиятга ҳам чора кўрармикан ё билмаганга олиб, жим кутазишда давом этармикан?

👉 @r_kusherbayev

Rasul Kusherbayev

08 October 2024 16:50

Ҳаммаёқ "Ҳурматистон"!

Мени депутатлик вақтимда Тошкент шаҳар фуқаролик судида судга салом бермадинг, дея суд раиси турғизиб қўйиб танбеҳ берганди.

Бугун эса талаба "зам декан"га салом бермагани учун унга тушунтириш хати ёздиришибди.

Қизиқ: ҳаммаёқ" Ҳурматистон"!

👉 @r_kusherbayev

Rasul Kusherbayev

08 October 2024 13:33

❗️Яна бир хусусий олийгоҳ лицензиясини бекор қилиш рад этилди

Олий таълим, фан ва инновациялар вазирлиги Ижтимоий ва сиёсий фанлар институти лицензиясини бекор қилиш бўйича киритган даъво аризаси рад этилган.

☝️Сўнгги вақтларда судлар томонидан хусусий ОТМлар лицензияни бекор қилиш бўйича даъволар рад этилмоқда. Бу томонлар келтирган важларни тўлиқ ва холисона ўрганиш натижаси, деб ҳисоблаймиз.

👉 @yoshziyokor

Rasul Kusherbayev

08 October 2024 09:31

❗️Рамзан Қодиров Россияда миграция сиёсати кескинлашганини танқид қилди

«Кимдир қасддан Россияни қўшни қардош минтақаларга қарши қўяётгандек туюлади. Дуч келган хорижликка худди қутургандек ташланишмоқда, миграция сиёсати бундай жирканч тарзда ўзгартирилмаслиги керак. Улар такаллуфсиз ҳибсга олинмоқда ва охирги пайтларда бу воқеалар жуда шафқатсиз тусга кирган», демоқда Қодиров.

Унинг сўзларига кўра, «муҳокама қилинаётган муаммони» мигрантларни оммавий ҳайдаб чиқариш йўли билан ҳал қилиб бўлмайди. Ва бу муаммо Россияга келаётган одамларнинг айби билан эмас, балки «бир пайтлар миграция сиёсатини юритиши керак бўлганларнинг бепарволиги, ўз ваколатлари доирасидаги муаммоларни ҳал қилолмаслиги ва ҳар қандай кескин жараёнларга зудлик билан жавоб бера олмаслиги туфайли юзага келган.

Қодировнинг айтишича, Россия расмийлари «мигрантларга нисбатан нафрат уйғотиш» билан ҳеч нарсага эриша олмайди. Чеченистон раҳбари «миграция назоратининг ваколатли тизимини яратиш, бу соҳада тўғри сиёсат қуришни» таклиф қилди.

«Мен бу ўрта аср ёндашувларидан воз кечиб, муаммони мақсадли ҳал қилиш устида ишлашни сўрайман. Асосийси, мигрантлар орасида қонунбузарлар ҳам борлигини, қонунни ҳурмат қилувчилар ҳам борлигини тушуниш керак. Айтганча, иккинчиси анча кўп ва бу муҳим. Майли, биз бугунги мигрантларни тўлиқ таъқиблар ва тозалашлар орқали ҳайдаб чиқарамиз, лекин эртага бошқа давлатлардан бошқалар келади ва улар яхшироқ бўлишига ким кафолат беради?» деб хулоса қилди у.

☝️Дарҳақиқат, сўнгги вақтларда Россия сиёсатчилари томонидан Россиядаги барча муаммолар учун мигрантларни айбдор қилиб кўрсатиш кампанияси авж олди.

👉 @r_kusherbayev

Rasul Kusherbayev

08 October 2024 08:23

Автомобилнинг навбатдаги қурбони

Жорий йилнинг 8 октябр куни соат таҳминан 00:05 ларда Олмалиқ шаҳар, А.Темур кўчасида, ҳайдовчи 2005 йилда туғилган О.Ш “Нексия-3” русумли транспорт воситасини бошқариб кетаётиб пиёдалар ўтиш жойидан йўлни кесиб ўтаётган пиёда 1974 йилда туғилган У.А.ни уриб юборган. Натижада пиёда воқеа жойида вафот этган.

Инсон қадри автомобил қадридан паст Ўзбекистон йўлларида пиёдаларнинг ўлими фаол давом этмоқда.

👉 @r_kusherbayev

Rasul Kusherbayev

08 October 2024 07:13

#taklif

Иқтисодий судларда ҳам сиртдан иш кўриш тизимини жорий қилиш керак.

Фуқаролик судларида ишни сиртдан кўриш деган амалиёт бор ва бу ФПКнинг 280-292-моддаларида кўрсатилган. Агар суд томонидан расман хабардор қилинганидан кейин ҳам, жавобгар тараф (яъни даъвогар томонидан судга берилган шахс) узрли сабабларсиз судга келмаса, суд ишни унинг иштирокисиз, яъни сиртдан кўриб ҳал қилув қарори чиқариши мумкин.

Иш сиртдан кўрилганда, жавобгарга қарши қарор чиқиш эҳтимоли жуда юқори бўлади, негаки, у судда қатнашмаганидан кейин, табиийки ўзини ҳимоя қилолмайди ва керакли далилларни тақдим этолмайди. Демак, ўз-ўзидан судда ютқазиши мумкин у.

Бироқ, жавобгарда шундай ҳуқуқ борки, у сиртдан чиқарилган суд қарорини олганидан кейин, 15 кун ичида шу суднинг ўзига ишни қайта кўриб чиқиш ҳақида ариза берса, сиртдан чиқарилган қарор бекор қилинадида, иш қайтадан унинг иштирокида кўрилади. Бунинг учун у аризасида нима учун олдинги судга келолмаганлигини узрли сабаблари билан асослаб кўрсатиб бериши керак.

Мана, мана шу нарса аслида жавобгар тарафи учун қулайлик. Негаки, у овора бўлиб, ёки ортиқча пул тўлаб ўзига қарши сиртдан чиқарилган суд қарори устидан юқори судга шикоят киритиб ўтирмайдида, тезкорлик билан шу суднинг ўзига ариза бериб қўя қолади. Иш юқори судга шикоятга киритганга нисбатан 2 баробар осон ва арзон кечади шунда.

Биз худди шу амалиётни иқтисодий судларда ҳам жорий этиш лозим деб ҳисоблаймиз.

Чунки, ҳозирги кунда иқтисодий судлар жавобгар (қарздор) томон хабардор қилинган бўлса бўлди, ишни унинг иштирокисиз мазмунан кўриб ташламоқда. Нимага келмади, узрли сабаблар борми қизиқиб ҳам ўтирмаяпти. Иқтисодий судларда тарафлар одатда юридик шахслар ва тадбиркорлар бўлади. Иш тадбиркорнинг иштирокисиз кўрилганда, одатда, унинг зарарига қарор чиқади. Бундай ҳолларда тадбиркорнинг биттаю битта йўли – юқори судга катта-катта миқдорда давлат божи тўлаб, шикоят киритиши керак бўляпти. Иқтисодий судларда давлат божи қанча бўлишини билсангиз керак. Бечора тадбиркор яна ўн миллионлаб суммалар тўлаши керак судга. Шароити йўқлари шундоқ қолиб кетаверади, баттар банкрот бўлиб.

▪️Агар иқтисодий судларда ҳам ишни сиртдан кўриш амалиёти жорий қилинса, қарама-қарши томон, масалан, жавобгар сифатида қатнашган тадбиркор ҳам худди фуқаролик судларидаги каби, 15 ёки 20 кунлик муддатда шу суднинг ўзига ишни қайта кўриш ҳақида ариза беради.

▪️Агар тадбиркор дастлабки судда иштирок эта олмаганлиги узрли сабаблар билан боғлиқ эканлигини исботлаб берса, суд ўзининг чиқарган биринчи қарорини бекор қилади ва ишни қайтадан барча тарафлар иштирокида ўзаро тортишув принциплари асосида кўриб чиқади. Ҳақиқий адолат бўлади шунда.

Бунинг учун Иқтисодий процессуал кодексига зарурий қўшимчаларни киритиш керак бўлади.

Умид қиламизки, қонунчилик ташаббусига алоқадор мутасаддилар ушбу таклифимизни албатта кўриб чиқади.

Саидали Мухторалиев

👉@yuristkadr

Rasul Kusherbayev

07 October 2024 16:23

Экопартия маҳаллаларда кичик ва маҳаллий яшил боғлар ташкил қилмоқчи

Ўзбекистон Экологик партияси сайловолди дастур ва лойиҳалари жамоатчиликка таништириш мақсадида видеоролик тайёрлабди.

Видеода партиянинг келгусидаги вазифалари ва мақсадлари кўрсатилган. Жумладан:

➡️ барча вилоят ва туманларда яшил майдон ҳамда дарахтзорларнинг яшил кадастрини ишлаб чиқиш;
➡️ шаҳарларда бино ва кўп қаватли уйлар қурилишини мажбурий тартибда жамоатчилик муҳокамасидан ўтказиш мехонизмларини қонунда аниқ белгилаш;
➡️ экологик тоза шаҳар ва аҳоли яшаш пунктини яратиш бўйича давлат дастурини қабул қилиш каби лойиҳалар амалга оширилиши режа қилинган.

#saylov24
@r_kusherbayev

Rasul Kusherbayev

07 October 2024 12:33

BYD YUAN UP энди Ўзбекистонда: Шаҳарларда ҳаракатланиш учун мос замонавий электр SUV

BYD YUAN UP моделининг тантанали тақдимот маросими шу йилнинг 16-октябрь куни Тошкент шаҳридаги CАEх кўргазмалар залида бўлиб ўтади.
Бу модел Ўзбекистонда фақат премиум “401KM FLAGSHIP” вариантида сотувга чиқарилиши кутилмоқда.
177 от кучи, 290 Nm айланиш лаҳзаси ва 0 дан 100 км/соатгача тезланиши 7.9 сония   бўлган YUAN UP  ҳайдовчиларга ҳаяжонли ва тезкор бошқарув тажрибасини кафолатлайди.
Унинг нархи расмий тақдимот маросимида эълон қилинади.

Маълумотлар учун:
•  Расмий ишонч рақами: 1811
•  Веб-сайт: https://bydauto.uz
•  Instagram: @bydauto.uz
•  Facebook: @bydauto.uz
•  Telegram: /channel/bydautouz

Реклама

Rasul Kusherbayev

07 October 2024 06:44

Ким билан гаплашмай ҳоким бўлиш бугун орзу қилинадиган лавозим эмаслиги ҳақида айтади. Ўзимни фикрим ҳам шундай: ҳозир ҳокимлик иши ўзи нимадан иборатлигини англаш қийин.

Бироқ Жамшид Акбаров ҳоким бўлиш орзусидан қайтмаган. У буни чиқишларида ҳам бот-бот такрорламоқда:

Мен хокимман бўлажак,
Мақсадимдан чекиниш йўқ.

👉 @r_kusherbayev

Rasul Kusherbayev

06 October 2024 06:56

Бугун Қозоғистонда АЭС қурилиши бўйича референдум ўтказилмоқда

Референдум ююллетенда фақат битта савол бўлади:

Сиз Қозоғистонда атом электр станциясининг қурилишига розимисиз?

Унга "Ҳа, розиман" ёки
"Йўқ, рози эмасман" деб жавоб бериш мумкин.

Агар сайловчиларнинг 50% дан ортиғи иштирок этса, референдум ўтган ҳисобланади.

Аммо маълумотларга кўра, референдумга тайёргарлик жараёнида "АЭСга йўқ" деган тарғибот амалга оширишга имкон қолдирилмаган.

Холис деб ҳисобланилган Orda нашри ҳам АЭС қурилишига қарши турганларни ёмонотлиқ қилувчи кампанияга қўшилди. Экспертлар фикри дея интервьюлар орқали АЭС қурилиши муқобили йўқ вариант, дея дастакланди.

АЭС қурилиши бўйича ўқувчилар фикрини ўрганмоқчи бўлган нашр устидан маҳкама ўтказилиб, жаримага тортилди.

Референдум олдидан АЭС қурилишига қарши турган қатор фаоллар қамоққа олинмоқда.

Референдум натижалари етти кун ичида эълон қилинади.​​​​​​​​​​​​​​​

👉 @r_kusherbayev

Rasul Kusherbayev

10 October 2024 12:39

❗️Бензин нархи қимматламоқда

Биржа савдоларида АИ-80 бензиннинг тоннаси 78,1 минг сўмга қимматлаб, 9 миллион 726 минг сўмга чиққан.

Бир йил аввал АИ-80 бензиннинг тоннаси ўртача 7 миллион 228 минг сўмдан сотилган. Яъни, бир йил давомида мазкур маркадаги бензиннинг нархи 35 фоизга қимматлашган.

👉 @r_kusherbayev

Rasul Kusherbayev

10 October 2024 10:06

Zeekr Россия ва Қозоғистонга норасмий олиб кирилган автомобилларни ўчириб қўймоқчи

Zeekr бундай баёнотни жорий йилнинг ёзида берган ва 24 июлдан кейин Хитой ташқарисида фаоллаштирилган аккаунтлар блок қилиниши ҳақида огоҳлантирганди. Бу бутун дунёдаги автомобилларга тегишли.

Масалан, АҚШга хусусий равишда, яъни Хитой томони наздида норасмий равишда олиб келинган машиналар талайгина. Норасмий ҳисобланиши сабаби, улар расмий равишда фақат Хитойда сотилади. Хитойдан ташқари бозорлар учун ишлаб чиқарилган Zeekr автомобилининг ўзи мавжуд эмас ва расмий сотувлар ҳам йўқ. Яқин орада бўлиш эҳтимоли ҳам жуда паст. Сабаби АҚШ яқиндагина Хитойда ишлаб чиқарилган электро/гибрид автомобиллар импортига 100%лик бож белгилади. Бунинг устига ўз ҳудудида хитойликларнинг автомобиллар учун мўлжалланган дастурий таъминотларидан АҚШ ҳудудида фойдаланишни тақилади.

Эътиборлиси, Zeekr’нинг бундай сиёсатини бошқа хитойлик ишлаб чиқарувчилар ҳам қўллаб-қувватлашмоқда. Уларнинг мутлақо кўпчилиги Хитойдан ташқарида расмий сотувларга эга эмас (жумладан, ўша машҳур VOYAH, LIXIANG ва бошқалар). Ва бу ишларнинг барчаси ўтган йили кўплаб хитойлик ишлаб чиқарувчилар ўз автомобиллар учун алоҳида инглиз тилидаги дастурий таъминотни яратганларига қарамай содир бўлмоқда.

Аслини олганда, фақатгина фаоллаштирилган аккаунтга эга автомобилларга қандайдир муаммо яратиш (блоклаб қўйиш) мумкин. Бундай автомобил серверда кўринади. Одатда улар Хитой мобил рақамлари билан фаоллаштирилади, кейин аккаунт билан манипуляциялар, кичик созламалар амалга оширилади (автомобил эгаси ўзгартирилади), дастурий таъминоти русчалаштирилади (агар Россия ва Марказий Осиё мисолида оладиган бўлсак), кейин эса аккаунт ўчирилади/музлатилади/фойдаланувчи томонидан блокланади ёки шунчаки воз кечилади.

Фаоллаштирилмаган аккаунт серверда кўринмагани туфайли, у билан ҳеч нарса қилиб бўлмайди. Бундай автомобил эгаси дастурий таъминот янгиланишлари ва бошқалардан онгли равишда воз кечишига тўғри келади. Фақат шу шарт билан электрокарни аккаунтсиз ҳайдаб юриш мумкин. Бугунга келиб бошқа компаниялар ҳам норасмий импортни чеклашни режалаштираётганини ҳисобга олсак, бундан буён норасмий электромобилларни сотиб олишда рисклар ортиб бораверади.

👉 @r_kusherbayev

Rasul Kusherbayev

09 October 2024 16:49

Расмий баёнот

Бош прокуратура томонидан прокуратура органларида коррупцияга қарши курашиш, тизимни нопок ходимлардан тозалаш борасида барча зарур чоралар кўрилмоқда.

Бунда энг аввало, ходимлар ўртасида ножўя ва номуносиб хатти-ҳаракатларнинг олдини олиш, шу билан бирга коррупцияга йўл қўйган ходимларни аниқлаш ҳамда уларга нисбатан қаътий чоралар кўришга эътибор қаратилмоқда.

Хусусан, Бош прокуратура ва бошқа ҳуқуқни муҳофаза қилувчи органлар билан ҳамкорликда фуқаро И.Х.нинг аризаси асосида тезкор тадбир ўтказилди.

Муаллиф аризасида Тошкент шаҳар Юнусобод тумани прокуратураси катта терговчиси Ш.Ш. томонидан “B.H.” МЧЖ мансабдор шахсларига нисбатан бўлган жиноят ишини унинг фойдасига ижобий ҳал қилиш учун пул маблағлари талаб қилганлигини маълум қилиб, унга нисбатан қонуний чора кўришни сўраган.

Ушбу ариза асосида жорий йилнинг 7 октябрь куни ўтказилган тезкор тадбир давомида, Ш.Ш. ариза муаллифидан келишилган 40 минг АҚШ долларини олиб, жиноий таъқибдан қутулиш мақсадида номаълум томонга яширинган (40 минг АҚШ доллари ашёвий далил сифатида расмийлаштириб  олинган).

Мазкур ҳолат юзасидан Бош прокуратура томонидан Ш.Ш.га нисбатан Жиноят кодексининг 210-моддаси 3-қисми "а" банди (Пора олиш) билан жиноят иши қўзғатилди.

Айбланувчига нисбатан сиртдан “қамоққа олиш” тарзидаги эҳтиёт чораси қўлланилиб, унга нисбатан қидирув эълон қилинди.

Бу борадаги ишлар давом эттирилмоқда.

Бош прокуратура

👉 @r_kusherbayev

Rasul Kusherbayev

09 October 2024 12:45

Терговчи порани олиш жараёнида воқеа жойидан қочиб кетган

Инсайдерларга кўра, куни кеча Тошкент шаҳар Юнусобод тумани прокуратураси терговчиси Ш. га нисбатан тезкор-қидирув тадбири ўтказилган.

Тадбирда прокуратура терговчиси 40.000 АҚШ долларини олиш жараёнида воқеа жойидан қочиб кетган.

Айни пайтда мазкур ҳолат бўйича жиноят иши қўзғатилганми ёки терговчи ушланганми йўқми номаълум.

Умид қиламизки, коррупцияга қарши муросасиз курашаётган Бош прокуратура ҳолат бўйича расмий баёнот беради.

☝️Афсуски сўнгги вақтларда Юнусобод тумани прокуратураси ва прокуроридан норозилар кўпайиб бормоқда. Айниқса тадбиркорлар жиддий норози.

👉 @r_kusherbayev

Rasul Kusherbayev

09 October 2024 09:00

Таёқ яна ўқитувчилар бошида синадими?

Сентябрь учун ойлик маошини тўлиқ олишга улгурмаган ўқитувчилар энди пахтага одам топишга мажбурланаётгани айтилмоқда.

Ота-оналар чиқиб беряпти экан.

Тошкент вилояти пахта далаларида аҳвол яхшимаслигини оддий одамлар ҳам кўриб турибди.

Айниқса, Қуйи Чирчиқ туманида кластер эккан пахта далаларининг кўпи шу ҳолича ётибди. Ўтган йили пахта териб, пулини ололмаганлар бу йилги теримга чиқишни исташмаяпти.

Аттанг: қишлоқ хўжалиги соҳасида орқага кетаяпмиз шекилли.

👉 @r_kusherbayev

Rasul Kusherbayev

09 October 2024 05:40

❗️Энергетика вазирлигига мурожаат қилганларнинг 31 таси қуёш панели ўрнатишга мажбурланган

Билдирилишича, 7 октябрь куннинг иккинчи қисмидан бошлаб, вазир қабулхонасининг +998712311441 рақамига 8 октябрь соат 20:30 га қадар вазирлик қабулхонасига жами 1232 та қўнғироқ бўлган.

Уларнинг 131 тасига жавоб берилган. Шундан 31 та қўнғироқ қуёш панели ўрнатишга мажбурланаётганини айтган фуқаролардан тушган бўлиб, уларнинг 14 таси бу ҳодиса бир неча кун аввал бўлганини билдирган.

Уларнинг 6 нафари Энергетика вазирлигининг “Қуёш панелига мажбурлаш йўқ” номли материалини асос қилиб, бугунги кунда электр энергиясини ёқтириб олишганини маълум қилган, 8 нафар мурожаатчи эса қуёш панели қўйганини, бугунги кунда электр энергияси мавжудлигини, аммо бунга мажбурланганидан норозилигини айтган.

17 та қўнғироқ эгаси бугунги кунда бу борада реал муаммога эга эканлигини маълум қилган. Вазирлик ушбу мурожаатларни ўрганиб, қуёш панели ўрнатмагани учун электр энергиясидан узиб қўйилган тадбиркорларнинг электр энергиясини улатган.

Икки кун мобайнида Тошкентнинг Сергели, Яшнобод, Юнусобод ҳамда Бектемир туманлари, Сирдарёнинг Боёвут, Сурхондарёнинг Бандихон, Фарғонанинг Бувайда, Тошкент вилоятининг Қуйи Чирчиқ туманларидаги бир қатор тадбиркорлар электр энергиясига қайта уланди.

Шу боис, вазирлик 9 октябрдан бошлаб мурожаатлар қўшимча +99871-231-16-61 (ички 7046, 7037 ва 7057) рақамлари орқали ҳам қабул қилинишини билдирилган.

☝️Аслини олганда биз муаммо атрофида айланиб юрибмиз. Муаммо боши эса бошқа ёқда.

Балки прокурорлар тўхтаб, ўз ишлари билан шуғулланишни бошлашар. Тадбиркорлар етарлича синди, миссия бажарилди. Медал ва юлдузлар албатта берилади.

#мажбурийқуёшпанелитадбиркорликзаволи

👉 @r_kusherbayev

Rasul Kusherbayev

08 October 2024 13:45

Аҳоли бандлигини таъминлаш бўйича сохтакорликлар давом этмоқда.

Навбат Миришкор туманига.

Rasul Kusherbayev

08 October 2024 11:33

⚠️ Телефон рақамга менинг номимга бир нечта кредит расмийлаштирилгани тўғрисида смс хабарнома келди. Фирибгарликнинг олдини олиш учун нима қилиш керак? Кибержиноятдан ҳимояланиш чораси борми?

❤️ Бор! "Кредит-ахборот таҳлилий маркази" кредит бюроси томонидан "Freeze" хизмати ишга туширилди.

📱 Бунинг учун, Кредит-ахборот таҳлилий маркази портали орқали «FREEZE» хизматини фаоллаштириб қўйиш керак.

❌ Мазкур хизматни ёқиб қўйсангиз, ҳечким сизнинг кредит тарихингиз билан боғлиқ маълумотларингизни бюродан ололмайди.

🚫 Натижада кредит ташкилотлари сизнинг кредит тарихингизни ўргана олмайди ва кредит ажратиш имконсиз бўлиб қолади.

➡️ Хизматни қандай ёқиш бўйича видеоқўлланма.

Мазкур хизмат 2025 йил 1 январига қадар бепул кўрсатилади.

Rasul Kusherbayev

08 October 2024 08:50

🛒 Katta va barakali xaridlar sizni kutmoqda!

Yangilangan Opencard ilovasi orqali uydan turib, 2 daqiqa ichida 75 million so'mgacha limit oling!

- Boshlang'ich to'lovsiz;
- Keng hamkorlar tarmog'i;
- Tezkor rasmiylashtirish.

📲Ilovamizni yuklab oling:
App Store | Google Play

📞71-200-15-45

Rasul Kusherbayev

08 October 2024 07:29

❗️Мобил алоқа компаниялари огоҳлантирилмоқда

Рақобат қўмитасига 2024 йилнинг 9 ойи давомида телекоммуникaция хизматлари бўйича 2 мингга яқин мурожаатлар келиб тушган бўлиб, уларни ўрганиш натижасида ортиқча олинган (ҳисобланган) 115 млн сўм маблағ истеъмолчиларга қайтарилган.

Мурожаатларда алоқа сифати пастлиги, ҳисоб-китобларнинг нотўғри юритилиши ва ортиқча қарздорлик ҳисобланиши, абонент розилигисиз қўшимча хизматларга ҳамда реклама мақсадидаги SMS хабарларга, шу жумладан пуллик контент хизматларга улаб қўйиш, қўшимча молиявий ва савдо хизматлари кўрсатишда шартнома шартларини ва товар етказиб бериш муддатларини бузиш, хизмат нархлари ва тариф шартларини ошиши каби муаммолар билдирилган.

Шу боис, Рақобат қўмитаси телекоммуникaция хизматлари кўрсатувчи субъектлар, шу жумладан, мобил алоқа операторларини истеъмолчилар ҳуқуқларини бузмаслик борасида қатъий огоҳлантирган.

Манба

Rasul Kusherbayev

08 October 2024 06:50

❗️Россия президенти Владимир Путин 72 ёшни қарши олди

Россия Президенти Владимир Путин 7 октябрь куни 72 ёшга тўлди.

Шу билан бирга 7-8 октябрь кунлари Россиянинг Москва шаҳрида МДҲ Давлат раҳбарлари кенгашининг навбатдаги мажлиси бўлиб ўтмоқда.

Саммитда хавфсизлик, юқори технологиялар, савдо-иқтисодий ва маданий-гуманитар ҳамкорликка оид масалаларни кўриб чиқиши кутилмоқда.

Бундан ташқари, МДҲ давлатлари раҳбарларининг норасмий мулоқоти ҳам киритилган, дея хабар бермоқда манбалар.

👉 @r_kusherbayev

Rasul Kusherbayev

07 October 2024 13:47

Қуёш панели ўрнатишга мажбурлаганга чора кўрилади — Энергетика вазири

Энергетика вазири Жўрабек Мирзамаҳмудов қуёш панели ўрнатишга мажбурлаган, электр энергиясини узиб қўйганларга чора кўрилишини айтмоқда.

Вазирга кўра, агар кимдир шундай ҳолатга дуч келса, шахсан Энергетика вазирининг қабулхонасига қўнғироқ қилиши мумкин.

Ҳар эҳтимолга қарши Энергетика вазири қабулхонасининг телефон рақами: +99871-231-14-41

👉 @r_kusherbayev

Rasul Kusherbayev

07 October 2024 08:12

Қозоғистонда АЭС қурилиши бўйича референдумнинг экзитпол натижалари

Қозоғистонда атом электр станциялари қурилиши бўйича референдумда ўтказилган экзитпол натижалари эълон қилинди.

✅ «Социс-А» ижтимоий тадқиқотлар институтининг «эхит-полл» натижалари қуйидагича:

фуқароларнинг 69,8 фоизи ёқлаб, 30,2 фоизи қарши овоз берди.

✅ Партиянинг Жамоат сиёсати институти томонидан ўтказилган «экзитпол» натижалари қуйидагича тақсимланди:

фуқароларнинг 72,3 фоизи ёқлаб, 27,7 фоизи қарши овоз берди.

Маълумот учун: Экзитпол бу социологик хизматлар томонидан фуқароларни овоз беришдан кейин сайлов участкаларидан чиқишда сўров ўтказиш тартиби.

👉 @r_kusherbayev

Rasul Kusherbayev

06 October 2024 13:57

Энергетика вазири Жўрабек Мирзамаҳмудов АЭС — дунёдаги энг хавфсиз технологиялардан бири эканлигини айтмоқда.

Аммо бугун дунё АЭСдан чиқадиган чиқиндиларни нима қилиш ташвиши билан яшамоқда. Ўзиданда қимматга тушадиган АЭС чиқиндисини нима қиламиз? Бунга ёлғон аралашмаган аниқ жавоб бормикан?

👉 @r_kusherbayev

Rasul Kusherbayev

06 October 2024 06:44

Siz suratda ko'rib turgan Zilyayeva Nodira opa 1982-yilda tug'ilgan. Namangan viloyatida yashaydi. U 2017-yildan buyon surunkali jigar yetishmovchiligi (jigar serroz) kasalligidan aziyat chekadi. Nodira opaning 3 nafar farzandi bor. 2 nafari voyaga yetmagan. Afsuski, turmush o'rtog'i ham xuddi shu kasallik bilan 2016-yilda vafot etgan.

Opadagi kasallik hozir so'nggi bosqichda. Uning hayotini saqlab qolish uchun esa Hindistonda jigar ko'chirib o'tkazish amaliyotini shoshilinch o'tkazish zarur. Bu amaliyotni o'tkazish uchun siz kabi sahovatpesha yurtdoshlarimiz yordami juda zarur. Opaning hayotini saqlab qolish va bir oilaga quvonch ulashish uchun qo'limizdan kelgancha yordam beraylik.

Karta raqam qizlarining nomida.

9860080190986192
Gulhayo Xoshimova

Bog'lanish uchun Gulhayo Xoshimova (bemorning qizi)

☎️ +998911809007
☎️ +998913521137

P.S. Oilani shaxsan taniyman. Opa Toshkentga kelib davolanib yurgan paytlarda ham bir necha bor ahvolidan xabar olgandim. Shifokorlar bilan gaplashganman. Ularning aytishicha, fursat juda oz qolmoqda, Hindistonga tezroq ulgurish kerak... Donor opaning katta qizi. Do'stlar, imkoningiz yetgunicha yordam qiling. Oiladagi farzandlar ota mehriga to'ymay o'smoqda, onasiz ham qolishmasin.

@haqiqatdailyos