812
Jaslar awqamı Qaraqalpaqstan Respublikalıq Keńesi janında dúzilgen Jas dóretiwshiler klubınıń rásmiy kanalı
#поэзия
Көргизбе
Зерлериң, байығаның - көргизбе...
Тергениң-жыйғаның - көргизбе...
"Таң қалып қарасын ел бизге!"
Ҳәр демиң, ийманың - көргизбе...
Кешкениң, билгениң - көргизбе...
Ишкениң-жегениң - көргизбе...
Биз - турист, музей ме жер сизге!?
Бес күниң неге мың көргизбе?
Мүлкиң аз..! Тәғдириң - көргизбе...
Күлки-жас, жәбириң - көргизбе...
Ҳәттеки абырай гөр бизге,
Қулпы тас, қәбириң - көргизбе...
Бир басың таза мың көргизбе...
Бар ма шын садақаң?! Көргизбе...
Нәпсиңди рияға ергизбе!
Болмасын дозағың көргизбе!!!
Исмайылов Абдирашид
Жазылған сәне: 20.I.2024
@Poeziya_Abdirashit
#Тынышсыз_руўх_толғаныслары
Биринши қосық
Ақшам Ай, Жулдызға исенип келдим,
Умыттыралмады қараңғылықты.
Түнекте тынымсыз руўхыма ердим,
Умтылысы кеўлим ярым жарытты.
Гә жүрдим, жуўырдым, жете алмадым,
Адымым азайды... қәлеў сөнежақ
Қайсы тәғдир ҳәмри, қайсы таңлаўым,
Сәрсан руўхым қайсы жолдан жүрежақ?!
Жолдас излесе тек шайтан жолықты,
(Өз өзине шағым ислемес ол да!)
Азғырды, мәнзили мәкәнсыз шықты
Ҳәммеси өзгерди. Өзгерди жол да!
Аңлаў, аңламаслық арасатында
Үмиттен жүз бурған исеним сөнди.
Шексиз шегарада руўхым тутқында
Ерксиз... еркинликке ақыйры көнди.
Еркинлик - еркимниң шекленген жери
Гөззал Жумамуратова
Январь, 2024
@sheksizlikler
@QRJAS_DORETIWSHILER
Qutlıqlaw✨
Búgin dostımız, jas shayır Ábdirashit Smaylovdıń tuwılǵan kúni. Ómir hám dóretiwshilik jolında tabıslar tilep qalamız.
Sheksiz húrmet hám eń jaqsı tilekler menen:
Jas dóretiwshiler jámááti
Журналист Айжамал Жолдасбаева қайтыс болды
Журналист, Бюджеттен тыс пенсия қорының баспасөз хаткери сыпатында жумыс алып барған Айжамал Жолдасбаева 27 жасында қайтыс болды.
Қарақалпақстан хабар агентлигиниң жәмәәти журналис А.Жолдасбаеваның шаңарақ ағзаларына ҳәм жақынларына терең қайғырыў менен кеўил билдиремиз.
👉 Толық оқыў - https://kknews.uz/kk/178020.html
📲 Telegram| Instagram | Live | Sport|
Бірдеңе жазшы маған
Сенсіздікке қалайша сабыр қыламын?
Ауырды жаным, Аруым ауыр құладым.
Сағым бұлағым қайдасың табылшы маған,
Табылшы маған, табылшы сағындым жаным.
***
Қалің қалай жауап жазшы Аппағым?
Сағындырды суреттерің хаттарың.
Мен өзіңсің - құбыласыз тақуамын,
Мен өзіңсіз - тақтан тайған патшамын.
Үнсіздіктен керегі жоқ басқа әннің,
Сенсіздіктен бар бақыттан бос қалдым.
Мен өзіңсіз - ақ қары жоқ асқармын,
Мен өзіңсіз - ай күні жоқ аспанмын.
Сезім жайлы, өзің жайлы өлеңім,
Өлеңімде өртенеді көне мұң.
Мен өзіңсіз - жансыз жүрген денемін,
Мен өзіңсіз - құмда қалған кемемін.
Сағынышпен сырқаттанып жас жаным,
Өзің жайлы жыр жазуды бастадым.
Мен өзіңсіз - әуені жоқ таспамын.
Мен өзіңсіз - мен емеспін басқамын.
Өтіп кетпей мынау бес күн қас қағым,
Аппағым...
Сағындың ба,
Көңіліңді аш жаным?!
Мейрамбек Абдіқалиев
/channel/Meyrambek_poeziya
/channel/QRjas_doretiwshiler
Балалардың бирден-бир газетасы "Жеткиншек"ке жазылыў баҳалары қанша?
Сиз "Жеткиншек"ке жазылдыңыз ба?
@QRJas_doretiwshiler
Бахтыяр ГЕНЖЕМУРАТОВ
Шайыр, Өзбекистан Республикасына
хызмет көрсеткен мәденият хызметкери
ҚАР БАБАҒА ӨТИНИШ
Ҳәр Жаңа жыл мениң ушын сыр еди.
Қар Баба сен – илҳамшым ҳәм пир едиң.
Мен бахытлы болғайман, деп Тәңримнен
Ҳәм жыллардан тилек тилеп жүр едим...
Ҳәр Жаңа жыл Қар Баба Қар Қыз бенен ,
Аяз бенен, қарлар менен, муз бенен,
Жүрегиме Қыс, Бәҳәр, Жаз, Гүз бенен
Даўыллатып, жаўынлатып кирер едиң.
Жаслығымда қәлбим – Бәҳәр, гүл еди,
Жаз паслымда түсинигим түледи,
Айт, Қар Баба, Гүз қапымды қағып тур,
Меннен оған нелер еди кереги?...
Сен сақыйсаң, меҳрибансаң… Билемен,
Аямайсаң, орынлайсаң тилегин.
Бул дүньяда ким ол? Жақсы, жаман ба?...
Сорағаннан аямайсаң керегин.
Мың шүкир, Тәңримниң бергенлерине,
Ул-қыз, ақлық-шаўлық ергенлерине,
Несийбесин шөпшеп жүргенлерине,
Нурларға бөленер ғәрип жүрегим…
Саған жазылмаған хатлар қалмады,
Сеннен соралмаған затлар болмады.
Бирақ…, саған аз-кем кеўлим толмай тур,
Билесең бе, менлик тилек не еди?
Сеннен сорамайман машын, сарайды,
Сеннен сорамайман қуяшты, айды.
Бирақ, кешир, еки нәрсе сорайман,
Тилемейин десем, болмай тур енди…
Еки мың жыл өтти – дәўлет басыңда,
Гөззаллар гөззалы Қар Қызың қасыңда,
Мен бир қарақалпақ айтсам расымды:
Қар Қызды Қар Жигит – ерге бер енди…
Қар Қыз өз-өзинен болмаған шығар,
Жигитлик дәўран сеннен қалмаған шығар…
Қар Қызды басқа Ана туўмаған шығар?...
Қар Маманы елге алып кел енди!...
2023-жыл 31-декабрь
“Биринчи китобим” лойиҳаси доирасида чоп этилган 25 нафар ёш ижодкорларнинг 25 номдаги китоблари тантанали тақдимот маросимидан фотолар.
Муаллиф – Аҳмад Тўр
МОЙЫНЛАЎ
Өтмишти үйрениў Тарыйхтың иси,
Енди ол илимге араласпайман(!).
Ҳақыйқат излеген археологқа
Еликлеп, ҳақты қазбаламайман...
Өткенниң шынлығын өширип кеткен,
Жыллар самалына артады мийрим.
Қумдағы жазыўдай, суў жуўып кеткен,
Теңиз қырларында жатсын, өтмишим!
Бәрше яднамалар өртенсин, мейли,
Бәрше жылнамалар жыртылып кетсин!
Мың-мың жыллап жатқан еҳрамлар сырын
Иерогрифлер мейли мәңгиге жутсын…)
Умытылсын - Герадотлар барлығы,
Титаникте шөксин шынлық сандығы,
Кетсин Ганга дәрья астында ағып
Кимге керек өткен сөздиң ҳақлығы?!
...Ўақыт шеше бермес бәрҳа лайықты,
Жеңимпаз қылышы жазар тарийхты.
Тириликте қунын, қәдрин билмеген
Өлгеннен соң дәстан болған тәрийпи.
Шынлық емес шийша толған Шылпықтан*
Қай әўладың қәўип нәпесин уққан.
Бүгин жасамаған - ертең өлмейди
Бул дәрья бәрҳама бир жолдан аққан.
Сөз билген Гомердиң көзи көрмейди,
Ал адам өм(и)ринше шынлық излейди...
Қасарысқан бунда дүньяның кеми,
Тарыйхшы өледи, Тарийх өлмейди.
Гөззал Жумамуратова
Mart-dekabr, 2023
@QRJAS_DORETIWSHILER
Ассалаўма әлейкум, әдебиятсүйер қәўим!
Мине 2023-жыл жуўмақланыўына да санаўлы күнлер қалды. Усы мүнәсибет пенен Бердақ атындағы Қарақалпақ мәмлекетлик университетинде «Университет пидайысы»н анықлаў бойынша таңлаў өткерилмекте. Усы таңлаўда Наўайы атындағы мәмлекетлик стипендия ийеси, жас шайыр, достымыз Гөззал Жумамуратова «Медиа ҳәм журналистика тараўындағы жылдың ең белсенди студенти» номинациясына талабан сыпатында киргизилген.
😊 Биз сизден Гөззал Жумамуратоваға даўыс бериўиңизди соранамыз!
Даўыс бериў шәртлери оғада әпиўайы:
1) @universitet_pidayisi_bot мәнзилине кирип СТАРТ түймесин басасыз;
2) Көрсетилген үш каналға ағза болып, ТЕКСЕРИЎ түймесин басасыз;
3) «Медиа ҳәм журналистика тараўындағы жылдың ең белсенди студенти» бөлимине (изден баслап санағанда екинши) киресиз;
4) ҳәм Жумамуратова Гөззал Калмурат қызы түймесин басасыз.
Постымызды итибарсыз қалдырмайсыз деген үлкен үмит пенен «Жас дөретиўшилер»!
Алдын ала РАХМЕТ!
🌊
Алдар екен ол негиз,
Дәрья қылып дәмеңди,
Өмир екен бул - теңиз,
Шайқай берер кемеңди.
Ҳәтте самал болысып,
Топылады толқынлар,
Мейли, күшке толысып,
Аяўсыз-ақ жулқыңлар!
Еҳ, аяўсыз толқынлар...
Күлсе қуяш таң ерте,
Басар бултлар кешқурын,
Минезиң де дым ерке,
Көрмегенмен ҳеш бурын.
Жулқый берер ҳәр тәреп,
Қулатсам,- дер даўыллар,
Турған екен не қәлеп,
Жаўа берер жаўынлар,
Жуўа берер жаўынлар...
Қырсық, қайтпас болсаң да,
Бағынасаң ағысқа,
Сәл абайсыз қалсаң да,
Атып урар жағысқа.
Кемелер бар ҳеш теңсиз,
Не толқында ықпаған,
Я болмаса оларды-
Асаў толқын бул теңиз-
Сынамаған, жықпаған,
Жықсадағы ықпаған!...
Ашық айдын сынайды,
Бәлким, теңиз "Мәрт теңиз",
Кеме суўда жылайды,
Теңиз бәлким "Дәрт теңиз"!
Ығызады қай таман,
Сонда сапар шегемиз,
Мәнзил өзи қай-қайман?!
Әлбет, бир күн шөгемиз,
Узақ сапар шегемиз...
Перийзат Имаматдинова
Канал 👉 @Pikonay_05
Жаңа толқын, жаңа әдебият:
Ағза болың👉@QRJas_doretiwshiler
Архив######
Шыңғыз Айтматовтың тууылған күни
Түркий улды мəңгүрликтен оятып,
Сап ышқының булақларын қайнатып,
Өз хүжданын "жан ағаш"ға байлатып,
Тауларды қулатып кеткен Айтматов!
Бийсенбаев Қуандық
Болар
Ҳәрқашан өзге өзиңнен басқалар.
Исенгенлериң көзиңди жас қылар.
Ўақты жетип шешилгенде маскалар,
Танығаның қасқыр деп түлки болар.
Көрсеткиси келер ким тыртықларын!?
Тасалайды ҳәр бенде сыр тутқанын.
Сен алдынғы арбам деп пир тутқаның,
Қарасаң серлеп терис үлги болар.
Дүнья сур, аладан қуралған қурақ.
Қамасар көзлериң бир қара, бир ақ.
Жутып үлгергениң сеники, бирақ,
Шайнағаның өзгениң мүлки болар.
Гүбирлейсең: "Өмир, мени көндирдиң,
Ызғар отындай дыбыссыз сындырдың..!"
Ең соңында жетип келген бәндиргиң,
Күлки болар, шырағым, күлки болар...
Исмайылов Абдирашид
Жазылған сәне: 12.XII.2023
Сүўретте шептен оңға Оразбай Әбдирахманов, Базарбай Жолдасбаев ҳәм мен.
@Poeziya_Abdirashit
Қар. Көп үмит байлама оған,
Ол тәбият ушын арналған.
Өзиңе Сейсмограф таўып ал,
Ишиңде уйтқысын қар боран.
* * *
Қар. Алып келе алмайды барлық нәрсени,
Бирақ, алып кетеди, жуўады, тазалайды.
Жерди пәклеў ушын келгендей,
Есик алдында куйеў бала турады.
Қандай уйқаслық бар, Жаным Сәрбиназ.
Гирбиңди жуўыўға келгендей бул Қар.
Аппақ Қар астында ақ көйлек пенен,
Жаңа өмир, тиришилик басланар.
Айгүл Қосымбетова
11.12.2023 (9:34)
@sheginisten
Jaqsılıq izle...
Tuwrılıq izle...
Gózzallıq izle...
Biraq, ayıp izleme!
JaslarTV telekanalında Móldir tamshılar rubrikası
Baslawshı: Minara Qalbaeva
@Moldir_tamshilar
@QRJAS_DORETIWSHILER
#поэзия
Жалаңаш ҳақыйқат
Дүнья тарлық қылып тарға, кеңге де,
Әдалатты сатып атыр теңгеге.
Жеке меншик ҳәр кимниң өз шынлығы,
Бийшара ҳақыйқат - арзан деңгене..!
Кеўил, әлем - қуптан! Күн батып кеткен..,
Ким өз достын сатып, ким атып кеткен..,
Пүтин ҳақыйқатты аңсап шөллеме,
Ярым ҳақыйқатлар қымбатып кеткен.
Батырлар саймансыз, көликсиз қалған,
Алым зиясыз, ел биликсиз қалған..,
Бар кийимин жалған урлап кеткели,
Жалаңаш ҳақыйқат көриксиз қалған.
Гердейип гил пәслерди жыйып алып,
Сасық басын пасыққа ийип алып,
Саўлат төгип жалған жүр журтты алдап,
Ҳақыйқаттың кийимин кийип алып..!
Исмайылов Абдирашид
Жазылған сәне: 15.I.2024
@Poeziya_Abdirashit
#поэзия
Билип қой
Жолың не..?, Тилиң не!?
Гүлиң не..?, Күлиң не!?
Жүзиң не..?, Сезим не!?
Сөзиң не..?, Өзиң не!?
Гәпиң не..?, Мәпиң не!?
Атың не..?, Затың не!?
Көгиң не..?, Түбиң не!?
Кешең не..?, Бүгин не!?
Ишиң не..?, Тысың не!?
Асың не..?, Тасың не!?
Тириң не..?, Өлиң не!?
Басың не..?, Лашың не!?
Оңың не..?, Түсиң не!?
Жалған не..?, Расың не!?
Жоғың не..?, Барың не!?
Тоғың не..?, Ашың не!?
Дүньяға бир тийин,
Түсин я түсинбе..!!!
Исмайылов Абдирашид
Жазылған сәне: 7.I.2024
@Poeziya_Abdirashit
Есте сақта ең соңғы қатарды*
Кейде тарылып кетеді тынысым,
Құл болам өлеңсіз күн үшін.
(Бірақ ол жұмысым)
Кейде жап - жалғыз аралап түн ішін,
Жыр жазам...
Кім үшін?!
Кейде жол алғым келеді ОЛ жаққа,
Қайтемін сағынтса, аңсатса?
Таба алғым келеді амалын,
Жоғалғым келеді бір жаққа...
Кейде хат жазғым келеді жарылып,
Күманнан, күнадан арылып.
Кейде өлердей боламын сағынып,
Кетердей боламын жарылып...
Кейде жүремін жындыдай ой алаң,
Кейде сәт күтем тағдырдан аяған.
Түнде кешігіп ұйықтаймын себепсіз...
Және тым ерте оянам.
Кейде бір күйік кернейді денемді,
(Өзімнің құпиям ол енді...)
Кейде айтқым да келеді айқайлап,
"Сен маған керексің!" - дегенді.*
Сол сөзбен тоқтаттым өлеңді...
Мейрамбек Абдіқалиев
/channel/Meyrambek_poeziya
#Online_ushırasıw
✅Respublikalıq Balalar kitapxanası tárepinen Mektep oqıwshılarınıń qısqı dem alıs kúnlerin mazmunlı hám qızıqlı ótkeriw maqsetinde jazıwshı-shayırlar menen online ushırasıwlar shólkemlestirilmekte.
✅ Búgingi online ushırasıwımızda Berdaq atındaǵı Qaraqalpaq mámleketlik universiteti, Jurnalistika tálim baǵdarınıń, sırtqı bólim 5-kurs studenti . "Ózbekstan Jazıwshılar Awqamı" aǵzası Qazaqstan Respublikası "Dúnya talantlılar awqamı" nıń aǵzası. Qalbaeva Minara miyman boladı.
✅Online ushırasıw 2024-jıl 6-yanvar saat 11:30 da baslanadı.
✅Online ushırasıw Respublikalıq balalar kitapxanasınıń/channel/balalar_kitapxanasi rasmiy kanalında bolıp ótedi. Qatnasıw ushın silteme ústine basıń.
✅Online ushırasıwǵa bársheńizdi belsene qatnasıwǵa shaqırıp qalamız.
📶Respublikalıq balalar kitapxanası málimleme xızmeti
Telegram|Facebook|Instagram I You tube
#Anons
Nókis fm radiosında "Aqsham balladası" esittiriwi.
Hár háptenıń piyshembi kúnleri saat 20:00 den 22:00 ge deyin.
Túngi sezimlerińiz párwaz etken mánzil.
Baslawshı Minara Qalbaeva menen...
Esittiriwimizdiń birinshi bólimi jas dóretiwshi Gózzal Jumamuratova dóretiwshiligine arnaladı.
Doslaar 91 391 10 04 nomerine óz elektron xatlarıńızdı 21:00 den baslap telegramm mánzillerimizge jollasańız boladı.
Siz bizdi dúnyanıń qálegen ornınan internet sociallıq tarmaǵında Nukus.fm.uz saytı arqalı onlayn tıńlaw múmkinshiligine iyesiz.
@Moldir_tamshilar
"RADIO TÁNEPIS
Ózińiz haqqında ertek esittińiz be?
Onda aytıp bereyin...
Nókis-fm radiosında "Móldir tamshılar" rubrikası
Baslawshı: Minara Qalbaeva
Kanalǵa aǵza bolıw:👇
t.me/Moldir_tamshilar
ҚУТЛЫҚЛАЙМЫЗ👏👏👏
ДӨРЕТИЎШИЛИК ТАБЫС ТИЛЕЙМИЗ!!!
Шексиз ҳүрмет пенен
Жас дөретиўшилер жәмәәти.
@QRjas_doretiwshiler
#Нөкісқаласының90жылдығына
Нөкісім жас қаласың, тас қаласың.
Бүгінің мен өткенің басқаға сын.
Бесқалаға бұйырған кенже бала,
Кенже бала болғансоң - астанасың.
Астана боп бір елді басқарыпсың,
Ендеше қадіріңді жастар ұқсын.
Сен үшін еңбек етіп өткендерді,
Соршаға жинап алып жастаныпсың.
Шырайы сен болсаңда шығарманың,
Шындығыңның шыңына шыға алмадым.
Алайда өлеңіммен өрнектелген,
Тоқсаныңа торқалы тон арнадым.
Кешірегөр...
Басқа сый таба алмадым.
Мейрамбек Абдіқалиев
23.12.2022
Канал сілтемесі:👇👇👇👇
/channel/Meyrambek_poeziya
/channel/QRjas_doretiwshiler
Jas alım hám dóretiwshi Samarqandda ilimiy saparda
Samarqand qalasında 2023-jıl 18-dekabr kúni Xalıqaralıq ilimiy konferenciya bolıp ótti. Samarqand ekonomika hám servis institutı “Ózbek tili hám ádebiyati” kafedrası tárepinen “Til oqıtıw máseleleri hám olardıń innovaciyalıq sheshimleri” temasında ótkerilgen xalıq aralıq ilimiy-ámeliy konferenciyasına professor -oqıtıwshılar, tayanısh doktorantlar, erkin izleniwshiler, izertlewshiler, magistrantlar, studentler hám tarawdıń qánigeleri qatnasdı. Sol qatarda Berdaq atındaǵı Qaraqalpaq mámleketlik universitetiniń Qaraqalpaq til bilimi kafedrasınıń tayanısh doktorantı, jas shayır Qosımbetova Aygúl Esbosinovna da "SAǴÍNBAY IBRAGIMOV ShÍǴARMALARÍNDA KONSONANTLÍQ PARONIMIYA QUBÍLÍSÍ" temasında bayanatı menen qatnastı.
Óz gezeginde Aygúl Qosımbetovaģa ilimiy-dóretiwshilik jumıslarında tabıslar hám bálent párwazlar tileymiz!
@QRjas_doretiwshiler
JAZÍLÍW — 2024
«JETKINSHEK» SIZLER USHÍN!
Ádiwli balalar, gazetamızdıń janashır, talapshań ıqlasbentleri! Gazeta sizlerge ruwxıy azıq alıwıńızǵa, bilimińizdi, talantıńızdı jetilistiriwińizge járdem etedi. Sizlerge eń jaqın sırlas dos bolıp, kámillikke jeteleydi. Gazeta menen birge bolsańız, heshqashan utılmaysız.
Gazetaǵa 2024-jıl ushın jazılıw dawam etip atır. Jazılıwǵa asıǵıń, jas doslar! «Jetkinshek» sizler ushın!
Жасадық мәсликте, пәсликте төмен!
Көзлер көр, қулақлар болып-ақ герең!!!
Мухаммеддин АЙТЖАНОВ
Қара сөз пири
@Muhammeddin_Aytjanov
Жаңа толқын, жаңа әдебият:
Ағза болың👉@QRJas_doretiwshiler
Ақ кеме
Ақ кемежан, ақ кеме,
Әкемди мениң тап қәне!
Таза папка әперсин,
Меники мине гөп-гөне.
Ақ кемежан, ақ кеме,
Атамды мениң тап қәне!
Шала қалған ертегин,
Өзиң маған айт кәне!
Ақ кемежан, ақ кеме,
Кийиклерди тап кәне!
Устиңе минип алайын,
Кийик болып шап қәне.
Ақ кемежан, ақ кеме,
Жаксылықты тап кеме.
Жаманларға өкпелеп,
Жақсы адам жоқ деме!
Жаксылықты таппасаң,
Мингизип мени
Ық кеме!
Бийсенбаев Қуандық
12/12/2023.
(Сүурет Бердақ атындағы мәмлекетлик сыйлықтың лауреаты, художник Барлықбай Айтмуратовқа тийисли.)
❄️ Ilhamlı qar! ❄️❄️❄️
Tań attı.Biz kútken appaq qar menen,
Bir káramat jımıńladı ilham-yosh degen.
Qádemler taslayman, qıyalımday keń,
Shúkirler bolsın...!
Qansha kúttim seni, ıntıǵıp kúttim,
Saǵınısh jalının qupıya tuttım.
Sıyqırlı dúnyanıń sırlı baǵların,
Qálbimde sezinip, gúzetiw ushın,
Kózimdi jumdım...
Kózimdi jumdım, kewlimdi qaldırǵanlarǵa,
Isenim aynasın sındırǵanlarǵa,
Yoshqın tolqınımdı tındırǵanlarǵa,
Kózimdi jumdım....
Minnetdar boldım!
Ázzi kewilimdi eń kúshli qılıp,
Jıǵılǵan ornımnan turdırǵanlarǵa
Abaylap qádemimdi basıwım ushın,
Tórt tárep qorǵanın qurdırǵanlarǵa,
Alǵıslar ayttım!
Qullası...
Appaq qar sıylaǵan niyetler menen,
Dúnya táshwishinen bir máwrit keship,
Girbińsiz dúnyada sayaxat ettim...
Shúkirlik ettim!!!
Minara Qalbaeva ✍
👉 @Moldir_tamshilar
#поэзия
Автопортрет
Мениң кеўлим кәрўан сарай,
Келеди.., кетеди.., дос-душпан...
... көл, шөл, аспан, бағ, айдала..,
Балықлар жүзген, қус ушқан..!
Мениң көзим ғарры шынар,
Турып базар.., мазар көрген.
Оларды бир қудай жумар,
Ҳәм барлығы тозар бирден.
Жүрегим бир терең дәрья,
Ағар тыныш үни жоқтай,
(Күлкиден қурылған сыр уя),
Сүңгимесең муңы жоқтай.
Қосықларым - әшкара сыр.
Руўхым, санам.., басқа әсир..!
Жерге қарап ойлансам да,
Әбди-Рашид аспанға қул!!!
Исмайылов Абдирашид
Жазылған сәне: 10.XII.2023
@Poeziya_Abdirashit