812
Jaslar awqamı Qaraqalpaqstan Respublikalıq Keńesi janında dúzilgen Jas dóretiwshiler klubınıń rásmiy kanalı
Сенің аппақ көңіліңдей аппақ қар
Ынтық етіп сен кездесер ертеңім,
Іздеп келем сағыныштың өлшемін.
Пәктік сыйлап жауып жатыр аппақ қар.
Жүрегіңдей ол сенің.
Сағындырған жан секілді талайғы,
Жапалақ қар жағама кеп құлайды.
Сенің аппақ сезіміңдей бұл ақ қар,
Маған қатты ұнайды.
Иә жаным қатты ынтықпын сағынам.
Сағынғанда жалғыз ғана бағым ән.
Баспаңдаршы, баспаңдаршы адамдар,
Аппақ қарды жалынам.
Дәл осындай шырылдатар шекемді ой,
Түсінемін, мынау сөзім бекер ғой.
Әйтпесе өзім неге басам ақ қарды?
Кешіңдерші,
Қанатым жоқ екенғой...
Қанатым жоқ екенғой.
Мейрамбек Абдіқалиев
@Meyrambek_poeziya
Қәлбиңе қадалған қайғы-муң,
Гүң болған-сарғайған сөзлериң,
Уўызыңда сақланар Ғазебиң...
Толды ма?
Қайтарың ...
ҳәм қусың!
Қуссс...
Қалмасын ишиңде жаманлық-
Қорлық-Ызалық-Наданлық,
Жутпа! Шығар, ол - тасланды...
Толды ма??
Қайтарың...
ҳәм қусың!
Көзиңнен ақпасын "жас"лары,
Шашыңа енбесин "ақ"лары,
Жүзиңе боялмай "дақ"лары,
Қус... Қус запыранды-
За-пы-ран-ды ол- Тасланды!
Тез ылақтыр геўдеңнен
Төк бәрин.
Жеңиллет денеңди-Дүньяңды!
Дүньяға денең де асыранды...
"Бес күнлик" асыранды-
"Әсир" Аңлы!
Асыранды...
("Әсир" - қул мәнисинде)
А.Қосымбетова
@sheginisten
Жалғызлық пенен жалғыз
отырсақ бийғам
келер жанымызға
жолсыз
Үшинши адам.
Сәўбет қызыйды және.
Жалғызлық-
шадықоррам.
Шығарылған шетирекке...
Мен–
Үшинши адам...
Инсан инсанға умтылар
Меҳир-
бир тутам.
Жалғызлық жалғыз қалар.
Емес ол –
(Үшинши)
адам...
Атағулла Сатбаев
@atagulla_satbaev
Жаңа толқын, жаңа әдебият:
Ағза болың👉@QRJas_doretiwshiler
Умытылған ,,альбомнан"
Анаң маған күйик ушын доландырып өсирген,
Жармыс жақтан сенсиз жалғыз қайтқаным қашшан,
Айтпады ма ашнаң?!
Узақ түнлер уйқы көрмей, талай-талай көширген
Ышқы тола хатларымды жаққаның қашша–ан,
О, әзийз патшам!!
Исенемен ‒
Ҳәр қосығым шыққан сайын баспадан,
«Мен ҳаққында жазып па?!» деп көз нурың жүзер,
Қатар тинтинер!...
Қыз күниңди еслете алсам ‒
Қостарың-ҳәм басқадай,
Сыртың оған күлип, кеўилиң
Ядыңдағы маған елжирер,
Елесиме көзиң телмирер!...
Исенемен, еслейсең сен,
Исенемен, сүйиклим,
Исенимиме исенбеўге кеўлим бармайды.
Исенимим-ҳәм алдап кетсе ‒
Өтер едим күйикли!
Исенимим «еслейди» деп, мени арбайды,
Билсең жағдайды!...
Өтип кетти-аў сел суўындай лепирмели жылларым, ‒
Мийзандағы өли суўдай баяў ағарман!...
Жыллар ‒ шабарман!...
Көзгенеңниң шоҳлалығы қайда кетти,
Дилбарым! ‒
Қыз күндеги қылығыңды қайдан табарман?!
Кеўилиң қабарған!...
Бир күлип бер,
Бир күлип бер күлсеңдағы жортаға,
Еслейин сен баласынған он бес жасымды!! ‒
Жасыл пасылымды!..
…Бул дүньяда еле сени муңайтыўдан
Қорқама-ан!..
Аҳҳ, қәйтейин! ‒
Ығбалыңа қатал шықты-аў жасы уллың!
Ўах-ўах, ҳасылым!..
1971-жыл, Нөкис.
Шаўдырбай Сейитов
Канал: 👉 @shawdirbay_seyitov
https://kknews.uz/kk/174205.html
Дөретиўшилер “Бәйги”де беллести
👉Агентликтиң телеграм каналына ағза болың - /channel/kknews_uz
Жүрегим ♥️
Ең дәслеп дөретиўшиликти усы қосық пенен баслағанман. Ақ қағазға сырласып, ең биринши жазған қосығым.
✍ Сөзи: Муҳаммеддин Айтжанов
🎼 Намасы: Райс Бегжанов
🎤 Атқарыўшы: Парахат Жолдасбаев
Мухаммеддин АЙТЖАНОВ
Қара сөз пири
@Muhammeddin_Aytjanov
"Үнсизлик"лер
/channel/SSirgabaeva
/channel/Poeziya_Abdirashit
ТАҢҒЫ ОЙЛАР
Жерге жақынласты аспанның өзи,
Таўлар ийилиўи мүмкин еле де.
Жамғырлар сел болды, не болыр изи,
Көлге қуйылыўы мүмкин еле де,
Шөллер жуўылыўы мүмкин еле де.
Пәнжеси тиймеген адамийзаттың,
Туўылған жер десе, зер етип саттың.
Сиз ҳәм биз жасаған мына топырақтың,
Аман қалыўы да мүшкил еле де,
Тамам болыўы да мүмкин еле де.
Сәнемлер алдады сазлары менен,
Шәменниң зарлады ғазлары терең.
Тырналар баратыр ўаз-ўазлар гилең,
Қус тилин түсиниў мүмкин еле де,
Қыз тилин аңғарыў мүшкил еле де.
Биз айтқан намалы қосықлар жалған,
Жалған намаларды өзимиз шалған.
Соңында ҳешбири уйқасбай қалған,
Енди үйлесиўи мүмкин еле де,
Елди бийлесиўи мүмкин еле де.
Әй, мениң ең абзал жора-жолдасым,
Шаўып баратырсыз турмыс жорғасын.
Бундайда ким-кимди демеп қолласын,
Алланың қоллаўы мүмкин еле де,
Бендесин қорғаўы мүмкин еле де.
Сәўлеси сөнген соң туўылған айдың,
Қуяш жақтыртады қуўысын жайдың.
Ишин нурландырған кеўил сарайдың.
Сәўлеси сөниўи мүмкин еле де,
Бәлким, сөнбеўи де мүмкин еле де.
Базарбай Жолдасбаев
28-қаўыс
Анажан
Бир қара аспанға, қара, анажан,
Ғазлар ғайры еллерге қайтып баратыр,
Бизге хошаллияр айтып баратыр,
Бир қара аспанға, қара, анажан!
Жылўан жап бойлары, сүйрикли жасқа...
Жаслық бул-ҳәм бәҳар, орны бир басқа.
Бир қара аспанға, бир қара ғазға,
Қыз күниңди еске салар, анажан.
Тулымың қосылып, қасың қыйылып,
Шәңгил созғаныңда суўға ийилип,
Жаўтаплап жасқадан кеткен бир кийик,
Билсең -- қыз күнлериң болар, анажан...
Бәлким көргендурсаң ерке ылағын,
Өзин көрмек жоқдур, суўаттан тағы!..
Тунбаға еңкейсең шашыңның ағы,
Суўға гүмис ирең салар, анажан.
Бой жеткели қанша жаз өтти екен,
Жазды жыйнап нешше ғаз өтти екен!
Ғаздай қатарласып жас өттимекен,
Жүзиң жылдан жылға солар анажан.
Гәҳы бәлент ушып, гәҳы сарқылып,
Бурымыңнан суўырылған тындай тартылып,
Нәўбәҳәрди ертип келген жарқылық,
Қоңыр гүзди-ҳәм ертип барар, анажан.
Ғазлар қайтқан сайын көкке қарайман:
,,Мениң жубанышым -- мениң шарайнам, --
Анамды әкетпең?!." деп ҳәм сорайман,
Кеўилим ғул-ғулаға толар, анажан!..
Бир қара аспанға, қара, анажан,
Ғазлар ғайры еллерге қайтып баратыр,
Айралық қосығын айтып баратыр,
Мейли, хошлассын тек солар, анажан!..
1971-жыл, Нөкис.
Шаўдырбай Сейитов
Канал: 👉 @shawdirbay_seyitov
🧤 #Kegeyli_95_jıl
🧤 #Múbárek_bolsın
#Қәнигелескен_мектеп_басламасы
❤️Сенде, Кегейлиши екенлигиңди билдир!
✍Тарийхый сәнеде биз бенен бирге болың!
@kegeylirkuzofficial
#dıqqat!!!
Assalawma áleykum, joldaslar!
@rmm2023_bot botqa kirip dóretiwshi dostımız, jurnalist Muslima Mambetniyazovaģa dawıs berip, qollap jiberseńiz!
Yamasa 77708 nomerine Kod S08 sms etip jiberseńiz de boladı.
Járdemińizdi ayamaysız degen úmittemiz!
Qollap - quwatlap jıl belsendileri qatarınan orın alıwģa óz úlesimizdi qosayıq.
Aldınan raxmet!
@QRJAS_DORETIWSHILER
Bekbawlieva Rayxan
Ibrayım Yusupov atındaǵı dóretiwshilik mektebiniń 8-klass oqıwshısı
/channel/jetkinshek1932
Заман
Жақының жаўдай болар,
Төбешик таўдай болар,
Бәри де ғаўдай болар,
Бул заман.
Ашшылық көтермейди,
Жалған гәп көтер дейди,
Жуўырсаң жеткермейди,
Бул заман.
Көзиңди қум басады,
Жасаўға тырмасады,
Өмирди жарласады,
Бул заман.
Сиз бизлик жоқ болады,
Тек байлар тоқ болады,
Жаман ис тап болады,
Бул заман.
Жумыслы ай болады,
Баласы тай болады,
Ал, халық қой болады,
Ай заман.
Кимиси боян терип,
Кимиси жүрер желип,
Түбинде бәри өлип,
Сол заман.
Дәртиңди тыңламайды,
Жаман деп қаралайды,
Ойласып сорамайды,
Яр заман.
Ақмақсаң билгенлерге,
Тентексең күлгенлерге,
Жамансаң көнгенлерге,
Ҳәр заман.
Жақтыны түн көресең,
Сақаўсаң, ал билесең,
Күнликте күн көресең,
Бир заман.
Ешегиң шошқа болар,
Кепегиң ашқа болар,
Не келсе басқа болар,
Аҳ, заман.
Дәрьяң да қурый берер,
Жаман ийт улый берер,
Кемең де ширий берер,
Не заман.
Мақтасаң сөзиң тынық,
Сын айтсаң үзик-жулық.
Байлайсаң көзди жумып,
Көп заман.
Ал, сонда көгересең,
Көз ашсаң, не көресең?
Бәрибир, ал, өлесең,
Қай заман?
25. 11. 2023
Мухаммеддин АЙТЖАНОВ
Қара сөз пири
@Muhammeddin_Aytjanov
Гүл мен гүл
Қасынан кетпей айнаның,
Жүзінен таппай ай дағын.
Ару қыз шашын тарайды.
Айнаға айтып ойларын.
Қайталап өріп бұрымын,
Еске алар ескі қылығын.
Мұңаяр тілін түсініп,
Түбекте тұрған гүлінің...
Сыр айтты тағы гүлге кеп.
(Жұбата алар гүл не деп.)
Гүл аңсар тауды, бөктерді,
Терезе алдын мекендеп...
Терезе жабық, тар бөлме,
Жылады кенет қыз... неге?
Ып - ыстық тамшы құлайды,
Бір Гүлден... тағы бір гүлге.
Қыз ойлар өткен - кеткенін,
Мұң сыйлап кеткен көктемін.
Тасқараң сынды көзіне,
Сол күннен бастап көкте күн.
Жап - жарық үйі... тасқараң,
Тасқараң жанын ашпаған.
Басқа адам ойын билейді,
Билейді тәнін басқа адам...
Көктемде кетті, күн өтті,
Ай өтті талай, жыл өтті.
Алданып еді жылтырға,
Алдай алмады жүректі.
Кешір дер... кімге, несіне?
Маңдайға мұңы несібе.
Көп түсер бүгін баяғы,
Момындау жігіт есіне.
Елестер ащы өткені,
Суық дем кернеп өкпені.
Қинайды, сүймей сүйгенді,
Сүймейтін жанды өпкені...
Мұңайып қалды ау сол жігіт,
Мұңайып солды ау соңғы үміт.
Мұңаяр шындап түн - Ару,
Оянар жалған таң күліп...
Тағыда отыр, тағыда,
Өткен күн түсіп ойына.
Жылатып еді бір қонақ,
Шақырусыз кеп тойына...
Шақырмағанды ол қонақты,
(Олсызда қонақ мол-ақ ты.)
Үнсіз бір келіп кетті Ол,
Үнсіз кеп, үнсіз жылатты.
Үнсіз келді де, Ол... кетті,
Сол кеткенінен мол кетті.
Аққудай әлгі жырдағы,
Оралып еш бір келмепті...
Осының бәрін ойға ала,
Қарайды ару айнаға.
Сарайдай үйде сезім жоқ,
Үй емес, бейне айдала.
Асылтастарға толы үй де,
Сезім мен мейрім жоқ мүлде.
Айнадан, Ару сұрайды:
"Арманың осы ед - жеттің бе?!"
Жап - жарық үйі... тасқараң,
Тасқараң жанын ашпаған.
Басқа адам ойын билейді,
Билейді тәнін басқа адам...
Өз ойын өзі бекерлеп,
Гүлінен сұрар не етем деп.
Гүл де тұр үнсіз мұңайып,
Терезе алдын мекендеп.
Амалсыз Қыз да күрсінді,
Тағдырым осы екен деп...
Мейрамбек Абдіқалиев
(Қайталау)
@Meyrambek_poeziya
***
Кеўилим – муз, соған қызбадым.
Сен тәрепке қол да созбадым.
Өзгелерди қоя тур.., билсең,
Мен сени өзимнен қызғандым.
Билдирмедим, сен де билмедиң,
Гейде буған кеўил бөлмедиң.
Мен ойларым жыялмай жүрмен...
Сен, бәлким, ойлап та көрмедиң.
Қырсық едим, имкан бермедим,
Қызықпан, я инкар етпедим.
Аңсат емес, түсин, маған да,
Ҳәр түн үнсиз көз жас төккеним.
Гүреспеймиз, шәртке көнемиз,
Мүмкин, өзге бағда өнемиз,
Ойланба ҳеш, не болса да биз,
Барлығын тәғдирден көремиз.
Гөззал Жумамуратова
@sheksizlikler
Жаңа толқын, жаңа әдебият:
Ағза болың👉@QRJas_doretiwshiler
"Шыда, шыда, шыдай түс шыда тағы"
Қалағанда бара алмаймын жаныңа,
Қалағанда жаза алмаймын тағыда.
Қаламаған батып жүр ау көп істер,
Қараланған, жараланған жаныма.
Көше кезіп жүре алмаймыз неге біз,
Жүреріміз бөлек жол мен бөлек із.
Ғашықтарды күтед деуші ед ұлы сын,
Бұл сын шығар, не де болса көнеміз.
Көнеміз біз қиын қыстау кезеңге,
Кіналайды екеумізді ез өңге.
Төзбегенде не істейміз жарығым,
Өрт қойғанмен пайда бар ма өзенге?!
Сабыр жаным, шыдайықшы тағы аздап,
Бізге қазір өлең емші қағаз бақ.
Шын сүйген соң бірімізді біріміз,
Не етпекпіз санамыздан саяздап.
Тәпішкесін теріс киген тентектей,
Тәлпіштенген тағдырға бос араздап?!
Мейрамбек Абдіқалиев
/channel/Meyrambek_poeziya
Қорқамын
Менің, шыны сынды жүрегім бар,
Құлатып алудан қорқамын.
Тағы, тағы пәк сүйгенім бар,
Жылатып алудан қорқамын.
Балаша ақ көңілім бар,
Кірлетіп алудан қорқамын.
Жанған шам секілді үмітім бар.
Үрлетіп алудан қорқамын.
Сыртым сау, ерек күлкім бар,
Ішімдегіден қорқамын.
Шыныдықты шыңғыртып айтсам...
Түсінбеуінен қорқамын.
Сенген адамың сенімді ақтамай,
Кешір деуінен қорқамын.
Аңдамай кейде сүрінгенімді,
Кешірмеуінен қорқамын.
Жүректен шыққан жырымды оқырман,
Ұнатпауынан қорқамын.
Жазғаның үшін жазықсыз болып,
Құр ақталудан қорқамын.
Дегенмен, өмір күрес дейді ме?
Айласыз ба өзі бұ - майдан?
Әлгі айтқанның бәрінен қорқсам...
Не үшін қорқам құдайдан?!
Қайдам...
Мейрамбек Абдіқалиев
@Meyrambek_poeziya
@QRjas_doretiwshiler
#поэзия
Аноним "Батырлар"ға
Ҳәр ким жақсын ақылын өз басына!
Айтсам тийер оқ болып сөз басыңа.
Ел ушын жаннан кешиў аңсат, бирақ,
Ким мәргия анамның көз жасына?
Анам айтар: "Еситсең налам егер,
Тыныш жүрши мен десең, балам, егер!"
Ақыл айтсаң айдаладан сен маған,
Жойтылмаған ешегиң ҳарам өлер!
Сендейлер бир сөз жүгин көрсин тасып,
Қосық пенен журтына қурсын бахыт..!
Ал тап мен-ақ болайын "Халық душпаны"
Сен сүйе бер ўатанды шорпылдатып!
Патриот болыўға дым шебер екенсең!
"Қорқақ" шайырды зор сөгер екенсең!
Егер сыр болмаса аты-жөниңди,
Бир аўыз сорасам не дер екенсең!?!?
Исмайылов Абдирашид
Жазылған сәне: 8.XII.2023
@Poeziya_Abdirashit
#Jańalıq
#Qutlıqlaw
Ádebiyattıń proza baģdarında qálem terbetip atırģan Jas dóretiwshilerdiń biri Nesiybeli Baltaniyazovanı hám
Jas dóretiwshi shayır Gózzal Jumamuratovanı Nawayı atındaģı mámleketlik stependiya tańlawınıń jeńimpazı bolģanı menen qutlıqlaymız.
Ilimiy hám dóretiwshilik jumıslarına tabıslar tileymiz.
Sheksiz húrmet penen
Jas dóretiwshiler jámááti.
@QRjas_doretiwshiler
Столымда қара қәлем, ақ дәптерим.
Шабытым да шаўады ақтам-керим.
Аўырый берер дүрсилдеп мына жерим,
Қалмағаны ушын ўәде-сөзге исеним!
Шықпай атыр аралап излегеним,
Болмай атыр шарасыздан гөзлегеним,
Сол болды ғой күни менен, түни менен,
Излегеним тағы да сөзлегеним.
Ақ қағазды солайынша қаралайын,
Бирақ, кейин оқып көрип қарамайын,
Мейли, сен деп жүректи жаралайын,
Саған сөзди арнап, саралайын.
Бирақ шынлығында кеткениңди тән алайын...
Ўәде...
Ўәде – бул сөз келип қалған тозыў ушын,
Тек қағазға керек деймен жазыў ушын,
Ўәде деген ҳәр қашан да бериледи,
Сүйген жанлар ўәделерин бузыў ушын.
Муҳаббат – сен жүректе есиктейсең.
Бирақ жанған жүректи еситпейсең,
Мынаны мен өзиңе айта алмадым,
Бирақ, басқа тиллерден еситкейсең.
Мухаммеддин АЙТЖАНОВ
Қара сөз пири
@Muhammeddin_Aytjanov
Айтжановтай арқалы, абзал достым — ийинлесимди туўылған күни менен қутлықлайман!
Дөретиўшилигиң берекетли болсын!
Базарбай Жолдасбаев
пурсат
Сөзин жазған: Бахытлы Сарыбаев
Намасын жазған: Рустем Әбдимуратов
Бердах Қалбаев атқарыўында
Қарақалпақша
Сыйланғанда қымбатлы өмир,
Ҳаўазларды еситип түр-түр,
Кимлигимди уғындырып бир,
Жылағанман қарақалпақша!
Жалықпастан әдиўли анам,
Меҳир гүллерин етип инам,
Кеўилинде тасқынлап илҳам,
Ҳәййиў айтқан қарақалпақша!
Тәрийп етип ана Ўатанды,
Қуўандырып қаншама жанды,
Тилге алып дос, туўысқанды,
Сөз сөйледим қарақалпақша!
Ҳәсирет шексе достым егер,
Йош бағышлап, берермен жигер,
Биргеликте тарқатысып шер,
Жубатқанман қарақалпақша!
Зыя үйине қойып қәдем,
Қолларыма алғанда қәлем,
Әзиз устазға жоллап сәлем,
Жаздым дәслеп ҚАРАҚАЛПАҚША!
27-ноябрь, 2019
Бахытлы Сарыбаев
@BaxitliSaribaev
@QRJAS_DORETIWSHILER
#поэзия
Есик
Есик қағылды,
Бирақ ашылмады.
Есик жабылды,
Ҳәм қағылмады.
Бул астанада қаншама,
Күнлер, айлар шығып-батты.
Қаншама күн, ай, жылларды..,
Бул астана зырылдатты.
Бул бир есиктиң алдынан,
Не қуўаныш, қайғы өтти...
Босағаны әрман еткен,
Не бир талас бәйги өтти.
Жаўды қар, жаўын, буршақлар..,
Есик барлығын сыр сақлар.
Сиңирди
Есик әлемниң көз жасын..,
Тек қара түн
Оның жылаўын бақлар..
Тек ғана түн.
Өтти бесиклер, табытлар..,
Қақты ашықлар, "жабықлар"..,
Келди мүсийбет, бахытлар..,
Жетелеп
Есикка барлық бағытлар!!!
Есик қағылды,
Ҳәм ашылды!
Есик қағылмады,
Ҳәм ашылмады!
Есик тебилди,
Ҳәм жабылды.
АДАМ,
Қатты жаўмаў керек еди,
қайта кирер есикти..!!!
Исмайылов Абдирашид
Жазылған сәне:27.XI.2023
@Poeziya_Abdirashit
...qaǵaz ...májilis. Barlıq jer «sıya dawı»!
Nadurıs —
uqsaslıqtıń sananı uyalawı.
Hámmeniń birdey etip oylaǵanı —
...heshkimniń heshnárseni oylamawı!
Bazarbay Joldasbaev
telegram 📚 you tube 📚
instagram 📚 facebook 📚
🧤 #Hápteliktiń_birinshi_kúni
🧤 #Bir_gezleri_Berdaq_júrgen_jerlerde
BERDAQ TULǴASÍ
(Berdaq babamızdıń 190 jıllıǵına)
Áwladlar tilinde tirilgen tulǵa,
Máńgilik insanǵa aynaldı búgin.
Hárbir qosıǵında jetkerer bizge,
Xalqımnıń ásirlik mıń batpan júgin.
Dáwirler zuwlatıp óter jorǵasın,
Súrgin sınaq el basına qonbasın.
Búgingi ǵárezsiz eldiń ulların,
Berdaq babam ruwxları qollasın!
Xanlar zulım saldı, xalqım shırladı,
Bay gedeydi tıńlamadı, qıynadı.
Jılaǵandı jubatayın dep sonda,
Shayır eldiń qayǵı-muńın jırladı.
Sózlerinen nurlar shashtı zer etip,
Miynet etti aq mańlayın terletip,
Ǵarǵabaydıń ulı berdaq shayır dep,
Basıp ketti tariyxlarǵa mór etip.
Jaqsılardan tek jaqsılıq taraydı,
Móldirep aǵatuǵın saǵalarım bar,
"Jáhán maǵan háwes etip qaraydı",
Sebebi, Berdaqtay danalarım bar.
Elim danalardı húrmetke bóler,
Shayırdı urpaqqa qosıq jetkerer.
Siz hám biz bolmaspız ol gezde, bálkim,
Biraq, Berdaq ómirbaqıylıq eter!
Bazarbay Joldasbaev
2017-jıl
telegram 📚 you tube 📚
instagram 📚 facebook 📚
Mádireyimova Balnur
Ibrayım Yusupov atındaǵı dóretiwshilik mektebiniń 8-klass oqıwshısı
/channel/jetkinshek1932
Төртлик
Жүрегимниң үнин тыңлайсаңба сен?
Кеўил көшем уайран. Оңлайсаңба сен?
"Мени жалғыз қалдыр. Кет!" - дегенимде,
Саған дым мүтәжбен. Аңлайсаңба сен???
Абдирашид Исмайылов
@Poeziya_Abdirashit
Қопал қосық
Берсеңдағы илим ушын барлығыңды,
Қыла бергил өзиңдеги тарлығыңды,
Жыртқан болсам өз атымнан жыртқаным,
Тығып қойғыл ...... ҳүрмет жарлығыңды.
Минез солай: қызбаман, мушым қатты,
Поэзияның күни обал. Кимге қапты? (қалыпты)
Усы кетис. Өзгертиў аўыр маған,
Келер бир күн, саған түнлер, маған жақты!
Сыйпалай бер аўыр салмақ қарныңды.
Түн қыларман бир күнлери жарығыңды.
Ар ушын да гүрес қурдым поэзияда,
Тығып қойғыл сыяр анық орныңды.
Алқымымнан алғанға алқымынан,
Жаға жыртыс, қайтпайман сирә буннан.
Аллам берген минезди жасырмайман,
Қашпайман да жаман көрген қара сыннан.
Алты адам топылып күши жетпей,
"Кет!" - десе де турғаным, солай кетпей,
Жан-жағымнан көтерип хандай қылып,
Көшегеде таслады жаман ийттей.
Аўа, ийт болсаңыз, ийт боламан,
Ийтлер үрсе, тислесе, мен жуламан.
Бар дәртимди түсинер усы халық,
Орныңды тығып қой! Не қыламан?
Даўда даўдай даўлаттым, жаман көриң,
Келер писик, бизге де болып орым.
Не болса да усы елдиң көз-шырасы,
Еле талай шайнасамыз, аман болың.
Көрисиўди интизарлық пенен күтемен...
24. 11. 2023
Мухаммеддин АЙТЖАНОВ
Қара сөз пири
@Muhammeddin_Aytjanov
ЖОЛ
Жүремен изимде қалады,
Ийтлердиң әўпилдеп үргени,
Тек саям илесип барады,
Тиримен бахтымның күлгени.
Жүремен изимде қалады,
Туттырмас, пайызлы күнлерим,
Таңларға жетелеп барады,
Уйқымды урлаған түнлерим.
Жүремен изимде қалады,
Көше толы шаўқым-сүренлер,
Самаллар жеткерип барады,
Өсек айтпаң, бахыт тилеңлер.
Раўаж Отарбаев,
21.11.2023
Жаңа толқын, жаңа әдебият:
Ағза болың👉@QRJas_doretiwshiler
Пай, заманым, заманым
Пай, заманым, заманым,
Күлетуғын жериң жоқ,
Сирә бир де кемиң жоқ,
Әлемлерден теңиң жоқ.
Машқала жоқ, қайғы жоқ.
Қара маңлай териң жоқ.
Шалқып дәўран сүрмеге,
Бәрисиниң қарны тоқ.
Арзаншылық газың бар.
Заўқы-сапа, сазың бар.
Еллерден зор еркинлик!
Еркинликти жазыңлар!
Жумыс жетип ҳәммеге,
Сары май кетер шәмбеге.
Парахорлық не өзи?
Сенде жоқ бир дәме де.
Аспан ашық булт жүзген,
Халқың қыдырып ел гезген.
Байлықларың бир дүнья...
Ҳәмме адам бизнесмен.
Кредит деген ойда жоқ.
Машқаласыз той да жоқ.
Ҳәр бир үйлер сарайдай,
Қыйсық, қахра жай да жоқ.
Суўың тасып теңизден,
Балық шығар семизден.
Машқаласыз ҳаяллар,
Туўып атыр егизден.
Емлеўхана босап тур,
Халқың бахтлы жасап жүр,
Бәри тегин дегенге,
Қазан менен асап тур.
Жақсы болып исим де,
Алтын қуйма тисим де,
Бирден шоршып ояндым,
Бәри болған түсимде.
Қосықты түсин, түсинбе...
15. 11. 2023
Мухаммеддин АЙТЖАНОВ
Қара сөз пири
@Muhammeddin_Aytjanov