Telegram-канал qiziqarli_ona_tili - Ona tili va adabiyot | MILLIY SERTIFIKAT | RASMIY KANAL: Неотсортированное

Ona tili va adabiyot | MILLIY SERTIFIKAT | RASMIY KANAL

29 сентября 2024 08:17

🔥 Qanday qilib 40 ta asarni oʻqiyman, qaysidan tushadi, qaysi birini birinchi oʻqiganimi maʼqul, deb soʻrayotganlar uchun!

Quyidagi ketma-ketlikda oʻqishni tavsiya etamiz:
1) Shu vaqtgacha rasman uchta milliy sertifikat imtihoni boʻlib oʻtdi. Mana shu imtihonlarda har safar 5 tadan badiiy asar oʻqish uchun berildi. Shu asarlar asosida test tushdi. Lekin bir marta tushgan badiiy asardan keyingi safar test tuzilmadi. Yaʼni har safar yangi badiiy asarlardan test tuzildi. Bu safar ham katta ehtimol bilan tushmagan badiiy asarlardan test savollari shakllantiriladi.
40 ta asardan shu vaqtgacha imtihonga tushmaganidan boshlang.

2) Demak, hali imtihonga tushmagan 25 ta asar bor. Bularning orasidan, eng avvalo, oʻzingiz
umuman oʻqimagan, tushunchaga ega boʻlmaganingizdan boshlang.

3) Hajmi kichikroqlaridan boshlang. Bitta hikoyachadan ham, katta romandan ham shu vaqtgacha atigi bitta savol tushgan. Yaʼni vaqt koʻp talab etiladiganini oxirrogʻida oʻqish tavsiya etiladi.

4) Shuncha asar oʻqish... qanday oʻqiyman... zarurmi menga...deb oʻzingizni oʻtga-choʻqqa urmang! Elga kelgan toʻy! 50% ustama olish oson emas. Muhimi, bir narsani unutmang! Siz shu asarlarni oʻqib chiqsangiz, nafaqat milliy sertifikat testlarida foydasi tegadi, balki mutaxassis sifatida ham ancha oʻsasiz! Fikrlashingiz, dunyoqarshingizda jiddiy oʻzgarish boʻlganini oʻzingiz his qila boshlaysiz. Bundan tashqari, matn testlarini bajarishda, esse yozishda koʻp kitob oʻqishning ahamiyati juda katta! Faqat sertifikat uchun oʻqimang. Maza qilib oʻqing! Xolis oʻqing! Shuncha asarni oʻqib, tahlil qila oladigan mutaxassis jamoada eng kuchlilar safida boʻlishiga ishonaman!

Tushgan asarlar
2023-yil 29-yanvar
1. "Kecha va kunduz" Cho'lpon
2. "Ikki eshik orası" O'tkir Hoshimov
3. "Abulfayzxon" Fitrat
4. "Ot egasi" Shukur Xolmirzayev
5. "Garov" hikoyasi Chexov
___
2023-yil 14-may
6. "Dunyoning ishlari" O'tkir Hoshimov
7. "Ruhlar isyoni" Erkin Vohidov
8. "Qorako'z majnun" Said Ahmad
9. "Hayotga muhabbat" Jek London
10. "Hellodos" Nodar Dumbadze
____
2023-yil 29-oktabr
11. "Tushda kechgan umrlar" O'tkir Hoshimov
12. "Sarvqomat dilbarim" Chingiz Aytmatov
13. "Oltin zanglamas" Shuhrat
14. "Jayhun ustida bulutlar" Mirkarim Osim
15. "Asror bobo" Abdulla Qahhor

Endi tushishi ehtimoli katta boʻlgan badiiy asarlar
16. "Zarbulmasal" Gulxaniy
17. "O'tkan kunlar" Abdulla Qodiriy
18. "Mehrobdan chayon" Abdulla Qodiriy
19. "Nur borki,soya bor" O'tkir Hoshimov
20. "Qiyomat" Chingiz Aytmatov
21. "Asrga tatigulik kun" Chingiz Aytmatov
22. "Me'mor" Mirmuhsin
23. "Yulduzli tunlar" Primqul Qodirov
24. "Xo'jand qal'asi " Mirmuhsin
25. "Avlodlar dovoni" Primqul Qodirov
26. "Ko'hna dunyo" Odil Yoqubov
27. "Ulug'bek xazinasi" Odil Yoqubov
28. "Diyonat" Odil Yoqubov
29. "Jimjitlik" Said Ahmad
30. "Ufq" Said Ahmad
31. "Lolazor" Murod Muhammad do'st
32. "Chinor" Asqad Muxtor
33. "Otamdan qolgan dalalar" Tog'ay Murod
34. "Jaziramadagi odamlar" Luqmon Bo'rixon
35. "Sohibqiron" Abdulla Oripov
36. "Temir xotin" Sharof Boshbekov
37. "Oq kema" Chingiz Aytmatov
38. "Molxona" Jorj Oruell
39. "Otoyining tug'ilgan yılı" Erkin A'zam
40. "Yulduzlar mangu yonadi" Tog'ay Murod
"Qoplon", "Sobiq" hikoyalari(Qorako'z majnun)bilan birgalikda
"O'zbeklar" Shukur Xolmirzayev hikoyasi ("Ot egasi" bilan sanalgan)

@qiziqarli_ona_tili