𓆩 qamari 𓆪

12 September 2026 01:05

واحد شفته بالصدفه،
كلش بيك شبهته..
صارت عيني بعيونه..
راد يروح وكفته..

مو بس مره لا اكثر،
هاي الحاله تتكرر..
بكل انسان صادفته..

وجهك ليش ماضلي مكان كبالي ماشفته،
حتى مرايتي المفروض اطلع اني مو انت..



#باهر_الجنديل

𓆩 qamari 𓆪

08 September 2026 01:22

اقروني الكتاب يموت،
اذا عـ الرف بقى مجلد..

انه مثل الجرح مااطيب،
اذا ماانشبك وانشد..


#احمد_المطوري

𓆩 qamari 𓆪

05 September 2026 03:15

لتكلي شو مااجيت هذا اني اجيتك،
واسألهم شسويت من ما لكيتك.


#علي_نجم

𓆩 qamari 𓆪

29 August 2026 23:30

خشن فرگاك كلش صاير وياي،
وروحي ثياب فقره من الهوى تخاف..

يبس شوگي وتفطر واني اتانيك،
وترس وجهي انتظارك كام ينشاف..


#علي_رشم

𓆩 qamari 𓆪

28 August 2026 02:50

لا تلوموني عليها،
اخذوا عيني كبالها وشوفوها بيها..
اخذوا گلبي اتمشوا يمها..
وحسبوا دكاته عليها..
اخذوا جفي تحسسوا الخصلات..
ذيج الي تكصها عناد بيه..

الجان يكصر عمري من يكصر شعرها،
كصرت الملكه عليه..

قبل لا تستعجلون بأي حكم صادر عليه،
هاكم وشالة عطرها..
الجن هوى مضيع طريقه..
وتاه صدفه ولاكه ريه..


#المطوري

𓆩 qamari 𓆪

24 August 2026 05:25

وين ماخذني يكَلبي،
على بختك فك اديه..
كون رايدهم يكلبي..
روح وحدك..
انت مالك شغل بيه..



#عبدالكريم_القصاب

𓆩 qamari 𓆪

22 August 2026 02:55

اني وصورتك يوميه نسهر،
نتنافس منو الي يصفن اكثر..

كلشي بعيني يصغر جاي احس بي،
بس عمري وفراغك جاي يكبر..

تخيل من كلتلي بدونك اكدر،
كطعت الدم على الشريان الابهر..
لو تحسب اذية العدل والمات..
وغلاتك من رحت اذيتني اكثر..


#عصام_كريم

𓆩 qamari 𓆪

21 August 2026 02:55

ارسم بيك امس وابجي،
ومدري البيه شيفضه..
وخفت لتشوفني مدمع..
رسمت عيونك مغمضه..

نسيت وكوه بس تالي،
بس انت البقيت بجسمي التعرفه..
اني وياك يا گلبي ولاتصفى..
كل ملاگه للعشاگ يخنكني..
مثل خنكة كبر متروك من ينزار البصفه..

شوكت وجهك على الليل البروحي يهل،
اختنكت البارحه هوايه وردت من صوتك شويه..
شكو ببالك وجع بيه..

والبلياك كثرن والسؤال يذل،
احنلك والهوى الـ بالبيت يبدي يقل..


#باهر_الجنديل

𓆩 qamari 𓆪

19 August 2026 07:14

انه همومي جهال وترضع دموع
اگضي الليل الولي وما يهيدون..

"أغطي بهاذ يگعد ذاك ويلوع
يگعدون على صوته وما ينامون"..

"الكبر منهم فطمته وياكل ضلوع"
شسوي شلون لو كلهم يكبرون"..

جنح بيه نكسر والثاني مخلوع
طرت گوه على عناد اليكرهون

"بس اسمك نهر والماي مگطوع"
وأنه على الجرف الهث بالعيون..

اون بسكوت موش بصوت مسموع
وانه جروحي علگ والوادم سنون..

من عرجه الفرح من روحي مشلوع
وشتل جرحه الزمان بنص العيون"..

عشت عمري بـ يتم ومگمط بجوع
ورضعت الضيم من دون اليرضعون..

"تمنيت الوكت لو يرجع رجوع
انه مسودن واريداً يرجع الكون"..

بعده اخضر عشگنا وتوه مزروع
واجوا ربعي بمناجلهم يحصدون..

"يونس زين عمي بحوت مبلوع
انه بحلگ الشماته المايرحمون"…

#سمير_صبيح

𓆩 qamari 𓆪

18 August 2026 09:55

لاكاني بس ياحيف حتى ايده ماشال،
تعدينه بس خيال ضل شابك خيال.




#اكرم_مبارك

𓆩 qamari 𓆪

16 August 2026 00:00

ضوينه احلامنه لـ ليل المسعدين،
وعلينه تجودر ضعون المنحله..
حتى الليل متغثه النياشين..
رسمناله شلبنه بعود گحله..

ولمينه حجينه ببيدر سنين،
وشذرّنه المناجل بالسنبله..
يا لذة بنفسج ياولك يازين..
يبو طعم الحلو يشربوك دهله..

ينشدني الطريق العاشگه منين،
اخر گطره من الغيمه اكُله..
اخر گطره طاحت عـ البساتين..
وسرت لاخر عطش بعروگ شتله..

اسامر لذتك بالماي بعدين،
واشوفك شامه والجرفين كذله..
بس وياك حزني يصير حزنين..
وبس وياك ضحكي يبان شكله..
كون الكه الحلم من افرك العين..
واجيبنه بقفص للمايحصله..

يتربني الوكت لو رافك الطين،
وينكعني ويريد تراب ارشله..
وكل هذا الحجي من الروازين..
وكل ضلمه اعيده وما امله..

طيرت العشگ بجناح شاهين،
من شفت الگمر فانوس خِلّه.



#زيد_العنزي

𓆩 qamari 𓆪

15 August 2026 01:00

من بديت بروحي تثكل،
وچت بروحي مناره..
صار لون الطيف باهت..
والزرع ذاك الشتلته على الرسايل..
نزع كل واهس خضاره..

روحي مدري شطاح منها،
وصفنت عليها السكاره..


#زيد_العنزي

𓆩 qamari 𓆪

12 August 2026 04:40

انه مثل الگمر ما مر شهر مرتاح،
اطب محدب ومن اطلع محدب..



#علي_مطر

𓆩 qamari 𓆪

10 August 2026 03:50

يكضي بطلاع الروح يومي،
وصاير مخربط حتى نومي..
يطردوني كلما اروح كومي..
صارت تغثم يا علومي..

وتدرون شنو اكبر طموحي،
من صدري اطلع كون روحي..
يهجم بيوت شكبره نوحي..
بلعت ابرهم يا جروحي..

وماتنحجي وعمله جبيره،
كلهم كرهته وشفت غيره..
لو طايحه كلها العشيره..
ولا حال يم غيري ظفيره.


#مالك_الباوي

𓆩 qamari 𓆪

06 August 2026 06:00

يالمشيتي لغير ديره،
السما صغيره على عيني وروحي اسيره..
الما يشبهونج شكلهم..هيَ حيره..
كل بعيد بعيني يصغر..
وانتي بعيوني جبيره..
جنها حالي الغيمه تلهث بالجزيره..
والوحشه ناس بغيبتج ماعدها غيره..

شلون اسده..يالفراغج وين حده،
بيا عطش تلكين سده..
بكل جزر تلكين وجهي بلايه مده..
وانه خاطر لهفتي بكل طيف اشده..
وكل جرح يندارلي ويلكاني عنده..

بكل مكان العوز وابن ادم غريب،
وغربة العاشگ طويله بلايه رده..


#علي_رشم

𓆩 qamari 𓆪

11 September 2026 01:20

شلعت افادي كون انشلع فاداك،
وعفتني يالجنت بالروح فاداك..
بشرني الرحت ويا فادك..
لو اخذ حاجته ورداك اليه.


#عبدالرضا_خلباص

𓆩 qamari 𓆪

06 September 2026 04:05

بعد عشرين عمري وكلي شيبات،
وغلبت العمره ميه من التجارب..
حيل امطر يوكتي بدون صفنات..
اريد اوكف جبل تحت النوايب..


#حسين_ال_دليهم

𓆩 qamari 𓆪

03 September 2026 02:15

صوتك ندهني ومو حلم،
وفزيت من نومي وكلت..
مو صدك لايمكن صدك..

والروح وي صوتك مشت، وناديت والخطوه ابعدت.. والصوت وي مشي الجدم..
من ينلحكَ..ما ينلحك..
و عالاثر نمشي على الاثر، والشوگ سابكَنه سبك.. والگلب لم روحه واجه..
ودكَاته احسها بلا وعي..
مو مثل يوميه يدك..

ويم بابك وياحيرتي،
مدري شندهني وجابني..
وحتى نسيت شلون عالباب من ادك..

ظنيت ما اشوفك بعد،
من شفت ضويات الدرب يطفونها شما تعتلك..

ومن شفت شتلات الفرح،
مات الفرح ومثلمه.. والحزن صار سنين ياكل بالعرك.. ورادوني مااشوفك ابد،
ضموا تصاويرك علي..
واعلنوا لازم نفترك..
وشالوك حتى من الحلم،
وحلمك يجيني بلا صور وبـلا خلك.. ولمن افز يبجي الحلم..
وثنينه على الروس نتكابل ندك..

ورادوني مااشوفك ابد،
والعين مثل ام الولد.. وانت الولد.. لمن اجت ماشافتك والجفن صار الزيج كامت بيه تشكَ..

*وياحال من بعدك عشت،
غصن وخذوني من الشجر..
وذبوني يم نار الهجر..
واليوم باجر احترك..
وعشت بطرك روحي وسوادين العشگ.. واسأل عليك وتيهت واسأل منو .. وبيمن اثق؟.. وانسدن بوجهي احس كل الطرق، والكه الاسئله وكيفت.. والكاهن الجلمات ويضيع الحلك..
وخلني اسولفلك بعد،
ياواهسي وغيرك منو..
والروح اجت مسودنه..
واشبكها وي روحك شبك..

لاتبجي اطيح ويه الدمع،
والروح اسويها نفس..
ومناشغ اشهكني شهك..

وبريتك يا ريتي،
ولمن اصيرنلك نفس.. لاخنكك ولا اختنك.




#جبار_رشيد

𓆩 qamari 𓆪

29 August 2026 01:00

حتى انت گلبك لعب،
الله يا للعجب..

سحبت روحك مثل،
اي واحد من انسحب..
ومن اجلك اني طحت..
يلي عليه سحكت..
ياما عليك تعبت ماتستحق هل تعب..


#الكاطع

𓆩 qamari 𓆪

26 August 2026 16:30

بكل اشارات الدلاله انكتب اسمك،
الدنيا كلها مرايه صارت..
وين ماصد الكه شي يعكسلي وجهك..
حتى من ليفوك اباوع..
الكه غيم الله ملامح..
تلتم وتعكسلي رسمك..

لا انت آخ بحسره اذبها،
ولا انت دم يجري بوريدي حتى اجرحني وانزفك..
*الك كل الطرق ادت..

عندما انقطع بيني وبينك الصوت،
لم اخذ سكوتك على محمل الموت..
ولكني اصبحت اتحدث مع الاوراق اكثر من البشر..
ولكن عندما يصرخ الحنين..
فالصمت يجب ان يجب..
فطول الفراق سيفقدني ماء قلبي ماء قلبي..
احتاج ان اصيبك بنظرةٍ دقيقة ولو لمقدار دقيقة..
احتاج ان اراك لمرة ثانية ولو لمقدار ثانية..
*احتاج ان اراك بالعين المجرده من الحلم..
احتاج ان ادنوا منك قدر الادمان..
قلبي كان عليك ان تكتب تنويه عن كل شيء تنويه..


حرب العشاق تبدأ بتبادل اطلاق الانظار،
والطرف الاكثر ضعفا هو الذي يستشهد خجلا..
لم اكن اعلم انهم استبدلوا النظره برصاصة..
كان على اعلامي اعلامي..
ببيتنه مرايا قديمه،
انكسرت وكسرتلي گـلبي..


شرد اگــول هواي بيه،
تواردن بيبانك وجف البخيل كبال وجهي بمغربيه..
*انسدت الدنيا عليه..
جني مرجوحة جهال ببيت عاجر..
حتى لو انباگ مايدرون بيه..
والمصيبه بروحي تنزف..
واليكتلك جرحي ناشف جرحي شايل نرجسيه..

اني شايل مستحى المحد خطبها،
من تريد تناجي ربها..
تكله ربي...وتستحي تكمل طلبها..

اني المبلل غياب وخايف اكثر لو كثر،
اني اول واحد مبلل يخاف من المطر..
اني اول نورس يبين حداده وضنته غراب البشر..
اني اخر كلمه نقطه وينذبح راس السطر..
النيه كتالة الصدفه..
الحلم ذباحه السهر..
يا جف الينفض غباري..
اني ذكرى بلا صور..
ماعفت نيشان بيهم..
جني طعنه بلا ظهر..
صوتي مايوصل سمعهم..
صوتي قوس بلا وتر..
صوتي ساعه وبيها عايش ميل واحد..
كال وقته وقبل ليكمل عثر..

"والله لو اكتب تفاصيل انتظارك،
اترس الدنيا حبر"..
واليعرف راح يودع..
مايمل من ينتظر..
الشمس تكتب وصيتها العصر..

هم اشوفك جاي اشم ريحة امل،
يالفرگــتك غربه يالملگاك اهل..
كلي لو زعلان اجيلك..
والله اراضي الدنيا كلها..
الما زعل والي زعل..

و مجاعة شوگ بيه،
وعطش ملگه..
وطف حنين..
وتعب مگــيود بسبي..
كلي ياحوت شدعيت والله سد جوعك نبي..

كون الف روحي على حضنك،
مثل مالفت حضنها ع الشريفات العبي..
همسه من صوتك تكفي..
تسد طمع سمعي وحنيني..
وتطفي دمعة مغربي..
نملة سليمان نمله..
ومنها اجت ضحكة نبي..

الرسايل والحجي المكتوب، وطعنات النقط بالروح..
اقل من حرگة ضلوعي.. اريدن شي يكتب ماي..
اريد اكتبلك دموعي.. *اوج واليمي مايدرون.. مثل شمعة بصبح روحي.. مو اعمى وكمت ماشوف.. *يمكن چي طفت روحي.. الجلد من يبتسم مجروح.. كامت تضحك جروحي.. مو بالكيف اقنع الروح.. وبضحكات اغافلها.. تره المرايا ماتختار الوجوه التكابلها..




#المطوري

𓆩 qamari 𓆪

23 August 2026 02:03

حداد لكل هله ميتين لحدين،
بجفاك ومثلي محد ناح لحدين..
وصيتي بگبري خيحفرون لحدين..
الي وللما صفى بدنياي اليه.



#احمد_شهيب

𓆩 qamari 𓆪

21 August 2026 06:10

علّي تزعل يالبعينك دعش شلون،
دع الوين ودع اليمتى و دع شلون..
ماكلك علّي جفك دعى شلون..
غضب ربك ولا زعلك عليه.


شعجب دفتر عشگنه ماتكلبه،
وليش انت اليكلبك ماتكلبه..
احس گلبي بغيابك مات كلبه..
كلب گلبي توفى وعم عليه.


#فاضل_كريم

𓆩 qamari 𓆪

20 August 2026 09:10

خليك بفرح وبجرحي خليني،
طبع عاگول مامتعود على الناس تسكيني..
وذاك انت مثل عارف عرب للداي..
تندل وين تجويني..
وتعرف دموعي يمتى تطيح..
جي حطيتك بعيني..

تعبت من وادمي وگلبي،
وهذا اني من اريد امشي..
مثل حال الجنازه وداع محد يوكف بدربي..

طحت اليوم باجر هم تطيح انت،
المطر والناس كلمن طيحته بوكته..

ومااشكي الجرح للناس طير غريب،
تعودت على جرحي يطيب بالسكته..

وما ندمان،
ماردت الزعل انت الزعل ردته..

بلايه حساب صار وداعنه بمرسال،
رغم الديره ديرتنه..
واني وجدمي فوك الكاع مثل الماي..
مشيتنه على فطرتنه..
وجي نمشي على فطرتنه..
حتى الكاع شربتنه..

ولا ناسي العلّي تسأل،
ولااني العايش مدلل..
عشت هلال عيد انكل فرح للناس..
وبس تشوفني تدير الوجه عني..

ولا معتاز،
عندي جفوف وامسحهن دموعي اكدر..
مو بس وادمه ابن آدم تمن علّي..
حتى جدامه من يكبر..



#عمار_سالم

𓆩 qamari 𓆪

19 August 2026 07:10

اليطيبني بغيابك واليلمني،
اشتياقي وذكرياتي واليلمني..
وعلي مطشر تطشر واليلمني..
فقط جفك وجفك كطع بيه.



#كرم_السراي

𓆩 qamari 𓆪

18 August 2026 06:00

وحك الي يتسمى بطل صافين،
خربنه وجنه مثل الماي صافين..
شنو ذنبي واكضي العمر صافن..
على عتبة بابكم وافرك بديه.



#حيدر_الجياشي

𓆩 qamari 𓆪

15 August 2026 01:30

دفتر جنت مامنتهي چي بيك جنت ملزك،
يا شتوي ياكسرة ثلج كلساع اشوفك تعرك..
ضميت وجهك للشمس كلت الگمر يتلثك..
طشن ذنوبي بكعبتك رمان وحده تفشك..

مُر بيه يلـ مالك خلك كاغد حسبتي تشكك،
واخطأ عليه اتعذرك غير انت اعز من الحك..

"كاسيت ياريت العُمر واكعد واعيد ايامه"،
واكعد واخضر عشرتك شامه طلعت يم شامه..
شيفيد تاريخ الوكت لو ماتت الرزنامه...
باليل دورتك امس مامش اثر خزامه..

وفيّيت حدما مشركت يمك ومدوا صفصف،
يالغربت من الدرس ضليت ادور صف صف..
بين الزعل ومعاتبك بالنيه كونك صفصف..

يا حمري شاطينه شعجب وجهك غيوم تديره،
اجهبني خنكاسر حزن والكآس بديك ديره..
لفرش شلبنه لجيتك من ديره لآخر ديره..

وهلال ظهري من الجفه عـ السجه تانوا هلهل،
من سمعوا بجيته السلف حتى المخورس هلهل..
مدري شفكد فص الثلج بردان جفنه وهلهل..

وكل الگحل شيب انكلب بس انت گحلك اغمك،
يكياش للملكه شبعد والشهكه عمر اليغرك..
كون المعيبر ماعثر لا غرب ولا شرگ..

دفتر جنت مامنتهي،
جي بيك جنت ملزك.


#زيد_العنزي

𓆩 qamari 𓆪

14 August 2026 04:30

كون الكه الحلم من افرك العين،
واجيبنه بقفص للمايحصله..


#زيد_العنزي

𓆩 qamari 𓆪

11 August 2026 03:55

ثكيله ونتي خلافك شونها،
ورَكض روحي اركضت لجلك شونها..
الجكاير ريتي بفراكك شونها..
شوي ورمادهن لليوم بيه..



#احمد_رضا_المياحي

𓆩 qamari 𓆪

09 August 2026 01:40

دَع ذِكرَهُنَّ فَما لَهُنَّ وَفاءُ،
ريحُ الصَبا وَعُهودُهُنَّ سَواءُ..
يَكسِرنَ قَلبَكَ ثُمَّ لا يَجبُرنَهُ..
وَقُلوبُهُنَّ مِنَ الوَفاءِ خَلاءُ.

𓆩 qamari 𓆪

05 August 2026 01:22

"توها بردت وانتي مريتي رصاصة"

خايف تروحين واذبل والعطش يترس مكاني
وخايف اشرب روحتچ واخذلي ليل وما اتاني..

هاي اليه سنين بارد محد بملگاه چواني
شلون ماطگت عشب بيه الثواني..

بيه واهس كافر وربج هداني
الليل شبعني سفر واني بمكاني..

#علي_رشم