10302
Ўзбекистон Республикаси Ички ишлар вазирлиги Бирлашган таҳририяти хабарлари 🌐 Веб-сайт : www.postda.uz 📨 E:mail: info@postda.uz
ЭШИТИШ УЧУН ЎЗИНГ ЖИМ БЎЛ
* Биргина зарби билан ерга йиқитган эмас, битта табассуми билан оёққа турғазган кучлидир.
* Ёш ўтган сари ҳар нарсани оғзаки нутққа чиқариш шарт эмаслигини тушуниб етасан.
* Ёмон одамнинг адолатсизлигидан жабр чеккан бўлсанг – уни кечир. Акс ҳолда, ёмон инсон иккитага кўпайган бўлади.
* Ҳаёт қийинчиликларидан нолиб, ғамга ботма. Тақдир йўлингда чўкаётган қоронғулик ва зулмат – ундан кейинги ёруғлик ёрқин намоён бўлиши учун хизмат қилади.
* Кимнидир эшитиш учун, аввало, ўзинг жим бўлишинг лозим.
* Тўғрисўз инсоннинг дўсти кўп бўлмаслиги мумкин, лекин борлари ҳам ҳақиқий ва қадрдон бўлади.
* Агар тақдир вақти-вақти билан курагимизни ерга теккизиб турмаганида, осмон гўзаллигидан баҳраманд бўлишга вақт топа олмаган бўлардик.
* Сен билган ҳар бир инсоннинг ичида сен танимаган шахс мавжуд.
Гулчеҳра АЗИМОВА тайёрлади.
#Jumboq
Bugungi savolimizga Nigora Davronova birinchi bo‘lib to‘g‘ri javob yo‘lladi. Oybek Karimov, Ulug‘bek Qurbonov, Gʻulomjon Ergashev, Elbek Normo‘minov, Jahongir Ashirbekov ham javobni to‘g‘ri topgan. Bilimdonlarga omad tilaymiz
Javob: O‘sha davrdagi oddiy kaskalar o‘qdan qutqara olmasdi. Shunda uni takomillashtirgan holda o‘q o‘tkazmas kaskalar o‘ylab topildi. Biroq o‘q bu bosh kiyimni teshib o‘ta olmasa-da, lekin ko‘pgina bosh miya va bo‘yin jarohatlanishi holatlariga sabab bo‘ldi. Shu tariqa, askarlar orasida boshidan o‘q yeb halok bo‘lgan askarlar soni kamayib, bosh miya jarohati bilan davolanishga yotganlar soni orta boshladi.
👉 @postdarasmiy telegram kanalimizga a’zo bo‘ling.
KEKSALARGA HURMAT-EHTIROM
“Keksalar haftaligi” doirasida IIV 1-sonli Toshkent akademik litseyi o‘quvchilari ishtirokida e'tibor va g‘amxo‘rlikka muhtoj bo‘lgan keksa yoshdagi nuroniy onaxon xonadoniga tashrif buyurib, holidan xabar olindi. Zero, keksalarga hurmat-ehtirom qadimiy qadriyatlarimiz sirasiga kirib, nuroniy keksalarning fazilatlaridan ibrat olish, ularning hayotiy tajribasini o‘rganishga millatimizning har bir vakili o‘zining burchi deb qaraydi va buni eng ulug‘ savobli ishlardan deb biladi.
O‘z myxbirimiz.
Toshkent shahri.
XOJIAKBAR JAHON CHEMPIONI
Joriy yilning 24-29-sentabr kunlari Toshkent shahrida sportning "Kick-boxing" turi bo‘yicha Jahon chempionati bo‘lib o‘tdi. Ushbu musobaqada IIV1-sonli Toshkent akademik litseyi 205-guruh o‘quvchisi Xojiakbar Qahhorov 60 kg vazn toifasida 1-o‘rinni qo‘lga kiritib Jahon chempioni bo‘ldi va yurtimiz bayrog‘ini yuksaklarga ko‘tardi.
O‘z myxbirimiz.
Toshkent shahri.
SIZ KUTGAN SUHBAT
O‘tkir Mengliyev:
DADAM ICHKI ISHLARDA ISHLASHIMNI ISTAGAN...
O‘zbek Milliy akademik drama teatri aktyori O‘tkir Mengliyev 1977-yil 15-dekabrda Surxondaryo viloyati Termiz shahrida tug‘ilgan. Mannon Uyg‘ur nomidagi Toshkent davlat teatr va rassomchilik institutini tamomlagan. Ilk ijro etgan roli – Shavkat Mahbubov rejissyorligida suratga olingan «Sardor» serialidagi «serjant Eshjonov» obrazi. Bundan tashqari, ko‘plab spektakllarda ham o‘z mahoratini ko‘rsata olgan. Jumladan, «Abay»da Ko‘kboy, «Kunduzsiz kechalar»da rais, «Jaloliddin Manguberdi»da Birka No‘yonni gavdalantirgan.
Batafsil o‘qing👉
Kasb fidoyisi
HAMKORLIKDAGI SAʼY-HARAKATLARI
Toshkent shahar Olmazor tumani IIOFMB 1-sonli IIB HPB xotin-qizlar masalalari boʻyicha katta inspektori, mayor Hulkar Berdiqulova 2012-yildan buyon ichki ishlar organlarida faoliyat yuritib kelmoqda. U 1-IIB hududidagi 17 ta mahallada yashovchi jami 30 nafar ogʻir ahvolda boʻlgan xotin-qizlarning roʻyxatini shakllantirib, ular bilan profilaktik ishlarni amalga oshirmoqda va 5 nafarini hamkor tashkilotlar bilan birgalikda bandligini taʼminlashga muvaffaq boʻldi.
Shuningdek, xotin-qizlar oʻrtasida olib borilayotgan ijtimoiy-huquqiy profilaktik ishlar natijasida hududdagi ajrim yoqasiga kelgan 25 ta oilalar yarashtirilishida oʻz hissasini qoʻshgan. Oilali, ikki nafar farzandi bor.
Sarvar SOBIROV,
oʻz muxbirimiz.
Toshkent shahri.
VATANIM MENI...
Nega chaman istamas yantoq,
Sahrosidan kelmaydi beri.
Axir, qumlar yongan shu ovloq,
Ne qilsa ham uning Vatani.
Shu bir yantoqchalik bo‘lmasam,
Bolam dema, Vatanim, meni.
Beshigimsan allalar aytgan,
Eshigimsan kuzatib, kutgan.
Har balodan avaylab asrab,
Erkalatib kaftida tutgan.
Agar qadring bilmasam seni,
Bolam dema, Vatanim, meni.
Faxrim mening «Shashmaqom»laring,
«Chorgoh»laring, «Sarahbor»laring.
Savlatiga dunyo bosh eggan,
Samarqand-u, Buxorolaring.
Tarixingni bilmasam seni,
Bolam dema, Vatanim, meni.
Buyuk safar boshlading, mana,
Har qadamda qilding tantana.
Farzandlarin boshin silagan,
Sendayin yurt ko‘rmadim yana.
Xizmatingda turmasam seni,
Bolam dema, Vatanim, meni.
✍️Rislig‘oy HOTAMOVA
👉 @postdarasmiy
Surxondaryo viloyati Termiz shahridagi “Shifokor” mahallasi hududini jinoyatdan holi hududga aylantirish maqsadida, mahalla yettiligi tomonidan olib borilayotgan ishlar
👉 @postdarasmiy
#tarixdan_tariqcha
Tez yugurish – yashash kafolati
Usmoniylar imperiyasi davrida o'limga hukm qilingan amaldorlar hayotini qutqarib qolishi mumkin bo'lgan. Buning uchun amaldor jallod bilan yugurishda bahslashgan.
Agar mahkum o'z jallodidan qochib keta olsa, unga berilgan o'lim jazosi bir umrga poytaxtdan surgun qilishga almashtirilgan.
👉 @postdarasmiy telegram kanalimizga a’zo bo‘ling.
Xorazm viloyati ichki ishlar organlarida xizmat qilayotgan yosh xodimlar oʻrtasida sportning “Shaxmat” turi boʻyicha musobaqa oʻtkazildi.
👉 @postdarasmiy
📽Тoshkent shahar IIBB arxividan olingan surat: navbatchilik qismida tezkor xabar qabul qilinmoqda.
👉 @postdarasmiy
Огоҳлик
Жиззах шаҳридаги Самбҳрам университетида терроризм ва экстремизм оқибатларидан талабаларни огоҳ этиш мақсадида йиғилиш ўтказилди.
Батафсил ўқинг👉
👉 @postdarasmiy телеграм каналимизга аъзо бўлинг.
Лирик чекиниш
"Бахт ҳақида баллада"
✍️ Усмон АЗИМ
🎤 Эркин БОЗОРОВ
#Jumboq
Eski pullarni kolleksiya qiluvchi bir kishi antiqa (antikvar) buyumlar do‘koniga kiribdi. Sotuvchi unga «eramizdan oldingi 175-yil» yozuvi tushirilgan tangani ko‘rsatibdi. Ushbu Rim tangasi biroz yemirilgan bo‘lib, bir qarashda katta qiymatga ega ekani bilinib turardi. Biroq do‘kon egasi uni arzimas baho evaziga berishini aytdi. Shunga qaramay, kolleksiyachi tangani sotib olmadi. Nima uchun?
Bugungi savolimizga yagona to'g'ri javobni Ulug'bek Qurbonov yo'lladi.
Javob: Kolleksiyachi tanganing qalbaki ekanini anglagan. Negaki uni yasagan usta «eramizdan oldin» yashaganini bilmagan.
👉 @postdarasmiy telegram kanalimizga a’zo bo‘ling.
#Bir_foto_tarixi
Yaponiyada 2011-yili yuz bergan sunamidan omon qolgan yagona daraxt. Oʻshanda 70 mingdan ortiq daraxt nobud boʻlgan.
@postdarasmiy
Hamkorlik tadbiri
Namangan viloyat IIB Jamoat xavfsizligi xizmati Probatsiya boshqarmasi hududiy Probatsiya guruhlari xodimlari tomonidan nazorat ostida turgan shaxslarning ish va yashash joylarini tekshirish, ularning muammolarini aniqlab, hal etish choralarini ko‘rishda sohaviy xizmatlar va hamkor tashkilotlar bilan birgalikda profilaktik tadbirlar o‘tkazilmoqda.
Bundan tashqari, tungi xizmatga jalb etilgan xodimlar tomonidan nazorat ostidagi cheklov qoidalarini buzgan shaxslar ogohlantirilib kelinmoqda. Bu toifadagilarning yuqori maoshli ishlarga joylashtirish, tadbirkorlikka jalb etish, qayta kasbga o‘qitishga yo‘naltirish choralari ko‘rilmoqda.
O‘z muxbirimiz,
Namangan viloyati.
Биласизми?
УЗУМ ҚАЧОН УЗИЛАДИ?
Узум инсон организми учун жуда фойдали витаминлар ва минералларга бой хазина ҳисобланади. Чунки олимлар томонидан узумда икки юз хилга яқин фойдали моддалар мавжудлиги аниқланган. Айниқса, узум таркибида саратон касаллиги пайдо бўлишига қаршилик кўрсатувчи фитостерин деб номланувчи модда борлиги ҳаммасидан аъло. Шунингдек, узум иммунитетни ва юрак мускулларини мустаҳкамлайди, томирларни кенгайтиради. Яна бош оғриғини бартараф этишда ёрдам беради. Қон таркибидаги холестерин миқдорини камайтиради, ични юргизади.
Батафсил ўқинг👉
Faxriylar xonadonida
Namangan viloyati IIB rahbariyati va shahar-tuman IIBlari rahbarlari tomonidan uzoq yillar tezkor xizmat sohasida samarali mehnat qilib, ayni paytda iste'foda bo'lgan bir guruh faxriylar holidan xabar olindi.
Samimiy suhbatlar chog‘ida soha fidoyilari xotiralari bilan o‘rtoqlashdilar. Faxriylar e'tibor uchun boshqarma rahbariyatiga minnatdorlik bildirdilar.
O‘z muxbirimiz,
Namangan viloyati.
#Jumboq
Birinchi jahon urushi davrida britanlar armiyasi ushbu elementni barcha piyoda askarlar va ba’zi boshqa bo‘linmalarning standart ekipirovka to‘plamiga qo‘shimcha qilib kiritdi. Ushbu yangilikning joriy etilishi oqibatida bosh miya jarohatlari bilan tibbiy maskanlarga tushgan askarlar soni keskin ko‘paydi. Biroq butun dunyo armiyalari askarlari bugungi kungacha ekipirovkaning ushbu qismidan foydalanib kelmoqda va hech kim undan voz kechish niyatida emas. Gap nima haqida ketmoqda?
Ushbu savolning javobini bugun soat 17:00 da telegramm kanalimiz orqali e'lon qilamiz.
Javobni quyidagi manzilga yo‘llashingiz mumkin: /channel/postda_muloqot
👉 @postdarasmiy telegram kanalimizga a’zo bo‘ling.
Reyd tadbirlari
Uchqo‘rg‘on tumani ko‘chalarida Namangan viloyati IIB JXX YHXB xodimlari hamda Transport nazorat inspeksiyasi, tuman IIB profilaktika inspektorlari hamkorlikda reyd tadbirlari o‘tkazildi.
Reyd davomida muddati o‘tgan qarzdorligi mavjud hamda tegishli hujjatlarsiz harakatlanayotgan va yo‘lovchi tashish uchun litsenziyasi bo‘lmagan haydovchilar aniqlanib, qonuniy choralar ko‘rildi. Shuningdek, skuter haydovchilariga ham yo‘l qoidalariga amal qilish kerakligi tushuntirildi.
O‘z muxbirimiz,
Namangan viloyati.
Respublika Ma’naviyat va ma’rifat markazi tomonidan“Eng yaxshi vatanparvarlik ruhidagi videorolik”, “Eng yaxshi vatanparvarlik ruhidagi qo‘shiq” hamda “Vatanni madh etuvchi eng yaxshi she’r” Respublika ko‘rik-tanlovining taqdirlash marosimi bo‘lib o‘tdi.
👉 @postdarasmiy
САБР-ТОҚАТ...
... донишмандлик асосидир.
... куч демак. Сабрсизликда заифлик намоён бўлади.
... йўқ жойда Ишонч, Умид ва Муҳаббат ҳам ўз куч ва аҳамиятини йўқотади.
... ва вақт – куч ёки иштиёқдан кўра кўпроқ нарса беради.
... кучсизнинг ижобий хислати, кучлининг эса зийнатидир.
... ёт бўлган инсон ҳаёт бўйи икки карра кўпроқ кутади.
... билан йўлга ҳозирлик кўрган, албатта, ўз олдига қўйган мақсадига эришиб, маррага етиб келади.
... ҳар қандай дардга қарши кураша олувчи самарали восита.
... тубида ҳамиша олтин чўкмалар пайдо бўлади.
Гулчеҳра АЗИМОВА тайёрлади.
👉 @postdarasmiy telegram kanalimizga a’zo bo‘ling.
Фақат ҳақиқат
Саййидлар, олимлар, фақиҳлар ва билим эгалари, шунингдек, уйғур бахшиларию форс адиблари Соҳибқиронга сафарда ҳам, уйда ҳам узлуксиз мулозимликда бўлган эканлар. Фармонга мувофиқ улардан бир гуруҳи мунтазам равишда ул Ҳазратнинг юриш-туриши ва гап-сўзларида, мулк, миллат ва аркони давлат аҳволида нимаики гап бўлса, тўла-тўкис ёзиб борардилар. Бу ишда муболаға қилинмасин, деб алоҳида таъкидлаб буюрилган эди. Шу йўсинда туркий манзума ва форсий қисса, ҳар бири ул Ҳазратнинг юриш-туришидаги энг йирик воқеаларни қамраб олган назм ва наср қаламига олинган эди.
(Шарафуддин Али Яздий)
👉 @postdarasmiy telegram kanalimizga a’zo bo‘ling.
Jazoni ijro departamentida oʻtkazilgan “Eng yaxshi kitobxon” tanlovining Departament bosqichi boʻlib oʻtdi.
👉 @postdarasmiy
KENGURULAR YURTI POLITSIYASI
Avstraliya butun boshli materikda joylashgan kontinental davlat. U rasman Britaniya hamdo‘stligi qirolligi tarkibiga kiradi. Aholisi 26 million kishi. Oltita shtat va bir nechta boshqa hududiy tuzilmalardan iborat.
Kengurular yurti dunyodagi eng xavfsiz davlatlardan biri hisoblanadi. Mamlakatda huquq-tartibotni saqlash uchun politsiya xodimlari, sheriflar, sud ijrochilari va boshqa mutasaddi idoralar xodimlari mas’ul.
Батафсил ўқинг👉
👉 @postdarasmiy телеграм каналимизга аъзо бўлинг.
“Олмазор”да янги ўйингоҳ
Чироқчи тумани 3-секторига қарашли “Олмазор” маҳалласида яшовчи ёш тадбиркор Сайдулла Қурбонов томонидан давлат-хусусий шерикчилик асосида 105-сонли умумтаълим мактаби ҳудудида сунъий қопламали кичик футбол майдони қурилиб, фойдаланишга топширди.
Батафсил ўқинг👉
👉 @postdarasmiy телеграм каналимизга аъзо бўлинг.
Кун ҳикмати
Тоққа суянма, ўзинг тоғ бўл. Чунки суянганинг қуласа, сен ҳам қулайсан.
✍️Тоҳир Малик
👉 @postdarasmiy
Vazir oʻrinbosari general-mayor Baxodir Mirzaraximov tomonidan Xorazm viloyati transport va turizm obyektlarida xavfsizlikni taʼminlash xizmati xodimlarining xizmat faoliyati koʻzdan kechirildi
▶️ Batafsil
———
Вазир ўринбосари генерал-майор Баходир Мирзарахимов томонидан Хоразм вилояти транспорт ва туризм объектларида хавфсизликни таъминлаш хизмати ходимларининг хизмат фаолияти кўздан кечирилди
▶️ Батафсил
БИЛАСИЗМИ?
• Жигар зарарланганидан кейин қайта тикланиши мумкин бўлган ягона аъзодир.
• Қуёш тизимидаги муз билан қопланган сайёрларда криовулқонлар мавжуд. Бундай вулқонлардан лава ўрнига муз парчалари отилади.
• Ўзгарувчан иш вақти соғлиққа зарар ва узоқ муддатли тушкунликка сабаб бўлади.
• Дунёда фақат Тибетда “қора олмос” деб аталувчи қора мева тугадиган олма дарахтлари бор.
ФАХРИЙЛАРГА ЮКСАК ЭЪТИБОР
Вилоят ИИБ бошлиғининг биринчи ўринбосари, полковник Б.Шарипов бошчилигида ички ишлар органларида узоқ йиллар эл-юрт тинчлиги йўлида самарали хизмат қилган ва кўплаб шогирдлар тайёрлаган фахрийлар ҳолидан хабар олинди. Хусусан, истеъфодаги полковник Шоназар Тўраев ҳамда истеъфодаги подполковник Тўлқин Раззоқовларнинг хонадонида бўлишиб, Ички ишлар вазири ва ИИБ бошлиғининг байрам табриги ўқиб эшиттирилди. Шунингдек, фахрийлар ёшларга хизмат фаолиятлари, босиб ўтган йўллари борасида маълумотларни, қизиқарли воқеаларни сўзлаб беришди.
Бу каби тадбирлар вилоятнинг барча соҳавий, шаҳар ва туман ички ишлар органларида давом этмоқда. Фахрийлар ўзларига қаратилаётган юксак эътибордан кўнгиллари шод бўлиб, ўз миннатдорликларини билдиришмоқда.
Жасурбек ШУКУРЛАЕВ,
капитан.
Бухоро вилояти.