744
انوي لشگ صورّك والتهي أشبع شوف
هذا شارعكم وصلته
وجايب وياي الخريف
علمت روحي الشجاعه
وبطلت من الرجيف
وتالي..
خفت الباب ادگه
وكمت ادگ اعـلى الرصيف .
امس شارعنه كله اعله الصريخ ألتم
أمس بآخر سلف عطّاب صدري انشم
كافي تلومني المريتهن صعبات
شنو مشيّع ضحكتك على چتاف الهمّ
انه اليندم گبل لا خطأ منه يصير
خاطر ما يحس بلوم من يندم
آنه المعركة الما رجع منها الجيش
انه المتخاذل الخوّاف الـ استسلم 💔
گلبي انعرضله اشكال العيون
والوانهن لون احلى من لون
استنگي گتله وگام اخذني
لصورّك وگال إلة ذني
شسوّن عيونك ضيّعني ♥️
ولك چا هي سهلة تفارگ انسان
هد گليبه خلاك إبداله ؟!
إلك خامس شهر ناسيني معقول
ما حنيتلي حتى برساله
بكلام الله اقسمتلي وگتلي ماعوف
اخاف اعليك من رب الجلاله ..
وللّه مَلَّتني المراسي امناطر ومامش حِلِمْ
واني بين الليل والغُبشَه خواطر
طيف بستانك اشِمّه وعْثَر بعطرك رَسِم...
انه واضح
بس المراية تغش
طارت الوادم براحتها
وبقيت
مرتخي وعايش اللحظة ومنتعش
طيروا كلش حيل فوك الغيم عادي
ومن تتعبون ارجعولي
انه طشيت العمر حنطة على حلوك الطيور
وتالي كلش فرزنتها
وهي كلها تريد من حلكي تطش
انتم طيور وتتعبون وتجون
وانه عش
عقيل العرد
لٱ بيـة أگلك لاتجي
ولابيـة أگول ارجعلي !
دوامـة وتودي لحرُب مَابين گلبي وعقلي
خايف أجيك بلا وعي ومَـا بيك تستقبلني
انـهَ اعرف تحب تبتعد
بس مَـا عرفت تحبنـي .
عركة بيت
گوة اطلع گمت هسة
واحب اگعد لوحدي هواي
وليگعد لـ وحده هواي ماينسى
ترة الگدامكم خاسر هواي اشياء
واخر شي خسر نفسة .
شيبي والكبر موضوع ثاني
أنا ياما دمع بلل رداني
ضعف شوفي وادور عن مكاني
واخجل لو رجف بيدي استكاني
اريد غناك ياخذني
يضوگني الشمس والتين
لك بيه عشگ اخضر .
أحچيني
خَل أغسل سكتي بـ خمر صوتك
زمزم الوادم جزيته
وطافت الكعبه بـ قنوتك
شَدني عـ الفطره سنابل جايعه ومحد غفرها
وأعتصمني العروه من يلمسها چفك
تَحلف الجنه بـ سترها..
وسام سباهي
جــربــها مــره ونـام ملـ ﭼــوم
و شـــوف شثــگلها علــيك الهــدوم
هــب الهـــوه و گــــلبي فگــدهم
يمڪن اعــزازي ابــيت اهلــهم
مسيرين ع ( الحرموني ) منهم
#مثنى_كامل
كل أغنيّة أسمعها
تذكرني بـ حَچي عيونك
تخلص يلا أرد لواقعي المُتعب
تذكرني قبل لا أشكي، و أستغرب
و احيـَه بكلمة شلونك
حنّية گلوب الدنيا مجتمعة
أحس شايلهن لوّحدك
ي كون الدنيا بيها هواي من عندك
تخوّف دنيتي بدونك ..♥️
- احمد ابراهيم .
ورموشك نحر شاهين
ترگص للهوه وتضحك
تضحك ..
والغرف يقضه
تضحك ..
والمسچ نعسان ..
جيّة بابگم والناس من اليوم اقللها
ولوَن عطرك هوه ماشمه لو غرگان
عشرتك صوره راح اصعد وانزلها
ضحكتي الحلوه مو صدگيه
امثلها …
- يوسف العلي
چان بوكتها حرب
والقادة نصحّونا
الما ينتبه ينكتل
ولاتنشغل بالمُضى
ضلوا يذكرونا
بس ما سمعت الحچي
چنت أمشي وسط العدو
وبچفي احط صورته
وأصفن على عيونه
وثاري اليعوفه العدو
ناسه اليكتلونه
-
گعدت من الحلم باچي
خسرتك بالصدگ والطيف
اول مرة اخاف من الشمس تطلع
واجي گايد رگبتي .. ومايريد السيف
حيدر الطفيلي
لعبنا إعله الحبل بس ما گطعناه
ولا سدينا بيبان الميانة
ولا خنه الوفة والعشك بعناه
نفسك انتَ ، انتَ و انا ، انا
فتحنا گلوبنا بلا مستحى وخوف
واجو گدامنا الچانو ورانا
چنه نشوف كل شي و كل شي نقراه
عدنا عيون بس مدري شعمانه ؟!
صاحب الضويري
بالموعد وغيّمت
وغثيتني عن قصد بس اني ما احچي
وهوسة وضباب ومطر
والكل علية انتبه شافوني من ابچي
ومشكلتي احبك چنت
ما چنت مصلحچي 💔
- اثير المحمداوي
نتلاگة واضعف وارتبك
كلما اگلك فدوة ،
اتعب واول مرة احس
تعبان من شي يسوه
صورني گالولي الصور
بيد النحبهم حلوة ♥️
محمد قصي .
ما هزيت فنجان الچنت ماگادر اجرعها
وايامك انعبرت هيج ..
مثل اي صورة ، چنت اشتمها واطبعها
- علي مهدي
مشت و الصدمه خلتني بوكتها
لا ناديتها و لا وگفتها
خذت وياي ورده
و عالحچي الصار
مو بس ذبلتني ، ذبلتها
" العليّ سلم لمن رديت للبيت
جاوبته بـ الاشياء الحچتها "
- علي نادر
أنـة مشتاگلك يفلان و اليوم
كتبت عليك حتى يبين الشوگ
عفت بية فراغ بگد الدروب
الـ مشيناها سوة من أعمارنا و فوگ
من گتلي أرد اروح
گتلك اي روح
ما بينت روحيّ عليك مخنوگ
بس هسه أعترفلك اي و الحسين
عليك دموعي طاحن طيحة عثوگ ..
ضوى بعيني ولا اطفيك
مو ونسة من اسافر حتى ادور اعليك
شما اركب قطار احجزلك انت وياي
بلكت صدفه نتلاگه و أردن بيك
أحمد نصير
حرت بيك وشوصفنك
جمال الريف يل چنك
طين حري وماي دهلّه وسيسبان
والبلابل من تغرد بالسلف تنشر آمان
نبع ماي وشلب عنبر
السواجي ابماي تتعثر
والبردي ابحلات الروج يتبختر..
الچنت اندعيله من اصلي
سيّرت اشوفة وگلي ولي
حتى اهله هم مو خوش وياي
محد الله بلخير گلي
صبوا الچاي ومانطوني
ساعه بمصيبه وورطوني
كش برة منهم مامعزبين
چبحين كلش فحطوني 💔
طلعتك من الصور ومن الگلب والدم
وكلمن ينام بسجن ولوحّده يحلم
لتشيلها جنازتي ولا تبچي اذا سئلوك
و وصيت اهلي تره من الفاتحة يطردوك ..
- علي شاهين
تدرون ضيمي منين بادي؟
من البصره لأطراف الرمادي
هذا الحچي بيا ديره سادي
زعلان اگله يگلي عادي ..
دورت عنه شكثر من راح
دوارت حكومه عن السلاح
ياهو اليكضني يگلي مرتاح
وانه اعله گلبي تنام الرماح ..
ـ مالك الباوي
غَصة بداخلي لهسة
الـ كدر يكسرني بعيونه
اجاني يكلي مانرهم
لازم تكبر .. وتنسى
احساس المَشاعر والمحبة وياك
وي غيري اريدك ترجع تحسة
العاش بهَل أذية وياك
تتوقع يضل نفسة ؟
المهَم
وياك راح أقسى
وَراح اعتبر هاي الفترة للونسة
بس محتاج تبريرك
تتوقع ورة عيونك
راح أكدر احب غيرك !
كل عام وأنتم بخير اصدقائي
صيام مقبول يارب
عيد فطر مبارك 🤍