744
انوي لشگ صورّك والتهي أشبع شوف
بما أنك السرّ البيه مدفُون
خَلي أحچيلَك أسراري القويّه
أول مَرة أجرُب اعشگ إنسان
و هيچ عيوني اسهِّرها بـ اديّه
و إذا تذكُر لقائي الأول ويَاك
من صَديتلي و عينك عَليه
بگدما چِنت ادنگ و آني خَجلان
بـ لحظَتها انه حابب كُلشي بيّه
أحمَد إبراهيم
.
.
لويدرون أجيج شلون!
جا ماوگَفوا بدربي
أضم أيدي وره ظهري وادگَن بابچ بكَلبي
غشمه الوگَفو يدورون واخذوا ظرفج من ايدي
الرساله الريحتچ بيها !!
أضمنها بتجاعيدي
.
.
#علاء_عبد
بچيت الشوف لصورّك ..
بعد شتريد ؟؟
هوة التاه گلبه عيونه بيش اتفيد
حسين السلطاني
أنت لو شفت السواد
الجوه عيني
مَـا مشيت
لو دريت شگالت
الوادم عَلي من فاركتني
چا بچيت
شگد گلتلك
آنا لو ما أنت اضيّع
شگد بقيت مچلب بمگفاك
حد ماضّل قميصك
بين اديه وما ردتني
انه ذنبي تعودت
وانت ذنبك تيهتني ..
تلاكيني بكرم خيرك بلاية عتاب
تعرف عذري ما تحتاج اكلك ليش
اليقدر ظروف الناس ما يعتب
علي شكد ما بسيط اتذكرك ويه الحب
يم اليضم عوزه و يوكف يعزب
عرفتك بالولادة من امي نادت بيك
صاحت بسمك الجابت والتجيب
انه وروحي كل واحد يحبك لون
نتسابگ عشك من دون ما نحسب
الله ياسيف الله
شوية شوية يبدي الليل ويلوحك
وتلگه الدنيا غاد وگاعد بروحك
وتباوع مسلسل حتى تتناساه
وتطلعلك مشاهد تلچم جروحك 💔
هسه تريد تنسانه ؟
اكثر من هوى الله جنت تهوانه
طفل بأحضان والدتة
احلى ايامك ويانة
جنت افگد الرمش الطاح من عينك
مثل اليفگد اخوانه .
شگد
نوارس طايرة بطارف گذلتج ! .
شگد هوى .. .
شگد
ورد غافي وفراشات
وشواطي ، وليل ، ونجوم وگمر
شگد
ضوه ايمر اعله عيني .. .
وطولچ من اخر قصيدة يطيح شلال بنهر !
شگد
حزن بيّه و( احبچ )
وادري بسنيني جزتني وراحت وعمري عبر
.
#ضرغام_لطيف
أنه دمعت غريب بكَل سهولة تطيح
چدمي لذكَرياتك ليش وديتهَ ؟ ..
فراغك و الگبر يتشابهن بِالعين
منو المنهن يعَيش بِروحي وصَيتهٌ
بِظهر كُلمن يُمر تِسافر الدمعَات
بس أنتَ عليك العُمر بديته ..
بعد لاتوُدي طيفكَ ليلّي ما بيه شوگ
أجاني وباب چفني بوجّهة سَديته
أنه منٌ الورد ضَليت أضَم ألشّوف
لان كُلش يشَبهك مَا أشتميته .
أمس ناسي دواي وگالي الدگتور
هاي الحالة متأخرة !
تصلب بـ المشاعر من وره الخذلان
واذا يرجع حبيبك ضعفك يعذرة
وچَلب بـ الاردان الرايحه بلياك
بس تعدي هالفترة
انتَ اكثر بشر ينراد
يگعد واحد يصبره
بچيت وسولفتله الصار
شبگني وگال لتعذره !!
- عزت عباس
لهسه وعاشك عيونك
انه جذاب مامرتاح من دونك
واذا بالطيف قابل مشتهي متونك
حزني من اليحبونك ياهو الكال حزني انت
لو منك اضل ساكت وما كلته
انه عيني الحجي العفته
اومشيت وغمضت عيني او بديت الصور سكته
#حيدر_الطفيلي
يا وجع گلبي واذيتي
شگد احبك .
ومن اشوفك تحچي وي غيري واموت
شگد اموووت
شگد اسب الدنيا والناس وضروفي
وما اسبك .
ومن ارد حي برسالة ،
وانسى كلشي ،
هناك اذب عقلي واجيلك گلب يمشي
وگلبي انته شلون اذبك .
اي يچنك قاب نمنم ، بزر كشمش
روح وردة
ومي غريب .
اي يل منگرش قوافي ، وماي صافي
وهلب سنبل
شي عجيب .
اي يل مودي خيالي لكل محطة
بكل محطة اسمك لگيته
ومامش لوجهك نصيب .
هلبت ترجعلي شوفي بديرتي القمصان شحت
والجرح طوله اعله طولك
والوصل طبة وطبيب .
ها يل مكمشلي روحي شطاحلك وابرز عذابي
وليش تجفي وچنت اعدنك حبيب
مِن حبيته شو زاد انشغاله
تالي تأكدت لمن يضمنوك
تظل ساعات مهمولة الرسالة .
مو كل شخص
سود عيونه حلوات
ولا كل شغلة حلوة تظل محلها
اكو يلوگ الجمال لبعض الاشخاص
بس عيونك أنتَ الـ لايگلها ♥️
أنــتَ خليك بمكاني
و گلي بالحل اليريح
عندي صوت يهزله دنيا
و ما گدر بـ اسمك يصيح♥️
صدفه شفناك و نسينه شلون چنه
الحمد لله اندارت عيونك علينا
و ذكرتنا بروحنا و گعدات اهلنا
كثر ما بيها أمان النَظره منك
- چنه نتمنى مثل عينك و طنّا ..🤍
احمد ابراهيم
ماگلتوا تهوون السچج
خاطر عليكم ماحِـط
حسبالي حبنه اعله الشجر
ما ادري چنه انشخبط!!
وشذنبي تغفون واضل ليليه انام أمبلل!
هـو آنه لـو بيدي عفت..
بس تايبين اشما گلت لـ اعزاز شو تتحول.!
لـ فواز رشم🕊
هذوله احنه
مشت دنيانه بـ المگلوب
والتمّت علينه حروب
وانسدّت دروب وبوب
لكن ابد ما طحنه
هذوله احنه
سمر سحنه
ورد جوري اذا فحنه 🇮🇶
*علي الجبر
على ياساس ابنج كاعد يناغي
وحبيبج ينگطع نسله ؟
على ياساس نص دينج كمل بعدي
وحبيبج ضيع القبله ؟؟
وعلى ياساس كبرتي بسرعه وتربين
وانه الحاسبج طفله
لو سامع الماريده بلسانج
اتخطه واضن سهله
لو راجع جنازه لبيتنه وممدود
ولاراجع بهل فشله
لو شالع فصوص العين بجفوفي
ولاشايف ضحكتج ذيج بالحفله
موتدرين اغار عليج من روحي
على ياساس بيده يلملم الكذله ؟؟
احبك ياعلي وانت ادرى بـ الي يحب
غصن والغصن من يحمّل يحدب
بس انت عذب ما لاح گلبك طين
اجيك امخربط وبسوالفي ترتب
علي شخليت بعيوني وأخذت الشوف
النظر وياك .. وبلياك ضل يحجب
اشوفك بالهوة اليتلاحگ الغرگان
يلماكو سمة اتلمك منين تهب
يالبابك خشب ترتاحلك الجفوف
كلها وباب غيرك دكته اتعب
سيف زهراوي
ماريده بحَياتي وما أفيده
قبلي وبعدي كُلهم لزموا ايده
على گد البداية وتالي عافوه
صاير حالة مِن حال الجريده .
ابسطحهم...
تنزل الغُبشه حديقه
اوتزهر النسمات لو جاست ملحهم.
وبسطحنه..
جفي ع الشباچ غيمه
شاورتهم مطر بيه
اوخجلهم...
مر على اعيوني وفضحهم...
انا جبت العمر سهران
اگلب بالصور وابچي
موذاك الينام الليل
ويگعده المسحرچي ،!
.
حيدر الشكري
من يمك حچو بـ الشوگ
مَا چان اعله شِفتك اسمي متمدد
عِفتني بـ سرعة و يسألون ، واگلهم چَان متردد
واگلهم عفته وأرتاحيت
وابچيلك بچي بـكل ليل ما مَبچي اعله مَستِشهد .
- باهر الجنديل ♥️
ضعت بس أنتي صرتي اگريبه مني
و لگيت عيونچ تسولفلي عَني
شفت روحي حلو بعيونچ هواي
من عدها وحلتّ ويايه دنياي
تغيرت و عرفت شلون اعديّ
ضيمي و ما تظل ايدي اعله خَدي
و بعيونچ انه ليليه اساهر
اصد ليها واحس روحي تسافر
حِمدت الله بكثر حُبي لهالعيون
-الخلتني اصير بحبها شاعر ،🧡
.
#احمد_ابراهيم
محد من خَذَك لليوم
ضل اعله الـ درب يعتِب
محد وصه گبل النوم
عينه بطيفك تچلِب
محد مثلي ضاگ الليل
محد بايگه المغرِب.
محد ساعه ساعه وياي
لـ هلالك گعد يحسِب.
محد غيري الك مشتاگ
( الاماكن كِلها )....إتچِذب
#علي_الخفاجي
يا روازيني الحزينه
يا شمسنه الما جفتنه
حته لو غاضت علينه
شگد حنينه
من الصبح تسبگ
نهار الله وتجينه
ولا جفت مره المدينه
شگد حنينه...
ألهّي بروحي واتعَب حتى ما اسهر
ما عندي وَكت
مَليان يومي احداث
لان بَس افرَغ اتذكر !
وماجاي اشتكي لواحِد
لان ما تنفَع الكلمة اذا چان الوجَع اكبر
يوصلولي حچي المفروض اكرهَك بي
شو لـمّن اسمعة اشتاقلك اكثر !؟
أنــتَ لو بَــس
ينفتحلك
باب گلبي ♥️
تشوف بي أمك و ابوك و ديرتك
و حروف أسمك
و العيون الـ تنذر الشوف إعلة طولك
حتى خوف الوادم الـ رادت تضمك
يا هو أحن مني و يحبك ؟؟
نريدك تعبرنه بس الفتره هاي
لا تشيل ذنوب كل المسلمين
تره عيونك تنحسب ع المفطرات
واحنه گوه مراوسيها وصايمين
وشامتك رسمياً تخرب الصيام
وضحكتك تستفز حتى المتقين
خل يخلص عاد شهر الله وتعال
وباقي الاشهر باليعجبك صايرين ♥️
- احمد المرشدي
رمضان كريم حبايب ♥️