744
انوي لشگ صورّك والتهي أشبع شوف
آنه مشكلتي المسافة
والوجود المادي
چا هسه جيتك
عندي أحلى من سياج الجنة
لون اسياج بيتك .
لتخليني وحدي منين أعرّف الناس ؟
لا أگدر أعاشر لا خِلگ عندي
أحب شلون غيرك؟ من أود شلون !
أنــة وياك كُلش خلصت وِدي
بگد حـُبك لنفسك چنت أناني وياك
منو بگدك يحبك ؟ محد بگدي ..
أخذني وياك مني شعِندي باقي وياي
و گلي وياك أخذني و كُلشي لتودي ..
وية زعلك تمطر الدنيا غِنـة تراضيك
وإنت وية المطر طعمك ثَمل
و بمشيتك شي غريب يناغي سَمعـي
و إنت مالابس حِجل
لمسة إيدك معجزة و نظرات عينك
سِلم و تصوّب چَتل
وانة ياما و ياما تكتلني نظرتك و ارد
يحيّني الكحل
خَدّك مرطّب و ناعم نازك و ما ينحمل
و الشفايف مرة تين و مرة خَمرة
و مرة يسكنها النَحل
حتى كلماتك عجيبة ..
و إنت تحچي اتهجـى بيهن كل حرف طعمة شكل ..💜
.
#حسام_الكعبي
شيسوي يابويه العشگ
شيسوي
كل الخلايا بداخلي تسولف بيك
مثل المدينه الطبها واحد بدوي.
- أحمد علي
مرني نجمه نصوغ للدنيا ضوه
لابس هوه الله من المناير...
مرني وي ذيج الحمامه
الدوم يم عشي تناطر...
هواي متعوّد عليك
لا تطوّل زَعلتك 'روحي خطيّه
تدري كل ما تختفي عيونك بضحكه'
يختفي كل حزن بيّه ..♥️
- احمد ابراهيم
ما گِلت صوچك عِفتني
گلت مِن الله ابتلاء
ورَغم كلشي
ما نسيتك بالدعاء
يا حَبيبي الدنيا بردت
مثلك بـ آخر لقاء 💔
احترك گلبي وبده الدخان يتجمع حدر عيني
أضل بصورتك صافن
وارد لـ وعيي من تطفه الجكارة وبيدي تچويني ...!
- فهد عادل
-
انة چي ميت ..امترّب من اگوم
ومو الية لخاطرك انة احتييت
انة چنت ارسم عيونك ع الچفوف
حتى جوة الراس اضمهن لو غفيت
علي تاج الدين
خطية اليعشك و مايكدر يكول
من ينلجم مامسموحله اينز ..
الرسالة الفارغة معناهه اكو إنسان
خلص ليلته يكتبهه و يجز ..
أحمد عاشور
يمتى بغير وجهك تقنع عيوني
تعال احچيلي شيحلها ؟
عيونك ما تحبني الفدوه اروحلها
آني لخاطرك گمت أعتذر من ناس چانت لو تسلم ما اگوملها .
غلطه ممكن تذلنه
من نشغل نفسنه بناس لاكن همه مو النه
ايهابي
-
تالي يالمالك رفيج
أنهدمت سنيني وطحت بجفاك ..
وفراگك غميج
لا جرف وأنساك يمة
ولاعلة غيرك يوديني الطريج
كاظم اسماعيل الگاطع
وجهچ ینصاغ امصلایه
چی شفت ابعینچ لون آیه
التفن ببریسم طرفینچ
شاطن بیه ال چم اولایه..
شأوضح للبشر اكثر ؟
الناس تگلي متغير !
هو الميل لو لاگي رقم يحويه
ما جاب العمر يفتر
شنهو الفايده مرتب گبال الناس
و انا بداخلي مطشّر 💔
وجهك ولا فاركلي بالي
وبفركتك بضيم حالي
ماغزرن تعبي ودلالي
تاليها خان وحب بدالي
#تبارك_عسكر
اجيك من الصور للطيف
احضنك چذب بأحلامي
واگلك هاك..
انا بدونك صور
متشابهة ايامي
هيج الامانه بساع تنخان
بعتوني شوف بسوگ عميان
#تبارك_عسكر
شتريد اصيرن بعد ؟؟!
مصلايه يمك صرت
حتى اغفر ذنوبك
ثاريك هدم الغجر
ملثوك من كل كتر
ماتنمحي عيوبك
#تبارك_عسكر
.
.
غازلتهه
وضحكت الحيره اعله خدها
وكالت شضل بالعمر
احله ما بالورد راح
واحله مابالغصن طاح
ولليل شعري اتطرز بخيط الفجر
وانه مو ذيج الحديقه
الجانت تضيف النسايم
والفراشات البريئه
وكل عصافير الصبح
انه هسه
امرايه مكسوره
وجرح يعكس جرح
وكاع مطعونه بعطش ..تنزف ملح
هاشم العربي
بَـس هسَة ،
تفكيري أختلف
راحَة البال
مَن أنعزل
و أنسَاها للحَنية
و اسَراري أخليهَن الي
ما أريَد اي واحَد بعَد
يعَرف شصاير بيَه .
چان ودي عيونك من تصد اگلها
لا تعوفنّي بعد ما ضلي غالي،
و الرموش الچانت اطوّل من حياتي
طولهن لاعب بحالي
انه ما احب التعلق،
مال من كلشي عداهن
چنت احبهن أكثر من الدنيا كلها
- و ما يحبنّي، شجاهن !
احمد ابراهيم
اذكريني...
لعلها اتفيدني الذكرى
وحضنيني ضعن بدوي..
البداوه اتموه اذا ما تحضن الصحرى
و عصريني ...
العنب من ينعصر ياخذ عگول الناس
و شربي الوان عافيتي ...
الشجر يشرب خضاره الفاس
و ندى طيحي...
الورد معروف بشفاف الندى ينباس
و جيسيني...
اليحب يرتاح اذا بچفوف ولفه انباس
.
#كريم_حاشوش
وانه .. .
منذور اعله شنهي
وليش اذب روحي ال غريج يريد يخلص من عذابه وتدني ذرعاني اعله مايه يلوحني .. . ونغرگ سوه
وليش
اكود عيوني گوه لسوگهم وارهن دمعتي لناس ماتدري عليمن چم نبي بروحي .. .انچوه
يا خطيتي
ال ماغفت مرّه ونستني
يا سچچ روحي ال جزتني
يا سفر شوفي وغربتي وياثگل صوتي من أغني
يا حزن ياليش فك ياخة عذابك
والله ودّي ارتاح منّي !
#ضرغام_لطيف
مو جَرح، لا يا جَرح
رَديت مِنك وجه
بمرايا مَڪسورة
موقفَك ما ينغفر
غلطه وثمنها النَظر
من ذاڪرة الـ أنعمَـى
شيطلع الصُورة ؟؟
فرق عيونك اعله الوادم هواي
لذلك لمن تمر صعبه يمشون
بحيث تبين انت عيونك كبار
واليمك شلع ماعدهم عيون
بديت انساك هسه الحمدلله
ومن باچر اصورّك راح اذبها
وگبل ١٢ رايد نومتي تصير
واخلي عيوني تحلم باليحبها
انت الگتلي اصعب شي .. النسيان
وتعرفني الاشياء الصعبة احبها ..
ليش اليحب من گلبه يطلع خسران ؟
لو ادري هيچ انسحب من اولها
عافيتي
صوتي
شكلي هذا الذبلان
هاي الخساير ياهو يتحملها ؟
شگد مروا عليّ
من قارنتهم بيك حتى الـ گال احبك
حاول يقلدك !
تذكر من گلتلي الفرصة مرة تصير
تَوني أستوعبتها
وحللت قصدك
يافُرصة حياتي الـ بعد ما تنعاد
رايح للأبد لو گلبك يردك ؟؟
مشتاقلك لا تضحك من احجي وياك
چا هيج من تشتاق عندك هينة ؟
ما دام عينك حلوة من بعد فراگ
ما داعي اسولف چا معزتي مبينه!
حنيت چفك من عفتني وفرحان
ما تدري من فرگاك راسي مطينة
مو ذال روحي گبالك وميت بيك
مو چيف احبك هيَ روحي حّنَينة
- ليث ماجد