744
انوي لشگ صورّك والتهي أشبع شوف
بزيناتك تعيرني ولك يا زين؟
على الماكو عشت وياك
مثل المشتري محبس رزق بالدين
-رسل فهد
-
الماي يصعد للسمة وتالي يطيح
الصوچ بيه و اعترف .. إي قصرت
حلفوني بعيني ماگلت الصحيح
وحلفوني بعينك و ماجذبت
سمير صبيح
يا نشوه يال صوتك طري
يا سيسبان مذهب
يالروحك بخور بعجد
من وره الحايط تنحب..
انتَ عيونك أحلى من البدايات
ولأن خزرني فد حبيت روحي
صحيح انه طموحي عيون الكبار
بس عيونك اكبر من طموحي
الگطن من شوكت يلچم
لمن ع الجرح ينحط
طردتونه من اجاكم غيم فوگ
اغصانكم نگط
اول مره اشوف الماي يرد من
الزرع للشط
باسم القصير
توني أشگ بأول رسالة ومرني شوگ
گمت ألملم بـ الحروف الـ شاگهن .. !
أبسط فعل من يمك
يخلي أحساسي متطـمن
أذكُر شاورتني و صوتك يجنن
رجعت لبيـتنا
و كُل عقلي أضم الصوت !
مخلي إيدي إعـلة أذاني
مثل الـ يأذن !
مخالب عطش نهشت واحد منگع
ذيب يدور على أحلامي مدري أجوَع!
ولك لا عندي زعل لا عتب لا عركه
أنسى الصار ماينطي الوجع فكه
ولك خليتلك مغرور يتشكه
تطاولت على گلبي امده اليسكتلك
لضوگك سم فعلتك ضوگ وماكِتلك
گلبي انظف الدنيا .. امده اليسكتلك.
- علي مهدي
انه واضح
بس المراية تغش
طارت الوادم براحتها
وبقيت
مرتخي وعايش اللحظة ومنتعش
طيروا كلش حيل فوك الغيم عادي
ومن تتعبون ارجعولي
انه طشيت العمر حنطة على حلوك الطيور
وتالي كلش فرزنتها
وهي كلها تريد من حلكي تطش
انتم طيور وتتعبون وتجون
وانه عش
عقيل العرد
ما اگدر انسى وجربت ذاك اليوم
امسح صورنه ورحت امسح خدي
تموتني من تگلي راح تعدّي 💔
فوبيا ' من التعوّد
اليجي من اللاشعور
و يستقر بالروح گوّه
فوبيا ' من المَحنه
الضعفت روحي بوكت محتاج قوّه
فوبيا ' من الأغاني
فوبيا ' عَن لا أكون انسان مُهمل
و عادي يتبدل بثاني
فوبيا ' انعد يوم اناني
فوبيا ' من الأحاديث الطويله
البيها كلش مُمكن انمل
لو اغث الأشتكيله
فوبيا ' من المواقف
البيها ردهم ليه قاسي
ادري مرات انه اسامح
لكن يعيشن براسي
فوبيا ' من عيون ناسي
ما يذكرني و اتغرب
فوبيا ' من التقرب
ساكت و افكاري يحچن
فوبيا ' من كلشي عندي
- و چنت بس يمك أآمن .
احمد ابراهيم
ياگلبي هاگد وجع
بيك وبعد تنبض
ووجوه ماتنقره إلمن بَعد تحفظ
وإلمن بَعد تلتفت
والماضي سفرة تعب وعيون ماتعرض
ومن يجزي أسمهم بَعد
لاياخذك مستحه ومن لهفتك ترگض
سعد هاشم الزبيدي
دخيلـچ
آنـه بالمنتصف مني
والدوائر مستمرة وخانگتني
والمحوّطني رحيلچ ..
أنــتِ من يا ثغرة رحتي ؟
وهذا يا باب اليضمّـچ عني ولهسّـه مافكرت أكسرة ؟
أنــتِ مستوعبة فراگچ !
ماكو شي گبلچ يبچّـيني من أذكرة
هاي من يمتى ألي ذكرى !
هاي من يمتى ألـمّ دموعي الأبچيهن وأحبهن !
ذكرياتي مو ألي ، أنــتِ سببهن
أنــتِ خليتي الارقام التافهـة
يصيرن تواريخ ألها قيمة
و أنــتِ دليّتيني بيها ، والاماكن
گمت أشوفن ألها قُدسية وعظيمة
منين كل هذا الضعف و شلون صار ؟
شنو من حُب اليخلي من الرجُل بس الأطار ؟
أخ من ذيچ البدايات السعيدة
الـ چنت احب بيها
أنــة طبعك
الـ چان بيها الصمت يعلى
و أنــة اسمعك
الـ چنت بيها معلگ امالي
بطرف خيط ويه اصبعك
ما چنت ادري
بكثر ما فرحتني ابچي عليها
أخ من هاي النهايات
انكسر گلبي من أديها
من تالي عشگتك عشگ مال أول
ما أگلك شجابك هسـة خاف تضوج
تعال من المطر ميخـاف المبلل
فراگك مشكلة ميحلـها بس ملگاك
ولاتزعل بعد يالماكو غيـرك حل
وَرا وجهَك حرامّ
أنْ چَان فات لعِينَي شَي يسوهَ
واحچَي بدوَن مَا أباوَع بعَين الناس
آنه المَو عيونَك عِندي مَو حِلوهَ!
أنه مسنّح نهر مسلول مايمشن مشاحيفك
لاكيني
نده اعلَه الباب فك شباجك من بعيد ازف روحي هوه وعطاب
اغازل واهس اضنونك
وتكشمر هوه وعصفور من تتجادح اعيونك
-
أطلّع صورتك وأندم
أشوفك ..يعني ماأغفة
وقبل لا أصفن بوجهك
چبيرة چانت الغرفة
علي مهدي
هو هيچ المثلي ينعاف بسهوله
و ما تضم راسه بـ اديّك
عوف كل ذيچ الأغاني
الچنت بيك احلم و ادزها
چا و الاشعار الـ عليك !
- احمد ابراهيم
عموماً روح ليش تبرر وتتعب ؟
يمكن أني ما أنحب ؟
روح و خل أضل وحدي
روح و راح تذكرني
من أي واحد يحبك ،
مراح يفهمك بـگدي .
و ليضل بالك تعدي ..
تلگة الأحلى من شكلي
و متلگة الأحن من عندي .
بَعد ما أريد تُبقى وياي
راح أرجَع و أفك نذورة الساده
و المزار الزرتَه مَرة و بَي دَعيّت هواي
راح أرجَعله بَلكي يبطَل مراده .
كون اليغيب يغيب كله
مو يترك ارسومه اعله خله
باچيك مبچة العنده عله
عايش مثل زعل المساجين
بودي امشي وتردني الحياطين
كرار وحيد
وصلت لبابكم بس ربعي لحگوني
وجرة محبس اليتوضى جروني
فرت مثل الإخوانه گباله ينطگون
يالمچلبين هدوني
وأعاند بس يسحبوني
شلون سيوف اليخافون، شويه شويه طلعوني
يمتى بغير وجهك تقنع عيوني؟
تعال احچيلي شيحلها
عيونك ماتحبني الفدوه أروحلها ..
چنت امسح دمعتك زين
مسحة صورة الميتين
ها وآنه أصعدلها ما أنزلها
آني لخاطرك رحت أعتذر من ناس
چانت لو تسلم ماگوملها
أول تالي أصير بهالشكل خوّاف
آني الصيدة چنت بدمها آكلها
وانتَ من غرگت مو عافتك كلها؟
وانا شسويت تتذكر؟
المسافه البيها نازل حتى أدور عليك من تشمر الدرهم هم ميوصلها
وحچيَّك حيل متغير
مثل ذاك اليلف الحبل عالمعدوم
تتأكد خنگني يالا توخر
عيبك تنسى، عيبي أذكر
ضيعتك گبر والوادم الوياي كلها تمشت تدور
أريدك إلا انتَ، سلاح اليكتلون
عكسك؛ لمن يسألونك تفكر
المصيبة أي حل وسط ماكو
أجي يمك تصغرني أجي لمرايتي تكبّر!
خشمك رافعة ومالك فضل وياي
وأنا متداين ومنطيك ومقصر
أنا من اليوم مو خيّر
وراح تشوف شكلي بخير ميبشر
أجيتك جية المحتاج للقاصة
اجيت أكسر
وأسمع صوت گلبك عالي من الخوف
وي كل دگة اشوف گلادتك تطفر
واگلك سر؟
چنت ناوي اچملها
على هاي الجروح تروح تحمد ربّك وتشكر.
- باهر جنديل
لميتك هوه من الماي
يالماتركد بريه
وسولفتك لكل سهران گمريه..
عزيز العـُمر
بس والــلّٰـه !
فلس ما يسوى من دونك
و عزيزة العين
بـَس شتفيد ؟
أذا ما شافت عيونك
تعبت أربعينك
رادوا يشبهوك
و أنــتَ أنسان أخوتك ما يشبهونك ♥
الاحبك من لسانك تاخذ الروح
غيرك گلي.. مو حلوة بلسانه
اول ما تفتح الشمعة تبدي تموت
ليش عيوني ماسدهن
الزعل و الفرگة ذن سهلات يم الناس
چا ليش أنة مو گدهن
چا ليش الصور
يغفن و اگعدهن
هذا أنة ذنب تايه
مدري من السمة شارد
لا ولله موش الموت
أصعب شي وكت يتوسل الواحد
كل ذاك العتب مافاد
أنة شمدريني مايتعاتب البارد
غالي هواي
بس شايل گلب والد
جبت الليل ما نايم و احلم بيه
منو گال الحلم ما يمر بالگاعد
أنــي احبك
حتى احارب بيك روحيّ
حتى اعرف شرد اسوّي
وما اخلص عمري طيّش
أنــي احبك
كثر ما ضاعت سنيني
بكثر ما باعوني غيرك مدري بيّش
أنــتَ اذا مو بيها
ما تسوى حياتي
و حتى ما تسوى أعيش♥🩵
ذكرياتك ما عفتها
و الـ أريدك ماتت بشفتي بكثر ما رددتها
فكرة النسيان صعبة !
شلون هيچ أستوعبتها ؟
أنــي من گتلك نسيتك
بس گلت ، ما طبقتها ..
تدري صـَحاني غيابك !
و الحياه بعدك شفتها
القوة من أتحدة روحيّ
بأغنية نغنيها چنة
و ما أتأثر نفس ما چنة بوقتها !!
ضُمني بلا هَلا مِن الناسّ
ضُمني مِن العيُون الفاهيَّه بدُونك
علگنِي إعله رمشَك طيَّف
أحِب مگابَل عيُونك..♥️