744
انوي لشگ صورّك والتهي أشبع شوف
-
انت مو إنت بغيابي صاير أحلة
اليكبر يقِلّون شراية هواه ،
وإنتَ گذلة
گلبي يسألني عليك وماعرف گلبي شگلة !
سهلة تِبعد ياحبيبي
وهاي اصعب شغلة سهلة
علي طالب
أكتئاب
و گوة كلمة أحچي ..
و أستغرب اذا حسيت لحظة بشي !
ما أگعد بغرفة و ضوة يطب ألها
و أفرح من أحس نفسي گدرت أبچي
هلگد ما عشت كُلشي
قليل أشياء أجربها
و حتى أتهرب و مااباوع لوجهي
غرفتي الضوة تمر أيّام مَ يطبها
و أنـة تعبان من أگعد بـ لمّة ناس مرتاحين
أخربها ..
ليليّه بعيونــــــــي آيتخطّه
ومـــا ماخذ من النوم غطّه
كل صفنه تشمرني بمحطه
بردان كَلبي ومـــــــا تغطّه
عبد الكريم القصاب
من عدها و أنة تأكدت
گلبك بعد مو يمي
هسه أنة سهلة اشبع بچي
سولفلي شحچي لأمي
من تگلي چا وينة الـ گبل
خابص البيت بأسمة
مو چنت اذا يوم أختفة
ما تغفى اذا مترسمة
چا أنه الـ يسألونك عليّ
و تگول مااعرْف أسمة !!!
تدري
مـن تگبر على شـفافك ضحكتك
يكبر بگلبي آلهوى
عريان السيد خلف
دللي ذاتك عزيزتي فكُل شيء يُعوض إلا الذات ✨️
Читать полностью…
-
بس الدمع وياي مالح
ما بقى ابنادم گلبه واضح
دنيا وبدونك بيها صالح
امراية لوجه مابي ملامح
محمد خشين
الشامت يوم رادك وادمن عليك،
ورحتله وشم رگبتك ؟ وادمن عليك🫀-
اياد عبدالله
ياحد ضال ساكت واكتم بصدري
واحط مية عذر للماعرف كَدري
اصعب مرحلة من يمر بيها انسان؟
من ايحب بشر والبشر مايدري💔.
#أبن عبدالله
يجوز اگدر اعدل نومي المخربط
انفاسي شيعدلها ؟!
أريد استوعب شصاير
ادري لهسه مصدوم
وقراراتي غلط كلها
اتواجه ردت ويّ نفسي حتى اعرف
القوه البيه صدگية ؟ لو گاعد امثلها
هاي المرحلة المااريد اوصلها
محمد صلاح
ما چنت أثق أنــي بـ بشر
بس بيدك أنــي مأمن !
و رادوني اعوفك ..
بس چذب
تبقى أنــتَ أنــتَ شما حچوا
فكرة و براس المدمن
من چنت يمي ، الخير بيّة مبيّن
الــلّٰـه يا ذاك الوكت
حتى أهلي الـ يعرفوني أحب !
برة أنــة اعوفن صورتك
مثل الـ ستوة يدخن
بس مال أعوفك ؟
لا چذب ما چني
گد ما شلت عزة نفس
نقطة ضعف ما أحط عليّ
محد گدر يلزمني !
تخيل وصلت لمرحلة
بس حتى نمشي أحنا سوة
والــلّٰـه ايدي أنطيتك الـ توجعني ..
- حسين صـلاح
قَبل لا يغفى كل عصفور ع الشجره
وقَبل لا تنام هاي الوادم الفقره
وقبل لا والدك يرجع بتالي الليل
وبيده يسرگي بيبانه
وقبل لا ننام ونطير اعله كل غيمه ونشوف الناس جوانه
اجيتك شايلتني الريح
ولگيتك غافي چا و انه ؟
منو ينيمني يَ حبيّب ؟
منو يمسح بـ ايده الراس
ويگلي الفززك طيف ورَحل لبعيد واتعوذ من الوسواس
و ارد زلمه صرت ماخاف
اطمن روحي لا تخافين .. لا تخافين
واصد لَن يرجف اللحاف
لحد هسه اخاف من اگعد بظلمه
واخاف تغمض عيوني وارد الكه العمر ظلمه
اخاف من الضوه اليطفى
على هالحاله اخلص الليل اتگلب
-وبجية الصبح اغفى ...
.
#احمد_ابراهيم
الفلاح والعاشگ صنف
انطو الحيل وحدبو
واحد متاني يشب زرع واحد متاني يشب زلف
وثنينهم عدهم ولف
الفلاح اهون من تفض يرجع چفوفه امفطره
سولفلي شيطيب الذي راجع فطوره بصدره
حسين العجيلي
السجن مرات وسط البيت ،
السجن يبدي اذا محد درى ما جيت ،
لا صاحب يسألك عن التحبها
ولا امك تزعلك لان ما صليت ،
- موسى الحمام
صح چنت اگلك روح كلما تزعل
ابتسـم بس بگلبي چنت اتـوسل
يومية جـاي بجرح ..وآنة اتحمل
اربع مواسم وآني وياك أذبل
عصام كريم
توضيـت يمّ السما
و صلّيت بـجروفك
و تيهت كِل التُـرب يمّ بوسة چفوفك
إتمردت ع اللغة
و ضليت أحبّن شكو أخطاء بـ حروفك
گالولي باچر تجي
و ضليت حاير شَهر
شـلبس إذا شوفك
- منتظر هـادي🤍
عيونكم مفتاح روحي
تشوفني من غير غش
گلي وليا حد نظل ندور بدروب السمه من غير عش
ماكو شجره نحط عليه
نسولف شويه ونطش.
عبد الإله المنشد
الشغلة مو شغلة وجه و عيون متعودة
الشغلة شباچ أنفتح ع الرية من عطرك ..
رفض بچفوفك تسدة
يا مـُزمن بگلبي♥
عسى الــلّٰـه يديمك
و من لا عساه تهنى كلمن يمك
حنيتلك ، يـ الما شبعت من أسمك
تعال اتمرجح بروحي
اجيبن خلك مامتعوب اناغيك بطواريه
وجدان النقيب
بكُثر مَ حاب أسمَك وأعشگ عَيونك
وياك التفَت لمَن يصيحونك ، أكو بگلبي سَواد مطوخ عيونك ، وأكو بنيتي بياض أبيض مَن سنونك ، وأكو شامة بركُبتك مَن يرخصونك ، تغَليك وتغَليهم اليشرونك .
يامَي ، ياعَذب
يـ المَادري شلونك !
بدَي شلتَك نطيتَك لليعَطشونك ،
لچَن سم بگلبهُم مَن يشربونك !!..
أنَي بس بعيونها أحَلف
ما چنت سطحي مَثلها
وانقهر من تنسَى اسمي
لمن "تعدد إهلهَا"
ليش ما گاعد إتغيَر؟
مو چنت عايش قبلهَا !
الوادم شافتك كلها .. مت انه
اشوفك ,,مو خلص ليلي .. متانه؟🔥💔
گاضيها و يا روحي بسالفه وچاي
افضل من بشر ربولي عله
عجيبه الناس لمن تستغل ناس
هو اني الوقت ما مستغله !
حيدر الشكري
متعبني البصدري دخيلة
وانه أشكي منه ، واشتكيله
حاولت اضم حنيتي بس وين ؟
شيب امهات تضمه شيلة !!
- سجاد سالم
تدري من يمر على عيوني نعاس
و أنت صاحي
استغفر الله
و تدري من تنام احس بأفكاري تهدئ
چَن ملاك براسي صلى
شكثر ودي أگعد واسولفلك عليّك
أنت شمسوّي بحياتي ؟
شلون بيك !
چان الاطمئنان فكره
شلون صار ابين اديّك
احنا ما مرة انجمعنا بيوّم صدفه
شلون حافظها مشيتك!
احنا ما يوم التقينا
و بين طبگات الجفن ساكن لگيتك
تايّه و طيفك، مثل عطرك خذاني
شگالت رموشك لعيني
و هيچ ضعت بشوفة عيونك ثواني
شنو فوگ جفونك تبات الحمامة ؟
هذا عشي
و شنو فوگ عيونك الكحله تخليّ
هي حلوة بلايه كلشي
غافي و انه لهسه وي روحي اسولف
نام روحي، و انه اعد بشَعر راسك
- حتى اشوف ايامي و امشي ..
احمد ابراهيم .
ليش عتمت الشبابيچ المشمسه
بغيمة الصد والبعاد
وغيرت مجرى السواجي
وذبلت ورد الوداد ..
خوفتني ..
من گمت تحچيلي طول الليل
عن حبك الاول
واسمه تارس كل حچينا
خوفتني
من گلتلي فلان چان يحبني كُلش
و أنــي احبه
وابد ما نستاهل الصار بينا
وهذا كُله و أنــي ساكت
گتلي احبك !
و أنــي حسيت انتهينا
گتلي احبك وأنــتَ گاعد
تسمع اغنية حزينة .. 💔
بأحساس اكبر من الجاي اكوله
شته والليل ميبدل حلوله
طاحت صورتك ويه الهوا الهاب
واذكرت كلبي و اول اصواب
يومين اعله حطتها على الكاع
وبالثالث شلتها لاحني عتاب
ردت اعرف شعور الناس وشلون
بثواني اتحول الحبوهم اغراب
بصوره وما تحملت اچفي وياك
شلون اتحملت كل هذا الاغياب
حسين الباحث