744
انوي لشگ صورّك والتهي أشبع شوف
خايف تروحين و أذبل !
و العَطش يترس مُكاني
و خايف أشرب روحتچ
و آخذلي ليل و ما أتاني
هاي ألية سنيـــن بارد ..
محد بـ ملگة چِواني
شلون ما طگت عشب بية الثواني
و يخلص الليل
و يخضر ليل ثاني
بية واهس كافر
و ربچ هِداني
الليل شبعني سفر
و أنــة بمكاني ..
حبيته بطريقة تخوف الكتّال
واستاهل اذا ظل الوجع دايم
صارت بيّة اطوّل بالسهر يومين
أگول شلون خاف يدزلي من نايم ♥️
- محمد قصي .
وشلون اشيل آثارك البيه اتعيش
وشلون اگللهم هنت عنده وهان
مو حتّه هايه الصوره لمّن تنشال
ما تنّسي و تترك اثر بـ الحيطان
#المبدع..
(حسين الحاير)
اگعد ويه نفسك واكتشف ذاتك
وكبر حلمك وقلل علاقتك …
واتذكرها كلما تگطع ويه الناس
بهاي الحاله بس تگطع خسارتك
- سجاد صباح
أحب التعب بالچلمة
تحييني
وتبچيني
وتسليني
وفز من التعب چلمة
سمح حزني وحلاتة بچلمة يندلني
آنة وي الأحبهم غيم
شايلني بعسر حلمة
لابية المطر شباچ للحسرة
ولا بية اليلم الفيض من گبرة.
أحب التعب بالچلمة
تراويني المراية الخاتلة بگلبي
اشوف الدم
اشوف الهم
اشوف العثرة بالشريان من تحلم
اشوف هواي من گلبي وگول الچلمة ماتنذم
يعيرني الحمل بالشيل
مايدري الثگل بلسم
أحب التعب بالچلمة
-عباس الغالبي
وانت حجر گلبك !
حتى من اقرب الصور ، تُكبر ومتقَربـك
لمن عفتني ورحت
اني اعترف عاشرت
لكن وحق ربك !!
باچيلَك بكل حضن ردت انسة بي حبك
حنيت والمفروض ما حن
بس گلبي مابي خير و يچن
بالليل يندهني وجع سن
مثل الفخاتي الفجر و يونّ
- علي المقداد
شنو يموتني واحد ردت أعيش وياه
شنو يبهذلني واحد رتبت يومه
تخربط وضعي لمن شفته وَي انسان
ومنسق الوان هدومة بـ هدومة ..
البينك وبيني صعب
ينهدم بحچاية
شفت المرايه وگلت
شيصير يعني واذا متكمّل ويايه ؟؟؟
من گلت كلشي انتهى
حسيت بيّن كسر گلبي بالمراية
يالگتلي حبك ربح ، جاي اخسر هوايه !
محمد قصي 🤍
لو كلمن عشگ ناعم تهنه وياه
عفتك من زمان ورافگت حيه
جذع ميت وانطرك روح وين تروح
الشمس لازم تجيبك تگعد بفيه
#صباح الهلالي
هواي تنازلوا من مسهم الضيج
وانه اعله الماي ، اغمس خبزة اشعير
مامديت چفي بحجة العوز
ونمت جوعان يم اهل التنانير
#عماد المطاريحي
ياهو يتحمل يگلبي يمشي وي چتال اخوه
ياهو يتحمل الفرگة وما يلوج اعلى النسوه
گلي ياهو السوّه زين و من رجع ما تعبوه
هيَ هاي الدنيا عمية اتعثر اليحلف ب ابوه
إيهاب عيال الظالمي
عنوان الضوه عيونك لوتاه الگمر ليله ..
لـ علي تاج الدين
💚
"جُد لي ببيتٍ أريج الورد مطلعه
يا بائـعَ الورد إنَّ الوردَ ترياقِـي"
لو تِدري انت شكد مُهم
لِيليّة بِين نجُومنا ندَورك نَجم
و عيُونه تدَور عَليك
بكُل سَواد الليل ماخَلت حِلم
جَبار رَشيد
من گتلي مو نفَس الدرب
بلحضتهَا جاوبتك صعب !
ما چنت خَايف نفترگ
بس چنت خايف تعثَر
اوصل المَوت وما تصل
دمَعة إعلة خدك الأسَمر..
گتلي امچانك بگلبي
وحله بعينك شخص ثاني
ونزف مشيول صب دمعي اعله قمصاني
ولا تهتم
ورد سندان إنه اتعودت يتغير امچاني
عمار سالم
صبري وعازتي وجروحي والشوغات
وضميري و عزتي و همومي خلني
اتحده البرد بـ الجله افوج الماي
اذا احس الجسر من اعبر يذلني
سمير صبيح
صـدگ سويتها وتبطل تريد ؟
تعوف ايامنا وتنساها كلها !
عوفك من تعبنا ومن الجروح تعال أحلامنا باجر شگلها ..!
أريد أتخطى بس فنّي
برساله ، بأغنية ، بگعده ، بمكان ، بناس
كل ساعه بمكان أفقد جزء منّي
- سيف الغزالي
بعدني بلاك أطوف الود
أدور عن مراسيلك ..
بعدها عيونيّ ما هملت تفاصيلك
بعدها ومن أفز غبشة الخضار الـ بيها مسگي بفيض
گد ما عينيّ تبچيلك !
بعدك ما مدليها إعلة نسيانك !
بعدك ما مدليني ..
أروح ليا كتر بالطيف و يذبني إعلة بيبانك ؟
بعدك ما صغر طرواك
كبر شبسرعة هجرانك ؟؟
-
ترة هذا تَعب نفسي ..
من توگف ويمك فارغ الكرسي !
محمد الشمري
واصل مرحلة من تنام
كل شوية تگعد فاز ؟
وتركض ع الرسايل داز لو ما داز ؟
من ما تلگه أيّ مرسال
ترجع للمخدة بصيغة المحتاز
وما تگدر ترد اتنام
واذا تگدر ترد اتنام
هذا انجاز ..
والقصَيدة الچانت تذكَرني بَيك
شگگتها وبَعد ما تعنيني
الچَان بَعيوني وغفل فكر يَروح
تراب راح أعتَبرة چان بعَيني.
- رزاق البطاح .. "🤍
يحديثات
اذكرني
ب اغانيچن
سوالفچن
ب تاالي….الليل
رشن
فوگ من عندي
ضوه وقداح
ودي
اقرا
العصافير السلف كلهن
شعر شعبي العصر….بسكوت
ياحلوات
ديرتنه
اعگدني
ب ضفايرچن……گبل…...لاموت…..
محمد لفته العماري
إنِّي أَرَاكِ بِنَبْضِ القَلْبِ لا نَظَري
وَنَظْرَةُ القَلْبِ فَوْقَ الشَّكِّ والرِّيَبِ
- الفرزدق.
كل ما ينفتح شباچ اگول بگلبي : چا يمتى !
شگد شايل حچي بگلبي و لهسه معاشر السكتة
إيهاب عيال الظالمي
روحي سلّة خوص
وهمومك جمر
واشتهيت الليلة أحبك من جديد
انصير ساكَين بجذر
إنته، يا فرحة يتيمة
إنته طيف
معلّك اعله ذيال غيمه
وآنه هاوي..
وآنه خاوي
وآنة جاهل باع عمرة ويه التتن
بين الكهاوي
وشيبة شيبة،
كبرن هموم الليالي
وضفرن سنينك ضفر
ومرجحت روحي بكصايب
وبمصايب
وبخلك صبّير، عطشان بثنيتك
عامر عاصي
توصل لبيتك حزين
وخلگ مالك للكلام
وحتى لاتغفى ويگعدك ..
راسك تعلگه وتنام !
محمد عليوي
ومادام العمر غيمه إعــله ساعه يطيح
بديني نِده إعــله الياس...