744
انوي لشگ صورّك والتهي أشبع شوف
هاي الفتره كلش مشتهي الموت
واحس بروحي مامرتاح كلش
من شفت الزرع للصبخه مگيود
والفلاح مابي حيل يغبش
من شفت الوحل دك صدره للريح
والقداح خايف يستحي ايطش
مادام السعف يركص للـ غراب
بعد ما أمّن اكعد بالنخل عش
رفعت الصافي
ما طبگن سره
طبگن عَلَّي كلهن
وكتلنّي وبعد مااگدر اكتلهن
واذا شدّن جدامي وشدّن الچفين
وگعن ع الصدر چا بعد شيحلهن
والتمن عليه مشتتات البال
يا عريان گلي شلون انفضهن 💔
يحسين البواچي اعلى المشو چم دوب
زِنجار الوفه الخوشـن گلوب البوب
تعـثـر بالصور مِـن تمشي للـنسيان ..
يظل متعوب گلبك و انتَ ما متعوب
ايهاب عيال الظالمي
اسولف لأمي بالعاشر سبي وموت
فال الله تگلي ،شماله فالك؟
يمة حسين عايش هذا تمثيل
هيج تگلي خليها اعله بالك
عادل العبادي
حسيت بيك الذبح
حزني خذاني غفل
چف ايدي احسة انشل
عبد الله يبني الگصب
من يحترگ يندل
ضياء المياحي
بعد إستشهاد القاسم إبن الحسن ( عليه السلام )
مولاتي رملة تكلّم نفسها :
امن تبدت الحِنة رضـو للخيل اصير امتاع
الما ضايع من امه گبل جوه الحوافر ضاع
يبقى العزيز اليندفن وردة اعلى خد الگاع
ها يروحي .. ينسى تعبي
الچنت أصيحه .. يبـن گلبـي
انه رملة و ضاع دربي ، ها يروحي
ليش اعاتب .. و احچي بيمن
و انا گلبـي .. مدري عد من !
گومي اطلعي ارد اموتن ، ها يروحي
گتلچ يروحي اعلى التعب ركضة شلب للماي
عفت ابني نايم ع الرمل سوي الثواب افياي
الحلفولي يبقولي مشو هسه الغرب وياي
بيش ابشرچ .. كلها راحت
امن المدافَع .. روحي شاغت
احچي و ابچي اعلى النعافت ، ها يروحي
مطشر ابني .. بيش المه ؟
گلي "احبچ" .. هيَ چلمة
ابني يرجعلچ امدمَّه ، ها يروحي
زفة شمع للظلمة وديت الضحك و الـحيل
و القاسم اشما يبتسم تخزرني عين الخيل
بالليل الوج و اطلع من الخيمة و اجزه الليل
العمره ظلمه .. حزنه شوفه
و عينه تبقى .. اعلى اليعوفه
و جرحچ المـحد يروفه ، ها يروحي
الما نـسيته .. و لا نسانـي
مشه عني .. و ما خذاني
الشمعه عافيت الصواني ، ها يروحي
يجيبولي طاريه و افـز عشت الـعمر وياه
ما ادري ليش الما يجي ابقى انتظر ملگاه
ما ترهم الضحكة الي بس ترهم الـ "ويلاه"
انا گتلچ .. كافي منهم
فـارگـوني .. و فارگـتـهم
شـمعه يم شمعه عفـتهم ، ها يروحي
هذا گلبي .. و هذا حزني
ما عرفته .. و هـوه ابني
و اليحب عيني لچمني ، ها يروحي
شلت الضوه اعلى متوني ادور عن گمر مبيوگ
و الدنيا دارت بينا من شفت الورد مسحوگ
الفرگة و الغربة و ركضتي و طبتي اعلى السوگ
گتله كافي .. و گال اگعدي
يمه غيـرچ .. ياهـو عندي !
و گتله وي الفرگة نبدي ، ها يروحي
من الحوافر .. ابني ذابـل
وجهه غيمة .. اعلى السنابل
و انخطف لون الرسايل ، ها يروحي
العـام بـشهر عاشــور ماضل ربع حـيل
بلكي السنه اعله حسين ماتسحگ الخيل
بشار الاسمر
يعرفك بالحزن حزنك
لا تدري عليمن گاعك اتصيحك
لا تدري اليصيح الگاع
من يا ملح خاف الله
موسم نشد للتايه
واليخدر چذب ينشاف
خاف يلوح تاج الغفلة بعيونة
يگولون اليعرف الحگ يموت حسين!
چا وينك يراعي الحگ؟
يگولون اليشوف الحگ يعرف حسين!
چا ليش العمة أبن الحگ؟
يلالي الحگ لون ينباگ
فزعة من الصدگ عالخوف
من ينسام عمرك وانت ماتدري
العمر ما ينحسب بالشوف
_عباس الغالبي
شمدريني الحلم يعتگ !
شمدريني القصيدة التنكتب للغشمة تتشگگ !
ايهاب عيال الظالمي
بنجاحاتي اشوف مركز هواي
مو كتلك بدونك اني كدها ؟
راح تشوفني بكل الخسارات
وراح تحطني الاول من تعدها
أدهم علي
غَصة بداخلي لهسة
الـ كدر يكسرني بعيونه
اجاني يكلي مانرهم
لازم تكبر .. وتنسى
احساس المَشاعر والمحبة وياك
وي غيري اريدك ترجع تحسة
العاش بهَل أذية وياك
تتوقع يضل نفسة ؟
المهَم
وياك راح أقسى
وَراح اعتبر هاي الفترة للونسة
بس محتاج تبريرك
تتوقع ورة عيونك
راح أكدر احب غيرك !
ويرشني الواهس بمايه
مدري شلون آفك الباب
ومثل عصفورة الغبشه
آجي يَمّك منَدّايه..
كل خوفي الضوه البايگني حسبة ليل ويذِلَّك
مو فنجان ليش چفوفي ترچفلك !
يكفر بالورد والياس ، تارس عين جدمي الشوچ البدربك
ولو مثل الجرح گلبك .. يركض للگطن گلبك
خطواتي صلاة "افيش" للجناز
ولا شديت بيرغ شوچ ..
هاي سنين فصلية القطار اعزاز
ايهاب عيال الظالمي
سألتني كَبل حَبيت؟
كَتلها انه انحَبيت،
بس مَا حَاب صدكَيني،
ولا فد يوم صار الـ هسة صار وياي،
اول مرة اكَول لوحدة "حَبيني" .
ادرّي مَليت وعُرفتك!
مِن ثگل وجهك وحَچيك
مِن كثر وياي زعلك
مِن برد حتى سلامك
مِن إختفت لذه كلامك
مِن گطعَت الزاد لأجلك
وانتَ جيت بَگلب بارد گتلي
"الله يتقبل صيَامك"
ليذهب كل الرجال إلى الجحيم , هذا ما ستقوله امرأة غاضبة الآن، وفي الصباح ستجري اتصالاً مع “الجحيم” تخبره بأنها لم تنم لأنها لم تسمع نبرة صوته.
-- دوستويفسكي
ضيعنة لب الحجي وصار الكَشر غاية
خاف احجي يا بو علي
والبعض هم يمتعض
وتمسه الحجاية
يرتفع سعر الخبز
كلما محرم يجي وتتبدل الراية
والكطعوا المشرعة
جم شمر يا اباالفضل
كالولي ناس هواي
مر الف عام وبعد
كلما تدور السنة
يرتفع سعر الماي !
عقيل العرد
مضنوك يابو علي
ودي اغفى عد گبّتك واشكيلك الحالك
حاير ثوابك نقص
ماعندي غير البچي أخذ شيجي ابّالك
واحچيها مامستحي
بنفس القميص وعلي ثالث سنة اقرالك
بالبيت قاصة الك
كل مانعوّز دوة انمد ايدنا الخيرك
فطرة من اهلنا گبل
امن نريد نخطب مرة هم نگعد نشيرك
محمد شهد من شباب ذي قار
كل عاشور كون اشلعها العيون
واعصر مايهن گدام الضعون
وارسم طف گضة وكلكم تردون
بدنيا بلا سبي ولاروس تمشون
عندي حسين خلها اتضيع الدروب
يفتح گلبة من ينسدن البوب
يبرد باسمة كلشي الدم والگلوب
لذلك كاتبين اسمة اعلة الاحبوب
علي تاج الدين
الحنه ما تنداف بالدم يجسام
امر الله هذا وهاي عملات الأيام
بشار الاسمر
حبيب ابن مظاهر مخاطباً الأنصار :
لا يربعي ..
الموت قسمه و قسمة البيبان صفنة و صوت ريح
لا يربعي يموت فوگ الما عرف يمتى يطيح
كل من ايكض گلبه بيده
و يرسم عيون اليريده
باچر بيوم القيامة تسكت حلوگ المناير و احنا نتمشه قصيدة
لا يربعي اشما ثگل دم القميص يصير راية
احنا اول ناس تبدي من النهاية
احنا نفزع حتى الله يجازي ربعه
عركة العباس ما تحتاج فزعة
لا يربعي .. الخوف طيف و عينكم ذبحت النوم الليل من يتعب يدور گلب خايف
فشله ع الزلمة اليرد من الحرب والسيف ناشف
وين ما عد الله ظلمه عيونكم زفة نجوم ..
الزلمه زلمه اشما تحط بإيده ليل
لا يربعي ..
حسين چلمة گول للخايف يگول
حسين مو حي الله گاع و تركض عليه الخيول
لا يربعي الثورة ع الظالم خلود
نموت وي الشمس قاده و لا نعيش بذلة الظلمه جنود
حسين حسّب للبعيد
حسين گال التاج چذبه اتصنعه رجفات العبيد
لو تخضر "لا" بعيون اليذلك لو تظل كل عمرك اتجامل يزيد
لا يربعي ..
الدنيا للما عرف دربه
الموت للما گدر ياخذ ثار گلبه
اشما تضيگ الدنيا عدنا عيون عباس بكبرها و گلب الأكبر
و اليشوف حسين يصغر عمره بس عند الله يكبر
لا يربعي متونكم سفرة حنان
و اليخاف يرزقه عبد الله أمان
الـ "هسه" لو رادت تعيش تصير "چان"
هاي مو قسمه الخلود أعظم قرار
احنا ما دورنا فيّ يحمينا من ضكنا النهار
احنا عزبنا التعب بالـ استريح
الموت قسمه و قسمة البيبان صفنة و صوت ريح
إيهاب عيال الظالمي
مولاتي العليلة ( ع ) :
المغرب من يمرني والشمس تطفي
من گدما وحيدة انا اگعد بصفي
إيهاب عيال الظالمي
من يطيح الليل واحلامك غميجة
ماتطفي الماي جمرة
ومن تمر بيك العوافي يطول عمري
واعلگ ارموشي شمع و وساده گمرة
وردت اعذرك ...
والعشگ نجمة بعيدة وعين المحبين عثرة
وليش اعذرك ؟
وانت شتلة خاطر وعطشان صبرك
لا لگيت ابمستحة الحبوك گطرة
ولا تصح غيمة وتمطرك
تذبل اگبالي واشب نار اعلى ورقة
اطفى سكته وعمري يندار اعلى عمرك
لاني عشت عيون شذره
ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى گلبك !!
والزم الحسره التوّجعك
وليش اعذرك
وانت كحلت السمه بتعبي وسماري
ولاتعب وياي صبرك
وذاك چفك
عاند الحنه الغريبه وگتلي من چفك حلال
ونزلت دموعك تطفي شموع حلمك
من گلتلك ؟
ياثمرتي : ضوگ غيري من السلال ؟
بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل
يازغير .
الشيب وي عمرك كبر حسبته چذبة
ليلة ليلة وداعتك تغفه واحسبه.
كاظم الركابي
سألوني على گلبي و گلت خالي
وعشت احساس واحد لا ابالي
بس ماطولت عرفوني مشتاك
من فكرت بيك بصوت عالي
عصام كريم
-
ما لمّتني بعدك سالفة اويه الناس
ولا جاست سماهم رغبة جناحي
حسن الترابي
-
فرّغت راسي وشلتك ظنون ..
شيفتحة بابك باب مديون
علي تاج الدين
ع النسيم الشذري
ناعس مر هواها
مشت
والحيطان سكرت من تراچيها ونداها
عافت البيبان كل ذاك الطرف كله
وبقت تمشي وراها..
غير كُون گلبي يهَدا
والمناره تظلّم
والحِزن يطفه وانام
غير كُون الوقت
بعَدك يبقى نفسه
غير كُون اگعد
وارَمم بانكساري
ليش اعيش العَمر جام
ليش افز من يقتربلي
انسَان غيرك مثل فوات الحَمام .
خضري يا روحي
اعله بختچ
هذا آخر شوگ عدنه
خضري و انطي شما بحيلچ
من ورد
جايتنه مزنه
انطي كل البيچ ... للنسمه
گبل مالريح يهزنه
حبيبه !
آخر طيب ايدگ بابي
اموتن حدر ردنه
مظفر النواب