744
انوي لشگ صورّك والتهي أشبع شوف
مات الضوه و عاشرت ظلمة ..
و ياهو الأذكره " الله يرحمه "
يا كَمرة حياتي البَعد ماهَلّت
يا أنتَ
وكفاني اتوهدنت ويّاك
تحسبني وحسبتي وياك ما فلّت
الغربَة، مِن تلگه صناديگ
الرسايل فارغَة
و مامِش جديد
تكتِب لروحَك رِسالة
فَشلة من ساعي البَريد
وجع ما ينطفي بالـ آخ ، و رمل يركض وره الخنصر
شگلّك يا ضخين الشيب .. تره الما يدري ما يعذر
من عدها و أنة تأكدت
گلبك بعد مو يمي
هسه أنة سهلة اشبع بچي
سولفلي شحچي لأمي
من تگلي چا وينة الـ گبل
خابص البيت بأسمة
مو چنت اذا يوم أختفة
ما تغفى اذا مترسمة
لك چا أنةةة الـ يسألونك عليّ
و تگول مااعرْف أسمة !!!
-
يا گلبي يالما بيك ظنّة
اركد ولك ..مامش محنة
لا بالغريب و لا بهلنة !
ايهاب عيال
من عدها و أنة تأكدت
گلبك بعد مو يمي
هسه أنة سهلة اشبع بچي
سولفلي شحچي لأمي
من تگلي چا وينة الـ گبل
خابص البيت بأسمة
مو چنت اذا يوم أختفة
ما تغفى اذا مترسمة
لك چا أنةةة الـ يسألونك عليّ
و تگول مااعرْف أسمة !!!
شلون اتنفس بدونك !
و اعوفك ذكرى بالنسيان
حتى اليسأل اعليه :
شلونك خويه شخبارك ؟ شلون "فلان" ؟
هسه أحنا لو ردنا الحچي يندار كُله إعلة العتب
مو بيدي ..
هو أنة بيدي ؟ شلحگت ؟
الناس ما تدري شعشت
ما لحگت افهم ترى مو كُلشي ردتة يريدك ..
الغلطة مني ، تعلمت مااعيش وحدي
و هالـ ضعت
لو مرة وحدة بهالعمر
متعلم أقوى و ع الصبر
چا ما بچيت من اسمع حچاية بعد ما أفيدك
عمريش هذا الـ بس ظرف
عمريش هذا الـ ينحسب من حـُضن أمي لـ أيدك
تجَاوزتك وكملت
مُجبر چنت مو بَطل
غصباً علية عِشت
من انتَ مو يمي
گلت على هَجرك حلو
وگالولي عفيه وكفو
بَس النتيجة شنو ؟
گدام ناسي صدگ
انه ربحت الحَرب
بَس خسرت حِلمي
رائد ابو فتيان
لو بـ آخر الدنيا
و ما چنت وياك
و ما عدنا درب واضح وبي جَيّه
يكفيني اخطر ببالك'
- و أجي مو مَشي، بأُغنيّة ..🤍
ما گلت للناس أحبك
حُبک مبین علیه
تريد أغمضهن عيوني
حتى میشوفوک بیه
كلشي بينه صار واضح
حبنا بين بالملامح
گلبک وگلبي حبیبي
صارن يدكن سويه
شكثر حليان بغيابي
وشكثر تعبان من بعدك
اكو شامة شفتها بناس خوانين
كلي شجابها لخدك؟
منتظر فلاح
منين ما المج احسج حيل ترفه
انتي مدري منين طحتي
الكال عنج بالشبه بيج اربعين
هذا مدري شلون يحجي
حسين اللامي
اني هيج ،
باب اليعوفوني ما اعرف ادگها
وعينهم بالصورة اول شي اشگها
و يشبهني حلم عينچ
اطوفن شعرچ المبيوگ واتلگه الحزن گمره
وأشتل كل سماري أرموش
واصابيعي نذر عشاگ يتبدن خـصل سمره
باچر كل ضوه الدنيا يلاگينه
باچر والأمل شمسين
يلگه وجوهنه ويرسم معانينه
الوجع نيشان بعيوني
الحلم نيشان بعيونچ
الحزن ديره غريبه وناس ماضاگت بواچينه..
الغربَة، مِن تلگه صناديگ
الرسايل فارغَة
و مامِش جديد
تكتِب لروحَك رِسالة
فَشلة من ساعي البَريد
منذُ أن قالَ لي :
(( تعال بحلم ، واحسبهه الك جيه و اگولن جيت ))
وانا أتسكعُ بمقهى الكوابيسِ .
-
بس زعلك يرخصني للناس
وسهلة من اطيح ..دموع حساس
علي تاج الدين
كد ما أخافك و أحترم
رجلية أمدهن يم هلي و بس يمك أنة أتربع
تدري أنــتَ عايفلك بشر
من يدعي ينسى أهلة لأن ..
بس أنــتَ بلسانة چنت لمن يصلي و يركع
والــلّٰـه العظيم الـ مثلي ما يتودع
لا تشيل وياك خنجر لو مشيت ..
ولا تأمن الليل
لو شفت الشموع
ولا تصدگ حتى دمعك لو بچیت !
هواي ناس
انباگت بسد الدموع
ولا ادنگ لو ذهب طايح لگیت ؟
الذهب يصعدلك اذا
شافك قنوع
ولا تعاشر ذيب واتأمـنه اوتنام ؟!
الذيب لحم الذيب ..
ياكل من يجوع
#ناظم الحاشي
چنه نحلم
چنه واحنا زغار كل عصريه نلتم
نلبس جناح الكواغد
نركض اويّ الغيم حافين..وعلينه الليل يلتم
چنه نحلم، نرسم بدشداشتنه ورده
وتكبر اويّ الليل ونمرهه الصبح، نلكاها بالفراشه تحلم
چنه نحلم، نبني بيت بماي
يزعل كل كَلبنه اعلـه الجرف لو نلكه بيت الماي بالماي يتهدم
لا مخليلي سبب ينعاش لأجلة
و لا مأكدلي اكو شغلات بية تجبرك تردلي وترجعك
چنت أگلك خوفتي من الـ ما يضلن
لا تعودني عليك ..
حظي يقنعني كُلشي أحبة يروح مني
وخاف لا حظي يقنعك
ردتك تحطلي خيارات أستغلهن ، هاي دنيا
ويمكن بفديوم تلگالي ظروف و سالفة و واحد يمنعك
ردتك تراويني من يا باب طبيت إعلة روحيّ
حتى من تنساني يندل عقلي من يا باب أطلعك ..
وين الـ ماخذك خلـ أبچي گدامة
أهو يدري ماخذك من واحد مداريك؟
و ثامن حاسبك من يحسب أيامة
من انسأل عنك شرد اگل للناس !!
عليّ غيروا گلبة و كثرت أوهامة
أجيك تدير وجهك ، من تجيني أندار
وكت خلانا مثل ملاگة البلامة
ضاعن ارسومي وچبدي مگروض
واعليه فاتن كل الفروض
تلفان گلبي وحيل ممروض
وللضيم مو للبيع معروض
جرحك يخايب چان صدعه
وبراسي خله الساده تنعه
يهل الرحم محتاج فزعه
فوگاي احس طاحن السبعه
ضايع بهيمه وحظي منفوس
والجيب نعمه هموم متروس
عالموس ماشي هواي عالموس
وعالراس فوگ الگاع منكوس
حسين هادي السلطاني
كون اتشوف حالي اشگد الك ملهوف !
جبت كلشي اليسولف بيك
خيالي وصحوتي وطيوف
جبت دگات گلبي الگطعن گلبي بجفاك اسيوف
جبت صفنات روحي
السودنت روحي
مثل جن بمسيه وعل يتيمه يحوف!.
جبار رشيد
ماعرفت الجاذبيه
الا من كضيت أصابيعچ و أديچ
بـ زمن تفاحة نيوتن
انتِ لو موجوده چا طاحت عليچ
محمد سعيد الطائي
مر صوتك من الماضي
وحنينه اشتعل عالشباج
عبرت المستحه وعاتبتك بسكته
كل دمعه تبات الليل برموشي وراها انته
كل لجمه تفززني من اريد اغفى وجعهه انتَ
يروحي العشگ مثل الموت هم ماينعرف وكته
وتتزاحم أفكاري طيور عطشانه
وتغرگ غرفتي بأحلام ماتنگال
واشب بين الظلام وتعب عمري هلال
واسافر والحزن ماينتهي بموال
اكابر لو طفت روحي وافز من الظلام أخيال
واضيع وعطرك يلمني ندى عالياس
بلا وجهك حزين الكأس
تبجي واشتري الدمعات
عينك بالتعب تنباس
واكلك ياوجع روحي
ضوه ولايه بعيده الفرح ماينجاس
يالعينك نبع وفياي
اجيتك خايف من الناس
اجيتك والشته برمشي عمر ذبلان
آنه اشتعل من ابجي
الحزن دون الدمع دخان
تبعد والنفس يبعد حلم شاطي بوجه غرگان
اسافر بالدمع واطوي المسافات
وتمر صورِتَك تدفه بعيني وتبات
ألم حزني واهيم بوكت الغروب
أدور عالفرح مثل الحمامات
تاخذني الدروب التشرب الضويات
ويصفيني الحزن والتم واشوفك جاي
ورذاذ التعب يحرگني وتمر نسمة برد بفياي
ولك ياضحكه عذريه توديني لبياض صباي
واطش كل الألوان وارجع بلا لون مثل الماي
دامك عايش بروحي
ادورك وين وانتَ وياي
مصطفى الخزاعي
عادتك تتهمني
بـ الـ مابية ليش ؟؟
و أنة ع الـ من الــلّٰـه
و عيونك ، أعيش ..
تگلي ناسي ! زين ..
و كِل هذا الوجع والشيب
بيمن ؟
ليش هو الـ يفتح عيونة إعلة وجهك
برأيك يسدهن عليمن ؟؟