744
انوي لشگ صورّك والتهي أشبع شوف
بزحمة الناس
أسمع انفاسك وافز
بس مدري وينك !
الله يخلق اربعين من الشبه
وين اربعينك ؟
-
ماضل حيل بية اعشگ
ولاضل بالگلب شريان يتشگگ
صبغ الباب مالك فوگ اصابيعي
گدما بالچفوف اندگ
علي تاج الدين
هذا الحچي الما ردت اگوله
ما أنّـسي بهاي السـهـولة
سولة البچي بلا سبب سولة
ايهاب عيال الظالمي
مخالب عطش نهشت واحد منگع
ذيب يدور على أحلامي مدري أجوَع!
ولك لا عندي زعل لا عتب لا عركه
أنسى الصار ماينطي الوجع فكه
ولك خليتلك مغرور يتشكه
تطاولت على گلبي امده اليسكتلك
لضوگك سم فعلتك ضوگ وماكِتلك
گلبي انظف الدنيا .. امده اليسكتلك.
- علي مهدي
البينك وبيني صعب
ينهدم بحچاية
شفت المرايه وگلت
شيصير يعني واذا متكمّل ويايه ؟؟؟
من گلت كلشي انتهى
حسيت بيّن كسر گلبي بالمراية
يالگتلي حبك ربح ، جاي اخسر هوايه !
-
أبچي يمّك
حتى زين تشوف روحي
حتى تقراني بوضوح
ياحبيبي ..
لا تظن الدمعه ماي ، الدمعه روح
عبد الكريم القصاب
بس مالت الله
تغيرت من حبيت
وعشت الطفوله
الماعشتها بزغري
ثاري الفرح...
مو اله عيشة سلطان
من الگه واحد فكره
يشبه فكري
سعد شميل🍂
يمتى بغير وجهك تقنع عيوني ..!
تعال احچيلي شـيحلها ؟
عيونك ما تحبني الـفدوة اروحلها ..!
باهر الجنديل
"مهما كانت درجة صراحتك مع أي شخص كان ، فهُناك أشياء دائماً لا تستطيع البوح بِها."
Читать полностью…
وبعد ماتلگه من حبي
هذيچ الوادم و دوّر
همه الساده موجودين
بس يا سيد يشور ؟.
مرّ بيه ونسنس كل شوگي
مغصوب أنگل شوگي بزيجي
تعده لخرزات الترچية .
لا أهلك وأهلي يشوفونه
غتر يالحسنك گمرية
من تجزي يطگ دربك جوري
أه .. الجوري شعامل بيهّ
أنه الـ يسمع
حچي منك
واروح بلايّة
ما أحچي
وأردلك
ردة الجنّاز
بس تحضنيّ
اگوم ابَچي ..
أنَي بس بعيونها أحَلف
ما چنت سطحي مَثلها
وانقهر من تنسَى اسمي
لمن "تعدد إهلهَا"
ليش ما گاعد إتغيَر؟
مو چنت عايش قبلهَا !
مانسيّتك ..
إنتَ مِن اوَل حنيّن برُوحِي غالي
مانسيّتك
كُل حِزن وإنتَ إعله باليّ
كُل فرَح وإنتَ إعله باليّ
وإنتَ اوَل سالفه برُوحيّ خذَتنِي
وكُلها تالي .
مانعينك لو عفتني ؟
من رحت ما فهمتني ؟
واني من بعدك سفينة ، يميل بس ينجاس متني
ضيعت أم بسوگ ، رأسن ضيعيتك !
ليش؟ ياحمرة عروس ، ليلة وحدة وما لگيتك
#فاجأتني
علاء المغشغش
-
آنة من بعدك وگربك فيني خوف
مدري اضحي ؟ ولة احط صبري عليّ
مو مصيبة يضيع كلشيّ للحبيب
المصيبة لو طلع ما يسوة شيّ
عامر العيثاوي
على اوصافك توالم عيد ودخول
وعلى محبتك يطول الشوگ عمره
وصلت لبابكم بس ربعي لحگوني
وجرة محبس اليتوضى جروني
فرت مثل الإخوانه گباله ينطگون
يالمچلبين هدوني
وأعاند بس يسحبوني
شلون سيوف اليخافون، شويه شويه طلعوني
يمتى بغير وجهك تقنع عيوني؟
تعال احچيلي شيحلها
عيونك ماتحبني الفدوه أروحلها ..
چنت امسح دمعتك زين
مسحة صورة الميتين
ها وآنه أصعدلها ما أنزلها
آني لخاطرك رحت أعتذر من ناس
چانت لو تسلم ماگوملها
أول تالي أصير بهالشكل خوّاف
آني الصيدة چنت بدمها آكلها
وانتَ من غرگت مو عافتك كلها؟
وانا شسويت تتذكر؟
المسافه البيها نازل حتى أدور عليك من تشمر الدرهم هم ميوصلها
وحچيَّك حيل متغير
مثل ذاك اليلف الحبل عالمعدوم
تتأكد خنگني يالا توخر
عيبك تنسى، عيبي أذكر
ضيعتك گبر والوادم الوياي كلها تمشت تدور
أريدك إلا انتَ، سلاح اليكتلون
عكسك؛ لمن يسألونك تفكر
المصيبة أي حل وسط ماكو
أجي يمك تصغرني أجي لمرايتي تكبّر!
خشمك رافعة ومالك فضل وياي
وأنا متداين ومنطيك ومقصر
أنا من اليوم مو خيّر
وراح تشوف شكلي بخير ميبشر
أجيتك جية المحتاج للقاصة
اجيت أكسر
وأسمع صوت گلبك عالي من الخوف
وي كل دگة اشوف گلادتك تطفر
- باهر جنديل
تجي من بعيِد تمشي عيونك انتَ وياي
ليش من أَتِدَنة تَنزل عيونك ؟
وانـا بگلبي اگلك ياهلا بملگاك
وأسمعَك مِن تگلي بگلبك شلونك
ماصَدگت شفتَك صَدگت من گال
ماتسوة الشَمس فلسين من دونك
جبار رشيد
انت من غرگت مو عافتك كلها… ؟
وانا شسويت تذكرها؟
المسافة البيها نازل حتى ادور اعليك
من تشمر الدرهم هم مـ يوصلها
باهر الجنديل
گمت مدري اروح لويّن
اطّب للبيت احِس شلون الملاگيّك
غَلطتي بكل مكان ابيتنَه محَاجيّك.
اغفة انت بين النخل
وخليني انه مناطرك
ياترف عودك رطب
لاتبخل وماتمر
عالحبك وعاشرك
تدريهه قله البقوا
والدنيا بس للنذل
مفرعه وتخازرك
يانبي اترهدن علي
ضاكت مثل ماكلت
والكبر مس خاطرك
هذا الوكت مو الك
بس شيقنع اليحب
لو ما تهزه بوصف
اصعد كبالك نجم
الكمر ضيك تره
مابيه نسمة وجرف
يابو القصايد متت
ياهو اليعزي الحرف
_مهند صاحب
ليش ياثالث عيوني
ليش ياتالي الحبايب
ليش يابعد أمهاتي ؟
ليش ماكتلي من الاول
أنا موصاحب طويله لاتحبني
ليش خايب عودتني؟
علي مهدي
مو چلبت برداني ؟
مو گتلي اخذني لصحرتك
هم ارحم من مچاني
چا صوفرت
وتبطرت
وتگلي مايك مو عذب
من جبتك لبستاني
لا يا هواي شغيرك ؟
من چنت اكلك راح اجي
شفايتلك ببابك ولك
يم بابي تتلكاني !
مو چنة رمشين بچفن
ما ننتظر ياهو اليجي
من نسير بنص الدرب
واحد يلاگي الثاني ..
ممكن تصبح علّي
من تفتح عيونك ؟
إكتبلي كلمة ولو
"مشتاگ ، وشلونك"
لو حرف منك وصل
مرتاح كل يومي أضل
وقيس الفرح لو گلت
ماعيش من دونك ♥️
چفك طلابة صبر ما تنتهي ويه الطحن
وبنفس چفك جنت تنگل شبع عـ المتن
دنية ترافة علي بس غير وكتك خشن
،
،
ضياء المياحي ✨💜
هناك،
يم الناس الـ يعلموني أنسى، تذكّريتك.
ياچفوف الوطن عامْلتَك عليّة،
والثمن عمري،
وشريتك.
ولسّى أگلك، ضيع، تلگاني هويتك..
وخاف،
يلتم الندى يمّي،
وأجيسه،
ولنّه دمعك.
ماقنعتك بالبچي! چا بيش أقنعك!
بيش!
شخسر بعد!
شنطي!
شتاخذ الدنيا وترجعك!!
ياسر الأنصاري
شو خُملي اليحبونك
من عندي هم يحصل بشر
اتلوچ بيه واسئلك خوما متعب سنونك ؟!
حسين العجيلي
چا ظليت..
ماتدريني انه شظليت
جمرية بمطر
عافوها اليسهرون
هفتت وانطفت..ماتت !!
خذتني الريح...وانطشيت
مصطفى نعمة
يريت العمر بس وياك
بلياها الاوادم كلها والجنة
#للـــ_نــــواب