744
انوي لشگ صورّك والتهي أشبع شوف
شفتك يمه واحد غازل الثاني
وما ادري ضحكت انتَ ضحك هو
بس الأدري بچيت اني !
-باهر الجنديل
الدنيا وجوه
واشكال وضحك چذاب
بس انت بطرگ لونك
مصطفى الخزاعي
عـذرتك خاف ربـك يعذر النـاس
وأشوفـك جـايني بيوم القيامـة
كسرة خـاطريَ من تنجبُر عيب
الـ كـبر عد خـالة شيردة لـ عمامة ؟!
عشرتنة حلوة وبالضبط
تشبة اليگعد البالمطر
وغمض عيونة وغنة..
عشرتنة ما تخلص ردت
ما چنت هـيچ أتمنى
و حتى بفراگك تختلف
هادئ و تعرف تختفي
بهداي مثل الحِنة ..
كُلشي يمي يگُلي عافك
وانهَ بـالـ كُلشي اريدك
چنت احني ايدي وافك بيها بريدك
وانتً تستحسف تسلم !
احسبني عآد من الجنايز
ومن افوت ارفعلي إِيدك ..
-
ياغيم يالشاهد على الصار ..
يا گلب بينه من الوفة أندار ..؟
بالگوة صرنه نار الحجار
ويا سهل فگدي ، دخلة الدار !
حسين الباحث
مـن اول غلط لازم يفض كلشي ..
أول دكمه بالقمصان أذا تغلط
شكو دكمة وراها عدل ما تمشي
•الدنيا ماچنهه ضفيره شلون شفناهه اعله متنك•
Читать полностью…
اهي الدنيا
گبر تايه وشبرين اللحد ، دونك
القصايد مو من احساسي
چنت الگاها بعيونك
علي تاج الدين
و اذا بـ رأس السَنه ما گتلچ اتمناچ
هي امنيتي انه بكل عام
( انتي و جاهل اصغير )
محبتچ باقيه لعمري
و رقم السنه المتغيّر ♥️
- احمد ابراهيم
الليّله دورة سنه
ويا بخت من ظل عدل
الفرحه گد السما والگمر أجمل طفل
الناس رفّة جنح والكاس يرگص ثمل
وأنه الحزن خمْرتي ودنياي سچّة نـمل
بسكوت أذبل ورد
بيّه العطر يَبتهل
مثل الورق بـ الشمس يحترگ ما يشتعل
أنزف آلوان وضوه وجروحي من كل شكل
الجرح أرمد جفن ورماد روحي الكحل
كل هذا وأنه آبتسم
ما أنكسر مو سهل
أشعل جروحي رگص وبـ ثوب موتي أحتفل
عبد الكريم القصاب
مو انه بسهولة الـ عَنه تتخلى
و لا يعوضني غيري و رايح تگله
ببدايتها تحس مسيطر و مرتاح
بس فَترة و تصير النومة مو سَهلة
و تعرف قيمتي، چنت انه المحليك
من تنمسح تخرب شوفة الكحله ..
هواي متعوّد عليك
لا تطوّل زَعلتك 'روحي خطيّه
تدري كل ما تختفي عيونك بضحكه'
يختفي كل حزن بيّه ..♥️
- احمد ابراهيم
انا بنص الحرٌب
چيّ منطي كلمة وياك"
نمت ويه الجثث
بعيون مفتوحة
نمت ويه
الجثث ماخفت وأهتزيت ،
خفت من گتلي
كلمن يلتِهي بروحَه ..
-علي تالي
صارت عينه بعيوني
عبرني و سيطرت گوة
عرفت انوخذ شي مني
و أحسه انباگ هستوه
بديت اتلمس بصدري
آثاري الگلب ما هوّه ..
- فارس جميل
حلاهن بالوفة ، بغض النظر عـ اللون
كل عيون اليخونون مو حلوات
باهر الجنديل
رجعت الواقعي تفاجئت بلمرسال
بخط ما ينفهم
بس القرا يبرد
كاتبته الحبيبه بقلق واستعجال
بحيث اليقره
يسمع رجفة المعضد
انتَ تخيل الحاله الوصلناها
وادم مايعرفونك سألناها
والهدوم اللبسناها بمواعيدك شگد زغرن علينه ومانطيناها ..
اذا جابوا أخبارك نبچي
اذا جابوك نذبحلك الاصيله الماركبناها
ونگعدك وين ماضلينه نبچي عليك
لأن أكثر بروده هناك تلگاها
هديتك ماگدر يكبر عليها تراب
مثلها گبور اهلنه مامسحناها
ونغطيها احترامًا مابقينه نشوف
مثل الناس اليغطون موتاها
وغفينه من البچي، وله احنه سهرانين
ونوم الوفه دينه اليوم نمناها
ودكاكين العزاهم خلص من كم يوم
هيچ عيوننا گوه فتحناها
هاي عيوننا لوما فراگك چان
يگدر هسه وادي يصير جواها؟
نشدناهم عليك وگالو مغيريك
وصدمتنا السوالف من سمعناها!
گالو عافكم
گلنه احنه شمسوين
گالو شك صوركم
گلنه فوگاها ؟
غلطتك ماتجي، وغلطتنا منتضريك
وكتبنالك قصايد ماقريناها
احنه البالمگابر دمعه مايبچون
وعليك المغرب تنگع لحاياها
هسه احنه چذب ماعايشين بخير
بنص الفوضويه المافهمناها
نركض، نلتفت، تركض ورانه وجوه
ماناسين بس ردنه ننساها.
- باهر الجنديل
-
سالمات عيونك شبيهن بچن ..
ياهو المزعل حبيبي
ياسلامة گلبك البي جرح عاجز ينوصف
انتة لوخطيت حزنك چاوصل للمگبرة بصيغة ظرف
علي جميل
💛
-
وحزني اعليك يحبيب مثل فَي العصر يكبر
عمار سالم
بالليل اذكرك ونتجي
والدمع روجه بروجه
من باجر اشألبس وجي
لحد من رخصتك خويه!!
شمتعبك اتگلي الجفه
ماچول گلبي بريشه
خاب الجفه المابي ذنب
والله اصعب امنلعيشه ؟
مو جنت اوصلك للحلم
مو بس الوليلك هم
تنام انت وانه انكط سهر
وعن لاتفز انه احلم ؟
ماكتلك اوكف من رحت
ضلت بگلبي حجايه
ثاريك للحلوك الغرب
ورث البناته هوايه ؟؟
من درت وجهك
وأمانك شـٓح عليه
خوفة الكاتل ..خفت حتـى من أديه
علي مهدي
يجوز اگدر اعدل نومي المخربط
انفاسي شيعدلها ؟!
أريد استوعب شصاير
ادري لهسه مصدوم
وقراراتي غلط كلها
اتواجه ردت ويّ نفسي حتى اعرف
القوه البيه صدگية ؟ لو گاعد امثلها
هاي المرحلة المااريد اوصلها
- محمد صلاح .
اختر لنفسكَ حزناً صالحاً للعيش .
ميثم عبد الجبار
لا تسئلني ويّ هاي السنه شلونك
راحت و آنه صافن بس على اعيونك ♥️
.
.
#محمد_كريم
.
#عام_سعيد 🎄
چَنت وياك
أجيك منين ما تَبعد
و أبد ما راهُم إنتَ وياي
تُربة بغُرفَــةة الـ مُلحد
نَهر تَتمشى ويَ الناسّ
و نخَل وياي مِن تگعُد
يا ضباب ... ! الليلة شگرة
الليلة حتى الحوت ضايع
غزل طش سوالفـة إعلى الماي لهفة و شوگ و متانة إعل جمرة
والگمر خجلان لَف السِمة بشــالة و صار گمرة
الليلة مجنونـة السوالف
و الشِعر يتغنى بالشگرة و يرد يلگاها سمرة
الليلة سكرانة المحنة و شوگي كفرة ♥️
- حسام علي
گالو الناس الرَجُل ما تملي عينه وحده !
بس النَظرة منچ روحي و عيوني ملتها
صرت اريد اكتبلچ شصار بحياتي
و كل مشاعر بيه بـ 'أغنيّة گلتها'
الدنيا ما ترهملي چانت
بـ سِد أصابيعچ عِشتها
و تيهت روحي و احس يمچ شفتها
و انتي من گَد ما اكو بروحچ نعومة
الوردة تعتبرچ اختها ..♥️
- احمد ابراهيم
شسويله الوجع ويهيد
ميفضّ الحزن الا بمگاود ايد
اليبچي وينحضن رأسن دمعته تزيد
- فارس جميل
والصوت كد ما حلو
الحيطان لو سمعتة
ما تقبل ترجعة
والطول ما يهدة ابد
يشبه لهب شمعة