744
انوي لشگ صورّك والتهي أشبع شوف
-
الصراحة استغربت من شفتك بخير
متوقعك بهاي الفرگة موزين
آخر شي لعظمك وصلت النار
چا هذا البرود بحچيك منين ..؟
بديت امسح واغير بالحچي وياك
اندم هسه حتى ارتاح بعدين
بس عيونك تغيّر القرارات !!!
آنة لوحّدي وعيونك اثنين
للشاعر الشاب امير فاهم
يذاك انت
البعيد التندل ابروحي وتسيير هم
اشمدريني
ابحجي عيونك حزن نعناع ما ينشم
اشمدريني
العمر ينباگ من ينداس
والسجه الغريبه اتعيش من تنذم
كاظم_الركابي
-
مغيمة ودربك يبوگ اليمرون
وآنة أول تراب إعلة المطر طاح
ومو كل الأذة الـ منك وجع بي
من تِخنگ چفوفي چفوفك أرتاح
علي مهدي
انه المخلص العمر يهواك وتذمه
وأنه من أخسرك ولف
بس أنتَ تخسر ضعف
محبوبك وزلمة
- علي جواد
يجي يوم اهمس بإذانك
همسة العرسان ذيچ
المدري شيگولون بيها
المهم تضحك
يجي يوم بفرد ماعون انتعشى
يجي يوم وتغفى فوگ ضلوع صدري
واحسب بنمشات وجهك نمشة نمشة ♥️
- مرتضى مطشر
عشت إنسان للحب
ضحكتي بلوني
حلمي إنباگ ..
بس ما باگوا عيوني !!
بعدني أحلم ..
وأصوغ سنيني للعشّاگ
عذب ضلّيت بعيون اليشربوني
لگّاح الهوى و عذرية الطلّيع
وبعطر الصبح بالريح تلگوني ...
_باسم الخاقاني
دفنت وياك ترجيه وكمر مكسور
ونجمه مغمسه بدمعة
وندى بايت من زفه
ونهد ثوري رفض مابايع لا شفافك الترفه
دفنت وياك حلمي وثمر سالفتي
وضواي وكحلتي وليلي وطعم شفتي
بغيابك لا مطر لا عشب لا نايات
لا شبكات لا لمسات
بغيابك لا نجم حولي بحضني وبات
حتى الليل بعدك مات
حتى النوم بعدك مات
طفت مهرة ضواك بعين المرايات
وردت خاليه من الحمل قافلتي
بغيابك ماغمض جفني بحياتك يوم
بغيابك طفيت عيوني مگحلتي
غيابك مو سهل اصبح جزيرة موت
والحرمان يشرب جمر عاطفتي
تذكر من تصبلي الندى بكاس النوم
وتكاسرلي غنج واشرب بمعرفتي
وتتخفى واصيدك مو علم بالغيب
بس ريحة قميصك تضل بوصلتي
و ارسم عـ مخده طيور مكسورات
ويجي طيرك ويروي طيور خاطرتي
تذكر من اغمض عيوني وانت تغيب
وادورك وانت عني تبات متخفي
تمطر وحشتك و يورد النفنوف
وبـ ورده قمصيك تنام وتغفي
احس طليع جسمك فزز التفاح
شتعل بستان صدري وناري ماتطفي
واغفى بحضن حسنك واضحك اعلى الريح
اذا كاروك حضنك طفل منزلتي
اصابيعك حرز من تمس نهدي ينام
اذا شلت الحرز مانام مشگلتي
عماد المطاريحي
هذا الفراگ الصدگي ميفض بدموع
يحتاج شي اكثر اذية الموضوع
ابگعدة وحدة استوعب فراگك ليش ؟
اني الفلم لو بي فراگ ابچي اسبوع
- يونس محسن
الحياة مثل حياكة امي ، خطوتين للوراء وخطوة للأمام ..!
الحفرة-
-
معزول وحدي ، وحيلي ملگوط
مكوي الچفن ومعقّچة القوط
حيلي بجفاكم صاير خيوط
شنهي المصبرة وضال گلبي !
موسى عبد
تحسبني بأصابيعك وگلك خير؟
تگلي اشتاگ لظنونك
وگلك ها غلاتي
اعليك
تعرگ مستحه
عيونك
وشذره اطيح
فوگ خدودك
بلونك
ي أول طيحتك
عونك
قاسم بخيت
شتسوي بية بعد ..؟
وعيونك بيا وكت يبچيلها شروگي !
حتى انتظارك رعب
مشنقة وچن فوگي
وياعيني مالچ بعد ..بس بالحلم ضوگي
حطيت بس الالك ..
بمتاعي من سافرت
ماتعبت نوگي
علي تاج الدين
بحرگة محمد الطالقاني وهو يگول :
إذا لا سامح الله وصار الفراگ
و بالله يوفقك تگضي وتنام
من تدري البنيته تهدم وياي
بس ماتدري كسرك ،كسرة الجام
تدير الوجه عن أهلك ليدرون
من دمعك يبين گلبك شضام
يجيك الليل يشبه سيرة الموت
تگعد وانتَ تنزف من الأحلام
وتسجنك الغيرة بتهمة الـ ليش ؟
يجيك الشوگ يشبه حكم الإعدام
ماتدري إعله يا هي ويا هي ؟ تنلام
تطلع روحها من تحجي الأقلام
غنو للحب....
...... للشجر للماي
للگمره لگصايبهن..
غنو بلكي تخضر الگاع
....... بگذلهن
غنو للغبشه البدت
غبشه بضحكهن
غنوا للماتوا نذر
فدوه السترهن
قاسم بخيت
-
نام شوكت ما يحلى بعيونك نوم
من وكت يغفى الباله كلش خالي
وخليني امر بدربك وما الگاك
وخليك تستنكف تمر ببالي
يامالتي وكلهم يعرفونك زين
بيا عين اگل للناس لا مو مالي
الشاعر الشاب محمد الحلفي
خليك عايش الك لتعيشلي وسافر
لاتنتظرني بعد ماصيرلك شاعر
لاتنتظرني بعد رتب وضع يومك
وآن الاوان الصور توگع من البومك
شو لابس احلىٰ لبس چا وينها همومك !
مثنى كامل
-
ارجع وشوف الفرق
حته اهتمامي اختلف مااعرف شبية !
هيج وصرت مو مهم ؟
وعندك فراگي طلع ميكلف اغنية !
شتريد مني بعد
غيرت كل الچنت ..ماحابهن بية
علي اسر
. كُتبت في لبنان قبل أيام
_____
مَرَّه گتلي
البرد جَسني وخذني ليك
امحاضن الغربه چذب
ومره گتلي
الشوگ شتله ايريد طين
وگتلك الغربه عذاب وطين الولايه عذب
ومره گتلي
غَنّي ياماي القصايد
غني ياشذر الگلايد
غَنّي بيّه... واثمل ابكاس الهلاهل
والهلاهل ماي .. من تِطرِب تِشِب
ومره گتلي
الليل ورَّثني جكاره
وشتهيتك چاي هيل وخُبز سَمرَه
وگلت اعطّر ريتي بيك
وگلت اشمّك عطر حضره
وماطحت بيك اعله شهگه
وطلگت الضحكه مناجل والوكت موسم شِلِب
ومره گتلك
يانده اليحلف ابختك كل ورد ديرتنه ذاك
ياشذر .... ياهَيَه .... ياكشخة الباشا
الجرف صدني وغرگن اسنيني عطاشه
وضاع عمري... ونته تدري
الحلم سفره والعمر شَبَّت عِشِب
ومره گتلك
ياقفل شباچ حضره.... الحِنّه يِبسَت !
والشموع ابلايَه بُرگع
والشمس شربت سماري ومالگيتك فَيْ ضريح
وحاضنت شباچ نيتي... وزرت روحي
وچان بين الليل والمو ليل.... إصبع
وماطحت بظنوني يمك
ثاري كلشي البيّه شايب
ونته كلشي البيك مُرضـِِع
ومره گتلك
حصدت الوادم حنين.. وانه بيه الشوگ حايل
شوگ محبس للچفوف
وخذني بيك الخوف... لأحلام الرجيف
صللَّه بيّه..... وفَرني بيك أشواط سبعه
واشتراني اعلوم صيت
وباعني اعله العبره دمعه
وساوماني ابصم بخور
وشَبني بسطوح ال اگبور
المارضه ابحضن الصواني اعتلگ شمعه
ومره گتلي
ومره گتلك
ولتهينه .... وباگنه اتراب السوالف
وانتهينه ... وفزت الغبشه عواصف
واختلط ماي المطر ويَّه النزِيز
الديره وحشه... ولاذ بينه الصوت يرجف
بس مشينه اضعون زفّه
وخايف ايهَدّي اعله خايف
كاظم العطشان
كيف أقول عن العالم بأنه مكان سيء وأنت مازلت تبتسم فيه .
Читать полностью…
وكَضه عمره الكَصب على المامش يناحر
وهوانا يشرع البيبان بس القفل بالخاطر
زين احنهَ لمن نِفترگ
وحَدك تكمِل
تگدر ؟
شكيت بالعشناه سوه
لمَن گمت تتغيّر
توَصيني اذا عَني رَحت
أبقى قَوي وما أسهر
تصدگ ؟
ضليت أدورليَ دوه
ينومنَي ساعات أكثَر ..
بفراگي نشرت عيونك الحلوات
يعني بخير؟
هذا غيابي ، مو كتال؟
ومن فراگنا لهسه
يحاجوني، وأشر ضال!.
- أحمد ملآذ
-
تمايل راوح اعله الروح
روحي امعلمة وتحمل
جدم يصعد جدم ينزل
عمرها ولاتگول (احاااااه)
واليشكي المصيبة ايذل
عريان السيد خلف
لاكيني بسمه خل نشمر الگاع
لا يمشي الزعل بجناحنه اشكال
شلهه بضيجةالگيعان ؟الاصگور
بير!!!بعينها تنشاف الأجبال
رغم ماكل شغلنه بگصة الغيم
اعله منجل نستحي نبديلنه اهلال
رضينة انظل گلايد للمساكين
ونعرف بالوزة يشوفونها احبال؟
عفه عدنه نعم &عد غيرنه اضماد
هزت الايد تكطع نزف الادلال
استراحة غرفت التعذيب ؟تعذيب
الوجع بعدين يطلع مثل الاهمال
يثگلن و اضحك الهن لا تطخ راس
المغرب عل تحبك فوت خيال
جرب الحب او واعد وانت چادود
مكاتيب الحبيبة امنصبح فال
حدر كل عين امل!شمسيطر الضيج
العاجر خل بطنها! بعينها اطفال
منك ما طبت مو ما تبريت
وتمرضتك ولا شفت الدوه اشگال
انه من مالحكتك جان الاصواب
حزن ماشوفها تسدة المواويل
اگصر منه ماكو يجوز خطوات
بس اخ اشثكل درب الحماميل
اصياح الفاتحة يخفف علگلوب
الحزن من ما يبين مدري شيشيل
هذني السولفتهن كلهن ادروس
اخذ منهن ومثلي اتسرفن وعيل
العشيرة المايهز تفكاتها الثار
ارماح افصولها بسدر المجاتيل
انه الوين الطريق تذلني مرات
وباب لرزق لمجدي التواسيل
فرزنت المواقف گبل الحلوگ
ماتانيت زنجار التفاصيل!
مرتضى العكيلي
-
خل اجرع فراگك زين ..
خل تحبل دموع العين
خل اصبر ، وادورك بين كل الناس
بلكي الله يحبني وخالقك مرتين
زهير العرماني
اه يـ الكلك تناقض !
خدك وگلبك عجايب صوره مو طبق الاصل
خدك بلون الوفر ليلة ضباب
وگلبك بلون الكحل
وچان همك تستغلني
وغصن المكابر بروحي (ترشه ذل)
بلال الصافي
-
لم أكن يومًا مصدر فزع لأحدهُم
حتىٰ في طور تحولي الى فزاعة كانت الطيور تستريح عَلّي ..
ريام مك
اوصلهم أنه من احن ما انشد اعليهم
وچتال من اعتني ما عودت جدمي أرد
ماهمه اتانيهم
عمار سالم
وعلي اتانيهم
يلا الحمدلله ع السلامة
آنه بخير ما دام الله وياي
هوّه يبدل الدمعة إبتسامة
وهوه الياخذ بثار المساكين
مثل ما ياخذ بثار اليتامة
والما يعثر بيوم من الايام
وين يروح من يوم القيامة
- حسين السلطاني .