744
انوي لشگ صورّك والتهي أشبع شوف
ما تدرون صرت بموقف اسود
ما صاير قبل بـ أمة محمد
والله اتفاجئت من سدوا الباب
مالحگت اگلهم ليش ؟ و انسد
بس ظليت واگف يشهد الباب
واذا ما يشهد الباب الله يشهد
- حسين السلطاني .
معقوله ما منتبه ؟ مايعرف اتنفسه ؟
تعبني ما يلتقي من البيت للمدرسه
وآ يا سبب حيرتي يا عّلت جروحي
عيدين من تبتسم يتلاگن بروحي ..
- نور اللامي .
يآ نآس شكثر يغلط ..
ويعرف وين يلچمني !!
وكلش گآم يتمآده !!
وآكثر شغله صدمتني
من گآلولي گاطعهآ ..
شمسويتله الگلآده ؟؟
انه من ذيج البيوت
الماتبات بليلهم نجمة دغش
وانه من..ذيج البساتين
النخلهه ايشاور الغيمه لون جاسه عطش
عندي حب الناس والطيبه صلاه
هذا انه
احچايه سمره
احچايه من ريف الفرات
يوسف علي
من درت وجهك ..وأمانك شـٓح عليه
خوفة الكاتل خَفت حتـى من أديه
علي مهدي
اني حسيت انتهينا
من حچينه هواي بس ما تلفظ اسمي ..
وزاد همّي
آخ يا صدمة فراگك
من السجن طلقوا سراحي
ومن وصلت البيت شفت جنازة امي ..
- يونس محسن
بموعدنه مسترخية
وچنت اني متوازي
وساعتها طبعچ طبع واحد استفزازي
كضيت ايديچ بكثر ما هوسة تفكيري
وگلتيلي مو هالكثر .. تكسر اضافيري !
- يونس محسن .
ياحلقة وصل بين الگمر و الگاع
مد روحكـ بحر مديت روحي أشراع ..
عذر تافه للامانة
يعني شايف انشغالي سبب مقنع للخيانة ؟؟
زين گلي
اکو شي مو حلو بية ؟
غيري چان اکثر حنانة ؟
زين سولفلي اعله گلبي
بالزغر ماعلموك التاخذة ترجعة لمكانة !!
- حسين السعيدي
-
جانت بلمسات أديها الدافيات
أتجيس صدري
تكَلي كل دكَات كَلبك تشتهيني
كاظم خبط
💛
اچويني بشمس عتبتك
فيهم حرگ دمي
واعذرني اذا ما أجي
متخيلك يمي
( علي مهدي ) 🌼
ماحسـبتك گـطعي لو مثـل الـ نسوني
دائره اعله اسمك بـ اسامي المايحبوني
وهيـه مثلي تـسجد لـ عينك گذلتك
واكثـر من گلادتك ذمـتي بـ رگبتك
مو كلتلك؟!
حبني ويـه الناس خاف بـوحدي تزهك
الصـوره كلما بيها لمه صعبه تنشگ
علي مهدي
بعد شيفيد عذرك والعمر فات
البلم من چان شجرة من العطش مات !
.
حيدر الشكري
-
واذا سنتين تانيتك وماجيت ..؟
هو انه بعد تانيت تانيت
ياسر فليح
💛
بصورك ملامح خوف
خايف لا تجينه ايام نتنفس هوانه طيوف
وانا بطاريك
زفيت لتراجيك شبابي زلوف
الصور تاليهه لجمة شوف
مصطفى المالكي 💜
چنت انطرد وارجع مو بـ ادية
چنت مابية خير وهسه بيّة
چانوا حالهم حال الهوى الهاب
وصاروا حالهم حال البقية
ما قصرت وياهم ولا يوم
سويت العليهم والـ عليّة
- حسين السلطاني .
يَ الـ ع الجرح منتچي ، يحچولي عنك حچي
ما أنصحك تسمعة !
خليني ساكت لأن ، من أحچي ادفعك ثمن
ما تگدر تدفعة
وهو بغض النظر عن الـ حچوه عنك ..
أنطيني شي بالعشگ ملموس عشناه سوه ؟
ذكرنيّ ؟ خاف الوكت نساني أنــي جرح ..
و أنــتَ چنتلي دوة ؟
احچيلي شي عنك ؟
اذكر عفتني و رحت !
و اذكر عفتني و رحت ،
و اذكر عفتني و رحت ،
غير الـ عفتني و رحت ما بدر شي منك !!
عشره بـ تعبهآ وضيمهآ بـ زله تفض ؟
هسه آنه خليني .. الملح مآ يعرض ؟؟
بـ آول زعلنه ولحكت تعشك ليش ؟؟
لـ اليوم دآعيك أصآرح وآرفض !!
هسه آعله كيفك جآي تمشي ومرتآح ..
غير اليطفي النآر لآزم يركض ؟
شليت حآلي وكتلي ( الله يعوض )!!
لـ سعد شميل 🖤
ماردت اعوفنك چذب
ردت اعرف شگد مستوى نسبة غلاي و عزتي
( جربتك و ما چلبت )
احمد عاشور
-نحنُ نُفرط في التأنقِ من الخارج، نحاول أن نعلي أصوات ضحكاتنا قدر الإمكان، أن نبتسم إذا ما سألنا أحدهم عن جرحنا، ألا نبالي إذا ما حُطت أياديهم على نقاطِ ضعفنا مدعيين القوة، نحن نزيف مشاعرنا، موهوبون بتزوير شعور بشعور مناقض له، نلبس ثياباً لا تليق بقلوبنا، فقط خوفاً من أن يعلم أحدهم مدى الفوضى التي بداخلنا وذلك السكون الذي يكادُ أن يلتهم بقايانا فنسقط ونحن الذين حاربنا للوقوف بثباتٍ حتى تقرحَت أقدام الحقيقة..
Читать полностью…
انت متغير علية
و شوگ مابيك من اجيتك
واني لو من غربة اجي وبيت اهلي اتيهه
اندله لبيتك
صار سنتين وخمس مرات احب
وما نسيتك ..
- يونس محسن .
رَيّان يَلطولك النايل
طَير وعلى كل سِمه مايل
غيظ الزغر والغنج شايل
كالو فراك وظهر
بس كلت ظهرك غير
وجه الكصيبه علي
هم انعم الله وخير
عميقه!
-
مو هاي هية لهسة وجهك يعرض
ومستحة عيونك ..
شوگ زايد يفرض
وجوه النحبها انجيسها من انغمض
ياگلبي زعلانين ، المن تنبض ؟!
علي مهدي
هيج انه
عندگ شخص ما ينوخذ رأيه؟
و هيج انه عندك سهل!
كفيت عشرة عمر كفت مصلاية؟
ماشوف وجهي چنت،
گد ما ملزك صور وجهگ بـ المرايا
تسمعني ذاگ الحجي وما سمعك حجاية!
- سعد شميل
كلها گالت عيش وحدك!
والسبب لچماتهم ، لاتسمع الهم
همه چانت ناسهم مو گـد ردنهم
وانت عيش..
عيش واستنگي التحبة
وعيش بس مختلف عنهم
علاء السعيدي
هذا انتَ
مدري ابعدت
مدري بسبب خوفي
ظليت انطرك عمر
حد ما رگد شوفي
يـ بعيد ..يـ بالگلب
ياهذا بـ ﭼـفوفي
لـ احمد العبيدي
حبيتك نعم بس انتبه زين
ايالك وبالك تستغلني
اريدك تفتهمني اشلون ما جان
خل عيون كلبك تفتهمني
دولبت الزمان احتار وياي
لجن نظرات عينك دولبني
.
.
أيوب الزاملي
بـ الصدفه شفـتك امس واستعجلت دمعتي
وبسرعه طاحتلك
مو مآل اصيحك ابد ، بس بيـه مدري شضعف
والروح صاحتلـلك
بس لاتضن للعـشك ، مرة متتلك صـدك
مو دوم ميتــلك
ازهر_كريم🍂❤️
لون ندري
بوجهكم غيض ، وخيل فراگكم تصهل
چا جبنه الدرب غافين
اجينه اعيونه تفشل 💔
مصطفى الاشتراني