744
انوي لشگ صورّك والتهي أشبع شوف
الليل يبدي و أبدي أدور الشگگتهن
حتى چلماته التغثني استاحشتهن
#علي_مهدي
بـس هي دنيا وفهت
وأبن آدم الينسي يشتاگ للـ وينك ؟؟
شگـو قميصي شكثر
رادوني بس ألتفت وآنه أرسم بعينك !!
•كاظم شاكر
🍃❤️
درت وجــهك گبـل لاتـطلع النجـمات !
وانــه وگــلبي هـم ننســاك"
مــوش اگــبور خـاطر نحـتفظ بالــمات
#عمار_سالم
وازاني الضوى وماگتلك اختار
بين النجم مالحگت اخيرك
شفت عين الصواب. انترست رماد
ومن غلطة الشاطر گمت احذرك
لاترهم بنفس الحال اخليك
ولا گادر مثلما اريد اغيرك
بالنسمه استفزك بلكت اطير
واحچي وبالسما اجمدوب اذكرك
عرفتك من شفت يم القفص ريش
ماتفتح جناحك من اطيرك
الشاعر علي كريم
خبل وزرع بعگلي كون ويكون
وعسه بيدر الكون ابنار ويكون
تقل لشيء الهي كون ويكون
شخسرك ماتگله ايكون اليه
رحيم الركابي
اذا محتار سافر تعرف الناس
منو يزت القطار ويوگف ازيد
اكو بمشيت قطارك عينه تحتار
وبالحظه الاخيره وياك يصعد
واكو تشده بحبل ويگطعه ويروح
واكو بكلمة شرف ع السچه ينشد
نائل المظفر
عفيت وبالعفو تنقاس الارجال
الرگاب اليعفي عنها السيف تنهان
حچو عني بكثر ماچان فرعون
يذبح من بني اسرائيل رضعان
عباس العبادي
يذاك انت
يطير الحب..
يماا احبك واحب تحط
على سطوحي..!
يـ بس انت وتظل وحدك
عزيز منين ميعجبك تطب روحي ..!!
• عبد الكريم القصاب
الوحيد انه الغشيم الماخبرتك زين
ابو المية هلا التنگل هلا بملگاك
ابو الضحكة الحنينه المبتسم للناس
رضيت بتعب روحي او مارضيت أنساك
والعرفرك ؟ عرفوك بثلث ساعات
ضحكه او سالفه او گالولك الله او ياك
سعود الخفاجي
وانه كلما يمرني الليل اشد حيلي بتصاويرك
صعبه اليعشگ عيونك يحب غيرك
_كريم البغدادي
يبَدي الحلمَّ بيك وينتهَي متـانيك ،
وحتى المُا يعَرفك يّدري ما نـِٰاسيك
فاضل حسن
بسِ انتي وضحكتچ
والحَديثات
اظن من شامتچ باگن كحلهن ،
الناس العاقله الشافوچ بالطيف
الصبح نسوانهم راحن لـ اهلهن
احمد عاشور
ماخذيت حجاية امي وحسبيت
لمن گالت عيش بس گلبك صلف
الگطن والنداف مايتوالمون
الدنيا خشنه تلوگ بس للموترف
ل محمد الشمري
عوف المستحه و افتحلي گلبك
و گبل لتگلي احبك آنه احبك !!
محسن_الموسوي
انه وخلي بلابل شوگ
ومن اعشوشنه الوادم خذتنه ازغار
ومالحگنه حتى انحب
وتعلمنه البچي وحسبالهم نطرب
عمار سالم
النزف يحلالهن ما أريدك إتشدهن
ناوي تغيظهن ما تبي إتضمدهن
بعد ما أصيرلك مثل الفلوس الدين
اعله گد الحاجة من تاخذهن إتردهن
آنه لـ خاطرك طينت چم غربيل
خاطر ما تطيح و طحت من عدهن
و ما سديت بابي بـ وجهك أهلي إشيوخ
بيبان العتب ما نعرف إنسدهن !
تبعدني إشـ عجب مو چنت عكازات
حتى بـ نومتك يم راسك إتمدهن ..
سعد شميل
بعدها الدنيا ما كبرت
وبعدها السالفة الگلناها بالنظرات ماذبلت
ناس هواي سألوني اعله جيتكم
واسكتهم بـ چم هلبت
واشبگ بالسچچ واشتاگ
اشمّن ريحة الجـيّــه
ومدري ( شلون ) وحدة الروح
بس نموت يومية
زياد_البصراوي
مار بيك تريد حَلّ ،
و ماكو عندك مشكلة ؟
مار بيك تموت وحدك
و عشت كل عمرك (هلا)
فاضل حسن
گبل جنه اهروش طيبه
والوفه بينه شحلاته
وگبل جنه انمد ادينه
للفحط والوكته فاته
وهسه طبع اذيابه صرنا
اليوگع اتسرده امهاته
مظفر صبري
خطية اليعشك و مايكدر يكول
من ينلجم مامسموحله اينز ..
الرسالة الفارغة معناهه اكو إنسان
خلص ليلته يكتبهه و يجز ..
أحمد عاشور
على برد الوكت حبيتك من صباي
من جان النهر يعشگ سواجيّه
من جانت الناس تگول: يا الله
وتتوكل عليه حتى الحرامية
هاشم جويعد
ها ياگلبي
القدرتهم شو نسوك
شو بقيت لوحدك چاا ما خذوك
وانه گتلك عيش ويه اليشتهيك
لا رضيت...ولا نسيت الفارگوك
حسين الناصري
گوي گلبك واضحك اعله الهايعات
خوش زلمه اليبتسم بالموزمات
حيدرمنصور المالكي
وگلك شيل شالك خل اشوف الليل
وتتغاوه او يطك ليلك هوى او ينحل
وفز ابصبح جيدك والبياض البيك
شمس مالت ضهر بيه الخضر يذبل
يما گاطع او ياي ابقى على هذا الحال
تره گطعت الخيط اتعثر المغزل
مصطفى حرب 🍒
ما اكدر اطلعك مني وارتاح
شيطلع الوطن من راس الاسره ؟
من اذكرنك ضفاير تخنك الروح
من اريد انساك لازم شعره شعره
علي الشمري 🍒
طفولتنا الخسرناها و جهه جم عاشك من بعيد
يطفه ودمعته نيران شفناها
واغانينا العله الفطره سمعناها
وشارع بيتكم وهلال ذاك العيد
ماترجع بعد واللهفه شلناها
سجاد فلاح
وينه اليگول العافيـه ابـ زاد ؟
چـا ليش بالعشرين وانگـاد ؟
لـ وفاء الخفاجـي
ماصح الوكت وحجي البگلبي وياك
كل شوفك موادع جان شمس اغروب
عمار سالم
بساتينك زهن بس شلي بيهن كون
غيري يشم عطرهن وآنة الاسكيهن ..
عباس العبادي
الله الله
شصار وعيونك جزني ؟
عيون طير بحيل جنحة ..
شصار
وتخليني الوجن
بيد داخل حسن سبحة ..
لا تخاف
شما غفيت بعينهم بعيوني تصحة ..
امجد_الحلفي