744
انوي لشگ صورّك والتهي أشبع شوف
اول خطوة بـ الرجعة
اريد امشيها ما اگدر ،
اركض بية ما بية
كحل مهزوم من دمعة
سراب و شـركض اتأخر ،
چذب
والشيب ما اضنّه تذاكر موت
بهالحالة الجفى من الرقم اكبر ،
السنين تمر عكس عالثوب
يبدي يموت من يزغر ،
واني المثلي يتكتر ،
يتمشه الخضار وتلتفت گاعه
انه محبس قديم لهسه يتذكر
شكو واحد گبل باعه
و اني الليلته تطول
اليصفن ساعة عالساعة ،
اني و باختصار هواي
الـ مايبچون بوداعة ..!
باهر الجنديل
وهذا انه…
وبعدني انه…
اشم حزنك ولا شوفك
احس بروحي هم انسان من اتناوش
چفوك
وبعدني انه
من تبرد عيونك وحس ما ملهوف اگلك موش ملگانه
-سيد علي الماجدي
كاعد بنفس المكان البي تواعدنه ومشينه
اهنا ضحكنه
اهنا بجينه
اهنا حجتلي اشلون خذلتها السنين
اشلون باعوها بمهر للمشترين
وخلصت السهرة سوالف
الله جابج
الله جابك
واتفقنه انموت وكفة
العاشك ايدفنه الحنين
تالي ما تالي التهينه وفرهدونه الوادم اتحب الخصام
بالعراق الحب حرام
بالعراق الحب جريمة اليرتكبها انسان ماعنده احترام
وحنه خلصنه عمرنه بمسرحية كبال تمثال وامام
لا بقينه بدرك الاسفل
لا صعدنه وي الحمام
_علي البديري
يمطرزه اعيونك شذر
ومترسه خدودك ماي
مو گتلي أمر بيك العصر
شو هسه ليل وما جاي
أمين ابو غربان
رجعنه اتراب ...كد ما ع الصور نمنه
ودينه سلام ابرجل مال اطيوف
من شحن زواجلنه
صح گنالك انجافيك
بس حجايه ما عدنه
اوس النواب
ابــهيده
من اتبيع گلبك موش ياهو اليشتريي
وابــهيده
من تعشگ ابن ادم كوّن روحك تشتهيي
وهيه مو كل غلطه غلطه
باچر يشيخ القطار وينركن ب اقرب محطه
وجنطه جنطه
اتغادر الناس بثگلها
ومايضل بس الفراغ ايروش بيي
حيدر قاسم المالكي
جنه اولام
سوه نفرح ، سوه نبجي ، وسوه نحتام
جنه عيون محد كبل الآخر نام
وهسه جروحك بصدري ولا تنعد عطية اكرام
وجنت ابالي مثل الوين اروح
براس كل مطرود
وطحت من عيني
طيحة محبس السطاي
لا ينشد عليه ولا يردله اردود
عمار سالم
يَمن خليتني ابين الحزن
والليل وأصورك وگلبي الجام
انه المثلي ال خلص عمره انتظار ونوح
كون من العصر وينام
_كريم البغدادي
اِي يكَلبي ،
وتالي راحوا ،
وآنت وحدك ظال يمّي .
ماتفاركَني أشوفك .
آنا مثلك يا حبيبي ،
لأن من كل كَلبي آحبك ،
ما أعوفك .
ما أريدنّك تطيب .
ويَّ يا حايط أسولف من تطيب
يابعد روحي يجرحي
وين آكو مثلك آحبيّب
حتى آعوفك
عبدالكريم القصاب .
أجذب لو كلت بالبال ما مريت
بعدني أشتاكلك شوك الدمع للخد
وبعدني أكعد وتاني الريح مثل الريل
بلكي وي الهوة يوصلني منك رد
مبدر اللامي
اصدقائنا الطيبين ..
رمضان كريم وصيام مقبول مقدماً وذنوب مغفورة 🌙
اعاد الله هذا الشهر الفضيل عليكم بالمن والمغفرة
.
كلشي بيه أيريدني أسهر
كلشي بيه أيريدني أنطر
ذنبي صليت الصدگ لأول مراية
ذنبي ما أدري النهر من تكبر بعينه السواجي يضيع مايه
جواد زغير
❤️
.
هذا المكان السولفتلك عنه
من اگعدت يمك وكتلي أدنـه
وگامن ..!!
ومن كامن الخاطر مفشوخ
والوجع لا بالگلب لا باليافوخ
ساعتهة اول مرة احس جدمي يدوخ
ولهسة ماقررت وين اتعنـه
وچانت اغروب وثوبي هادلتة الريح
وهل غورگن بس أرمش أدموعي اطيح
چانت أصياح وفرزنت صوت يصيح
من الفشل رجلينة ماشالنـه
حسين السلطاني
-
كلما خنگني الليل أريدك
لو بيدي ارد وكتك وأعيدك
إنمَدتلي غير چفوف ..وهواي
بس عيبهن مابيهن إيدك !
سجاد سالم
.
اتداين جنت ..تدري الهدايا أتريد
واجيب شتشتهي وشچنت تتمنه ..!
ويسألونك عليهن هالهدايا منين ..؟
ويذكروني وتگلهم والله مو منه
احمد بدر
اليوم جابتني المحنه وگمت اغني گبال بيتك
عود گلتلهم نسيتك
_كريم البغدادي
قَبل من چنت افكر بيش اريد احچي
و ادور حجه حتى ابدي الكلام وياچ
واگول الحجه ما تسوه
افكر ...
اسأل شلونچ ؟
و اگولن لا ... هي بكل وكت حلوه
و ارد محتار بعيونچ
و تصير الحلفه وعيونچ
و ابدي اكتب و اعيش بنار
اظل بـ اول حرف محتار
اخاف الخَط اقل من انتي تقرينه
واظل خايف
مثل خوفة المجرم لو سمع طلقه
نسيت اني بـ نصوص وياچ
- اتراسل ومو ورقه
كتاباتي
علي شهاب
ثگلن والچتف يتعاجز أمن الريش
بـيـمن تـنـسـنـد لو مـالـت التچوه
فتوة مبتلي ايصلي بـ ضريح أوهام
غشمة الصدگو بـ سوالف الـ تگوه
أمتحان المستحه بـ شبگة گفه الدخان
النـتـيـجة أتـموت مرة أحچاية الگهوه
لـ صوت الـ تنگضي رد الصدى المتعوب
بــ نـص الــمــگـبــرة مــا تـنـفـع الـنـخـوه
.
ل /صدام ال جريو
تدري حسبالي الحزن . جلمه بجريده
يموت من تغفه المقاهي
يااا أللاهي
مدري حزن اعيوني يلمع
مدري حزن الدنيا فاهي
وانت تدري
تدري حسبالي الحزن . ليله وقصيده
ويمشي عنك_
تدري حسبالي الحزن مثل التريده
يجي يوم يروح منك_
مثل اي شباج خلكك مايسده
اتسده ريح
والله
والله
والله حسبالي الحزن دمعه وتطيح
مثل اي چادر يطيح
ثاري حزني الماله ثالث
ينولد . ويضل ضريح
ثاري حزني اكلاده حلوه
ياهو حبني يحلي چيده
وينصلب ع الركبه يوميه المسيح
ابراهيم الرائدي..!
اجيت ومو بوكتك
جيتك شضيف؟
كتلي انطيني شاهد
هاك شاهدهن
هبيتها الجرايد ب اول المصباح
ويصفن للمسح لو فات موعدهن
- سعد شميل
سمحيلي ارد اكلج خايبه شلونج
ذبي الثوب السود لايحسدونج
تعداد البشر مو سبع مليارات
غلط لاسبع مليارات وعيونج
علي حسن علوان
امنت بالحب من چنت بالمهد
ايمان ابو ذر بنهج حيدرا
موجوده ليلى براسي بس بعگل
وبعبلتي تعديت الف عنترة
شالة سكتي حساس داخل حسن
بالبحه ذيج التشلع الحنجره
الدكتور فلاح الزيدي
لو من بشر ماخوذ ارجعه
دولبني گلبي بهذا طبعه
أشگد ظيم شال ومامطلعه
عن لاحجايه اجيس ربعه
سجاد حازم
چنت ما اهتم لعمري
و اذا سألوني اذكر
بس مواليدك.
رحت مني
ولحد هسه انه متاني مواعيدك
يرايد غيرنه انريدك
احمد ابراهيم
گلت من أشبگك تحن
چاهيج تنكت ادي
گلبك بعد بعته
رديتني بفشلتي مثل اليجي بلهفته
او ماشايف أمه عمر بس
فاگده الذاكره وتكله ياهو انته
رضا العبادي
.
عشته الليل جي يشبه گفه وداعك
ومثل نوح العشگ هزنه ولا مديتها اشراعك
شمدريني المرايآ اتحب وجه متعوب.!
شمدريني السمه اتغيم نده وتغتاض
بس يلزمها چف اغروب .!
شمدريني الضحك چذاب .!
شمدريني العشگ يجرح
والمشتاگ روحه اتصير دگة باب
شمدريني الخساره البلخريف اوراق .!
شمدريني الشجر تبچي اذا تنعاف
شمدريني اليفٱرگ ناس البروحه!
تبقه بعينه ماتنشاف؟
الظفيره الماتفگها اجفوف تعبانات هم اتخاف
فرح كريم
الباعني هو الخسر
ما يلگه مثلي بعمره
والحطهم اگبالي وگعد
مايوصلولي بشعره
خليته يتحسر علي
مشلول يطلع سفره
محروگ گلبه وما لگه
واحد عليه يصبره
حبيته من گلب وعقل
جد ويحب عالفطره
لهنا واكله انت الردت
ضلمه وطردت الگمره
وخليك من هسه استعد
بالضلمه جرب الحفره
بهاء الحديدي
.
وينك انت ..؟
عيوني مابيهن بعد ينتظرن اكثر
حتى هاي الگمرة بعدك
مو نفسها .. ليله ليله گبالي تزغر
كريم البغدادي
.
واشربي الوان عافيتي
الشجر يشرب خضاره الفاس
وجيسيني
اليحب يرتاح لو بچفوف ولفه انجاس
وانه گد الهجر وگدود بس وياچ ماگدره !
سمره حچاية البستان
بس حچايتچ خضره ..
كريم حاشوش
.
المغربية اختنگ ..
وسويلفاتي دمع ، بعيوني يلتمن
كلمن طريجة لهلة
بس اني مدري المن
ضياء المياحي