platforma.uz

15 июля 2025 18:10

⚡️Хорижда 2 кундан кам вақт бўлиб қайтганлар, божсиз товарлар олиб киролмайди

Жисмоний шахслар томонидан шахсий эҳтиёжи учун нотижорат мақсадларида республикага олиб кириладиган товарларнинг божсиз олиб кириш нормалари белгиланган. Ушбу қоидалар 2025 йил 20 июлдан кучга киради.

Ҳаво транспортида — 1000 АҚШ доллари;
—темир йўл ва дарё транспортида — 500 АҚШ доллари;
—автомобиль ва пиёда ўтказиш пунктлари орқали — 300 АҚШ доллари қийматдаги товарларни шахсий эҳтиёж учун божсиз олиб кириш мумкин бўлади.

Шунингдек, темир йўл ва дарё транспортида ҳамда автомобиль ўтказиш пунктлари орқали нотижорат мақсадларида товарларни олиб кираётган шахс хорижий давлатда икки календарь кундан, ҳаво транспортида уч календарь кундан кам муддат бўлганда, божсиз олиб кириш нормалари қўлланилмайди.

Бунда ушбу товарларга божсиз олиб кириш нормасидан ортиқ деб қаралади ҳамда товарнинг тўлиқ қийматидан ягона божхона тўлови ундирилади, дейилади хабарда.

@platformauzb

platforma.uz

15 июля 2025 13:37

Айни пайтда ижтимоий тармоқларда ўзини мустақил журналист ва блогер деб атовчи Алимов Аюпхонга тегишли аудиёзув тарқалмоқда. Унда бу шахс Сурхондарёда давлат ишида ишлайдиган  аёлларни куракда турмайдиган сўзлар билан ҳақорат қилган.

Аудиода у кўплаб хотин-қизларнинг номусини топтаганини, уларнинг бузуқ эканини иддао қилиб мақтанган.

Энг қизиғи, бу "блогер"ни Сурхондарё вилоят ИИББ фахрий ёрлиқ билан ёрлақаган экан...

Бош прокуратура матбуот котибининг @platformauzb га маълум қилишича, айни пайтда мазкур ҳолат юзасидан Денов туман ИИБ томонидан суриштирув ишлари олиб бориляпти.

@platformauzb

platforma.uz

15 июля 2025 11:07

Бош вазир ўринбосари Жамшид Ходжаев, инвестиция вазири Лазиз Қудратов, инвестиция вазирининг ўринбосари Хуррам Тешабаевларнинг «Ўзбекинвест» ЭИСК» АЖ кузатув кенгаши аъзолигидаги ваколатлари муддатидан олдин тугатилди.

@platformauzb

platforma.uz

15 июля 2025 08:37

Ўзбекистон Мусулмонлари идораси ҳузуридаги "ҲАЖ" ва "УМРА" маркази янги умра мавсумини 2025 йил август ойидан бошланишини эълон қилди.

@platformauzb

platforma.uz

15 июля 2025 06:45

Расман: ўқишни кўчириш жараёнлари бошланди

Ўқишни кўчириш учун аризалар қабули 15 июлдан 5 августгача давом этади.

Давлат ОТМнинг биридан бошқасига — transfer.edu.uz

Хорижий мамлакатларда ёки республикада фаолият юритаётган хорижий ва нодавлат ОТМдан давлат ОТМларига — my.uzbmb.uz

Кимлар ўқишини кўчириши мумкин?

Давлат ОТМларидан бошқасига кўчириш учун:

➖ турмуш қуриб, турмуш ўртоғининг доимий яшаш ҳудудига ўқишини кўчираётган талаба;

➖ ота-онаси ёки турмуш ўртоғининг иш жойи ўзгариб, ўқишини кўчиришга тегишли вазирликдан тавсиянома олган талабага рухсат берилади. Улар имтиҳонсиз ўқишини кўчира олади.

Кимлар имтиҳон билан ўқишини кўчира олади?

➖ Хорижда ўқиётган талаба;
➖ Хусусий университетда ўқиётган талаба.

@platformauzb

platforma.uz

14 июля 2025 16:30

Президент Администрациясининг қуйидаги раҳбар ходимларининг лавозимлари ўзгаришсиз қолдирилди:

Хайриддин Мадриддинович Султонов – Ўзбекистон Республикаси Президенти маслаҳатчиси – Спичрайтери;

Шухрат Мадаминович Ғаниев – Ўзбекистон Республикаси Президентининг аграр ривожланиш масалалари бўйича маслаҳатчиси;

Турсинхан Айдарович Худайбергенов – Ўзбекистон Республикаси Президентининг Оролбўйи минтақасини барқарор ривожлантириш масалалари бўйича маслаҳатчиси;

Виктор Владимирович Махмудов – Ўзбекистон Республикаси Президенти ҳузуридаги Хавфсизлик кенгаши котиби;

Алишербек Азизович Пайгамов – Ўзбекистон Республикаси Президенти Администрациясининг Ташқи алоқалар департаменти раҳбари;

Улугбек Учкунович Курбанов – Ўзбекистон Республикаси Президенти Протоколи раҳбари.

@platformauzb

platforma.uz

14 июля 2025 16:28

Ўзбекистон Республикаси Президентининг тегишли фармони билан:

Эркин Турақулович Юлдашев Ўзбекистон Республикаси Президенти Администрациясининг Комплаенс хизмати бошлиғи лавозимига тайинланди;

Азизбек Аллабергенович Урунов Ўзбекистон Республикаси Президентининг Жаҳон савдо ташкилоти бўйича вакили лавозимига тайинланди ва шу муносабат билан Ўзбекистон Республикаси Президентининг Жаҳон савдо ташкилоти масалалари бўйича махсус вакили лавозимидан озод этилди;

Азиз Юлдашевич Магрупов Ўзбекистон Республикаси Президентининг ташқи инвестициялар бўйича вакили лавозимига тайинланди ва шу муносабат билан Ўзбекистон Республикаси Президентининг ташқи инвестициялар масалалари бўйича маслаҳатчиси лавозимидан озод этилди;

Алишер Саидаббасович Султанов Ўзбекистон Республикаси Президентининг энергетик хавфсизлик бўйича вакили лавозимига тайинланди ва шу муносабат билан Ўзбекистон Республикаси Президентининг энергетика хавфсизлиги масалалари бўйича маслаҳатчиси лавозимидан озод этилди;

Одил Қаландарович Абдурахмонов Ўзбекистон Республикаси Президентининг спорт бўйича вакили лавозимига тайинланди ва шу муносабат билан Ўзбекистон Республикаси Президенти Администрацияси Ижтимоий ривожланиш департаментининг раҳбари лавозимидан озод этилди.

@platformauzb

platforma.uz

14 июля 2025 16:24

Ўзбекистон Республикаси Президентининг тегишли фармони билан:

Алишер Бахадирович Самадов Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаментининг раҳбари лавозимига тайинланди ва шу муносабат билан Ўзбекистон Республикаси Президентининг ҳуқуқий экспертиза ва комплекс таҳлил қилиш масалалари бўйича маслаҳатчиси ўринбосари лавозимидан озод этилди;

Дониёр Бахтиёрович Кадиров Ўзбекистон Республикаси Президенти Администрацияси Жамоат хавфсизлиги ва қонун устуворлиги бўйича департаментининг раҳбари лавозимига тайинланди ва шу муносабат билан Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимидан озод этилди;

Гаянэ Олеговна Умерова Ўзбекистон Республикаси Президенти Администрацияси Креатив иқтисодиёт ва туризм бўйича департаментининг раҳбари лавозимига тайинланди ва шу муносабат билан Ўзбекистон Республикаси Президенти Администрацияси Ижтимоий ривожланиш департаментининг раҳбари ўринбосари лавозимидан озод этилди;

Шерзод Икромович Асадов Ўзбекистон Республикаси Президенти Администрацияси Коммуникациялар департаментининг раҳбари – Ўзбекистон Республикаси Президентининг матбуот котиби лавозимига тайинланди ва шу муносабат билан Ўзбекистон Республикаси Президентининг Матбуот котиби лавозимидан озод этилди;

Нодиржон Абдуқундузович Абдурахимов Ўзбекистон Республикаси Президенти Администрацияси Йиғилиш ва ҳудудларга ташрифлар учун таҳлилий контент тайёрлаш департаментининг раҳбари лавозимига тайинланди ва шу муносабат билан Ўзбекистон Республикаси Президенти Администрацияси Режалаштириш ва ахборот таъминоти департаментининг раҳбари лавозимидан озод этилди;

Бобур Ботирович Ходжаев Ўзбекистон Республикаси Президенти Администрацияси Молиявий технологиялар, рақамлаштириш ва сунъий интеллект бўйича департаментининг раҳбари лавозимига тайинланди ва шу муносабат билан Ўзбекистон Республикаси Президентининг иқтисодий ривожланиш масалалари бўйича маслаҳатчиси ўринбосари лавозимидан озод этилди;

Зилемхан Ҳайдаров Ўзбекистон Республикаси Президенти Администрацияси Ишлар бошқармаси бошлиғи лавозимига тайинланди ва шу муносабат билан Ўзбекистон Республикаси Президенти Администрацияси Молия-хўжалик департаментининг раҳбари лавозимидан озод этилди;

Элла Анатольевна Джахангирова Ўзбекистон Республикаси Президенти Администрацияси Тадбирларни ташкиллаштириш департаментининг раҳбари лавозимига тайинланди ва шу муносабат билан Ўзбекистон Республикаси Президенти протоколининг раҳбари ўринбосари лавозимидан озод этилди.

@platformauzb

platforma.uz

14 июля 2025 16:22

Олий суд судьяси, Олий суд Пленуми котиби Хакимова Нодира Жалаловна Президент аппаратида суд тизимига масъул бўладиган бўлди.

@platformauzb

platforma.uz

14 июля 2025 16:19

Мактаб ва боғчаларда тизимли ўзгаришлар кузатилмоқда

Сўнгги икки йилда таълим соҳасида ташкилий ёндашув кучаяётгани кўп кўзга ташланяпти. Бир қарашда бу расмий маълумотдек туюлиши мумкин, лекин унинг ортида аниқ ва амалиётга боғланган ўзгаришлар турибди. Масалан, ўқитувчилик касбига энди қадам қўйганлар учун жорий қилинган касбий сертификатлаш тизимини олсак, бу нафақат малака, балки жавобгарлик меъёрларини ҳам белгилаш дегани. Статистикага кўра, илк босқичдаёқ 4 мингдан ортиқ стажёр-ўқитувчи бу жараёндан ўтган, бу эса тизим ишлаётганини билдиради.

Қолаверса, таълимдаги раҳбар кадрларни танлашда ҳам анъанавий ёндашувдан воз кечилди. Мактаб ва боғча директорлари учун махсус менежерлик курслари жорий этилиб, бу борада кенгашлар суҳбати орқали танлов ўтказиляпти. Илгари лавозимлар тайинланарди, энди эса кўпнинг ичидан саралаб, танлаб, тайёрлагачгина лавозимга қўйиш усулини кўряпмиз.

Болалар етук вояга етиши учун тарбия ҳам тизимли бўлиши керак. Шу жиҳатдан, мактабгача таълим қамрови 77% га, 6 ёшли болалар қамрови 96% га етказилгани болалар ривожланган муҳитда тарбияланаётганини кўрсатади. Шунингдек, давлат боғчаларида планшетлар орқали электрон давомат юритилиши, педагог ва раҳбарларнинг психологик диагностикадан ўтказилиши тизим назоратини янада самарали қилишга ёрдам беради.

Умуман олганда таълим соҳасида ўзгаришлар йўқ эмас, бор. Ҳамма гап тизимнинг давомий ва қатъий ишлашида. Шундай давом этилса, ҳаммаси янада яхшиланишига умид уйғонди, муҳими.

@platformauzb

platforma.uz

14 июля 2025 13:03

АОКА тугатилибди.

Ахборот ва оммавий коммуникациялар агентлиги (АОКА) фаолияти тугатилиб, унинг асосида Миллий контент ишлаб чиқарувчи марказ ташкил этилмоқда.

platforma.uz

14 июля 2025 11:55

Эртага “Ташаббусли бюджет”нинг 2-мавсуми бошланади

“Ташаббусли бюджет” жараёнларининг 2025 йилги 2-мавсуми эртадан бошланиб, 31 август кунига қадар давом этади.

Бунда:

1. Лойиҳа киритиш босқичи — 15 июль – 3 август;
2. Саралаш босқичи — 4–18 август;
4. Тарғибот босқичи — 19–21 август;
5. Овоз бериш босқичи — 22–31 август кунлари ўтказилади.

Жорий йилдаги 2-мавсум ғолиблари 1 сентябрь — Мустақиллик байрами куни эълон қилинади.

@platformauzb

platforma.uz

14 июля 2025 06:21

Сентябрдан бошлаб хорижий тил сертификати йўқ чет тили ўқитувчилари ишдан бўшатилиши мумкин

Вазирлар Маҳкамасининг 2021 йил 19 майдаги қарори билан, 2024/2025-ўқув йилидан бошлаб барча хорижий тиллар ўқитувчилари камида B2 сертификатига эга бўлиши шартлиги белгилаб қўйилган эди.

Аммо педагоглар ва жамоатчилик вакилларининг мурожаатлари сабабли қарор ижроси бир йилга узайтирилган. Яъни 2025/2026-ўқув йилидан бошлаб кучга киради.

Ушбу талаб барча умумий-ўрта, ўрта-махсус ва профессионал таълим муассасалари учун амал қилади. Бунда фақатгина инглиз тили эмас, балки барча хорижий тиллар қамраб олинади (2-хорижий тил устозлари мустасно).

Мактабгача ва мактаб таълими вазирлиги янги талаб ҳақида педагогларга бир неча марта расмий эслатмалар берган. Ҳудудларда тушунтириш ишлари ҳам олиб борилган.

@platformauzb

platforma.uz

13 июля 2025 10:16

Эртага - 14 июлдан ОТМларга кириш имтиҳонлари бошланади

Тест синовлари ҳар куни 2 сменада ташкил этилади. 1-смена соат 08:00 да, 2-смена 15:00 да бошланади. Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.

Паспорт (ID-карта) ва Абитуриент рухсатномаси — тестга киришда талаб этилади.

@platformauzb

platforma.uz

12 июля 2025 10:47

Саудия Арабистони Ўзбекистон фуқаролари учун онлайн туристик визаларни беришни қайта тиклади

Энди Ўзбекистон фуқаролари 1 йиллик туристик визани онлайн тарзда расмийлаштиришлари мумкин. Виза нархи $107 ни ташкил қилади.

@platformauzb

platforma.uz

15 июля 2025 14:20

21 аср –  ахборот асри. Бугунги кунда интернет янгиликларга тўла. Деярли ҳар дақиқада янги информацияга кўзингиз тушади. Лекин уларнинг ҳаммаси ҳам ўқишга арзирли ёки ҳақиқатга яқин эмас. Хўш, янгилик ўқишда нималарга эътибор бериш керак?

Бугунги кунда интернетда шу даражада ахборот кўпки, уларнинг деярли тенг ярми фейк хабарлардан иборат. Шундай экан, сиз кузатаётган саҳифа бериб бораётган маълумотлар ва янгиликлар қанчалик тўғри эканлигига ишонч ҳосил қилинг.

Вақт масаласи ҳам жуда муҳим. Tармоқлардаги “шортс” форматидаги қисқа видеолар одамларни дангаса қилиб қўяётганини ҳисобга олсак, берилаётган янгилик қанчалик ихчам, аммо маълумотга бой эканлиги жуда муҳим.

Ўзбекистонда айнан шундай талабларга жавоб берувчи ОАВлар ҳам бор. Булардан бири – UZ24. Канал юқорида санаб ўтган омилларга жавоб берибгина қолмай, кунлик бўлар-бўлмас хабарлар билан бошингизни оғритиб юбормайди. Улар фақат сараланган ва ишончли янгиликларни тақдим этиб, вақтингизни тежашга хизмат қилади.

Обуна бўлиб қўйинг — @uz24newsuz

platforma.uz

15 июля 2025 12:46

“Бизнес+” подкасти — тадбиркорлар ва масъуллар ўртасидаги очиқ мулоқот майдони

ЎзЛиДеП томонидан йўлга қўйилган “Бизнес+” подкастининг илк сони кичик саноат зоналаридаги мавжуд вазиятга бағишланди. Подкаст орқали бугунги кунда айрим зоналардаги бўш турган лотлар, уларнинг нега қизиқиш уйғотмаётгани, савдолар нега самарасиз ўтаётгани каби саволларга ечим изланди.

ЎзЛиДеП бу масалани очиқ муҳокама қилиш учун платформа яратиб, тадбиркорликдаги муаммоларни ечим топишга хизмат қилувчи мулоқотга чорлаётгани қувонарли ҳолат.

Тўлиқ видео, аудио.

@platformauzb

platforma.uz

15 июля 2025 09:40

Фермер дарди: ваъда қилинган субсидия амалда тўланяптими?

Президентнинг тадбиркорлар билан очиқ мулоқотига тайёргарлик доирасида ташкил этилган учрашувда қишлоқ хўжалиги соҳасида фаолият юритувчи фермерлар ўз муаммо ва таклифларини билдирди. Хусусан, субсидиялар бўйича қатор масалаларга эътибор қаратилди.

Фермерлар томонидан билдирилган асосий муаммолардан бири — 2024 йил ҳосили учун пахта теримига ажратилган маблағларнинг ҳалигача тўлаб берилмаётгани. Жумладан, пахта терим машиналари орқали йиғиб олинган ҳосил учун ҳар килоси 250 сўмдан давлат томонидан қоплаб берилиши ваъда қилинган. Тегишли рўйхат шакллантирилиб, Республика даражасига тақдим этилган бўлса-да, ўтган йил терилган пахта учун ушбу маблағлар ҳалигача фермерларга қайтарилмаган.

Ваҳоланки, фермерлар томонидан комбайн орқали йиғим-терим учун килоси 1300 сўмдан тўлов амалга оширилган.

Шунингдек, фермер ўз мурожаатида 2024 йилда 23 гектар ер майдонида томчилатиб суғориш тизимини жорий этгани ва бу бўйича барча субсидияларни ўз вақтида олганини таъкидлади. Бироқ 2024 йил декабрь ойида электр энергияси харажатларини тўлиқ қоплаш бўйича ариза тақдим этилган, тегишли вазирлик томонидан 2025 йил февраль ойида ижобий хулоса берилган бўлса-да, ҳозиргача маблағ берилмаган.

Фермернинг сўзларига кўра, масала юзасидан бир неча бор мурожаат қилинганда, аввал 110-лик махсус ҳисоб рақами очиш талаб қилинган, кейин эса 320-лик ҳисоб рақам очиш шартлиги билдирилган. Аммо фермер ҳисоб рақам ўзгартириш тўғрисида расмий равишда ҳеч қандай хабарнома олмаган. Натижада, барча харажатлар ўзи томонидан қопланмоқда.

Шу каби мисоллардан келиб чиқиб, субсидия ва қопламалар бўйича ижобий қарор қабул қилинган ҳолларда маблағларни автоматик равишда фермерларнинг ҳисоб рақамларига ўтказишни йўлга қўйиш, ортиқча бюрократик тўсиқларни бартараф этиш мақсадга мувофиқ.

Ортиқча бюрократик тўсиқлар қишлоқ хўжалигида меҳнат қилаётган одамларнинг вақт ва салоҳиятини беҳуда йўқотади.

@platformauzb

platforma.uz

15 июля 2025 07:58

Расмий маълумот: "Ўрикзор савдо комплекси" ёпилмайди

Тошкент шаҳар ҳокимлиги "Ўрикзор савдо комплекси" МЧЖнинг тугатилиши, бузилиши ёки реконструкция қилиниши ҳақидаги маълумотларни рад этди.

Ҳокимликка кўра, мажмуа ҳудудидаги барча объектлар белгиланган иш тартибида (ҳафтасига 7 кун, дам олиш кунларисиз) фаолиятини давом эттирмоқда.

@platformauzb

platforma.uz

14 июля 2025 16:34

Ҳукумат ижро аппарати ва ижро этувчи органларнинг штат-тузилмалари ҳам қайта кўриб чиқилади ва мақбуллаштирилади.

@platformauzb

platforma.uz

14 июля 2025 16:29

Эркин Турақулович Юлдашев Тошкент шаҳар прокурори лавозимидан озод этилди ва Президент Администрациясининг Комплаенс хизмати бошлиғи лавозимига тайинланди.

Демак, Эркин Турақулович ПАда коррупцияга қарши курашади.

@platformauzb

platforma.uz

14 июля 2025 16:27

Президент Администрацияси Ижтимоий ривожлантириш департаменти раҳбарининг ўринбосари ва Ўзбекистон Маданият ва санъатни ривожлантириш жамғармаси (МСРЖ) раиси сифатида ишлаган Гаяне Умерова бундан буён Ўзбекистон Республикаси Президенти Администрацияси Креатив иқтисодиёт ва туризм бўйича департаментининг раҳбари лавозимида ишлайди.

@platformauzb

platforma.uz

14 июля 2025 16:23

Ўзбекистон Республикаси Президентининг тегишли фармони билан:

Абдулазиз Ҳафизович Камилов Ўзбекистон Республикаси Президентининг ташқи сиёсат бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ташқи сиёсат масалалари бўйича махсус вакили лавозимидан озод этилди;

Ғофуржон Ғаниевич Мирзаев Ўзбекистон Республикаси Президентининг кадрлар бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг кадрлар сиёсати масалалари бўйича маслаҳатчиси – Ўзбекистон Республикаси Президенти ҳузуридаги Давлат хизматини ривожлантириш агентлиги директори лавозимидан озод этилди;

Равшан Аюбович Гулямов Ўзбекистон Республикаси Президентининг иқтисодий сиёсат бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг иқтисодий ривожланиш масалалари бўйича маслаҳатчиси лавозимидан озод этилди;

Сардор Уктамович Умурзаков Ўзбекистон Республикаси Президентининг стратегик ривожланиш бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг махсус топшириқлар бўйича маслаҳатчиси лавозимидан озод этилди;

Мансурбек Полвонзода Оллоёров Ўзбекистон Республикаси Президентининг ижтимоий ҳимоя бўйича маслаҳатчиси – Ижтимоий ҳимоя миллий агентлиги директори лавозимига тайинланди ва шу муносабат билан Ўзбекистон Республикаси Президентининг маслаҳатчиси – Ижтимоий ҳимоя миллий агентлиги директори лавозимидан озод этилди;

Русланбек Куролтайевич Давлетов Ўзбекистон Республикаси Президентининг вакиллик органлари, нодавлат нотижорат ташкилотлари, дин ва ёшлар масалалари бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчиси лавозимидан озод этилди.

@platformauzb

platforma.uz

14 июля 2025 16:21

Ўзбекистон Республикаси Президентининг тегишли фармони билан:

Хилола Уктамовна Умарова Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари лавозимига тайинланди ва шу муносабат билан Ўзбекистон Республикаси мактабгача ва мактаб таълими вазири лавозимидан озод этилди;

Тамила Анваровна Алиева Ўзбекистон Республикаси Президенти Администрацияси раҳбарининг тиббиётни ислоҳ қилиш бўйича ўринбосари лавозимига тайинланди;

Тимур Нурйигитович Бутунбаев Ўзбекистон Республикаси Президенти Администрацияси раҳбарининг сув таъминоти тизимини ислоҳ қилиш бўйича ўринбосари лавозимига тайинланди ва шу муносабат билан Ўзбекистон Республикаси сув хўжалиги вазирининг биринчи ўринбосари лавозимидан озод этилди;

Нодира Жалаловна Хакимова Ўзбекистон Республикаси Президенти Администрацияси раҳбарининг суд тизимини ислоҳ қилиш бўйича ўринбосари лавозимига тайинланди;

Шерзод Фарход ўғли Озодзода Ўзбекистон Республикаси Президенти Администрацияси раҳбарининг тадбиркорлик лойиҳалари бўйича ўринбосари лавозимига тайинланди ва шу муносабат билан Ўзбекистон Республикаси Президенти Администрацияси иқтисодиёт ва тадбиркорлик соҳасида муҳим ташаббусларни ишлаб чиқиш бошқармаси бошлиғи лавозимидан озод этилди;

Дилноза Мурадовна Зиямухамедова Ўзбекистон Республикаси Президенти Администрацияси раҳбари котибияти мудири лавозимига тайинланди ва шу муносабат билан Ўзбекистон Республикаси Президентининг ёрдамчиси котибияти мудири лавозимидан озод этилди.

@platformauzb

platforma.uz

14 июля 2025 13:03

❗️Ўзбекистон Республикаси Президенти Шавкат Мирзиёев томонидан “Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида”ги Фармон имзоланди.

Ушбу Фармонга мувофиқ, Президент Администрациясининг янги тузилмаси тасдиқланди. Натижада Администрация ва унинг таркибидаги ташкилотларда 284 та штат қисқартирилди, такрорланувчи лавозимлар оптималлаштирилди.

Фармонга асосан, эндиликда Президент Администрацияси фаолиятида 5 та устувор йўналиш белгиланди. Булар — таълим, бизнес, суд-ҳуқуқ тизими, тиббиёт ва сув ресурслари масалаларидир. Ушбу йўналишларда ислоҳотларни самарали амалга ошириш мақсадида Президент Администрацияси раҳбарига 5 нафар ўринбосар лавозими жорий этилди.

Бундан ташқари, Президентнинг стратегик ривожланиш, ташқи сиёсат бўйича янги маслаҳатчи лавозимлари киритилиб, молиявий технологиялар, рақамлаштириш ва сунъий интеллект, креатив иқтисодиёт ва туризмни ривожлантириш, жамоат хавфсизлиги ва қонун устуворлиги, тадбирларни ташкиллаштириш, йиғилиш ва ҳудудларга ташрифлар учун таҳлилий контент тайёрлаш бўйича, шунингдек, коммуникация департаментлари ташкил этилди.

@platformauzb

platforma.uz

14 июля 2025 13:02

Янгилик ҳаммада бор. Фактлар кўп. Лекин улар билан нима қилиш кераклигини кам одам ёзади. “Баёнот” канали шу жиҳатдан ажралиб туради: воқеликни сўз билан таҳлил қилади.

Бу ерда муаллифлар масалани четлаб ўтмайди, балки унинг ичига киради.
Мен бу канални дўстларимга кўп тавсия қилганман. Сиз ҳам обуна бўлиб қўйинг ўқиб кўрсангиз, албатта, ўзингиз учун нимадир топасиз — @bayonotuz

platforma.uz

14 июля 2025 07:46

Тизимли ёндашув зарур: овқатланиш ва савдо соҳаси тадбиркорлари иштирокида очиқ мулоқот ўтказилмоқда

Сўнгги йилларда савдо ва умумий овқатланиш соҳасидаги субъектлар сони ортиб бормоқда. Янги форматлар, жумладан, гастрономик кўчалар, кўчма овқатланиш нуқталари ва тематик кафе-лойиҳалар соҳа тармоқларининг кенгайиб бораётганини кўрсатяпти. Бу бозорда фаол иштирок этиш истагида бўлган тадбиркорлар учун янги имкониятларни очяпти. Лекин шу билан бирга, кўплаб ташкилий ва ҳуқуқий муаммолар ҳам мавжудлигини тан олиш керак.

Айни пайтда пойтахтда шу йўналишда фаолият юритаётган тадбиркорлар билан очиқ мулоқот бўлиб ўтяпти. Учрашувда тадбиркорлар томонидан ўз фаолиятларида дуч келаётган асосий тўсиқлар айтиляпти.

Масъул идоралар ва бизнес вакиллари ўртасида кечаётган мулоқот соҳадаги тизимли муаммоларни аниқлаш, уларнинг келиб чиқиш сабабларини таҳлил қилиш ва амалий ечим таклиф этиш мақсадини кўзлаган. Бундай форматдаги очиқ муҳокамалар муваффақиятли ислоҳотлар учун муҳим асос бўлиб хизмат қилиши мумкин.

Маълумот учун, ҳозирги кунда республика бўйича 146,8 мингта тадбиркор савдо соҳасида, 19,5 мингта тадбиркор умумий овқатланиш соҳасида фаолият юритмоқда. Бу юз минглаб иш ўринлари ва аҳоли фаровонлиги билан бевосита боғлиқ йўналишлардир.

Жонли эфир бу ерда.

@platformauzb

platforma.uz

13 июля 2025 12:07

Ўқув маркази очмоқчи бўлган ёшларга фоизсиз қарз берилади

1 августдан Ўзбекистоннинг олис ва чекка ҳудудларида хорижий тиллар бўйича ўқув маркази очмоқчи бўлган ёшларга 131,8 млн сўм миқдорида фоизсиз қарз берилади.

Талаблар:
➖ камида C1 даражадаги тил сертификати (2 йилдан ошмаган бўлиши керак);
➖ йиллик ўқувчиларнинг 20% “Ёшлар дафтари”дагилардан бўлиши шарт;
➖ қарз муддати – 3 йилгача, 6 ой имтиёзли;
➖ якка тадбиркорлар ва ёшларга тегишли юридик шахслар олиши мумкин.

@platformauzb

platforma.uz

12 июля 2025 14:04

Фарғона вилояти бўйича биринчи минтақа раҳбари подполковник Абдурасул Метинов пахта даласида фермерга нималарнидир уқдирмоқда.

@platformauzb

platforma.uz

12 июля 2025 10:20

Тадбиркор ва олимлар учрашуви

Тадбиркорлар ва олимлар ўртасида тўғридан-тўғри мулоқотни йўлга қўйиш мақсадида Савдо-саноат палатаси ташаббуси билан 15 июль куни соат 10:30 да илк учрашув бўлиб ўтади.

Учрашувда ёш олимлар иштирокида инновацион ғоялар, илмий ишланмаларни тижорийлаштириш, инвестиция жалб қилиш ва амалий ҳамкорлик имкониятлари муҳокама қилинади.

Дарвоқе, тадбир доирасида таклиф этиладиган энг яхши илмий-амалий ғоя ва ташаббуслар саралаб олиниб, тадбиркорлар ва олимлар ҳамкорлигида амалиётга жорий этилади.

🔗 Хориждаги ватандош олимлар учун Zoom орқали қўшилиш имкони яратилади.

❗️ Тадбирда иштирок этиш истагида бўлган тадбиркорлар қуйидаги рақам орқали рўйхатдан ўтишлари лозим:
📞 +998 88 600 23 78