platforma.uz

14 июля 2025 16:24

Ўзбекистон Республикаси Президентининг тегишли фармони билан:

Алишер Бахадирович Самадов Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаментининг раҳбари лавозимига тайинланди ва шу муносабат билан Ўзбекистон Республикаси Президентининг ҳуқуқий экспертиза ва комплекс таҳлил қилиш масалалари бўйича маслаҳатчиси ўринбосари лавозимидан озод этилди;

Дониёр Бахтиёрович Кадиров Ўзбекистон Республикаси Президенти Администрацияси Жамоат хавфсизлиги ва қонун устуворлиги бўйича департаментининг раҳбари лавозимига тайинланди ва шу муносабат билан Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимидан озод этилди;

Гаянэ Олеговна Умерова Ўзбекистон Республикаси Президенти Администрацияси Креатив иқтисодиёт ва туризм бўйича департаментининг раҳбари лавозимига тайинланди ва шу муносабат билан Ўзбекистон Республикаси Президенти Администрацияси Ижтимоий ривожланиш департаментининг раҳбари ўринбосари лавозимидан озод этилди;

Шерзод Икромович Асадов Ўзбекистон Республикаси Президенти Администрацияси Коммуникациялар департаментининг раҳбари – Ўзбекистон Республикаси Президентининг матбуот котиби лавозимига тайинланди ва шу муносабат билан Ўзбекистон Республикаси Президентининг Матбуот котиби лавозимидан озод этилди;

Нодиржон Абдуқундузович Абдурахимов Ўзбекистон Республикаси Президенти Администрацияси Йиғилиш ва ҳудудларга ташрифлар учун таҳлилий контент тайёрлаш департаментининг раҳбари лавозимига тайинланди ва шу муносабат билан Ўзбекистон Республикаси Президенти Администрацияси Режалаштириш ва ахборот таъминоти департаментининг раҳбари лавозимидан озод этилди;

Бобур Ботирович Ходжаев Ўзбекистон Республикаси Президенти Администрацияси Молиявий технологиялар, рақамлаштириш ва сунъий интеллект бўйича департаментининг раҳбари лавозимига тайинланди ва шу муносабат билан Ўзбекистон Республикаси Президентининг иқтисодий ривожланиш масалалари бўйича маслаҳатчиси ўринбосари лавозимидан озод этилди;

Зилемхан Ҳайдаров Ўзбекистон Республикаси Президенти Администрацияси Ишлар бошқармаси бошлиғи лавозимига тайинланди ва шу муносабат билан Ўзбекистон Республикаси Президенти Администрацияси Молия-хўжалик департаментининг раҳбари лавозимидан озод этилди;

Элла Анатольевна Джахангирова Ўзбекистон Республикаси Президенти Администрацияси Тадбирларни ташкиллаштириш департаментининг раҳбари лавозимига тайинланди ва шу муносабат билан Ўзбекистон Республикаси Президенти протоколининг раҳбари ўринбосари лавозимидан озод этилди.

@platformauzb

platforma.uz

14 июля 2025 16:22

Олий суд судьяси, Олий суд Пленуми котиби Хакимова Нодира Жалаловна Президент аппаратида суд тизимига масъул бўладиган бўлди.

@platformauzb

platforma.uz

14 июля 2025 16:19

Мактаб ва боғчаларда тизимли ўзгаришлар кузатилмоқда

Сўнгги икки йилда таълим соҳасида ташкилий ёндашув кучаяётгани кўп кўзга ташланяпти. Бир қарашда бу расмий маълумотдек туюлиши мумкин, лекин унинг ортида аниқ ва амалиётга боғланган ўзгаришлар турибди. Масалан, ўқитувчилик касбига энди қадам қўйганлар учун жорий қилинган касбий сертификатлаш тизимини олсак, бу нафақат малака, балки жавобгарлик меъёрларини ҳам белгилаш дегани. Статистикага кўра, илк босқичдаёқ 4 мингдан ортиқ стажёр-ўқитувчи бу жараёндан ўтган, бу эса тизим ишлаётганини билдиради.

Қолаверса, таълимдаги раҳбар кадрларни танлашда ҳам анъанавий ёндашувдан воз кечилди. Мактаб ва боғча директорлари учун махсус менежерлик курслари жорий этилиб, бу борада кенгашлар суҳбати орқали танлов ўтказиляпти. Илгари лавозимлар тайинланарди, энди эса кўпнинг ичидан саралаб, танлаб, тайёрлагачгина лавозимга қўйиш усулини кўряпмиз.

Болалар етук вояга етиши учун тарбия ҳам тизимли бўлиши керак. Шу жиҳатдан, мактабгача таълим қамрови 77% га, 6 ёшли болалар қамрови 96% га етказилгани болалар ривожланган муҳитда тарбияланаётганини кўрсатади. Шунингдек, давлат боғчаларида планшетлар орқали электрон давомат юритилиши, педагог ва раҳбарларнинг психологик диагностикадан ўтказилиши тизим назоратини янада самарали қилишга ёрдам беради.

Умуман олганда таълим соҳасида ўзгаришлар йўқ эмас, бор. Ҳамма гап тизимнинг давомий ва қатъий ишлашида. Шундай давом этилса, ҳаммаси янада яхшиланишига умид уйғонди, муҳими.

@platformauzb

platforma.uz

14 июля 2025 13:03

АОКА тугатилибди.

Ахборот ва оммавий коммуникациялар агентлиги (АОКА) фаолияти тугатилиб, унинг асосида Миллий контент ишлаб чиқарувчи марказ ташкил этилмоқда.

platforma.uz

14 июля 2025 11:55

Эртага “Ташаббусли бюджет”нинг 2-мавсуми бошланади

“Ташаббусли бюджет” жараёнларининг 2025 йилги 2-мавсуми эртадан бошланиб, 31 август кунига қадар давом этади.

Бунда:

1. Лойиҳа киритиш босқичи — 15 июль – 3 август;
2. Саралаш босқичи — 4–18 август;
4. Тарғибот босқичи — 19–21 август;
5. Овоз бериш босқичи — 22–31 август кунлари ўтказилади.

Жорий йилдаги 2-мавсум ғолиблари 1 сентябрь — Мустақиллик байрами куни эълон қилинади.

@platformauzb

platforma.uz

14 июля 2025 06:21

Сентябрдан бошлаб хорижий тил сертификати йўқ чет тили ўқитувчилари ишдан бўшатилиши мумкин

Вазирлар Маҳкамасининг 2021 йил 19 майдаги қарори билан, 2024/2025-ўқув йилидан бошлаб барча хорижий тиллар ўқитувчилари камида B2 сертификатига эга бўлиши шартлиги белгилаб қўйилган эди.

Аммо педагоглар ва жамоатчилик вакилларининг мурожаатлари сабабли қарор ижроси бир йилга узайтирилган. Яъни 2025/2026-ўқув йилидан бошлаб кучга киради.

Ушбу талаб барча умумий-ўрта, ўрта-махсус ва профессионал таълим муассасалари учун амал қилади. Бунда фақатгина инглиз тили эмас, балки барча хорижий тиллар қамраб олинади (2-хорижий тил устозлари мустасно).

Мактабгача ва мактаб таълими вазирлиги янги талаб ҳақида педагогларга бир неча марта расмий эслатмалар берган. Ҳудудларда тушунтириш ишлари ҳам олиб борилган.

@platformauzb

platforma.uz

13 июля 2025 10:16

Эртага - 14 июлдан ОТМларга кириш имтиҳонлари бошланади

Тест синовлари ҳар куни 2 сменада ташкил этилади. 1-смена соат 08:00 да, 2-смена 15:00 да бошланади. Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.

Паспорт (ID-карта) ва Абитуриент рухсатномаси — тестга киришда талаб этилади.

@platformauzb

platforma.uz

12 июля 2025 10:47

Саудия Арабистони Ўзбекистон фуқаролари учун онлайн туристик визаларни беришни қайта тиклади

Энди Ўзбекистон фуқаролари 1 йиллик туристик визани онлайн тарзда расмийлаштиришлари мумкин. Виза нархи $107 ни ташкил қилади.

@platformauzb

platforma.uz

12 июля 2025 07:13

Айтишларича, 1 августдан ҳудудларни комплекс ижтимоий-иқтисодий ривожлантириш бўйича секторлар фаолияти янгидан йўлга қўйилиши кутилмоқда.

🔹 Секторлар фаолияти 5 йўналиш бўйича ташкил этилади:

1. Молия-иқтисодиёт ва камбағалликни қисқартириш;

2. Қурилиш, транспорт, инфратузилма, экология;

3. Инвестиция, саноат ва савдо, қишлоқ ва сув хўжалиги;

4. Оила ва хотин-қизлар;

5. Ёшлар сиёсати, ижтимоий ривожланиш ва маънавий ишлар.

Секторлар туман ҳокимларининг ўринбосарларига бириктирилади.

@platformauzb

platforma.uz

11 июля 2025 18:41

Кеча Абу Дабида тарихий учрашув бўлиб ўтди. Унда Илҳом Алиев ва Никол Пашинян илк бора икки томонлама музокара ўтказишди.

Озарбайжон ва Арманистон етакчилари узоқ йиллик зиддиятларни бартараф этиш, ўзаро муносабатларни яхшилаш, икки давкат ўртасида тинчлик битимини имзолаш масалаларини муҳокама қилишди. Музокараларда 40 километрга тенг бўлган Зангезур йўлагини очиш масаласи ҳам кўтарилди.

Зангезур йўлаги – Озарбайжон учун ҳам, бутун туркий дунё учун ҳам стратегик аҳамиятга эга.

У биринчидан, Нахичeван Автоном Республикаси билан Озарбайжон асосий ҳудуди ўртасидаги тўғридан- тўғри йўл алоқаларини тиклайди. Бу эса 500 мингга яқин эксклавдаги нахичеванликларни Озарбайжоннинг асосий қисмида истеқомат қилувчи 10 миллион ватандошлари билан боғлайди.

Иккинчидан, мутахасислар тахминига кўра, Зангезур йўлаги очилиши Озарбайжон экспорт салоҳиятини йилига қарийб 1 миллиард долларга оширади.

Учинчидан эса туркий оламнинг стратегик интеграцияси, яъни Ғарбдан бошлаб Туркия – Нахичеван – Зангезур йўлаги – Озарбайжон –Каспий денгизи – Марказий Осиё давлатлари ўртасида ер ва сув орқали узлуксиз алоқалар йўлга қўйилишига имкон яратади. Бу логистика, савдо ва транспорт соҳаларида янги имкониятлар ҳамда янги даврни бошлаб беради.

Арманистон учун ҳам бу музокаралар янги имкониятлар эшигини очади. Денгизга чиқиш имконияти йўқ бўлган давлат сифатида Арманистон Туркия ва Озарбайжон орқали иқтисодий имкониятларни кўпайтириш, муқобил логистика йўллари, импорт, экспорт алоқалари йўлга қўйилишига эга бўлади. Бу эса савдо, инвестициялар ва минтақавий интеграцияни кучайтиради.

Туркия ва Озарбайжон орқали Марказий Осиё, жумладан, денгизга чиқиш имкони бўлмаган Ўзбекистон учун ҳам бу янги йўналишлар стратегик ва иқтисодий жиҳатдан ниҳоятда аҳамиятлидир.

Озарбайжон ва Арманистон ўртасида имзоланиши кутилаётган тинчлик битими агар амалга оширилса, бу Жанубий Кавказда кучлар балансининг буткул янги шаклини яратади. Россия империяси ва Қожарлар давлати ўртасида 1813-йилдаги "Гулистон" ва ундан кейин 1826-йилда имзоланган "Туркманчай" номли тинчлик келишувлари асосида қарийб икки юз йиллик Россиянинг минтақадаги доминант роли тугатилади.

Ишонаманки, кечаги музокалар дунё харитасидаги қайноқ нуқталарни биттага камайтиради.

Зеро, азиз дўстлар, бизга зиддият эмас – мулоқот, қарама-қаршилик эмас – тараққиёт керак.

Шерзодхон Қудратхўжа, сиёсий фанлар доктори, профессор, ЎзЖОКУ ректори.

platforma.uz

11 июля 2025 18:10

Тошкентда 10 та пиёдалар ўтиш жойида сунъий интеллект асосида ишлайдиган камералар ишга тушди

Бундан кейин пиёда ўтиш жойига чиқиши билан тўхтамаган ҳайдовчиларнинг барчасига жарима ёзилади. Атиги уч кун ичида бу камералар 1700 та жарима расмийлаштирган.
Яқинда бундай камералар пойтахтнинг яна 30 та чорраҳасида ўрнатилади.

Пиёдаларни ўтказинг, акс ҳолда катта жарима тўлайсиз.

@platformauzb

platforma.uz

11 июля 2025 16:50

Ўзбекистон Республикаси фуқароларини, чет эл фуқароларини ҳамда фуқаролиги бўлмаган шахсларни яшаш жойи ва турган жойи бўйича рўйхатдан ўтказиш тўғрисидаги Ўзбекистон Республикасининг Қонуни матни, 10.07.2025 йилдаги ЎРҚ-1074-сон

Тошкент шаҳри ва вилоятида доимий “прописка” олиш ҳуқуқига эга шахслар доирасини чекловчи қонун бекор қилинмоқда. Ҳозирда 12 тоифадаги фуқаролар бундай ҳуқуққа эга. Президент ҳар бир фуқаро пойтахтда доимий яшаш ҳуқуқини олиши мумкин бўлган янги қонунни имзолади.

@platformauzb

platforma.uz

11 июля 2025 14:50

Давлат назоратидаги "Ўзбекнефтгаз" АЖ халқаро даражада эътироф этилди

"Fitch Ratings" халқаро рейтинг агентлиги "Ўзбекнефтгаз" АЖ рейтингини "BB-"дан "BB" даражасига оширди.

Ушбу қарор агентлик томонидан 2025 йил 26 июнь куни Ўзбекистон Республикасининг суверен кредит рейтинги "BB" даражасига, прогноз "Барқарор" этиб белгиланганига мос равишда қабул қилинди.

Рейтингнинг оширилиши "Ўзбекнефтгаз" АЖга давлат томонидан кўрсатилаётган юқори даражадаги қўллаб-қувватлашни акс эттиради. Бу компаниянинг тўлиқ давлат мулкида эканлиги, тўғридан-тўғри давлат назорати, газ нархларининг давлат томонидан тартибга солиниши, шунингдек, давлат кафолатлари, солиқ имтиёзлари ва бошқа ёрдам чораларини ўз ичига олади.

Бундан ташқари, Fitch компаниянинг Ўзбекистон иқтисодиётидаги стратегик аҳамияти ҳамда мамлакатнинг энергетик хавфсизлигини таъминлашдаги асосий ролини инобатга олган.

Батафсил маълумотни агентликнинг расмий веб-сайтида олишингиз мумкин:  https://www.fitchratings.com/research/corporate-finance/fitch-upgrades-four-natural-resource-uzbek-corporates-following-sovereign-upgrade-10-07-2025

@platformauzb

platforma.uz

10 июля 2025 18:05

Иккинчи мутахассисликка қабул бугундан бошланиши керак. Ҳозирча қабул очилмади

2025/2026 ўқув йилида иккинчи ва ундан кейинги таълим (иккинчи мутахассислик) учун талабгорларни онлайн рўйхатдан ўтказиш my.edu.uz портали орқали 10 августга қадар давом этади.

▪️Бунда номзодлар платформада:

➖ ўзларининг паспорт маълумотлари, ЖШШИР маълумоти ҳақида ахборотларни киритади;
➖ диплом ва унинг иловаси электрон нусхасини юклайди;
➖ ўқимоқчи бўлган олий таълим муассасаси ва таълим йўналишини танлайди.

Иккинчи мутахассисликка ўқитиш тўлов-контракт асосида амалга оширилади.

ℹ️ Маълумот учун, иккинчи мутахассислик бўйича қабул параметрлари олий таълим муассасасининг илмий-педагогик салоҳияти ва моддий-техник базаси ҳисобга олинган ҳолда олий таълим муассасаси кенгаши томонидан белгиланади.

@platformauzb

platforma.uz

10 июля 2025 13:36

Туркманистоннинг ёш арқадағи

@platformauzb

platforma.uz

14 июля 2025 16:23

Ўзбекистон Республикаси Президентининг тегишли фармони билан:

Абдулазиз Ҳафизович Камилов Ўзбекистон Республикаси Президентининг ташқи сиёсат бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ташқи сиёсат масалалари бўйича махсус вакили лавозимидан озод этилди;

Ғофуржон Ғаниевич Мирзаев Ўзбекистон Республикаси Президентининг кадрлар бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг кадрлар сиёсати масалалари бўйича маслаҳатчиси – Ўзбекистон Республикаси Президенти ҳузуридаги Давлат хизматини ривожлантириш агентлиги директори лавозимидан озод этилди;

Равшан Аюбович Гулямов Ўзбекистон Республикаси Президентининг иқтисодий сиёсат бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг иқтисодий ривожланиш масалалари бўйича маслаҳатчиси лавозимидан озод этилди;

Сардор Уктамович Умурзаков Ўзбекистон Республикаси Президентининг стратегик ривожланиш бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг махсус топшириқлар бўйича маслаҳатчиси лавозимидан озод этилди;

Мансурбек Полвонзода Оллоёров Ўзбекистон Республикаси Президентининг ижтимоий ҳимоя бўйича маслаҳатчиси – Ижтимоий ҳимоя миллий агентлиги директори лавозимига тайинланди ва шу муносабат билан Ўзбекистон Республикаси Президентининг маслаҳатчиси – Ижтимоий ҳимоя миллий агентлиги директори лавозимидан озод этилди;

Русланбек Куролтайевич Давлетов Ўзбекистон Республикаси Президентининг вакиллик органлари, нодавлат нотижорат ташкилотлари, дин ва ёшлар масалалари бўйича маслаҳатчиси лавозимига тайинланди ва шу муносабат билан Ўзбекистон Республикаси Президентининг ижтимоий-сиёсий, диний-маърифий ва ёшлар масалалари бўйича маслаҳатчиси лавозимидан озод этилди.

@platformauzb

platforma.uz

14 июля 2025 16:21

Ўзбекистон Республикаси Президентининг тегишли фармони билан:

Хилола Уктамовна Умарова Ўзбекистон Республикаси Президенти Администрацияси раҳбарининг таълимни ислоҳ қилиш бўйича ўринбосари лавозимига тайинланди ва шу муносабат билан Ўзбекистон Республикаси мактабгача ва мактаб таълими вазири лавозимидан озод этилди;

Тамила Анваровна Алиева Ўзбекистон Республикаси Президенти Администрацияси раҳбарининг тиббиётни ислоҳ қилиш бўйича ўринбосари лавозимига тайинланди;

Тимур Нурйигитович Бутунбаев Ўзбекистон Республикаси Президенти Администрацияси раҳбарининг сув таъминоти тизимини ислоҳ қилиш бўйича ўринбосари лавозимига тайинланди ва шу муносабат билан Ўзбекистон Республикаси сув хўжалиги вазирининг биринчи ўринбосари лавозимидан озод этилди;

Нодира Жалаловна Хакимова Ўзбекистон Республикаси Президенти Администрацияси раҳбарининг суд тизимини ислоҳ қилиш бўйича ўринбосари лавозимига тайинланди;

Шерзод Фарход ўғли Озодзода Ўзбекистон Республикаси Президенти Администрацияси раҳбарининг тадбиркорлик лойиҳалари бўйича ўринбосари лавозимига тайинланди ва шу муносабат билан Ўзбекистон Республикаси Президенти Администрацияси иқтисодиёт ва тадбиркорлик соҳасида муҳим ташаббусларни ишлаб чиқиш бошқармаси бошлиғи лавозимидан озод этилди;

Дилноза Мурадовна Зиямухамедова Ўзбекистон Республикаси Президенти Администрацияси раҳбари котибияти мудири лавозимига тайинланди ва шу муносабат билан Ўзбекистон Республикаси Президентининг ёрдамчиси котибияти мудири лавозимидан озод этилди.

@platformauzb

platforma.uz

14 июля 2025 13:03

❗️Ўзбекистон Республикаси Президенти Шавкат Мирзиёев томонидан “Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида”ги Фармон имзоланди.

Ушбу Фармонга мувофиқ, Президент Администрациясининг янги тузилмаси тасдиқланди. Натижада Администрация ва унинг таркибидаги ташкилотларда 284 та штат қисқартирилди, такрорланувчи лавозимлар оптималлаштирилди.

Фармонга асосан, эндиликда Президент Администрацияси фаолиятида 5 та устувор йўналиш белгиланди. Булар — таълим, бизнес, суд-ҳуқуқ тизими, тиббиёт ва сув ресурслари масалаларидир. Ушбу йўналишларда ислоҳотларни самарали амалга ошириш мақсадида Президент Администрацияси раҳбарига 5 нафар ўринбосар лавозими жорий этилди.

Бундан ташқари, Президентнинг стратегик ривожланиш, ташқи сиёсат бўйича янги маслаҳатчи лавозимлари киритилиб, молиявий технологиялар, рақамлаштириш ва сунъий интеллект, креатив иқтисодиёт ва туризмни ривожлантириш, жамоат хавфсизлиги ва қонун устуворлиги, тадбирларни ташкиллаштириш, йиғилиш ва ҳудудларга ташрифлар учун таҳлилий контент тайёрлаш бўйича, шунингдек, коммуникация департаментлари ташкил этилди.

@platformauzb

platforma.uz

14 июля 2025 13:02

Янгилик ҳаммада бор. Фактлар кўп. Лекин улар билан нима қилиш кераклигини кам одам ёзади. “Баёнот” канали шу жиҳатдан ажралиб туради: воқеликни сўз билан таҳлил қилади.

Бу ерда муаллифлар масалани четлаб ўтмайди, балки унинг ичига киради.
Мен бу канални дўстларимга кўп тавсия қилганман. Сиз ҳам обуна бўлиб қўйинг ўқиб кўрсангиз, албатта, ўзингиз учун нимадир топасиз — @bayonotuz

platforma.uz

14 июля 2025 07:46

Тизимли ёндашув зарур: овқатланиш ва савдо соҳаси тадбиркорлари иштирокида очиқ мулоқот ўтказилмоқда

Сўнгги йилларда савдо ва умумий овқатланиш соҳасидаги субъектлар сони ортиб бормоқда. Янги форматлар, жумладан, гастрономик кўчалар, кўчма овқатланиш нуқталари ва тематик кафе-лойиҳалар соҳа тармоқларининг кенгайиб бораётганини кўрсатяпти. Бу бозорда фаол иштирок этиш истагида бўлган тадбиркорлар учун янги имкониятларни очяпти. Лекин шу билан бирга, кўплаб ташкилий ва ҳуқуқий муаммолар ҳам мавжудлигини тан олиш керак.

Айни пайтда пойтахтда шу йўналишда фаолият юритаётган тадбиркорлар билан очиқ мулоқот бўлиб ўтяпти. Учрашувда тадбиркорлар томонидан ўз фаолиятларида дуч келаётган асосий тўсиқлар айтиляпти.

Масъул идоралар ва бизнес вакиллари ўртасида кечаётган мулоқот соҳадаги тизимли муаммоларни аниқлаш, уларнинг келиб чиқиш сабабларини таҳлил қилиш ва амалий ечим таклиф этиш мақсадини кўзлаган. Бундай форматдаги очиқ муҳокамалар муваффақиятли ислоҳотлар учун муҳим асос бўлиб хизмат қилиши мумкин.

Маълумот учун, ҳозирги кунда республика бўйича 146,8 мингта тадбиркор савдо соҳасида, 19,5 мингта тадбиркор умумий овқатланиш соҳасида фаолият юритмоқда. Бу юз минглаб иш ўринлари ва аҳоли фаровонлиги билан бевосита боғлиқ йўналишлардир.

Жонли эфир бу ерда.

@platformauzb

platforma.uz

13 июля 2025 12:07

Ўқув маркази очмоқчи бўлган ёшларга фоизсиз қарз берилади

1 августдан Ўзбекистоннинг олис ва чекка ҳудудларида хорижий тиллар бўйича ўқув маркази очмоқчи бўлган ёшларга 131,8 млн сўм миқдорида фоизсиз қарз берилади.

Талаблар:
➖ камида C1 даражадаги тил сертификати (2 йилдан ошмаган бўлиши керак);
➖ йиллик ўқувчиларнинг 20% “Ёшлар дафтари”дагилардан бўлиши шарт;
➖ қарз муддати – 3 йилгача, 6 ой имтиёзли;
➖ якка тадбиркорлар ва ёшларга тегишли юридик шахслар олиши мумкин.

@platformauzb

platforma.uz

12 июля 2025 14:04

Фарғона вилояти бўйича биринчи минтақа раҳбари подполковник Абдурасул Метинов пахта даласида фермерга нималарнидир уқдирмоқда.

@platformauzb

platforma.uz

12 июля 2025 10:20

Тадбиркор ва олимлар учрашуви

Тадбиркорлар ва олимлар ўртасида тўғридан-тўғри мулоқотни йўлга қўйиш мақсадида Савдо-саноат палатаси ташаббуси билан 15 июль куни соат 10:30 да илк учрашув бўлиб ўтади.

Учрашувда ёш олимлар иштирокида инновацион ғоялар, илмий ишланмаларни тижорийлаштириш, инвестиция жалб қилиш ва амалий ҳамкорлик имкониятлари муҳокама қилинади.

Дарвоқе, тадбир доирасида таклиф этиладиган энг яхши илмий-амалий ғоя ва ташаббуслар саралаб олиниб, тадбиркорлар ва олимлар ҳамкорлигида амалиётга жорий этилади.

🔗 Хориждаги ватандош олимлар учун Zoom орқали қўшилиш имкони яратилади.

❗️ Тадбирда иштирок этиш истагида бўлган тадбиркорлар қуйидаги рақам орқали рўйхатдан ўтишлари лозим:
📞 +998 88 600 23 78

platforma.uz

11 июля 2025 20:08

"Бугун вазирга буйруқ беринг. Катта лейтенант энди капитан бўлди. Ҳар бир ИИО ходими бир хил ишласа, бизда жиноят бўлмайди. Менинг ҳуқуқим бор. Сен жасорат билан ишонч билан  гапиряпсан, ҳаётингни шунга бағишлагансан", – деди президент.

@platformauzb

platforma.uz

11 июля 2025 18:41

Бугун президентнинг тадбиркорлар билан очиқ мулоқотига тайёргарлик доирасида қишлоқ хўжалиги билан шуғулланадиган тадбиркорлар билан учрашув ўтказилди.

Унда Қорақалпоғистон, Андижон, Фарғона, Наманган, Хоразм, Сирдарё ва Тошкентдан келган фермерлар қатнашди.

Учрашув тадбиркорлик субъектлари фаолиятида доимий равишда кузатилаётган муаммо ва камчиликларни аниқлаш, уларнинг олдини олиш ҳамда самарали ечимлар ишлаб чиқиш мақсадида ташкил этилди.

platforma.uz

11 июля 2025 17:34

Солиқ қўмитаси раисининг 1-ўринбосари Мубин Мирзаев жонли эфирда солиқ бўйича саволлар бўлса, тўғридан-тўғри мурожаат қилиш учун ўз телефон рақамини —887015005 эълон қилди.

Тадбиркорларга жуда зарур ва керакли маълумот.

@platformauzb

platforma.uz

11 июля 2025 16:16

Чиқинди хизматларидан қарздор абонентларнинг август ойидан бошлаб электр энергияси тўловига чеклов ўрнатилади

Қонунга асосан чиқиндиларни тўплаш ва олиб чиқиш хизматлари бўйича тўлов интизомини кучайтириш мақсадида янги тартиб жорий этилмоқда.

Унга кўра, ҳар ойнинг 3-санасига қадар қарздор абонентлар тўғрисидаги маълумотлар Чиқиндиларни бошқариш ва циркуляр иқтисодиётни ривожлантириш агентлигининг “Тоза макон” биллинг электрон тизимидан “Ҳудудий электр тармоқлари” АЖнинг биллинг тизимига узатилади.

Сўнгра чиқинди хизматларидан қарздор абонентларга ҳар ойнинг 5-санасигача “Ҳудудий электр тармоқлари” АЖнинг “2100” қисқа рақами орқали “СМС” хабарнома юборилади. Абонентларга ушбу огоҳлантириш юборилганидан кейин 5 (беш) кун қарздорликни бартараф этиш учун қўшимча муддат берилади. Мавжуд қарздорлик ушбу муддат ичида тўланиши лозим! 

Акс ҳолда, абонентлар томонидан белгиланган муддатда қарздорлик бартараф этилмаса: уларда электр энергияси учун тўлов қилиш имконияти вақтинчалик чекланади. Мазкур чеклов қарздорлик бартараф этилиши билан автоматик тарзда ечилади.

Маълумот ўрнида, ушбу тартиб 2025 йил 30 июнгача бўлган қарздорликларга татбиқ этилмайди.

@platformauzb

platforma.uz

11 июля 2025 14:32

⚡️1 августдан мактаб ва боғча ходимлари ойликлари 10 фоизга оширилади

Президент фармонига мувофиқ, 2025 йил 1 августдан бошлаб давлат ташкилотларида ишловчи ходимлар учун маошлар 10 фоизга оширилади.

☑️ Умумтаълим мактаблари ва мактабгача таълим муассасаларидаги маош миқдорлари қуйидагича:

🏫 Мактаб раҳбарлари:
📘 Мактаб директори:
◦ 400 нафаргача ўқувчи — 5 166 485 сўм
◦ 401–880 нафар — 5 516 559 сўм
◦ 881–1600 нафар — 5 849 691 сўм
◦ 1600 нафардан ортиқ — 6 187 933 сўм

📘 Директор ўринбосарлари (ўқув ишлари):
◦ 400 ўқувчигача — 4 825 344 сўм
◦ 401–880 ўқувчи — 5 166 485 сўм
◦ 881–1600 ўқувчи — 5 516 559 сўм
◦ 1600дан ортиқ — 5 849 691 сўм

📘 Хўжалик ишлари бўйича ўринбосар:
◦ 400 ўқувчигача — 1 957 858 сўм
◦ 401–880 — 2 233 302 сўм
◦ 881–1600 — 2 322 127 сўм
◦ 1600дан ортиқ — 2 515 091 сўм

👨‍🏫 Мактаб ўқитувчилари:
◦ Ўрта маълумотли — 3 486 585 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

🧠 Мактаб психологлари:
(иккита турдаги маълумотлар бўйича тўлиқ қўшилган)
◦ Ўрта маълумотли — 2 362 464 сўм
◦ Олий маълумотли — 3 390 824 сўм
◦ Иккинчи тоифали — 3 631 163 сўм
◦ Биринчи тоифали — 3 877 630 сўм
◦ Олий тоифали — 4 113 643 сўм

📚 Кутубхона ходимлари:
📘 Кутубхона мудири:
◦ Ўрта маълумотли — 2 349 447 сўм
◦ Олий маълумотли — 2 563 442 сўм

📘 Кутубхоначи:
◦ Ўрта маълумотли — 2 037 317 сўм
◦ Олий маълумотли — 2 144 547 сўм

📘 Кадрлар бўйича менежер: 1 758 372 сўм

👧 Мактабгача таълим муассасалари (МТМ):
📘 Директор:
◦ I гуруҳ — 3 498 965 сўм
◦ II гуруҳ — 3 260 851 сўм
(Изоҳ: 9 ва ундан ортиқ гуруҳли боғчалар — I гуруҳ, 8 ва ундан кам — II гуруҳ)

📘 Тил ўқитувчилари, дефектолог, логопед, МТМ ўқитувчиси:
◦ Ўрта маълумотли — 2 362 464 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 5–7 ёш гуруҳи тайёрлов тарбиячиси:
◦ Ўрта маълумотли — 2 362 464 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 Тарбиячи методист:
◦ Ўрта маълумотли — 2 181 469 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 Мусиқа ходими, хореограф, йўриқчилар:
◦ Ўрта маълумотли — 1 825 935 сўм
◦ Олий маълумотли — 2 007 905 сўм
◦ Иккинчи тоифали — 2 199 263 сўм
◦ Биринчи тоифали — 2 399 789 сўм
◦ Олий тоифали — 2 608 633 сўм

📘 Тарбиячи ёрдамчилари:
◦ Педагогик маълумотли — 1 904 305 сўм
◦ Нопедагогик/умумий маълумотли — 1 586 920 сўм

📝 Қўшимча маълумот: 2025 йил 1 сентябрдан:
▪️Мактаб директорлари маоши яна 20% га ошади
▪️Ўринбосарларнинг маоши 15% га кўтарилади.

☑️ 2026 йил 1 январдан:
KPI (фаолият самарадорлиги) натижасига кўра устама берилади:
▪️ Директор — 20%
▪️ Ўринбосар — 10%

☑️ Боғча директорларининг базавий тариф ставкалари гуруҳларга қараб белгиланади.
▪️ III–IV гуруҳдаги боғча директорлари ставкалари мактаб ўринбосарига тенглаштирилади.

@platformauzb

platforma.uz

10 июля 2025 18:03

Бахт қуши

@platformauzb

platforma.uz

10 июля 2025 13:22

Адлия вазирлиги 2025 йил июнда
Tashkent law Spring тадбири доирасида машина ва бино ижараси учун қарийб 840 миллион сўм сарфлабди. Шартномалар
тўғридан-тўғри тузилган.

@platformauzb