platforma.uz

07 июля 2025 10:03

Ҳаво ҳарорати аста-секин пасаяди

Ҳаво ҳарорати бугун кундузи 36-41 даражани, 8-9 июль кунлари 33-38 даражани, 10-11 июлда 31-36 даражани ташкил этади. Ўзбекистон жанубида ҳам ҳарорат пасаяди ва иш ҳафтасининг охирига келиб ҳарорат 37-40 даражани ташкил этади.

Республика ҳудудининг катта қисмида ёғингарчилик кутилмайди. Фақат Фарғона водийси вилоятларида, шунингдек тоғ олди ва тоғли ҳудудларда 9-10 июль кунлари қисқа муддатли ёмғир ёғиши эҳтимоли бор.

@platformauzb

platforma.uz

06 июля 2025 19:51

Ихтисослаштирилган мактабларнинг кириш имтиҳонлари эртага бошланади

Талабгорлар имтиҳон бошланишидан бир ярим соат олдин туғилганлик ҳақидаги гувоҳноманинг асл нусхаси ҳамда рухсатнома билан келишлари керак.

Ихтисослаштирилган таълим муассасалари агентлиги имтиҳондан олдин ота-оналарга тавсиялар берди:

➖ Кириш имтиҳони ўтказиладиган белгиланган манзилга фарзандингиз билан бирга келишингиз ва имтиҳондан сўнг ўзингиз билан олиб кетишингиз;

➖ Имтиҳонлар ўтказилаётган вақтдаги иссиқ об-ҳавони ҳисобга олган ҳолда кийинтиришингиз;

➖ Имтиҳонга келишдан олдин фарзандингизнинг овқатланишига ҳам эътибор қаратишингиз керак (турли ёғли ва имтиҳон жараёнида ўқувчини беҳузур қиладиган таомлар истеъмол қилмаслик тавсия этилади).

Мазкур тартибларга риоя қилишингиз фарзандингизнинг имтиҳон жараёнида ўзини яхши ҳис қилишига ёрдам беради.

Имтиҳонлар 3 та сменада бўлиб ўтади:

▪️1-смена: соат 8:00 да;
▪️2-смена: соат 12:00 да;
▪️3-смена: соат 17:00 да;

Қўшимча саволлар учун 1206 қисқа рақамига қўнғироқ қилишингиз мумкин.

@platformauzb

platforma.uz

05 июля 2025 21:11

Техникумларни муваффақиятли тамомлаган битирувчилар диққатига!

Ҳукумат қарорига асосан техникумларни муваффақиятли тамомлаган битирувчиларни суҳбат асосида олий таълим муассасалари бакалавриатига 2-курсдан ўқишга қабул қилиш тартиби белгиланган.

Ушбу тоифадаги абитуриентлар 5 июлдан бошлаб Олий таълим, фан ва инновациялар вазирлигининг my.edu.uz электрон платформаси орқали онлайн рўйхатдан ўтказилмоқда.

Рўйхатдан ўтишда абитуриент тўғрисидаги маълумотлар электрон платформада автоматик шаклланади.

Рўйхатдан ўтказиш жараёни жорий йилнинг 25 июлига қадар давом этади.

Ўз соҳасига мос бакалавриат таълим йўналишлари рўйхатини юклаб олиш.

@platformauzb

platforma.uz

05 июля 2025 17:17

Жорий йил 1 июлдан 3 минг нафардан ортиқ маҳалла еттилиги аъзолари штат бирлиги қисқартирилди

1 ноябрга қадар, 5,5 минг нафардан ортиқ "еттилик" аъзоларининг штат бирликлари қисқартирилиши режалаштирилган.

@platformauzb

platforma.uz

05 июля 2025 11:43

"Жарима деб ўқиманг. Жараён деб ўқинг". Депутатлар ўз позицияларини билдирди

Ҳамма муҳокама қилаётган, далалар четига экин экиш бўйича қонунда ҳақиқий воқелик сал бошқачароқ. Аслида, қонунаммас бу, шунчаки лойиҳа ҳали.

Бу — 1-ўқиш. Яъни: “Умуман шундай қонун керакми?” деган принцип муҳокама қилинди, фақат.

Депутатлар овоз берган пайтидаям: “Ҳали тузатамиз, муҳокама давом этади”, деганлар кўпчилик эди.

Ҳали ҳеч қандай жарима қонуний кучга киргани йўқ. Жамоатчилик муҳокамаси бўлаётгани - иккинчи ўқишга тайёргарлик. Вақт ўтиши билан қонун лойиҳасиям ўзгариши мумкин.

@platformauzb

platforma.uz

05 июля 2025 03:48

Ўзбекистонлик шоирнинг БМТга мурожаат шеъри юксак халқаро мукофотга сазовор бўлди

"Тинчитиб бер бизга дунёни" номли шеъри билан БМТга мурожаат қилган шоир Ўлмасбек Самарқандий Украина Олий таълим вазирлиги ҳамда Жаҳон қаламкашлари Иттифоқи томонидан Гран При мукофотига муносиб кўрилди.

@platformauzb

platforma.uz

04 июля 2025 18:25

Шавкат Мирзиёевдан муҳим ташаббус: Тошкентда савдо вазирлари учрашуви ўтказилади

Давлатимиз раҳбари Иқтисодий ҳамкорлик ташкилоти саммитида долзарб масалаларни кун тартибига чиқарди: Тошкентда ИҲТга аъзо давлатларнинг савдо вазирлари учрашувини ўтказишни таклиф этди.

Бу нима учун муҳим? Чунки ҳозирги кунда ташкилотга аъзо мамлакатлар ўртасидаги ўзаро савдо ҳажми паст даражада — 2024 йилда бу кўрсаткич 95 миллиард долларни ташкил этди. Бу эса давлатлар умумий савдо айланмасининг атиги 10 фоизи демакдир.

Шундан келиб чиқиб, Президент Шавкат Мирзиёев:
•  Товар ва хизматлар савдосини соддалаштириш,
•  Техник ва нотариф тўсиқларни бартараф этиш,
•  Электрон савдони ривожлантириш,
•  Қишлоқ хўжалиги маҳсулотлари учун “яшил йўлаклар” тизимини йўлга қўйиш,
•  Ва, энг муҳими, хусусий секторни жалб қилувчи «Экоинвест» дастурини қабул қилиш каби таклиф ва ташаббусларни илгари сурди.

“Бу дастурнинг асосий мақсади минтақамиздаги истиқболли лойиҳаларга хусусий инвесторлар, банклар ва халқаро молия институтларини кенг жалб этиш”, деди давлатимиз раҳбари.
Бу ташаббуслар амалга ошса, мамлакатларимизнинг иқтисодий харитасида жиддий ўзгаришлар рўй беради.

@platformauzb

platforma.uz

04 июля 2025 16:09

Касбий (ижодий) имтиҳони бор абитуриентлар учун рухсатномалар чиқди

my.uzbmb.uz сайтидаги шахсий кабинет орқали юклаб олишингиз мумкин.

Оддий йўналишларга ҳужжат топширган абитуриентлар учун рухсатномалар ҳам тайёрланмоқда.

Маълумот учун: Касбий (ижодий) имтиҳонлар республика бўйича 52 та олий таълим муассасасида ўтказилади.

@platformauzb

platforma.uz

04 июля 2025 13:07

Malibu машинаси 106 марта "охирги зарурат ҳолатида қоида бузган" деб топилган ва барча жарималар бекор қилинган

Ҳар қандай ҳолатда ҳам 106 та жаримани бекор қилдириш унча-мунча одамнинг қўлидан келмаслиги аниқ. Устига устак, охирги зарурат ҳолатида қоида бузилган деб топилган.

Қисқаси,
жарималар тўланмаган;
маълумотлар махсус базадан ўчиртирилган.

Яна бир ҳолат бор: МАБ (маъмурий амалиёт бўлими)да "охирги зарурат" деб топиб, жаримани бекор қилиш ваколати борми?

Манба: Халқ назорати

@platformauzb

platforma.uz

04 июля 2025 09:04

2024 йилда Ўзбекистонда Yandex Go ҳайдовчи, курьер ва ҳамкорларининг даромади 530 миллион долларга етди

💰 2024 йил давомида Ўзбекистонда Yandex Go сервисларида фаолият юритган ҳайдовчи, курьер ва ҳамкор автопаркларнинг умумий даромади тахминан 530 миллион долларни ташкил этди. 2025 йилнинг дастлабки олти ойида эса уларнинг жами даромади 340 миллион доллар атрофида бўлди.

🚕🚚📦 Компания маълумотларига кўра, 2025 йил июнь ойида фойдаланувчилар буюртмалари 179 минг ҳайдовчи ва 49 минг курьер томонидан бажарилган.

@platformauzb

platforma.uz

04 июля 2025 06:27

“Ташаббусли бюджет”нинг 2-мавсуми 15 июлдан бошланади

“Ташаббусли бюджет” жараёнларининг 2025 йилги 2-мавсуми 15 июлдан бошланиб, 31 август куни охирига қадар давом этади.

Бунда:

1. Лойиҳа киритиш босқичи — 15 июль – 3-август;
2. Саралаш босқичи — 4–18-август;
4. Тарғибот босқичи — 19–21 август;
5. Овоз бериш босқичи — 22–31 август кунлари ўтказилади.

Жорий йилдаги 2-мавсум ғолиблари 1 сентябр — Мустақиллик байрами куни эълон қилинади.

@platformauzb

platforma.uz

03 июля 2025 15:36

Шоу-бизнес ва бошқа машҳурлар томонидан зўр бериб реклама қилинган Sergeli City'да ноқонуний қурилишлар сабаб ишлар тўхтатилди.

@platformauzb

platforma.uz

03 июля 2025 14:39

✍️Ўзбекистонда Халқаро хаттотлик ва китобат санъати мактаби ташкил қилинмоқда

Мактабга 6 ёшдан 60 ёшгача бўлган ўқувчилар танлов йўли билан қабул қилинади. Ҳар бир гуруҳларда 12 нафаргача ўқувчилар бўлиши кўзда тутилган. Ўқувчилар шунчаки хаттотлик билангина шуғулланибгина қолмай, ёзув тарихи, ўзбек, араб, форс тиллари ва ёзуви, ҳуснихат, Ғарб мамлакатларида ҳуснихат (лотин ёзуви), Шарқ мамлакатларида ҳуснихат (араб, лотин, кирилл ёзувлари), Китобат санъати билан танишув каби фанларни ўзлаштиради.

Ўзбекистондаги Ислом цивилизацияси марказида бўлиб ўтган илмий кенгаш йиғилишида ушбу мактабни ташкил қилиниши ва фаолияти тақдимот қилинди.

Батафсил — cisc.uz

@platformauzb

platforma.uz

03 июля 2025 11:43

Меросни қайтариш миссияси: Лондондаги нодир экспонатлар

Ислом цивилизацияси марказида ўтказилган навбатдаги кенгайтирилган йиғилишда Ўзбекистон маданий меросига оид муҳим масалалардан бири — хориждаги, хусусан Буюк Британиядаги хусусий коллекцияларда сақланаётган тарихий экспонатларни юртимизга қайтариш имкониятлари муҳокама қилинди.

Батафсил — cisc.uz

@platformauzb

platforma.uz

03 июля 2025 10:11

Tenge Bank’дан 90 минг АҚШ долларини талон-тарож қилган шахслар қўлга олинди.

@platformauzb

platforma.uz

06 июля 2025 23:31

🎓Абитуриентларга рухсатномаларни бериш бошланди

2025–2026 ўқув йили учун олий ва профессионал таълим муассасаларига кириш мақсадида онлайн рўйхатдан ўтган абитуриентлар учун “Абитуриент рухсатномаси” тақдим этила бошлади.

Қаердан олиш мумкин?
my.uzbmb.uz сайти орқали шахсий идентификация рақами ва паспорт серияси/рақамини киритган ҳолда юклаб олиш мумкин.

Эслатма:
➖ Тест синовига паспорт (ID-карта) ва рухсатнома билан келинг;
➖ Кечикиб келган ёки паспорт нусхаси билан келган абитуриентлар имтиҳонга қўйилмайди!

@platformauzb

platforma.uz

06 июля 2025 14:29

Фарғона вилояти ИИБ ЖХХ ЙҲХБ бошлиғи подполковник А.Ахмедов эгаллаб турган лавозимидан озод этилди.

@platformauzb

platforma.uz

05 июля 2025 18:42

85 ёшни қарши олган Нурсултон Абишевич Назарбоевдан қандай яшаш лозимлиги бўйича муҳим тавсия.

@platformauzb

platforma.uz

05 июля 2025 16:58

ANORBANK ва унинг акционери билан боғлиқ воқеа ортидан ижтимоий тармоқларда фикрлар ҳам янграшни бошлади. Бу банк билан (рақамли бўлгани учун) кўпроқ иловасини ишлатиб, танишганман. Шахсан ўзимда банкка эътироз бўлмаган.

Франциядаги воқеа — афсуски, ҳар қандай инсон билан содир бўлиши мумкин бўлган нохушлик. Бу ҳолатда айримлар томонидан ҳам шахсга, ҳам компанияга салбий фикрлар бўлиб туради.

Бизда идеал банк йўқ, ANORBANK ҳам шу қаторда — банк хизматлари орқали даромад топувчи оддий тадбиркорлик субъекти. Бироқ инсонийлик нуқтаи назаридан, қийин вазиятда мен банкни ва тадбиркорни танқид эмас, қўллаб-қувватлашга арзийди, деб биламан.

Фикрлар шахсий.

@platformauzb

platforma.uz

05 июля 2025 07:04

Гумонланувчи қўлга олинибди

Жорий йилнинг 4 июль куни соат 9:30 ларда Андижон шаҳрида яшовчи 1977 й.т. фуқаро Д.А. турмуш ўртоғи 1982 й.т. М.Д. билан Андижон шаҳри Ўрикзор маҳалласида келиб чиққан жанжал оқибатида аёлни бўйин қисмига хўжалик пичоғи билан уриб жароҳат етказиб, воқеа жойидан яширинган.

Олган тан жароҳати оқибатида жабрланувчи воқеа жойида вафот этган.

Мазкур ҳолат юзасидан Андижон шаҳар прокуратураси томонидан Ўзбекистон Республикаси ЖКнинг 97-моддаси 1-қисми билан жиноят иши қўзғатилиб, гумонланувчи А.Д.ни ушлаш бўйича тезкор-қидирув чоралари кўрилган.

Олиб борилган тадбирлар жараёнида гумонланувчи А.Д. Андижон вилояти Олтинкўл тумани, Кўмакай маҳалласи ҳудудида тунги хизматга жалб қилинган ходимлар томонидан аниқланиб, қўлга олинган.

Андижон ИИБ

@platformauzb

platforma.uz

04 июля 2025 18:43

ФВВ огоҳлантиради:

"Ижтимоий тармоқларда махсус кийим кийган шахслар ўзларини ФВВ ходимлари сифатида таништириб, аҳолидан гўёки ёнғин хавфсизлиги қоидаларини бузганликлари учун пул тўлашга мажбурлаётгани акс этган видеолар тарқалмоқда. Эслатиб ўтамиз, бу шахсларнинг Фавқулодда вазиятлар вазирлигига ҳеч қандай алоқаси йўқ.

Ҳурматли фуқаролар, агар шундай ҳолатга дуч келсангиз, зудлик билан ҳуқуқни муҳофаза қилувчи органларга мурожаат қилишингизни ёки ФВВнинг 95)-772-10-50 ишонч телефонига қўнғироқ қилишингизни сўраймиз."

@platformauzb

platforma.uz

04 июля 2025 18:01

Иқтисодий ҳамкорлик ташкилотига аъзо давлатлар раҳбарларининг норасмий суҳбат жараёни.

@platformauzb

platforma.uz

04 июля 2025 14:30

Қора Малибунинг бекор қилинган барча жарималари ундириб олинган

Ижтимоий тармоқларда “ФАРҒОНА ЙҲХБДА ҚОНУНСИЗЛИК ВА КОРРУПЦИЯ АВЖ ОЛМОҚДА” сарлавҳали хабар эълон қилиниб, унда “Maiibu-2” русумли 40 081 SBA давлат рақамли автотранспорт воситасига томонидан содир этилган қоидабузарликлар асоссиз бекор қилинганлиги маълум қилинган. 

Ушбу ҳолат юзасидан муқаддам фуқаро Ў.А. аризасига асосан Фарғона вилояти ИИБ Жамоат хавфсизлиги хизмати томонидан хизмат текшируви ўтказилиб, Йўл ҳаракати хавфсизлиги хизмати бошқармасининг 5 нафар ходимларини нисбатан интизомий жазо тайинланган.

Шунингдек, “Maiibu-2” русумли 40 081 SBA давлат рақамли автотранспорт воситасида содир этилган барча қоидабузарликлар бўйича жарималар белгиланган тартибда ундирилган.

Фарғона вилояти ИИБ

@platformauzb

platforma.uz

04 июля 2025 13:02

“Mening xalqim” - Agrobankdan yangi loyiha!

Ilk qahramonimiz — navoiylik asalarichi Obid Mirzayev.

🏦 Mahalla bankiri tashabbusi bilan 40 ta quti asalari sotib olgan Obid aka bu yil 400 kg asal olishni rejalashtirgan.

⚡️Tez kunda! Agrobank “Youtube” kanalida

Instagram | YouTube

platforma.uz

04 июля 2025 07:58

Таниқли журналист, сенатор Ҳусан Эрматов Ўзбекистон Журналистика ва оммавий коммуникациялар университетида филология фанлари бўйича фалсафа доктори (PhD)
илмий даражаси учун  диссертацияни муваффақиятли ҳимоя қилибди.

@platformauzb

platforma.uz

04 июля 2025 06:16

🪙Қарийб 30 йил йиғилган қадимий тангалар Ислом цивилизацияси марказига топширилди

— 30 йилдан бери қадимий тангалар ва ёзувларга қизиқиб, уларни йиғиб келганман. Сўғд, турк ва араб ёзувларини ўқий олишим боис, юртдошларимизнинг қўлида сақланаётган буюмлар ёзувига шарҳ бериб келганман ва баъзиларини ҳадя сифатида туҳфа қилишган.

Бугун ана шу тангаларни Ўзбекистондаги Ислом цивилизацияси маркази музейига топширдим. Чунки Ўзбекистон тангаларга бой юртдир — 2500 йилдан буён бу заминда савдо алоқалари танга пуллар орқали амалга ошириб келинган. Яқинда ўзбек олимлари тангаларда “Турк хоқон пули” деган сўғдий ёзувни аниқлаб, дунё миқёсида катта эътирофга сазовор бўлди.

Шу муносабат билан барча юртдошларимизни тарихий тангалар ва муҳрларни ИЦМ музейига топширишга чақираман — бу тарихимизни бойитиш ва илм-фанга ҳисса қўшиш йўлида улкан қадам бўлади.

Ғайбулла Бобоёров
тарих фанлари доктори, профессор

Батафсил — cisc.uz

@platformauzb

platforma.uz

03 июля 2025 15:21

❗️Ипотека кредитлари бўйича субсидияга аризалар қабул қилиш 10 июлдан бошланади

2025 йил учун белгиланган мақсадли кўрсаткичлар доирасида ипотека кредитлари бўйича субсидия хабарномаларининг фойдаланилмаган қисми ҳисобидан аризалар 2025 йил 10 июль куни соат 09:00 дан бошлаб қабул қилинади.

Субсидия олиш:

➖ Давлат хизматлари марказларига бевосита мурожаат қилиш орқали
➖ электрон тарзда my.gov.uz портали орқали амалга оширилади.

Ариза берувчи ва унинг яқин қариндошларининг (бунда яқин қариндошлар аризада кўрсатилган ҳолларда) ўртача даромад миқдори қуйидаги чегараларда бўлиши зарур:

➖ Қорақалпоғистон Республикаси ва вилоятларда 3,12 млн сўмдан – 9,24 млн сўмгача;
➖ Тошкент шаҳрида 3,12 млн сўмдан – 10,63 млн сўмгача.

@platformauzb

platforma.uz

03 июля 2025 11:57

“Анорбанк” раҳбарини озод қилиш учун 10 млн доллар талаб қилинган

Маълум қилинишича, у 23 июнь куни мамлакат пойтахтининг ҳашаматли ҳудудида ўғирланган, уч нафар эркак унга ташланиб, қўл-оёғидан тутиб, бўйнидан бўғиб Мерcедес фургонида Нисса яқинидаги вилланинг ертўласига олиб кетган. У ерда калтакланган, ўлдириш билан таҳдид қилинган.

Қаҳрамонжон Олимов уни ўғирлаганлардан бирини таниган — собиқ бизнес-ҳамкори бўлган. У  Олимовни банкдаги улушини тортиб олишда айблаб, ундан 10 миллион доллар талаб қилган.

Хабарда айтилишича, Олимовда кўплаб кўкаришлар ва жароҳатлар қайд этилган. Товон пулининг бир қисмини тўланганидан кейин қўйиб юборишган. Шундан сўнг Ниссадаги вокзалга келиб, Парижга поездда етиб борган ва полицияга хабар берган.

1 июль куни Франция полицияси Туркия фуқароси бўлган гумонланувчилардан бирини қўлга олган. Қаҳрамонжон Олимовнинг ўзи Тошкентга қайтиб келган.

@platformauzb

platforma.uz

03 июля 2025 10:50

Фермерларга яна бир маъмурий босим

Эндиликда дала, ариқ ва зовур чет майдонларига экин экмаган фермер хўжаликлари учун 10 БҲМга миқдорда жарима қўлланилади, шунингдек, айбдор кўрилганлар учун уларнинг бутун ер майдонига ер солиғи 3 карра оширилади (айтайлик, ярим гектар чет майдонига экин экмаган фермер 200 гектар майдонига 3 карра солиқ тўлашга мажбур бўлади).

Бакиронинг ёзишича, фермерлар учун қўшимча босим ва мажбуриятлар юклайдиган лойиҳани ўзларини Тадбиркорлар ва фермерлар партияси деб атайдиган Ўзлидеп қўллаб-қувватлаган. Хусусан, партия лидери жаноб Хаитов (оксюморон:  у кишим фермерлар кенгаши раиси ҳам) қонун фермерларга имкониятлар беради, деб ҳисобламоқда.

Маълумот учун, 9 ой аввал ўтган сайлов-палов кампаняисида эълон қилинган дастурга кўра, Ўзлидеп фермерлар фаолиятига аралашувни қатъий тақиқлаш учун барча зарур чораларни кўришга ваъда берганди.

Партия ва унинг айни пайтда фермерлар кенгаши раиси ҳисобланган лидери фермерларга нисбатан босим ва зўравонликлар, ҳосилни ва ерни тортиб олиш каби воқеаларга одатда жимлик ва сукут билан муносабатда бўлади (лекин фермерлардан бадал ундиришни канда қилмайди).

Янги лойиҳа, агар қабул қилинса, ҳимояти йўқ фермерларнинг ери ва ҳосили тортиб олиниш, мажбурланиши, маъмурий бўйсундирилиши учун навбатдаги воситага айланади.

@platformauzb

platforma.uz

03 июля 2025 10:05

"Анорбанк" раҳбари Францияда ўғирлаб кетилибди

Машҳур Le Monde нашрининг ёзишича, Ўзбекистондаги "Анорбанк" раҳбари 48 ёшли Қаҳрамонжон Олимов Франция пойтахти Париж шаҳрида ўғирлаб кетилган ва Ницца шаҳри яқинидаги бир хоссиянинг ертўла қисмида ушлаб турилган ва озод қилиш учун тўлов талаб қилинган, тўловнинг маълум қисми тўлангач у озод этилган.

Нашрнинг ёзишича мазкур факт жиноят иши сифатида расмийлаштирилган: кимдир гумонланувчи сифатида қўлга олинган.

@platformauzb