Ixtisoslashtirilgan ta'lim muassasalari agentligi

08 июля 2024 09:21

#imtihon_2024
#tayanch_ixtisoslashtirilgan_maktablar

🔔 AGENTLIK TIZIMIDAGI TAYANCH IXTISOSLASHTIRILGAN MAKTABLARIGA KIRISH IMTIHONLARI BIR BOSQICHDA QUYIDAGI TARTIBDA O‘TKAZILADI:

📍Muhammad al-Xorazmiy nomidagi ixtisoslashtirilgan maktabiga:
➖ 5-sinflar uchun matematikadan 30 ta topshiriq (shundan 10 tasi mantiqiy fikrlashga yo‘naltirilgan), ingliz tilidan 15 ta topshiriq, jami 45 ta topshiriq test shaklida o‘tkaziladi.

📍Abu Ali ibn Sino nomidagi ixtisoslashtirilgan maktabiga:
➖ 7-sinflar uchun tabiiy (science) fandan 30 ta topshiriq va ingliz tilidan 15 ta topshiriq, jami 45 ta topshiriq test shaklida o‘tkaziladi.

📍Mirzo Ulugʻbek nomidagi ixtisoslashtirilgan maktabiga:
➖ 7-sinflar uchun matematikadan 30 ta topshiriq (shundan 10 tasi mantiqiy fikrlashga yo‘naltirilgan), ingliz tilidan 15 ta topshiriq, jami 45 ta topshiriq test shaklida o‘tkaziladi.

⏱ Eslatma, talabgorlarga topshiriqlarni bajarish uchun 90 daqiqa vaqt beriladi.

❗️DIQQAT, talabgorlarga topshiriqlarni bajarish uchun belgilangan vaqtdan (90 daqiqa) tashqari, kirish imtihonining javoblar varag‘ini belgilash uchun qo‘shimcha vaqt berilmaydi.

Ixtisoslashtirilgan ta'lim muassasalari agentligi

07 июля 2024 20:51

#imtihon_2024
#ixtisoslashtirilgan_maktablar

⚡️Agentlik tizimidagi Prezident maktablariga bo‘lib o‘tgan kirish imtihonlari jarayonlaridan videolavha.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 11:33

#imtihon_2024
#Prezident_maktablari

⚡️ Agentlik tizimidagi Prezident maktablariga kirish imtihonlarining birinchi bosqichi yakunlandi.

📍Ma'lumot uchun, Andijon va Sirdaryo viloyatlarida bugun soat 17:00da 3-smena ham bo‘lib o‘tadi.

📊 Eslatib o‘tamiz, 2024/2025-o‘quv yili uchun Agentlik tizimidagi maktablarga jami 244 378 ta ariza kelib tushgan bo‘lib, shundan 62 062 tasi Prezident maktablari hissasiga to‘g‘ri keladi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 07:51

#imtihon_2024
#tayanch_ixtisoslashtirilgan_maktablar

📣📣📣📣📣

🔔 TAYANCH IXTISOSLASHTIRILGAN MAKTABLARNING KIRISH IMTIHONLARI 9-, 10-IYUL KUNI BO‘LIB O‘TADI

📆 Joriy yilning 9-, 10-iyul kuni Muhammad al-Xorazmiy, Mirzo Ulugʻbek hamda Abu Ali ibn Sino nomidagi ixtisoslashtirilgan maktablari uchun kirish imtihonlari o‘tkaziladi.

✅ Bu yil har yilgidan farqli ravishda hududlardan hujjat topshirgan talabgorlar uchun kirish imtihonlari o’z hududlarida – Qoraqalpog’iston Respublikasi, viloyatlar va Toshkent shahrida bo’lib o’tadi.

‼️ Yaʼni hududlardan mazkur maktablarga hujjat topshirgan oʻquvchilarning imtihonda qatnashishi uchun Toshkent shahriga kelishlari talab etilmaydi.

❗️Diqqat, Toshkent shahridagi Muhammad al-Xorazmiy nomidagi ixtisoslashtirilgan maktabi hamda mazkur maktabning Nukus shahri, Andijon va Samarqand viloyatlaridagi filiallari uchun kirish imtihoni bir vaqtda bo‘lib o‘tadi.

⏱Talabgorlarga topshiriqlarni bajarish uchun 90 daqiqa vaqt beriladi.

❌ Eslatib o‘tamiz, talabgorlarga topshiriqlarni bajarish uchun belgilangan vaqtdan (90 daqiqa) tashqari, kirish imtihonining javoblar varag‘ini belgilash uchun qo‘shimcha vaqt berilmaydi.

📨 Har bir talabgorning ariza.piima.uz saytiga kiritilgan telefon raqamlariga sms-xabarnoma yuboriladi.

🖨 Shundan so‘ng, imtihon o‘tkaziladigan joy nomi va vaqti to‘g‘risidagi ma'lumotni shaxsiy kabinetingiz orqali yuklab olishingiz mumkin.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 05:49

#imtihon_2024
#Prezident_maktablari

⚡️PREZIDENT MAKTABLARIGA KIRISH IMTIHONLARINING BIRINCHI BOSQICHI

Ayni vaqtda Respublikamiz bo‘ylab Agentlik tizimidagi Prezident maktablarga kirish imtihonlarining 1-smenasi bo‘lib o‘tmoqda.

❗️Ma’lumot uchun, talabgorlarga topshiriqlarni bajarish uchun belgilangan vaqtdan (60 daqiqa) tashqari, kirish imtihonining javoblar varag‘ini belgilash uchun qo‘shimcha vaqt berilmaydi.

Ixtisoslashtirilgan ta'lim muassasalari agentligi

06 июля 2024 18:14

#imtihon_2024
#Prezident_maktablari

🔔 Hurmatli ota-onalar!

📆 Ertaga, 7-iyul kunidan Prezident maktablariga kirish imtihonlarining 1-bosqichi boshlanadi!

⚡️ Kirish imtihonlarida sizdan bir nechta tartib-qoidalarga amal qilish so‘raladi.

🗣 Jumladan:

✅ Kirish imtihoni o‘tkaziladigan belgilangan manzilga farzandingiz bilan birga kelishingiz va imtihondan so‘ng o‘zingiz bilan olib ketishingiz;

✅ Imtihonlar o‘tkazilayotgan vaqtdagi issiq ob-havoni hisobga olgan holda kiyintirishingiz;

✅ Imtihonga kelishdan oldin farzandingizning ovqatlanishiga ham e'tibor qaratishingiz kerak (turli yog‘li va imtihon jarayonida o‘quvchini behuzur qiladigan taomlar iste'mol qilmaslik tavsiya etiladi).

✅ Mazkur tartiblarga rioya qilishingiz farzandingizning imtihon jarayonida o‘zini yaxshi his qilishiga yordam beradi.

❌ Eslatib o‘tamiz, imtihon jarayonida yordam berishni va’da qilayotganlarning hech biriga ishonmang, aldanib qolmang.

📚 Farzandingizning bilimigina uning natijasiga asos bo‘ladi!

Maʼlumot oʻrnida, talabgorlar imtihon boshlanishidan 1 yarim soat oldin tug'ilganlik haqidagi guvohnomaning asl nusxasi hamda ruxsatnoma bilan kelishlari kerak.

Ixtisoslashtirilgan ta'lim muassasalari agentligi

06 июля 2024 16:53

#Ochiq_muloqot

✅ Bugun O’zbekiston Respublikasi Prezidentining tadbirkorlar bilan Ochiq muloqotiga tayyorgarlik ko‘rish doirasida xususiy ta’lim sohasidagi tadbirkorlar bilan ochiq muloqot o‘tkazildi.

➖ Unda Maktabgacha va maktab ta’limi vaziri Hilola Umarova, Oliy ta’lim, fan va innovatsiyalar vaziri Qo’ng’irotboy Sharipov, Sog‘liqni saqlash vaziri Asilbek Xudoyorov, Savdo-sanoat palatasi rahbari Davron Vahobov, Biznes-ombudsman Dilmurod Kasimov, Soliq qo‘mitasi raisi o’rinbosari Jahongir Abdiyev ishtirok etishdi.

Tadbir davomida tadbirkorlar tomonidan:

➖taʼlim sohasida litsenziya berish va uni nazorat qilish vazifasi betaraf idoraga yuklatilishi,
➖litsenziya olishda professor-oʻqituvchilar bilan mehnat shartnomasi imzolash,
➖xususiy maktablarga xorijiy ustozlarni jalb qilish kabi takliflar ilgari surildi.

Ushbu takliflarni o’rganish yuzasidan mas’ullarga topshiriq berildi.

Uchrashuvda tadbirkorlar takliflari bilan bir qatorda muammolariga yechim topish masalalari ham ko‘rib chiqildi.

Muloqotda, shuningdek videoselektor orqali Respublikadagi sohaga doir faoliyat yuritadigan tadbirkorlar ham ishtirok etishdi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Ixtisoslashtirilgan ta'lim muassasalari agentligi

02 июля 2024 06:53

📣📣📣 XUSHXABAR

Matematika bo‘yicha terma jamoamiz a’zolarining barchasi medallarni qo’lga kiritdi!

Xitoyda xalqaro yig‘inda ishtirok etayotgan Matematika bo’yicha O‘zbekiston terma jamoasi intellektual oromgoh qatnashchilari o’rtasida o’tkazilgan xalqaro olimpiadada 🥈1 ta kumush va 🥉5 ta bronza medallarini qo’lga kiritdi.

⚠️Eslatib o’tamiz, joriy yilning 15-iyun – 3-iyul kunlari Xitoy Xalq Respublikasining Pekin shahrida dunyoning 31 mamlakatidan 340ga yaqin terma jamoa a‘zolari va trenerlari “Ikkinchi Xalqaro matematika yozgi oromgohi-2024”da ishtirok etmoqda.

Mazkur xalqaro tayyorgarilk 2-marta Xitoy Xalq Respublikasi tomonidan tashkil qilingan bo‘lib, joriy yil 11-22 iyul kunlari Angliyaning Bat shahrida o’tkaziladigan 65-Xalqaro matematika olimpiadasi oldidan o’ziga xos sinov vazifasini bajarmoqda. Nufuzli xalqaro matematika olimpiadasi(IMO) oldidan ishtirokchi mamlakat vakillariga juda samarali va foydali tadbir.


Natijalar bilan tanishing:

⚡️Axtamov Ozodbek To‘lqinovich –  Muhammad al-Xorazmiy nomidagi ixtisoslashtirilgan maktabning 10-sinf o‘quvchisi - 🥈 Kumush medal

⚡️Boboqulov Asadbek Sayfiddin oʻgʻli – Toshkent shahridagi S.H.Sirojiddinov akademik litseyi 1-bosqich o‘quvchisi - 🥉Bronza medal

⚡️G‘affarov Rasulbek Hamza oʻgʻli – Muhammad al-Xorazmiy nomidagi ixtisoslashtirilgan  maktabning 9-sinf o‘quvchisi - 🥉Bronza medal

⚡️Suyunova Madina Muhiddin qizi –  Qashqadaryo viloyati Kitob tumanidagi 96-maktabning  11-sinf o‘quvchisi - 🥉Bronza medal

⚡️Zohidjonov Elbek Elmurod o‘g‘li –  Muhammad al-Xorazmiy nomidagi ixtisoslashtirilgan maktabning 9-sinf o‘quvchisi - 🥉Bronza medal

⚡️ Jaylovov To‘lqin Turdimurodovich – Qashqadaryo viloyati Qarshi shahridagi 1-sonli ixtisoslashtirilgan maktab internatining 9-sinf o‘quvchisi - 🥉Bronza medal

Terma jamoamiz barcha a'zolarining medallarni qo'lga kiritayotgani yaxshi an'anaga aylanmoqda, yaqindagina Antalyada o‘tkazilgan O'smirlar o'rtasida Balkan matematika olimpiadasida ham 6 ishtirokchining barchasi medallarni (3 ta kumush, 3 ta bronza) qo'lga kiritgan edi.

Terma jamoamiz a'zolaridan mazkur nufuzli olimpiadada oltin medallarni kutib qolamiz!

Yaxshi niyat qilaylik, IMOda oltin medal nasib qilsin!

⏺ olympiad.uzedu.uz
🚀 Telegram | 🎬Youtube | 🔵Facebook | 📷Instagram

Ixtisoslashtirilgan ta'lim muassasalari agentligi

01 июля 2024 12:13

#New_Uzbekistan_university

⚡️ Iqtisodiyot va Matematika yozgi ilmiy maktablari o‘z faoliyatini boshladi

✅Ilmiy maktablarning maqsadi — iqtisod va matematika yo‘nalishlarida isteʼdodli yoshlarni aniqlash, ularni dunyo tan olgan olimlarning ilmiy-tadqiqot ishlariga jalb etish orqali mamlakatimizda iqtisodiy islohotlar samaradorligini yanada oshirishdan iborat.

🌐Loyihada oʻzbekistonlik yoshlar qatorida 35 nafar xorijlik talabalar ham ishtirok etishmoqda.

📆 Ilmiy-maktablar 14-iyul kuniga qadar oʻtkaziladi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

01 июля 2024 07:10

#bizning_shunday_oʻquvchilarimiz_bor

O‘zbekiston Respublikasi Prezidentining "Mard o‘g‘lon” davlat mukofoti bilan taqdirlash to‘g‘risida"gi qarori bilan Xiva shahridagi Prezident maktabining 11-sinf o‘quvchisi Yo‘ldoshov Og‘abek Ne’matjon o‘g‘li ushbu mukofot bilan taqdirlandi.

Ushbu yuksak mukofot bilan o‘quvchimizni chin qalbdan samimiy tabriklaymiz!

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

30 июня 2024 14:02

#eMaktab_onlayn_trenajyor
#ixtisoslashtirilgan_maktablar

⚡️Maktabgacha va maktab ta’limi vazirligi bilan hamkorlikda eMaktab platformasida ixtisoslashtirilgan maktablarning kirish imtihonlariga tayyorlovchi onlayn-trenajyor yaratildi.

O‘tgan yillardagi test savollarga asoslangan mazkur eMaktab onlayn-trenajyori maktab oʻquvchilariga oʻz tayyorgarlik darajasini tekshirish va oʻqishga kirish imkoniyatini oshirishni ko‘zda tutadi.

Ya’ni onlayn-trenajyor ixtisoslashtirilgan maktablarga kirish imtihonlarida tushadigan test namunalari koʻrinishida taqdim etilgan. Bu yagona rasmiy onlayn-trenajyor boʻlib, cheklovlarsiz sinov tariqasida kirish testlaridan oʻtish imkonini beradi.

Onlayn-trenajyor test yechish mexanizmini tushunish, kelajakda haqiqiy imtihondan oʻtayotganda vaqtni chamalash, his-hayajonni bosib, oʻqishga kirish imkoniyatini oshirishga yordam beradi.

Foydalanuvchilarga qulaylik yaratish maqsadida onlayn-trenajyor oʻzbek, qoraqalpoq hamda rus tillarida taqdim etilgan.

Sinov testdan quyidagi havola orqali oʻtish mumkin.

Batafsil videoqoʻllanmada

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

30 июня 2024 05:20

Qadrli yoshlar, ertamiz egalari!

Barchangizni bugungi katta bayram — “30 iyun — Yoshlar kuni” munosabati bilan samimiy tabriklayman.

Katta faxr va iftixor bilan ta’kidlashim o‘rinliki, so‘nggi yillarda mamlakatimiz yoshlari jonajon O‘zbekistonimiz kelajagini bunyod etishda faol ishtirok etib kelmoqda.

Ayniqsa, maktabgacha va maktab ta’limi sohasida olib borilayotgan islohotlar, yangi g‘oya va kreativ ta’lim dasturlarini amaliyotga joriy etishda tizimda faoliyat olib borayotgan minglab yosh pedagog va mutaxassislarning o‘rni katta.

Aziz yoshlar!

Bugungi kunda oldimizga qo‘yilgan sohadagi ulkan maqsadlarga erishishda g‘ayrat-shijoatli, intellektual salohiyati yuksak, har qanday vaziyatda ham hech ikkilanmay mas’uliyatni o‘z zimmasiga olishga o‘zida kuch va bilim topa oladigan sizlardek yosh yigit-qizlarga doimo suyanamiz hamda sizlarga to‘la ishonamiz.

Sizlarni yana bir bor bugungi katta shodiyona bilan qutlagan holda, barchangizga ulkan zafarlar, oldingizga qo‘ygan maqsadlarga yetishishingizda omad tilab qolaman.

Hilola Umarova,
Maktabgacha va maktab ta’limi vaziri

Ixtisoslashtirilgan ta'lim muassasalari agentligi

29 июня 2024 14:46

#eʻtirof
#bizning_shunday_talabalarimiz_bor

Xabar berilganidek, Prezident Shavkat Mirziyoyev raisligida yoshlar siyosatiga bagʻishlangan videoselektor yigʻilishi hamda yoshlar bilan muloqot bo‘lib o‘tdi.

Unda davlatimiz rahbari “Yangi O‘zbekiston” universiteti talabasi Dilmurod Yo‘ldoshevning xalqaro strategiyani ishlab chiqish va bosh qarorgohi O‘zbekistonda bo‘ladigan Xalqaro ekologik yoshlar qo‘mitasini tuzish takliflarini qo‘llab-quvvatladi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

29 июня 2024 07:28

#imtihon_2024
#ijod_maktablari

⚡️ Ayni paytda Ixtisoslashtirilgan ta'lim muassasalari agentligi tizimidagi ijod maktablarida 2-bosqich ijodiy suhbat imtihonlari bo‘lib o‘tmoqda.

🗣Maʼlumot oʻrnida, imtihonning 2-bosqichi ya’ni ijodiy suhbatda talabgorning ijodiy ishlari portfolio (ijodiy ishlar to‘plami, gazeta va jurnallarda nashr etilgan ijod namunalari, yon daftarcha, televideniye va radio eshittirishlar, respublika miqyosidagi tadbirlarda chiqishlarining video tasviri) baholash mezonlariga asosan inobatga olinadi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

28 июня 2024 16:05

Prezident Shavkat Mirziyoyev raisligida yoshlar siyosati sohasidagi ishlar sarhisobi, yangi vazifa va takliflar muhokamasiga bag‘ishlangan videoselektor yig‘ilishi bo‘lib o‘tdi. Davlatimiz rahbari yoshlar bilan muloqot qildi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

08 июля 2024 07:16

#imtihon_2024
#OAV_biz_haqimizda

Axborot 24 | "Yangi O‘zbekiston" universitetiga kirish imtihoni o‘tkazildi
#uzbekiston24

00:31 — Ixtisoslashtirilgan ta'lim muassasalari agentligi direktori Alisher Ubbiyevning jarayonlar yuzasidan intervyusi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 14:18

#imtihon_2024
#Prezident_maktablari

⚡️Agentlik tizimidagi Prezident maktablariga kirish imtihonlarining birinchi bosqichi Respublikamizning barcha hududlarida bo‘lib o‘tdi.

📊 Ma'lumot o‘rnida, 2024/2025-o‘quv yili uchun Agentlik tizimidagi Prezident maktablariga jami 62 062 ta ariza kelib tushgan bo‘lib, hududlar kesimida:

📍Qoraqalpog‘iston Respublikasiga 3218 ta;
📍Andijon viloyatiga 6 844 ta;
📍Buxoro viloyatiga 2 897 ta;
📍Farg‘ona viloyatiga 7 017 ta;
📍Jizzax viloyatiga 4 212 ta;
📍Namangan viloyatiga 5 406 ta;
📍Navoiy viloyatiga 1 949 ta;
📍Qashqadaryo viloyatiga 4 941 ta;
📍Samarqand viloyatiga 5 988 ta;
📍Sirdaryo viloyatiga 2 384 ta;
📍Surxondaryo viloyatiga 4 906 ta;
📍Toshkent shahriga 3 753 ta;
📍Toshkent viloyatiga 3 907 ta;
📍Xorazm viloyatiga 4 640 ta ariza to‘g‘ri kelmoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 09:23

#imtihon_2024
#ijod_maktablari

📣📣📣📣📣

🔔 IJOD MAKTABLARINING 3-BOSQICH KIRISH IMTIHONLARI 10-IYUL KUNI BO‘LIB O‘TADI.

✔️ Ushbu bosqichda jami 50 ta test savollari beriladi. Testning fanga doir har bir savolini yechish uchun 2 daqiqadan, intellektual qobiliyat darajasini aniqlash bo‘yicha savolga 1 daqiqadan vaqt ajratiladi.

⏳ Talabgorlarga ushbu topshiriqlarni bajarish uchun jami 85 daqiqa vaqt beriladi.

❌ Eslatib o‘tamiz, talabgorlarga topshiriqlarni bajarish uchun belgilangan vaqtdan (85 daqiqa) tashqari, kirish imtihonining javoblar varag‘ini belgilash uchun qo‘shimcha vaqt berilmaydi.

📲Imtihon ruxsatnomasini yuklab olish uchun talabgorning ariza.piima.uz saytiga kiritilgan telefon raqamlariga sms-xabarnoma yuboriladi.

📨 SMS-xabarnoma borgandan so‘ng, ruxsatnomani yuklab olish uchun talabgor ariza.piima.uz saytidagi o‘z “Shaxsiy kabinet”iga kirishi kerak.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

07 июля 2024 07:09

#imtihon_2024
#Prezident_maktablari

⚡️PREZIDENT MAKTABLARIGA KIRISH IMTIHONLARINING BIRINCHI BOSQICHI

Ayni vaqtda Respublikamiz bo‘ylab Agentlik tizimidagi Prezident maktablarga kirish imtihonlarining 1-smenasi yakunlandi.

Ma’lumot uchun, jarayonlarni Kembrij xalqaro ta’lim tashkilotining vakillari kuzatib bormoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

06 июля 2024 19:25

#OAV_biz_haqimizda

⚡️Agentligimiz tizimidagi ixtisoslashtirilgan maktablarga 2024/2025-o‘quv yili uchun tashkil etilgan kirish imtihonlari ommaviy axborot vositalarida keng yoritildi:

⏺ Oʻzbekiston 24 | Ixtisoslashtirilgan ta'lim muassasalariga kirish imtihonlari

⏺ Oʻzbekiston 24 | Вступительные экзамены в специализированные учебные заведения

⏺ Oʻzbekiston 24 | Namangan viloyatidagi ixtisoslashtirilgan ta'lim muassasalariga kirish imtihonlari

⏺ Oʻzbekiston 24 | Samarqand viloyatidagi ixtisoslashtirilgan ta'lim muassasalariga kirish imtihonlari

⏺ O‘zbekiston 24 | Sirdaryo viloyatidagi ixtisoslashtirilgan ta'lim muassasalariga kirish imtihonlari

⏺ O‘zbekiston 24 | Ixtisoslashtirilgan maktablarga kirish imtihonlari davom etmoqda

⏺ Uza.uz | Ixtisoslashtirilgan maktablarga imtihon boshlandi

⏺ Uza.uz | Prezident, ijod hamda ixtisoslashtirilgan maktablarga kirish imtihonlari boshlandi

⏺ Uza.uz | Farg‘onada ixtisoslashtirilgan maktablarga kirish imtihonlari boshlandi

⏺ Uza.uz | Samarqand viloyatida ixtisoslashtirilgan ta’lim muassasalariga qabul imtihonlari boshlandi

⏺ Uza.uz | Bitta o‘ringa 183 da’vogar

⏺ Uza.uz | O‘quvchilar uch smenada imtihon topshirmoqda

⏺ Yoshlar| Ixtisoslashtirilgan maktablarga imtihon boshlandi

⏺ Jizzax MTRK | Ixtisoslashtirilgan ta'lim muassasalari agentligi tizimidagi maktablarda yangi o'quv yili uchun imtihon jarayonlari

⏺ Samarqand MTRK | Samarqand viloyatidagi ixtisoslashtirilgan maktablarga kirish imtihonlari

⏺ Xorazm MTRK | Xorazm viloyatidagi ixtisoslashtirilgan maktablarga kirish imtihonlari

⏺ Farg‘ona MTRK | Farg‘onada ixtisoslashtirilgan maktablarga kirish imtihonlari jarayonlari

⏺ Andijon MTRK | Andijon viloyatidagi ixtisoslashtirilgan maktablarga kirish imtihonlari

⏺ Toshkent | Вступительные экзамены в спецшколы

⏺ Nurafshon TV | Ixtisoslashtirilgan maktablar uchun imtihon boshlandi

⏺ Sevimli | Ixtisoslashtirilgan maktablarga kirish imtihonlari

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

06 июля 2024 17:13

#imtihon_2024
#New_Uzbekistan_university

⚡️ Agentlik tizimidagi “Yangi O‘zbekiston” universiteti bakalavriat ta’lim yoʻnalishlariga 2024/2025-oʻquv yili uchun qabul imtihoni yakunlandi

📸 Bugungi qabul imtihoni jarayonlaridan fotoreportaj.

💫 Imtihonda ishtirok etgan barcha abituriyentlarga omad tilaymiz!

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

02 июля 2024 07:22

#OAV_biz_haqimizda

Axborot 24 | "Yangi Oʼzbekiston" universitetida ilk marotaba Iqtisodiyot va Matematika yozgi ilmiy maktablari oʻz faoliyatini boshladi
#1july #uzbekiston24

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

01 июля 2024 15:06

#imtihon_2024
#ixtisoslashtirilgan_maktablar

📣📣📣📣📣

🔔 AGENTLIK TIZIMIDAGI IXTISOSLASHTIRILGAN MAKTABLARGA ARIZA TOPSHIRGAN TALABGORLAR DIQQATIGA!

❗️Ixtisoslashtirilgan maktablarning kirish imtihonlari joriy yilning 4-, 5-, 6-iyul kunlari 3 smenada bo‘lib o‘tadi.

➖ Ushbu maktablarga kvota doirasida kirish imtihonlari bir bosqichda, aniq fanlar yo‘nalishi bo‘yicha 5-11-sinflarga, tabiiy fanlar yo‘nalishi bo‘yicha 7-10-sinflarga o‘tkaziladi.

⏱ Talabgorlarga topshiriqlarni bajarish uchun 90 daqiqa vaqt beriladi.

❌ Eslatib o‘tamiz, talabgorlarga topshiriqlarni bajarish uchun belgilangan vaqtdan (90 daqiqa) tashqari, kirish imtihonining javoblar varag‘ini belgilash uchun qo‘shimcha vaqt berilmaydi.

✅ Imtihon ruxsatnomasini yuklab olish uchun talabgorning arizada kiritilgan telefon raqamlariga sms-xabarnoma yuboriladi. Shundan so‘ng, imtihon o‘tkaziladigan joy nomi va vaqti to‘g‘risidagi ma'lumot ko‘rsatilgan ruxsatnomani shaxsiy kabinetingiz orqali yuklab olishingiz mumkin.

📨 Shaxsiy kabinetga ushbu havola orqali kirishingiz mumkin https://ariza.piima.uz/application/cabinet

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

01 июля 2024 09:03

#OAV_biz_haqimizda

Studiya 24 | Bahodir Jalolov va Oskana Chusovitina sport maktablarining faoliyati
#1july #uzbekiston24

O‘zbekiston Respublikasi Prezidentining “Toshkent shahrida boks va gimnastika sport turlariga ixtisoslashtirilgan maktablar faoliyatini tashkil etish bo‘yicha qo‘shimcha chora-tadbirlar to‘g‘risida”gi farmoni qabul qilindi.

Unga koʻra, Boks boʻyicha Bahodir Jalolov sport mahorati maktabi – Bahodir Jalolov nomidagi boksga ixtisoslashtirilgan sport maktabi, Gimnastika boʻyicha Oksana Chusovitina sport mahorati maktabi – Oksana Chusovitina nomidagi gimnastikaga ixtisoslashtirilgan sport maktabi etib qayta nomlandi.

Shuningdek, ushbu maktablar Sport vazirligi tizimidan Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tizimiga oʻtkazildi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

30 июня 2024 14:44

O‘zbekiston yoshlariga bayram tabrigi

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

30 июня 2024 12:25

❗️Agentlik tizimidagi Prezident maktablarining telegramdagi rasmiy sahifalarini kuzatib boring.

🇺🇿 PREZIDENT MAKTABLARI:

🕊 Andijon shahridagi Prezident maktabi
🕊 Buxoro shahridagi Prezident maktabi
🕊 Guliston shahridagi Prezident maktabi
🕊 Jizzax shahridagi Prezident maktabi
🕊 Qarshi shahridagi Prezident maktabi
🕊 Navoiy shahridagi Prezident maktabi
🕊 Namangan shahridagi Prezident maktabi
🕊 Nukus shahridagi Prezident maktabi
🕊 Nurafshon shahridagi Prezident maktabi
🕊 Samarqand shahridagi Prezident maktabi
🕊 Fargʻona shahridagi Prezident maktabi
🕊 Xiva shahridagi Prezident maktabi
🕊 Termiz shahridagi Prezident maktabi
🕊 Toshkent shahridagi Prezident maktabi

Mazkur telegram kanallarida Prezident maktablaridagi qabul jarayonlari, oʻquvchilarning yutuqlari, sohaga oid dolzarb yangiliklardan xabardor boʻlish, oʻzingizni qiziqtirgan savollarga javob olish imkoniyati mavjud.

Ixtisoslashtirilgan ta'lim muassasalari agentligi

29 июня 2024 15:47

#Butunjahon_yoshlar_festivali
#Prezident_maktablari_paviloni

⚡️KUTIB OLING PIIMANOID!

Toshkent shahrida Butunjahon yoshlar festivali doirasida Yoshlar shaharchasi tashkil etilib, “Prezident maktablari” paviloni ochilgani haqida xabar bergan edik.

Bugun ushbu pavilonda Prezident, ijod hamda ixtisoslashtirilgan maktablarimiz mutaxassislari tomonidan yaratilgan Agentlikning ilk gumanoid roboti – PiimaNoidning birinchi taqdimoti boʻlib oʻtdi.

PimaNoidni yaratishda Agentlik tizimidagi barcha – 205 ta maktab jamoasi oʻz hissasini qoʻshdi. Ya’ni har bir maktabimiz zamonaviy 3D printerlar bilan jihozlangan boʻlib, taʼlim maskanidagi mutaxassislar hamda o‘quvchilar robotning oʻzlariga taqsimlangan qismlarini ushbu zamonaviy qurilma yordamida chop etishdi va markazga yuborishdi.

Shuni ham aytib oʻtish kerakki, ushbu loyiha doirasida joriy yilning aprel oyida Agentlik mutaxassislari tomonidan barcha hududlarda oʻquv-seminarlari tashkil etilib, oʻqituvchilar, robototexnika toʻgaraklari rahbarlarining bilim va malakalari oshirildi.

Hozirgi vaqtda PiimaNoid harakatlanadi, ingliz tilida muloqot qiladi. Keyingi bosqichlarda robot yanada takomillashtirilib, oʻzbek tilidagi topshiriqlarni ham bajarishi yoʻlga qoʻyiladi. Qolaversa, uni oʻzbek tilida gapirtirish ham rejalashtirilgan.

Aytishimiz mumkinki, PimaNoid sinov jarayonlaridan muvaffaqiyatli oʻtdi va endilikda uning nusxalarini barcha maktablarimiz oʻzlarining zamonaviy 3D printerlardan foydalanib mustaqil yaratish imkoniga ega.

PiimaNoid Butunjahon yoshlar festivali ishtirokchilarida katta qiziqish uygʻotganini inobatga olgan holda ushbu robot haqida keyinchalik yanada batafsil maʼlumot berishni rejalashtirdik.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

29 июня 2024 08:50

#eʻtirof
#bizning_shunday_oʻquvchilarimiz_bor

Xabar berilganidek, Prezident Shavkat Mirziyoyev raisligida yoshlar siyosatiga bagʻishlangan videoselektor yigʻilishi hamda yoshlar bilan muloqot bo‘lib o‘tdi.

Unda davlatimiz rahbari Toshkent shahridagi Prezident maktabi o‘quvchisi Abdulaziz Sobirovni Garvard universitetiga o‘qishga qabul qilinganini e’tirof etib, yoshlarga yaratilayotgan imkoniyatlar va shart-sharoitlar o‘zini oqlayotganini ta’kidladi.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

28 июня 2024 19:01

#Butunjahon_yoshlar_festivali
#Prezident_maktablari_paviloni

⚡️BUTUNJAHON YOSHLAR FESTIVALI DOIRASIDA PREZIDENT MAKTABLARI PAVILONI OCHILDI

Toshkent shahrida Butunjahon yoshlar festivali doirasida Yoshlar shaharchasi tashkil etildi. Bu shaharchaning "Ta’lim" ko’chasida Ixtisoslashtirilgan ta’lim muassasalari agentligining “Prezident maktablari” paviloni ochildi.

Mazkur pavilonni tashkil etishdan maqsad O‘zbekistonda ta’lim tizimida yangi tendensiyalar va ixtisoslashtirilgan ta’lim muassasalarida yaratilgan shart-sharoitlar, imkoniyatlar bilan mahalliy va xorijiy yoshlarni tanishtirishdan iborat.

Shuningdek, zamonaviy ta’lim tizimida STEAM fanlari ahamiyatini o‘sib kelayotgan yosh avlodga yetkazish, oʻgʻil-qizlarni ilmga ragʻbatini oshirishni ham koʻzda tutadi.

Ushbu pavilonda Prezident, ijod va Ixtisoslashtirilgan maktablar o‘quvchilari tomonidan yaratilgan loyihalar va ishlanmalar namoyish etilmoqda. Yoshlar fanlar bo‘yicha test va topshiriqlar asosida oʻz bilimlarini sinovdan oʻtkazib, amaliy va virtual laboratoriya mashg‘ulotlarida ishtirok etmoqda, robototexnika, dasturlash, STEAM Art yoʻnalishlarida mahoratlarini oshirmoqda.

Telegram | Facebook | Instagram | YouTube | Portal

Ixtisoslashtirilgan ta'lim muassasalari agentligi

25 июня 2024 18:40

#Bitiruvchilar_qurultoyi

⚡️ BITIRUVCHILAR QURULTOYI BO'LIB O'TDI

✅ Bugun Prezident, ijod hamda ixtisoslashtirilgan maktablarning bitiruvchilari uchun ilk marotaba “III Renessans bunyodkorlari” shiori ostida Bitiruvchilar qurultoyi bo’lib o’tdi.

📍Agentlik tizimidagi maktablar bitiruvchilarini hаr tomonlama qoʻllab-quvvatlash va ulаr bilan doimiy hamkorlikni yoʻlga qoʻyish, bitiruvchilarning takliflari asosida taʼlim jarayonini takomillashtirish, maktab taʼlimidan keyingi faoliyatidagi tajribalarini oʻquvchilarga yetkazish maqsadida tashkil etilgan ushbu yirik maʼnaviy-maʼrifiy tadbirda mingdan ziyod bitiruvchi yoshlar ishtirok etdi.

➖ Tadbirni Maktabgacha va maktab ta’limi vaziri Hilola Umarova kirish so’zi bilan ochib, Davlatimiz rahbari tomonidan barcha jabhalarda bo’lgani kabi ta’lim sohasida amalga oshirilayotgan keng islohotlar, qurultoyning ahamiyati haqida to’xtalib, bitiruvchilarga oq yo’l tiladi.

✔️Maʼlumot oʻrnida, bugungi kunda Agentlik tizimida 14 ta Prezident maktabi, 9 ta ijod maktabi hamda 182 ta ixtisoslashtirilgan maktab faoliyat ko‘rsatib kelmoqda.

📆 Joriy o‘quv yilida Prezident maktablarini 319 nafar, ijod maktablarini 260 nafar, ixtisoslashtirilgan maktablarni 5 856 nafar o‘quvchi tamomlayotgan boʻlsa, oʻtgan oʻquv yilida Prezident maktablarini 326 nafar, ijod maktablarini 233 nafar, ixtisoslashtirilgan maktablarni 3 927 nafar o‘quvchi tamomlagan.

Telegram | Facebook | Instagram | YouTube | Portal