475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
سوروشدو: «عاشیق نه دئمک‌دیر؟»
دئدی: «اوره‌یی گؤزلریندن آخان کیمسه.»
سیلور_استاین
🍂🍁@paeizanam🍂🍁
شکلین اوره‌ییمین بئینیندن کئچیر
سسین‌سه بئینیمین اوره‌یین یئییر
گؤزلرین گؤزومون حیاتین ایچیر
دوداغین کؤنلومو اَینینه گئییر
سنی دوشوندوکجه روحوم دیسکینیر
جانلی بیر بومبایا چئوریلیر جانیم
نبضیم فیشاریمدان آشاغی یئنیر
سویوق تر ایچینده یانیر هر یانیم
آنی‌لار بیر‌به‌بیر اوخشاییر بمه
گئجه‌لر گوندوزو یئییب کئچیرلر
اؤزلمین یئر سالیب یاتیر سینه‌مه
تانریلار ائو صاحاب منی سئچیرلر
"اوتانجیم" اؤزومدن آغیرمیش ملک
دویغولار قارنیندا شیشیر گون‌به‌گون
ایکی قات تئلفونا ال آچیر دیلک
قوللاریم جان اوستده، ال‌لریم دویون
صاباح جاده‌لرین خیال‌لاریندا
زَهَرلی حسرته سون وئره‌جه‌یم
قلبینه بیر ایمضا آتارام؛ یا دا-
سئوگینی بو یولدا اؤلدوره‌جه‌یم.
سیرداش
🍂🍁@paeizanam🍂🍁
paeizanam
اے گول!منے سن ایسته‌سن،عؤمروم هدر اولماز
صولح اولماسا،اولادِ وطن بخته‌ور اولماز
آزاده‌لیگی،صولحو سئویرلر بیزیم ائللر
بیر یئردہ ڪے صولح اولسا،او یئردہ ضرر اولماز
اودلار وطنین،نازلے گؤزل‌لر بورویوبدور
ائللردہ مثل وار ڪی؛گؤزلسیز شہ هر اولماز
آهیم اودو بلڪہ ائله‌سین قلبینہ تأثیر
نیسان سویونو ایچمه‌سه،داشدان گُهر اولماز
هیجران گئجه‌سی،من چڪه‌نے چڪمه‌سین اغیار
ظنیمجہ قییامت گونو بوندان بَتر اولماز
زولفون اوزونو توتسا دا،گؤیچڪ‌لیگین آرتیر
ظولمت گئجه‌لر اولماسا،آیدین سحر اولماز
"واحید"سنہ غم چڪمہ رقابت ائدن اولسا!
مین گؤل قوووشا بیر یئره،بحرِ خزر اولماز
✍علے آغا واحید
🍂🍁 @paeizanam 🍁🍂
paeizanam
دوستلوق
ایلقارسیزین قایداسیدیر دونیادا
بیرگون دوتوب بیرگون آتار دوستلوغو
ناشی دوشوب اوزَن کیمی دریادا
بیرگون چیخیب بیرگون باتار دوستلوغو
فرق وئرمز یاخشی ایله یامانا
کیم گؤروب کی سؤزو اوسته دایانا
قیزیلسادا بیر توربالیق سامانا
بیرگون آلیب بیرگون ساتار دوستلوغو
گاه سنده گاه اؤزگه سینده خیالی
گرَک گزمَک بئله کیمدن آرالی
بهانه سیز دلی کیمی هاوالی
بیرگون ییغیب بیرگون قاتار دوستلوغو
آیلار ایللر ساخلاساندا حؤرمتین
آنلایانماز محبتین. قیمتین
گئدیر الدن گؤرورسه وار دؤلتین
بیرگون بیتیب باشا چاتار دوستلوغو
ثریا بخشی (آیلار)
🍂🍁 @paeizanam 🍁🍂
سن گئتدين بو شه‌هر بوشالدی بيردن
گؤزومون قانشارین یاش آلدی بیردن
سن گئتدين اورييم داش اولدو بيردن
باشكاسين سئومه‌يی باجارانماديم
بو شه‌هر یئتيم تک كؤنجه قيسيلدی
ايشيقلار اوستونه قارا باسيلدی
آرزوم محکوم اولدو غمدن آسیلدی
باشکاسین سئومه‌یی باجارانماديم
قيرير اورييمی تلفونون زنگی
اورییمین توتور منیمله جنگی
باهاری آنلاتدی گؤزلرين رنگی
باشکاسین سئومه‌یی باجارانماديم
ايچگی‌لر یئرينی دولدورانمادي
هر كس اونود دئدی اورک قانمادی
اينان سنين تايين هئچ یارانمادی
باشکاسین سئومه‌يی باجارانماديم
اينديسه ايللرين يورقونو اولدوم
بوتون اومودلارين قيرقينی اولدوم
من اؤزوم اؤزومون دارقينی اولدوم
باشكاسين سئومه‌يی باجارانماديم
دويغو_و_قلم
🍂🍁@paeizanam🍂🍁
گوزومده ظلمته دوندو بو عالم
سنن ایریلان گون یار
👏👌 ایریلان گون..💔🥀
🍂🍁@paeizanam🍂🍁
- دنیز اولماق ایسته‌ییرم، آی آنا!
اؤز سینه‌می گؤیلر اوچون آچارام.
+ یوخ، آی بالا، آنان قوربان بویونا!
دنیز اولسان نئجه سنی قوجارام؟
- ذیروه اولماق ایسته‌ییرم، آی آنا!
اوجالاردا هر آن سنی آرارام.
+ یوخ آی بالا، آنان قوربان بویونا!
نئجه اوندا ساچلارینی دارارام؟
- نغمه اولماق ایسته‌ییرم، آی آنا،
من سسله‌نیم، باتما درده-غمه سن!
+ اول آی بالا، آنان قوربان بویونا!
سن اونسوز دا منه سونسوز نغمه‌سن.
- گونش اولماق ایسته‌ییرم، آی آنا!
ایشیق آلسین مندن تورپاق، آسیمان.
+ یوخ آی بالا، آنان قوربان بویونا!
گونش اولسان سن اؤزون ده یانارسان.
- بولاق اولماق ایسته‌ییرم، آی آنا!
داغدان آخیم باغچایا من، باغا من.
+ ائه، آی بالا، آنان قوربان بویونا!
اؤزون داغسان، سیغارسان‌می داغا سن؟!...
نبی_خزری
🍂🍁@paeizanam🍂🍁
دوست
گل منی دوست کیمی دیندیر،دانیشدیر
دوست بیلسین قیراقدان جماعت بیزی!
من دئییم:دوستومدور، سن دئه تانیشدیر
هامیدان گیزله‌دک سئودیییمیزی!
دانیشاق،گولوشک،گزک یان-یانا!
اوندا آدیمیزا سؤزده دئییلمز
گیزلی گؤروشوموز چیخسا مئیدانا
دئیک‌کی:دوست،دوستلا گؤروشه بیلمز؟
یالاندان بیر اوغلان شکیلی گتیر،
هئچ کیم بیلمه‌سین کی سئوگیلی‌ییک بیز!
ایسته‌سن آرادا قولومادا گیر
بوردا پیس نه وار کی،دوست دئییلیک بیز؟!
زنگ ائله دانیشاق درسدن-فیلاندان
آنانا دئنن کی بیر یولداشیم‌دی
قوی هامی دوست بیلسین بیزی هر زمان
دئنن‌کی:هئچ منیم سئون یاشیمدی؟!
بو یوللا گیزله‌دک گل سئوگیمیزی
جماعت دوست بیلسین،آنانسا یولداش!
دوستلوغا بوکه‌رک حسرتیمیزی
بیر آزجیق سئوینک گل یاواش-یاواش!
دوستلوقلا بؤیوسون محبّتیمیز
قوی داها اولماسین حسرت،گؤز یاشی
گل اوّل حیاتدا یولداش اولاق بیز
سونراسا اولاریق حیات یولداشی!
نصرت کسمنلی
🍂🍁@paeizanam🍂🍁
دئییرسن اَل گؤتۆر مندن کؤنول وئر اؤزگہ‌سینہ
بو شَهْر ایچینده مگر سندن اؤزگه دلبر وار...؟
🍂🍁 @paeizanam 🍁🍂
حیاتینیزدان چیخاردیغینیز بیر اینسان، سیزه: «منیم کیمیسینی تاپا بیلمزسن.» دئییرسه، اونا بو جاوابی وئرین:
«مقصد بودور ذاتاً»
📚 آلفا قادین اولماق
هاکان اؤزکان
🍂🍁 @paeizanam 🍁🍂
ائلیندن-گونوندن آیریلان کؤنول،
آرا-بیر واخت تاپیب آغلاسین گرک!
عزیز کیمسه‌لری قیریلمیش کیمی،
یاس توتوب قارالار باغلاسین گرک؛
دئمیرم اینجیدیب اوزسون اؤزونو،
ال اوزوب دونیادان یومسون گؤزونو.
نه قدر اولسا دا وطن سؤزونو،
دویسون اوره‌یینده، آنلاسین گرک!
بیر شیکسته نئی‌ام، بیر قیریق کامان،
گؤرمه‌دیم بیر بلا حسرتدن یامان.
«وورغون»، «ائللر» دئییب آغلار هر زامان،
اونون قایداسیدیر، آغلاسین گرک!...
صمد_وورغون
🍂🍁@paeizanam🍂🍁
گوزل شاد ماهنی دی
کند هاواسی ،بولاغی،داغ دره سی،
به به
🍂🍁 @paeizanam 🍁🍂
قوتاردی وعده‌‌سی هجران، قاییت گل!
آییرما جانیمی جاندان، قاییت گل!
هله گول‌دور، چمن‌دیر؛ گئتمه‌میشدن-
یازین گؤی آددیمی باغدان، قاییت گل!
گلنده مئهریبان اؤز اللرین‌له،
چیخارت چن کؤینه‌گین داغدان، قاییت گل!
دوشوب سنسیزلیگین دردینده کؤنلوم،
هاچاندیر آختاریر درمان، قاییت گل!
منی وورغون ائدیب ده گئتمه‌یه‌یدین،
گئدیبسن، عیبی یوخ، باشدان قاییت گل!
آز اولسا گؤزلریم، کؤنلوم، یولوندا،
شیرین جانیم سنه قوربان، قاییت گل!
یئتر آیلارجا دؤزمک، سنسیز اولماق،
داها کؤنلوم دئییل داشدان، قاییت گل!
صاباح بیر شاعیری داردان آسیرلار،
باشین قورتارماغا داردان، قاییت گل!
ثریا_بخشی (آیلار)
🍂🍁@paeizanam🍂🍁
بیر زمان یادیما توشور..
یالانان منه دیردین سنی سئویرم
ومن صادقانه(دوزونن) سنین سوزلریوا اینانیردیم
ایندی اوریم اوزومه یانیر💔💔
🍂🍁@paeizanam🍂🍁
اودوزا اودوزا گئدیریک
حایات نه چوخ باشاریلی قومارباز...!
🍂🍁@paeizanam🍂🍁
شفا خانیم داریخماسین بئله آنلادیر:
بیلیرم گلن دئیلسن گؤزله‌ییرم یئنه سنی
اؤزگه‌نین اولساندا تانریم چوخ گؤرمه‌سین منه سنی...🥲
🍂🍁@paeizanam🍂🍁
بیر اینسانے اوقَدَر اینجیتمہ یین ڪے . . .
هَرنہ دِئدیز دِئیہ : "نَجور راحَتسَن"!
🍂🍁 @paeizanam 🍁🍂
paeizanam
گورموشم
آداملار تانیرام جان بیر جیار دوست
دار گونده دوستونو آتان گورموشم
دوستونا خیانت ائیلیَن آدام
شرفین شهرتین ساتان گورموشم
هئچ تیکه دوسلوقو چاتمایب باشا
ائله دوست دوستونو تئز باسار داشا
سیزدن ایراغ اولسون بیزلردن حاشا
ائولری داغیدان قاتان گورموشم
گویلوم ایستمیردی بوشعری یازام
ساواددان آشاقی کامالدان آزام
(علیخان)یوخسولدا ویجدانا بازام
حیاتی من گون تک باتان گورموشم
✍اوستاد آشيق علیخان بابایی
🍂🍁 @paeizanam 🍁🍂
دونیانین لاپ گوزل اینسانی اولسان دا
بختین گوزل اولماسا هئچ سن 🫠
🍂🍁@paeizanam🍂🍁
سندن منه بیر عؤمورلوک خاطیره،
مندن سنه نه قالاجاق، نه‌بیلیم؟
چتین بیر ده داش اوسته داش بیتیرم،
نییه اوچدو بو قالاجیق؟ نه‌بیلیم؟!
داماغیمدا بال سئودانین تورش آدی،
اوشاق عاغلیم عینادینی قورشادی.
نه ه‍ؤنکوردو بو ناغافیل گورشادی؟
کیمه دئدیم، - دئدی آنجاق: «نه بیلیم؟!»
گونلر منه گون یازماغی اونوتدو،
گولوم، گونون گوللریمی قوروتدو.
بو اویوندا کیم اودوزدو، کیم اوددو،
پشیمانی کیم اولاجاق، نه بیلیم؟!
من «آراز»ام، سسیم توتقون آرازدی،
ها چاغیردیم، ها یویوردوم، ها یازدیم.
ایندی داها قاینار طبعیم آیازدی،
ایسینرمی بیر اود-اوجاق؟ نه بیلیم؟!..
ممد_آراز
🍂🍁@paeizanam🍂🍁
paeizanam
عالم عشق ایچره جانانین سئون جان ایسته‌مز
باک ائدن جان و دیلیندن وصل جانان ایسته‌مز
مولک دونیا عاقیبت برباد اولور، ائی هوشیار!
مورجا عقلی اولان مولک سولئیمان ایسته‌مز
گوشه‌ی وحدتده گولزار حقه واصیل اولان،
خاردن ائیلر حذر، سئیر گولوستان ایسته‌مز
ایسته‌مز عاشیق کی، خط توتسون عوذار دیلبری
عشق‌ده کامیل اولان، اول ماهه نوقصان ایسته‌مز
ائی طبیب، ال چک علاجیم‌دان، منی اینجیتمه چوخ،
عاشیق صادیق اولان دردینه درمان ایسته‌مز
سید عظیم شیروانی
🍂🍁 @paeizanam 🍁🍂
یانیما گلسین
دیجی یالنیز
👌👌💃💃💃💃
🍂🍁 @paeizanam 🍁🍂
paeizanam
دوغرو دئین اولسایدی یالانچی اوساناردی
آواره قالانلار داخی بیر سؤزده قاناردی!
ثابت قدم اولسایدی اگر یار وفاده
عاشیق داخی قاچمازدی بلادن دایاناردی!
اقوال ایله اعمالی بیر اولسایدی یقینن
بونجا دئییلن سؤزلره مخلوق ایناناردی!
منصف حقه، حق باطله، باطل سئویله‌سه‌یدی
البته کی ناحق سئویلن شخص اۇتاناردی!
شخصیه غرض یاتمیشا لای-لای دئمه‌سه‌یدی
غفلته یاتان گؤزلریمیز بیر اویاناردی!
گر آغزی کولکی کیشی‌لر پوفله‌مسه‌یدی
بیر شمع کی آسوده یانیر هم ده یاناردی!
حق سئویله‌نین کفرینه حکم ائیله‌مسه‌یدیک
حقـگو مگر اؤز فکرینی گیزلردی داناردی!
میرزا علی‌اکبر صابر
🍂🍁 @paeizanam 🍁🍂
منی دینله‌مک سنی تنگه گتیرمه‌سین! من کی، بوتون حیاتیم بویو سنی سئومکدن اوسانیب یورولمامیشام...
🍂🍁@paeizanam🍂🍁
بیر ائوه قوناق‌دیم گئجه
آغلادیم،ایچیمده بوغوب هاییمی!
طالعیم،یئنه‌ده مندن خبرسیز
اؤزگه‌یه وئرمیشدی سئودا پاییمی
باخیشی قلبیمه سانجیلان بیر اوخ
ایلاهی گؤره‌سن بو دویغو نه دیر؟!
منه ائله گلدی محببتله یوخ
او گؤزل بیر ائوه کؤنولسوز گئدیر!
آتاسیز بؤیوموش منیم تک اودا
آناسی آنام تک آهیل بیر قادین
نه قدَر دانلاغین یئمیش دونیادا
نه قدَر قیناغین قوهومون،یادین
یادیندان چیخمیشدی بیر یاد اولدوغوم
ایستی دانیشیردی،دوغمالاشیردی
بولود تک کؤوره‌لیب بعضن دولدوغوم
آنلاری باشامی یوخسا دوشوردو؟!
خزان وورموش باغین تنها چیچه‌یین
گؤزومون اوستونه قویاردیم دَ‌ریب
یاندیم بارماغیندا نیشان اوزویون
باشیندا قیرمیزی لئچه‌یین گؤروب
توحید نامور-آدلیم
🍂🍁@paeizanam🍂🍁