سنلی و سنسیز
سنی هر آن گؤرمه سم
گؤزلریم کور کیمی دیر
سسینی ائشیتمه سم
قولاغیم کار کیمی دیر
حیاتیم یارا-یارا
اولمادی درده چارا
سنسیز گونلریم قارا
ساچلاریم قار کیمی دیر
مئشه نین گؤزل یئری
سنسیز بری باخ بری
آغاجینین هر بیری
من اوچون دار کیمی دیر
بیر آن سنسیز اولاندا
واریم-یوخوم تالاندا
واللاه سنلی اولاندا
یوخوم دا وار کیمی دیر
محمد علی اوجاقی نیارق
🍂🍁@paeizanam🍂🍁
دَییشدیم من سنی گؤرندن بری،
منه نه ائتدینسه تکجه سن ائتدین.
سنسیز بو شَهَرده غریبدیم، غریب،
منه بو شَهَری سن وطن ائتدین...
رامیز روشن
🍂🍁 @paeizanam 🍁🍂
آی قیز سنین نه وعدندیر
کسیلیب قیسسا تئللهرین...
🎼 قارا تئللرین
🎧 سارا قدیم اوا
🍂🍁 @paeizanam 🍁🍂
حـــیات چوخ قریب دی؛
یاشــار ڪَن اَلیـمیزدن توتان یوخ،
اولَـر ڪَن چیـنینـده داشــیان چــوخ . . .
🍂🍁@paeizanam🍁🍂
دردلرینی جانیما
باخیشلارینی
کاغیذا سَر.
رسمی نین
ماوی گؤیو سندن،
یاغیشی مندن!
کبری میرحسینی
🍂🍁@paeizanam🍂🍁
کاغیذین اوستونه دوشوب
ایکی الیمین کؤلگهسی
یئنه ده لاپ زیله قالخیب
تکلییین یالقوزاق سسی
واختدان یاخا قورتارمیشام
بیلمیرم ساهات نئچهدیر؟!
آی یاریمچیق،اولدوزلار یوخ
یامان اؤلمهلی گئجهدیر
نه واریم وار،نه بارخانام
عؤمور یوکو باغلاماغا
آللاه منی یاری اؤلدور
یاری ساخلا آغلاماغا
واقيف صمد اوغلو
🍂🍁@paeizanam🍂🍁
چوخ دا یاخجیلیخ اِئلَسَن . . .
گَرَح سورا ثابت الییَسَن کی اِششَح دِئیلسَن!..✌️
🍂🍁@paeizanam🍂🍁
قابار-قابار آياغيمدا گولوم تيكان دادی وار
و باشماقيم دولوسو لاختا-لاختا قان دادی وار
سحر عطيرلی بنؤوشه كؤچوب قارانقوشلا
بو كئفلی اَيری-بوروخ يوللارين ايلان دادی وار
مگر آلاخلاماميشديق بو هرزه اوتلاری بيز؟!
نه اولدو كنديميزين بوغداسيندا خان دادی وار؟!
آماندی قويما كی سؤنسون چيراق گئجه بوروسون
قولاغلاريمدا اوشاغليقداكی خوخان دادی وار
شوكور كی چايدانيميز قاينايیر شئعیر یازيريق
شوكور كی گؤزلرينين ايندی مِهریبان دادی وار
شهَر نهجور قازاماتدير،كوچه نهجور،قالسين؟!
تيكانلی باغدا چيچک بيتمهیين يامان دادی وار
محمد نوین-باراز
🍂🍁@paeizanam🍂🍁
بو شَهَر.....
اؤرهک کَدَرلَری ایله دولودور
کیمیسی گِئدهنین اؤزلَمینده.......
کیمیسی گَلمهیه نین حَسرَتینده......
🍂🍁 @paeizanam 🍁🍂
paeizanam
ای ساربان ، گئدمه دایان ، قوی گئدمسین یاریم منیم ،
گئدسه اگر یاریم منیم ، جاندان چیخار جانیم منیم .
آند ایچمیشم پیمانیمه ، ترک ائدمیه م جانانیمی ،
رحم ایله گئدمه ساربان ، آشفته دور حالیم منیم .
جانانین عشقیندن دوتوب ، پروانه تک آتش پریم ،
بر باد اولوب خاکستریم ، سوزان اولوب آهیم منیم .
دیوانه دور مجنون اگر ، آموزگاری لیلی دور ،
فرهاد و شیرین دن داها ، رنگین دئییل قانیم منیم .
گئدمه آماندیر ساربان ، ساخلا دایانسین کاروان ،
گورسون کی جانانیم بوگون ،آغلاردی گوز یاشیم منیم !!!
ای ســاربان ، گئـــدمه دایان ، قوی گئدمســـین یاریم منـــیم ،
گئدسه اگر یاریم منیم ، جاندان چیخار جانیم منیم .
🍂🍁 @paeizanam 🍁🍂
شوجاعتم یارام درین
گزمه کنار باخما سرین
آخی کونلوم او گوزلرین
قاداسئنی چوخ آلیبدی...🔥
🍂🍁 @paeizanam 🍁🍂
paeizanam
گؤزوم گؤره-گؤره کور اولانمارام،
باخیب گؤرمهیهنه، گؤز دئمهمیشم.
دیلین آغاسییام، اورهیین قولو
قلبیم حؤکم ائدنده دؤز دئمهمیشم!
دوز سؤزه چوخلاری اینجیدی-کوسدو،
یاییلدی، آچیلدی سیررینین اوستو،
اودا اود دئمیشم، توستویه توستو
یاندیریب-یاخماسا، کؤز دئمهمیشم!
چیچکلی باهارام-شاختالی قیشام،
سویوق بیر نظرم، اودلو باخیشام،
تیکانی اولانی تیکانلامیشام
گوله، گولدن آغیر سؤز دئمهمیشم!
✍ زلیمخان یعقوب
🍂🍁 @paeizanam 🍁🍂
paeizanam
سون پاییزین چیچهیینه دؤنموشم،
تورپاق منی یامان چکیر اؤزونه!
کؤورکلرین کؤورهیینه دؤنموشم،
تورپاق منی یامان چکیر اؤزونه!
بوران گؤرموش لهله منم دونیادا،
کرم چکن ناله منم دونیادا،
یازیق غریب ائله منم دونیادا،
تورپاق منی یامان چکیر اؤزونه!
قارتال چکیر، قایا چکیر، داش چکیر،
گول آنامین گؤزونده کی یاش چکیر،
فیکریم هر گون دوغما یوردا باش چکیر،
تورپاق منی یامان چکیر اؤزونه!
قالمیر جاندا نه دؤزوموم-نه تابیم،
بوش های-کویدن نه تاپمیشام، نه تاپیم؟!
گوندن-گونه چوخالدیقجا عذابیم
تورپاق منی یامان چکیر اؤزونه!
گؤروشنده لذذتینی چکیرم،
آیریلاندا حسرتینی چکیرم،
ووروشاندا غیرتینی چکیرم،
تورپاق منی یامان چکیر اؤزونه!
چایلاغیدا، چمنیده منیمدی،
غربتیده، وطنیده منیمدی،
بهلهیی ده، کفنیده منیمدی،
تورپاق منی یامان چکیر اؤزونه!
گؤزده چیسکین، داغدا دومان چوخالیر،
مندن کوسن، مندن اومان چوخالیر،
غریبلرین سایی یامان چوخالیر
تورپاق منی یامان چکیر اؤزونه!
زلیمخان یعقوب
🍂🍁 @paeizanam 🍁🍂
یاشلی اوشاق
قارشیزدا بیر اوشاق بوینونو بوروب
ائله بیل دونیادان اَلینی قیریب
بلکه ده کؤکسونده سؤز تونقال قوروب
او دینمک ایسته ییر،دیندیرین اونو
آغاجدان آت مینمک ایسته میر داها
بو گوندن بویلانیر باخیر صاباحا
قورخمايين باتمارسیز هئچ ده گوناها
زامانین آتینا میندیرین اونو
هؤرومچک قوخولو بوش پیلله لردن
آیاغلار سویروشن یاش پیلله لردن
پالچیق شاپالاغلی داش پيللهلردن
او ائنمک ایسته ییر،ائندیرین اونو
دئمه یین اوشاق دیر او نه یی قانیر؟!
بلکه ده او سیزی بیر اوشاق سانیر!
سویوق باخیشلاردان اود توتوب یانیر
قویمایین کول اولا،سؤندورون اونو
علی جوادپور
🍂🍁@paeizanam🍂🍁
paeizanam
آی قیز گزمه آرالی کؤنلوم سندن یارالی
من کی سنی سئومیشم آزربایجان مارالی
🎼 آذربایجان مارالی
🎙️ شوکت علی اکبراوا
🍂🍁 @paeizanam 🍁🍂
کئشکه بیزی
گؤزلریمیزدن آنلایان
بیری اولسایدی
هر اوزولدویوموزده
الینی کؤکسونه قویوب،
«بوراسی سنین وطنین!»
دئسهیدی...
نزار قبانی
🍂🍁 @paeizanam 🍁🍂
paeizanam
سنين گؤزلليگينه هانسى بير ملك چيخاجاق؟!
سنى پاى ايسته ميشم،تانرى قوى گؤره ك چيخاجاق؟
دامارلاريمدا سنين سئوگينين علامتى وار
قانيم تؤكولسه يئره،شكلى بير اوره ك چيخاجاق
قاپيندا اؤلمه لى يم،قووما من گئدن دئييلم
سوموكلريمدن آخير ايتلره خوره ك چيخاجاق
آماندى باخما گؤيه،گؤرسه او آلا گؤزونو،
والايلاييب مداريندان قوجا فلك چيخاجاق
باشيمدا سئوگى ياريمچيق تاپانچادير كى اونو
آتاندا شانسيما يا بوش،يا دا فيشك چيخاجاق
ايچيمده آغلاييرام،گؤزياشيم دولور ايچيمه
اؤلنده دوز ساتانا ياخشى بير چؤره ك چيخاجاق
مريض ايديم گؤروشه گلمه دين سه قبريمه گل
دئييرلر:هر يئره آتديم قويا،چيچك چيخاجاق.
#رحیم_اصغرزاده_تکین
🍂🍁 @paeizanam 🍁🍂
اورهییم گؤودهمه سیغمیر
گؤودم اوتاغیما
اوتاغیم ائویمه سیغمیر
ائویم دونیایا
دونیام كائیناتا سیغمیر
پارتلایاجاغام
آغریمین آغریسیندان سوسموشام
كی سوسغونلوغوم گؤیلره سیغمیر
بئله بیر آغرینی كیملره نئجه آنلاتاجاغام؟!
كؤنول دار گلیر سئوگیمه
باشیم بئینیمه
آه شقیقهلریم
چاتلایاجاغام
آنلادیم آرتیق آنلادیم
كیمسهلره آنلاتامایاجاغام
عزيز نسين
🍂🍁@paeizanam🍂🍁
سن چالیش خوش کئچیر واختی،وعده نی
کئچه جک وعده یه،واختا نه وار کی؟!
چوخ دا بئل باغلاما باختا،طالعه
طالعه نه وار کی،باختا نه وار کی؟!
گیلئی نه لازیمدی طالع دن،باخت دان
دؤراندان،زاماندان،وعده دن،واخت دان
تاختین نه وِجینه سن دوشدون تاختدان
اؤزگه سی چیخاجاق تاختا نه وار کی؟!
دالدالان اوغورسوز اسن کولکدن
آستاری شیطاندان،اوزو ملکدن
کئچیرت شادارادان،اَله الکدن
"بهمن"ین سؤزونده ساختا نه وار کی؟!
بهمن وطن اوغلو
🍂🍁@paeizanam🍂🍁
بَعضاً گـؤلَن دؤداخْـلار " آغلایان گوزلَـرْدَن"
چوخ دَرد چَکَـر...!😒
🍂🍁 @paeizanam 🍁🍂
paeizanam
ای ساربان آهسته گئت، آرام جانيمدير گئدن
يار كونلومو چكميش منيم، روح و روانيمدير گئدن
سعى ائيلهديم افسونیله ، پونهان قيلام من درديمى
پونهان ايشيم چيخدی اوزه، سئييليه قانيمدير گئدن
قالديم بئله زار و ذليل ، بیچارهيم قلبيم عليل
دوشدوم او ديلداردان اوزاق ، آسوده ياريمدير گئدن
يوخ عهدينين بونيادی هئچ، بيتمر اونون بيدادی هئچ
چيخماز كونولدن يادی هئچ، ان خوش زامانيمدير گئدن
بير آن دايان ای ساريبان، قويما گئده بو كاروان
اول سروه اويموشدور كونول، سروی روانيمدير گئدن
بير دون گئری ای نازنين، گؤز مسكنين اولسون سنين
سنسيز بو سونسوز گويلره، آه و فغانيمدير گئدن
جان ترک ائدنده جيسمينى، اينسان آچار اؤز حيسينى
يوخدی سوزون گورموش گوزوم، بوخسته جانيمدير گئدن
سعدی سنه لاييق دئييل، ياردان گيلئى ای بيوفا
چوخ گؤردوم اوندان من جفا، صبر و توانيمدير گئدن
علی آقا واحید
🍂🍁 @paeizanam 🍁🍂
گؤنلره دئدیک تئز تئز گئچین آرزیمیزا چاتاق، جوانلیق گئتدی، عؤمور کئچدی، آرزیمیزا چاتمادیق🙁
🌙تاتلی لار🌙
🍂🍁@paeizanam🍁🍂
ائشیتدیم گئدیرسن گلدیم کی دئیهم
قاریییب گئتدیگین یئرده قالاسان
نانجیب دئییلم قارقیش ائیلهیم
گلمیشم سو آتام، خوشبخت اولاسان.
✍ محمد چالقین
🍂🍁 @paeizanam 🍁🍂
یالقیزلیغینا یاخشی باخ،
صاحاب چیخ.
نئچه انسانین اَمهیی وار اوندا کیم بیلیر؟!
اوغوز آتای
🍂🍁 @paeizanam 🍁🍂