475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
Mən səni hərşeydən qısqanacaq qədər, tez tez darıxacaq qədər, itirməkdən qorxacaq qədər çox sevirəm🫀
من سنی هر شئی دن قیسقانجاق قدر، تئز
تئز داریخاجاق قدر، ایتیرمک دن قورخاجاق
قدر چوخ سئویرم🫀
🍂🍁 @paeizanam 🍁🍂
هِئچ زامان چالما . . .
او قاپینی کی بیله بیله سَنین اۆزونه اؤرتوبله‌ر!
🍂🍁 @paeizanam 🍁🍂
paeizanam
"خاطیرلا منی"
سئویرم چمنده گولو_چیچه یی،
گلنده ایلک باهار خاطیرلا منی.
اوپسون یاناغینی داغلار کوله یی_
گولنده روزیگار خاطیرلا منی.
تورپاغی بزه سین بنوءوشه _نرگیز،
روحوما دوغمادیر هر جیغیر، هر ایز،
گئنیش سینه سینی آچسین گوی دنیز_
دیننده دالغالار خاطیرلا منی .
فصیل لر دولانیب اوءتدوکجه زامان،
واخت اولور حیات دا دئییشیر اینسان،
من سنی اونودان دئییلم اینان _
سنده ای گوزل یار خاطیرلا منی .
حوسئین عاریف👌
🍂🍁 @paeizanam 🍁🍂
سالاملار عزیز و حؤرمتلی دوستلار
گون آیدین دوسلاریم 😍😍😍🌺🌺🌺
🍂🍁@paeizanam🍁🍂
paeizanam
اوره ییمده یئرین وار ، دلی محببت کیمی،
اومیدیم دنیز کیمی ، چاغلاییرام هله ده !
عطرینه ده حسرتم، اوءزونه حسرت کیمی _
سینیق عطیر شوشه نی، ساخلاییرام هله ده!
بو ائله بیر درددی کی، آلیب_ساتا بیلمیرم،
جانیمدا جان کیمی سن، کسیب آتا بیلمیرم،
دونیایا گئج گلمیشم، سنه چاتا بیلمیرم_
ائح ! گئجیکمیش بختیمه، آغلاییرام هله ده!
سنی تانری گوءندریب، قانادسیز ملک کیمی،
ال چاتماز آرزو کیمی، مقددس دیلک کیمی،
باشقا سئوه نین اولماز، اینان بو اورک کیمی_
بو یازیق اوره ییمی، داغلاییرام هله ده!
شیرین سسینی دویدوم، سوءزونه وورغون اولدوم،
باخیشیندان آلیشدیم، گوءزونه وورغون اولدوم،
ائله اوءزونو سئودیم، اوءزونه وورغون اولدوم_
گوءزلریمی هر کسه باغلاییرام هله ده...!
هاردا اولورام اولوم، دیلیمده سوراغیمسان،
اوره ییمه ائو دئییم، ائویمده قوناغیمسان،
یاشاماغا هوسیم، دونیایا ماراغیمسان_
تلفونومدا نومره نی، یوخلاییرام هله ده!...
توفیق_بایرام_اوو
🍂🍁 @paeizanam 🍁🍂
دونیانین ایشلری ترسینه دوشوب،
قاراسی ترسینه ، آغی ترسینه !
ائله بیل طبیعت یئرین دئییشیب _
آرانی ترسینه ، داغی ترسینه !
فیرلانیر دورمادان ، جهره دی سانکی،
کسیر دیکه له نی دهره دی سانکی،
ائله چالخالانیر ، نئهره دی سانکی _
آیرانی ترسینه ، یاغی ترسینه !
"صفراوغلو" اورک دولو سؤز ایله،
دونیانی تانیدیق آچیق گؤز ایله ،
یوخدور بو ظالیمین ایشی دوز ایله _
چکیر سینه میزه داغی ترسینه...!
علی صفر اوغلو
🍂🍁 @paeizanam 🍁🍂
ای گوزل گوز گوزلیم گوزلریوین قوربانیام
منله بیر کلمه دانیش سوزلریوین حیرانیام
یئر گوی اوستونده تاپیلماز سنه تای نازلی گوزل
سن جانیم سان گوزلیم سن گوزلین ویرانیامپ
🍂🍁 @paeizanam 🍁🍂
تنها کؤنلوم،
ائله بیل کی، هاوادایام،
تره‌زیده چکی‌م یوخدور،
ایناملاریم پارچا-پارچا،
دویغولاریم داغیم-داغیم.
بو میلّتین بؤیوگونه ارکیم یوخدور،
کیچیگینه سیغینماغیم.
هئچ بیلمیرم هارا دؤنوم،
هئچ بیلمیرم کیمه باخیم...
موسی یعقوب
🍂🍁 @paeizanam 🍁🍂
paeizanam
مين لرجه گؤزل اوْلسادا هر ميللت ايچينده
اوْلماز سنه بنزر گؤزليم خلقت ايچينده
كویوندا صفا چكمه‌گه یول وئرمه رقیبه
یوخدور یئری خائین آدامین جنت ایچینده
بیگانه سؤزون آچما منه غصه دن اؤللم
بیماره ایچیتمه زهری شربت ایچینده
مین جاذبه واردیر گؤزلیم مست گؤزونده
انسان سنه باخدیقجا قالیر حئیرت ایچینده ...
علی آقا واحد
🍂🍁 @paeizanam 🍁🍂
منه داش آتانلارا
من چیچک(گل) آتارام
مزارینا ...!!!
تاتلی لار🌙
🍂🍁@paeizanam🍁🍂
بولاره آتیرام ولی والا شکست عشقی یممیشم و ناراحت دیلم الان، قشحیده آتدم😂😂😂
صاباح شاد اهنگ آتدم تعجب المین ها یا عاشقانه اتدم تعجب المین 😂
منم حالیم عالیده 😌
ياغيشلي بير گونده
اورك داريخير
ياغيش ياغماياندا
اورك داريخير
بولار بهانہ دير
اورك داريخير😔
🥺🥺
🍂🍁@paeizanam🍂🍁
همیشه بئله‌دیر... اعتیبارسیزلار اعتیباردان، دیانتدن...غئیرتسیزلر ناموسدان، غئیرتدن...دم وورارلار...🤞
🍂🍁@paeizanam🍂🍁
ای باهاریم، ای نیگاریم، ای شیکاریم، دیلبریم
ای حریفیم، ای طریقیم، ای شریفیم، سروریم
ای گولوم، ای سونبولوم، ای سوسنیم، ای عنبریم
ای منیم نخلیم، گینه حب و نبات و شکّریم
ای حبیبیم، ای طبیبیم، ای طوماریم، همدمیم
ای رفیقیم، ای شفیقیم، ای پریم، ای صفدریم
ای گولوستانیم، گولوم سرو و گول اندامیم منیم
ساغریم، شمع شبستانیم، ملائک پیکریم
ای ریاحیم، راحتیم، روح و روانیم لوطف ایله
سرفرازیم، سرکشیم، سعد و سعادت اختریم
ای منیم خورشید و ماهیم، ای چیراغیم، فانوسوم
شوخ چشم, و شاهیم ای موبارک منظریم
عشق گلدی کؤنلوم آلدی، حالیمی یغمالادی
سؤیله آخر ای نسیمی،جان و دلدن چاکریم
نسیمی
🍂🍁 @paeizanam 🍁🍂
موسلوم بابا
بیزی کیمسه آییراماز👌
🍂🍁 @paeizanam 🍁🍂
paeizanam
ایسترم
عاشیق دل خسته ئییم من درده درمان ایسترم
گورمه سین اغیاریلر درمانی پنهان ایسترم
چون خوشام اُل یاریلن آنجاق رقیبیم بیلمیئه
هاممی گوزلردن اوزاخ اَل یاری مهمان ایسترم
خلق اولوب یارین لبینده دردیمین درمانی بیل
منده اُل غونچا لبی خندان خندان ایسترم
کوی یارین من گئداسی اولموشام ای بیخبر
بیلگیلن بو سیرری سن زاهد نه سلطان ایسترم
یار اولا بیر من اولام اللرده باده اوینویا
مست اولاندا دلبرین زولفون پریشان ایسترم
قول بویون اولسا قوجا آغلار اگر جانانیله
اولسه ده بیر یول دئمز من غیر جانان ایسترم.
قوجا آغلار
🍂🍁 @paeizanam 🍁🍂
گیریب مئیخانه‌یه مُغ مشربی‌یله کیم کی خو ائیلر،
اولوب مؤمن، بهشتی، کافرم گر آرزو ائیلر.
مگر دیوانه‌دیر سودای ابروسی‌یله زاهد؟ کیم-
باخیب محرابا دایم اؤز-اؤزویله گفت‌وگو ائیلر.
دمادم قطره-قطره قان یاشیم‌دیر کیم چیخار گؤزدن،
و یا پیکانلارین، کیم آتش دل اونو سو ائیلر.
رهِ عشقینده اولمام تنگدل سئودا هُجوموندان،
طریقِ سلطنت هر کیم توتار، غوغایا خو ائیلر.
دئدیم: «کیمدیر پریشان ائیله‌ین عاشقلر احوالین؟»
صبا گؤستردی تارِ سنبلِ زُلفون کی: «بو ائیلر».
«فضولی» زلفونه باغلاندی، امّا اؤیله اینجَلدی،
کی گویا ضعف اونو هم، زلفونه بیر تارِ مو ائیلر...
#حکیم_ملامحمد_فضولی
🍂🍁@paeizanam🍂🍁
شیرین یوخون اولایدیم
گوزلرینه دولایدیم
سنه لای لای چالایدیم
سن گئجه لر یاتاندا
تاتلی رویالار ❤️
🍂🍁 @paeizanam 🍁🍂
سسینی قورتوم-قورتوم ایچیرم
کئفلی-کئفلی گؤیه‌ریرم ، بوداق وئریم
یارپاق آچیرام
پؤهره‌لر دیل آچیر
سنین آدینی اوخویور
نه اوزگن سسین وارمیش
سس سولاریندا
گؤزلریمی یومورام
سنین سسینه قوشولورام
کیچک آدیم
سسینده قؤنچه‌لنیر....
ایمران صلاحی
🍂🍁 @paeizanam 🍁🍂
ایلاهی
اللریم گؤيلره چاتمیر
آنجاق سنین الین یئره چاتیر
دوستلاریمی یئردن گؤیه اوجالد
اونلارا سالیق وئر
ایشلرینه برکت
جانلارینا سالیق وئر
گئجز خئیرلی دوستلار ❤️
🍂🍁 @paeizanam 🍁🍂
اوره‌گین دنیزدیر من کی بیلیرم
نه دن بَس ایچینه سیغیماز اوْلدوم؟
دئمه کی بویوکدوم-بویوکدوم سن دن
بیلمیرم بلکه ده سنه آز اوْلدوم...
#سحر_خیاولی
🍂🍁 @paeizanam 🍁🍂
paeizanam
ائل دوشدو بـوتـون حئیـرتـه دیـوانـه لیگمـدن
سیرّیـن دئمـدیـم بیـر کسـه مـردانـه لیگمـدن
خـاکستـر عشقـم، منـه تحقیـرایلــه بــاخمــا
میـن گنـج چخـار ظـاهیـره ویـرانـه لیگمــدن
مجنون کیمی من بارگـهِ عشقـی دولانـدیـم
گئچـدیـم بـو تمنـا ایلـه، شـاهـانــه لیگمــدن
مخمور گؤزون فکری ایله باده چوخ ایچـدیـم
هئچ بیر کیمسه ضرر گؤرمه دی مستانه لیگمدن
هر ماه روخون شمـع کیمـی عشقینـه یـانـدیـم
بیـر لحظـه خبـر تـوتمـادی پـروانـه لیگمــدن
دیوانه ٔ عشـق اولمـاغـا هـر کیـم هـوس ائتسـه
اوّل جـه گــرک درس آلا رنــدانــه لیگمــدن
واحد، من او خاکم، یئنه میخـانـه ده بیـر گـون
بیــر ذؤق یئتــر عــالمــه پیمــانــه لیگمــدن ...
علی آقا واحد
🍂🍁 @paeizanam 🍁🍂
paeizanam
Aqşin Fateh
آقشین فاتح
barama
باراما ...
من قانادسیز کپه‌نک سن باراما
یا منی اؤلدۆر یا مَرهم اوْل یاراما
🍂🍁 @paeizanam 🍁🍂
سؤزلریم قالدے سینه مده،دردے پنهان ائله دیم
قالاجاق عشقیمے داندیم،یئنه ڪتمان ائله دیم
دئدے بس دردینے سؤیله،آخے سن اودلانیسان
منده پروانه سے اولدوم،شمعے گریان ائله دیم
یاردئدے جانین آلیب جان وئره رم بویله سے دیر
منده بو آل وئره خاطیر جانے قوربان ائله دیم
اؤلولرمسلڪیدیر بوردا گرک عاشق اؤله
منلیغے من دارا چڪدیم ،تنے عریان ائله دیم
سوزولوب یوللارینا آخمالیدیر قانیم اگر
آیاق آلتیندا ڪسیللم ،بئله احسان ائله دیم
آمما بوجانے وئریب وئریب منده قصاصین آلدیم
اوردا بیر محڪمه سالدیم ،قانیماقان ائله دیم
دئدے سن عشقے قازاندین،سنه مهمان اولارام
منده ڪے قلبیمے آچدیم،یارے مهمان ائله دیم
دئدے یول یولچوسو اولساندا سنین غیرتینه
عاشق اولدوم سنه من ،مولڪومه سولطان ائله دیم
🍂🍁@paeizanam🍂🍁
یئریمی قلبینده کیم آلدی گولوم؟
کیم منی گؤزون‌دن سالدی بئله‌جه؟
نه اولدو سئوگیمیز سارالدی گولوم،
اؤزومو آراییم هایاندان، نئجه؟
مات قالیب اوره‌ییم، مات قالیب الیم
خزانا تالانیر آچان گول‌لریم
سنسیز یاشاماغیم اؤلومدور، اؤلوم
توپراغی دوشونور سنسیز، اللریم
گئدیرم اؤزومو اؤزومدن آسام
اوتوروب یارامی باغلایام گرک
بو دلی یول‌لاردا اونودولماسام،
داها آغ واراقدا آغلایام گرک...
🥀🥀🥀
🍂🍁@paeizanam🍂🍁
اینتظارین چڪیرم شوقیله اےجان گله سن!
سنه قوربان اولارام بیر منه مهمان گله سن
ائله ذوقیله گولوم یول لارا من گول دوزرم
گوز یاشیملا سولارام یول لارے آسان گله سن
🥀😔
🍂🍁@paeizanam🍂🍁
سنه اینانیرام،
اصالت‌لی اینسانین، وطنه،
اینانجلی اینسانین تانری‌یا،
صوفی‌نین غیب عالمینه ایناندیغی کیمی....
#غسان_کنفانی
🍂🍁@paeizanam🍂🍁