475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
paeizanam
سن منه دلبر یئترسن اوزگه‌لر یار اولماسون
بیر اولور یار ایکی اولماز، ایکی زنهار اولماسون
باغریمی دوغرار فراقین خاری، ای جنّت گولی
نوبهار اولسون، گول اولسون، آرادا خار اولماسون
ای سکز جنات عدنین باغ و بستانی یوزون
گولدن آنین گلشنی بی برگ و بی بار اولماسون
کیمکه دیداریندن اوزگه نسنه ایستر، یادیلر
یئتمسون حقدن نصیبی، اهل دیدار اولماسون
فرقتین دردی منی بی‌خواب و گریان ائیلدی
دشمنین عمری دوکنسون بختی بیدار اولماسون
توتموشام عشقینله پیمان، قیلمیشام حسنونله عهد
آندن اوزگه عهد و پیمان، قول و اقرار اولماسون
یاپیجی حقدیر، خرابی اول یاپار معمور ائدر
حق یاپان معموره آیروغ کیمسه معمار اولماسون
زلفونون داریندا، شاها، آسیلان منصور ایدی
هر که منصور اولمادی، زولفونده بر دار اولماسون
اولموشام عینین کیبی بیمار، عشقیندن جدا
یارب او نرگسدن اوزگه کیمسه بیمار اولماسون
ای نسیمی، قیلما یارین سرّینی اغیاره فاش
تا که یار اولسون بو سرّه محرم، اغیار اولماسون
حضرت نسیمی
🍂🍁 @paeizanam 🍁🍂
paeizanam
قالسین
سئوگيليم قويما ديليمده نه شكايت قالسين
نه ده كونلومده-گوءزومده آجي حسرت قالسين
گل وفاسيز دئمه بس دير سني جاندان سئونه
قويمارام بيرداها اوستومده بو تهمت قالسين
بير گوءزلسن كي گوءزللر سنه ديكميش گوءزونو
دئييرم اوءلكه ده حاققيندا بو صحبت قالسين
سون وئرك گل بو شكايت لره سندن مندن
درده دوءزمك جاوان عاشيق لره عادت قالسين
وارسا شوبهه ن سوءزومه اوندا بويور آل گوءزليم
اورگيم قبرده قدر سنده امانت قالسين
گل سليمان او قيزيل گول دوداغيندان اوءپسون
تورپاق آلتيندا دا آغزيندا بو لذت قالسين
🍂🍁 @paeizanam 🍁🍂
سئوگینی آخیتدین دامارلاریما
قلبیمه دویولوب یازیلدی آدین
بیر حزین کولَک تک اَسدین آستاجا
ایندی فیرتینایا بنزر بو قادین
سن سیزیلیک دوراغین چوخدان کئچمیشم
آرتیق اوره‌گیم ده دؤنوبدو داشا
دؤزوم قراریمی اَلدن آلسا دا
چیخ گئت طالعیمدن، گئت من سیز یاشا
سن نه بیله‌سن کی محبت نه‌دی
حیسلریم الینده اویونجاق ائیمیش
وارلیغینلا اؤته‌ن شیرین گونلریم
سن دئمه خیالن ییغینجاق ائیمیش
سن آیاق توتماغی مندن اؤرگنیب
بیله‌رک گؤزومدن آتیلمادین می؟
سئوگیمین قانادین گیزلینجه چالیب
دؤنوش‌سوز جرگه‌یه قاتیلمادین می؟
دئییردین اؤلوم ده آییرماز بیزی
سن‌ایسه دؤزمه‌دین یئتیشسین اؤلوم
ایندی قاییتماغین نه آنلامی وار
سن منی عؤمورلوک ایتیردین گولوم
قویلانیب ایچیمین قارانلیقیندا
دویغویام ظولمته بوروندم آنجاق
سورگون آرزولاریم یورغون آیاغیم
صداقت یولوندا سوروندوم آنجاق
#لیلا_توکلی(دویغو)
🍂🍁@paeizanam🍂🍁
‹ ℤ𝕚𝕙𝕚𝕟 𝕕𝕦̈𝕤̧𝕦̈𝕟𝕔𝕖𝕝𝕖𝕣𝕝𝕖 𝕕𝕠𝕝𝕦𝕪𝕜𝕖𝕟 𝕦𝕪𝕦𝕞𝕒𝕜 𝕫𝕠𝕣𝕕𝕦𝕣 ›🙂
🍂🍁@paeizanam🍁🍂
سن منیم عشقیله باخ گوزلریمه ...😍❤️😘
🍂🍁@paeizanam🍂🍁
سن مندن دویوبسان من روزگاردان
سن اوز یولونی گئت من اوز یولومو
گول دره بیلمدک بیز بو باهاردان
سن اوز یولونی گئت من اوز یولومو...🚶♀
🍂🍁@paeizanam🍂🍁
فَرقی یُوخدو ایندی یازدی یُوخسا پاییز . . .
سَنسیـز قالدیغیم هَـر فَصیل . . .
مَنیم اوچون قیش دی!
🍂🍁@paeizanam🍂🍁
سئومک کلمه‌سی👌
هر دوداغا یاراشا بیلر
آنجاق هر اۆره‌یه یاراشماز...🚶♀
🍂🍁@paeizanam🍂🍁
قریبہ دونیادیر...!
بیرے گلیر بیرے گئدیر،
ڪیمی آغلاییر ڪیمی گولور.
نہ گلن بیلیر هارا گلیر،
نہ گئدن بیلیر هارا گئدیر.
نہ گئدن گلنی گورور،
نہ گلن گئدنی.
گئت-گل بازارلیغی دیر،
چرخی فلڪ دایم فیرلانیر.
دئییرم...
گوره‌سن بو دونیا بیزے نہ سانیر؟
🍂🍁 @paeizanam 🍁🍂
▫️سئو منی،
بزک‌سیز، روتوش‌سوز، اؤرتوسوز!
منی اولدوغوم شکیلده،
ساده و ایچدن سئو!
چیچک‌لری چؤلده،
اولدوزلاری گؤیده سئودیگین کیمی!
نزار_قبانی
🍂🍁 @paeizanam 🍁🍂
تورال صدالی
منی ایتیرمه پشمان اولارسان
🍂🍁 @paeizanam 🍁🍂
سن ...
کیمینله
نَرده اولورسان اول
سن وار اولدوقجا ،
من یاشامایا دوام اِئدَجم ..🚶♀
🍂🍁@paeizanam🍂🍁
جانیم سنین ولی ای گول ایمانیمی قایتار
ایماندا سنین قلب پریشانیمی قایتار
گوز یاشیمی توکدوم گئجه گوندوز سنه خاطیر
گوز یاشدا سنین دیده ی گیریانیمی قایتار
رسمیدی کی قوربان پایینی قایتاران اولماز
سیندیر بو قوجا رسمینی قوربانیمی قایتار
من ایستدیم کاخ سلیمان منیم اولسون
کاخلاردا سنین کلبه ی ویرانیمی قایتار
🍂🍁 @paeizanam 🍁🍂
دولانسا دا سینه‌سینده گؤيلرين،
یووا قورماز قوش بوداقدان آرالی.
نغمه‌لر وار اوره‌ییمده، قانیمدا،
بولاق اولماز گور بولاقدان آرالی.
باغچامیزین بئشی هئیوا، اوچو نار
یادا دوشدو او کؤلگه‌لیک، او چینار
کؤنلوم یئنه یارپاق کیمی اوچونار
او چیچکدن، او یارپاقدان آرالی.
ائل-اوبادان چکیلرمی نظریم؟!
اونسوز منیم نه بختیم وار، نه زریم
ائلدن آیری نئجه یانیم-کؤزَریم؟
کؤز اولارمی گور اوجاقدان آرالی؟!
دیوار نه‌دیر؟ اؤزو بیلر، هیم بیلر.
میضراب نه‌دیر؟ پرده بیلر، سیم بیلر
«زلیمخان»ی کیم تانییار، کیم بیلر،
بو وطندن، بو تورپاقدان آرالی...؟
#زلیمخان_یعقوب
🍂🍁@paeizanam🍂🍁
دونیا سود اوزودور، قاتیق قایماغی،
سئوینجی ده تزه، غمی ده تزه.
نه واخت‌دیر یول گئدیر؛ دوه‌نین آغی-
قاراسی دا چاتمیر هله «تبریز»ه.
هاردان‌می باشلاییب، هارامی گئدیر،
او دوه‌سی اؤلن عرب قارداشیم؟
هله ده ارزروم گدییی قاردیر،
سویور اؤز دریسین «حلب» قارداشیم.
سن دئیه بیلمزسن؛ دئیه بیلرسن؟
نه واخت باریشاجاق اؤزوندن کوسن؟
هله بیر قوجانین «قوزئی کوره»ده،
گؤزوندن یاش‌کیمی دوشن اومیدسن.
یول چکیر گؤزلرين کهکشان‌لارا
ایچینده بؤيويور «چین دیوارلاری».
اؤزوندن-اؤزونه بير آددیم یولون،
کسیلمیر هله ده بورانی-قاری.
قوشما می یازیرسان، پوست‌مودئرن؟ قارداش!
ماشین‌لار گؤتورمور آت چاپان‌لاری.
ال چاتماز قایادان سوزولن بال‌لار،
قالدی داغ آیی‌سینا، ساری‌تئل آری!
باختیمیز دوشوبدور گون‌دوغان‌لارا
هله ده گؤیوموز قیپ-قیرمیزی‌دیر.
گونشی گؤی‌لره دوغماق آسان‌دیر،
بو چتین آغاران، یئرین اوزودور.
نه چوخ قومباراسی بئلینده گزن،
آلان جنّت اییین اینتحاریندان!
دونیا سود اوزودور؛ قاتیق قایماغی،
هله دویان یوخدور دادلی واریندان
بئله-بئله شیرین یوخولاریندان...
#علی_جوادپور
🍂🍁@paeizanam🍂🍁
१𝙺𝚞̈𝚕𝚕𝚎𝚛𝚍𝚎𝚗 𝚐𝚞̈𝚕𝚕𝚎𝚛 𝚍𝚘𝚐̆𝚊𝚛, 𝚂𝚊𝚋𝚛𝚎𝚝ぅ🌹
🍂🍁@paeizanam🍁🍂
१𝙺𝚘̈𝚝𝚞̈ 𝚜𝚎𝚌̧𝚒𝚖𝚕𝚎𝚛 𝚒𝚢𝚒 𝚑𝚒𝚔𝚊𝚢𝚎𝚕𝚎𝚛 𝚢𝚊𝚙𝚊𝚛𝚕𝚊𝚛ぅ
🍂🍁@paeizanam🍁🍂
آی منیم قبریمی قازان آدملار
عومیر گولشنیمی پوزان آدملار
مزاریمین داشین یازان آدملار
وصیتده بیرجه بله سوزوم وار
دیین قبریم اوسته گلن سوگیلیم
قان آغلییب ساچین یولان سوگیلیم
اورگی کدردن دولان سوگیلیم
گوزلرینده حسرت قالمیش گوزوم وار
سریلیب اوستومه قان یاش سوزمسین
تورپاق آتدا یورغون جانین اوزمسین
دوداغینا ایستی اوزلر گزمسین
دوداغی اوچون سویوق داشدان اوزوم وار
🥀💔
🍂🍁@paeizanam🍂🍁
ای فضولی ! هر عمل قیلسان خطادیر ، غیر عشق
شعر:
#حکیم_ملامحمد_فضولی
🍂🍁@paeizanam🍂🍁
یانیرام عشقیوه من عشقی دانیرسان نه اوچون
اوزگه نین عشقینه سن گونده یانیرسان نه اوچون
منی دیوانه بولوب آیری قالیرسان نه اوچون
منی مین درده سالیب اوزگه سانیرسان نه اوچون
🍂🍁 @paeizanam 🍁🍂
بیلمه دیم عاشق اولان دونیادا دیوانه اولار
گول تکی تئز سارالار غنچه سی تئزلیکجه سولار
بیلمه دیم عاشق اولان هرگئجه پروانه اولار
عشقی دن اودلا یانیب هر قانادین کول ده یولار
🍂🍁 @paeizanam 🍁🍂
▫️یالنیز ایکی نفر سنی آنلار:
سنین دورومونو یاشامیش اولان،
سنی چوخ سئون.
نجیب محفوظ
🍂🍁 @paeizanam 🍁🍂
paeizanam
دیل بیلن,سؤز آنلایان بیر نازلی یار ایستیر کؤنول
لاله دن,گول دن گؤزل بیر نو بهار ایستیر کؤنول
اعتبارین گؤرمه ینجه سؤمه رم بیر دلبری
نازنین مهپاره لردن اعتبار ایستیر کؤنول
هر قارا زلفین اسیری اولمارام بوندان سورا
ایندی عالم اؤزگه دیر خوش روزگار ایستیر کؤنول
اوینایوب,گولمک, دانیشماق,عیش و نوش ایامدیر
بولبول شیدا کیمی مین لاله زار ایستیر کؤنول
هر طرف گول دیر,چیچکدیر,بو آزاد ئولكه ميز
دائم اؤز خوشبخت خلقین بختیار ایستیر کؤنول
بیز سووه ت خلقین حقیقتله سئوون عاشقلریک
خائنی,ادنانی یوردومدان کنار ایستیر کؤنول
بختور ,واحد اوکسلر دیر بو خوش عالمده دیر
هر زمان بوشن حیاتی پایدار ایستیر کؤنول
علی_آقا_واحد
🍂🍁 @paeizanam 🍁🍂
یقین سن ده گئده‌جکسن،
هامینین گئتدییی یئره.
من اؤز یئریمه صادیقم،
نئجه‌کی صادیق اولورلار-
آغاجلار بیتدییی یئره.
اوزون عؤمور، جان ساغلیغی،
باغیشلا بو اوشاقلیغی!
آیریلماق‌چون گل گؤروشه،
سئوگی‌نین ایتدییی یئره!
کورام، گؤزوم ال‌لریم‌دی
اومیدلردن توتا-توتا،
آرخانجا گلیب چیخمیشام،
منی ترک ائتدییین یئره،
هامینین گئتدییی یئره...
#آقشین_یئنی_
🍂🍁@paeizanam🍂🍁
عؤمور دئدیییمیز نه‌دیر کی؟
چای، بارداقدا،
سویویانادَک کئچن زامان.
چایینیز بارداقدا سویومادان،
دادی‌یلا ایچین حیاتی!
سئوگیلری سویوتمادان،
سئودالاری سویوتمادان،
دوستلوق‌لاری سویوتمادان،
یاشایین دویونجان!
سئویرسینیزسه، قاچین آردیندان!
بئش دقیقه بئله دوراجاق زامان یوخ.
قیرمادان، اینجیتمه‌دن،
سئوین اینسانی!
قیرماغا زامان یوخ!
چایینیز بارداقدا سویومادان،
ایچین چایینیزی!
حیات کئچیر؛
یاشاماماق، اورک‌لره ضرردیر...
#جان_یوجل
🍂🍁@paeizanam🍂🍁