475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
داریخماق
آدامی
کهنه چایا تای
اجی ائلر...
🍂🍁@paeizanam🍂🍁
..هارا قاچاجاقسان گؤز قاباغیندان؟
بو ظالیم دونیایلا نئیله‌یه‌جکسن؟
یوز یول چیخاجاقسان اؤز قابیغیندان،
اؤزوندن آیریلا بیلمه‌یه‌جکسن.
اؤیرن، یاواش-یاواش اؤزونه اؤیرن!
دونیانین هر جوره اوزونه اؤیرن...!
#رامیز_رؤوشن
🍂🍁@paeizanam🍂🍁
بو گون شهر بیر مزه‌سیز مئی کیمی،
آغزیمیزدا زهر داددی، عم اوغلو!
خیاوندا آزغین گزن پولیس‌لر،
اوستوموزده آت اویناتدی، عم اوغلو!
اَینیمیزی باریت، سو تک ایسلادیر.
بئینیمیزی گوللـه سسی لاخلادیر.
نه قدر کی دوشونجه‌میز ساختادیر،
حیات بئله ظولوماتدیر، عم اوغلو!
بورا جهنّم‌دیر، جهنّم... اینان!
بورادا اؤزلوگون تانیمیر اینسان.
قحبه ارکک‌لرین فیریلداغیندان،
کوچ‌ها‌کوچ دور، چات‌هاچات‌دیر، عم اوغلو!
قبریستان‌دیر یا شهردیر؟ آی آمان!
حیات شیرین؟ یوخ...زهردیر، آی آمان!
نئچه ایلدیر قارین دردی، آی آمان-
باشیمیزی یامان قاتدی، عم اوغلو...!
#ممد_چالقین
🍂🍁@paeizanam🍂🍁
مئهریبانلیق
حیاتی گؤزه للشدیریر
سئوگییه ساری اولان یوللاری آچیر
حیاتینیز
مئهریبانلیق قدر گؤزل
آنلاریز اومودون رنگلری قدر ایشیق
اوره کلریز محبت دن آشار - داشار اولسون!
گون آیدین سئوگیلی دوستلار
❤️
🍂🍁@paeizanam🍂🍁
بیر آز مؤهلت ایسته‌ییرم عؤموردن
ساچلاریمین رنگینده‌دی گؤدَکچه‌م،
یاری بوزدو، یاری قارا، یاری آغ.
طبیعت اؤز سایدیغینی سایاجاق
بیر عؤمورون فصیللری قاریشمیش،
یاری یازدی، یاری پاییز، یاری قیش.
اوزاقدی‌می، یاخیندی‌می منزیلیم،
من داغ قالخدیم، داغی آشان کیمی‌یم.
دونیا گؤردوم، دونیالاشان کیمی‌یم،
بلد اولدوم هر اوزونه حیاتین،
گئجه‌سینه، گوندوزونه حیاتین.
بیر آز مؤهلت ایسته‌ییرم عؤموردن.
نه قدر کی، بو دونیادا بیز واریق،
بو دونیانی یاشادیریق، یاشاریق
سن اولارسان، من اولارام ایکیمیز
حیات شیرین، دونیا گؤزل، سن عزیز...
#نریمان_حسن‌زاده
🍂🍁@paeizanam🍂🍁
هچکسه احتیاج اولمادیغیم گونللری یاشیرام
بوتون کچمیشی یادان چخادیب
بیلمیرم کیملری سئومشدیم
کیملری قارداش کیملری یولداش بیلمیشدیم
بیلمیرم کیم للره سئویرم دمیشدیم
بوتون هرشی اونوتوب خوش یاشیرام
هچکسه احتیاجیم یوخ داها
نه یاخشی کی چوخلارین یادیمنان چخادیم
حیاط ایندی چوخ شیریندی منه هر آن سنه شکورللر تانریم ❤️🍏
🍂🍁@paeizanam🍂🍁
یئنه ده گؤزلریم گؤزونده قالیب
گؤردویوم معنایا قوربان اولارام!
اگر حقیقت‌سن، من حقیقته-
رؤیاسان، رؤیایا قوربان اولارام!
صؤحبتین شیریندی، گولوشون تزه
سالدین اورییمی عشقه، هوسه.
سن آیاق باسدیغین او یولا، ایزه،
چمنه، صحرایا قوربان اولارام!
چاتسین هر مورادین باشا دونیادا!
بیر آرزون دَیمه‌سین داشا دونیادا!
بو دونیا گؤزلدیر، یاشا دونیادا!
سن اولان دونیایا قوربان اولارام...!
#نریمان_حسن‌زاده
🍂🍁@paeizanam🍂🍁
گل ائیله نوازیش، منه وئر بوسه لبیندن!
چونکی گؤزلین بوسه‌سی‌دیر عاشیقه احسان...
#نظامی_گنجوی
🍂🍁@paeizanam🍂🍁
اورییمده نئچه-نئچه
یاس قاریییب، وای گیزلنیب.
هیمه بنددی، گؤزلریمده،
نئچه چئشمه-چای گیزلنیب.
اورییمی کیمه آچیم؟
درد الیندن هارا قاچیم؟
دومان قویمور ایشیق ساچیم
بولودومدا آی گیزلنیب.
داغلار آلتدا نه‌لر یاتیر
یاتیر، داغ-دره‌لر یاتیر
ایچیمده نعره‌لر یاتیر
روحومدا هارای گیزلنیب...
#زلیمخان_یعقوب
🍂🍁@paeizanam🍂🍁
من سنی بیلمدیم، بنزتدیم آیا
نه سنه ال چاتیر، نه اونا، گولوم!
آیاغین دوشه‌جک هانسی قاپی‌یا،
طالعین ده هانسی عونوانا؟ گولوم!
بیز غمه شریکیک، سئوینجه شریک
بیز هئی دوشونوروک، فیکیرلشیریک
بیز نه آیریلیریق، نه بیرلشیریک
اونوموز چاتماییر بیر یانا، گولوم!
کیمین ائیهامینی سن دویاجاقسان؟
کیمین شرفینی قورویاجاقسان!
کیمین یاستیغینا باش قویاجاقسان؟
کیم آتا اولاجاق، سن آنا، گولوم...؟!
#نریمان_حسن‌زاده
🍂🍁@paeizanam🍂🍁
گیزلیجه آلیشیر-گیزلیحه یانیر ،
توستوسون عالمه یایمیر اوره‌ییم
اؤزو چکدیگینی یوزدن بیرینی
سنین چکمه‌گینه قییمیر اوره‌ییم
قلبیمه قولاغ آس ، قلبیمی دینله
آغلاییر سنین‌له،گولور سنین‌له ،
ائله اود وورموسان بیر گئدیشین‌له
نه سوُنمور ، نه‌ده کی سویومور اوره‌ییم!
گئن گَزمه ، گوُر منیم نه حالتیم‌دی
عوُمور آز دونیادا اوُلوم-ایتیم‌دی
سن گئدن‌دن کیمسه‌سیزدی- یئتیم‌دی
هئچ‌کسه یو'ووشمور ، اویمور اوره‌ییم
شوجاعتم چوخ یانمازدیم، سؤنردیم
دوزول‌مزدی ، چکیلمزدی بو دردیم
مندن اولسا والله چوخدان دوُنردیم
آمما گوجوم چاتمیر،قویمور اوره‌ییم!..
#شجاعت_كلبجرلی
🍂🍁@paeizanam🍂🍁
عشق، دوستلوق و هونر گؤزل‌لیک‌لریندن باشقا، حیاتا آنلام وئره بیلن اؤنملی بیر شئی گؤرمورم داها...
#موریل/channel/paeizanam
هابر گلمیور یاردان😔
به یاد بیرنفر که همیشه بو اهنگ اوخویارده 🥀
🍂🍁@paeizanam🍂🍁
اوره‌ییم آنانی ایسته‌ییر، قیزیم!
سن یاشا دونیادا غم‌سیز، کدرسیز!
بیر سس قولاغیما «دؤز» دئییر، قیزیم!
من دؤزدوم، یاش اؤتدو مندن خبرسیز.
قاشلاریم قارادی، ساچلاریم آغدی،
طبیعت شکلیمی چکیر یئنیدن.
هامی بو دونیادا قوجالاجاقدی،
آما تک قوجالماق، درد وئریر هردن.
«داغلار» دئیه-دئیه من داغ آشمیشام
هانی طالع دوستوم، اورکدن گولن؟!
دونیادا یاشاییب دونیالاشمیشام
دونیایلا دوز گلمیر داها من دئین.
داددیم آجیسینی شیرین حیاتین،
هله بو آجیدان دویان اولماییب.
قیزیم! قارداشینلا سن اولماسایدین،
دئیردیم دونیادا آنان اولماییب.
داها یاش آرتدیقجا، صبریم آزالیر
یاش، یاشدی... نئیله‌سن یاشاییر، قیزیم!
قادینسیز، آتا دا آناسیز قالیر،
اوره‌ییم آنانی ایسته‌ییر، قیزیم...!
#نریمان_حسن‌زاده
🍂🍁@paeizanam🍂🍁
نه اولورسان اول،
اؤنجه "اینسان" اول !...🚶♀
🍂🍁@paeizanam🍂🍁
من اونو سئویردیم، هئچ کس بیلمیردی
سئون اوره‌ییمی غم اوخو دلدی
گیزلین سئودیییمی الدن وئرمیشم
باغیشلا اوره‌ییم! ایش بئله گلدی...
#حاتم_احمدی
🍂🍁@paeizanam🍂🍁
🍂🍁@paeizanam🍂🍁
او قدر عزا تؤکوبلر باشیمیزا، زاریماغا ماجالیمیز یوخدور...
#هوشنگ_گلشیری
ᘏ•𝔹𝕒𝕤̧𝕒𝕣ı𝕤ı𝕫𝕝ı𝕜 𝕘𝕖𝕔̧𝕚𝕔𝕚 𝕓𝕚𝕣 𝕕𝕦𝕣𝕦𝕞𝕕𝕦𝕣, 𝕠𝕟𝕦 𝕜𝕒𝕝ı𝕔ı 𝕜ı𝕝𝕒𝕟 𝕡𝕖𝕤 𝕖𝕥𝕞𝕖𝕜𝕥𝕚𝕣
🍂🍁@paeizanam🍁🍂
احتمال ایله
دیک‌دابان باشماغی،
آلنی چوخ واخت اؤپوش آماجی اولان،
بیر قادین دوزَلدیب...
#کریستف_دارلینگ
🍂🍁@paeizanam🍂🍁
بیر یول آیریجینا بنزه‌ییر حیات
یاراماز حیاتین اوستونده اسمک.
جسارت ایسته‌ییر، بیر ده احتیاط
نه لنگیمک اولار، نه ده تلسمک.
احتیاط ائله‌دیم اوردا کی، بیر واخت،
جسارت هر شئیه منجه دیَردی.
جسارت گؤستردیم اوردا کی، آنجاق،
عادی بیر احتیاط بس ائله‌یردی.
بو دونیا غریبه بیر اَیلنجه‌دیر
دونیا سرت، من بعضن اوشاق‌خاصیت
یاشادیم، بیلمدیم بو دونیا نه‌دیر،
بیلمدیم دونیادا نه‌دیر سعادت.
کدریم دونیانین وئجینه دئییل،
سئوینجیم نئجه بس دوشورمو یادا؟
بلکه دونیا اوچون، بو هئچ نه دئییل،
نه قدر سئوینج وار، غم وار دونیادا.
دونیا سرگیسینده گؤروندوم، یئتر.
حقیقت دئدیم من یالان دونیایا.
دونیانی اَیلنجه حئساب ائدن‌لر،
اَیلنیب باخسینلار بیر آن دونیایا...
#نریمان_حسن‌زاده
🍂🍁@paeizanam🍂🍁
هئچ بیلمیرم نئجه دئییم، نه دئییم،
من چاشمیشام، اینجیین سن، کوسن سن.
بو گؤروشدن خبرسیزدی اورییم،
ائله بیل کی، نه من منم، نه سن سن.
سن دئدییین من دئییلم، بدن‌دی،
اؤتری‌دی دویغوسو دا، حیسّی ده
اورک یوخسا، او بیلمیرم ندندی،
بیرلشدیریب آییراجاق بیزی ده.
بو دونیادا بیر دونیام وار ناراحات،
من اؤزوم ده ناراحاتام نه واختدی.
قولوم اوستده سن یاتیرسان بو ساعات،
اورییمده باشقاسی وار، اویاقدی...
#نریمان_حسن‌زاده
🍂🍁@paeizanam🍂🍁
سنی سئون اینسان، گئتمک اوچون مین ندنی اولسا بئله، اصلا سنی بوراخمایاجاق. او، یانیندا قالماق اوچون بیر ندن تاپاجاقدیر...
#بهومیل_هرابال
🍂🍁@paeizanam🍂🍁
#اوزون_قول‌لاریندا_یئریم_هاردادیر؟
اوزون قول‌لاريندا يئريم هاردادير؟
نه دنسه سيغميرام قوينونا سنين
منده ايسته‌ييرم بير مونجوق كيمی
دولاشيب آسيلام بوينونا سنين!
قیيما گؤزلريندن ايراغا دوشَم
يئر ائله شاختادير اوشويور جانيم.
منده دوداغيندا قالان اؤپوشَم
«آی» بونا شاهيددير من نه جور دانيم؟!
سنه يالواريرام سون باهاردا من
سيخيلير اوره‌ييم سيخيلير آنجاق
قارانليق گئجه‌لر سيزلايان كؤنول
سنين ال‌لرينده اولوب اويونجاق
وئر منه گؤزونون قاراسين- آغين،
قوی سنه يئر ساليم سینه‌مین اوسته
سئوک عشقيميزين لاپ كؤرپه چاغين
بو سئوگی يورغوندور- بو سئوگی خسته
ايذين وئر ياناشيم، گليم يانينا
بو گئجه ائله بيل سون گئجه‌ميزدير
بو گئجه قاپی‌دا قالان گؤزلريم
اؤزونده بوغولان قانلی دنيزدير
بو منه درد اولوب اؤلدورور منی
نه دنسه سيغميرام قوينونا سنين
منده ايسته‌ييرم بير مونجوق كيمی
دولاشيب آسيلام بوينونا سنين
#دومان_بختیاری
🍂🍁@paeizanam🍂🍁
دوشونجه‌لردن سویوقدور دویغولار؛
اینانماسان سئرچه‌لردن سوروش!
گؤیلر ساده‌جه سونسوز بیر بوشلوقدور؛
اوچاق توستوسو،
بولودلارلا دَییشیک دوشه بیلیر.
گؤیلردن گلن ان اؤنملی خبر،
یالنیز یاغیشدیر...
بونو بیتگی‌لردن سوروش!
و یاغیشی قورودور قیتلیق ایللری؛
سوسنبر کرتیسینی،
بیر هؤرومجک پوزا بیلیر.
ایندی ها سؤیله یاشاسین باریش و قارداشلیق!
باریش، آدسیز و ایمضا‌سیز بیر مکتوبدور،
گئجه یاری‌لاری گئدیر آدرئس‌سیز قاپیلارا
و قارداشلیق ساده‌جه بیر تیکه بولودلا
بیر سورو اوچاق توستوسونون اؤیکوسودور گؤیده.
اینانماسان،
بویور بیزیم حیَطده‌کی قیتلیق ایللرینی، پوزغون یاشایان
غملی سوسنبر کرتیسیندن سوروش...!
#کیان_خیاو
🍂🍁@paeizanam🍂🍁
اهنگ پیشنهادی 😌👍👌
اوزات الرینی منه جان دییم هران سنه😍❤️
༻ zahra ༻
🍂🍁@paeizanam🍂🍁
‹ 𝙄𝙣𝙨𝙖𝙣𝙡𝙖𝙧 𝙨𝙖𝙣𝙖 𝙩𝙖𝙨 𝙖𝙩𝙖𝙗𝙞𝙡𝙞𝙧, 𝙨𝙚𝙣 𝙖𝙩𝙢𝙖 𝙗𝙞𝙧𝙞𝙠𝙩𝙞𝙧 𝙫𝙚 𝙠𝙚𝙣𝙙𝙞 𝙠𝙖𝙡𝙚𝙣𝙞 𝙠𝙪𝙧 ›✊
🍂🍁@paeizanam🍁🍂
بیر گون سندن سونرا برک خسته‌لندیم،
جانیمدا پاییزین اسن یئل‌لری.
سنسیز من آناسیز اوشاق کیمی‌یدیم
دونیا یاد قیزیدی مندن اؤتَری.
قیزین کوپه سالدی، چای سوزدو اوغلون.
گؤردوم او چاشیبدی، اورتادا قالیب.
بیر قورخو حیسّ ائتدیم اوزونده اونون
نئیله‌سین...؟ یانیندا تک آتا قالیب.
نوه‌ن ده گلمیشدی -سنه اوخشایان-
حیات دیل آچمیشدی اونون دیلینده.
قیریلان دویمه‌نی تاپمیشدی شیطان،
ایینه-ساپ گزیردی کؤینک الینده.
باخیردیم اوزونه بیر آنلیق سوسوب
منی اووسونلایان دوغما سس‌ایدی.
بیرینجی دفعه‌یدی آغری‌یا دؤزوب
سوسوردوم نازیمی کیم چکه‌سی‌یدی.
سنسیز درک ائله‌دیم من بو دونیانی
کئچدی خسته‌لیییم بو حسبی-حال‌لا
سنین اللرینین صفاسی هانی؟
آیاغا قالخایدیم بیرجه سیغال‌لا...
#نریمان_حسن‌زاده
🍂🍁@paeizanam🍂🍁
بیزیمڪے عشقمیز یوهدو لاعقل سیز گوندرین عشقلریزه😊👌❤️
🍂🍁@paeizanam🍂🍁