475
🍂🍁اشعار ناب و گلچین شده&موزیک🍁🍂 و🍁🍂صبا پاییزان دکلمه لری 🎤
نه قدر چوخ انسان تانیدیم
اوقدر چوخ تک قالدیم ...🚶♀
🍂🍁@paeizanam🍂🍁
عاشق اولدوم سنین کیمین جیرانا😍❤️
💃💃💃💃💃
🍂🍁@paeizanam🍂🍁
بیرگون بیر آغاجدا بوداغا دؤننم
قارانلیق گئجه ده چیراغا دؤننم
واللاه اؤپولمه میش دوداغا دؤننم
بیلسم اوره یینده هله یئریم وار!
بوداغین اوستونده قوشا دا دؤننم
داغلاردا سیلدیریم داشا دا دؤننم
قوردلاری اؤلدورن قیشا دا دؤننم
بیلسم اوره یینده هله یئریم وار!
گؤزلریندن آخیب باخیشا دؤننم
یاز گونو بیر دلی یاغیشا دؤننم
دلی لر دیلینده قارغیشا دؤننم
بیلسم اوره یینده هله یئریم وار!
تئلدن اوزاق دوشن داراغا دؤننم
اوره یی دوم دورو واراغا دؤننم
کؤنولده اویانان ماراغا دؤننم
بیلسم اوره یینده هله یئریم وار!
حسرتدن اوشوین اوجاغا دؤننم
اوجاغی بوش قالان بوجاغا دؤننم
ایستکله آچیلان قوجاغا دؤننم
بیلسم اوره یینده هله یئریم وار!
#میرحسین_دلداربناب
🍂🍁@paeizanam🍂🍁
بو غریب دنیا دا کونلوم
نئجه آرام اولاجاق
یاتسا بختیم بیری بو
بختی اویاتماز گؤزلیم
عشق اولماسا گر
کل جاهان بیر داشا دیمز
سئودا سیزاگر اولسا
کؤنول بیر قاشا دیمز🚶♀
شهریار
گجئیز اولدوزلو⭐️✨💫
🍂🍁@paeizanam🍂🍁
🌺سیزه بیر دونیا شادلیق
❤️آران لارجا آراملیق
🌺دنیزلرجه شنلیک
♥️داغلارجا ساغلیق
🌺گؤی لرجه گؤزللیک
♥️یاشام بویو سایقی
🌺تانری دان دیلییرم
♥️گونلریز خوش تای سیز
🌺سحرییز خئیرلی
🍂🍁@paeizanam🍂🍁
او قوجا قادین
هر آددیمدا آیاق ساخلاییب
یئرده کی کاغیذ قیرینتی لارینی
گؤزدن گئچیریر
بو بؤیوکلوکده شهرده
هئچ پول ایتیرن یوخ مو؟!
#راسیم_قاراجا
🍂🍁@paeizanam🍂🍁
نیگاران چیلیق لاری بیزیم قاچماغیمیزدان دئییل.
چوخ اوزاقلاشا بیلمه ریک ذاتن.
خیال لاریمیزین اوجالماسیندان قورخورلار.
اینسانین ایچینده آچیلیب، اینسانا جوشقو ایله اوستونلوک وئرن یوللاردان قورخورلار...
#مارگارت_اتوود
🍂🍁@paeizanam🍂🍁
بیر قوجاق دولوسو داریخماغیم وار
طاقتدن دوشموشم داشیماق اولمور
دئشیلیب یاراسی اؤزلم لریمین
گؤینه‌ییر، ال آتیب قاشیماق اولمور
سسسیزلیک اوروجو توتوب دوداغیم
آغزینی پیچاق دا آچماز اولوبدور
اوره‌ییم هارداسا سؤز پوسگوره‌جک
دویغومون چاناغی قانلا دولوبدور
نه شئعیر نه سیگار قانیق وئرمه‌ییر
سوموگه ایشله‌ییب سیخینتی‌لاریم
نیسگیلیم جانیمی سیلکه‌له‌ینده
دئپرم‌دن چوخ اولور ییخینتی‌لاریم
روحوم جان ائویندن قاچماق ایسته‌ییر
گوندوزلر قودوزدور، گئجه‌لرسه هار
چیخاریم یاشامدان ندیر سوروشسان،
بیر قوجاق دولوسو داریخماغیم وار
#فرزین_نقی‌یان
🍂🍁@paeizanam🍂🍁
ایستمیرم گوزے یولدا حسرت چڪہ 😔☝️
🍂🍁@paeizanam🍂🍁
گونویوز چیچک کیمین گوزل
سوکیمین آیدین
اورگینیز کدردن اوزاق و عشق و محبتله دولی اولسون
سحرییزخئیر سئوگیلی دوستلار
🍂🍁@paeizanam🍂🍁
⥂𝘿𝙪̈𝙨̧𝙢𝙖𝙣𝙡𝙖𝙧ı𝙣ı 𝙖𝙛𝙛𝙚𝙩 𝙖𝙢𝙖 𝙖𝙨𝙡𝙖 𝙞𝙨𝙞𝙢𝙡𝙚𝙧𝙞𝙣𝙞 𝙪𝙣𝙪𝙩𝙢𝙖
🍂🍁@paeizanam🍁🍂
من، کیمین یانینا قاییدیم ائوه؟
بیر ائیوان، دؤرد دووار، چوخلو داش قالیب.
سنله دولو ایدی بوش ائویم اوّل،
ایندی دولو ائویم سنسیز بوش قالیب.
دونیادا ان‌بؤیوک ایتکی قادیندی
گؤردوم آنامدا دا، قادینیمدا دا...
ائوین یئیه‌سی‌یدین، ایندی‌سه تورپاق
سنسن ساغ جانیمدا آغرییان یئریم.
چؤلده قالماق اولمور، ائوده یاشاماق
نه گئدن یئریم وار، نه قالان یئریم...
قادین‌سیز چتیندی حیاتی سئومک
سئوگی‌سیز حیات دا، بیر حیات دئییل...
#نریمان_حسن‌زاده
🍂🍁@paeizanam🍂🍁
سن،
داشینی دؤشونه ووردوغون دونیالاردا،
دوشونجه‌نین یول‌لارینا،
خنجر اکیرلر،
شوشه اووخالاییرلار.
او یئرلرده،
باش‌لاری سقف‌ایله اؤلچورلر.
... و سن،
اونلارین اؤلچولرینه یئرلشمه‌ینده،
سقف‌لرینی اوجالتماق یئرینه،
سنی سیندیریرلار...
#باریشماز
🍂🍁@paeizanam🍂🍁
گئجه.، هر زاماندان چوخ
سنین اوچون داریخیرام❤️🥹🚶♀
🍂🍁@paeizanam🍂🍁
گئجه‌دیر؛
کیمسه یوخ؛
بیر سن، بیر ده من.
ظولمات آسیلمیشدیر پنجره‌لردن.
اوتاغیمدا سکوت،
گؤیلردن دَرین.
بیر منم،
بیر سکوت،
بیر ده گؤزلرین...
#رسول_ریضا
@🍂🍁@paeizanam🍂🍁
صَرّاف کیمی سؤزی سِئچ ؛
پیسه مَحَل قویما هِئچ ؛
سایانا حورمَت اِئیله ؛
سایمایانی سایما هِئچ ..!
🍂🍁@paeizanam🍂🍁
بيلميرم يارب! يئته قلبيمده بو غوغا نه دير،
آخر عؤمرومده بو باشیمداکی سئودا نه دير؟
هر نه گزديم مسجد و مئيخانه و بوتخانه ده،
بيلمه ديم کيمدير مسلمان، کافر و ترسا نه دير؟
ائی منی خلق ائيله ين خاليق، اؤزون امداد قیل!
قالمیشام واله کی بو دونيا نه دير، عقبا نه دير؟
گونده يوز يول کافر اوللام، يوز يول ايمان ايسته رم،
بيلمه ديم کی کوفر و ايمان، گاه «بلی»، گاه «لا» نه دير؟
بيرجه انصاف ائيله سن ده...! زاهد بی دين تکی_
بير بئله هر گونده ناحق وئرديڲين فتوا نه دير؟!
#محمد_امین_دلسوز_تبریزی
🍂🍁@paeizanam🍂🍁
الیمده داریخیر یازدیغیم قلم،
سنین حسرتیندن، سنین، بیر دنه‌م!
من یولو قایالی، اوره‌یی داغلی
آغری ییخیلمیشی، قوللاری باغلی
ییخیلمیش دیله‌ییم “جانسیز کؤلگه‌ده”
گلیشین گؤزله‌ییر گولمز اؤلکه‌ده.
قاپالی قاپی‌دان، پنجره‌لردن
هارای قامچیلامیش حنجره‌لردن،
باخاراق هیچقیریر بیر دلی شاعیر،
وارلیقدان آجیقلی گیلئیلی شاعیر
آغلاییر گؤزوندن کسیلمیر یاغیش
بوروموش یوللاری یوللارجا قارغیش.
بیر پاپریز اودلاییر بوشلوغو ییخسین
بو تشویش یوردوندان بیر یانا چیخسین.
ال آتیر سمادان دره اولدوزو،
"درمه دور!" سؤیله‌ییر گؤیلرین قیزی.
اؤیره‌نیر قارانلیق آدلی دهشته،
پامبیق خیالینی باساراق شته،
چورومک یوردونا آتی یهرلی،
گؤزلری کینلی‌دیر، فیکری قهرلی.
دوشونور: دورغونلوق اوجوز اؤلومدور
هر جیغیر هر بیر ایز ایپک یولومدور.
سئوینمک داغلارین آرخاسیندادیر
کدر آغاج اوسته جوما قارغادیر.
دورغونلوق اؤلومدور، حرکت سئوینج
یوللاردا حیاتیم کئچه‌جک‌می‌دینج...؟!
#بهروز_صدیق
🍂🍁@paeizanam🍂🍁
៚𝕋𝕦̈𝕟 𝕚𝕪𝕚 𝕤̧𝕖𝕪𝕝𝕖𝕣, 𝕤𝕒𝕓ı𝕣𝕕𝕒𝕟 𝕤𝕠𝕟𝕣𝕒 𝕘𝕖𝕝𝕚𝕣
Günaydın
🍂🍁@paeizanam🍁🍂
نه ساغا، نه سولا اومودوم یوخدو
منیم هم ساغیم بوش، همی ده سولوم
منیم، عاییله‌مین گله‌جه‌ییچون
ساغ-سولومدا تکجه وار ایکی قولوم
یورولدوم یالاندان بوم-بوش سؤزلردن
دئمیرم نه چؤرک نه‌ده دیش وئرین
من یولچو دئییلم، دوشمن دئییلم
من فقط دئییرم منه ایش وئرین
منیم اللریمدن کئچیر گله‌جک
منیم اللریمدن یاغیر اضطراب
منیم اللریمه خور باخمایاسیز
ائله بوش اللردن گلر انقلاب
اوغلومون اوزونه باخا بیلمیرم
سؤز وئرمیشدیم اونا دوچرخه آلام
توتا بیلمه‌میشم سؤزومو ایندی
اوغلوم منه دئییر یالانچی بابام
جانیم چوخ سیخیلیر حسرت اودوندا
کول اولوب گؤیلره سوورولموشام من
هر آخشام الی بوش بئلی بوکولموش
ائویمه دؤنمکدن یورولموشام من
ساغچیلار- سولچولار آی یالانچیلار!
قورخون او گوندن کی داها گئج اولا!
قورخون او گوندن کی ایکی اللریم،
ساغ سولومدان قالخیب یوموروق اولا...!
#صالح_سجادی
🍂🍁@paeizanam🍂🍁
قاپیما بویوروب بو آغیرلیقدا غم
منی کیشی بیلیب، منی ساییبدی
ایندی کئف اوسته‌یه‌م اینصافین اولسون
کئفلی‌یه توخونماق اولماز عاییبدی
زامانی یئتنده بو قوللارینی
گؤتوروب آسارام من اینجی کیمی
ایندی بو چاغیمدا نه دیره‌نمیسن
بوینوما آللاهین قیلینجی کیمی
قاییت گئت بو یئردن بئش اوچ ایل هله
منیم گؤز آچماغا آمانیم اولسون
بو کؤرپه اوشاقلار بؤیوسون بیراز
اؤلنده گؤزومو یومانیم اولسون
منیم اللریمده بو اوشاقلارین
ساچینین یوز سیغال پایی وار هله
قارشیدا ایلقارین مکتب ایللری
قارشیدا ووقارین تویو وار هله
آسیلیب دورموسان بیر جاندان اؤترو
ایتیل گئت گؤرمه‌میش اوغلو گؤرمه‌میش
بورا کند یئری دی چیخ گئت بو یئردن
سنی ایتدن آلیب ایته وئرمه‌میش
#توحید_نامور
🍂🍁@paeizanam🍂🍁
گزمه، جانیمین جللادی!
باشی باغلی سیر دئییلم
اوره‌گیم ده اووجومدادیر
من مگر شاعیر دئییلم؟
لول کئفلی یم، آنام دانیر
قونوم قونشودان اوتانیر
دونیا باشیما دولانیر
کیم دئییر من پیر دئییلم؟
اینجیتمه‌سین آدیم سنی
قوی آنا توختادیم سنی
باخ اجل بَیندی منی
من چوخ دا کیفیر دئییلم
آینانین اؤنونده دوردوم
باخدیم بیرجه کیپریک ووردوم
بیر ده باخدیم، آمما گؤردوم
بایاقکی نادیر دئییلم...
#نادر_الهی
🍂🍁@paeizanam🍁🍂