کاینات گونشله، یئر اوزو یازلا،
اوره ییم سنینله دولودور گولوم!
آخمیسان عؤمرومه گولوشله، نازلا
گل اوچاق شریکلی قانادیمیزلا.
ان بؤیوک سئوینج له سئوینیم گولوم!
اوره ییم سنینله دولودور گولوم!
دنیزدن چیخیرسان، آیاغین قوملو
یاش بدن یاپیشیب یاش پالتارینا.
ایذین وئر گؤیلردن ائنسین ملکلر،
گلیب سو تؤکسونلر آیاقلارینا.
"کپز"ین، "قوشقار"ین دریم گولونو،
سپیم یوللارینا، قدم لرینه.
گنجه نین، دربندین ایشیق لارینی
قوی دوزوم بوینونا زومرود یئرینه
سن بیر اولو داغسان، من داغ بولاغی،
باغریندان سوزولوب دورولموشام من.
اؤپوب اوخشادیغین کؤرپه لرینه،
آنا مئهرینه ده وورولموشام من.
"لئیلی"م، "بئاتریچه"م، "زؤهره"م، "جولیئتتا"م!
بوتون داستانلارا ایلکین یاراشیق!
بیز ایکی ائرادا، آلتی قیته ده،
اؤلومسوز عشق اوچون آداقلانمیشیق...
#خلیل_رضا_اولوتورک
🍂🍁@paeizanam🍁🍂
نه هوندور نه اوجا داغلارا چیخدیم
ائنیب بو داغلارین دوزونه گللم
گؤزومده گؤزللیک، باشیمدا هاوا
قلبیمده عشق آدلی خزینه گللم
دویغولار موقدّس، فیکیرلر درین
دویدوم معناسینی خئییرین-شرین
یولوندا چیخدیغیم حقیقتلرین
قاییدیب یولونا-ایزینه گللم
زیروهلر توتقوندو، یوللار دوماندی
کدر ابَدی دی، سئوینج بیر آندی
یامان آداملارین، اوزو یاماندی
یاخشی آداملارین اوزونه گللم
شیمشکلر اود سالار، طوفانلار داوا
دورولار بولانار، قاریشار هاوا
قوینونا چاغیرار منی یورد-یووا
دورو بولاقلارین گؤزونه گللم
قوجالیق دیلینده دینمک واختیدی
بوداقدان کؤکلره دؤنمک واختیدی
گؤیلردن یئرلره ائنمک واختیدی
باش قویوب آنامین دیزینه گللم...
#زلیمخان_یعقوب
@paeizanam
بو قونشویا قونشو چاتماز
یاخیندان چوخ، اوزاغیمیش
هئی داش آتیر، اوینامیرام
تاختی اوجا بیر داغیمیش
سن گوناهی یازما آللاه!
بیر بوغدانی ائتدین گوناه
یئنه گوناه اولسا صاباح،
دئمه بولار سارساغیمیش
بهشتینده یول اولمادی
جهنم ده کی دولمادی
آغاج کؤکونو یولمادی
دئمه شیطان اوراغیمیش
اوچ شریکین بیری شیطان
داشدا نه وار آی داش آتان؟
"کرم"می توپراغا قاتان
ایلک عهدینه دایاغیمیش...
#کرم_محمدپور
🍂🍁@paeizanam🍁🍂
گونش
تانرینین هر گون کی معجزه سیدیر
یانی یئنه اومود وار ...
آرزو ائده بیله رسن ...
گؤزل آرزیلار اومودویلا
سلام صاباحیز خئیر
روزونوز بول وبرکتلی اولسون
@paeizanam
اورگ سیز اینسان...
یاپراق سیز آغاجا بنزیر ...
اورگی سینان اینسان...
یاتمیش آغاجا، کوموره بنزیر
🍂🍁@paeizanam🍂🍁
داریخدیم, داریخدیم😔
سنین عطرین اوچون داریخدیم
منه سنن باشقا درمان اولان یوخ👌❤️
باشقا بیر ایستییم یوخ
سئویرم دئ منه
سنین او سؤزونه داریخدیم😔
🍂🍁 @paeizanam 🍁🍂
Daha sevimli olmaq istəyirsinizsə
Sözləriniz kimi olun.
ایر سئویمـلی اولمـاخ ایسـتیرسیـز
سوزلـریز کیمی اولـون
🍂🍁 @paeizanam 🍁🍂
دوزلـوخ و دوز دانشـماغن یاخـچی یـری بوردادی کی
دا نیـاز دئیر هر نمـنه یادنـدا قالا☺️
🍂🍁 @paeizanam 🍁🍂
تزه بیر گون دوشه جک پنجردن
صاباحی ایندی دن اؤلدورمه دایان!
یئنی بیر سن دوراجاقسان یوخودان
باشقا بیر سن، دولاجاقسان گونشین گوزگوسونه
یئل اسنده، قولاق آسسان سؤزونه
موشدولوق ماهنی لارین پایلایاجاق
آیری بیر ساز چالاجاق
آچا بیلسن اوره یینده یووا سالمیش گئجه نین قاپ_ باجاسين
یئنی بیر گون دوشه جک
کؤنلون ایچینده باییرا
قيناما اؤزگه لری..!
حمیده رئيس زاده سحر
🍂🍁 @paeizanam 🍁🍂
paeizanam
شفای وصل قدرین، هجردن بیمار اولاندان سور
زلال ذوق شوقون، تشنه دیدار اولاندان سور
لبین سرین گلیب گفتاره، من دن اؤزگه دن سورما
بو پنهان نکته نی بیر واقف اسرار اولاندان سور
گؤزو یاشلی لارین حالین، نه بیلسین مردم غافل ؟
کواکب سِيرینی، شب تا سحر بیدار اولاندان سور
خبرسیز اولما فتان گؤزلرین قیدین چکن لردن
خبرسیز مست لر بیدادینی، هشیار اولاندان سور
غمین دن شمع تک یاندیم، صبادان سورما احوالیم
بو احوالی شب هجران، منیم له یار اولاندان سور
خراب جام عشقم، نرگس مستین بیلیر حالیم
خرابات اهلینین احوالینی، خمار اولاندان سور
محبت لذتین دن بی خبر دیر زاهد غافل
فضولی، عشق ذوقون، ذوق عشقی وار اولاندان سور
حکیم فضولی
🍂🍁 @paeizanam 🍁🍂
نه پیس یوخو توتدو منی،
گونون گون اورتاسیندا؛
بو شهرین، بو کوچه نین،
بو عؤمرون اورتاسیندا.
بیر قیش گونو یاتدیم آنجاق،
دوروب گؤردوم پاییزدی.
بو کارتلاری دَییش آللاه!
من بو عؤمرو اوتوزدوم.
گئجه سینی، گوندوزونو،
گؤتور بیرده قاریشدیر!
دوش! گؤزومون قاباغیندا،
بوردا، یئرده قاریشدیر!
قارا گونلر آراسیندان،
بلکه بیر آغ گون چیخا.
یا چیخا قتلیمه فرمان؛
یا اؤلوم حؤکمون چیخا.
آمما جیغاللیق ائله مه!
دوز اوینا؛ تمیز اوینا!
@paeizanam
من گئدیرم جهننمه؛
ایلاهی!.. منسیز اوینا...!
#رامیز_رؤوشن
paeizanam
شيرين-شيرين يوخودايديق
بير ظاليم اوياتدی بيزی
آنالارين قوجاغيندان
بو دونيايا آتدی بيزی
دوشدوک يوللارين آغينا
باختيميزين سوراغينا
قاتدی بيزی قاباغينا
الينده اويناتدی بيزی
بيز كی يول نهدی، بيلمزديک
بيز كی اؤل نهدی، بيلمزديک
بيلسهک، دونيايا گلمزديک
آنالار آلداتدی بيزی!...
رامیز روشن
🍂🍁 @paeizanam 🍁🍂
ایللردیر اینسانلاری آرخادان گؤرورم
اوزلرین اونوتموشام
کیم آغلاییر ، کیم گولور
بیلمیرم ..!
#فریبا_مرتضایی
🍂🍁@paeizanam🍁🍂
جاوان عؤمروم یامان سولدو
نه تئز گلدی نه تئز گئتدی
خزان اولدو بوران اولدو
نه تئز گلدی نه تئز گئتدی
اوتاندیقجا دیلکلردن
هارای چکدیم فلکلردن
محبّت بو اورکلردن
نه تئز گلدی نه تئز گئتدی
بلَشدیم ده دورولدوم دا
کؤزردیم ده کول اولدوم دا
چیچکلندیم گول اولدوم دا
نه تئز گلدی نه تئز گئتدی
سارالدیقجا یاناقلاردان
اوزاقلاشدیم سُراقلاردان
گولوشلر بال دوداقلاردان
نه تئز گلدی نه تئز گئتدی
آزادلیق آدلی بیر قوشدوم
قانادیم سیندی تئز اوچدوم
او سئودالیم قلم قاشلیم
نه تئز گلدی نه تئز گئتدی
فلک بو"اینجیک"ین نازین
قارا چکدی قارا یازین
مزاریم داشینا یازین
نه تئز گلدی نه تئز گئتدی
#میرجمال_حسینی (اینجیک)
🍂🍁@paeizanam🍁🍂
بیری شَکَر ساتیر
بیری دوز ساتیر
بیری اودون ساتیر
بیری بوز ساتیر
بیری داش داشیییر
بیری فالچیدی
بیری اکینچیدی
بیری بالچیدی
بیری دستمالچیدی
عجب دونیادی...
هرهنین چؤرهیی بیر یئردن چیخیر!
#نادیر_ایلاهی
🍂🍁@paeizanam🍁🍂
آغاج وار قلمدیر ، اینسان الینده
آغاج وار اینسانا ، دار اولار بیر گون!
آغاج وار، کورسودو یوخسول ائوینده
آغاج وار ائلینه، یار اولار بیر گون ....
🍂🍁@paeizanam🍂🍁
اؤزؤنه قارشے یالانچے اولما،
چؤنکی اینسانین عن بؤیؤک شاهیدے
ویجدانیدیر.
🍂🍁 @paeizanam 🍁🍂
paeizanam
📢
Günahsız baş dar ağacına getdi...
Əyri yük təyinat yerinə çatdı...
Ürəklər arasında yol yox idi...
Yeri gəlmişkən, pul da xoşbəxtlik gətirir.
Bu bizim dünyamızdır :)
🍂🍁 @paeizanam 🍁🍂
paeizanam
آرزولادیم هچ گؤرمه دیم خوش گونو
هی آرزوم دا دیله ییم ده داشیدیم
باشدان باشا عذاب اولان بیر عمرون
شله سینی کوره ییم ده داشیدیم
آخیردا آخیریما چیخان زامانین
منتی بوینوما یاخان زامانین
منی منگنه ده سیخان زامانین
زنجیرینی بیله ییم ده داشیدیم
بهمن منی دنگ ائله دی درد اونو
سئچنمه دیم نامردینی مردینی
بو دونیانین دونیا بویدا دردینی
یوموروق بویدا اوره ییم ده داشیدیم
بهمن وطن اوغلو
🍂🍁 @paeizanam 🍁🍂
paeizanam
قابار قابار آياغيمدا گولوم تيکان دادى وار
و باشماغيم دولوسو لاختا لاختا قان دادى وار
سحر عطيرلى بنؤشه کوچوب قارانقوشلا
بو کئفلى ايرى بوروخ يوللارين ايلان دادى وار
مگر آلاخلاماميشديق بو هرزه اوتلارى بيز
نه اولدو کنديميزين بوغداسيندا خان دادى وار
آماندی قويما کى سونسون چيراغ گئجه بوروسون
قولاغلاريمدا اوشاغليغداکى خوخان دادى وار
شوکور کى چايدانيميز قاينايير شعيير يازيريق
شوکور کى گؤزلرينين ايندى مهربان دادى وار
شهر نئجه قازامات دير کوچه نئجه قالسين
تيکانلى باغدا چيچک بيتمه ين يامان دادى وار
محمدنوين باراز
🍂🍁 @paeizanam 🍁🍂