21447
Ozodlik haqqoniy va eksklyuziv axborotni cheklovsiz tarqatuvchi vositadir. @ozodnews ga xabar, foto video yuboring. "Rost gap faqat shu yerda aytiladi"
Қатар пойтахти Доҳада 9 сентябрь куни Ўзбекистон Олий таълим, фан ва инновациялар вазирлиги ва Қатарнинг “Таълим ҳар нарсадан устун” (Education Above Al) фонди ўртасида афғон аёлларини Ўзбекистонда тиббиёт соҳасида ўқитишни ташкил этишни назарда тутувчи меморандум имзоланган.
Олий таълим вазирлиги матбуот хизмати маълумотига кўра, мазкур келишув доирасида 160 нафар афғон аёлини Ўзбекистон олий таълим муассасаларида тиббиёт йўналишлари бўйича ўқитиш режаланган.
❤️ТЎЛИҚ МАТЕРИАЛНИ КЎРИШ УЧУН БОСИНГ
Жиноят ишлари бўйича Тошкент шаҳри Мирзо Улуғбек тумани суди 5 сентябрь куни қишлоқ хўжалиги вазирининг собиқ ўринбосари Алишер Тураев, унинг қизи Анаис Тураева ва Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази собиқ ҳисобчиси Мансур Қўзибековга нисбатан ҳукм чиқарган. Бу ҳақда Газета.uz нашри ўз тасарруфидаги суд қарорига таянган ҳолда хабар қилди.
Қайд этилишича, 2021 йил сентябрида қишлоқ хўжалиги вазири ўринбосари, Қишлоқ хўжалигида билим ва инновациялар миллий маркази раҳбари (буюртмачи) Алишер Тураевнинг ўғлига тегишли бўлган De Nova Agro компанияси 1 миллион дона узум кўчатини етказиб бериш бўйича 9,95 миллиард сўмлик тендерда ғолиб бўлган – ўша пайтда компания директори унинг қизи Анаис Тураева эди.
❤️ТЎЛИҚ МАТЕРИАЛНИ КЎРИШ УЧУН БОСИНГ
Россия ҳукумати делегациясининг Тошкентга икки кунлик сафари доирасида Ўзбекистон бош вазири Абдулла Арипов ва РФ бош вазири Михаил Мишустин қўшма коммюнике имзолашган. Бу ҳақда Ўзбекистон бош вазири матбуот котиби Бекзод Ҳидоятов маълум қилди.
Ўзбекистон ҳукумати матбуот хизмати делегациялар учрашуви чоғида бошқа қандай ҳужжатлар имзоланганига аниқлик киритган эмас, бироқ бу ҳужжатлар РФ ҳукумати портали хабарномасида санаб ўтилган. Россия ва Ўзбекистон ҳукуматлари раҳбарлари даражасидаги Қўшма комиссиянинг бешинчи йиғилиши якунлари бўйича қўшма коммюнике, “Агроэкспресс” тезлаштирилган темир йўл ташувларини ташкил этиш лойиҳасини амалга ошириш масалалари бўйича РФ ва Ўзбекистон ҳукуматлари ўртасидаги ҳамкорликка оид шартнома, Дори-дармонлар маркировкаси кодлари тўғрисидаги маълумотларни алмашиш мақсадида информацион ҳамкорлик тўғрисида РФ ва Ўзбекистон ҳукуматлари ўртасида тузилган шартнома, Тиббиёт кадрларини тайёрлаш, қайта тайёрлаш ва уларнинг малакасини ошириш соҳасида РФ ва Ўзбекистон соғлиқни сақлаш вазирликлари ўртасида тузилган англашув баённомаси шулар жумласидандир.
❤️ТЎЛИҚ МАТЕРИАЛНИ КЎРИШ УЧУН БОСИНГ
Украинага босқин: 929-кун | Россия элчиси Ғарбни Тошкентга босим ўтказишда айблади
Россиянинг Суми шаҳрига бир кеча-кундузда берган ҳаво ҳужуми натижасида икки киши ҳалок бўлди.
Россия Донецкдаги яна битта аҳоли пункти устидан назоратни қўлга киритганини маълум қилди.
Журналистлар Украина фронтида ҳалок бўлган 68 минг рус аскаридан 47 нафари ўзбекистонлик эканини аниқлади.
Германия канцлери бўлажак тинчлик конференциясига Россияни ҳам таклиф қилишга қарор қилганини айтди.
Исроилда гаровга олинганларни озод қилиш талаби билан оммавий намойишлар бўлиб ўтмоқда.
Россияда губернаторлик сайловлари бўлиб ўтди: барча минтақалар парламентлари яна ҳукмрон “Ягона Россия” партияси назоратида қолди.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Ўзбекистон Коррупцияга қарши курашиш агентлиги 3 та вазирликнинг 398 нафар мулозими тадбиркорлик билан шуғулланиб келганини аниқлади.
Жумладан, Қурилиш ва уй-жой коммунал хўжалиги вазирлигининг 93 нафар, Сув хўжалиги вазирлигининг 26 нафар, Қишлоқ хўжалиги вазирлигининг 279 нафар бошқарув ходими тадбиркорлик субъектида таъсисчи сифатида фаолият юритган.
Аксилкоррупция идораси юқоридаги ҳолатларни бартараф этиш бўйича вазирликларга тақдимнома киритилиб, қайд этилган қонун бузилиши ҳолатларига чек қўйилганини маълум қилган.
Маълумот учун, Ўзбекистон Республикасининг “Давлат фуқаролик хизмати тўғрисида”ги қонунига мувофиқ, давлат фуқаролик хизматчиси тадбиркорлик фаолияти субъектларини ташкил этишга, уларнинг муассиси (иштирокчиси) бўлишга, тадбиркорлик фаолияти субъектида ташкилий-бошқарув, маъмурий-хўжалик вазифаларини бажаришга ҳақли эмас.
Ҳукумат қарори билан тасдиқланган “Давлат фуқаролик хизматчилари одоб-ахлоқининг намунавий қоидалари”да ҳам мулозимлар ишдан ташқари вақтда тадбиркорлик ёки ҳақ тўланадиган бошқа фаолият билан шуғулланмаслиги белгиланган.
📌Озодлик дастури 09.09.24
✅Отабек Умаров Осиё Олимпия кенгашининг минтақавий вице-президенти этиб сайланди
✅Паралимпиячилар Ўзбекистонга 26 та медаль билан қайтишмоқда
✅Тошкент шаҳрида 3,6 балли зилзила содир бўлди
✅Россияда мигрантлар болаларини бепул ўқитишни тақиқлашмоқчи
✅Ақтаудаги оддий аскарнинг ўлими "алоҳида назоратга олинди"
✅Украинада 68 минг нафар россиялик ҳарбий, жумладан юзлаб Марказий осиёликлар ўлган
✅Маск 2027 йилда дунёдаги илк триллионерга айланиши мумкин
🔴 /channel/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Мирзиёевнинг қуёш панеллари тадбиркорларни барбод қилмоқда
❗️Озодликнинг ЯНГИ видеосини ҳозироқ YouTube каналида кўринг
❗️Кўриш учун линк 👉 https://youtu.be/J6mjbNVkvuk
Ўзбекистонда ҳусусий корхоналар, мактаб, каслхона ва аҳоли, айниқса, бюджет соҳасида ишлаётганлар хонадонларига банк кредити эвазига қуёш панеллари ўрнатишга мажбурлаш ҳоллари кўпайган.
Қуёш панели ўрнатишдан бош тортган тадбиркорларнинг дўконлари электр энергиядан узилмоқда.
Ўтган ой энергетика масалаларига бағишланган ҳукумат йиғилишида президент Мирзиёев қуёш панеллари ўрнатишни “давлат сиёсати” деб эълон қилди.
Бунинг ортидан жойларда тадбиркорлар ва аҳоли вакиллари банкдан кредит олиб қуёш панеллари ўрнатишга мажбурлаш кучайди.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Дмитрий Медведев: "Мигрантлар ўз оиласини бу ерга нега судраб келаяпти?"
Россия Федерацияси Хавфсизлик кенгаши раиси ўринбосари Дмитрий Медведев ТАССга берган интервюсида мигрантларнинг ўз оилаларини Россияга олиб келишини тақиқлаш кераклигини айтди. Шунингдек, Медведев мигрантлар болалари рус тилини ўрганишга мажбурланиши зарурлигини қўшимча қилди.
"Менимча, мактаблар, мигрантлар оилалари, анклавларга нисбатан нима қилиш керак, мен буни ёқлайман. Албатта, биз у ердаги баъзи тенденцияларни енга олмаймиз, лекин нима қилиш мумкин: агар одам мавсумий ишга келса - нега у ўз оиласини бу ерга судраб келаяпти?... Бола келганда, баъзи синфларда уч тўртдан бир қисм бола, биринчи синф ўқувчилари рус тилида гаплаша олмаса, бу мумкин эмас. Уларни аста-секин ўрганишга мажбурлаш керак. Ким ўрганмаса - қўйиб юбормаслик керак" - дейди Медведев.
19 август куни Леонид Слуцкий бошчилигидаги ЛДПР партиясининг бир гуруҳ депутатлари меҳнат мигрантларининг Россияга ўз оилаларини олиб келиш ҳуқуқини чекловчи қонун лойиҳасини Давлат Думасига киритишган эди. Қонун лойиҳасида Россия ватандошлиги бўлмаган ва фақат меҳнат шартномаси асосида вақтинчалик яшаб келаётган мигрантларнинг оила аъзоларига мамлакатга киришни тақиқлаш таклиф этилади.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Ўзбекистон президентининг кичик куёви ҳамда президент хавфсизлик хизмати раҳбарининг ўринбосари Отабек Умаров Осиё Олимпия кенгашининг Ўзбекистон, Қозоғистон, Қирғизистон, Тожикистон, Туркманистон, Эрон ва Афғонистондан иборат Марказий Осиё минтақаси бўйича ташкилот вице-президенти этиб сайланган. Бу ҳақда Ўзбекистон Миллий олимпия қўмитаси матбуот хизмати маълумот тарқатди.
МОК қайдича, Умаров бу лавозимга Осиё Олимпия кенгашининг Нью-Дели (Ҳиндистон) шаҳрида ўтказилган 44-Бош Ассамблеяси доирасида сайланган.
“Тадбирда сўз олган Отабек Муҳаммадалиевич қитъамиз спорти жаҳонда янада катта эътирофга сазовор бўлаётгани, бунинг исботи ўлароқ Париж-2024 ёзги Олимпия ўйинларида Осиёнинг 4 давлати ТОП-15 таликдан жой олгани, Президентимизнинг спортни қўллаб-қувватлашлари билан Ўзбекистон ўз тарихида энг яхши натижани қўлга киритганини алоҳида таъкидлаб ўтди. Шунингдек, билдирилган ишончни оқлашга, минтақада Олимпизмнинг пок ва эзгу ғояларини янада кенг тарғиб қилишга ваъда берди”, дейилган МОК хабарномасида.
❤️ТЎЛИҚ МАТЕРИАЛНИ КЎРИШ УЧУН БОСИНГ
Ўзбекистонлик паралимпиячилар XVII ёзги Паралимпия ўйинларидан рекорд натижа билан қайтишяпти.
Франциянинг Париж шаҳрида 28 августдан 8 сентябргача ўтказилган Паралимпия ўйинларида ўзбекистонлик спортчилар биринчи марта 26 та медални (10 та олтин, 9 та кумуш, 7 та бронза) қўлга киритишга муваффақ бўлишган.
❤️ТЎЛИҚ МАТЕРИАЛНИ КЎРИШ УЧУН БОСИНГ
Жорий йилнинг 9 сентябрь куни Тошкент вақти билан соат 05:45 да Ўзбекистон пойтахтининг Мирзо Улуғбек туманида 3,6 магнитудали зилзила содир бўлди.
Ўзбекистон Фавқулодда вазиятлар вазирлигининг Сейсмопрогностик мониторинг республика маркази маълумотига кўра, зилзила эпимаркази шимоли-шарқий йўналиш бўйича Тошкент марказидан 10 километр нарида бўлган.
❤️ТЎЛИҚ МАТЕРИАЛНИ КЎРИШ УЧУН БОСИНГ
Украинага босқин: 928-кун | Роосия ракеталаридан тинч аҳоли қурбон бўлишда давом этмоқда
Россия Донецкдаги аҳоли пунктларини назорат қилаётганини даъво қилмоқда, Украина Покровск фронтидаги вазият яхшиланганини хабар қилмоқда.
Россия Сумига зарба берди: икки киши ўлди, тўрт киши яраланди.
Украина Россиянинг Белгород вилоятини ўққа тутди.
Полтавада ҳарбий ўқув марказига Россиянинг ҳужуми қурбонлари учун дафн маросими бўлиб ўтди.
Эрон Россияга қисқа масофага учадиган баллистик ракеталар берди.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Украинага босқин: 927-кун | Воронежда ёнғин, портлашлар ва фавқулодда ҳолат
Россиянинг Воронеж вилоятидаги қурол омборида ёнғин ва портлашлар. Маҳаллий расмийларга кўра, шанба эрталаб омборга дрон урилган. Атрофдаги бир қанча қишлоқдан аҳоли эвакуация қилинмоқда. Острогожский туманида фавқулодда ҳолат эълон қилинди.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Суриштирув: Ўзбек ширкати урушга алоқадор шахсларнинг санъат буюмларини яширинча Россияга етказмоқда
2023-2024 йилларда Ўзбекистоннинг Bek Broker логистика ширкати 200 дан ортиқ санъат асари, жумладан Салвадор Дали ва Анри Матисс картиналари ҳамда Рембрандт Бугатти ва Фернандо Ботеро ясаган ҳайкалларни Россияга олиб киришга кўмаклашган. Ушбу санъат намуналарининг умумий қиймати, Озодлик рус хизматининг журналистик суриштирувлар бўлими - “Система” баҳосига кўра, 36 миллион доллардан ошади. Bek Broker мижозлари орасида россиялик қурол заводлари эгаси Мкртич Окроян ҳамда оккупация қилинган Мариуполни қайта қураётган Алексей Репикнинг оилалари борлиги айтилмоқда. Ушбу видеода Ғарб санкцияларига йўлиққан шахслар Россияга қимматбаҳо санъат асарлари ва осори атиқаларни олиб кириш чекловларини қандай айланиб ўтгани ҳақида ҳикоя қиламиз.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Ukrainaga bosqin: 926-kun | Рус армияси Покровск яқинида "бир метр ҳам силжигани йўқ”
❗️Озодликнинг ЯНГИ видеосини ҳозироқ YouTube каналида кўринг
❗️Кўриш учун линк 👉 https://youtu.be/nO0ruTkaGbQ
Россия 6 сентябрга ўтар кечаси Украинага иккита қанотли ракета ва 40 дан ортиқ ҳужумчи дрон билан ҳужум қилди.
Фавқулодда хизматлар Лвовдаги ҳужумда 53 киши, жумладан 7 нафар бола жароҳатланганини маълум қилди.
Зеленский Рамштейнда ғарб иттифоқчиларини узоқ масофага ҳужумларни рағбатлантиришга чақирди.
АҚШ 5 сентябрь куни Россия разведка хизматининг беш нафар ходими ва бир россиялик фуқарони Украина ва унинг иттифоқчиларига қарши киберҳужумлар уюштиришга тил бириктирганликда айблади.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
VI Жаҳон кўчманчи ўйинлари 2026 йилда Қирғизистонда бўлиб ўтади. Бу ҳақда Қирғизистон маданият, ахборот, спорт ва ёшлар сиёсати вазири Алтинбек Мақсутов маълум қилди.
“Сизлар билан яхши янгиликни ўртоқлашмоқчиман. Жаҳон кўчманчи ўйинлари ватанига қайтади ва 2026 йилда Қирғизистонда ўтказилади”, дея билдирган вазир Мақсутов.
❤️ТЎЛИҚ МАТЕРИАЛНИ КЎРИШ УЧУН БОСИНГ
Германиянинг қуруқликдаги чегараларида миграция сиёсати кучайтирилиши доирасида 16 сентябрдан бошлаб назорат тартиби жорий этилмоқда. Бу ҳақда ГФР Ички ишлар вазирлиги маълумот тарқатган.
Вазирлик баёнотига мувофиқ, Франция, Люксембург, Ҳолландия, Бельгия ва Дания билан чегаралардаги назорат ярим йилга киритиляпти. Чегара ҳудудларига полициянинг мобил ва стационар постлари ўрнатилади. Чора-тадбирлар орасида бирор кишини мамлакатга киритишдан бош тортилиши ҳам кўзда тутилган.
❤️ТЎЛИҚ МАТЕРИАЛНИ КЎРИШ УЧУН БОСИНГ
АҚШнинг Apple ширкати 9 сентябрь куни Купертино шаҳрида (Калифорния штати) сунъий интеллектли iPhone 16 смартфонларини тақдим қилди, дея хабар қилди Reuters агентлиги.
Мазкур тақдимот ширкатнинг Хитойдаги рақиби Huawei’нинг шу каби тақдимотидан бир неча соат кейин бўлиб ўтган.
❤️ТЎЛИҚ МАТЕРИАЛНИ КЎРИШ УЧУН БОСИНГ
Сурия ғарбидаги қатор объектларга 9 сентябрга ўтар кечаси берилган зарбалар оқибатида камида 16 киши қурбон бўлган, ўнлаб одам яраланган. Бу ҳақда хабар қилган Сурия давлат оммавий ахборот воситалари ҳужумда Исроилни айблаб чиқишди. Исроил ҳарбийлари бундай пайтларда одатан изоҳдан тийилишади.
Суриянинг давлатга қарашли SANA агентлиги армиядаги ўз манбаларидан олинган маълумотга таянган ҳолда, Исроил қатор ҳарбий объектларга зарба берганини иддао қилган. Reuters агентлиги эса минтақадаги қатор мамлакатлар разведкаларидаги манбаларга таяниб, зарбага кимёвий қурол муаммолари билан ҳам шуғулланувчи Масяфдаги ҳарбий илмий-тадқиқот институти нишон бўлганини иддао қилмоқда. Шунингдек, эронлик ҳарбий экспертлар томонидан фойдаланиб келинган объектларга зарба берилгани айтилмоқда.
❤️ТЎЛИҚ МАТЕРИАЛНИ КЎРИШ УЧУН БОСИНГ
Тошкент шаҳар суди жиноят ишлари бўйича судлов ҳайъати апелляция инстанциясида “Бахти Ташкентский” лақаби билан танилган Бахтиёр Қудратуллаевга оид жиноят иши қайта кўрилмоқда.
“Kun.uz” нашри хабарига кўра, жиноят ишлари бўйича Юнусобод тумани суди ҳукми билан 20 йил озодликдан маҳрум қилинган Бахтиёр Қудратуллаевнинг адвокати юқори инстанция судига апелляция шикояти киритган.
Ҳимоят томони Қудратуллаевни айрим айбловлар бўйича реабилитация қилиш ҳамда ҳукмнинг уни ўта хавфли рецидивист деб топиш ҳақидаги қисмини бекор қилишни сўрамоқда. Шикоятда Қудратуллаев жиноий уюшма ташкил этиш, товламачилик, жиноий фаолиятдан олинган даромадларни легаллаштириш каби қилмишларни содир этмагани, айбловдаги ўндан ортиқ эпизодларга алоқаси йўқлиги баён қилинган.
Шикоят берганлар орасида Қудратуллаевнинг акаси ва яна 6 нафар судланувчи бор.
Эслатиб ўтамиз, ЖИБ Юнусобод тумани судининг 2024 йил 19 июлдаги ҳукмига кўра, Бахтиёр Қудратуллаев, унинг ўғиллари, акаси – жами 37 киши жазога тортилганди. Хусусан, Қудратуллаев Жиноят кодексининг 104-моддаси 3-қисми “г” банди, 109-моддаси 2-қисми, 165-моддаси 3-қисми “а”, “в” бандлари, 168-моддаси 4-қисми “в” банди, 242-моддаси 1-қисми, 243-моддаси ва 276-моддаси 2-қисми “а”, “б” бандларида назарда тутилган жиноятларни содир этганликда айбли деб топилган.
53 ёшни қоралаган Бахтиёр Қудратуллаев ўтган йилнинг ноябрь ойи охирида Тошкент шаҳри ИИББ томонидан ўтказилган “Долзарб 40 кунлик” тадбирлари доирасида қўлга олинган эди.
У 25 ёшида (1997 йил) жиноят оламининг раҳнамолари орқали “қонундаги ўғри” мақомини олган ўзбекистонлик энг ёш криминал авторитет саналади.
Мирзиёевнинг қуёш панеллари тадбиркорларни барбод қилмоқда
Ўзбекистонда ҳусусий корхоналар, мактаб, каслхона ва аҳоли, айниқса, бюджет соҳасида ишлаётганлар хонадонларига банк кредити эвазига қуёш панеллари ўрнатишга мажбурлаш ҳоллари кўпайган.
Қуёш панели ўрнатишдан бош тортган тадбиркорларнинг дўконлари электр энергиядан узилмоқда.
Ўтган ой энергетика масалаларига бағишланган ҳукумат йиғилишида президент Мирзиёев қуёш панеллари ўрнатишни “давлат сиёсати” деб эълон қилди.
Бунинг ортидан жойларда тадбиркорлар ва аҳоли вакиллари банкдан кредит олиб қуёш панеллари ўрнатишга мажбурлаш кучайди.
📌 Тўлиқ видео: https://youtu.be/J6mjbNVkvuk
Танқидчиларга кўра, Ўзбекистоннинг авторитар раҳбари Шавкат Мирзиёев ўзининг 39 ёшли қизи Саида Мирзиёевани эҳтимолий меросхўр қилиб тайинлаб ўн йиллар давомида оила ҳукмронлигини сақлаб қолишни режалаштираётган бўлиши мумкин.
❤️ТЎЛИҚ МАТЕРИАЛНИ КЎРИШ УЧУН БОСИНГ
Антисемит оҳангида чиқишларда айбланган Юлдуз Усмонованинг Нью-Йоркдаги концерти бекор қилинди
Ўзбекистон халқ артисти Юлдуз Усмонованинг АҚШнинг Нью-Йорк штатида 14 сентябрь куни ўтказилиши керак бўлган концерти бекор қилинди. “Qalampir.uz” нашри АҚШдаги ўзбек журналисти Санъат Шариповга таяниб ёзишича, концертнинг бекор этилишига Қўшма Штатлардаги яҳудий диаспорасининг норозилиги сабаб бўлган.
The Oceana Theater сайтида сотувга чиқарилган чипталар ўчириб юборилган.
Хонанда ўзбек диаспораси унча кўп бўлмаган Оҳайо штатидаги Цинциннати шаҳрида, кичикроқ кўламда концерт ўтказгани айтилмоқда.
2009 йилдан бери Star Entertainment ташкилоти кўмагида Нью-Йоркда концерт ўтказиб келган Юлдуз Усмонованинг ўзи тадбир бекор қилинганини тасдиқлаган бўлса-да, бунинг сабабини очиқлашни истамаган.
“7 сентябрда Цинциннатида кўришамиз, бошқа штатларга боролмаймиз, вазият шунақа бўлиб қолди”, деган хонанда.
Юлдуз Усмонова аввалроқ ижтимоий тармоқлардаги саҳифасида Фаластин ва Исроил ўртасидаги можарога муносабат билдириб, Исроилни босқинчиликда айблаган, уни давлат деб ҳисобламаслигини айтган эди. Кейинроқ у Исроил маҳсулотларини бойкот қилишга чақирган.
Хонанданинг бу позицияси АҚШ ва Исроилдаги Бухоро яҳудийлари томонидан ғазаб ва хавотир билан қаршиланган. Жамоа вакиллари Усмоновадан антисемит оҳангидаги чиқишлари учун Исроил халқидан кечирим сўрашни талаб қилган.
Юлдуз Усмонова яқин ўтмишда Исроилда концертлар ўтказгани маълум. Масалан, у 2012 йил сентябрь ойида Ўзбекистон ва Исроил ўртасида дипломатик алоқалар ўрнатилганининг 20 йиллиги муносабати билан Тель-Авивда концерт берган эди.
Россия Давлат думасига мамлакат боғчалари ва мактабларида мигрантлар фарзандларининг бепул ўқитилишини бекор қилиш таклиф қилинаётган қонун лойиҳаси киритилмоқда.
ТАСС агентлигининг хабар қилишича, мазкур ғоя муаллифи Давлат думасининг меҳнат, ижтимоий сиёсат ва фахрийлар ишлари бўйича қўмитаси раҳбари Ярослав Нилов бўлиб ҳисобланади. Нилов фикрича, “хорижлик болаларни Россия бюджети ҳисобидан ўқитиш бўйича хайрия эпопеясини тугатиш” вақти етган.
❤️ТЎЛИҚ МАТЕРИАЛНИ КЎРИШ УЧУН БОСИНГ
Tesla ва SpaceX ширкатлари асосчиси Илон Маск дунёдаги илк триллионерга айланиши мумкин. Жаҳондаги энг бой кишилар тасарруфида бўлган сарватни мониторинг қилиб борувчи Informa Connect Academy тадқиқот гуруҳи ана шундай хулосага келган.
Ҳозирда Маскнинг бойлиги 251 миллиард долларни ташкил қилади ва йилига тақрибан 110 фоизга ўсиб бормоқда. Шу тариқа, тадқиқотчилар қайдича, у 2027 йилга бориб 1 триллион долларга етиши мумкин.
❤️ТЎЛИҚ МАТЕРИАЛНИ КЎРИШ УЧУН БОСИНГ
Россиянинг Биринчи каналида намойиш этиб келинаётган “Қувноқлар ва зукколар клуби” (КВН) кўрсатувининг кўп йиллик бошловчиси Александр Масляков 82 ёшида вафот этди.
КВН матбуот хизматининг 8 сентябрь оқшомида ёйинланган таъзияномасида “Қувноқлар ва зукколар клуби” кўрсатувига 1964 йилдан буён бошловчилик қилиб келган Масляков Россияда ва унинг хорижида юмор ва сатира рамзига айлангани айтилган.
❤️ТЎЛИҚ МАТЕРИАЛНИ КЎРИШ УЧУН БОСИНГ
OzodNazar: “Ватанпарвар” оқсоқолнинг жинояти – авлодлар баҳси
Бугунги суҳбатда икки авлод вакиллари: шоира Дилором Исҳоқова ҳамда талаба Шоҳруҳ Рофиев иштирок этди.
Куни кеча Самарқанд шаҳар суди 74 яшар фуқарони Жиноят кодексининг 159-моддаси 1-қисмида назарда тутилган жиноятни содир этганликда айбдор топиб, унга 3 йилга озодликни чеклаш жазосини тайинлади.
Судланган СССРпарвар фуқаро Дилором Исҳоқованинг тенгдошидир.
СССРпарвар фуқаро билан Шоҳруҳ Рофиев ўртасида ҳам умумий жиҳат бор: у - Шоҳруҳ ўқиётган Самарқанд давлат университети битирувчиси.
Энг қизиғи, СССРпарвар фуқаронинг Ватан тушунчасига ҳам алоқаси бор: айтилишича, у икки йилгина мактабда ишлаган, шундан сўнг пенсияга чиққунича “Ватанпарвар” ташкилотида хизмат қилган...
Сарвар Усмон суҳбатлашди.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
“Борадиган жой йўқ, киссада пул ҳам йўқ” - Бойсунликлар газ конидаги вазият ҳақида
Бойсундаги газ конидаги портлаш ортидан кўчирилган аҳоли ҳодисадан беш кун ўтиб ҳам сарсон-саргардонликда юрибди.
Ҳодисани текшириш учун махсус ҳукумат комиссия тузилгани эълон қилинган, аммо комиссия ҳозиргача ҳодиса сабаблари борасида бирон дастлабки хулосани эълон қилганича йўқ.
Сурхондарё вилоят, Бойсун туманидаги “Кўлқамиш” МФЙ ҳудудида жойлашган "Мустақилликнинг 25 йиллиги" конига қарашли 604-сон қудуғида 1 сентябрь куни соат 15:17 да портлаш содир бўлган эди.
Ўзбекистон ФВВ берган маълумотга кўра, қудуқда бурғулаш ишлари олиб бориш вақтида технологик жараённинг бузилиши натижасида олтингугурт, яъни водород сулфид гази чиқиши кузатилган.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
Ukrainaga bosqin: 926-kun | Рус армияси Покровск яқинида "бир метр ҳам силжигани йўқ”
Россия 6 сентябрга ўтар кечаси Украинага иккита қанотли ракета ва 40 дан ортиқ ҳужумчи дрон билан ҳужум қилди.
Фавқулодда хизматлар Лвовдаги ҳужумда 53 киши, жумладан 7 нафар бола жароҳатланганини маълум қилди.
Зеленский Рамштейнда ғарб иттифоқчиларини узоқ масофага ҳужумларни рағбатлантиришга чақирди.
АҚШ 5 сентябрь куни Россия разведка хизматининг беш нафар ходими ва бир россиялик фуқарони Украина ва унинг иттифоқчиларига қарши киберҳужумлар уюштиришга тил бириктирганликда айблади.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews
“Борадиган жой йўқ, киссада пул ҳам йўқ” - Бойсунликлар газ конидаги вазият ҳақида
❗️Озодликнинг ЯНГИ видеосини ҳозироқ YouTube каналида кўринг
❗️Кўриш учун линк 👉 https://youtu.be/ulEuCbD9vYI
Бойсундаги газ конидаги портлаш ортидан кўчирилган аҳоли ҳодисадан беш кун ўтиб ҳам сарсон-саргардонликда юрибди.
Ҳодисани текшириш учун махсус ҳукумат комиссия тузилгани эълон қилинган, аммо комиссия ҳозиргача ҳодиса сабаблари борасида бирон дастлабки хулосани эълон қилганича йўқ.
Сурхондарё вилоят, Бойсун туманидаги “Кўлқамиш” МФЙ ҳудудида жойлашган "Мустақилликнинг 25 йиллиги" конига қарашли 604-сон қудуғида 1 сентябрь куни соат 15:17 да портлаш содир бўлган эди.
Ўзбекистон ФВВ берган маълумотга кўра, қудуқда бурғулаш ишлари олиб бориш вақтида технологик жараённинг бузилиши натижасида олтингугурт, яъни водород сулфид гази чиқиши кузатилган.
🔴 Ozodlik kanaliga obuna bo'ling! 👉 /channel/ozodlikkanali
🔴 Bizga xabar yo'llash uchun 👉 /channel/ozodnews