1556
O’zbekiston Respublikasi Madaniyat vaziri Ozodbek Axmadovich Nazarbekovning rasmiy kanali Instagram: https://instagram.com/ozodbek_axmadovich
#torusim #grant #courses
Тurizm sohasidagi nodavlat ta’lim tashkilotlari va nodavlat-notijorat tashkilotlari uchun grant e’lon qiladi
https://uzbektourism.uz/news/view?id=2769
Объявляются гранты для негосударственных образовательных и негосударственных некоммерческих организаций в сфере туризма
https://uzbektourism.uz/ru/news/view?id=2769
Rasmiy sahifalarimizni kuzatib boring:
Rasmiy |Telegram |Facebook|Instagram |YouTube
"Евроосиё" I халқаро театр санъати фестивалининг "Туркистон" саройидаги тантанали ёпилиш маросимидамиз.
Читать полностью…
Мақомнинг муносиб давомчилари бор
Ўзбек миллий мақом санъати яқин-яқингача фақат наҳорги ошларда, тўйларда айтиларди. Телевизор, радио орқали янграганда ёши катталар эшитмаса, ёшлар у қадар қизиқмасди ҳам рости. Таассуфки, мақом гўёки чалажон бир санъатга айланиб қолаётганди, устозларимиз унинг тақдиридан хавотирга тушиб, кўзлари ёшланган кезлар бўлган.
Давлатимиз раҳбари ташаббуси ва эътибори билан ушбу бебаҳо санъат яна қайта жонланди. Юнус Ражабий номидаги Ўзбек миллий мусиқа санъати институтининг ташкил этилиши, махсус ихтисослаштирилган мақом мактаблари фаолияти йўлга қўйилиши бугун ўз меваларини бера бошлади.
Биринчидан, мақомни жон дили билан эшитадиган, ўзи ҳам мумтоз ашулаларни берилиб ижро қиладиган ёшларимиз сафи тобора кенгаймоқда. Мусиқий саводхонлиги бор, ижрони яхши англайдиган, тафаккур қиладиган, сўзларнинг мағзини чақадиган, маъносига алоҳида эътибор берадиган авлод шаклланяпти. Бу жуда яхши. Қолаверса, шу ижод йўлини танлаб, халқаро саҳналарда Ўзбекистон номини улуғлашга ҳисса қўшаётган ёшлар ҳам тобора ортиб бормоқда.
Бунга Боку шаҳри мезбонлик қилган III Халқаро болалар муғом (мақом) фестивалида 6 нафар ўқувчимиз иштирок этиб, катта муваффақият билан қайтгани ҳам ёрқин мисол бўла олади. Тўғриси, соҳа вакиллари учун бу кутилмаган қувончли воқеа, катта натижа бўлди.
Тасаввур қилинг, қачонлардир йўқликка юз тута бошлаган мақом бўйича 13-14 ёшли фарзандларимиз бир фестивалда энг юқори ўринларни қўлга киритиб турса... Яна халқаро саҳнада...
Бу жуда катта ютуқ. Нафақат бизнинг ёки болаларнинг, миллатимиз, миллий санъатимиз ютуғи аслида. Мажозий маънода бу ҳодисани “қайта тирилиш” десак ҳам муболаға бўлмас.
Аэропортда ғолибларни кутиб олишга чиққанда бир нарсани ҳис қилдим. Юртбошимизнинг мақомни ривожлантиришга қаратилган саъй-ҳаракатлари бесамар кетмаяпти. Устозларимизнинг бу борадаги хавотирлари ҳам ариди. Фарзандларимиз уларга билдирилган ишончни оқлашди ва ишонаманки, шу руҳда давом этишади.
Энг муҳими, энди кўнгил анча хотиржам. Чунки мақом санъатининг муносиб давомчилари бор...
Xalqaro turkiy madaniyat tashkiloti — TURKSOY shafeligida birinchi marta o'tkazilayotgan "Turk dunyosi talabalar teatr festivali" O'zbekiston davlat san'at va madaniyat institutida ko'tarinki ruhda yakuniga yetdi.
Yakuniy taqdirlash marosimida Oʻzbekiston Respublikasi Madaniyat va turizm vaziri Ozodbek Nazarbekov qatnashdi.
💬 Telegram | 🌐 Instagram
🌐 Facebook | 🌐 Youtube
Турк дунёси талабалар театр фестивали ёш истеъдодларни кашф этувчи янги майдонга айланмоқда
Ўзбекистон давлат санъат ва маданият институтида Халқаро туркий маданият ташкилоти — ТУРКСОЙ шафелигида биринчи марта ўтказилаётган "Турк дунёси талабалар театр фестивали"нинг ёпилиш маросими бўлиб ўтди.
Авваломбор, ушбу фестивалнинг биринчилардан бўлиб Ўзбекистонда ташкил этилиши, Турксойнинг имкониятларини бизга илинаётганликлари, халқаро майдонда ўзбек маданиятининг нуфузини янада ошишига ҳайрихоҳ эканликлари учун Халқаро Турк маданияти ташкилоти - ТУРКСОЙ бош котиби Султанбай Акимовичга алоҳида миннатдорлик билдираман.
Фестиваль янги истеъдодларни кашф қилиш, ёш ижодкорларнинг ўзаро ҳамкорлигини йўлга қўйиш, тажриба алмашинув, театр асарларимиз дунё саҳналарига дадил қадамлар билан чиқишига ва барча театрларимиз чинакам ибратхона сифатида маданий ҳамда маънавий жиҳатдан янада юксалишимизга хизмат қилади, деб ишонаман!
Зотан, бу улуғ саҳна инсонни фикрлашга, мушоҳада қилишга, огоҳ бўлишга ва, албатта, хулоса чиқаришга ундайди.
Бошқача айтганда, театр жамият юзига гўё ойина бўлиб, барчани эзгу йўлга бошлайди. Инсон қалбида олижаноб фазилатларни камол топтиришга хизмат қилади.
Озодбек Назарабеков
Маданият ва туризм вазири
Рақс санъатининг чинакам фидойиси эди
Ўзбек миллий рақс санъатининг ривожланиши ва уни тарғиб этишда юксак меҳнати сингган Қизлархон Дўстмуҳаммедова бугун вафот этди. “Рақс маликаси" 1946 йил 25 октябрь санасида Тошкент шаҳрида туғилган.
Илк меҳнат фаолиятини 1965 йилда M.Қори-Якубов номидаги Ўзбек Давлат филармониясида балет солисти сифатида бошлаган Қизлархоним Дўстмуҳаммедова 1989-1991 йиллар давомида “Ўзбекистон” театр-студияси солисти, 1991-1995 йилларда Tошкент давлат маданият институти “Халқ мусиқаси” кафедраси ўқитувчиси, 1999-2005 йиллар оралиғида Халқаро “Олтин Мерос” хайрия жамғармаси қошидаги миллий мумтоз рақс дастасининг бош бадиий раҳбари каби лавозимларда шижоат билан ишлади. Бугун рақс санъатида кўзга кўринган ўнлаб шогирдларни тарбиялади.
Қизлархон Дўстмуҳаммедова 2005 йилдан ҳозирга қадар нафақада бўлса-да, уни йўқлаб, маслаҳат солган шогирдларидан ёрдамини аямади. Соҳа ривожига оид тажрибаларини ёшларга улашди.
Устоз санъаткорнинг юксак меҳнатлари эътиборга олиниб, 1972 йилда “Ўзбекистон Республикасида хизмат кўрсатган артист”, 1984 йили “Ўзбекистон халқ артисти” фахрий унвонлари билан тақдирланган.
Устоз санъаткорнинг вафоти муносабати билан унинг яқинлари ва фарзандларига чуқур қайғу ва таъзиямни билдираман.
Озодбек Назарбеков,
Маданият ва туризм вазири
Инсонпарварлик, меҳр-оқибат, хайру саховат ва бағрикенглик каби эзгу фазилатлар янада ёрқин намоён бўладиган, бутун дунё мўмин-мусулмонлари катта хурсандчилик билан нишонлайдиган улуғ байрам — Рамазон ҳайити муборак бўлсин!
Барчангизга сиҳат-саломатлик, бахт-саодат, хонадонларингизга файзу барака тилайман.
8 milliardlik transformer Toshkentga yetib keldi. Uning qanday imkoniyatlari mavjud?
Batafsil: http://oyina.uz/uz/posts/15964
Rasmiy sahifalarimiz👇
Web-site | Telegram | Facebook | YouTube
Хонанда Сами Юсуфнинг мукаммал асарини тақдим этганимиздан сўнг, мухлислардан устма-уст мурожаатлар ёғилди: Насимий ғазалининг тўлиқ матнини сўраб қўймадилар.
Мана, ўша машҳур ғазалнинг тилимизга мосланган варианти (оригинал матнни ушбу манзилда топасиз):
Манда сиғар икки жаҳон, ман бу жаҳона сиғмазам,
Гавҳари ломакон ўзим, кавну макона сиғмазам.
Арш ила фаршу кофу нун, барчаси мандадир бугун,
Сўзлама, қўйгил энди ман шарҳу баёна сиғмазам.
Кавну макондур оятим, зоти анинг бидоятим,
Истар эсанг нишонами, мен бу нишона сиғмазам.
Шубҳа гумон ила киши, ҳақ била бўлмагай иши,
Ҳақ таниган билурки ман шубҳа гумона сиғмазам.
Сурата боқ-у, маънини сурат ичинда сан тани,
Жисм ила жон ўзим, вале жисм ила жона сиғмазам.
Ҳам садафу ҳам инжуман, ҳашру сирот ўтувчиман,
Бунча матою мол ила мен бу дўкона сиғмазам.
Ганжи ниҳон менинг ўзим, айни аён менинг ўзим,
Гавҳари кон менинг ўзим, баҳраю кона сиғмазам.
Гарчи муҳити аъзамам, Одам отимдир Одамам.
Кунфаякун бўлиб ўзим, ман бу макона сиғмазам.
Жон била ҳам жаҳон ўзим, даҳр ила ҳам замон ўзим,
Кўр бу латифани ки ман даҳру замона сиғмазам.
Анжум ила фалак манам, ваҳй манам, малак манам,
Сенки тилингни тий, бугун мен бу лисона сиғмазам.
Зарра манам, қуёш манам, чор ила панжу шаш манам,
Сурати кўр баён ила, чунки баёна сиғмазам.
Зот ила сифот ила, қадр ила, барот ила,
Гулбашакар навот ила, баста даҳона сиғмазам.
Нор манам, шажар манам, арша чиқан ҳажар манам,
Кўр бу олов тилин, ки ман, ушбу забона сиғмазам.
Шамс манам, қамар манам, шаҳд манам, шаккар манам,
Руҳи равона мандадур, руҳи равона сиғмазам.
Туркий машойихлар қаторида эъзозлаганимиз буюк Насимийнинг руҳи шод бўлсин.
…Қўлига кишан урилган Насимийни қатл майдонига олиб келишди. Ҳукм ўқиб эшиттирилди: шоирнинг терисини тириклай шилиб олиш... Бу ваҳшийликдан оломон даҳшатда. Насимийнинг юз-кўзида эса талвасадан асар йўқ…
Читать полностью…
15-aprel - Oʻzbekiston Respublikasi Madaniyat va sanʼat xodimlari kuni
💬 Telegram | 🌐 Instagram
🌐 Facebook | 🌐 Youtube
🙂 Milliy Tanlov
Ҳамкорликнинг устувор масалаларини муҳокама қилди
Мустақил Давлатлар Ҳамдўстлиги Гуманитар ҳамкорлик кенгашининг қўшма мажлисида иштирок этдик.
Онлайн шаклда бўлиб ўтган йиғилишда Гуманитар ҳамкорлик бўйича давлатлараро фонди томонидан 2022 йилда ҳамда жорий йилнинг ўтган даврида амалга оширилган ишлар ҳақидаги ҳисобот, шунингдек, 2024 йилда Фонд молиялаштирадиган тадбирларга оид маълумотларни тингладик. Шунингдек, "Ҳамдўстлик юлдузлари", "Ҳамдўстлик дебютлари" мукофотларига номзодларни тасдиқладик.
Эътиборлиси, мазкур мажлис давомида Самарқанд 2024 йилда МДҲнинг маданий пойтахти деб эълон қилинди. Айни шу қарор билан боғлиқ режаларни ҳам муҳокама қилдик.
Навбатда шундай йиғилишимиз 11 – 14 сентябрь кунлари Бишкекда бўлиб ўтадиган МДҲ илмий ва ижодий зиёлилари форуми доирасида ташкил этилади.
Озодбек Назарбеков,
маданият ва туризм вазири
“Яшил виждон”га айланайлик!
Инсон фаолияти, турмуш тарзи, эҳтиёжлари ва яна бошқа жуда кўп омиллар туфайли табиатда, биосферада жуда катта муаммолар келиб чиқаяпти. Одамларнинг табиий жараёнларга ҳурматсиз муносабатлари таъсирда ХХI аср бизни бир дунё экологик муаммолар билан қарши олди. Биз она табиат деб эркалаб атайдиган борлиқни аямай, асрамай қўйдик. Дарахтларни аямай кесдик, сувларни ифлослантирдик, ҳавони зарарли газлар билан тўлдирдик...Табиат қўйнига чиқиб дам оламиз деймиз, ортимиздан бир уюм чиқинди қолади. Бир замонлар зилол сувлар оқадиган ариқларимизнинг аҳволини бир қаранг...
Бугун ҳатто кўм-кўк чимни босиш мумкинми-йўқми, деган саволга жавобимиз йўқ. Бунинг оқибати эса узоқ куттирмади. Бугун муаммодан хабардор инсон борки, “нима қилмоқ керак” деган саволни албатта ўзига беради, биз ҳам шу жумладан. Бу саволга "экологик тарбия оиладан, ўзимиздан бошланади”, деб жавоб берган бўлар эдим. Биз табиатга бўлган муносабатимизда “яшил виждон”га айлана олсак, жуда кўп масалаларга жавоб топган бўлар эдик.
Пикник маданияти, ривожланган давлатларнинг аксариятида анча йиллардан қўлланиб келинади. Биз ҳам ўзимизда табиат қўйнига чиқиб дам олиш маданиятини шакллантиришни мақсад қилдик ва бугун илк маротаба пойтахтимизнин энг сўлим гўшаларидан бири “Эко боғ”да шаҳар ҳокимияти ҳамда Табиат ресурслари вазирлиги билан ҳамкорликда “Пикник маданияти” тадбирини ташкил қилдик. Чунки инсонлар фақат табиат қўйнидагина ўзларини унинг бир қисми сифатида ҳис қилишади, ўзларининг саломатлиги, кўнгил хотиржамлиги ҳамда фарзадларининг келажаги учун ҳам табиатни асраб–авайлаш кераклигини англаб етишади, деган фикрдамиз. Биз бугундан бошлаб ҳар йили май ойининг сўнгги ҳафтасини “Пикник маданияти” тадбирларига бағишлашга қарор қилдик.
Шоир Усмон Азим ёзганидек:
“Майсага эзмайман деб айтдим,
Дарахтга кесмайман деб айтдим.
Тупроққа “сен деб ўлсам,
Оғриқни сезмайман деб айтдим....
Қўшиғим тарзи сен дедим,
Юрагим мағзи сен дедим,
Отамдан мерос қолгансан,
Боламдан қарзим сен ўзинг”... Ўзбекистон!
Олийгоҳдамиз, чунки...
Олти кундирки, Юнус Ражабий номидаги Ўзбек миллий мусиқа санъати институти мақом хонандалиги кафедраси 2-босқич магистрларининг ҳисобот концерти бўляпти.
Шу олийгоҳ раҳбари сифатида таълим самарадорлигини таҳлил қилиш учун ҳисобот концертини кузатгани келдим.
Табиийки, интилиш, меҳнат бор жойда албатта, юксалиш, яхши натижалар бўлади. Мақомни бутун вужуди билан ҳис қилиб, маромига етказиб куйлаётган талабаларда шижоат, санъатга бўлган меҳрни кўрдим...
Мақом санъатида устозларга муносиб издош бўлиб етишаётган ёшларни кўриб, бир қувонган бўлсам, олийгоҳ талабаси Мадинабону Маъмированинг Италиядаги машҳур Тренто Университетининг Санъат ва гуманитар фанлар (Arts and Humanities) факультетининг магистратура босқичига грант асосида ўқишга кирганидан икки ҳисса қувондим.
Бу ҳам миллий санъатимизни ривожлантиришга қаратилаётган эътибор натижаси, албатта.
Айтишим керакки, мақом санъатини ривожлантириш ана шундай ёшлар қўлида. Улар шу йўналишдаги ёш авлодга намуна бўлиб, мақом санъатини янада юксалишида елкадош бўлишларига ишонаман.
Ахборот 24 | «Сўнгги қўнғироқ» тадбирлари
#25may #uzbekiston24
mtrk.uz | Youtube | Facebook | Telegram | uztv.tv | TV-dastur
Сўнгги йилларда қўшни қардош халқлар билан ижтимоий-иқтисодий алоқаларимиз ҳар томонлама ривожланиб борётгани ҳеч кимга сир эмас. Айниқса, фан, таълим, маданият ва туризм алоқалари ҳар доимгидан-да, салмоқли ва ишончли даражага етди.
Жумладан, Ўзбекистон ҳамда Қирғистон Республикаси ўртасидаги дўстона алоқалар ўзаро ҳурмат ва ишонч асосида ривожланмоқда. Маданият ва туризм соҳасидаги турли тадбирлар, маданият кунлари ва гострол сафарлари икки миллатнинг ўзаро жипслашуви, тажриба алмашинуви ва дўстлик тарғиботига хизмат қилмоқда.
Бугунги куни мен учун унутилмас бўлди. Сабаби, Қирғизистон таълим ва фан вазирлиги ҳамда Қирғиз-ўзбек халқаро университетининг тегишли қарори билан менга Университетнинг фахрий профессори илмий унвони топширилди. Мазкур унвон мен учун катта аҳамият ва қадрга эга. Бу қирғиз халқининг миллатимизга бўлган ишончи, ҳурмати ва эътирофи, деб биламан ҳамда ўзимда катта масъулият туяман.
Шу лаҳзада менинг севимли адибим, қирғиз халқининг буюк фарзанди Чингиз Айтматовнинг ўзбеклар ҳақида ёзган гапи ёдимга тушади:
“Ўзбек халқининг мамлакат учун қилган меҳнатини бирма-бир санайверсак, буларнинг бари бошимизни қуйи эгиб, таъзим этишга сазовордир. Қадимдан қадим ўзбек маданиятининг Ўрта Осиёга кўрсатган таъсирини кўҳна Византия Қадим Русга кўрсатган таъсир билан қиёслаш мумкин”.
Ҳа, энг синовли даврларда ҳам қалбида ўзбекларга чуқур ҳурмат ва муҳаббатни сақлаб қола олган адибнинг ҳаёт йўли барчамиз учун ибрат, аслида.
Қирғиз-ўзбек халқаро университетнинг фахрий профессори илмий унвонига муносиб кўрилганимдан бағоятда бахтиёрман ва миннатдорман! Ишончингиз учун катта раҳмат!
📣Diqqat, e'lon!
✍️2023-yil, 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qo‘shimcha chora-tadbirlar to‘g‘risida"gi prezident qarorida belgilangan vazifalar ijrosini ta’minlash maqsadida joriy yilning 27-may kuni Qoraqalpog‘iston Respublikasi, viloyatlar markaziy hiyobon va bog‘larida hamda Toshkent shahridagi “Zahiriddin Muhammad Bobur” nomidagi markaziy eko-bog‘da, soat 10.00 da “Piknik madaniyati” tadbiri bo'lib o'tadi.
Tadbirda qo'shiqchi-xonandalarning chiqishlari, raqslar, sirk tomoshalari, sport musobaqalari, rasmlar ko'rgazmasi, kinofilmlar namoyishi o'tkaziladi.
🗓Sana: 27/05/2023
🕰Vaqti: 10.00
✅Barcha yurtdoshlarimiz va yurtimiz mehmonlarini piknikka taklif etamiz!
“Ta’limga e’tibor xalq harakatiga aylandi” — Ozodbek Nazarbekov
Madaniyat va turizm vaziri 25-may kuni Toshkentdagi maktablardan biriga borib, bitiruvchilarni So‘nggi qo‘ng‘iroq bayrami bilan tabrikladi.
Batafsil — http://dy.uz/jry8p
📱Yangilangan mobil ilova 👉 iOS | Android
Qo'qonda ilk bor oʻtkazilayotgan “Golden Valley Marathon” xalqaro marafoniga marhamat!
Marafon joriy yilning 29-aprel kuni bo‘lib o‘tadi.
O'tkazib yubormang!
Vaqtingizga achinmaysiz!
__
Доброе пожаловать на международный марафон «Golden Valley Marathon», который впервые проходит в Коканде!
Марафон состоится 29 апреля текущего года!
Не пропустите!
Не пожалеете за проведенное время!
__
Welcome to "Golden Valley Marathon" international marathon in Kokand for the first time!
The marathon will be held on April 29 this year.
Don't miss it!
You won't regret your time!
💬 Telegram | 🌐 Instagram
🌐 Facebook | 🌐 Youtube
🙂 Milliy Tanlov
Aholiga sifatli madaniy xizmat ko‘rsatish, yoshlarning madaniy hayotini yana-da boyitish, umuman olganda madaniyat markazlari faoliyatini takomillashtirishning yangi yo‘nalishlari belgilandi.
Bu boradagi barcha islohotlar “Ijodiy makon” bosh g‘oyasi asosida olib boriladi.
💬 Telegram | 🌐 Instagram
🌐 Facebook | 🌐 Youtube
🙂 Milliy Tanlo
Энг олис туман, қишлоқ ва овулларда яшаётган юртдошларимиз ҳам сифатли маданий ҳордиқ чиқаришга ҳақлидирлар.
Читать полностью…
Бир ҳовуч тупроқ, бироз сувман мен,
Нимамга керилай, фақат шуман мен...
Юнус Эмро
Таниқли хонанда Сами Юсуф Насимийнинг ушбу машҳур ғазалини куйга солган:
Манда сиғар икки жаҳон, ман бу жаҳона сиғмазам,
Гавҳари ломакон ўзим, кавну макона сиғмазам…
Не гўзал санъат, не ажиб маҳорат бу!
15-aprel - Oʻzbekiston Respublikasi Madaniyat va sanʼat xodimlari kuni
💬 Telegram | 🌐 Instagram
🌐 Facebook | 🌐 Youtube
🙂 Milliy Tanlov
Bayramingiz muborak, aziz sirk sanʼati fidoyilari!
Sanʼat turlari orasida kattayu kichikni birdek qiziqtira oladigani bu shubhasizki, sirk sanʼatidir. Bu sanʼat vakillarining har bir chiqishlari dunyoning qaysi nuqtasida boʻlmasin bir xil zavq va qiziqish, baʼzan hayajon bilan qarshi olinadi, olqishlanadi.
Maʼlumki, har yili aprel oyining uchinchi shanbasi butun dunyo sirk jamoatchiligi va ushbu ajoyib sanʼat ixlosmandlari gʻayrioddiy qiziqarli bayram - Xalqaro sirk kunini nishonlashadi.
Aytish joizki, bir asrdan ortiq vaqt tarixiy taraqqiyot yoʻlini bosib oʻtgan oʻzbek sirk sanʼati oʻz maktabi, shon-shuhrati va dovrugʻi bilan nainki yurtimiz, chet elda ham oʻz muxlislariga ega. Qadimiy tomosha sanʼatini anʼanalari bugunga qadar dorboz va polvon Toshkenboyev hamda chavandoz Zaripovlar sulolasidan meros boʻlib kelayotgani ham eʼtiborga molik.
Shuni ham alohida eʼtirof etish kerakki, boshqa sanʼat turlarida oilaviy jamoa boʻlib ishlash kuzatilmagan. Sirk sanʼatida bu anʼana katta ahamiyatga ega. Chunki sirk sanʼatida bir-birini tushunib ishlash, his qilish, muntazam mashqlar talab etilishi muhim hisoblanadi. Ana shunday jamoa oilalar sirasiga Zaripovlar, Majidovlar, Xametovlar, Yunusovlar, Aliyevalar, Xaliqnazarovlar, Galaktionovlar, Davlatovlarni kiritish mumkin.
Oʻzbek davlat sirk Oʻrta Osiyo boʻyicha doimiy faoliyat olib borishi bilan yetakchi hisoblanadi. Bu oʻzbek sirk sanʼatining umrboqiyligidan, qadimiy va sehrli jozibasidan va shu bilan birga bu soha vakillarining jonkuyar va fidoyiligidan darak beradi. Tabiiyki, bu kabi muvaffaqiyatlar zamirida davlat tomonidan qabul qilingan qarorlari va qaratilayotgan eʼtibori mujassam.
Hurmatli sirk sanʼati xodimlari, Sizlarni Xalqaro sirk kuni bilan samimiy muborakbod etaman!
Mashaqqatli kasbingiz orqali insonlarga quvonch, zavq, hayajon va sanʼat ulashishdan aslo tolmang. Kasbiy muvaffaqiyat hamisha hamrohingiz boʻlsin!
Ozodbek Nazarbekov
Madaniyat va turizm vaziri