ክበር ባለኝ ነገር

ክበር ባለኝ ነገር/2/
የለም ከእኔ የምለው ሁሉ ከአንተ ነው/2/

አዝ

አንተ ታይበት እኔ ልደበቅ
በአገልግሎቴ ብቻህን ድመቅ
መዝሙሬ ከአንተ ስብከቴ ከአንተ
ከእኔ አንዳች የለኝም የአንተን ለአንተ

አዝ

የዕውቀቴ ምንጭ ነህ አብርሆቴ
የስኬቴ ቁልፍ ሞገሴ ቤቴ
ራቁቴን መጣሁ ራቁቴን እሄዳለው
ምን ተገኘና አንተን ተዋለው

አዝ

ምንም ሳይኖረኝ ካለኸኝ አንተ
ባለፀጋ ነኝ ያልተራቆተ
እንዳመንኩብህ በታች እያለሁ
በላይም ሆኜ አመልክሀለው

አዝ

እንደታዘዝኩህ በልጅነቴ
ለክብር አቁመኝ በአዋቂነቴ
በትዳር በልጅ ስትባርከኝ
እንደ ትላንቱም ዛሬም የአንተው ነኝ

አዝ

ሹመኛ ብሆን ገንዘብ ብቆጥር
ኩራት አይግባ በልቤ ቅጥር
የነቀልክልኝ የኃጢአቴን መርዝ
በእኔ ላይ እዘዝ ባለኝ ላይ እዘዝ

ዘማሪት ምርትነሽ ጥላሁን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ምስጉን ነው 

ምስጉን ነው የተመሰገነ
ባሪያውን እኔን ይቅር ያለ
ይመስገን ይመስገንልኝ
ጎጆዬን አምላክ ሞላልኝ

አዝ

እጅህ ሰፊ እንደሆነ አውቃለሁ ጌታዬ
የጎደለው ሞልቷል ይድረስ ምስጋናዬ
ያጣሁትን ከአንተ አግኝቻለሁ
ሁሉን ነገር ለበጎ ብያለሁ/2/

አዝ

ማቄን የቀደደው ደስታ አስታጠቀኝ
ባዶ የነበርኩት ሁሉ ተሰጠኝ
ሰጭም ነሽም እግዚአብሔር ብቻ ነው
የሰው ድርሻ በር ማንኳኳት ነው/2/

አዝ

እገፋለሁ እንጂ እኔ አልጨነቅም
መሰረቴ አንተ ነህ ከቶ አልናወጥም
ስትሰጠኝ የሚታየውን
እንዳትነሳኝ የዘለዓለሙን/2

አዝ

ቢሰጥ አያልቅበት ለጋስ ክቡር ጌታ
ሁሉን ከወነልኝ በልዩ ችሮታ
ድሆች ስንሆን ሁሉ አለንና
አምላካችን ይድረሰው ምስጋና/2/

ዘማሪ ቀሲስ እንግዳወርቅ በቀለ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ታትመሻል

ታትመሻል በሰው ልቦና
የደካሞች ምርኩዝ ነሽ እና
ላመስግንሽ በአዲስ ዝማሬ
እመቤቴ ገናነው ፍቅሬ

አዝ

የተፅናና ልብሽ የድሆች ማረፊያ
ንፋስ ውቂያኖሱን ወጀቡን መቅዘፊያ
ወርሰናል ስዕልሽን ከወርቅ መዝገብ ላይ
ወለድሽልን ድንግል የሕይወትን ፀሐይ
ጽዮን ብለናል ነሽ መማፀኛችን
ሞትን አናይም ካለሽ እናታችን(2)

አዝ

ቀስተ ደመናዬ ሆነሽ ምልክቴ
አለሁ እስከ ዛሬ በአንቺ በእመቤቴ
ልጅሽን አምኜ ምን ይጎድልብኛል
ያስጨነቀኝ ሁሉ ይታዘዝልኛል
ጽዮን ብለናል ነሽ መማፀኛችን
ሞትን አናይም ካለሽ እናታችን(2)

አዝ

ተከቧል ተራራው በብሩህ ደመና
የአብ ልጅ ክርስቶስ በአንቺ ወርዷል እና
ልባቤ ምስጋና አፋችን ይሞላ
መቅደስ አላየንም ድንግል ከአንቺ ሌላ
ጽዮን ብለናል ነሽ መማፀኛችን
ሞትን አናይም ካለሽ እናታችን(2)

አዝ

የከሳሼን ጉልበት ፅናቱን ሰብረሻል
የአዳም ልጅ ከሲኦል ከሞት ወቶብሻል
ጣፈጣት ለነፍሴ የማህፀንሽ ፍሬ
ስጠራሽ እኖራለሁ በያሬድ ዝማሬ
ጽዮን ብለናል ነሽ መማፀኛችን
ሞትን አናይም ካለሽ እናታችን(2)

ዘማሪ እዝራ ኃ/ሚካኤል
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የማስታወቂያ ሰዓት

መጥተናል! ተመልሰናል!
በዓልዎን በማድመቅ የሚታወቀው ካባ እነሆ በብርሃነ ልደቱንና ጥምቀቱ የማይረሳ ጊዜን እንዲያሳልፉ ስራዎቹን እንካቹ ይላል።

በቡድን ለሚመጡና ብዛት ለሚያዙ እስከ 20% ቅናሽ እንዲሁም አጓጊ የሆኑ ሽልማቶችን ይዞ ይጠብቅዎታል።

እኛን ለማግኘት
📞 +251965875219
📞 +251922501999
አዲስአበባ ፡ ኢትዮጵያ

የቴሌግራም አድራሻችን
@KABAPrint
@KABAPrint

Читать полностью…

ኅዳር ፯ /7/

በዚች ቀን የእስክንድርያ አገር የሆነ ቅዱስ ጊዮርጊስ በሰማዕትነት አረፈ።

የዚህም ቅዱስ አባቱ ልጅም አልነበረውም የልዳዊው ቅዱስ ጊዮርጊስም ቤተ ክርስቲያኑ የከበረችበት የበዓልዋ መታሰቢያ ኅዳር ሰባት በደረሰ ጊዜ ልጅን ይሰጠው ዘንድ ወደ እግዚአብሔር እንዲማልድለት ቅዱስ ጊዮርጊስን ለመነው ጌታችንም ልመናውን ተቀብሎ ይህን ልጅ ሰጠው ስሙንም በታላቁ ሰማዕት ስም ጊዮርጊስ ብሎ ስም አወጣለት።

የዚህም ልጅ እናትና አባቱ አረፉ እርሱም ከእናቱ ወንድም ዘንድ ተቀመጠ ሃያ አምስት ዓመትም በሆነው ጊዜ በጎ ሥራ የሚሠራ ሆነ ድኆችን እጅግ ይረዳቸው ይወዳቸውም ነበረ የሚራራና የሚመጸውት ሆነ ወደ ቤተክርስቲያን መገሥገሥንም ይወዳል። ለመኰንን አርማንዮስም ሴት ልጅ አለችው ቦታዎችንም በመጐብኘት ደስ ይላት ዘንድ ከባልንጀሮቿ ጋር ወጣች ወደ ደብረ ቊስቋምም ስትደርስ ጣዕም ባለው ድምጽ በመዘመር ሲያመሰግኑ የተሰበሰቡ መነኰሳትን አገኘቻቸው ምስጋናቸውና መዝሙራቸውም ወደ ልቡዋ ገብቶ ተቀረጸ።

ጊዮርጊስንም መነኰሳቱ ስለሚዘምሩት ያስረዳት ዘንድ ጠየቀችው እርሱም ወደማይጠፋ ዕረፍትና ተድላ እንደሚያደርሳቸው ነገራት ወደ አባቷም በተመለሰች ጊዜ በፊቱ ቁማ በጌታችን ኢየሱስ ክርስቶስ ታመነች አባቷም ሊሸነግላት ጀመረ ልጄ ሆይ ይህን አታድርጊ አላት ነገሩን ባልተቀበለች ጊዜ ራሷን በሰይፍ አስቆረጠ በመንግሥተ ሰማያትም የሰማዕትነት አክሊልን ተቀበለች ከዚህም በኋላ ልጅህን ያሳታት ጊዮርጊስ ነው ብለው ለመኰንኑ ነገሩት እርሱም ቅዱስ ጊዮርጊስን ይዞ ጽኑዕ ሥቃይን አሠቃየው ጭካኔውንም አይቶ ወደ ሀገረ እንጽና ሰደደው በዚያም የሰማዕትነትንም አክሊል ተቀበለ።

ወስብሐት ለእግዚአብሔር
ምንጭ :- መጽሐፈ  ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የምንኩስና ሕይወት አጀማመርና ዕድገት

ጌታችን ኢየሱስ ክርስቶስ «ፍጹም ልትሆን ብትወድ ሂድና ያለህን ሁሉ ሸጠህ ለድሆች ስጥና ተከተለኝ» «ሰው ዓለሙን ሁሉ ቢያተርፍ ነፍሱን ግን ካጣ ምን ይጠቅመዋል?» ብሎ የተናገራቸውን ቃል እንደ እቃ ጦር ታጥቀው የዚህን ዓለም ኃላፊነትና ጠፊነት በሚገባ ተረድተው አእምሯቸውን ጥበብ መንፈሳዊ ማለትም ይህንን ዓለም በመናቅ አበልጽገው የኖሩ የሚኖሩ ናቸው፡፡ በአጠቃላይ ሃይማኖትና ምግባር እንደ ነፍስና ሥጋ የተዋሐደላቸው እግዚአብሔር የሚወደውን ብቻ የሚወዱ እርሱ ባዘጋጀላቸው መንገድ ተጉዘው ከመርገመ ኃጥአው እና ከፍትወታት እኩያት ታግሰው ያሸነፉና ሕጉንና ትእዛዙን የፈጸሙ ለመፈጸም በቦታ ተወስነው የሚኖሩት መነኮሳት ይባላሉ፡፡

የምንኩስና ሕይወት አጀማመር እንደ እንግዳ ደራሽ እንደ ወፍ ዘራሽ የመጣ ሳይሆን ትንቢት ተነግሮለት ምሳሌ ተመስሎለት የመጣ ነው እንጂ፡፡

የምንኩስና ሕይወት አጀማመር ምሳሌ በሕገ ልቡናና በብሉይ ኪዳን ዘመን

ምንም እንኳን ሕግ ወጥቶለት ሥርዓት ተሠርቶለት የተጀመረው በዘመነ ሐዲስ ቢሆንም በቀድሞ ዘመን በሕገ ልቡና በዘመነ ብሉይ ለምንኩስና ሕይወት ምሳሌ የሚሆኑ ከሴት ርቀው ንጽሕና ጠብቀው በምስጋና ጸንተው በደብር ቅዱስ ሲኖሩ የነበሩት ደቂቀ ሴት፣ ሄኖክ በዚህ ዓለም ልጆችን ከወለደ በኋላ ይህ አናኗር ለመንፈሳዊ ፍላጎቱ አጥጋቢ ሆኖ ስላላገኘው የብሕትውና ኑሮ ጀምሯል፡፡ ዘፍ.5÷24 በተጨማሪም መልከጼዴቅ፤ ኤልያስ፣ መጥምቁ ዮሐንስ። ከሴት ወገን በምንኩስና ሕይወት የምትታወቀው ነብይት ሃና ሉቃስ 2÷36 በአጠቃላይ በሕገ ልቡና ለምንኩስና ሕይወት ምሳሌ የሚሆኑ ናቸው፡፡

የምንኩስና ሕይወት አጀማመር በሐዲስ ኪዳን

በዘመነ ሐዲስ ለገዳማዊ ሕይወት ለምንኩስናና ለብሕትውና ጀማሪውና መሪው መምህረ ትህትና ኢየሱስ ክርስቶስ ነው፡፡ ይኸውም እንደተጠመቀ ወዲያው ሳይውል ሳያድር ገዳመ ቆሮንቶስ ገብቶ ከቆመ ሳይቀመጥ ከዘረጋ ሳያጥፍ አርባ መዓልትና አርባ ሌሊት ምንም ነገር ሳይቀምስ በተባሕትዎ ቆይቷል። በዚህም ለባሕታውያን ብሕትውናን ባርኮና ቀድሶ ሰጥቶአል፡፡ እንዲሁም በድንግልና በመኖር ለደናግልና ለመነኮሳት አብነትና መምህር ሆኗል።

ጌታችን በሚያስተምርበት ዘመን ካደረበት የሚያድሩ ከዋለበት የሚውሉ ከእርሱ የማይለዩ መቶ ሃያ ቤተሰብ እንዲሁም የመጀመሪያዎቹ ክርስቲያኖች ለምንኩስና ሕይወት በዘመነ ሐዲስ ምሳሌ ናቸው፡፡

የሥርዓተ ምንኩስና አጀማመር

ምንኩስና ማለት ቃሉ የግእዝ ሲሆን ትርጉሙም በዓለም ያለውን ማንኛውም ነገር ትቶ በቆብ ቃልኪዳን የገባ የሞተ፣ የተለየ፣ ዓለምን የረሳ፣ ራሱን የጠላ ማለት ነው፡፡ በተመሳሳይ ዓላማና ሕይወት በአንድነት የሚኖሩ «ማኅበረ መነኮሳት» ይባላሉ፡፡ በማኅበር ሲራዱና ሲያገለግሉ ከቆዩ በኋላ ከሰው ተለይተው ቦታ ወስነው ብቻቸውን የሚኖሩት ባሕታውያን ይባላሉ፡፡ ከአንድነት ገዳም ርቀው በሚገኙ አንዳንድ ጫካዎችና ዋሻዎች እንደ መልከጼዴቅና እንደ ዮሐንስ መጥምቅ ከሰው ጋራ ሳይገናኙ የሚኖሩ የተለየ አለባበስና አስፈሪ ግርማ ሞገስ ያላቸው ባሕታውያንም አሉ፡፡ እነዚህ ዓይነቱ ባሕታውያን በኅብረተሰቡ አጠራር «ግሑሳን» ይባላሉ፡፡ «ግሑስ» ማለት ከሰው ርቆ የሚኖር ባሕታዊ ማለት ነው፡፡

በሐዲስ ኪዳን የመጀመሪያው ባሕታዊ ቅዱስ ጳውሊ ሲሆኑ ነገር ግን ሕግና ሥርዓት አውጥተውለት እንዲሰፋ ያደርጉት አባ እንጦንዮስ ናቸው፡፡ አባ ጳኩሚስ፤ መቃርስ፣ ዮሐንስ ሐፂር ተነስተው ለምንኩስና መስፋፋት ከፍተኛውን አስተዋጽኦ አድርገዋል፡፡

ወስብሐት ለእግዚአብሔር
ምንጭ፦ የቤተክርስቲያን ታሪክ በዓለም መድረክ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ገሊላ እትዊ

እመቤቴ እሰከ መቼ
በባዕድ ሀገር ትኖርያለሽ /2/
ገሊላ ግቢ/4/ ሀገርሽ ገሊላ ግቢ/2/

ገሊላ እትዊ/4/ ሀገረኪ ገሊላ እትዊ/2/

እመቤቴ ማርያም ገሊላ እትዊ
ስደቱ ይበቃሻል    ገሊላ እትዊ
ሄሮድስ ሞቷልብሎ ገሊላ እትዊ
ገብርኤል ነግሮሻል ገሊላ እትዊ
በእሳት ሰርገላ     ገሊላ እትዊ
ዑራኤል ይመራሻል  ገሊላ እትዊ

ሀገረኪ ገሊላ እትዊ/2/

የዝናቡን ጌታ   ገሊላ እትዊ
እናቱ ሁነሽ ሳለ  ገሊላ እትዊ
ሰይጣን በሰው አድሮ ገሊላ እትዊ
እያስከለከለ  ገሊላ እትዊ
ውሃ ጥም ጸንቶብሽ ገሊላ እትዊ
አፍሽ ደርቆ ዋለ  ገሊላ እትዊ
ይበቃል እናቴ   ገሊላ እትዊ
እረሀብ ጥማትሽ  ገሊላ እትዊ
ሂጅ ወደ ገሊላ  ገሊላ እትዊ
ወደ ዘመዶችሽ  ገሊላ እትዊ

ሀገረኪ ገሊላ እትዊ/2/

የሰማዕታት አክሊል  ገሊላ እትዊ
የፃድቃን እናት ገሊላ እትዊ
ባርከሽ ሰጠሻቸው  ገሊላ እትዊ
መከራን ስድት  ገሊላ እትዊ
እኛም ይታደለን  ገሊላ እትዊ
የአንቺው በረከት  ገሊላ እትዊ

ሀገረኪ ገሊላ እትዊ/2/

ገጽሽ ብሩህ መልካም ገሊላ እትዊ
ልክ እንደ ፀሐይ  ገሊላ እትዊ
እግዝእትነ ማርያም ገሊላ እትዊ
እሙ ለአዶናይ  ገሊላ እትዊ
አይገባም ለአንቺ  ገሊላ እትዊ
መከራ ስቃይ ገሊላ እትዊ

ሀገረኪ ገሊላ እትዊ /2/
ገሊላ ግቢ /4/ አገርሽ ገሊላ ግቢ/2/
          
ቀሲስ እንግዳወርቅ በቀለ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ሕዳር ፮ /6/

በዚችም ቀን የሮሜ አገር ሊቀ ጳጳሳት ቅዱስ አባት ፊልክስ አረፈ።

የዚህም  ቅዱስ  ወላጆቹ ክርስቲያኖች ናቸው የቤተክርስቲያንንም ትምህርት  አስተማሩት የሮሜ ሊቀ ጳጳሳት አንስጣስ ዮስም ዲቁና ሾመው ደግሞ የሮሜ ሊቀ ጳጳሳት ዮስጦስም ጠባዩን የጽድቁንና፤ የትሩፋቱን ደግነት አይቶ ቅስና ሾመው።

ትሩስ ቄሣርም ከሞተ በኋላ ቴዎድሮስ ቄሣር  ነገሠ ። እርሱም በምእመናን ላይ ታላቅ መከራ አምጥቶ ጭንቅ ፣ በሆኑ ሥቃዮች አሠቃያቸው ። ብዙዎችም በእርሱ እጅ በሰማዕትነት ሞቱ። ይህም አባት ከዚህ ከሀዲ ታላቅ መከራና ኀዘን ደረሰበት።  ወደ እግዚአብሔርም ልመናውን ተቀብሎ ከሀዲውን በሁለተኛ ዘመነ መንግሥቱ አጠፋው።

ለእግዚአብሔር ምስጋና ይሁን እኛንም በጸሎቱ ይማረን በረከቱም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ :- መፅጽሐፈ  ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኢትዮጵያን ማርልኝ

ኢትዮጵያን ማርልኝ ብለህ ፀልየሃል
ገብረመንፈስ ቅዱስ አምላክን ማልደሃል
ምልጃ በረከትህ በእኛ ስላደረ
ትውልድ በውዳሴ አንተን አከበረ (2)

አዝ

ፃድቁ አባታችን ምልጃህ ደግፎናል
በበደል እንዳንዝል ፀሎትህ አግዞናል
ገድልህ አስተማረን ለሀገር መማለድን
የሰማዩን ፍኖት የፅድቁን መንገድን
ገብረ መንፈስ ቅዱስ አበ ትህትና
የፃድቅ አርአያ የመናኝ ዋስትና (2)

አዝ

ወልደ አቅሌስያ ሲሳየ ስምዖን
ከደጅህ ስንደርስ እንባረካለን
የገዳምህ ፀበል አያልቅም ታዓምሩ
አይተናል ሲድኑ ብዙኃን ሲማሩ
ገብረ መንፈስ ቅዱስ አበ ትህትና
የፃድቅ አርአያ የመናኝ ዋስትና (2)

አዝ

አማልደህ ሰላምን የምታሰጥ መምህር
በምልጃ ኪዳንህ ኢትዮጵያዊ የምታስምር
ዛሬም በዘመኗ ምልጃህ አይለያት
አፅናት በሃይማኖት በእምነት አቁማት
ገብረ መንፈስ ቅዱስ አበ ትህትና
የፃድቅ አርአያ የመናኝ ዋስትና (2)

ዘማሪ ዲያቆን አቤል መክብብ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ቀን አለው እግዚአብሔር

ቀን አለው እግዚአብሔር ምስኪኑን ሊያነሳ
ጊዜ አለው እግዚአብሔር ታናሹን ሊያነሳ
አይችልም አትበሉ እርሱ ከሃሊ ነው
በሰማይ በምድር የለም የሚሳነው

ዓለም ሙሉ አትሆንም ሁሌ ጎዶሎ ናት
ዛሬ ሐዘን ስቃይ ነገ ደስታ ሀሴት
ሁሉ ሲለዋወጥ የማትቀየር
የሚስኪኞች አባት ቸር ነው እግዚአብሔር

አዝ

ተስፋ ለቆረጠ ተስፋ የሚሆነን
አዲስ ቀን ለግሰህ ነገን የምታኖር
ሁሉም አለቀለት አከተመ ሲባል
ታሪክን ሊቀይር አመሻሽ ይደርሳል

አዝ

ሞገስ እየሆነን በባዕድ አገር
አልፈነዋለን በእርሱ ያን ሁሉ ችግር
ያስቻለን ርሃቡን ጥሙን ስቃዩን
የምንዱባን አምላክ ይክበር ይመስገን

አዝ

ምህረት የማያውቀው አማናዊ ተድላ
ብርታትን የሚያድል የድሆች ከለላ
ለጨለመበት ሰው ብሩህ ነው ንጋት
ቸር ነው የሚራራ የተገፋ አባት

ዘማሪት ቅድስት አለማየሁ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በርባን ነኝ

በርባን ነኝ/3/በአንተ መስቀል የዳንኩኝ/2/
በኃጢአት በበደል የኖርኩኝ በክፋት
ወንበዴ ነበርኩኝ የሚገባኝ መሞት
ሁሉንም እረስተህ በፍቅር ያየኸኝ
ንገረኝ አምላኬ እንደምን ወደድከኝ

ጌታዬ በርባን ነኝ በሞትህ ያዳንከኝ
አምላኬ በርባን ነኝ በመስቀል ያዳንከኝ

ወንበዴው እኔ ነኝ ሀገር ያስቸገርኩኝ
እጆቼን በበደል በደም የታጠብኩኝ
አንተ ግን ራርተህ ተሰጠህ ስለ እኔ
ዋጋ ከፈልክልኝ ክርስቶስ መድህኔ

ጌታዬ በርባን ነኝ በሞትህ ያዳንከኝ
አምላኬ በርባን ነኝ በመስቀል ያዳንከኝ

ሞቴን ስጠባበቅ እኔ እንደ ስራዬ
ትክክል ነውና የክፋት ዋጋዬ
አንተ ግን ንጹሁ እኔን የወደድከኝ
ለነፍስህ ሳትሳሳ እስከ ሞት ደረስክ

ጌታዬ በርባን ነኝ በሞትህ ያዳንከኝ
አምላኬ በርባን ነኝ በመስቀል ያዳንከኝ

በዋጋ ገዝተኸኝ ዳግመኛ እንዳልሞት
ብርታት ሁነኝ እና ልለይ ከኃጢአት
መልካምም እንዳስብ መልካም እንድሰራ
በጽድቅ ልመላለስ ልቦናዬን አብራ

ጌታዬ በርባን ነኝ በሞትህ ያዳንከኝ
አምላኬ በርባን ነኝ በመስቀል ያዳንከኝ

በዋጋ ገዝተኸኝ ዳግመኛ እንዳልሞት
ብርታት ሁነኝ እና ልለይ ከኃጢአት
መልካምም እንዳስብ መልካም እንድሰራ
በጽድቅ ልመላለስ ልቦናዬን አብራ

ጌታዬ በርባን ነኝ በሞትህ ያዳንከኝ
አምላኬ በርባን ነኝ በመስቀል ያዳንከኝ

ዘማሪ አቤል ተስፋዬ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እረኛዬ

እረኛዬ /3/ መተማመኛዬ
ጠባቂ አለኝ ጠባቂ አለኝ
ክርስቶስ መቼም የማይተወኝ

አዝ

ሕይወት በምድር ላይ ብትሆን ከባድ
ወጥመዷን ማምለጫ ጌታ አለህ መንገድ
እጠባበቃለው ተስፋዬን አጥብቄ
ለዓለም አትተወኝም አልቀርም ወድቄ
በእጅህ ተፈጥሬ ክቡር አርገኸኝ
ከቶ ያለ አላማ መቼ መጣሁኝ /2/

አዝ

በእኔ ላይ ሰልጥኖ ኃጢአት ከነቤቱ
መሽቶ ይነጋብኛል ስባዝን በከንቱ
ሰጥተኸኝ ነበረ ጊዜን ለንስሐ
ትንሽ አድርጌ እንጂ ትልቁን አምሐ
ይነቀል ከልቤ የተተበተበው
አንተን ብቻ ልይህ ጠላቴን ጥለኸው /2/

አዝ

የበጎች እረኛ ቸሩ ጌታችን
ያድነዋል ፈጥኖ በእርሱ ያመነውን
መዝጊያን ለሚያንኳኳ ይከፈታል በሩ
እስከሞት ነውና የክርስቶስ ፍቅሩ
ከጉድጓድ ያወጣል ከጥልቁ ዓለም
ቢዘገይም እንኳን ሚቀድመው የለም /2/

አዝ

ከሀገሬ ብሰደድ ጽናቱን አጥቼ
ገባው ተሰሎንቄ መቅደስህን ትቼ
ጌታዬ መልሰኝ እኔ እመለሳለው
ልቤን ካንተ ሌላ ለማን እሰጣለው
ዓይኖቼም ይሞሉ የጸጸትን እንባ
ደግሞም ተመልሼ ወደ እቅፍህ ልግባ
ደግሞም ተመልሼ ወደ ቤትህ ልግባ

ዲ/ን ዘማሪ በኃይሉ ተበጀ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፫ /3/

በዚች ቀን ከቆሮንቶስ አገር ቅዱስ አባት ኪርያቆስ አረፈ። የዚህም አባት ወላጆቹ ሃይማኖታቸው የቀና የከበሩ ናቸው የቤተክርስቲያንን ትምህርትና የቀናች ሃይማኖትን አስተማሩት ከዚህም በኋላ የቆሮንቶስ አገር ኤጲስቆጶስ ወደ ሆነ ወደ አባ ጴጥሮስ አቀረቡት እርሱም በላዩ ጸልዮ አናጒንስጢስነት ሾመው።

ከዚህም በኋላ ዘወትር መጻሕፍትን የሚያነብ የቃላቸውንም ትርጓሜ የሚመረምር የቤተ ክርስቲያንንም ሥርዓቷንና ሕጓን የሚያጸና ሆነ በትምህርቱና በእውቀቱም ከብዙዎች ከፍ ከፍ አለ  መጻሕፍትንም በሚያነብለት ጊዜ ኤጲስቆጶሱ በእርሱ ደስ ይለው ነበርና። ዕድሜውም ዐሥራ ስምንት ዓመት በሆነ ጊዜ ሚስትን ያጩለት ዘንድ ወላጆቹ ጠየቁት እርሱ ግን ይህን አልወደደም ግን ከገዳማት ወዳንዱ ይሔድ ዘንድ እንዲአሰናብቱት ወላጆቹን ለመናቸው የከበረች የምንኲስናን ልብስ ሊለብስ ወዶ ወደ ኢየሩሳሌም ሔደ ከኢየሩሳሌሙ ኤጲስቆጶስ ከአባ ቄርሎስ ጋር ተገናኝቶ ስለ ምንኲስና ኀሳቡን ሁሉ ነገረው።

እርሱም በጎ ሥራን ወደሃል አለው ታላቅ አባትም እንደሚሆንና በእርሱም የብዙዎች ነፍሳት ብሩሃን እንደሚሆኑ ትንቢት ተናገረለት ። ከዚህም በኋላ የመነኰሳት አባት ወደ ሆነ በፍልስጥዔም ወደ ሚኖር ወደ ክቡር አባ ሮማኖስ ላከው እርሱም በደስታ ተቀብሎ የምንኵስናን ልብስ አለበሰው። ከዚህም በኋላ በጾም በጸሎት በስግደት በመትጋት በታላቅ ድካም በቀንና በሌሊት በገድል ተጸምዶ በትዕግሥት በትሕትና በቅንነት ኖረ።

እግዚአብሔርም የመፈወስን ሀብት ሰጥቶት ወደርሱ የሚመጡትን በሽተኞች ሁሉ የሚፈውሳቸው ሆነ:: ከዚህም በኋላ በመልካም ሽምግልና እግዚአብሔርን አገልግሎ በሰላም አረፈ።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የለቅሶ ቤት ንፍሮ

ከቀብር መልስ እጅህን ታጥበህ ተስተናግደህ ታውቃለህ? ንፍሮስ ቀምሰህ ታውቃለህ? ንፍሮውን ስትበላ እኔ እንደማደርገው ሽንብራ ሽንብራውን ለቅመህ በልተህ ስንዴውን ለሌላ ሰው ትመርቃለህ ወይስ ሁለቱንም ትበላለህ? በሆድህ "ለምንድን ነው ግን ጨዉን የሚያሳንሱት" እያልክ ተመራምረህ ይሆን?

እኔ ደግሞ ዛሬ ከቀብር መልስ ካልጠፋ እህል ስንዴ ለምን እንደሚቀርብ ልነግርህ ነው። ነገሩ ባሕል ብቻ ሳይሆን ሃይማኖትም ነው። ቀብረን ከተመለስን በኁዋላ ስንዴ ስንበላ የንፍሮውን ጣዕም ማሰላሰል ትተን ይህንን የጌታችን ቃል እናስታውስ :-

''እውነት እውነት እላችኋለሁ፥ የስንዴ ቅንጣት በምድር ወድቃ ካልሞተች ብቻዋን ትቀራለች፤ ብትሞት ግን ብዙ ፍሬ ታፈራለች" ዮሐ 12:24

ከቀብር መልስ በንፍሮ መልክ የምንበላው ስንዴ ኀዘንተኞችን የሚያጽናና ትልቅ መልእክት ይዟል። ክርስቶስ ስንዴ የሚያፈራው ሞቶ በምድር ሲቀበር ነው ብሎ ስንዴን ለእኛ ሞትና ትንሣኤ ምሳሌ አድርጎታል። ቀብረህ ስትመለስ በእጅህ የዘገንከው ስንዴ ቀብረኸው የመጣኸው ወንድምህ ትንሣኤ እንዳለው እየነገረ ያጽናናሃል። በምድር የወደቀ ስንዴን ያልረሳ አምላክ የሞተውን አይረሳም።

ቀብረነው መጣን ብለህ አትዘን፤ ዘርተኸው እንደመጣህ አስብ፤ በመዋረድ ብትዘራውም በክብር ይነሣል፤ በድካም ብትዘራውም በኃይል ይነሣል፤ ለመበስበስ ብትዘራውም ባለመበስበስ ይነሣል ይልሃል ሐዋርያው (1ቆሮ 15:42-43)

ነፍሳችን ከሥጋችን በተለየች ጊዜ በምድር አስከሬናችን ይቀራል። አስከሬን (በግሪክ ስክሪኒዉም) ኮሮጆ መያዣ ማኅደር ማለት ነው። "ንዒ ማርያም ለእግዚአብሔር አስከሬኑ" "የእግዚአብሔር ማደሪያው ማርያም ሆይ ነይ" እንዲል። የነፍሳችን ማደሪያ የሆነው ሥጋ ከአዳሪዋ ነፍስ ሲለይ አስከሬን (ማደሪያ) የነፍስ ሳጥን የሚል ስም ይሠጠዋል። ሬሳ የሚለው ቃል የበሰበሰ ነገርን ያሳያል።

ምሥራቃውያኑ የቡድሃና ሂንዱ ተከታዮች ሥጋን የነፍስ እስር ቤት አድርገው ስለሚያምኑ ሥጋ ሲቃጠል ነፍስ ነፃ ይወጣል ብለው አስከሬን ያቃጥላሉ። በዳግም ሥጋዌ (reincarnation) የሚያምኑ በመሆናቸውም አንድ ሰው ድጋሚ ሲፈጠር የተሻለ አካል ይዞ እንዲወለድ አሮጌው ሥጋው መቃጠል አለበት ብለው ያስተምራሉ።

እኛ ግን እንቀብራለን እንጂ በፍጹም አስከሬን አናቃጥልም። የሚቀበር ነገር ዋጋ ያለውና በኁዋላ የሚፈለግ ነገር ነው። ገንዘብ የምትቀብረው ሌላ ጊዜ ልታወጣው ካሰብክ ነው። የምታቃጥለው ግን የማትፈልገውን ነው። የምንቀበረው እንደምንወጣ ስለምናምን ነው። የመለከት ድምፅ ሰምተን እንደምንነሣ ተስፋ ስላለን ምንም ብንሞትም በተስፋ እንቀበራለን። እንደምንበቅል ተስፋ አድርገን እንዘራለን። ሌላው ቢቀር በእሳት ተቃጥለን ብንሞት እንኳን አመዱን እና የከሰለውን አጥንትም ቢሆን በተስፋ እንቀብረዋለን።

''የሙታንን መነሣት ተስፋ እናደርጋለን የሚመጣውንም ሕይወት ለዘለዓለሙ አሜን!"

ወስብሐት ለእግዚአብሔር
ምንጭ፦ የግዮን ወንዝ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፪/2/

በዚች ቀን ከአባ ጢሞቴዎስ በኋላ የተሾመ የእስክንድርያ ሊቀ ጳጳሳት ቅዱስ አባት ጴጥሮስ አረፈ።
እርሱም ለአባቶች ሊቃነ ጳጳሳት ሃያ ሰባተኛ ነው ይህንንም ቅዱስ እግዚአብሔር ለሊቀ ጵጵስና ሹመት መርጦ በሐዋርያ ማርቆስ ወንበር ላይ ከአስቀመጠው በኋላ የቍስጥንጥንያ ሊቀ ጳጳሳት ቅዱስ አካክዮስ እንዲህ የሚል መልእክትን ጻፈለት እንደ ቅዱሳን ቄርሎስና ዲዮስቆሮስ ሃይማኖት ልዩ ሦስት በሆነ በአንድ አምላክ እናምናለን እናሳምናለን።

ይህ አባ ጴጥሮስም እንደ ተቀበላት ገልጦ ስለ ቀናች ሃይማኖት ከራሱም ያለውን ጨምሮ ለመልእክቱ መልስ ጽፎ ከሦስት ምሁራን ኤጲስቆጶሳት ጋር ላካት ። አባ አካክዮስም ተቀበላቸው በቅዳሴና በቊርባንም አንድ ሆኑ ያቺንም መልእክት በቃሉ በሚያምኑ ሕዝብ ፊት አነበባት።

ከዚህም በኋላ ሌላ መልእክትን ጻፈ በውስጧም ከቅዱሳት መጻሕፍት ብዙ ቃላትን ተርጒሞ ወደ አባ ጴጥሮስ ላካት ። ይህም አባ ጴጥሮስ ኤጲስቆጶሳቱን ሰብስቦ ያቺን መልእክት በፊታቸው አነበባት እነርሱም እጅግ ደስ አላቸው ከቃሏና ከትርጓሜዋም የተነሣ አደነቁ በቀናች ሃይማኖትም ከእርሳቸው ጋር አንድነት ያላቸው መሆኑን ተማመኑ ።

ይህንን አባት አባ ጴጥሮስንም ከሀድያን ከሆኑ አይሁድ ከአረማውያንም ከመንበረ ሹመቱ እስኪያሳድዱት ድረስ ስለቀናች ሃይማኖት ብዙ መከራ ደረሰበት ።
ከጥቂት ወራትም በኋላ ወደ ሹመቱ ወንበር ተመለሰ መንጋውንም በቀናች ሃይማኖት ይጸኑ ዘንድ አዘውትሮ ያስተምራቸው ነበር ከእነርሱም ርቆ በስደት በነበረበት ጊዜ ከመናፍቃን እንዲጠበቁና በቀናች ሃይማኖት እንዲጸኑ መልእክቶችን ጽፎ ይልክ ነበር በሹመቱ ወንበርም ዐሥር ዓመት ኑሮ በሰላም አረፈ።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፱ /9/

በዚች ዕለት ለአባቶች ሊቃነ ጳጳሳት አርባ አንደኛ የእስክንድርያ አገር ሊቃ ጳጳሳት ቅዱስ አባት ይስሐቅ አረፈ።

ወላጆቹ ይህን ቅዱስ በወለዱት ጊዜ በታላቅ ደስታ ደስ ተሰኙበት።  ያጠምቀው ዘንድ ወደ ኤጲስቆጶስ በአቀረቡት ጊዜ ሲያጠምቀው በሕፃኑ ራስ ላይ የብርሃን መስቀልን አየ። እንዲህም ብሎ ትንቢት ተናገረለት ይህ ሕፃን በእግዚአብሔር ቤተ ክርስቲያን ላይ ይሾማል እርሱ ለእግዚአብሔር የተመረጠ መሣሪያ ይሆናልና። የቤተ ክርስቲያንን ትምህርትና ጽሕፈትን አስተማሩት ወላጆቹንም ትቶ ወደ አስቄጥስ ገዳም ሔደ በአበምኔቱ በአባ ዘካርያስም ዘንድ መንኩሶ በገድል ተጠመደ።

በአንዲትም ዕለት አንድ ጻድቅ ሰው በቤተ ክርስቲያን ውስጥ አየው በእርሱም ላይ ይስሐቅ በክርስቶስ ቤተ ክርስቲያን ላይ ይሾም ዘንድ አለው ብሎ ትንቢት ተናገረ። ሊቀ ጳጳሳት አባ ዮሐንስ ጸሐፊ የሚሆነውና የሚረዳው ብልህ ሰው ፈለገ ስለ አባ ይስሐቅም ነገሩት እሱንም አስመጣው ይጽፍለትም ዘንድ ደብዳቤ ሰጠው እርሱ ግን አባ ይስሐቅ እያወቀ ጽሕፈቱን አበላሽ ሊቀ ጳጳሳቱ እንዲተወውና ወደ አስቄጥስ ገዳም እንዲመለስ ነበር የዚህን ዓለም ክብር ይጠላልና።

ሊቀ ጳጳሳቱም እንዲተወውና እንዲአሰናብተው አውቆ ማበላሸቱን በአወቀ ጊዜ በጥሩ ጽፈሃል  እንድትሔድም እኔ አልተውህም አለው ከወራትም በኋላ አባ ይስሐቅ ወደ አስቄጥስ ገዳም ተመለሰ አባ ዮሐንስም የሚያርፍበት ቀን በደረሰ ጊዜ እግዚአብሔርን በራእይ ከአንተ በኋላ ለዚች ሹመት የሚጠቅም ረዳትህ ይስሐቅ ነው አለው። አባ ዮሐንስ በአረፈ ጊዜ ይህን ቅዱስ አባት ይስሐቅን ይዘው በእስክንድርያ አገር ላይ ሊቀ ጳጳሳት አድርገው ሾሙት።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ያከብርዋ ለሰንበት

ያከብርዋ ለሰንበት መላዕክት በሰማያት ጻድቃን በውስተ ገነት /2/
ወኩሉ ፍጥረት አሳት ወአናብርት
እለ ውስተ ደይን ያእረፉ ባቲ
እስመ ባቲ አእረፈ እምኩሉ ግብሩ/2/

ሰማይ እና ምድር ቀላያት አብርኸት
ሰው እና እንስሳ ቅዱሳን መላዕክት
ፈጥሮ ያረፈበት ቅዱሱን ሰንበት
ሁላችን እናክብር ሆነን በሐይማኖት

ያከብሯታል ሰንበትን መላዕክት በሰማያት ጻድቃን በገነት /2/
ፍጥረታት በሙሉ አሳዎችና አንበሪዎች በመቃብር ያሉ ያርፉባታል አምላክ በእርሷ እንዳረፈ ከስራው ሁሉ /2/

አንዱን ቀን እረፍ ስድስት ቀን ሥራና
አምላክህን አክብር አብዛለት ምስጋና
ለስጋዊ ደስታ ለማይጠቅም ትርፍ
ሕጉን አጥታስ ሰንበትን እረፍ

አዝ

ኪሩቤል ሱራፌል ያመልኩታል ረበው
ድንቅ መካር ቅዱስ ቅዱስ ቅዱስ ብለው
ከጠፈርም በታች ከሰማይም በላይ
ያሉ ሁሉ ይሉታል ኤልሻዳይ ሁሉን ቻይ

ያከብሯታል ሰንበትን መላዕክት በሰማያት ጻድቃን በገነት /2/
ፍጥረታት በሙሉ አሳዎችና አንበሪዎች በመቃብር ያሉ ያርፉባታል አምላክ በእርሷ እንዳረፈ ከስራው ሁሉ /2/

በያሬድ ዝማሬ በዳዊት በገና
በዕዝራ መሰንቆ በታላቅ ምስጋና
ፅድቁን አውጁለት ዓለም እንዲሰማ
ሰንበትን በማክበር ደስ በሚል ዜማ

ዘማሪ ዲ/ን ኤፍሬም ፀጋዬ
ዘማሪት ኢየሩሳሌም ጌታቸው
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፰/8/

በዚች ቀን ሥጋ የሌላቸው የአርባዕቱ እንስሳ በዓላቸው ሆነ ። እሊህም መንበሩን የሚሸከሙ የእግዚአብሔር ሠረገላዎቹ ናቸው።

ስለ እሳቸውም ወንጌልን የጻፈ ዮሐንስ እንዲህ ሲል እንደመሰከረ በዚያ ዙፋን ፊት በረድ የሚመስል ባሕር አለ በዙፋኑም ዙሪያ አራት እንስሶች አሉ በፊትም በኋላም ዐይንን የተመሉ ናቸው።

የፊተኛው አንበሳ ይመስላል ሁለተኛውም ላም ይመስላል ሦስተኛውም የሰው መልክ ይመስላል አራተኛውም የሚበር አሞራ ይመስላል። የእሊህም የአራቱ እንሰሶች እያንዳንዱ ክንፋቸው ስድስት ስድስት ነው ሁለንተናቸውም ዐይኖችን የተመሉ ናቸው። የነበረ የሚኖር የአማልክት አምላክ እግዚአብሔር ጽኑዕ ክቡር ልዩ ነው እያሉ በመዓልትና በሌሊት ዕረፍት የላቸውም።

ስለ ልዕልናቸውና ስለ ክብራቸው ለእሊህ አርባዕቱ እንሰሳ ከብሉይና ከሐዲስ ብዙ መጻሕፍት መስክረዋል መሐሪና ይቅር ባይ እግዚአብሔርም ስለ ሁሉ የሰው ፍጥረት ይለምኑት ዘንድ ቀራቢዎቹ አደረጋቸው። ዳግመኛም እንዲህ ተባለ ገጸ ሰብእ ስለ ሰው ፍጥረት ይለምናል። ገጸ አንበሳ ስለ አራዊት ይለምናል ገጽ ላሕም ስለ እንስሳ ይለምናል ገጸ ንስርም ስለ አዕዋፍ ይለምናል ከሰማይ ሠራዊት ሁሉ እነርሱ በእግዚአብሔር ዘንድ በባለሟልነት እጅግ የቀረቡ ናቸውና።

ስለዚህም በዓለሙ ሁሉ በስማቸው አብያተ ክርስቲያን እንዲታነፁ በዚችም ቀን መታሰቢያቸው እንዲደረግ የቤተ ክርስቲያን መምህራን አዘዙ እነርሱ ስለ ሰው ወገን በእግዚአብሔ ዘንድ ይማልዳሉና።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በመጀመሪያ ለሥላሴ

በመጀመሪያ ለእርሱ ለሥላሴ
ምስጋና ታቀርባለች ማልዳ ነፍሴ
ስለፈጠረኝ እኔን ሰው አድርጎ
ስለፈጠረኝ የእርሱ አምሳል አድርጎ

አዝ

ተጎበኘሁኝ እኔ ለምስጋና
ጌታዬ እኔን አክብሮኛል እና
ሲነጋ ቀኑን በእርሱ እጀምራለሁ
ሲመሽ የአፌን ምስጋና አቀርባለሁ

አዝ

ነፍሴን መገባት ቃሉን ልኮ ለእኔ
ያጣሁት የለም ከእርሱ በዘመኔ
ስሙን እጠራለሁ በአንድም ሦስትነቱ
ስላልተለየኝ ጌታ ቸርነቱ

አዝ

ሥሉስ ቅዱስ ነው ስሙ የአምላኬ
እሰዋለታለሁ ቅኔ ተንበርክኬ
ሥላሴ ስለው ነፍሴን ደስ ይላታል
ከዓለም መከራ እርሱ ፈውሷታል

አዝ

አንድ ነው ስንል ሦስትነቱም አለ
ሦስት ነው ስንል አንድነቱም አለ
ልዩ ሦስትነት ልዩ አንድነት
አኗኗሩ ድንቅ ነው በእውነት

ዘማሪ ጎሳዬ ገላና
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኃይልህ ሲገለጥ በሰማይ

ኃይልህ ሲገለጥ በሰማይ/2/
አቤት ማን ይቆም ይሆን ከፊትህ
ማን ይቆም ይሆን/2/
ከፊትህ ማን ይቆም ይሆን

አቤት ቀንደ መለከት ሲነፋ
አዋጅ ሲታወጅ በይፋ
ጻድቃን ሲጠሩ ለተድላ
ምን ይሆን የእኛ ተስፋ

አዝ

አቤት መላእክት ሰማዩን ሲያርሱት
ቀድመው ሲሰሙ መባርቅት
ያልታየና ያልተሰማ
ድምጽ ሲሰማ ከራማ

አዝ

አቤት ሰባቱ ነፋስ ተከፍተው
ምድርን ሲያውኳት ቀዝፈው
ሲታዘዝ የባሕር ሞገድ
ምድሪቷን ሊከድናት ለፍርድ

አዝ

አቤት ሲጠሩ ጻድቃን ቅዱሳን
መልካም የሰሩ ቡሩካን
በምድር የሰሩ ትሩፋት
ሲያቀርቡ ለአምላክ ስብሐት

አዝ

አቤት ኃጥአን ግን ለፍርድ ሲጠሩ
በጨለማ ዓለም ሊቀሩ
የማይጠቅም ዋይታ ሆኖ
መዋረድ ይሆናል አዝኖ

አዝ

አቤት ሲጠሩ ጻድቃን ቅዱሳን
መልካም የሰሩ ቡሩካን
በምድር የሰሩ ትሩፋት
ሲያሰሙ ለአምላክ ስብሐት

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ኅዳር 6

በዚች ቀን እመቤታችን ቅድስት ድንግል ማርያም ከልጇ እንዲሁም ከዮሴፍ እና ሰሎሜ ጋር 3 ዓመት ከ 6 ወር በስደት ከተንገላታች በኋላ ወደ ሀገራቸው የተመለሱበት ቀን ነው።

ታድያ ጌታችን በእመቤታችን ጀርባ ላይ ሆኖ በእነዛ የምህረት ጣቶቹን ወደ ኢትዮጵያ ይጠቁም ነበር እመቤታችንም ልጄ ሆይ ለምንድነው ጣትህን ምታመለክተው ስትለው "ያቺ የተባረከች ሀገር ናት" እኔን የሚያመልኩ አንቺን የሚማልዱ በፍቅርሽ የነደዱ ቅዱሳን መነኮሳት የሚፈልቁባት አገር ናት!! ያንቺ ዘመዶች ሰቅለው ይገሉኛል በዚች አገር ያሉ ግን ሳያዩ ያምኑኛል አስራት በኩራት ትሁንሽ ብሎ ሰጣት። በቅዱስ እግራቸውም ጣና ሀይቅን ዋልድባንና ሌሎችንም ዞረው እንደባረኩም ድርሳነ ኡራኤልና ተዓምረ ማርያም ላይ በስፋት ተጽፏል።

እመቤታችንን ከሐና መሀፀን ፈጥሮ ከፍጥረት ዓለም ለይቶ ከሁሉ አልቆ የእናት አማላጅ ትሁናችሁ ብሎ የሰጠን ልዑል እግዚአብሔር ይመስገን የእመቤታችን ቁስቋም ማርያም ምልጃዋና በረከቷ አይለየን!! ሀገራችንን ሰላም ታድርግልን !!

ኀዳር 6 ቀን ወደ ግብጽ አገር ተሰዳ ስትመለስ ቁስቋም በምትባል አገር ገብታ ያረፈችበት በዓል ነው፡፡ ከገነት የተሰደደውን አዳም ወደ ገነት ለመመለስ ሲል ወልደ እግዚአብሔር ኢየሱስ ክርስቶስ ከእናቱ ከድንግል ማርያም ከአረጋዊው ዮሴፍና ከሰሎሜ ጋር ወደ ግብጽ ተሰደደ፡፡

ጌታችን ከ3 ዓመት ከ6 ወር የግብጽ ስደት በኋላ ወደ እስራኤል እንደሚመለስ አስቀድሞ ነቢየ ልዑል ሆሴዕ በትንቢት መነጽርነት ተመልክቶ “ልጄንም ከግብጽ ጠራሁት ” ብሎ ተናግሯል ሆሴ 11÷1
ተፈጸመ ናሁ ማኅሌተ ጽጌ ሥሙር - እነሆ የተወደደው ማኅሌተ ጽጌ ተፈጸመ!

«ተመየጢ ተመየጢ ሱላማጢስ ... ሱላማጢስ ሆይ ተመለሽ ተመለሽ » መኃ ፯፥፩ የተዋህዶ ልጆች እንኳን እመቤታችን ከስደት ተመልሳ ቁስቋም የገባችበት በዓል ቀን በሰላም አደረሳችሁ!

ወስብሐት ለእግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ይህቺ ቀን ለእኛ ለክርስቲያኖች ሁሉ እጅግ የደስታ ቀን ነውና ሐሴትን እናድርግ፤ የሰማይና የምድር ጌታ ለእኛ ሲል ካደረገው ስደቱ ኅዳር 6 ተመልሷልና:: ስደቷን አስበን ካዘንን: መመለሷን አስበን ደስ ልንሰኝ ይገባልና:: ‹‹አብርሒ አብርሒ ናዝሬት ሃገሩ፤ ንጉሥኪ በጽሐ ዘምስለ ማርያም መጾሩ›› ልንልም ይገባል፡፡

👉 @ortodoxmezmur

Читать полностью…

ነይ አርሴማ ቅድስት ሰማዕት

ነይ አርሴማ ቅድስት ነይ አርሴማ
ነይ አርሴማ ቅድስት ሰማዕት

አዝ

አርሴማ አርሴማ ነይ አርሴማ
አርሴማ ስልሽ ነይ አርሴማ
እንድታማልጅኝ ነይ አርሴማ
ከአምላክ ፈጣሪሽ ነይ አርሴማ
በደሌን ጭንቀቴን ነይ አርሴማ
ልናዘዝልሽ ነይ አርሴማ
ምሪኝ አርሴማ ሆይ ነይ አርሴማ
እጆቼን ይዘሽ ነይ አርሴማ
ወልድያ ሲሪንቃ ነይ አርሴማ
ልምጣ ከደጅሽ ነይ አርሴማ

አዝ

እንድታማልጅኝ ነይ አርሴማ
ከንጉስ ራማ ነይ አርሴማ
ትለምንሻለች ነይ አርሴማ
ነፍሴ ደጅሽ ቆማ ነይ አርሴማ
ወልድያ ሲሪንቃ ነይ አርሴማ
ሄዶ ያየሽማ ነይ አርሴማ
ቅዱሱን ዝናሽን ነይ አርሴማ
ገድልሽን የሰማ ነይ አርሴማ
ጸበልሽ ፈውስ ነው ነይ አርሴማ
እናቴ አርሴማ ነይ አርሴማ

አዝ

በጉብዝና ወራት ነይ አርሴማ
ፈጣሪህን አስብ ነይ አርሴማ
ብሎ እንዳስተማረን ነይ አርሴማ
በመጽሐፈ መክብብ ነይ አርሴማ
ስለ ጌታ ኢየሱስ ነይ አርሴማ
ስለ ዓለም መድኃኒት ነይ አርሴማ
ስለ ተዋህዶ ነይ አርሴማ
ስለ ፀናች እምነት ነይ አርሴማ
መከራን ተቀበልሽ ነይ አርሴማ
በጉብዝናሽ ወራት ነይ አርሴማ

ዘማሪት ፀዳለ ጎበዜ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፭ /5/

በዚች ቀን ክብር ይግባውና ጌታችን ኢየሱስ ክርስቶስ በዕንጨት መስቀል ላይ ተሰቅሎ ሳለ ጐኑን የወጋ የቅዱስ ለንጊኖስ ራሱ የታየችበት ነው።

ይህም ቅዱስ በጌታችን ከአመነ በኋላ በቀጰዶቅያ አገር ወንጌልን የሚሰብክ ሆነ ከሀድያን አይሁድም በላዩ ተነሡበት በመኳንንት ዘንድ በሐሰት ወንጅለው በቀጰዶቅያ አገር ራሱን አስቆረጡት ራሱንም ብቻውን ወደ ኢየሩሳሌም ወሰዱዋት። በኢየሩሳሌም የሚኖሩም አይሁድ በአዩዋት ጊዜ እጅግ ደስ አላቸው ከዚህም በኋላ ከኢየሩሳሌም ከተማ ውጭ በአንድ ኮረብታ ላይ ቀበሩዋት።

በቅዱስ ለንጊኖስ ስብከት ያመነች አንዲት ሴት በቀጰዶቅያ አገር ነበረች ራሱን ከቆረጡበት ጊዜ ጀምራ በተቆረጠበት ቦታ በመቆም ስለርሱ ታለቅስ ነበር የዚያች ሴት ዐይኖቿ ታወሩ። ምናልባት ዐይኖቿ ቢገለጡላት በማሰብ ከከበሩ ቦታዎችና ክብር ይግባውና ከጌታችን መቃብር ለመባረክና ለመለመን ተነሥታ ልጅዋን ይዛ ወደ ኢየሩሳሌም ሔደች። ኢየሩሳሌምም በደረሰች ጊዜ በዚያ ልጅዋ ሞተ ኀዘንም ተጨመረባት ስለዚህም የመረረ ልቅሶን አለቀሰች ከኀዘኗም ብዛት የተነሣ ተኛች።

ቅዱስ ለንጊኖስን ከሞተው ልጅዋ ጋር በሕልሟ አየችው። ዕገሌ ከሚባልም ቦታ ሒደሽ ራሴን ከዚያ ውሰጂ አላት። ከእንቅልፍዋም በነቃች ጊዜ ስለዚያ ቦታ ጠየቀች ሰዎችም ወደርሱ አደረሱዋት። ያንንም ቦታ በቆፈረች ጊዜ መዓዛው እጅግ ጣፋጭ የሆነ የሽቱ መዓዛ ወጣ። ራሱ ወደአለችበትም ስትደርስ ታላቅ ብርሃን ተገለጠላትና ዐይኖቿም በዚያን ጊዜ ተገለጡላት እግዚአብሔርንም አመሰገነች ከልጅዋ ሥጋ ጋር የቅዱስ ለንጊኖስን ራስ ወደ አገርዋ ወሰደቻት በታላቅ ክብርም በአማረ ቦታ አኖረቻት።

በረከቱ ይደርብን!
ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ዛሬ ነገ ነው!

“አባዬ ዛሬ ነገ ነው?” አለ አቡሽ አባቱን ከተኛበት እየቀሰቀሰ አባት እየተበሳጨ “ምንድን ነው የምትለኝ? አለ፡፡ ዛሬ ነገ ነው ወይ? አባት እንቅልፉ ስላልቀቀው “ሂድና እናትህን ጠይቃት በቃ ልተኛበት አለና እየተበሳጨ ፊቱን ሸፈነ፡፡

ልጅ ወደ እናት ሔዶ ያንኑ ጥያቄ ደገመላት"እማዬ ዛሬ ነገ ነው" እናት አለች

“ምን ማለት ነው ደግሞ ዛሬ ነገ ነው? ማለት?” አለች የልጅዋን የተጋለጠ ደረት እየሸፈነች “ትናንት አስተማሪያችን “ነገ ትምህርት የለም” ብላን ነበር ፤ ዛሬ ነገ ነው? እናት እ እ አዎ ልክ ነህ ዛሬ ነገ ነው” አለች እየሳቀች፡፡

ብዙዎቻችን የምንኖረው ለነገ ነው፡፡ ለነገ እንማራለን ፣ ለነገ እንሠራለን ፣ ይህ ለሕጸኑ ጥያቄ የተሰጠ መልስ ለእኛም ሳያስፈልገን አይቀርም። ለነገ እንገነባለን፡፡ የተፈጠርነው ለዘላለማዊነት ነውና እንደምንኖር አስበን ማቀዳችን ባልከፋ፡፡ ነገር ግን ላላየነው ነገ ስናስብ ያየናትን ዛሬ እንዘነጋታለን፡፡ ለነገ ደመና የዛሬን ፀሐይ እንገፋታለን፡፡ እንዳቀድን እንዳለምን ለመኖር ስንዘጋጅ እንሞታለን፡፡ መጽሐፍ “ነገ ወደዚህ ከተማ እንሄዳለን በዚያም ዓመት እንኖራለን እንነግድማለን እናተርፍማለን የምትሉ እናንተ፥ ተመልከቱ፥ ነገ የሚሆነውን አታውቁምና, “ነገ ለራሱ ያስባልና ለነገ አትጨነቁ! ይላል፡፡ /ያዕ 4፡15 ፤ ማቴ 6፡34/

ሰይጣን ከሚጠቀምበት ሰውን ማጥቂያ መሣሪያም አንዱ “ነገ በሚል ቃል ማዘናጋት ነው፡፡ ነገ እማራለሁ ፣ ነገ እሔዳለሁ ፣ ነገ የታመመ እጠይቃለሁ ፣ ነገ ንስሓ እገባለሁ ፣ ነገ ወደ እግዚአብሔር እመለሳለሁ ፣ ነገ ይሄንን መልካም ነገር እሠራለሁ ነገ ነገ ነገ ፈርኦን የሚባለው ጨካኝ ንጉሥ በመቅሠፍት ጓጉንቸር ተወርሮ ነበር፡፡ በመጨረሻም እስራኤልን እለቃለሁ ሲል ሙሴ ፦ ጓጉንቸሮቹ ከቤትህ እንዲጠፉ መቼ ልጸልይልህ? አለው፡፡

ፈርኦንም ፦ ነገ አለ፡፡ እንግዲህ ዛሬን ከጓጉንቸሮች ጋር ማደር ፈልጓል ማለት ነው፡፡ ወዳጄ በሕይወትህ ውስጥ ጓጉንቸሮች ምንድን ናቸው? ምን ዓይነት ክፉ አመል አለብህ ፣ ምን ዕረፍት ያሳጣህ ፣ ሰላም የነሳህ ነገር አለ? አልላቀቅ ያለህ ሱስ ፣ አልስተካከል ያለህ ድክመት ፣ አልድን ያለህ ቁስል ምንድን ነው? እርሱን መቼ ትላቀቀዋለህ? መቼ መዳን ትሻለህ? ነገ ካልከኝ ፈርኦን መሆንህ ነው? 'አቤቱ እሁን አድን' ካልክ ደግሞ እንደ ዳዊት ትሰማለህ።

ነገ ይህንን ሱስ እተዋለሁ : ነገ ይህን ልማድ እላቀቃለሁ : ነገ ይህን መልካም ነገር አደርጋለሁ የሚል ቀጠሮ ሠርቶ አያውቅም፡፡ ነገ እንላለን እንጂ የሚገርመው በማግሥቱም መልሳችን ነገ ነው፡፡ 'ዱቤ ዛሬ የለም ነገ ነው እንደሚለው የብልጥ ባለሱቅ ማስታወቂያ ነገ ስንሔድ ነገ እየተባለ የምንፈልገውን ሳንሠራ የማንፈልገውን እየሠራን እንኖራለን፡፡ ወዳጄ ነገ የአንተ አይደለችም “የተወደደው ሰዓት አሁን ነው, መኖርህን ሳታውቅ ቀጠሮ አትሥጥ፡፡ ኃይልህ በአሁን ላይ ብቻ ነው፡፡ ማንም ሊሠራባት የማይችላት ሌሊት ሳትመጣ አሁንን ተጠቀምባት፡፡

አሁኑኑ ተነሥ ያሰብከውን መልካም ነገር ለመሥራት ፣ ክፉውን ነገር ለመተው አደርገዋለሁ ትናንት ኅሊናህ ሲጠይቅህ “ነገ አደርገዋለሁ” ብለህ ነበር ፤ ዛሬም ነገ አትበል ምክንያቱም ሕጻኑ እንዳለው “ዛሬ ነገ ነው”

ወስብሐት ለእግዚአብሔር
ምንጭ፦ የኤፍራጠስ ወንዝ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፬ /4/

በዚችም ቀን የደማስቆ ኤጲስቆጶስ ቅዱስ ቶማስ በግብጽና በሶርያ እስላሞች በነገሡ ጊዜ በሰማዕትነት አረፈ።

ይህንንም ቅዱስ ቶማስ ከመምህራኖቻቸው ውስጥ አንድ እስላም በተከራከረው ጊዜ ቅዱስ ቶማስ በረታበት፤ ኢየሱስ ክርስቶስ ሰማይና ምድርን በውስጣቸው ያለውንም ሁሉ የፈጠረ አምላክ እንደሆነ በማስረዳት አይሎ ረታው።

ያም እስላም በአፈረ ጊዜ ወደ መኰንናቸው ሒዶ ይህ ክርስቲያናዊ ቶማስ ሃይማኖታችንን ረገመ ብሎ ወነጀለው። መኰንኑም ወደርሱ አስቀርቦ በውኑ ሃይማኖታችንን ትረግማለህን አለው፤ ቅዱሱም መርገምስ ከአፌ አልወጣም ክርስቶስ እውነተኛ አምላክ እንደሆነ ከእርሱም ሕግ በኋላ ሌላ ሕግ እንደማይመጣ አጽንቼ አስረዳሁት እንጂ ብሎ መለሰለት።

መኰንኑም የእኛስ ሕግ ከእግዚአብሔር ነውን ወይስ አይደለም አለው፤ ቅዱሱም ከእግዚአብሔር አይደለም አለው። በዚያንም ጊዜ መኰንኑ ተቆጣ ራሱንም በሰይፍ እንዲቆርጡት አዘዘና ቅድስት ራሱን ቆረጡት። በመንግሥተ ሰማያትም የምስክርነት አክሊልን ተቀበለ።

ለእግዚአብሔርም ምስጋና ይሁን እኛንም በቅዱሳን ሰማዕታት ጸሎት ይማረን በረከታቸውም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ሁሉን ተውኩት እናቴ

ሁሉን ተውኩት እናቴ ሁሉን ለአንቺ
መገፋቴን መውደቄን ተመልከቺ
ልመናዬን ድንግል ሆይ ሳትሰለቺ(2)

አዝ

ቢሆንም ባይሆንም ቢሞላ ባይሞላም
ለዚህች ከንቱ ዓለም እኔ አልጨነቅም
ሁሉን ትቼዋለሁ ከእግሮችሽ በታች
ደካማዋን ልጅሽ ድንግል ተመልከች

አዝ

መልካም ያልኩት ጓዴ ክፉ ሲሆንብኝ
አይቻለሁ በአይኔ ፊቱን ሲያዞርብኝ
የተወጋው ልቤ በአንቺ እንዲፈወስ
በመድኃኒት ልጅሽ ሁሌ ይዳሰስ

አዝ

ጎጆዬን አትርሻት ደሳሳዋን ቤቴን
ዘይት የሌለውን ባዶ ማድጋዬን
አንቺ ከለመንሺው ልጅሽ ያዝንልኛል
ጎዶሎዬን ሞልቶ ፀጋን ያለብሰኛል

አዝ

የዋህ እሩሩህ ነሽ አዛኝ ለፍጥረት
ትችይበታለሽ መስጠት ለሕይወት
የልቤን ፍላጎት ሳልነግርሽ ታውቂያለሽ
እንዳትዘገይ አዛኚቱ ስልሽ

ዘማሪት ትርሃስ ገ/እግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ከቶ ምን ይረባል

ከቶ ምን ይረባል ጭካኔን ማብዛት
ፈጥኖ ለሚጠፋው ለዚህ ዓለም ቤት
በቋንቋ በጎሳ መከፋፈል ሞት ነው
የእንጨት ዘር አይቀርም እንኳን ሰው እና ሰው (2)

በጎሳ ሰልጥነው ድንበር የሚያበጁ
በታሪክ አይተናል ለማንም አልበጁ
ያደለው ወገኔ ገነትን በምድር
ሁሉን አጨለምከው ተከፋፍለህ በዘር

አዝ

ወፎች ይበራሉ አህጉር አቋርጠው
ክረምት እና በጋ ጊዜውን ጠብቀው
የሰው ልጅ ብቻ ነው ድንበር የከለለው
ከእንስሳት አንሶ የሚተላለቀው

አዝ

እምቢ በል ወገኔ እንደ አባቶቻችን
አትስማ በፍፁም ዘረኛው ሰይጣንን
በሰውነት ሚዛን ከብረህ እንድትገኝ
በጎሳ በዘመድ በጥቅም አትዳኝ

አዝ

ሁሉም ወገንህ ነው የአዳም ልጅ ነው እና
ስልጡንሁን በፍቅር በቀናው ጎዳና
የክፉዎች ስብከት ሞት ነው መጨረሻው
ለጊዜው ቢመስልህ ሐዘን ነው ፍፃሜው

አዝ

ሃይማኖት ተንቃ ተንገዋላ ከአገር
ሊጠፋ ተቃርቧል ክቡሩ የሰው ዘር
ማፍለስ እና ማፍረስ ህዝብን ማጎሳቆል
ግፍ እና ጭካኔ የዘመኑ ብሂል

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እኔስ ተስፋ አልቆርጥም

እኔስ ተስፋ አልቆርጥም ሁሌ እጠራሻለሁ(2)
አማላጄ አንቺን ይዣለሁ
አዛኚቱ አንቺን ይዣለሁ

አዝ

ዙሪያዬ ሲጨልም ብርሃን ሆንሺኝ
ወዳጅም ሲከዳ አለሁ አልሺኝ(2)
ሕይወቴን ከጥልቁ ማን መለሰው
ቀና ቀና ያልኩት በምልጃሽ ነው(2)

አዝ

ሰናክሬም ሲፎክር ከቶ አልፈራም
እናት አለኝ እና የምትራራ (2)
በረከት አገኘሁ ፍፁም ሰላም
ፍቅርሽ ስላገዘኝ ድንግል ማርያም (2)

አዝ

አትውጣ አክዓብ ተው አትድከም
ድንግልን ይዣለሁ አልረታም (2)
በቃለ ማህሌት ተስፋ አድርጌ
ክብሬም ተቀየረ ማዕረጌ (2)

አዝ

ሰሎሞን ላይፈታው የእኔን ችግር
መጣሁኝ ከደጅሽ ላንቺው ልናገር (2)
ዘወትር የማዜመው ስለ ክብርሽ
መልስ ሆነሽኝ ነው በኪዳንሽ(2)

ዘማሪት ትርሃስ ገ/እግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አላማርርም በሆነው

አላማርርም በሆነው (2)
ማግኘትም ማጣት ከአንተ ነው
አምላኬ ስራህ ድንቅ ነው
ጌታዬ ስራህ ድንቅ ነው

አዝ

ትላንት ዛሬ ላይ ሆኜ
አለፍኩኝ በአንተ ታምኜ
ይህቺም ቀን ስታልፍ አያለሁ
ባታልፍም እንዲህ እላለሁ
ተመስገን

አዝ

ጉዞዬ መልካም ባይሆንም
ኮረብታ ቢበዛበትም
አንድ ነገር ብቻ አምናለሁ
ከአንተ ጋር ሁሉን አልፋለሁ
ተመስገን

አዝ

ይህቺ ዓለም ተደላድላለች
ከሌለው ሰላም እና እረፍት
መኖሩ መኖር አይደለም
ኧረ እኔስ አላማርርም
ተመስገን

አዝ

ወዳጆቼ ቢከፉብኝ
ልፋቴ ባይታይልኝ
አንተ ያልከው ሁሉ ይሆናል
ከአንተ ጋር ብራብ ይሻላል
ተመስገን

ዘማሪ አርቲስት ይገረም ደጀኔ
መምህር ኸይሩ አለማየሁ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…