ሁሉን ተውኩት እናቴ

ሁሉን ተውኩት እናቴ ሁሉን ለአንቺ
መገፋቴን መውደቄን ተመልከቺ
ልመናዬን ድንግል ሆይ ሳትሰለቺ(2)

አዝ

ቢሆንም ባይሆንም ቢሞላ ባይሞላም
ለዚህች ከንቱ ዓለም እኔ አልጨነቅም
ሁሉን ትቼዋለሁ ከእግሮችሽ በታች
ደካማዋን ልጅሽ ድንግል ተመልከች

አዝ

መልካም ያልኩት ጓዴ ክፉ ሲሆንብኝ
አይቻለሁ በአይኔ ፊቱን ሲያዞርብኝ
የተወጋው ልቤ በአንቺ እንዲፈወስ
በመድኃኒት ልጅሽ ሁሌ ይዳሰስ

አዝ

ጎጆዬን አትርሻት ደሳሳዋን ቤቴን
ዘይት የሌለውን ባዶ ማድጋዬን
አንቺ ከለመንሺው ልጅሽ ያዝንልኛል
ጎዶሎዬን ሞልቶ ፀጋን ያለብሰኛል

አዝ

የዋህ እሩሩህ ነሽ አዛኝ ለፍጥረት
ትችይበታለሽ መስጠት ለሕይወት
የልቤን ፍላጎት ሳልነግርሽ ታውቂያለሽ
እንዳትዘገይ አዛኚቱ ስልሽ

ዘማሪት ትርሃስ ገ/እግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ከቶ ምን ይረባል

ከቶ ምን ይረባል ጭካኔን ማብዛት
ፈጥኖ ለሚጠፋው ለዚህ ዓለም ቤት
በቋንቋ በጎሳ መከፋፈል ሞት ነው
የእንጨት ዘር አይቀርም እንኳን ሰው እና ሰው (2)

በጎሳ ሰልጥነው ድንበር የሚያበጁ
በታሪክ አይተናል ለማንም አልበጁ
ያደለው ወገኔ ገነትን በምድር
ሁሉን አጨለምከው ተከፋፍለህ በዘር

አዝ

ወፎች ይበራሉ አህጉር አቋርጠው
ክረምት እና በጋ ጊዜውን ጠብቀው
የሰው ልጅ ብቻ ነው ድንበር የከለለው
ከእንስሳት አንሶ የሚተላለቀው

አዝ

እምቢ በል ወገኔ እንደ አባቶቻችን
አትስማ በፍፁም ዘረኛው ሰይጣንን
በሰውነት ሚዛን ከብረህ እንድትገኝ
በጎሳ በዘመድ በጥቅም አትዳኝ

አዝ

ሁሉም ወገንህ ነው የአዳም ልጅ ነው እና
ስልጡንሁን በፍቅር በቀናው ጎዳና
የክፉዎች ስብከት ሞት ነው መጨረሻው
ለጊዜው ቢመስልህ ሐዘን ነው ፍፃሜው

አዝ

ሃይማኖት ተንቃ ተንገዋላ ከአገር
ሊጠፋ ተቃርቧል ክቡሩ የሰው ዘር
ማፍለስ እና ማፍረስ ህዝብን ማጎሳቆል
ግፍ እና ጭካኔ የዘመኑ ብሂል

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እኔስ ተስፋ አልቆርጥም

እኔስ ተስፋ አልቆርጥም ሁሌ እጠራሻለሁ(2)
አማላጄ አንቺን ይዣለሁ
አዛኚቱ አንቺን ይዣለሁ

አዝ

ዙሪያዬ ሲጨልም ብርሃን ሆንሺኝ
ወዳጅም ሲከዳ አለሁ አልሺኝ(2)
ሕይወቴን ከጥልቁ ማን መለሰው
ቀና ቀና ያልኩት በምልጃሽ ነው(2)

አዝ

ሰናክሬም ሲፎክር ከቶ አልፈራም
እናት አለኝ እና የምትራራ (2)
በረከት አገኘሁ ፍፁም ሰላም
ፍቅርሽ ስላገዘኝ ድንግል ማርያም (2)

አዝ

አትውጣ አክዓብ ተው አትድከም
ድንግልን ይዣለሁ አልረታም (2)
በቃለ ማህሌት ተስፋ አድርጌ
ክብሬም ተቀየረ ማዕረጌ (2)

አዝ

ሰሎሞን ላይፈታው የእኔን ችግር
መጣሁኝ ከደጅሽ ላንቺው ልናገር (2)
ዘወትር የማዜመው ስለ ክብርሽ
መልስ ሆነሽኝ ነው በኪዳንሽ(2)

ዘማሪት ትርሃስ ገ/እግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አላማርርም በሆነው

አላማርርም በሆነው (2)
ማግኘትም ማጣት ከአንተ ነው
አምላኬ ስራህ ድንቅ ነው
ጌታዬ ስራህ ድንቅ ነው

አዝ

ትላንት ዛሬ ላይ ሆኜ
አለፍኩኝ በአንተ ታምኜ
ይህቺም ቀን ስታልፍ አያለሁ
ባታልፍም እንዲህ እላለሁ
ተመስገን

አዝ

ጉዞዬ መልካም ባይሆንም
ኮረብታ ቢበዛበትም
አንድ ነገር ብቻ አምናለሁ
ከአንተ ጋር ሁሉን አልፋለሁ
ተመስገን

አዝ

ይህቺ ዓለም ተደላድላለች
ከሌለው ሰላም እና እረፍት
መኖሩ መኖር አይደለም
ኧረ እኔስ አላማርርም
ተመስገን

አዝ

ወዳጆቼ ቢከፉብኝ
ልፋቴ ባይታይልኝ
አንተ ያልከው ሁሉ ይሆናል
ከአንተ ጋር ብራብ ይሻላል
ተመስገን

ዘማሪ አርቲስት ይገረም ደጀኔ
መምህር ኸይሩ አለማየሁ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጽርሐ አርያም

ጽርሐ አርያም ጽርሐ አርያም /2/
ክብርሽ ገናና ነው ለዘለዓለም

በመላዕክት ዓለም በሶስቱ ከተማ
በኤረር በኢዮር እንዲሁም በራማ
ውዳሴ ቀረበ ለሰማይ ንግስት
የአምላክን እናት በክብር አየናት

አዝ

በበርሃ ያሉ ዓለምን የናቁ
ውዳሴሽን ደግመው ስምሽን የሰነቁ
አንቺን ስንጠራ ጠላት ገለል ይላል
ማርያም በግርማሽ ከሳሻችን ያፍራል

አዝ

ከእግሮቿ በታች ጨረቃን ተጫምታ
የክብርን አክሊል በራሶቿ ደፍታ
በቅዱሳን ሁሉ ትመሰገናለች
ዓለም የዳነባት ድንግል ማርያም ነች

አዝ

ብርሃንን ለብሳ በንጽህና አጊጣ
ፍጥረትን ስትባርክ በክብር ተገልጣ
ነፍሳት ተቀደሱ በእምነት ከበዋት
ከበሮን አንስተን እንዘምርላት

ቀሲስ ምንዳዬ ብርሃኑ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ሕዳር ፩ /1/

በዚች ቀን ከአፍራቅያ የሆኑ ቅዱሳን መክሲሞስ፣ ማንፍዮስ፣ ፊቅጦር እና ፊልጶስ በከሀዲው ንጉሥ በዳኬዎስ ዘመን በሰማዕትነት አረፉ።

እሊህም ቅዱሳን መስተጋድላን ንጉሡ ክርስቶስን ክዶ ክርስቲያኖችን ሲያሠቃይ በአዩት ጊዜ ሃይማኖታቸውን ግልጥ  ያደርጉ ዘንድ በአንድ ምክር ተስማምተው በአንድነት ተሰብስበው ወደ ከሀዲው ንጉሥ ቀረቡ።

ይህ ከሀዲ ዳኬዎስም በሰማ ጊዜ እጅግ ተቆጣ ከላም ቆዳ በተሠራ ጅራፍ እንዲገርፉአቸው፣ በእሳት በአጋሉትም ከብረት በተሠሩ በትሮች እንዲደበድቧቸው፣ከዚያም በበርኖስ እላቂ ጨርቅ ከመጻጻና ከጨው ነክረው ቍስላቸውን እንዲያሹአቸው ጽኑዕ ሥቃይን እንዲአሠቃዩአቸው አዘዘ እንዲሁም አደረጉባቸው። ከዚያ የነበሩ ብዙ ሕዝብም ትዕግሥታቸውን በአዩ ጊዜ ክብር ይግባውና በጌታችን ኢየሱስ ክርስቶስ አምነው በሰማዕትነት ሞቱ።

ለእግዚአብሔርም ምስጋና ይሁን እኛንም በቅዱሳን ሰማዕታት ጸሎት ይማረን በረከታቸውም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፴ /30/

በዚችም ቀን የመጥምቁ ዮሐንስ እራስ
የታየበት ነው።

ሔሮድስ ልደቱን ባከበረ ጊዜ ወለተ ሔሮድያዳ በዘፈን አጥምዳ አስማለችው። እርሱም የታላቁን ነቢይ ራስ አስቆርጦ በወጪት አድርጐ ሰጣት። አበው "እምሔሶ ለሔሮድስ ይብላዕ መሐላሁ - ሔሮድስ መሐላውን በበላ በተሻለው ነበር" ይላሉ። የቅዱስ ዮሐንስ ራሱ በርራ ስትሔድ አካሉን ግን ደቀ መዛሙርቱ ቀብረውታል።

ርጉም ሔሮድስ አንገቱን ካስቆረጠው በኋላ የመጥምቁ ቅዱስ ዮሐንስ ራሱ የጸጋ ክንፍ ተሰጥቷት ጌታችን ወዳለበት ደብረ ዘይት ሔዳ በፊቱ ሰገደች:: ቅዱሳን ሐዋርያት በአዩት ነገር ተገርመው ራሱን እጅ ነሷት።

ከዚሕ በኋላ ጌታችን ኢየሱስ ክርስቶስ ለቅዱስ ዮሐንስ ራስ የማስተማር ስልጣን ሰጥቶ አሰናበታት። በመላው ዓለም ለ15 ዓመታት ስትሰብክ ኑራ ዓረቢያ ውስጥ ዓርፋለች። ይህች ዕለት ለቅዱሱ 'አስተርዕዮተ ርዕሱ' ወይም ቅድስት ራሱ ከተወረችበት የተገለጠችበት ነው።

ለእግዚአብሔርም ምስጋና ይሁን እኛንም በዚህ ጸድቅ ጸሎት ይማረን  በረከቱም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ :- መጽሐፈ ስንክሳር /ዝክረ ቅዱሳን/
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ምሥጢረ ተክሊል

ተክሊል የሚለው ቃል የግዕዝ ቃል ሲሆን ከለለ ከሚለው ግሥ የወጣ ነው ትርጓሜውም ከለለ ሲል አከበረ፣ ለየ፣ ቀደስ ፣አጨ፤ ተክሊል ሲል ደግሞ ክብር ማለት ነው፡፡ ተክሊል በክርስትና ሃይማኖት የሚኖሩ ለባልና ሚስትነት የተፈቃቀዱ ወንድና ሴት ጥንዶች ሁለቱ አካላት በፍፁም አንድ ሃሳብ (አንድ ልብ)፣ አንድ ፈቃድ እና አንድ አካል የሚሆኑበትና ሁለትነት ጠፍቶ በአንድነት ባልና ሚስት ሁነው ተጣምረው መኖር የሚያስችላቸው ቅዱስ ምሥጢር ነው፡፡ ዘፍ 2÷18-24 ማቴ 19÷5

ጸሎተ ተክሊል ካህናት በሙሽራው እና በሙሽሪት (በመርዓዊና በመርዓት) መካከል የሚፈጽሙት የጽኑዕ አንድነት ቃል ኪዳን (የጋብቻ ውል)፤ ወንድና ሴት በባልና ሚስትነት ተስማምተው በመኖር የዘለዓለም ሕይወትን መውረስ የምታስችለውን ትዕዛዘ እግዚአብሔር የሚፈጽመበት በግዙፋዊ አይን የማያዩትን፣ በሥጋዊ ልቡና የማይመረምሩትን ረቂቅ መንፈሳዊ ውህደት የሚያጎናጽፍ ምሥጢር ነው፡፡

እነሆም አንድ ሰው ቀርቦ መምህር ሆይ የዘለዓለምን ሕይወት እንዳገኝ ምን መልካም ነገር ላድርግ? አለው:: እርሱም ስለ መልካም ነገር ለምን ትጠይቀኛለህ? መልካም የሆነ አንድ ነው ወደ ሕይወት መግባት ብትወድ ግን ትእዛዛትን ጠብቅ አለው:: እርሱም የትኞችን? አለው

''ኢየሱስም አታመንዝር አለው. . . "
ማቴ 19÷16-19

ጸሎተ ተክሊል ተጋቢዎች በቅድስት ቤተ ክርስቲያን በካህናት ጸሎትና ቡራኬ ጸጋ እግዚአብሔርን የሚጎናፀፉበት፣ እንደ ክርስቶስ እና ቤተ ክርስቲያን በፍፁም ፍቅር እና አንድነት የሚስተፃመሩበት በቅዱስ ቁርባን ማኅተምነት የሚፀና ምሥጢር ነው፡፡ በመሆኑም ጋብቻ ጊዜያው ተባብሮ የመኖር ዘዴ ሳይሆን እስከ ዕለተ ሞት ድረስ ፀንቶ የሚቆይ (የማይፈርስ)፣ ላከበሩት የሚያስከብር የመረዳዳትና የአንድነት መንፈሳዊ ጸጋን የሚያጎናጽፍ መንፈሳዊና ማኅበራዊ የሕይወት ማዕርግ ነው። የጋብቻ ቃል ኪዳንን ተክሊል የሚያሰኘው ሙሽሮች ቃል ኪዳን በሚፈጽሙበት ወቅት የከበረ፣ በልዩ ጌጥ የተንቆጠቀጠውን የራስ ጌጥ፤ ሽልማት የክብር ጉልላት የሆነ ቆብ (ተክሊል) በራሳቸው ላይ ስለሚደፉ ነው።

ቅዱስ ጳውሎስም በመልዕክቱ ''ሰው አባቱንና እናቱን ይተዋል ከሚስቱም ጋር ይተባበራል ሁለቱም አንድ ስጋ ይሆናሉ'' ኤፌ 5÷31-32
ሐዋርያው ቅዱስ ጳውሎስ ''ባሎች ደግሞ እንደ ገዛ ሥጋቸው አድርገው የገዛ ሚስቶቻችውን ሊውዱአቸው ይገባቸዋል የገዛ ሚስቱን የሚወድ ራሱን ይወዳል ማንም የገዛ ሥጋውን የሚጠላ ከቶ የለምና'' ኤፌ 5÷28-30

በሥነ ፍጥረት ታሪክ እንደተረዳነው አዳም ሲፈጠር ብቻውን ቢሆንም ዘግይቶ ሄዋን ከአካሉ ተከፍላለች፡፡ በመሆኑም የሔዋን ገላ ማለት የአዳም ገላ እንዲሁም የአዳም ገላ ደግሞ የሔዋን ገላ በመሆኑ ባል ሚስቱን ቢወድ ራሱን ወይም ገላውን ሚስትም ባሏን ብትወድ ራሷን ወይም ገላዋን የምትወድ መሆኑን አስገንዝቦናል።

በተጨማሪም አዳም እና ሔዋን ዕፀ በለስን በልተው በኃጢአት ከመውደቃቸው እና ክብራቸው ከመገፈፉ በፊት ብርሃን ለብሰው ስለነበር ጸጋና አይተፋፈሩም ነበር፡፡ ዛሬም እንደ እግዚአብሔር ፈቃድ በሚፈጸም አንድነት ሰው የገዛ ገላውን ኢያፍርምና፡፡ ስለዚህ ቅዱስ ጳውሎስ ሁለቱም አንድ ሥጋ  ይሆናሉ።

ወስብሐት ለእግዚአብሔር
ምንጭ፦ ምሥጢራተ ቤተክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፱ /29/

በዚችም ቀን የተመሰገነና የከበረ የደብረዘኸኝ መምህር ጸቃውዐ ድንግል አረፈ።

የዚህም ቅዱስ አባቱ ካህን ነው በጥበብ እና በበጎ ተግሣጽም አሳደገው መለኮታዊ ትምህርትን ሁሉ አስተማረው አድጎ አርባ ዓመትም በሆነው ጊዜ አባቱ ከአንድ ገዳም ውስጥ መነኰሰ  ለመምህርነትም ተመርጦ በአባ ገብረ ማርያም ወንበር ላይ ተሾመ።

በዚያንም ጊዜ አባቱ ለልጁ የምንኵስና  ልብስ አለበሰው ስሙንም  ጸቃውዐ ድንግል ብሎ ሰየመው። ከዚያችም ጊዜ ጀምሮ ያለ ማቋረጥ በጾም እና በጸሎት ብዙ በመስገድም ታላቅ ተጋድሎን ተጋደለ። ከዚህም ዓለም የሚለይበት ሰዓትበደረሰ ጊዜ ጥቂት ታሞ በሰላም አረፈ።

ለእግዚአብሔርም ምስጋና ይሁን እኛንም በዚህ ጻድቅ ጸሎት ይማረን ለዘላለሙ በረከቱም  ከእኛ ጋር ትኑር አሜን።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ምስጋናው ይቀጥል

ምስጋናው ይቀጥል ዝማሬው ይቀጥል
እግዚአብሔር ስላለ ከያዘ የማይጥል
በምናየው ነገር በምንሰማው ወሬ
እንዳይቆም ምስጋና እንዳይቆም ዝማሬ

የሰማዕታቱ ደም የፈሰሰው በምድር
አይተናል ሲያስቀጥል የክርስትናን ዘር
እንድናምን ብቻ መች ተጠራንና
በእሳቱም መካከል ቅኔ አለን ምስጋና

አዝ

መች ማጥፋት ይቻላል እሳትን በእሳት
አይቆምም ማህሌት ቅዳሴ ሰዓታት
ከሰማዩም በላይ ከሰማዩም በታች
ቤተ ክርስቲያን ዛሬም ነገም አለች

አዝ

የዓለም ጨው ሆነን በዓለም የበዛነው
እየተደበደብን እየተገፋን ነው
በገደሉን ጊዜ ቁጥራችን ይበዛል
ከሞትም በኋላ ህይወት ይቀጥላል

አዝ

የተስፋይቱን ምድር ተነሱ እንወርሳለን
በመዝሙር በእልልታ ቅጥሩን እያፈረስን
የሰላዮቹን ቃል ሰምታችሁ አትፍሩ
በሃይማኖት ጽኑ በእምነታችሁ ቁሙ

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መክፈል የማልችለው

መክፈል የማልችለው አለብኝ ውለታ/2/
ተነግሮ የማያልቅ አለብኝ ውለታ /2/
አምላክ ተመስገን የኔ ጌታ
ይችው ነች አቅሜ ለስጦታ /2/

በዘመኔ ሁሉ የደገፍከኝ በእጆችህ
ጌታ ዘርዝሬ አልጨርሰው ውለታህ
ምስኪን ባሪያህ ለውለታህ አሁን ምን እከፍላለሁ
ሌላ አትሻም አንተ የአቅሜን ይኸው አመሰግናለሁ

አዝ

ስናቅ እንዳልነበር እኔ በሰዎች ተጥዬ
ከውድቀቴ አንስተህ ሰው አረከኝ ቸር ጌታዬ
ነፍሴ ለውለታህ በምስጋና ተሞልታለች
ጠዋት ማታ ስምህን እያነሳች ታመሰግናለች

አዝ

ነፍሴ መሸሸጊያ አጥታ አንተ ስላየሀት
ከለምለም መስክ ወስደህ ጌታ አሳረፍካት
የከበዳት ሸክም ቀሎ በአንተ እረፍት አገኘች
ይኸው በሰዎች ፊት የአንተን ክብር ትመሰክራለች

አዝ

አይቸኩልም እግዚአብሔር ለእርሱ አለው ጊዜ
ሲጠሩት ይሰማል ደግሞ ያወጣል ከትካዜ
የጽድቅንም መንገድ እያሳየ ይመራናል
ወደ ህይወት መንገድ እረኛችን ወስዶ ያሳርፈናል

ሊቀ ልሳናት ቸርነት ሰናይ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አልፈርድም እኔ

አልፈርድም እኔ በማንም በደል በማንም ኃጢአት
በፈረድኩበት እንዳልመዘን ጌታ ሲመጣ በኃይል በሥልጣን

በቸርነቱ አምላክ ባይተወው በደሌን ሁሉ
ውስጤ ቢፈተሽ በተሰጠኝ ሕግ በቅዱስ ቃሉ
በምን ምግባሬ ሰውን አያለው ዐይኔን አቅንቼ
በደሌ በዝቶ ለራሴ ሳላውቅ ለኃጢአት ሞቼ

አዝ

ይልቅ የአንዱን ሸክም ሌላው ሰው አዝሎ መጓዝ ይሻላል
መፍረድ ከመጣ አንድም ሰው አይድን ሁሉም በድሏል
ወንድም ወንድሙን እየከሰሰ ለፍርድ አቁሞ
አሕዛብ ያያል በንትርኩ እጅግ ተገርሞ

አዝ

ክርስቲያን ሆኖ ከወንድሙ ጋር እየተጣላ
ዓለም ዳኘችው በፀብ ፍርድ ቤት ታረቁ ብላ
ክርስቲያን ሆነን በአሕዛብ መሃል እየተካሰስን
አምላክ አዘነ የመስቀሉን ስር ዓላማ ሽረን

አዝ

መቼ ከሰሰ የከሰሱትን የገረፉትን
አይተናል እንጂ ለጠላቶቹ ምሕረት ሲለምን
ለጽድቅ ስራ ለእውነት ብለን መተናል እንጂ
ማነው የሾመን በወንድሞች ላይ አርጎ ፈራጅ

አዝ

መቼ ከሰሰ የከሰሱትን የገረፉትን
አይተናል እንጂ ለጠላቶቹ ምሕረት ሲለምን
ለጽድቅ ስራ ለእውነት ብለን መተናል እንጂ
ማነው የሾመን በወንድሞች ላይ አርጎ ፈራጅ

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ቸሩ ሆይ

ቸሩ ሆይ ቸሩ ሆይ ናና
ቸሩ ሆይ አማኑኤል ናና
የእስራኤል መና ቸሩ ሆይ ናና
ቸሩ ሆይ መድኃኔዓለም ናና

አዝ

ቸሩ ሆይ ለዓይነ ስውር መሪ
ቸሩ ሆይ ምርኩዝ መመኪያ ነህ
ቸሩ ሆይ አንተን የሚመስል
ቸሩ ሆይ ምንም ነገር የለም
ቸሩ ሆይ ምሕረትና ፍቅርህ
ቸሩ ሆይ ወሰን ወደር የለው
ቸሩ ሆይ ሳንወድህ ወደድከን
ቸሩ ሆይ ፈልገህ ጠራህን

አዝ

ቸሩ ሆይ ሰምተህ እዳልሰማህ
ቸሩ ሆይ አይተህ እንዳላየህ
ቸሩ ሆይ ሁሉን ታልፈዋለህ
ቸሩ ሆይ ፍቅራዊ አባት ነህ
ቸሩ ሆይ አማኑኤል ጌታ
ቸሩ ሆይ ቸሩ ፈጣሪያችን
ቸሩ ሆይ ውለታህ ብዙ ነው
ቸሩ ሆይ ለእኛ የዋልክልን

አዝ

ቸሩ ሆይ በከብቶች ማደሪያ
ቸሩ ሆይ በዚያች ትንሽ ግርግም
ቸሩ ሆይ ተወልዶ አዳነን
ቸሩ ሆይ ጌታ መድኃኔዓለም
ቸሩ ሆይ እልል በሉ ሰዎች
ቸሩ ሆይ አንድ ላይ ዘመሩ
ቸሩ ሆይ ስብሐት ለእግዚአብሔር
ቸሩ ሆይ በአርያም በሉ

ዘማሪ፦ ቀሲስ ምንዳዬ ብርሃኑ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፮/26/

በዚች ቀን ጌታችን ከመረጣቸውና በሽተኞች ሁሉ ይፈውሱ ዘንድ አጋንንትንም ያወጡ ዘንድ ሥልጣንን ከሰጣቸው ከሰባ ሁለቱ አርድእት አንዱ ቅዱስ ሐዋርያ ጢሞና በሰማዕትነት አረፈ።

ይህ ቅዱስ የአጽናኝ መንፈስ ቅዱስን ጸጋ ከሐዋርያት ጋር ከተቀበለ በኋላ ሰባት ሁነው ከተቆጠሩት ዲያቆናት ጋር ተሾመ።

በዲቁና አገልግሎትም ጥቂት ከአገለገለ በኋላ ብልቃ ከሚባል አገር በስተምዕራብ በሆነ ስብራ በሚባል አገር ላይ ኤጲስቆጶስነት ተሾመ:: በውስጧም ሃይማኖትን አስተማረ ከዮናውያንና ከአይሁድም ብዙዎችን አጠመቃቸው።

የዚያች አገር ገዢም ይህን በሰማ ጊዜ ቅዱስ ጢሞናን ይዞ ጽኑዕ ሥቃይን አሠቃይቶ በእሳት አቃጠለው በመንግሥተ ሰማያትም የሰማዕትነት አክሊልን ተቀበለ።

ለእግዚአብሔርም ምስጋና ይሁን እኛንም በዚህ ሐዋርያ ጸሎት ይማረን በረከቱም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የሰው ልጅ ከውድቀት በኋላ

የሰው ልጅ ፍጹም የተለወጠው በእግዚአብሔር ላይ ሲያምፅ ነው። ያን ጊዜ መንፈስ ቅዱስ ተለየው፤ ያን ጊዜ የክብር ልብሱ ተወሰደበት፤ ያን ጊዜ ሐፍረትና ውርደት አገኘው፤ ያን ጊዜ ከመላእክት ሕይወት ወርዶ የዚህ ዓለም ጭንቀት የሚገዛው ፣ ጥሮ ግሮ የሚበላ፣ ልብሱ ከእንስሳት የተገኘ ቆዳ፣ እጅግ ብርቱ የኾኑ  ፍትወታትና ሥጋዊ መሻቶች የሚጸኑበት፣ የሚርበው፣ የሚጠማው፣ የሚደክምና የሚሞት ኾነ።

እግዚአብሔርን መስሎ የሚያድግበት አቅም በውስጡ የነበረ ቢኾንም፥ የሰይጣንን ምክር ሰምቶ በአቋራጭ ያልተገባ ክብርን በመሻቱ ምክንያት፥ ያን ጊዜ የማያድግ ይልቁንስ ቁልቁል የሚወርድ ኾነ። እንደ እንስሳት የሚኖር አላዋቂ ኾነ። እንደ እንስሳት መኖርም የሰው ልጅ የመጨረሻ የውርደት መገለጫ ነበር።

የሰው ልጅ በእግዚአብሔር አምሳል ተፈጥሮ ሳለ እንደ እንስሳት ሲኖር ማየት በእውነት ጥንቱን እንስሳ ኾኖ በተፈጠረ በተሻለው ነበር የሚያስብል ኾነ። ከጌታ በታች ገዢ ሲኾን ይህን ባለማወቁና ከዕፀ በለስ ሰርቆ በመብላቱ በፍቃዱ ራሱን አዋርዷልና፥ ባሪያ ኾኖ ጌቶች ያልኾኑት የሚገዙት ኾኗልና እጅግ አሳዛኝ ፍጥረት ኾነ። በኃጢአት ብዛት ጠቁሮ በሰማያውያን አምሳል መኖር ተሳነው።

ቅዱስ ኤፍሬምም ይህንን ሲያይ፡-

"አዳም ከንግሥና ወርዶ ከእንስሳት መኖሪያ ሲያየው እንዴት እንደ ወደቀ እያሰበ ዳዊት አለቀሰለት (መዝ.48፡13)። ሸሽቶ ከዱር እንደ ተደበቀ የዱር እንስሳትን መሰለ። ከወደቀበት መርገም የተነሣም ከእንስሳት ጋር ሣርና ሥራሥር በላ፤ ጓደኛቸው ኾኖም እንደ እነርሱ ሞተ አለ።

ስለዚህም እውነተኛ ሰው መኾን ተሳነው። ሰውን ሰው የሚያስብለው የሰው መልክ ዓይን፣ አፍንጫ፣ አፍ ስላለው አይደለምና። እነዚህ የሰውነት ብልቶች ናቸውና። ሰው ብለን ልንጠራው የሚገባን የሰው ልጅን ጠባይ መገለጫ ገንዘብ አድርጎ ሲገኝ ነውና፤ እርሱም ማሰብ መቻሉና በዚያ መሠረት የቅድስና ሕይወትን መያዝ ነው።

ቀድሞ ይገዛቸው ይነዳቸው የነበሩት ብዙ እንስሳት በእርሱ ላይ የሚነሣሡበት ኾኑ። ምንም እንኳን ቀድሞ ከአራቱ ባሕርያተ ሥጋ የተገኘ ኾኖ ሳለ እንደ መላእክት ይኖር የነበረ ቢኾንም፥ ሲወድቅ ግን ወደ እርሱ የሚመለስ ኾነ። መንፈስ ቅዱስ የማይመራው የማይነዳው ኾነ። ቀድሞ የነበረው እጅግ አስደናቂ ዐዋቂነትን አጥቶ በድንግዝግዝ የሚጓዝ ኾነ። ሞት ሙስና፣ ክፋት የአዳም አዲሶቹ መገለጫዎቹ ኾኑ።

ከሁሉም በላይ የሚያሳዝነው ደግሞ፥ አዳም ከእግዚአብሔር ጋር አፍ ለአፍ የማይነጋገር ኾነ። በእርሱና በእግዚአብሔር መካከል ኃጢአት እንደ ግድግዳ ኾኖ ቆመ። በዚህ ኹኔታ ውስጥ ላየውም ከላይ እንደ ተገለፀው አዳም እጅግ የሚያሳዝን ፍጥረት ኾነ። ሰውነቱ በኃጢአት ለመጠቃት እጅግ ተጋለጠ። ሞት ከተፈረደበት በኋላ ፍትወታት ወደ ባሕርዩ ዘልቀው ስለ ገቡ ደግ ሥራን ለመሥራት ከባድ ኾነበት። ልጓም የሌላት ፈረስ እንዲሁ እንደምትላተምና እንደምትወድቅ፥ ሰውም እንደዚህ ኾነ። ከምንም በላይ ደግሞ የአዳምና የሔዋን አንድነት ወደ መፍረስ ተቃረበ። በዲያብሎስ ምክር ምክንያት አዳምና ሔዋን እየተካሰሱና አንዳቸው በአንዳቸው ላይ እያመካኙ ወደ መለያየት የተቃረቡ ኾኑ።

ሲወድቅ የሚጠቅሙት (መንሻ የሚኾኑት)፥ ግን ደግሞ የውድቀቱ ማሳያ የኾኑ መገለጫዎች ወደ ባሕርዩ ዘልቀው ገቡ። ምክንያቱም ፍርሐት ሲመጣበት ስለ ኃጢአት፣ ኀዘን ሲመጣበት ስለ ኃጢአት፡ ሞት ሲመጣበት ስለ ኃጢአት እንዲያስብ እንጂ እርሱን ለመጉዳት የመጡ አይደሉምና። እግዚአብሔር እነዚህን ኹሉ የሰጠው በበደል ላይ በደል እየጨመረ እንዳይጠፋ ነው።

ወስብሐት ለእግዚአብሔር
ምንጭ፦ ትንሿ ቤተክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፫ /3/

በዚች ቀን ከቆሮንቶስ አገር ቅዱስ አባት ኪርያቆስ አረፈ። የዚህም አባት ወላጆቹ ሃይማኖታቸው የቀና የከበሩ ናቸው የቤተክርስቲያንን ትምህርትና የቀናች ሃይማኖትን አስተማሩት ከዚህም በኋላ የቆሮንቶስ አገር ኤጲስቆጶስ ወደ ሆነ ወደ አባ ጴጥሮስ አቀረቡት እርሱም በላዩ ጸልዮ አናጒንስጢስነት ሾመው።

ከዚህም በኋላ ዘወትር መጻሕፍትን የሚያነብ የቃላቸውንም ትርጓሜ የሚመረምር የቤተ ክርስቲያንንም ሥርዓቷንና ሕጓን የሚያጸና ሆነ በትምህርቱና በእውቀቱም ከብዙዎች ከፍ ከፍ አለ  መጻሕፍትንም በሚያነብለት ጊዜ ኤጲስቆጶሱ በእርሱ ደስ ይለው ነበርና። ዕድሜውም ዐሥራ ስምንት ዓመት በሆነ ጊዜ ሚስትን ያጩለት ዘንድ ወላጆቹ ጠየቁት እርሱ ግን ይህን አልወደደም ግን ከገዳማት ወዳንዱ ይሔድ ዘንድ እንዲአሰናብቱት ወላጆቹን ለመናቸው የከበረች የምንኲስናን ልብስ ሊለብስ ወዶ ወደ ኢየሩሳሌም ሔደ ከኢየሩሳሌሙ ኤጲስቆጶስ ከአባ ቄርሎስ ጋር ተገናኝቶ ስለ ምንኲስና ኀሳቡን ሁሉ ነገረው።

እርሱም በጎ ሥራን ወደሃል አለው ታላቅ አባትም እንደሚሆንና በእርሱም የብዙዎች ነፍሳት ብሩሃን እንደሚሆኑ ትንቢት ተናገረለት ። ከዚህም በኋላ የመነኰሳት አባት ወደ ሆነ በፍልስጥዔም ወደ ሚኖር ወደ ክቡር አባ ሮማኖስ ላከው እርሱም በደስታ ተቀብሎ የምንኵስናን ልብስ አለበሰው። ከዚህም በኋላ በጾም በጸሎት በስግደት በመትጋት በታላቅ ድካም በቀንና በሌሊት በገድል ተጸምዶ በትዕግሥት በትሕትና በቅንነት ኖረ።

እግዚአብሔርም የመፈወስን ሀብት ሰጥቶት ወደርሱ የሚመጡትን በሽተኞች ሁሉ የሚፈውሳቸው ሆነ:: ከዚህም በኋላ በመልካም ሽምግልና እግዚአብሔርን አገልግሎ በሰላም አረፈ።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የለቅሶ ቤት ንፍሮ

ከቀብር መልስ እጅህን ታጥበህ ተስተናግደህ ታውቃለህ? ንፍሮስ ቀምሰህ ታውቃለህ? ንፍሮውን ስትበላ እኔ እንደማደርገው ሽንብራ ሽንብራውን ለቅመህ በልተህ ስንዴውን ለሌላ ሰው ትመርቃለህ ወይስ ሁለቱንም ትበላለህ? በሆድህ "ለምንድን ነው ግን ጨዉን የሚያሳንሱት" እያልክ ተመራምረህ ይሆን?

እኔ ደግሞ ዛሬ ከቀብር መልስ ካልጠፋ እህል ስንዴ ለምን እንደሚቀርብ ልነግርህ ነው። ነገሩ ባሕል ብቻ ሳይሆን ሃይማኖትም ነው። ቀብረን ከተመለስን በኁዋላ ስንዴ ስንበላ የንፍሮውን ጣዕም ማሰላሰል ትተን ይህንን የጌታችን ቃል እናስታውስ :-

''እውነት እውነት እላችኋለሁ፥ የስንዴ ቅንጣት በምድር ወድቃ ካልሞተች ብቻዋን ትቀራለች፤ ብትሞት ግን ብዙ ፍሬ ታፈራለች" ዮሐ 12:24

ከቀብር መልስ በንፍሮ መልክ የምንበላው ስንዴ ኀዘንተኞችን የሚያጽናና ትልቅ መልእክት ይዟል። ክርስቶስ ስንዴ የሚያፈራው ሞቶ በምድር ሲቀበር ነው ብሎ ስንዴን ለእኛ ሞትና ትንሣኤ ምሳሌ አድርጎታል። ቀብረህ ስትመለስ በእጅህ የዘገንከው ስንዴ ቀብረኸው የመጣኸው ወንድምህ ትንሣኤ እንዳለው እየነገረ ያጽናናሃል። በምድር የወደቀ ስንዴን ያልረሳ አምላክ የሞተውን አይረሳም።

ቀብረነው መጣን ብለህ አትዘን፤ ዘርተኸው እንደመጣህ አስብ፤ በመዋረድ ብትዘራውም በክብር ይነሣል፤ በድካም ብትዘራውም በኃይል ይነሣል፤ ለመበስበስ ብትዘራውም ባለመበስበስ ይነሣል ይልሃል ሐዋርያው (1ቆሮ 15:42-43)

ነፍሳችን ከሥጋችን በተለየች ጊዜ በምድር አስከሬናችን ይቀራል። አስከሬን (በግሪክ ስክሪኒዉም) ኮሮጆ መያዣ ማኅደር ማለት ነው። "ንዒ ማርያም ለእግዚአብሔር አስከሬኑ" "የእግዚአብሔር ማደሪያው ማርያም ሆይ ነይ" እንዲል። የነፍሳችን ማደሪያ የሆነው ሥጋ ከአዳሪዋ ነፍስ ሲለይ አስከሬን (ማደሪያ) የነፍስ ሳጥን የሚል ስም ይሠጠዋል። ሬሳ የሚለው ቃል የበሰበሰ ነገርን ያሳያል።

ምሥራቃውያኑ የቡድሃና ሂንዱ ተከታዮች ሥጋን የነፍስ እስር ቤት አድርገው ስለሚያምኑ ሥጋ ሲቃጠል ነፍስ ነፃ ይወጣል ብለው አስከሬን ያቃጥላሉ። በዳግም ሥጋዌ (reincarnation) የሚያምኑ በመሆናቸውም አንድ ሰው ድጋሚ ሲፈጠር የተሻለ አካል ይዞ እንዲወለድ አሮጌው ሥጋው መቃጠል አለበት ብለው ያስተምራሉ።

እኛ ግን እንቀብራለን እንጂ በፍጹም አስከሬን አናቃጥልም። የሚቀበር ነገር ዋጋ ያለውና በኁዋላ የሚፈለግ ነገር ነው። ገንዘብ የምትቀብረው ሌላ ጊዜ ልታወጣው ካሰብክ ነው። የምታቃጥለው ግን የማትፈልገውን ነው። የምንቀበረው እንደምንወጣ ስለምናምን ነው። የመለከት ድምፅ ሰምተን እንደምንነሣ ተስፋ ስላለን ምንም ብንሞትም በተስፋ እንቀበራለን። እንደምንበቅል ተስፋ አድርገን እንዘራለን። ሌላው ቢቀር በእሳት ተቃጥለን ብንሞት እንኳን አመዱን እና የከሰለውን አጥንትም ቢሆን በተስፋ እንቀብረዋለን።

''የሙታንን መነሣት ተስፋ እናደርጋለን የሚመጣውንም ሕይወት ለዘለዓለሙ አሜን!"

ወስብሐት ለእግዚአብሔር
ምንጭ፦ የግዮን ወንዝ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኅዳር ፪/2/

በዚች ቀን ከአባ ጢሞቴዎስ በኋላ የተሾመ የእስክንድርያ ሊቀ ጳጳሳት ቅዱስ አባት ጴጥሮስ አረፈ።
እርሱም ለአባቶች ሊቃነ ጳጳሳት ሃያ ሰባተኛ ነው ይህንንም ቅዱስ እግዚአብሔር ለሊቀ ጵጵስና ሹመት መርጦ በሐዋርያ ማርቆስ ወንበር ላይ ከአስቀመጠው በኋላ የቍስጥንጥንያ ሊቀ ጳጳሳት ቅዱስ አካክዮስ እንዲህ የሚል መልእክትን ጻፈለት እንደ ቅዱሳን ቄርሎስና ዲዮስቆሮስ ሃይማኖት ልዩ ሦስት በሆነ በአንድ አምላክ እናምናለን እናሳምናለን።

ይህ አባ ጴጥሮስም እንደ ተቀበላት ገልጦ ስለ ቀናች ሃይማኖት ከራሱም ያለውን ጨምሮ ለመልእክቱ መልስ ጽፎ ከሦስት ምሁራን ኤጲስቆጶሳት ጋር ላካት ። አባ አካክዮስም ተቀበላቸው በቅዳሴና በቊርባንም አንድ ሆኑ ያቺንም መልእክት በቃሉ በሚያምኑ ሕዝብ ፊት አነበባት።

ከዚህም በኋላ ሌላ መልእክትን ጻፈ በውስጧም ከቅዱሳት መጻሕፍት ብዙ ቃላትን ተርጒሞ ወደ አባ ጴጥሮስ ላካት ። ይህም አባ ጴጥሮስ ኤጲስቆጶሳቱን ሰብስቦ ያቺን መልእክት በፊታቸው አነበባት እነርሱም እጅግ ደስ አላቸው ከቃሏና ከትርጓሜዋም የተነሣ አደነቁ በቀናች ሃይማኖትም ከእርሳቸው ጋር አንድነት ያላቸው መሆኑን ተማመኑ ።

ይህንን አባት አባ ጴጥሮስንም ከሀድያን ከሆኑ አይሁድ ከአረማውያንም ከመንበረ ሹመቱ እስኪያሳድዱት ድረስ ስለቀናች ሃይማኖት ብዙ መከራ ደረሰበት ።
ከጥቂት ወራትም በኋላ ወደ ሹመቱ ወንበር ተመለሰ መንጋውንም በቀናች ሃይማኖት ይጸኑ ዘንድ አዘውትሮ ያስተምራቸው ነበር ከእነርሱም ርቆ በስደት በነበረበት ጊዜ ከመናፍቃን እንዲጠበቁና በቀናች ሃይማኖት እንዲጸኑ መልእክቶችን ጽፎ ይልክ ነበር በሹመቱ ወንበርም ዐሥር ዓመት ኑሮ በሰላም አረፈ።

ወስብሐት ለእግዚአብሔር
ምንጭ :- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የማስታወቂያ ሰዓት

መጥተናል! ተመልሰናል!
በዓልዎን በማድመቅ የሚታወቀው #ካባ እነሆ በብርሃነ ልደቱንና ጥምቀቱ የማይረሳ ጊዜን እንዲያሳልፉ ስራዎቹን እንካቹ ይላል።

በቡድን ለሚመጡና ብዛት ለሚያዙ እስከ 20% #ቅናሽ እንዲሁም አጓጊ የሆኑ #ሽልማቶችን ይዞ ይጠብቅዎታል።

ይደውሉ።
+251965875219
+251922501999
አዲስአበባ ፡ ኢትዮጵያ

Читать полностью…

ለልደትሽ ምስጋና ይገባል

ለልደትሽ ምስጋና ይገባል
ለዓለም መዳን ምክንያት ተወልደሻል
ልደትሽም ለእኛ ልደት ነው
ባንቺ እኮ ነው ፀሐይ ያገኘነው /2/

በሊባኖስ ሰማን አዲስ ዜና
ንጽሕት ዘር ተወልዳለችና
የዓለም ስቃይ ሰቆቃ ሊያበቃ
ተወለደች እንደ ፀሐይ ደምቃ

አዝ

ለዚህ ክብር ይገባል እልልታ
በልደትሽ አይሆንም ዝምታ
የአንቺ ልደት ለዓለም ደስታ ነው
አንቺ ምሥራቅ ልጅሽም ፀሐይ ነው

አዝ

ብርሃን ሆነ በሊባኖስ ዛሬ
በልደትሽ በመላእክት ዝማሬ
አይቋረጥ ምስጋና ከአፋችን
በሊባኖስ ይሰማ ዜማችን

አዝ

ስለክብርሽ ክብር አለን እኛ
ከሊባኖስ ነይልን ወደ እኛ
በአብ ኅሊና ቀድሞውን የታሰብሽ
ትውልድ ሁሉ ብጽዕት የሚልሽ

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እረኛዬ ነህ

እረኛዬ ነህ እረኛዬ ነህ የነፍሴ ቤዛዋ
የቆሰልክላት አንተ የሞትህላት ባለውለታዋ/2/

አዝ

ልሰማራ ልውጣ እንጂ ተማምኜ
አንተ ካለህ ታዳጊዬና አዳኜ
የአለም ሰልፏ ብዙ ነው በፍራቻ
የኔ ሞገስ አጀቤ አንተ ብቻ

አዝ

በቁጣ ቀን ቤቴ በእሳት ሲታጠር
አንተ ባትኖር እኔም የለሁም ነበር
የማያልፈው አለፈ በሕይወቴ
ጋርደህልኝ ከልለኸኝ አባቴ

አዝ

እንዳልደክም እንዳልሞት በመንፈሴ
ከቶ አትስጠኝ አሳልፈህ ለራሴ
ከፍ ያልክ ነህ ከፍ ያልከው በምስጋና
ሁሌም አዲስ ጉልበት የምታጸና

አዝ

ጎደለልኝ የመከራ ሙላቱ
በአንተ ታዞ በጊዜው በሰአቱ
የሳኦል ጦር አለፈ በራሴ ላይ
እንደዘበት ከሞት ጋ ሳልገናኝ

ዘማሪት ምርትነሽ ጥላሁን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ኑ በብርሃኑ

ኑ በብርሃኑ ተመላለሱ/2/
የፍቅርን ህይወት እንድትለብሱ
ኑ በብርሃኑ ተመላለሱ

ሁሉን በሚችል በአምላክ ጥላ
በእረፍት ውኃ ስር አርፈናልና
ሰላምና ፍቅር ሕይወት በሚሰጥ
ወደ ጌታችን እንሂድ እንሩጥ

አዝ

ምህረትና ፍርድ በእጁ የያዘው
የሰላም አባት መድኃኒዓለም ነው
ሕይወት የሆነን በመስቀል ውሎ
ብርሃን ሰጠን ጨለማን ሽሮ

አዝ

የሚያስደነግጥ የሚያስጨንቀን
ይጠፋልና እርሱን ተማጽነን
በቀን ከሚበር ፍላፃ ሆሉ
ይታደገናል በቅዱስ ቃሉ

አዝ

እግርህ በድንጋይ እንዳይመታ
በፈተና ውስጥ እንድትበረታ
መቅሰፍት ከቤትህ እንዲከለከል
ይጠብቅሀል ሌሊትና ቀን

አዝ

ስሙን ያወቀ ሕይወት መሆኑን
ይመላለሳል ከኃይል ወደ ኃይል
ረጅም እድሜ ይጠግባል እርሱ
ብርሃን ይሆናል የፀጋ ልብሱ

አዝ

አቤቱ አንተ ተስፋ ነህና
የምትመግብ የፍቅር መና
ማዳንህ እኛን አስደስቶናል
እንዲህ ያለ ክብር ከየት ይገኛል

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እንዲህ እናምናለን

እንዲህ እናምናለን እንታመናለን /2/
አብ ወልድ መንፈስ ቅዱስ አንድ እግዚአብሔር
ብለን /2/

የእግዚአብሔር አብ ፍቅሩ ይሰፋል ይረቃል
ልጁን እስኪሰጠን እንዲሁ ወዶናል
በደብረ ታቦር ላይ እርሱን ስሙት ላለው
በመዝሙር ለቃኘን ምስጋና ይድረሰው /2/

አዝ

አብርሃም ይስሐቅን አባት እንደሆነው
አይደለም ልደቱ በአማን ልዩ ነው
የተወለደ ነው ከቶ አልተፈጠረ
ከአባቱ ጋራ ቅድመ ዓለም የኖረ /2/

አዝ

ሊያጽናናን የሚላክ ከአብ የሚወጣው
በሃምሳኛው ዕለት ወደኛ የመጣው
የራሱ የሆነ ፍጹም አካል ያለው
ጰራቅሊጦስ ጌታ እግዚአብሔር አምላክ ነው
የራሱ የሆነ ፍጹም አካል ያለው
ጰራቅሊጦስ ጌታ እግዚአብሔር ቅዱስ ነው

አዝ

በእደ ዮሃንስ ሲጠመቅ በማይ
ወልደ አምላክ መሆኑ ስንሰማ ከላይ
በአምሳለ እርግብ ወርዶ በእርሱ የኖረው
ለአካላዊው ቃል እስትንፋስ ሕይወት ነው /2/

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ስለ ማይነገር ስጦታው

ስለ ማይነገር ስጦታው እግዚአብሔር ይመስገን
ቸል ያላለን አምላክ ስንጓዝ ማዕበሉን አቋርጠን
ስለ ማይነገር ስጦታው እግዚአብሔር ይመስገን

አዝ

የሕይወት እስትንፋስ ዘራብን ሕያው እንድንሆን
ይህን ያደረገ አምላካችን እግዚአብሔር ይመስገን
ስለ ማይነገር ስጦታው እግዚአብሔር ይመስገን

አዝ

ነፋስን ገስፆ ማዕበል አቁሞ ሚያሻግር
የዓለም ፈተና ቢበዛ እሱ መጠጊያችን
ስለ ማይነገር ስጦታው እግዚአብሔር ይመስገን

አዝ

ዳግም እንዳንሞት በሞቱ ሞትን የረታልን
የምንመካበት ትንሣኤ ሰላምን ለሰጠን
ስለ ማይነገር ስጦታው እግዚአብሔር ይመስገን

አዝ

ከሲኦል እስራት ተፈተን ነጻ የወጣንበት
መስቀሉን ለሰጠን ለአምላካችን እንዘምር በእውነት
ስለ ማይነገር ስጦታው እግዚአብሔር ይመስገ

አዝ

ነፋስን ገስፆ ማዕበል አቁሞ ሚያሻግር
የዓለም ፈተና ቢበዛ እሱ መጠጊያችን
ስለ ማይነገር ስጦታው እግዚአብሔር ይመስገን


ሊቀ ልሳናት ቸርነት ሰናይ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፰/28/

በዚች ቀን ቅዱስ መርትያኖስና መርቆሬዎስ በሰማዕትነት አረፉ።

እኒህም ለቍስጥንጥንያ ሊቀ ጳጳሳት ለአባ ጳውሎስ ደቀ መዛሙርቱ ነበሩ ::አርዮሳዊ የሆነው ሁለተኛው ንጉሥ ቈስጠንጢኖስ አባ ጳውሎስን በአርማንያ በሥውር እሥር ቤት ውስጥ አንቀው እንዲገድሉት ካደረገ ቡኃላ እኒህ ቅዱሳን መርትያኖስና መርቆሬዎስ የዕረፍቱን ቀን ገድሉንም ጻፉ::አርዮሳዊውንም ንጉሥ ረገሙት ::

ንጉሡም እንደረገሙት በሰማ ጊዜ ወታደሮች ልኮ ወደ እርሱ አስቀረባቸው በሰይፍም ገደሏቸው:: በዚያም በገደሏቸው ቦታ ቀበሩአቸው እስከ ዮሐንስ አፈወርቅ ዘመንም በዚያ ቦታ ኖሩ እርሱም ዜናቸውን በሰማ ጊዜ መልእክተኞችን ልኮ ሥጋቸውን ወደ ቍስጥንጥንያ በክብር አስመጣ ያማረች ቤተክርስቲያንንም ሠርቶላቸው ሥጋቸውን በውስጧ አኖረ በዚችም ቀን በዓልን አደረገላቸው።

ለእግዚአብሔርም ምስጋና ይሁን እኛንም በቅዱሳን ጸሎት ይማረን በረከታቸውም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ምሥጢረ ጥምቀት

ጥምቀት የቃሉ ፍቺ መነከር፣ መዘፈቅ፣ በጥልቅ ውኃ ውስጥ መግባት፣ መጥለቅ፣ በውኃ መታጠብ፣ ውኃን በገላ ላይ ማፍሰስ ማለት ነው፡፡ ብዙ ሊቃውንት ስለ ጥምቀት ሲያስተምሩ “አጥመቀ›› አጠመቀ ካለው ግዕዝ ግስ የተገኘ እንደሆነና ትርጉሙም በውሃ መነከር መዘፈቅ... የሚል መሆኑን ይናገራሉ፡፡ ጥምቀት ማለት ከቀደመው አባታችን ከአዳም በደልንና ኃጢአትን እንደ ሐብትና ንብረት እየወረስን በነበርንበት ሁላችንም የሰው ልጆች በተፈርዶ በነበርንበት፣ እግር ከወርች ታስረን በጨለማ /በሲዖል/ እንኖርበት ከነበረው ዓለምና እኛ ራሳችን የፈጸምነውን በደልና የሰራነውን ኃጢአት ሁሉ ደምስሶ በመንፈስ ቅዱስ እንደገና እንድንወለድ ያደረገን በአፈጻጸሙ የመጀመሪያ የሆነ የእምነታችን ምሥጢር ነው፡፡

የሰው ልጅ መንፈሳዊ ልደትን /ልጅነትን/ የሚያገኘው በእምነትና በምሥጢረ ጥምቀት ነው፡፡ በጥምቀት የተጀመረ ማንነት ሜሮንና ቁርባን ይከተሉትና መንፈሳዊ ልደታችንን ክርስቲያናዊ ዕድገታችን ከጸጋ ወደ ተሻለ ጸጋ፣ ከክብር ወደ ተሻለ ክብር እንዲሻገር ይሆናል፡፡

ለዚህ ነው ጥምቀት አዲስ ሕይወትን ከሚያስገኙ መንፈሳውያን ምሥጢራት መካከል የሚመደበው፡፡ እምነት ከሁሉ እንደሚቀድም ጥምቀትም በክርስትና ያለንን አንድነትና እምነት የሚመሰክርልን የእምነት ምሥጢር ስለሆነ የምሥጢራት ሁሉ መጀመሪያና ወደ መንፈሳዊ ነገር ሁሉ የሚያገባ በር ነው።

ጥምቀት አፈጻጸሙ ሁለት ዓይነት ነው። የሚፈጸመው ካህኑ በጸሎተ ክርስትና መሠረት ሥርዓተ ጸሎቱ ተፈጽሞ ካለቀ በኋላ፡-

- የተደራጀ አቅም ባላቸው አብያተ ክርስቲያናት ዘንድ በክርስትና ቤት ውስጥ ለዚሁ ተግባር ይሆን ዘንድ በተዘጋጄ የመጠመቂያ ገንዳ ወስጥ ተጠማቂ ሕጻናትን በመንከር እና

- በገጠር አብያተ ክርስቲያናት ዘንድ ደግሞ በጻሕል ተሞልቶ የተጸለየበትና የተባረከውን ውሃ በተጠማቂው ሕጻን አካል ላይ በማፍሰስ የሚፈጸም ሲሆን በምሥጢራቱ አፈጻጸምም ሆነ በሚገኘው ጸጋ ምንም ልዩነት እንደሌለ መረዳት ያስፈልጋል፡፡

ጥምቀት ምንድን ነው?

ሰዎች፣ በአብ በወልድ በመንፈስ ቅዱስ ስም በውኃና በመንፈስ ቅዱስ ተጠምቀው ሀብተ ውልደት፣መንፈሰ ልደት የሚገኙበት፣ የሰማያዊ መንግሥት ባለቤቶች ለመሆን የሚበቁበት ከኃጢአትና፣ ከዲያቢሎስ ቁራኝነት ነፃ የሚወጡበት አምላካዊ ፈቃዱ የሰጠን ሥርዓት/ሐብት/ ነው፡፡

የሚከተሉት ነጥቦች በጥንቃቄ እንመልከት፡፡

☞ “… እንደ ምሕረቱ መጠን ለአዲስ ልደት'' በሚሆነው መታጠብና በመንፈስ ቅዱስ መታደስ አዳነን እንጂ ..." ቲቶ 3÷5 - "...ሰው ከውኃና ከመንፈስ ካልተወለደ በቀር ወደ እግዚአብሔር /ሰማያዊ/ መንግሥት ሊገባ አይችልም፡፡'' ዮሐ.3÷5 12

☞ “…ንስሐ ግቡ፣ ኃጢአታችሁም ይሠረይ ዘንድ እያንዳንዳችሁ በኢየሱስ ክርስቶስ ስም ተጠመቁ ..." ሐዋ.2÷38 እንዲል፡፡

እንግዲህ አንድ ሰው ሲጠመቅ በሌላ በማንኛውም መንገድ ገንዘብ ሊያደርገው
ከማይችለው ጸጋ እግዚአብሔር ተሳታፊ ይሆናል፣ ሊያደርገው ከማይችለው በማይመረመር በልዑል እግዚአብሔር አሠራርም በሚታይ ሥርዓት የማይታይ ፍጹም በረከትንና የልጅነት ጸጋን ይቀበላል፡፡ ሰው ሁሉ በእንዲህ ባለ ሥጋዊ አዕምሮ ሊመረምረው የማይችለው፤ ከጥበባትም ሁሉ በሚልቅ ወደር በማይገኝለት አምላካዊ ጥበብ ወደ እግዚአብሔር ይቀርባል፤ እርሱንም መስሎ ከእርሱም ጋር በሞቱና በትንሣኤው ይተባበራል::

ወስብሐት ለእግዚአብሔር
ምንጭ፦ መጽሐፈ ስዋሰው ወግስ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፯ /27/

በዚች ቀን ቅዱስ አባት የሀገረ ቃው ኤጲስቆጶስ አባ መቃርስ አረፈ።

ይህ አባት በወንበር ተቀምጦ ሕዝቡን በሚያስተምራቸው ጊዜ የወገኖቼን ኃጢአታቸውን፤ የከፋች ሥራቸውንም እያየ ዘወትር ያለቅስ ነበር።

ለዚህም ቅዱስ የዝንጉዎችን ምክር ተከትሎ  ያልሔደ በኃጢአተኞችም ጐዳና ያልተጓዘ  በዘባቾችም መቀመጫ ያልተቀመጠ  የእግዚአብሔርን ሕግ መጠበቅ ፈቃዱ የሆነ እንጂ ሕጉንም በቀንና በሌሊት የሚያነብ የሚያስተምር ብፁዕ ነው የሚለው የነቢይ ዳዊት ቃል ተፈጽሞለታል።

የንጉሡም መልክተኛ አባ መቃርስ በንጉሥ ሃይማኖት እንደማያምን በአወቀ ጊዜ ተቆጥቶ ከኵላሊቱ ላይ ረገጠው ያን ጊዜም ሙቶ የሰማዕትነት አክሊልን ተቀበለ ሥጋውንም ምእመናን ወስደው ከነቢይ ኤልሳዕና ከመጥምቁ ዮሐንስ ሥጋ ጋር በአንድነት አኖሩት ከወደደው ክርስቶስም የመንግስተ ሰማያትን ዘውድን ተቀዳጅቶ ሔደ።

ለእግዚአብሔር ምስጋና ይሁን እኛንም በዚህ አባት ጸሎት ይማረን በረከቱም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ዘጸአት ነዉ ለሕዝቡ

ዘጸአት ነዉ ለሕዝቡ
በደም ታስሯል ወጀቡ
ፅኑ ክብርን ያየነዉ
ኢየሱስን ይዘን ነዉ ክርስቶሰን ለብሰን ነዉ

የግብፁ ፈረኦን በግፍ ሲያስጨንቀን
ክቡደመዘአረት ሙሴ ተነሳና ከራምሴ
መንጋዉን ይዞ ወጣ እየቀናበ ቃዱስ በሲና
ያመንፈሳዊ መጠጥ ያመንፈሳዊ መብል
ክርስቶስ ነበረ እኛን የሚከተል

አዝ

በራፍሊም እንዳንቀር ተወልን ምስክር
በኢያሱ ወልደ ነዌ እያዳነን ከአርዌ
ከነአን ሄደ ከፊት እየመራ
ስሙ መድሀኒት ሆነን
እሰራኤል ዘነፍስ ነን ድል ባደረገዉ ጌታ
ኢያሪኮ ሲኦል ፈረሷል በእልልታ

አዝ

በፋርስ ነገስታት ወድቆብን ባርነት
በኤርሚያስ የለወዝ በትር
እየታየን በምስጢር
እንደ ብረት አምድ ቅጥር አድረጎን
የእሳቱን ወጀብ አለፍን
በምልክት በራዕይ ተስሎ በሰማይ
ማምለጫችን ሆነ በጎልጎታ ላይ

አዝ

ከጥላታችን መዳፍ መከራ ቢወነጨፍ
የጠበቅነዉ መሲህ ደርሷል
ሸክማችንም ተራግፏል.
የመቤጀት ቀን ቀርቦ ዘፅአት
ጠቅልለንወጣን ከሞት
በደሙ አጊጠናል እርስቱን እንወርሳለን
በጽዮን ተራራ ለበጉ እየዘመርን

ዘማሪ ገ/ዮሐንስ ገ/ ጻድቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ለምን ጠላኸኝ ወንድሜ

ለምን ጠላኸኝ ወንድሜ የአንድ አባት ልጆች እኮ ነን
ለምን ጠላኸኝ ወንድሜ የአንድ እናት ልጆች እኮ ነን
ብዙ ነዉ መንግስቱ አብረን እንወርሳለን
ሰፊ ነዉ ግዛቱ አብረን እንወርሳለን

የተካፈልኩትን ንብረት አትፍቼ ብመለስ ዛሬ
አባቴ ናፍቆኝ ብመጣ ልቤን አንገቴን ሰብሬ
ለሁላችንም ይበቃል ብዙ ነዉ የእርሱ መንግስት
አይክፋህ እባክህ ወንድሜ ፍቅር ይበልጣል ከሀብት

አዝ

ፊትህ በሀዘን አይጥቆር ድንጋዩን ጣለዉ ወንድሜ
ተቅበዝባዥ እንዳያደርግህ እጅህ ቆሽሾ በደሜ
ልብህን መልካም ብታደርግ የአንተም መስዋዕት ያርጋል
ጌታ ለሁሉም እኩል ነዉ መታዘዝ ንጉስ ያደርጋል

አዝ

ብልጥ ስለሆንኩ አይደለም የተባረኩት በጌታ
ጽኑ መሻቴን አይቶ ነዉ በኩር ያደረገኝ ስመታ
የበቀል ጦርክን ሸሽቼ በባዕድ ሀገር ብኖርም
በልጅ በትዳር ባርኮኛል አብረን እንኑር በሰላም

አዝ

ብልጥ ስለሆንኩ አይደለም የተባረኩት በጌታ
ጽኑ መሻቴን አይቶ ነዉ በኩር ያደረገኝ ስመታ
የበቀል ጦርክን ሸሽቼ በባዕድ ሀገር ብኖርም
በልጅ በትዳር ባርኮኛል አብረን እንኑር በሰላም


ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ደጅ ጠናሁ

ደጅ ጠናሁ ቆይቼ ኪዳነ ምህረትን
ተፅናናሁኝ ረሳሁ ሀዘኔንን
የአምላክ እናት እመቤታችን
ሞገስ ሁኝኝ ቀሪዉ ዘመኔን /2/

የመከራዉ ዘመን አለፈ እንደዋዛ
አንችን ተጠግቼ የአለሟን ቤዛ
የልጅሽ ቸርነት የአንችም ደግነት
ባርያሽን ሰወረኝ ከአስጨናቂዉ ሞት
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

ልቤ በአንች ፀና ከፍ ከፍም አለ
በጥላቶቼም ላይ አፌ ተናገረ
በማዳንሽ ስራ ባሪያሽ ደስ ብሎኛል
የኃያላኑን ቀስት ልጅሽ ሰብሮልኛል
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

እጄ ባዶ ሲሆን ወዳጆቼም ሸሹ
በመርገም ምክራቸዉ ሊለያዩኝ ሲሹ
እሱ የሰጠኝን እሱ ወሰደ አልኳቸዉ
እመቤቴ አለችኝ ብዬ አሳፈርኳቸዉ
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

ከአዉደ ምህረቱ ሆኜ ስጠራት
ዘንበል ብላ አየችኝ ኪዳነ ምህረት
ሀሳብሽን ምንም የለም የሚመስለዉ
እረፍት ያገኘሁት እናቴ ባንቺ ነዉ
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

ቀሲስ እንግዳወርቅ በቀለ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…