መስከረም ፭

በዚህች ቀን የከበረች ሶፊያ ከሁለት ልጆቿ አክሶስ እና በርናባ ጋር በሰማዕትነት አረፈች።

ቅድስት ሶፍያ አስቀድማ አረማዊት ነበረች ወላጆቿም ጣዖታትን የሚያመልኩ ነበሩ። እርሷም በልቧ የወላጇቿ ሃይማኖት ከንቱ እንደሆነ ከመረመረች በኋላ ወደ መኖፌ ኤጲስቆጶስም ሄዳ ክብር ይግባውና በጌታችን በክርስቶስ ታመነች። እርሱም ሃይማኖትን የቤተክርስቲያንን ሕግ አስተማራት።

ከዚሕም በኋላ ከልጆቿ ጋር በአብ በወልድ በመንፈስቅዱስ ስም አጠመቃት። የሀገሩ ገዢ ለጣዖት መስገድን ትታ ክርስቲያን እንደሆነች በሰማ ጊዜ ከልጇቿ ጋር ብዙ ስቃይን አሰቃያት። ገዢውም ልጇቿ አይተው ይፈሩ ዘንድ በጅራፍ ይገርፏት ዘንድ አዘዘ። ያን ጊዜም የእግዚአብሔር መልአክ ከሰማይ ወርዶ እናታቸውን ከግርፋት ሲሰውራት አዩ።

ከዚህም በኋላ ወደ እስር ቤት ወስደው አሰሯት እራሷንም በሰይፍ ይቆርጡት ዘንድ አዘዘ የድል አክሊልንም ተቀበለች። ከዚህም በኋላ ልጆቿን ወደርሱ ይመለሱ ዘንድ አስፈራራቸው እንቢ ባሉት ጊዜም እያከታተለ አንገታቸውን አስቆረጠ።

ምስክርነታቸውንና ተጋድሏቸውን ፈጸሙ። ከመቃብራቸውም፤ በሽታውንና ደዌውን ሁሉ የሚፈውሱ ብዙ የሆኑ ድንቆች ተአምራቶች ተገለጡ።

የጻድቅ መታሰቢያው ለዘለዓለም
ይኖራል።
                   መዝ ፻፲፩፡ ቁ ፮

በረከታቸው ይደርብን
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ለውዳሴሽ ልትጋ

ለውዳሴሽ ልትጋ ስምሽ ግርማ አለው 2
እመቤተ ኧኸ እመቤተ ስልሽ እውላለው

ከልቤ አቀርባለው ምስጋናን ለስምሽ
ተመስክሮልሻል ብፅዕት ተብለሽ
የሰላምታ ድምፅሽ ያልነካው ማን አለ
ጽንሱ በማህፀን በደስታ ዘለለ

አዝ

ማርና ወተት ነው የስምሽ ስያሜ
እመቤተ ስልሽ ይቀላል ሸክሜ
ቅኔ ማህሌቱ ሰአታት መዝሙሩ
ያመሰግኑሻል ምድርና ጠፈሩ

አዝ

እናቱ ነሽና አንቺ ለኢየሱስ
አድሮብሽ ይኖራል እግዚአብሔር መንፈስ
ሰዓሊ ለነ ብዬ ቀኑን ጀምራለው
ልጅሽን አምኜ ነገም እኖራለው

አዝ

ነይ ነይ እልሻለው እንደት ካህናቱ
በሰዓታት ጸሎት ቆሜ በሌሊቱ
ዝም አልልም እኔ አወድስሻለው
ያለምን መከራ እረሳብሻለው

ዘማሪ ቀሲስ አሸናፊ ገ/ማርያም
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አጥቷል ጎሎበታል

አጥቷል ጎሎበታል ብለህ ሳትንቀኝ
ለዚህ ያደረስከኝ ጌታዬ እኔ ማነኝ
ይሞላል አይቀርም ባንተ ሸለቆዬ
ጠብቃለሁና ቀንህን ጌታዬ

አዝ

ሀዘን ፅልመት ክፉ ዘመን
ቢገጥመኝም እንኴን
ያልፋል ሁሉም ታሪክ ሆኖ
በፊትህ ሲለካ
ማን ጎደለ ማን አፈረ አንተን የጠበቀ
ፀና ልቤ በእግዚአብሔር ይሄን እያወቀ

አዝ

ባለም ስፍራ ባይኖረኝም
ብሆንም ጎስቇላ
አምላኬ ሆይ ካንተ በቀር
አልሄድ ወደ ሌላ
ጌታዬ ሆይ በፍለጋ ወጣሁ ከመቃብር
ስመሰክር እኖራለሁ ስራህን ስናገር

አዝ

ቀን ለክተህ ጊዜን አይተህ
ሰውን የማትከዳ
ያለ ወረት ትመጣለህ እኔን ልትረዳ
ከእነ ኤልያስ ወንድሞቼ ባልስተካከልም
ማማ ሆነህ ከፍአረከኝ አንተ ሰው አጥልም

አዝ

እንደ እናት ልጅ እንዳልቆጥርህ
ከዚህም ትበልጣለህ
ካንተ በቀር ያፈቀረኝ
በምድር ስለሌለ ስለ
ስምህ መነቀፌ ክብሬ ነው ማረጌ
በምን መንገድ ላስደስትህ እንደምን አድርጌ

ዘማሪ ቀሲስ አሸናፊ ገ/ማርያም
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የያሬድ ውብ ዜማ

የያሬድ ውብ ዜማ ድንግል እመቤቴ
ስጦታዬ ነሽ 2
በምን አንደበቴ እንዴትስ ባለ ቃል
ማርያም ልበልሽ 2

ምድርና ሰማዩ ተዓምርሽን ይንገሩ
ፍጥረታት በሙሉ ስላንቺ ይመስከሩ
ተነግሮ የማያልቅ ድንቅ ነው ስራሽ
ድንግል ሆይ እናቴ አምሳያም የለሽ
ማርያም ድንግል እረዳቴ
የምትደርሺልኝ ነይ ስልሽ በጭንቀቴ
ተአምርሽንም በአይኔ አይቻለሁ
ፅዮን ሆይ ስልሽ ድንግል ሆይ እጠግባለ

አዝ

የእግዚብሔር ጥበቡ በአንቺ ተገለጠ
የአዳም ዘር በሙሉ ከሞት አመለጠ
የመዳን ምክንያት ማርያም አንቺ ነሽ
ለፍጥረቱ ሁሉ መሠላል የሆንሽ
ነገን ባላውቅ እኔንም ቢያስፈራኝ
አንቺ ካለሽኝ በፍፁም አልወድቅም
በፊትሽ እንድቆም ለምስጋን
ማርያም ልበልሽ በትህትና

አዝ

ትውልዱ በሙሉ ለምስጋና ይቁም
በአንቺ ስለሆነ የቀረለት መርገም
አዳም ከነ ልጁ በሰማይ በምድር
ማርያም ማርያም ይበል ተዓምርሽን ይናገር
ጨለማውም ከፊቴ ተገፈ
ማርያም በምልጃሽ ልቤ አረፈ
ከጎኔ ነሽ ስልሽ እፅናናለሁ
እሳት ገደሉን ሁሉንም አልፈዋለሁ

ዘማሪ ቀሲስ ምንዳዬ ብርሃኑ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በቸርነት በይቅርታው አሰበን

በቸርነት በይቅርታው አሰበን
በፍቅሩና በምሕረቱ ጎበኘን
አምላካችን በሞቱ ወደደን
አምላካችን በሞቱ ወደደን

ተነጥቆ ሰላም እረፍታችን
ላያድን ላይፈውስ ጽድቃችን
ተጥለን ስንኖር በሞት
በደምህ ወጣን አርነት
በደምህ ወጣን ነጻነት

አዝ

የጭንቀት የመከራ ዓመት
ተረሳ በኢየሱስ ሞት
በፍጹም ፍቅሩ ወደደን
በሞቱ ከሞት አዳነን
በሞቱ ከሞት አዳነን

አዝ

ህዝቡን ሲያስጨንቅ የነበረ
የጠላት ቅጥሩ ተሰበረ
ማልቀስ ቀረልን መቅበዝበዝ
ገነት ገብተናል በእርሱ ወዝ
ገነትን ወረስን በእርሱ ወዝ

አዝ

ሰማይና ምድር ተስማሙ
ታጥበዋልና በደሙ
ነፃነት አዋጅ ተሰማ
አዜምን የጽድቅን ዜማ
ዘመርን የጽድቅ ዜማ

አዝ

ህዝቡን ሲያስጨንቅ የነበረ
የጠላት ቅጥሩ ተሰበረ
ማልቀስ ቀረልን መቅበዝበዝ
ገነት ገብተናል በእርሱ ወዝ
ገነትን ወረስን በእርሱ ወዝ

ዘማሪ ዲያቆን አቤል መክብብ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በዝማሬ ዳዊት ቻናል የምትለቋቸው መልዕክቶች እኛ ጋር Not supported ነው የሚለን ብላችሁ መልዕክት ለላካችሁልን ተከታታዮች በሙሉ፤ እባክዎ ከስር ባስቀመጥነው ሊንክ የቴሌግራም መተግበሪያዎን ያዘምኑት /Update/ ያድርጉት።

https://play.google.com/store/apps/details?id=org.telegram.messenger

Читать полностью…

🌼ተሰጥቶናል አዲስ አመት🌼

የአህዛብን  ፈቃድ ያረጋችሁበት
ጣዖትን በማምለክ ይኖራችሁበት
በምኞት በስካር በዘፈን
ያሳለፋችሁት ይብቃ ያለፈው ዘመነ

ያለ ልክ በመብላት በመጠጣት
በመስረቅ በመግደል በመዋሸት
የተመላለስ ነው በቂም በበቀል
የተተከለ አረም ከኛ ይነቀል
ተሰቶናል አዲስ ዘመን
ተሰቶናል አዲስ አመት
ለኃጢአት ሞተን ለጽድቅ እንኑርበት

አዝ

በከንቱ አንድከም በብዙ አንልፋ
ይህ የዓለም ጤዛ ነው ታይቶ የሚጠፋ 
በመንፈስ ቅዱስ ሃይል እንድንታደስ
በፍጹም ንስሐ አሁን እንመለስ
ተሰቶናል አዲስ ዘመን
ተሰቶናል አዲስ አመት
ለኃጢአት ሞተን ለጽድቅ እንኑርበት

አዝ

በድካም አይለቅ ዘመናችን
ቸርነቱ በዝቶ የተሰጠን
ብርሃናችንም በሰው ፊት ይብራ
ቅጠል ብቻ እንሁን ፍሬንም እናፍራ
ተሰቶናል አዲስ ዘመን
ተሰቶናል አዲስ አመት
ለኃጢአት ሞተን ለጽድቅ እንኑርበት

አዝ

ያለ ልክ በመብላት በመጠጣት
በመስረቅ በመግደል በመዋሸት
የተመላለስ ነው በቂም በበቀል
የተተከለ አረም ከኛ ይነቀል
ተሰቶናል አዲስ ዘመን
ተሰቶናል አዲስ አመት
ለኃጢአት ሞተን ለጽድቅ እንኑርበት

ዘማሪ በአቤል በገና ተማሪዎች
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፪

በዚህች ዕለት የካህኑ የዘካርያስ ልጅ መጥመቀ መለኮት ቅዱስ ዮሐንስ ዕረፍቱ ሆነ።

መጥምቀ መለኮት ቅዱስ ዮሐንስ ንጉሥ ሄሮድስን የወንድምህን ሚስት ልታገባ አልተፈቀደልህም እያለ ይዘልፈው ነበር። ዳግመኛም ሌላ ያደርገው ስለነበረው ክፉ ነገር ይገሥጸው ነበር። ቅዱስ ዮሐንስም በተግሣጽ ላይ ተግሣጽን በጨመረ ጊዜ ንጉሡ ቅዱስ ዮሐንስን ተቀየመውና በግዞት ቤት አኖረው።

በመጨረሻም ንጉሱ በዚህች ቀን ልደቱን ባከበረ ግዜ የሄሮድያዳ ልጅ በዘፈን አጥምዳ ቃል አስገባችው እርሱም የከበረች የቅዱስ ዮሐንስን አንገት ቆርጦ ሰጣት። አንገቱ ግን ክንፍ አውጥታ ትሰብክ ነበረ።

አበውም እንዲህ አሉ ;-

እምሔሶ ለሔሮድስ ይብላዕ መሐላሁ - ሔሮድስ መሐላውን በበላ በተሻለው ነበር።

ደቀ መዛሙርቱም ይህን በሰሙ ጊዜ
መጥተው በድኑን ወስደው ቀበሩት።

በረከቱ ይደርብን! አሜን
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ይህን ማድረግ ቀናችሁን ቀና ያደርጋል።

በ2017 ዓ.ም ሕይወታችሁን የሚለውጥ አንድ ልማድ ላጋራችሁ! ሁልግዜ ጠዋት ስራም ሆነ ትምህርት ከመጀመራችሁ በፊት በዕለቱ የሚታሰበውን የአንድ ቅዱስ ታሪክ ከስንክሳር አንብባችሁ ጀምሩ።

እንደው ግዜ አጥሮአችሁ ስንክሳር ማየት ካልቻላችሁ ወይም ስንክሳር ከሌላችሁ ግን ሁልግዜ ጠዋት ጠዋት አንድ ሰዓት ላይ በዝማሬ ዳዊት የቴሌግራም እና የፌስቡክ ገጽ የአንድ ቅዱስ ታሪክ ከስንክሳር በአጭሩ ስለምንለቅ እርሱን ሳያነቡ በፍጹም እንዳይውሉ። እንዲሁም ጠዋት የምንለቃቸውን ዝማሬዎችም በማድመጥ ቀናችሁን በመንፈሳዊነት ጀምሩ።

መልካም አዲስ አመት

የዝማሬ ዳዊት ገጽ አስተዳዳሪዎች
👉 @ortodoxmezmur

Читать полностью…

እግዚአብሔር የሚወዳችሁ እናንተም የምትወዱት ልጆቼ!

አዲሱ ዓመት የእውነት አዲስ ዓመት እንዲኾንላችሁ ካሻችሁ ነፍሳችሁን ከኀጢአት ቀንበር አላቋት እንጂ ድጋሜ በኀጢአት ሸክም አትጫኗት፡፡ አሮጌው ዓመት እንዳለቀ ስታዩ እግዚአብሔርን አመስግኑት፡፡

ወደሌላ ዘመን አሸጋግሯቸዋልና እግዚአብሔርን አመስግኑት፡፡ ልቡናችሁንም ውቀሱት፡፡ በዕሜአችሁ ስንት ጊዜ እያለፈ እንደ ኾነ እያሰባችሁም ራሳችሁን እንዲህ ብላችሁ ጠይቁት፡-

ቀናት እየሮጡ ነው፡፡ ዓመታቱም እየነጐዱ ነው፡፡ የዕድሜዬ መንገድም እየተጋመሰ ነው፡፡ ታዲያ ምን በጐ ምግባር ያዝኩ? ከዚህ ምድር የማልፍበት ቀን እየቀረበ ነው፡፡ ታዲያ ምን የጽድቅ ሥራ ሠራሁ? በዚህ ዕድሜዬ መሥራት የነበረብኝ ምግባር ትሩፋት ዕድሜዬ ሲገፋ ማድረግ አልችልም፡፡ ታዲያ ዕድሜዬ ሲገፋ ማድረግ የማልችላቸውም የጽድቅ ሥራዎች (ፆም፣ ጸሎት፣ ስግደት፣ አገልግሎት፣… ዕድሜ ሲገፋ ይከብዳሉና) እንዳቅሜ እያደረግኩ ነውን? በማለት ልቡናችሁን ጠይቁት፡፡

ቅዱስ ዮሐንስ አፈወርቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼አምላክ ሆይ ባርክልን🌼

ውድ የዝማሬ ዳዊት ተከታታዮች እንኳን ከዘመነ ዮሐንስ ወደ ዘመነ ማቴዎስ በሰላም አሸጋገራችሁ።

የዝማሬ ዳዊት ቻናል ለመላው ሕዝበ ክርስቲያን መልካም አዲስ ዓመትን ይመኛል። መልካም በዓል🌼🌼🌼

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

"...ያክለ ክሙ ዘሐለፈ መዋዕል"
"...ያለፈው ዘመን ይበቃችኋል"

፩ኛ ጴጥ ፬ ÷ ፫

ውድ የዝማሬ ዳዊት ቤተሰቦች እንኳን ከዘመነ ዮሐንስ ወደ ዘመነ ማቴዎስ በሰላም አሸጋገራችሁ። የዝማሬ ዳዊት ቻናል ለመላው ሕዝበ ክርስቲያን መልካም አዲስ ዓመትን ይመኛል።

👉 @ortodoxmezmur

Читать полностью…

🌼ዘመንን ሰጠኝ እንዳመሰግን🌼

ሳይቆጥር ለዚህ ያደረሰኝ
    ማነው እንደ እርሱ
ሳይተሳሰብ በደሌን ትቶ
     ጸጋ ሞገሱ
     ዘመንን ሰጠኝ
እንዳመሰግን በመቅደሱ

ይደንቀኛል ምህረቱ
ርኅራኄው ውበቱ
ገደብ አልባ ከፍታ
ፍቅር ልቡ የጌታ

          አዲሱን ቀን እንዳየው
         ጨለማዬን ሊያበራው
         ከዘመናት ስፋት ላይ
         አስጌጠልኝ በፀሐይ

አ/ዝ

ሲመግበው አለሙን
ሲያረሰርስ ቃዴስን
በፍቅር ዜማ ማራኪ
ወንዙን ውኃውን ባራኪ

            እስከ ልኩ እየሞላ
           ወይንን ጨምርኩ ዘለላ
           ባወድሰው ቀን በቀን
          አይገልጸውም ምሕረቱን

አ/ዝ

እያጠራው ሰማዩን
እየራሰ ምድርቱን
በከዋክብት አስውቦ
ጸጋ ምሕረት ደርቦ

        ተራራውን  ነቅሶታል
         ልምላሜ ኩሎታል
         ከዘመናት እፍታ
        ባርኮ ሰጠኝ ይቅርታ

አ/ዝ

አየዋለሁ ሲሰራ
ዘወትር ለኔ ሲራራ
ያስነባኛል ዘወትር
አዲሱን ቀን ሲቀምር

        አላፍርበት በስሙ
        ስለ ዳንኩኝ በደሙ
        የመውደዱን ፍለጋ
       ገዝቶ አሳየኝ በዋጋ

አ/ዝ

እያጠራው ሰማዩን
እየራሰ ምድርቱን
በከዋክብት አስውቦ
ጸጋ ምሕረት ደርቦ

         ተራራውን  ነቅሶታል
         ልምላሜ ኩሎታል
         ከዘመናት እፍታ
        ባርኮ ሰጠኝ ይቅርታ

ዘማሪ፦ ዲያቆን አቤል መክብብ

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​​​🌼 ልጄ ሆይ እንደ ዘመኑ አንተም ተለወጥ

ልጄ ሆይ....... ወጣትነት ፈትኖህ፤ለስጋህ አድልተህ፤ነፍስህን አቀጭጨኻት ከአለም የኖርክበትን ዓመትህን ጥለኸው በንሰሐ እንደ ዘመኑ አንተም ተለወጥ።

ልጄ ሆይ ..... በአዲስ አመት ለአምላክህ የሚገባህን ግብር ትፈፅም ዘንድ በፍቅሩ አፀድ እንድትገኝ ካለመታዘዘ ተለወጥ።

ልጄ ሆይ ....... በአፈር ከሚሸነፈው ስጋዊ ዘርህ ወጥተህ ሰማያዊነትን ከሚያለብስህ ከማይጠፋው ሰማያዊ ዘር ክብረት ታደርግ ዘንድ ሰውን ካለመውደድ ጥላቻ ተለወጥ።

ልጄ ሆይ ...... በምክንያቶች ተደልለህ አፅዋማትን ዘለህ፤ምስጋናን ነፍገህ፥አገልግሎትን ንቀህ ከአለም ጫጫታ ውስጥ የዘፈቀውን ማንነትህ እንዳያጠፋህ እንደ ዘመኑ አንተም ተለወጥ።

ልጄ ሆይ ...... ዲያቢሎስ በቃል እንዳያስትህ፤በማማለል እንዳይጠልፍህ የመንጋውን ጠባቂ ቃልን ስማ፤ የመታዘዝን በረከት ታገኝ ዘንድ ከትምህክትህ እንደ ዘመኑ አንተም ተለወጥ።

ልጄ ሆይ .....ቀናት ሳይሆን መንፈስህ ይለወጥ፤ፀሐይ ሳትሆን የህይወት ጀንበርህ ይለወጥ።

ልጄ ሆይ ......ዕለታት አይሰልጥኑብህ፤ ዘመናት እስከ ሞትህ ጥግ ድረስ እስኪገፉህ ሳትጠብቅ አንተም እንደ ዘመንህ ተለወጥ

ልጄ ሆይ .....የእግዚአብሔር ፍቅር ለተከፈተ ልብ ቸር ነው ። ርህራሄው ጥልቅ ነው ። በአምሳሉ ፈጥሮሃል እና እንዳትጠፋ አንድያ ልጁን ለሞት አሳልፎ እስከመስጠት የደረስ ጥልቅ ፍቅር አሳይቷል ። ስለዚህ ከዘመንህ ቀድመህ ተለወጥ።

ልጄ ሆይ ...አዛኝቷን ተለማመን፤መላአኩን ተማለደው ፤ቀደምት ቅዱሳን አባቶችህን ጥራ፤ ፃድቃንን ዘክር እንጅ ላለመለወጥ ተማምለው ቀናት ብቻ ከሚለወጥባቸው ሰልፈኞች ተርታ አትገኝ ።

በንስሐ ወደ በረቱ የምንመለስበት ዘመን ይሁንልን! አሜን

🌻 መልካም አዲስ አመት ይሁንልን
ወስብሐት ለእግዚአብሔር
ለወዳጅዎ ሼር ያድርጉ!
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼ምስባክ
መስከረም 1/1/2017 ዓ.ም
🌼የዐውደ አመት ምስባክ🌼

ምስባክ ፦ መዝ 64 ÷ 11-13

ወትባርክ አክሊለ ዓመተ ምሕረትከ ።
ወይጸግቡ ጠላተ ገዳም ።
ወይረውዩ አድባረ በድው ።

ትርጉም ፦

በቸርነትኽ አመትን ታቀዳጃለኽ
ምድረ በዳውም ስብን ይጠግባል።
የምድረ በዳ ተራራዎች ይረካሉ
ኮረብታዎችም በደስታ ይታጠቃሉ።

🌼 @ortodoxmezmur 🌼
🌼 @ortodoxmezmur 🌼
🌼 @ortodoxmezmur 🌼

Читать полностью…

አምላኬ መቅደስህን እወደዋለሁ

አምላኬ መቅደስህን እወደዋለሁ
በውስጡ ለመኖር እናፍቃለሁ
ሰላም እንድሆን በቤት በደጄ
ወደ ማደርያህ ልምጣ ማልጄ

እንድሰለጥን በመላእክት ዜማ
የሕወትን ቃል ከአፍህ ልስማ
እንዲቀል ሸክሜ ከትክሻዬ
ወደ ዙፋንህ ልቅረብ ጌታዬ
መልካም በሚልዋት በመቅደስህ
ሳመልክህ ልኑር ስማጸንህ

አዝ

ተመለሰልኝ ደስታ ሰላሜ
ቤትህ መጥቼ በመሳለሜ
ስጋዬም ዳነ ታደሰች ነፍሴ
ወደ ማደርያህ በመግስገሴ
መልካም በሚልዋት በመቅደስህ
ሳመልክህ ልኑር ስማጸንህ

አዝ

የተማርኩባት የሰላም ቅኔ
የተባረከው እድሜ ዘመኔ
የተለወጠው ሞቴ በሕይወት
እኔ እናፍቃለሁ የእግዚያብሔርን ቤት
መልካም በሚልዋት በመቅደስህ
ሳመልክህ ልኑር ስማጸንህ

አዝ

የሰማይ ዜማ የሚሰማባት
ሰዎች ከሀዘን የሚጽናኑባት
የጸሎት ስፍራ የአምልኮት ቦታ
ቤተክርስትያን ውድዋ ስጦታ

ዘማሪ ገ/ዮሐንስ ገ/ማርያም
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፬

በዚህች ዕለት የእስክንድርያ ሊቀጳጳሳት አባ መቃርስ አረፈ።

አባ መቃርስ ከታናሽነቱ ጀምሮ በገድል የተጠመደ ነበር የምንኩስናንም ልብስ ሊለብስ ወዶ ወደ አስቄጥስ ገዳም ወጣ።በዚያም መነኮሰ በምንኩስናም ያለውን ታላቅ ተጋድሎ ተጋደለ።

ከእርሱ በፊት የነበረ ሊቀጳጳስ አባ ሚካኤል በአረፈ ጊዜም ኤጲስቆጶሳቱ ወደ አስቄጥስ ገዳም ሂደው አባ መቃርስን ሊሾሙት ተስማሙ። አባታችን ግን ለዚች ሹመት የተገባው አይደለሁም ብሎ ሹመቱን እንቢ አለ ቢሆንም ግን በገመድ አስረው ሾሙት።

በሹመቱ ወራትም ከራሱ ከሚገባውን ግብር ለቤተክርስቲያን ይሰጣል ለድኖችና ለችግረኞችም ይመጸውታል እንጅ ከቤተክርስቲያን ገንዘብ ምንም ምን አልወሰደም። በሹመቱም ሃያ ሰባት ዓመት ኖረ እግዚአብሔርንም በአገልግሎት ደስ አሰኝቶ በዚህች ዕለት አረፈ።

በረከቱ ይደርብን! አሜን
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​​​የከበሮ ክፍል ምሳሌያዊ ትርጉም

የከበሮ ክፍል ምሳሌያዊ ትርጉም አለው። ምሳሌውን ግልጽ ለማድረግ ከታች ያለውን ስዕላዊ  መግለጫ እንመለከት እና ወደ ትንታኔው እንሂድ።

ከበሮ የጌታችን የመድኃኒታችን የኢየሱስ ክርስቶስ ምሳሌ ነው። ግራና ቀኝ ሲመታ ስንመለከልት  ጌታችን በአይሁድ እጅ በጥፊ መመታቱን ያስታዉሰናል።

፩. ሰፊው የከበሮው አፍ

የመለኮት ምሳሌ ነው። ይህ  የከበሮ አፍ የጌታችንን የባህሪ  አምላክነት  ምሉዕ በኵለሄ መሆኑን ስልጣኑ ወሰን ድንበር  እንደሌለው የሚያስታውሰን ነው። የአፉን መስፋት ስንመለከት በአጭር  ቁመት  በጠባብ ደረት ተወስኖ  የተገለጠው ኢየሱስ ክርስቶስ  በህልውና በመለኮት  ባሕርይ አባቱ ከአ ባሕርይ ሕይወቱ ከመንፈስ ቅዱስ ጋር የተስተካከለ ሁሉን የያዘ ሁሉን የሚገዛ መሆኑን እናስባለን።

፪. ጠባቡ የከበሮው አፍ

የትስብእት ምሳሌ ነው በመዝሙር ጊዜ 
እየተቆረቆረ ድምጽ የሚሰጠው ጠባቡ 
የከበሮ አፍ የወልድ እግዚአብሔርን በጠባብ ደረት በአጭር ቁመት ተወስኖ መገለጥ የሚያመለክተን ነው። ፍጥረታትን ሁሉ የሚገዛ እሱ በስልጣኑ ሽረት በመለኮቱ ኅልፈት የሌለበት ቢሆንም ስጋን ተዋህዶ ተገልጧል። ይህንን ጠባብ የከበሮ  አፍ  ስንመለከት ሁሉን የሚገዛ እሱ በአጭር ቁመት በጠባብ ደረት መወሰኑን እናስባለን። ዩሐ፤፩፡፩-፩፬

፫. ከበሮው የሚለብሰው ጨርቅ

  
ከበሮ የጌታችን ምሳሌ እንደሆነ ከላይ 
አይተናል። ከዚህ አንጻር የለበሰው ጨርቅደግሞ በዕለተ ዓርብ አይሁድ ጌታችንን ያለበሱት ጨርቅ (ቀይ ከለሜዳ) ምሳሌ ነው። 

''ልብሱንም ገፈው ቀይ ልብስ አለበሱት'' ማቴ 26:28

፬. በከበሮው ላይ የተለጠፈው ጠፍር

 
በጌታችን ጀርባ ላይ የታየው የግርፋት ሰንበር ምሳሌ ነው። ጠፍሩን በከበሮው ላይስንመለከት በጌታችን ጀርባ ላይ የታየውን ሰንበር እናስታውሳለን።

''እጆቼን እና እግሮቼን ቸነከሩኝ አጥንቶቼ ሁሉ ተቆጠሩ'' መዝ 21(22):16

እንዲል ጌታችን አጥንቱ እስኪቆጠር ጀርባው እስኪቆስል ተገርፏልና የዚያ
ምሳሌ ነው።

፭. የከበሮው ማንገቻ

የከበሮውን መምታት ስናስብ በአንገታችን የምናስገባው ማንገቻ ጌታችንን አስረው  የጎተቱበት ገመድ ምሳሌነው። አይሁድ ጌታችንን ወደ ቀራኒዮ ሲወስዱት የእጁ መጋፊያና መጋፊያ እስኪገጥም ድረስ በገመድ የእንግርግሪት አስረው ጎትተውታል ማንገቻውን ከበሮው ላይ ስናይ ይኽንን ጌታችን የታሰረበትን
ገመድ እናስታውሳለን።

በተጨማሪም በከበሮ ውስጥ የሚገኙት አምስት ጠጠሮች የአምስቱ አእማደ ሚስጥራት ምሳሌዎች ናቸው።

Читать полностью…

ሰላም ውድ የዝማሬ ዳዊት ተከታታዮች

ትላንት ምሽት በጠየቅነው ጥያቄ መሰረት አጠቃላይ እስከ አሁን ድረስ 2,060 የሚሆኑ የዝማሬ ዳዊት ተከታታዮች የተሳተፉ ሲሆን ትክክለኛውን መልስ ያገኙት ግን 1,526 ሰዎች ብቻ ናቸው።

ይህም የሚያሳየው ከ500 በላይ የሚሆኑት ጥያቄውን በግምት ወይም ጠዋት የተለቀቀውን አጭር የስንክሳር ታሪክ ሳያነቡ ነው። ስለዚህ እባካችሁ የሚለቀቁት ለእናንተ ስለሆነ በሚገባ አንብቡት ከቀናችሁ ላይ ከ5 ደቂቃ በላይ አይወስድም ጥቅሙ ግን በቁጥር የሚለካ አይደለም።

ሰላመ እግዚአብሔር ከሁላችንም ጋር ይሁን! አሜን

Читать полностью…

መስከረም ፫

አባ ዲዮናስዮስ ዕረፍቱ ነው፡፡ ይኸውም የእስክንድርያው ሊቀ ጳጳሳት ሲሆን እርሱም የትንሣኤ ሙታንን ድርሳን የደረሰው ነው፡፡ ይኸውም

ነፍስ ከሥጋ ጋር ትሞታለች፣ በትንሣኤም ከሥጋ ጋር  አብራ ትነሣለች

የሚሉ መናፍቃን ከዐረቢያ አገር በመነሳታቸው ቅዱስ ዲዮናስዮስ በግብጽ የአንድነት ገባዔ አድርጎ ቢያስተምራቸው እምቢ ቢሉት ዛሬ በቤተ ክርስቲያን ስለ ትንሣኤ ሙታን የሚነገረውንና የነፍስን ረቂቅነት፣ ዘላለማዊና ሕያዊት መሆኗን የሚናገር ድርሳን ደረሰ፡፡

ከደረሳቸው ድርሰቶች መካከልም፦

በዚህ በቸርነቱ ስጦታ ውስጥ የእግዚአብሔር ፍቅር የጎላ የተረዳ ሆነ ነፍስ ረቂቅ ስለሆነች እንደ መላእክት በሕይወት እንድትኖር እንጂ እንዳትሞት እንዳትጠፋም ማድረጉ ነው።

ከሥጋዋ በምትወጣ ጊዜ ስለ በጎ ሥራዋ እንደሚገባት መጠን ወደ ሕይወት ቦታዋ ይወስዷታል ወይም እንደ ሥራዋ ክፉነት ወደ ሥቃይ ይወስዷታል።

በትንሣኤ ቀንም ንቃሕ መዋቲ ተብሎ አዋጅ ሲነገር በፈጣሪያቸው ትዕዛዝ የሙታን በድኖች ሲነሡ ነፍሳት እንዲህ ይሆናሉ እያንዳንዲቱ ነፍስ ከሥጋዋ ተዋሕዳ አብራ ትነሳለች።

እግዚአብሔርንም ሲያገለግል ኖሮ በዛሬዋ ዕለት በሰላም አርፎ ወደ ሚወደው አምላክ ሄደ።

በረከቱ ይደርብን! አሜን
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼አዲስ አመት አዲስ ዘመን🌼

አዲስ አመት አዲስ ዘመን 
የሰጠኸን ጌታ ክበር ተመስገን

ምድርን በአበባ አጊጠህ አሳምረህ
ክረምትና በጋን ታፈራርቃለህ
የማታንቀላፋ ሳተፍ እንኳ ለአፍታ
ተመስገን አዲስ ቀን በሰጠኸን ጌታ 2
እንኳን ለዚህ ቀን አደረሳችሁ
እንኳን እግዚአብሔር አብሮ አደረሰን 2

አዝ

የመከራ ዘመን ታለፈና ዛሬ
ለአዲስ አመት በቃን ይኸውና ዛሬ
ዘመን ለፍስሃ ሰተኸናልና
የዘመናት ጌታ ይድረስህ ምስጋና 2
እንኳን ለዚህ ቀን አደረሳችሁ
እንኳን እግዚአብሔር አብሮ አደረሰን 2

አዝ

በአመቱ ያድርሰን ብለን ተመራርቀን
የዓመታት ባለቤት ይኸው አደረሰን
እድሜ ጤና ሰጥተህ ለዚህ ቀን ደርሰናል
የጊዜ ባለቤት በብዙ ረድቶናል 2
እንኳን ለዚህ ቀን አደረሳችሁ
እንኳን እግዚአብሔር አብሮ አደረሰን 2

አዝ

ከሩቅ ሀገር ያለው ላገሩ አብቃውና
የአባቶች ምርቃት ያግኝ እንደገና
ውዳሴ ምስጋና ለአንተ እናቀረባለን 2
እንኳን ለዚህ ቀን አደረሳችሁ
እንኳን እግዚአብሔር አብሮ አደረሰን 2

አዝ

የመከራ ዘመን ታለፈና ዛሬ
ለአዲስ አመት በቃን ይኸውና ዛሬ
ዘመን ለፍስሃ ሰተኸናልና
የዘመናት ጌታ ይድረስህ ምስጋና 2
እንኳን ለዚህ ቀን አደረሳችሁ
እንኳን እግዚአብሔር አብሮ አደረሰን 2

ዘማሪ ዳግማዊ ደርቤ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼ያለፈው ዘመኔ ይበቃኛል🌼

ያለፈው ዘመኔ ይበቃኛል 2
በአምላክ መታመኔ ይሻለኛል 2

እውነት በሌለበት በውሸቱ ኑሮ
ነፍሴ እየባዘነች በኃጢአት ቀጠሮ
አሁን ግን ተረዳሁ ይበቃኛል
እግዚአብሔር አምላኬ ይሻለኛል

አዝ

ካራን ተሰሎንቄ ባቢሎንና ግብፅ
አይኔን ቢጋርዱኝ በእግዚአብሔር እንዳምፅ
ዛሬ ግን ማዳኑን አየሁት
ያዳነኝን አምላክ ወደድኩት

አዝ

ጌታን ባለማወቅ የተጓዝኩትጉዞ
በሀጢያት በእርኩሰት ህሊናዬ ናውዞ
ሰማሁት አወኩት ቃልህን
በእርሱ ላይ አቀናሁ መንገዴን

አዝ

እረፍት ያጣሁበት ያለፈው ዘመኔ
ዛሬ ጠፍቶልኛል ተወግዷ ከአይኔ
ህግህ ለመንገዴ ብርሀን ነው
አዲስ ሰው የሆንኩት በአንተው ነው

ዘማሪት ሲስተር ሕይወት ተፈሪ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼የአዋጅ ነጋሪ ቃል🌼

የአዋጅ ነጋሪው ቃል በበረሃ አየለ
የእግዚአብሔርን መንገድ አስተካክሉ እያለ
ምስክርነቱን ዮሐንስ ካስረዳ
ልባችን ለጌታ መልካም መንገድ ይሁን

የደናግል መመኪያ የነቢያት ገዳም
አውደ አመቱን ባርኪልን ድንግል ማርያም
የደናግል መመኪያ የነቢያት ገዳም
ሀገራችንን ባርኪልን ድንግል ማርያም

ተራራው ዝቅ ይበል ጠማማውም ይቅና
ካልተስተካከለ መንገድ የለምና
የእግዚአብሔርን መንግስት እንመስርት ሁላችን
ማረፊያ እንዲሆነን ለመጪው ሃብታችን

የደናግል መመኪያ የነቢያት ገዳም
አውደ አመቱን ባርኪልን ድንግል ማርያም
የደናግል መመኪያ የነቢያት ገዳም
ቤተክርስቲያን ጠብቂ ድንግል ማርያም

ክፋትና ተንኮል ከልባችን ይጥፋ
ጽድቅና ርህራሄ በኛ ላይ ይስፋፋ
ሥጋና ደምህን በክብር አግኝተናል
ህይወት እንዲሆነን አምላክ ተማጽነናል

የደናግል መመኪያ የነቢያት ገዳም
አውደ አመቱን ባርኪልን ድንግል ማርያም
የደናግል መመኪያ የነቢያት ገዳም
ሀገራችንን ጠብቂ ድንግል ማርያም

ሁለት ልብሶች ያሉት ከማብዛት ልብስን
ለሌለው ያድለው  ሁለተኛውን
ከበደላችንም አንጻን አደራህን
በክፉ እንዳንጠፋ እኛ ባህሮችህ

የደናግል መመኪያ የነቢያት ገዳም
አውደ አመቱን ባርኪልን ድንግል ማርያም
የደናግል መመኪያ የነቢያት ገዳም
ሀገራችንን ጠብቂ ድንግል ማርያም

ክፋትና ተንኮል ከልባችን ይጥፋ
ጽድቅና ርህራሄ በኛ ላይ ይስፋፋ
ሥጋና ደምህን በክብር አግኝተናል
ህይወት እንዲሆነን አምላክ ተማጽነናል

የደናግል መመኪያ የነቢያት ገዳም
ቤተክርስቲያንን ጠብቂ ድንግል ማርያም
የደናግል መመኪያ የነቢያት ገዳም
አውደ አመቱን ባርኪልን ድንግል ማርያም

ዘማሪት ፀዳለ ጎበዜ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼 እንደምን በረታች 🌼

እንደምን በረታች ዳነች ሰውነቴ
ብትወደኝ እኮ ነው አቤት መድኃኒቴ
ይቺን ዓመት ደግሞ አንተ ብትተወኝ
ወዳጄ  መውደድህ ፍቅርህ አስለቀሰኝ ×2

የአህዛብን ፈቃድ ያደረኩበት ቀን
እንደምን ይቆጠር ገብቶ በእኔ ዘመን
ካየሁ ጀምሮ ይቆጠር እድሜ
ሳላውቀህ የኖርኩት እኔ አይደል ጌታዬ ×2

አዝ

የትግስት መጠን ስፋቱ ጥልቅ ነው
ሁሌም እያጠፋሁ ቃልህ የፍቅር ነው
ረቡኒ ተናገር ላድመጥ በዝምታ
እስራቴ ይውለቅ ስትናገር ጌታ ×2

አዝ

በእኔ ውስጥ ምሰሶ እያለ ተጋርዶ
አይኔ ያያል የሰው የበደልን ነዶ
አልታዘዝ ብዬ ልቤን ሳትታዘብ
ሰው እየከሰስኩም አደረከኝ ገንዘብ ×2

አዝ

ሰው ፊትን እያየ ሞገስን ሲያበዛ
ሚዛንህ ልብ ነው የዓለሙ ቤዛ
ከአገር የሰፋውን የእኔን እዳ ምህረ
ለትንሽ ስጨክን ይቅር አለኝ ፍቅር
ከአገር የሰፋውን የእኔን እዳ ምህረ
ለትንሽ ስጨክን ይቅር አለኝ ልብህ

ስላልተውከኝ ክበር ስላልተውኝ ንገስ
የልቤ መድኃኒት ተስፋዬ ኢየሱስ ×2

ዘማሪ ዲያቆን አቤል መክብብ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼 አዲስ ዘመን አየን🌼

ኧኸ በጽድቃችን አይደል
ኧኸ በመልካም ስራችን
ኧኸ በቸርነቱ ነው
ኧኸ ለዚህ የደረስን
መውጣት መግባታችን እርሱ ሲፈቅድ ነው
አዲስ አመት አየን ከሞት የተረፍነው

ሜዳው ምድረ በዳው ደምቆ በአበባ
አዲስ ቀን ተሰጠን ይሄው ዘመን ጠባ
የሰማይ ጠል ወርዶ ምድር ረሰረሰ
ዝማሬን ይሰዋ ለዚህ የደረሰ

አ/ዝ

ዘመን አክሊል ሆነ የክብር ሽልማት
ባርኮ ሲለግሰን የምሕረትን ዓመት
የሚያስፈልገንን ስለሚያውቅ ቀድሞ
ለንስሐ ሰጠን ዛሬን እንደከርሞ

አ/ዝ

መልካሞች ቀኖችን ማየት የሚፈልግ
ከክፋ እርቆ መልካም ነገር ያድርግ
ዘመን የሚከፋው መልካም የሚያደርገው
የሰው ልጅ ሕይወት ነው ሁሉን የሚያበጀው

አ/ዝ

ጆሮ ስንቱን ሰማ ስንቱን አየ አይናችን
ባሳለፍነው አመት ባሳለፍነው ዘመን
ዳግመኛ ከቸርከን ፈቅደህ እንድንኖር
የእርቅ አድርግልን የሰላም የፍቅር

አ/ዝ

ሰዓታትን በቀን ቀንን በሳምንታት
እያፈራረቀ ወራትን በአመታት
በበዛው ምህረቱ ጨመረልን እድሜ
ለመንግስቱ ግዛት የለውም ፍጻሜ

ዘማሪ ሊቀ መዘምራን ቴዎድሮስ ዮሴፍ

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

🌼 አምላክ ሆይ ባርክልን በዓሉን 🌼
                                           

አምላክ ሆይ ባርክልን በዓሉን /2/      

ባርክልን ኧኸ በዓሉን
ለዛሬ ዓመት ኧኸ አድርሰን
ሠላም ፍቅር ኧኸ አድለን
በዕምነታችን ኧኸ አበርታን
በአንድነት ኧኸ አቁመን                             

አምላክ ሆይ ባርክልን በዓሉን /2/                 

ጽኑ ሠላም ኧኸ ለሐገሪቱ
እንዲጦሩ ኧኸ አዛውንቱ
ወጣቱ እና ኧኸ ሕጻናቱ
ያለ ጊዜ ኧኸ እንዳይሞቱ
አንድም ሳይጎድል ኧኸ በመሃላችን
ለዓመት ያብቃን ኧኸ አምላካችን                                  

አምላክ ሆይ ባርክልን በዓሉን /2/               

አገልጋዩን ኧኸ ከመቅደሱ
እንዲኖሩ ኧኸ ሲያወድሱ
ታቦቱንም ኧኸ ከመንበሩ
አታናውጠው ኧኸ ከደብሩ
ወታደሩን ኧኸ በድንበሩ
ጠብቅልን ኧኸ በበረከት
ቸሩ ጌታ ኧኸ የፍቅር አባት       

ድንግል ሆይ ባርኪልን በዓሉን /2/                  

ለባርኮ ኧኸ አውደ ዓመት
ንዒ ማርያም ኧኸ በምሕረት
ያዘነው ኧኸ እንዲጽናና
የተከዘው ኧኸ እንዲል ቀና
በሐገር ውስጥ ኧኸ ውጭም ላለው
በበረከት ኧኸ አትለይው                             

ድንግል ሆይ ባርኪልን በዓሉን                   

የናቁሽም ኧኸ ጽዮን ብለው
ይሠግዳሉ ኧኸ ፊትሽ ወድቀው
ካኅናቱ ኧኸ በማሕሌቱ
በቅዳሴው ኧኸ በሠዓታቱ
ከልጅሽ ጋር ኧኸ ከዓለም ጌታ
ዘመሩልሽ ኧኸ በዕልልታ
                           
ድንግል ሆይ ባርኪልን በዓሉን               
ባርኪልን  ኧኸ /4/

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም 1 

በዚህች ቀን ከአስራሁለቱ ሐዋርያት አንዱ የሆነው በርተሎሜዎስ ምስክር ሆኖ አረፈ።

ወንጌልን እዲሰብክ የክብር ባለቤት በሆነ በጌታችን በኢየሱስ ክርስቶስ ተመርጦ ወደ ተለያዩ ሀገሮችና እግዚአብሔርን ወደማያውቁ ሰዎች እየተላከ  ወንጌልን እየሰበከ፣ እያስተማረና፣ ተአምራትን እያደረገ ሕዝቡን ወደ አምልኮተ እግዚአብሔር እየመለሰ ኖረ።

ሙታንን እያስነሳ፣ የተቆረጡ በሰው እጅ ላይ ያሉ የወይን ቅርንጫፎችን ፍሬ እንዲያፈሩ እያደረገና ብዙ ድንቅ ተአምራትን እየሰራ ሕዝቡን ይመልስ ነበር።

በአንድ ሀገር የነበረ ንጉስ አግሪጳም ስለርሱ በሰማ ጊዜ በከበረ ሐዋርያ በርተሎሜዎስ ላይ እጅግ ተቆጣ በማቅ ከረጢት ውስጥ እንዲያደርጉትና አሸዋ ሞልተው ከባሕር እንዲጥሉት አዘዘ እንዲሁም ይህን አደረጉበት። ምስክርነቱንና ተጋድሎውንም በዚች ዕለት ፈጸመ።

በረከቱ ይደርብን! አሜን
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

"...ያክለ ክሙ ዘሐለፈ መዋዕል"
"...ያለፈው ዘመን ይበቃችኋል"                        

      ፩ኛ ጴጥ ፬ ÷ ፫

👉 @ortodoxmezmur

Читать полностью…

🌼ምስባክ

መስከረም 1/1/2017 ዓ.ም

🌼በዕለቱ ቅዳሴ ሰዓት የሚነበቡ
መልዕክታት፣ወንጌልና ምስባክ።

ዲያቆን፦ 2 ቆሮ 6÷1-11
ንፍቅ ዲያቆን፦ ያዕ 5÷8-13
ንፍቅ ካህን፦ ግብረ ሐዋርያት፦ 5÷12-17

ምስባክ ፦ መዝ 141÷ 6-8

አድኅነኒ እምእለ ሮዱኒ እስመ ይኄይሉኒ።
ወአውጽኣ እሞቅሕ ለነፍስየ።
ከመ እግነይ ለስምከ እግዚኦ።

ትርጉም ፦

እጅግ ተቸግሬያለኹና ወደ ልመናዬ አድምጥ
በርትተውብኛልና ከሚያሳድዱኝ አድነኝ።
አቤቱ ስምክን አመሰግን ዘንድ።

ወንጌል ፦ ማቴ 11÷1-20
ቅዳሴ ፦ ዘወልደ ነጎድጓድ

🌼 @ortodoxmezmur 🌼
🌼 @ortodoxmezmur 🌼
🌼 @ortodoxmezmur 🌼

Читать полностью…

​​​​​​🌼 "የዕንቁጣጣሽ" ሥያሜ አመጣጥ?

ዓመታት ተፈጽመው አዲስ ዓመት ስንጀምር ቅዱስ ዮሐንስ፣ ዓውደ ዓመት፣ አዲስ ዓመት ፣ ዕንቁጣጣሽ እየተባለ ይጠራል፡፡ ሊቃውንተ ቤተክርስቲያን እንደሚያስረዱት ዕንቁጣጣሽ የሚለው ስያሜው አመጣጥ ወይም ጥንተ ታሪክ በመጀመሪያ ኖኅ ለሦስቱ ልጆቹ አህጉራትን በዕጣ ሲያካፍላቸው አፍሪቃ ለካም ደረሰችው፡፡

በአፍሪቃ ምድርም ሲገባ በመጀመሪያ ያረፈው በኢትዮጵያ ነበር፡፡ ሀገሪቱም በአደይ አበባ አሸብርቃ ነበር፡፡ ወሩ ወርኃ መስከረም በመሆኑ ደስ ብሎት «ዕንቁ ዕጣ ወጣሽልኝ» ይህችን ወቅት እንቁጣጣሽ ብሏታል፡፡

ሁለተኛው ደግሞ የሀገራችን ንግሥት ንግሥተ ሳባ የንጉሥ ሰሎሞንን ዜና ጥበብ እየሰማች ስታደንቅ ትኖር ነበር፡፡ በጆሮዋ የሰማችውን በዓይኗ ዓይታ ለመረዳት ስለፈለገች በግመሎች ላይ ሽቱና እጅግ ብዙ ወርቅ እንዲሁም በኢትዮጵያ የሚገኝ በኢየሩሳሌም የማይገኝ ልዩ ልዩ ገጸ በረከት አስጭና ከብዙ ሠራዊት ጋር ወደ ኢየሩሳሌም ገባች፡፡

ከንጉሡ ሰሎሞንም ጋር ተገናኝታ የያዘችውን ገጸ በረከት ከሰጠችው በኋላ ብዙ ነገሮችን ጠየቀችው፡፡ እርሱም አንድ ነገር ላይ ሰውሮ ሁሉንም ገለጸላት፡፡ ቤተ መንግሥቱንም፣ በቤተ መንግሥቱ የሚገኙ እጅግ በጣም የከበሩ ዕቃዎችን ሁሉ አስጎበኛት፡፡

ሲያበቃ «ዕንቁ ለጣትሽ ጌጥ ይሁንልሽ» ሲል እጅግ በጣም የከበረ ዕንቁ አበረከተላት/ሰጣት/፡፡ ወሩም ወረኃ መስከረም ነበር፡፡ ከዚህ በመነሣት እንቁጣጣሽ የሚለው መጥቷል፡፡ አሁን ከሚፈጸመው ሥነ ሥርዓት ደርሶ በመፈጸም ላይ ይገኛል፡፡ የሚከበረውም መስከረም አንድ ቀን ነው፡፡

አንድም «ዕንቁ ዕፅ አወጣሸ» ብሎ የአበባውን መፈንዳትን ያስረዳናል፡፡

መልካም አዲስ አመት ይሁንልን
ወስብሐት ለእግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…