ጥቅምት ፩ /1/

በዚህችም ቀን ቅድስት አንስጣሲያ በሰማዕትነት አረፈች። ይህችም ቅድስት መስተጋድልት ከሮሜ አገር ናት ወላጆቿም ክርስቲያኖች ናቸው ጠቃሚ የሆነ ትምህርትን በማስተማር ክብር ባለው በመልካም ሥርአት አሳደጓት።

በአደገችም ጊዜ ወላጆቿ ሊያጋቡአት ፈለጉ እርሷ ግን በሥውር በሮሜ ከሚገኙ ወደ አንዱ ገዳማት ሂዳ የምንኩስና ልብስን በመልበስ በጾም በጸሎት በረኃብ በጽምዕ በመጠመድ ሥጋዋን አደከመች በቀኑ ርዝመት ትጾማለች በየሁለት ቀኖችም ታከፍላለች በጌታችን ጾም ግን ያለ ሰንበታት ቀን አትመገብም።

ከዚሕም በኋላ የንጉስ ዳኬዎስ ወታደሮች ክርስቲያኖችን አሥረው በቁጣ ሲጎትቷቸው አይታ ልቧ በሃይማኖቷ ፍቅር ነደደና እንዲህ ብላ ዘለፈቻቸው

የእውነት ፈጣሪን የካዳቹ ልባቹ የደነዘዘ እግዚአብሔር በመልኩና በአምሳሉ በፈጠራቸውና ስለ እነርሱም ነፍሱን አሳልፎ በሰጣቸው ላይ ለምን እንዲህ ትሠራላቹ።

ወታደሮቹም ይሕን ሲሰሙ ተቆጡ ይዘውም ወደ መኮንኑ አቀረቧት እርሱም እንዲህ ብሎ ጠየቃት በእውነት አንቺ የተሰቀለውን የምታመልኪው ክርስቲያን ነሽን እርሷም ስለእኛ የተሰቀለውን ክብር ይግባውና እርሱን አመልከዋለው ብላ መለሰችለት።

በዚያን ጊዜ ጽኑ ሥቃይን አሠቃያት በሥጋዋም እሳትን ጨመረ ከዛም ዘቅዝቆ ሰቀላት ከበታቿም አጤሱባት ከሃይማኖቷም ባልተናወጸች ጊዜ ራሷን በሰይፍ ቆረጧት። በመንግስተ ሰማያትም የሰማዕትነት አክሊልን ተቀበለች።

የቅዱሳን በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ትክክለኛው የዝማሬ ዳዊት የቲክቶክ ገጽ ይህ ነው።
https://vm.tiktok.com/ZMhDY21ox/
https://vm.tiktok.com/ZMhDY21ox/

Читать полностью…

መስከረም ፴ /30/

በዚህች ቀን የእስክንድርያ ሊቀ ጳጳሳት በሆነ በከበረና በተመሰገነ በአባ አትናቴዎስ ላይ ክብር ይግባውና ጌታችን ኢየሱስ ክርስቶስ ላደረገው ተአምር መታሰቢያ ሆነ።

ይህም ሁለተኛም ቁስጠንጢኖስ ወደ ረከሰች የአርዮስ ሃይማኖት በገባ ጊዜ የእስክንድርያውን ሊቀ ጳጳሳት አባ አትናቴዎስን አሳድዶ ከሀዲውን ጊዮርጊስን በእስክንድርያ መንበር ላይ ሾመው።

ቅዱስ አትናቴዎስም በተሰደደበት ስድስት ዓመት ኖረ። ከዚህም በኋላ ወደ ንጉሡ ሔዶ እንዲህ አለው ወደ ተሾምኩበት መንበሬ ትመልሰኝ እንደሆነ መልሰኝ ይህ ካልሆነ የምስክርነት አክሊልን እንድቀበል ግደለኝ አለው። ንጉሱም እርሱን ቢገድለው እንደሚበጠበጥ አውቆ በብልሐት ሊያጠፋው ወሰነ።

በመርከብ አድርጎ ምግብ እና መጠጥ እንዲሁም ቀዛፊ በሌለበት በሜድትራኒያን ባሕሪ ላይ ጣለው። መለዕክትም እየመገቡት እና መርከቡን እየቀዘፉለት እስክንድሪያ አደረሱቱ። የምእመናን ወገኖችም ደግ ጠባቂያቸው እንደ ደረሰ በሰሙ ጊዜ በታላቅ ደስታ እየዘመሩ ተቀብለውታል፡

የቅዱሳን በረከታቸው ይደርብን አሜን !
ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የሕንጻ ቤተ ክርስቲያን አሰራር ሥርዓት

እግዚአብሔር በባሕርይ ምልዓቱ የተነሳ የሌለበት ቦታ ባይኖርም  ውስን ፍጥረታት እኛ ለሕሊናችን በሚስማማ ሁኔታ በውሱን ቦታ  እንድናመልከው አዝዞናል፡፡ ይህም ለእኛ መሰብሰቢያ ብቻ ሳይሆን እርሱም በእኛ በረድኤትና በጸጋ ላለመለየቱ የቃል ኪዳን ቦታ መሆኑ  ነው። እስራኤልን

‹‹በመካከላችሁ አድር ዘንድ መቅደስን ሥሩልኝ›› ያላቸው ለዚህ ነው፡፡ ዘጸ ፳፤፱

ሰዎችም ምሕረትና ይቅርታ ረድኤትና  በረከት ሲፈልጉ ወደዚህ ቦታ ይመጣሉ። የሐዲስ ኪዳን ቤተ ክርስቲያንም ያለሥርዓት አትተከልም ቅዱስ ጳውሎስ  ‹‹ ... የኩነኔ አገልግሎት በክብር ከሆነ የጽድቅ አገልግሎት በክብር  አብዝቶ ይበልጣልና ያ የከበረ እንኳ እጅግ በሚበልጠው ክብር ምክንያት በዚሁ ነገር ክብሩን አጥቷልና ያ ይሻል የነበረው በክብር ከሆነ ጸንቶ  የሚኖረውማ እጅግ ይልቅ በክብር ይሆናል፡፡›› ብሎ እንደተናገረው  በሐዲስ ኪዳን ቤተ ክርስቲያን የምትተካው ቤተመቅደስ ይህን ያህል ሥርዓት ከነበራት በሌላ የማትተካው በክርስቶስ ደም የተመሠረተችው ቤተክርስቲያን ይልቁንም እጅጉን ትከብራለችና በሥርዓት ትተከላለች ፪ቆሮ ፫፤፯-፲፩ ማንኛውም ቤተክርስቲያን በተለያየ ቅርጽ ቢሠራም 
ሦስት ክፍል አለው፡፡ ይኸውም በሰሎሞን ቤተመቅደስ አምሳል ነው። ምክንያቱም ለብዙ ክርስትና እምነት ሥርዓት መሠረቱና ምሳሌው የብሉይ ኪዳን ሥርዓት ነውና፡፡

ሀ. ቅኔ ማኅሌት፡- ስያሜው ከግብሩ የተወረሰ ነው፡፡ ይህ ክፍል በቤተ  ክርስቲያን ከውጪ ወደ ውስጥ ስንገባ በመጀመሪያ የምናገኘው ክፍል ነው፡፡ መዘምራን ስብሐተ እግዚአብሔር ማኅሌተ እግዚአብሔር የሚዘምሩበት ነውና። በዚሁ ክፍል ሰሜን ምስራቅ በኩል ቀሳውስትና ዲያቆናት በመንፈቀ ሌሊትና በነግህ ሰዓታት ይቆሙበታል፡፡ በምዕራብ አቅጣጫ መዘምራን የሚዘምሩበት፣ ቅኔ የሚቀኙበት፣ ማኅሌት ቆመው የሚያስቀድሱ ሲሆን ንፍቅ ዲያቆናት፣  አናጉንስጢስና መዘምራን በዚህ ሥፍራ ያስቀድሳሉ፡፡ በዚሁ ክፍል ደቡብ ምስራቅ በኩል የሚገኘው ቦታ የሴቶች  መቆሚያ ነው፡፡ በቤተ ክርስቲያን ሥርዓት ወንድና ሴት አብረው መቆም ስለማይችሉ በመጋረጃ ይጋረዳል፡፡ በምሥራቅ የካህናት፤ በሰሜን የወንዶች፤ በደቡብ የሴቶች መግቢያ ይሆናል፡፡ በቤተ ክርስቲያኑ በአራቱ ማዕዘናት አቅጣጫዎች አራት ወይም ሦስት በሮች አሉት፡፡

ለ. ቅድስት፡- ቅድስት ማለት ቀጥተኛ ትርጉሙ የተመረጠ፤ የተለየ  ማለት ነው፡፡ ይህ ክፍል የሚገኘው በቤተ ክርስቲያን ማዕከላዊ ቦታ ነው፡፡ በምዕራብ በኩል ቆመው ማስቀደስ የሚችሉት ቆሞሳት፣ ቀሳውስትና ዲያቆናት ሲሆኑ በሰሜን በኩል ቆመው ማስቀደስ የሚችሉት ደግሞ መነኮሳት፣ የሚቆርቡ ወንዶች ምእመናን ናቸው፡፡ በስተደቡብ በኩል  ቆመው ማስቀደስ የሚችሉት ደግሞ ንጽሕ ጠብቀው የኖሩ ደናግል  መነኮሳት እንዲሁም መአረገ ክህነት ያላቸው ቀሳውስትና ዲያቆናት  ምዕመናን ናቸው፡፡

በተጨማሪም በቤተ ክርስቲያኑ በአራቱ ማዕዘናት አቅጣጫ አራት በሮች አሉት። በቅዳሴ ጊዜ በስብከተ ወንጌል ሰዓት መምህራን ቆመው የሚያስተምሩበት  ክፍልም ነው፡፡ ካህናት በድርገት ጊዜ ምዕመናንን የሚያቆርቡበት ቦታ ነው፡፡ በተክሊልና በቁርባን ለሚጋቡ ሙሽሮች ሥርዓተ ተክሊል የሚፈጸምበት ነው፡፡

በስቅለት ዕለት ሥርዓተ ጸሎት ይፈጸምበታል፡፡ ካህናት ኪዳን ዘነግህ ያደርሱበታል፡፡ የማይቆርቡ ምዕመናን በዚህ ቦታ ቆመው ማስቀደስ አይችሉም፡፡

ሐ. መቅደስ፡- መቅደስ ስያሜው ከብሉይ ኪዳን ‹ቅድስተ ቅዱሳን› አሰያየም ጋር ተመሳሳይነት ያለው ሲሆን በዚህ ውስጥ ኅብስቱ ወደ አማናዊ ሥጋ መለኮት ወይኑም ወደ አማናዊ ደመ መለኮት በጸሎተ ቅዳሴ የሚለወጥበት ሥርዓተ ቅዳሴው የሚመራበት ቅዱስ ሥጋውና  ክቡር ደሙ የሚፈተትበት ነው። መንበረ ታቦቱና ሌሎችም ንዋያተ ቅድሳት በዚህ ክፍል ውስጥ ይገኛሉ፡፡ በዚህም ክፍል ከርዕሰ ሊቃነ ጳጳሳት ጀምሮ ሊቃነ ጳጳሳት፣ ጳጳሳትና ኤጲስቆጶሳት ያስቀድሱበታል፤ ቀሳውስትና ዲያቆናትን ጨምሮ በዚህ ክፍል ሥጋ ወደሙንም ይቀበሉበታል፡፡ ወደዚህ ክፍል ለመግባት የሚችሉት ከርዕሰ ሊቃነ ጳጳሳት ጀምሮ ፣ ጳጳሳትና ኤጲስቆጶሳት፡ ቀሳውስትና ዲያቆናት ብቻ ናቸው፡፡

ወስብሐት ለእግዚአብሔር
ምንጭ:-ሥራዓተ ቤተክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፱

በዚህች ዕለት ቅድስት አርሴማ እና አብረዋት የነበሩ ደናግሎች ሰማዕት ሆኑ።

ለንጉሥ ዲዮቅልጥያኖስ የቅድስት አርሴማን ሥዕሏንም ሥለው ላኩለት ንጉሡም ሥዕሏን በአየ ጊዜ እጅግ ደስ አለውና ለሠርግ እንዲመጡ ወደ መኳንንቱ ላከ።

ደናግልሉም ይህን ነገር በአወቁ ጊዜ ይረዳቸው ዘንድ ወደ እግዚአብሔር ለመኑ። ከዚህም በኋላ ተነሥተው ወደ አርማንያ በሥውር ሸሹ። ከእርሷ ጋርም ሰባ አምስት ወንዶችና ሠላሳ ዘጠኝ ሴቶች ነበሩ።

ለአርማንያ ንጉሥ ለድርጣድስ ከዲዮቅልጥያኖስ ሸሽታ እንደ መጣች የአርሴማን ሥራ ነገሩት እርሱም አንዱን ወታደር ወደ እኔ አምጣት ብሎ አዘዘው። እርሷም ወደ እርሱ መምጣትን እምቢ በአለች ጊዜ እየጎተቱ ወሰዷት።

ድርጣድስም እናቷ አጋታን እሺ ታሰኝለት ዘንድ አዘዛት አጋታም ወደርሷ ሒዳ ልቧን አስጨከነች እንዲህም አለቻት። ሰማያዊ ሙሽራሽን እንዳትተዪ እርሱም ክብር ይግባውና የእግዚአብሔር ልጅ ሕያው ክርስቶስ ነው።

ንጉሡም ይዞ ወደ እልፍኙ ሊአስገባት ከአደባባይ መካከል ተነሥቶ ድንግል አርሴማን ያዛት። በዚያንም ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው እርሱ ግን በጦርነት እጅግ የጸና አርበኛ ስለ ነበር በታናሽ ሴት ብላቴና ስለተሸነፈ ያን ጊዜ አፈረ። ራሷንም በሰይፍ ይቆርጡ ዘንድ አዘዘና ቆረጧት ከዚህም በኋላ ደናግሉን ሁሉ ከእናታቸው አጋታ ጋር ይገድሏቸው ዘንድ አዘዘ። በዚህች ዕለትም ሰማዕትነትን ተቀበሉ።

የቅዱሳን በረከታቸው ይደርብን አሜን !
ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አማኑኤል ይቅር ባይ ነው ፍቅር

አማኑኤል ይቅር ባይ ነው ፍቅር
ምህረት ከቦት በሰማያት ሚኖር
እያመመው አባቱን እየጠራ
አይቻለሁ ለሚገድሉት ሲራራ

አይምረኝም አትበሉ ጨካኝ ንጉስ አይደለም
ደሙ ብቻ ያነጻናል ከኃጢአታችን ዘለዓለም
እንደሞላ ጅረት ፈሶ ምድራችንን አጥለቅልቋል
የእርሱ ምህረት ኃያል ሆኖት ስንቱ ከሞት አፈትልኳል
መድኃኔዓለም ይቅር ባይ ነው ፍቅር
ምህረት ከቦት በሰማያት ሚኖር
እያመመው አባቱን እየጠራ
አይቻለሁ ለሚገድሉት ሲራራ

የጨለመው እየነጋ የተሻለ ቀን ይመጣል
በፍቅሩ ጦር ሳይወጋ ማን ከሞት ፊት ሮጦ ያመልጣል
ያን ክፉ ቀን በድል አልፈን እንደዋርካ የሰፋነው
ነውርን ሁሉ በሚከድን በሞተልን በኢየሱስ ነው
ጌታ ኢየሱስ ይቅር ባይ ነው ፍቅር
ምህረት ከቦት በሰማያት ሚኖር
እያመመው አባቱን እየጠራ
አይቻለሁ ለሚገድሉት ሲራራ

የእርሱን ፍቅር የሚያሸንፍ አንዳች ኃጢአት የለምና
ወደ ጌታ ለመመለስ አንዳች እንኳን እንዳትፈራ
ሃገራችን በሰማይ ነው የሚወድቅ የለም የሚረሳ
ሰማያትን እንወርሳለን በበጉ ደም የተነሳ
ጌታ ኢየሱስ ይቅር ባይ ነው ፍቅር
ምህረት ከቦት በሰማያት ሚኖር
እያመመው አባቱን እየጠራ
አይቻለሁ ለሚገድሉት ሲራራ

ወዳጅ አለን አንድ ብቻ በሰማይም በምድር
ስሙ ኢየሱስ የተባለ ሰውን ሁሉ የሚያፈቅር
ከመቃብር በላይ ሆኖ ፍቅሩ ዓለምን አስገረመ
ይህን ሁሉ ጎስቋል ሰው በትከሻው ተሸከመ
ጌታ ኢየሱስ ይቅር ባይ ነው ፍቅር
ምህረት ከቦት በሰማያት ሚኖር
እያመመው አባቱን እየጠራ
አይቻለሁ ለሚገድሉት ሲራራ

ዘማሪ ዲ/ን ዕዝራ ኃይለ ሚካኤል
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አክሊለ ጽጌ ማርያም

አክሊለ ጽጌ ማርያም አክሊለ ጽጌ/2/
አክሊለ ጽጌ ማርያም አክሊለ ጽጌ/2/
ቀጸላ መንግስቱ መንግስቱ ለጊዮርጊስ
ቀጸላ መንግስቱ መንግስቱ ለጊዮርጊስ
ክበበ ጌራ ወርቅ
ክበበ ጌራ ወርቅ
አክሊለ ጽጌ
ክበበ ጌራ ወርቅ
ክበበ ጌራ ወርቅ
አክሊለ ጽጌ
ክበበ ጌራ ወርቅ
ክበበ ጌራ ወርቅ
አክሊለ ጽጌ
ክበበ ጌራ ወርቅ
ክበበ ጌራ ወርቅ
አክሊለ ጽጌ

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መድኃኔዓለም ሥምህ ገናና

በሰማያት ላይ ከፍ ከፍ በል
ክብርህም በምድር ይነገራል
ዘመን የሚዋጅ አለን ምስጋና
መድኃኔዓለም ሥምህ ገናና /2/

አዝ

እልፍ አዕላፍ መላዕክት
ቢቆሙ ካንተ ፊት
አያርፉም ይተጋሉ
ሥሉስ ቅዱስ እያሉ
ያለና የሚኖር /2/
አንተ ነህ እግዚአብሔር

አዝ

ሊቃናት ይጮሃሉ
በጉ ድል ነሳህ እያሉ
የወርቅ ጽንሐ የያዙ
ምስጋናህን አበዙ
ያለና የሚኖር /2/
አንተ ነህ እግዚአብሔር

አዝ

በደምህ የታተሙ
ኃይልህን ተሸከሙ
የቅኔ ዑደት ሆነ
ክብርህ በዓለም ገነነ
ያለና የሚኖር /2/
አንተ ነህ እግዚአብሔር

አዝ

በዙፋኑ ሥር ካሉት
ከሰባቱ መናፍስት
ከታመነው ምስክር
አዲስ ውዳሴ መዝሙር
ያለና የሚኖር /2/
አንተ ነህ እግዚአብሔር

ዘማሪ ገ/ዮሐንስ ገ/ ጻድቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በብርሃን ጸዳል

በብርሃን ጸዳል ተከባ እመቤቴ
በደመና ዙፋን ተቀምጣ ከፊቴ
የጽጌውን ዜማ ስዘምር በደስታ
በምስጋናሽ መጠጥ ሲሰማኝ እርካታ

አዝ

እንባዬ ሲቀዳ ናፍቆትሽ መስጦኝ
ከደስታ በላይ አንቺን ስላየሁኝ
ምኞቴ ተሳክቶ ፊትሽን አይቼው
የሌሊቱ ሕልሜ የቀን ምኞቴ ነው

አዝ

እሩህሩህ ነሽና ይህ ህልሜ ተሳክቶ
አመስግኜሽ ድንግል ህሊናዬ ረክቶ
ልጅሽ ልሁን ድንግል ከስርሽ አልጥፋ
አንቺን በማመስገን ሕሊናዬ ይትጋ

አዝ

ልጅሽ ልሁን ድንግል ከስርሽ አልጥፋ
አንቺን በማመስገን ሕሊናዬ ይርካ
የምስጋናሽ ብዕር ብራናሽ ልሁን
ስምሽ ይጻፍብኝ በልዩ ሕብር

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አጋጣሚ_አይደለም

አጋጣሚ አይደለም መትረፌ መዳኔ
የጌታ ተአምር ነው አረ ይገርማል የኔ
ሞት እንቅልፍ ሆነልኝ ጭንቀቴ ቀለለ
የረዳኝ ጌታ ነው ውዴ እየተከተለ

አዝ

ማነው በዛ በረሀ ያበላኝ መና ያጠጣኝ ውሀ
ማነው የደገፈኝ ጥልቁን ሸለቆ ያሻገረኝ
አንተ ነህ ለኔ እናት አባቴ
ፍፁም ወዳጄ ስጋና አጥንቴ
አይኔ አይነቀል ከዙፋንህ
ፊት አያዞርም ፍቅር አይንህ

አዝ

ወሮኝ ድቅድቅ ጨለማ ተስፋዬ መክኖ ልቤ ሲደማ
አይቶ ሲፈስ እንባዬ ደመና ጠቅሶ መጣ ጌታዬ
ፀሐይ ነውና የብርሀን አምዴ
ኢየሱስ ለኔ ህይወት መንገዴ
አልተሸነፍኩም ውዴ አግዞኛል
መቃብር ከፍቶ ህይወት ሰቶኛል፤

አዝ

ሲለይ ነፍስ ከስጋ በጨለማ ቀን በክፉ አደጋ፤
ዳንኩኝ ሞት እያየኝ የንስሀ እድሜ ጨመረልኝ፤
በፅድቄ አይደለም የተረፍኩት
በሱ ፍቅር ነው በሱ ምህረት
ብቻዬን ሆኜ ሁሌ ማለቅሰው
እየበደልኩት ስላዳነኝ ነው፤

አዝ

ሞት ሆይ መውጊያህ የታለ
ብሎ ጥሎሀል እየታገለ
ሲኦል ድል መግዛትህ
ባዶ ቀርተሀል ተበዝብዘህ
በእራሱ መንግስት ፈጥሮኝ በአላማ
የልጁን ህይወት ማንም አይቀማ
መቃብር ያልፋል በአገልግሎቴ
ተከፍቶልኛል ደጁ የአባቴ

ዘማሪ ዲ/ን አቤል መክብብ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​​​ፆመ ፅጌ / የፅጌ ፆም

የእመቤታችን ስደት በጾም በጸሎት የምታስቡ ወይም የምታሳልፉ የእመቤታችን የድንግል ማርያም የቃልኪዳን ልጆች ከወዲሁ እንኳን አደረሳችሁ።

ለጽጌ ጾም ካላቸው ፍቅር የተነሳ አንዳንድ ምዕመናን ጽጌ ጾም መቼ ነው የሚገባው እያሉ የሚጠይቁ ስላሉ ከወዲሁ ለማስታወስ ጾመ ጽጌ ከመስከረም 26 እስከ ኅዳር 5 ያለው አንድ ወር ከዐሥር ቀን ወይም 40 ቀን ወርኃ ጽጌ፣ ዘመነ ጸጌ፣ ተብሎ ይጠራል፡፡

በነዚህም ቀናት በየቤተክርስቲያኑ የሚነበቡ ምንባቦች፣ የሚዘመሩት መዝሙሮች፣ የሚሰበከው ስብከት፣ የሚቆመው ማኅሌት በጠቅላላው የሚነገረው ስብሐት እግዚአብሔር ሁሉ ሰማይ በከዋክብት ምድር በጽጌያት አሸብርቀው የሚታዩ መሆናቸውን የሚገልጽ ነው፡፡

ወርኃ ጽጌ ለሚከናወነው መንፈሰዊ አገልግሎት መነሻው "መልአኩ ሕፃኑንና እናቱን ወደ ግብፅ ይዘሃቸው ሽሽ፣ የሕፃኑን ነፍስ ሊገድሉት ይፈልጋሉና" ሲል ለዮሴፍ በሕልሙ በነገረው መሠረተ ዮሴፍም ሕፃኑንና እናቱን ድንግል ማርያምን ይዞ ወደ ግብፅ መሰደዱና እመቤታችንና ሕፃኑ ሦስት ዓመት ከመንፈቅ በስደት ከኖሩ በኋላ /ራእይ.12፣6/ ወደ አገራቸው ወደ ናዝሬት የመመለሳቸው መታሰቢያ ነው፡፡ /ማቴ 2፣13-23፣ ት.ኢሳ.19፣1፣ እንባቆም 3፣6-7፣ መዝ.83፣3/፡፡

ይህንንም በ14ኛው መቶ ክፍለ ዘመን የተነሡ አባ ጽጌ ብርሃን ፍሬ ከአበባ አበባም ከፍሬ እንደሚገኝ ሁሉ እመቤታችን ቅድስት ድንግል ማርያምንና ልጇን ኢየሱስ ክርስቶስን በአበባና በፍሬ እየመለሰ በሚያስረዳው ድርሰታቸው እንዲህ በማለት ገልጸውለታል፡፡ "አፈወ ሮማን ማርያም ጽጌ ቀናንሞ ወአበሜ፣ እስከ ተጸምሐየየ በጾም ዘመልክዕኪ ጊዜ ድክታሜ፣ እምተመነይኩ ተሳትፎ ከመ አኅትኪ ሰሎሜ፣ ወፍሥሓኪ ዘአልቦ ፍጻሜ"፡፡ ሲተረጎምም የሮማን ሽቱ የቀናንሞ አበባ የምትሆኚ ማርያም ሆይ፣ በርሃብ በጾም አበባ የመሰለ የመልክሽ ደም ግባት እስኪጠወልግ ድረስ በስደትና በልቅሶ የደረሰብሽን ችግርና ድካም መከራሽንም ሁሉ እንደ እኅትሽ እንደ ሰሎሜ አብሬሽ ብቀበል ምኞቴ ነበር፤ በዚህ ፍጻሜ የሌለውን ደስታሽን እሳተፍ ነበር፡፡

እንዲሁም አባ አርክ ሥሉስ በስደቷ የደረሰባትን ኀዘን ፣ ልቅሶና ሰቆቃ አስመልክተው በደረሱት "ሰቆቃወ ድንግል" በሚለው ድርሰታቸው እንዲህ አሉ፣ ፀሐይን የምትለብሽ የብርሃን ልጅ ቅድስት ድንግል ማርያም ከክፉ ከሄሮድስ ዘንድ ልጅሽን ባሸሸሽ ጊዜ የደረሰብሽን ችግሮች ጨረቃን የሚጫሙ እግሮችሽ በመንገድ ብዛትና በአሸዋ ግለት እንደ ጎበጎቡ ሲሰማ ሰው ይቅርና ድንጋዩም ባለቀሰ ነበር”

የእመቤታችን የስደቷ መታሰቢያ ወር በቤተ ክርስቲያናችን የሚከበረው በማኅሌት፣ በቅዳሴና በዝክር ነው፡፡ በወርኃ ጽጌ ባሉት ሳምንታት ከቅዳሜ ማታ እስከ እሑድ ጠዋት አበው ካህናት የሚያቀርቡት ዝማሬ ከቅዱስ ያሬድ ድጓ፣ ከማኅሌት ጽጌና ከሰቆቃው ድንግል የተውጣጣና ሦስት ወገን ያለው ነው፡፡

ዝክሩም፣ በአሁኑ ወቅት በከተሞች አካባቢ እየተረሳ ቢመጣም፣ ዘወትር እሑድ የአንድ አካባቢ ሰዎች ማዕከላዊ በሆነ ቦታ ተሰባስበው በእመቤታችን ስም የሚዘክሩት ነው፡፡ ዐቅመ ደካሞች፣ ድሆችና መንገደኞች ተጠርተው በእመቤታችን ስም እንዲበሉና እንዲጠጡ ይደረጋል፡፡ ይህም ትውፊት እመቤታችን ወደ ኢትዮጵያ በመጣች ጊዜ ኢትዮጵያውያን አባቶችና እናቶች ያደረጉላትን መስተንግዶ ለማሰብ ነው፡፡

ከእመቤታችን በረከት ያሳትፈን አሜን!
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የአካኮ አቡነ ገብረመንፈስ ቅዱስ ገዳም ተዐምር

Читать полностью…

መሐረኒ ድንግል

መሐረኒ ድንግል ወተሰሐለኒ በበዘመኑ /2/
ለእመ መሐርከኒ /3/ አንቲ ዘይኮንነኒ መኑ
ኩናኔ ሥጋ ወነፍስ /2/ ወልድኪ አኮኑ

አዝ

ይጠሩሻል ካህናቱ
ንኢ ይሉሻል በሰዓታቱ
ለለመነሽ የማትቀሪ
በልቤ ውስጥ ፀንተሽ ኑሪ
የሥጋና የነፍስ ፈራጅ /3/
ልጅሽ አይደለም ወይ
መሐርኒ ድንግል ወተሰሐለኒ በበዘመኑ /2/
ለእመ መሐርከኒ /3/አንቲ ዘይኮንነኒ መኑ

አዝ

የአዲስ ኪዳን ኪሩብ የሆንሽ
ለምኝልን ከአንዱ ልጅሽ
እርግብየ ሰናይትየ
ነይ ወደኔ ነይ ወልድየ
ኩናኔ ሥጋ ወነፍስ /3/ ወልድኪ አኮኑ
ማሪኝ ድንግል ማርያም ይቅርም በይኝ በየዘመኑ/2/
ድንግል ሆይ ከማርሽኝ
እናቴ ሆይ ከማርሽኝ
ድንግል ሆይ ከማርሽኝ
ልጅሽ አይፈርድብኝ

አዝ

በዓለም መኖር ሰልችቶኛል
መልካም መስራት አቅቶኛል
እጄን ይዘሽ ድንግል ምሪኝ
አዛኝቷ አትለይኝ
የሥጋና የነፍስ ፈራጅ /3/
ልጅሽ አይደለም  ወይ
መሐርኒ ድንግል ወተሰሐለኒ በበዘመኑ /2/
ለእመ መሐርከኒ/3/ አንቲ ዘይኮንነኒ መኑ

አዝ

እበላለሁ ብዬ ማርያም
እመካለሁ ባንቺ አላፍርም
ካንቺ ወዴት እሄዳለሁ
ስምሽን ልጥራው እጽናናለሁ
ኩናኔ ሥጋ ወነፍስ/3/ ወልድኪ አኮኑ
ማሪኝ ድንግል ማርያም ይቅርም በይኝ በየዘመኑ/2/
ድንግል ሆይ ከማርሽኝ 
እናቴ ሆይ ከማርሽኝ
ድንግል ሆይ ከማርሽኝ
ልጅሽ አይፈርድብኝ

ዘማሪ በሱፍቃድ አንዳርጋቸው
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በተለይ ለኦርቶዶክሳውያን

አምልኮ/ምስጋና/ ማለት ክርስቶስ ራስ ለኾነላት ቤተ ክርስቲያን ለተባለችው አንዲት አካል ብልት ለመኾን የምንጋደልበት ሰማያዊ ሥርዓት ነው። ኦርቶዶክሳውያን በአምልኮ ጊዜ እርስ በእርሳችን ብቻ ሳይኾን ከመላእክትም ጋር ረቂቅ አንድነት አለን። "በሰላም ማሠሪያ (ይህን) የመንፈስ አንድነት ለመጠበቅ እንድንተጋም" ታዘናል። (ኤፌ.4÷3)።

ወደዚህ ሰማያዊ ኅብረት ይመጡ ዘንድም ለዓለም ኹሉ እንደ ሐዋርያቱ እንጮኃለን፤ "ወደ ክርስቶስ ኅብረት በሃይማኖት ኑ" እንላለን። "እናንተ ደግሞ ከእኛ ጋር ኅብረት እንዲኖራችሁ ያየነውንና የሰማነውን ለእናንተ ደግሞ እናወራላችኋለን። ኅብረታችንም ከአባት ጋር ከልጁም ከኢየሱስ ክርስቶስ ጋር ነው " እንዲል ሐዋርያው።
(1ኛ ዮሐ. 1÷3)።

ይህን በማድረግ ፈንታ ግን በማይመች አካሔድ ከማያምኑ ጋር መሰለፍ በሃይማኖታችን አይፈቀድም። ስለዚህ ማንም ኦርቶዶክሳዊ በሌላ ማኅበረሰባዊ ጉዳይ እንጂ በሃይማኖት ከማያምኑ ጋር ቢተባበር ራሱን ለካህን ያሳይ፣ በንስሐ ይመለስ።

ወንጌላችንም የሚለው የሚከተለውን ነው:-

"ከማያምኑ ጋር በማይመች አካሄድ አትጠመዱ፤ ጽድቅ ከዓመፅ ጋር ምን ተካፋይነት አለውና? ብርሃንም ከጨለማ ጋር ምን ኅብረት አለው? ክርስቶስስ ከቤልሆር ጋር ምን መስማማት አለው? ወይስ የሚያምን ከማያምን ጋር ምን ክፍል አለው?" (2ኛ ቆሮ. 6÷14-15)።

እኔም እላለሁ - ኦርቶዶክሳዊ ከኢሬቻ/ዋቄፈና ጋር ምን ኅብረት አለው?

+ የኢሬቻና የኢኩሜኒዝም አካሔድ መመሳሰል - ሌላው ሥጋት?

የዓለማዊነት (Secularism) አቀንቃኞች ከፖለቲካ ዲሞክራሲን ፣ ከምጣኔ ሀብት የነፃ ገበያ ኢኮኖሚን ፣ ከሃይማኖት ፕሮቴስታንቲዝምን ይመርጣሉ፣ ይደግፋሉ። እነዚህ ሦስቱም በዓለማዊነት አቀንቃኞች መደገፋቸው: ለአንድ ማኅበረሰብ በኹሉም መልክ ለዘብተኝነትን ( Liberalism) ስለሚያለማምዱ ነው። አንድ ማኅበረሰብእ ለዘብተኛ ከኾነ ደግሞ ቸልተኝነቱ ይጨምርና ኹሉን ችላ በማለት በእነርሱ ቁጥጥር ሥር ለመዋል ምቹ ይኾናል። ስለዚህ ለዚህ አካሔድ ወግ አጥባቂ (Conservative) ኾነው የሚያስቸግሯቸው ኦርቶዶክሶች ኹሉ (Orthodox Christians, Orthodox Jews, Orthodox Muslims) ጥርስ ውስጥ የገቡ ናቸው። በተለይ የኢትዮጵያ ኦርቶዶክስ ተዋሕዶ ቤተ ክርስቲያንን የመሰሉ በሥርዓትና በዜማ የደመቁ አብያተ ክርስቲያናትን ለዘብተኛ ለማድረግ በተሐድሶ እንቅስቃሴና በተለያዩ መንግሥታዊ ተጽዕኖዎችም ጭምር እንዲጎዱ ተደርጓል።

ለዚህ ለዓለማዊነት እንቅስቃሴ የተሸረበው ሌላው ሴራ ደግሞ (ምንም እንኳን ጠቃሚ ጎን ቢኖረውም) የኢኩሜኒዝም (Ecumenism) እንቅስቃሴ ነው። ይህን እንቅስቃሴ በቅርቡ እነ ዶክተር ወዳጄነህን የመሳሰሉት እንደሚከተሉት በግልጽ አስረድተው ነበር። በዚሁ እንቅስቃሴ ስም የሚንቀሳቀሱት አንዳንዶች ታዲያ "ከኹሉም ሃይማኖት ጥሩ ጥሩውን ፣ የጋራውን እንውሰድ" በሚል መርሕ ሌላ ዓይነት ፕሮቴስታንቲዝምን ይዘውና ሃይማኖትን በልካቸው አበጅተው ብቅ ብለዋል። ይህንን የሚደግፉት በዋናነት ግላዊነትን የሚያበረታቱት ፕሮቴስታንቶችና ዓለማውያን ናቸው።

ኢሬቻም የዚሁ ኮፒ እየኾነ ነው። በኦሮሞ ፕሮቴስታንቶችና በፕሮቴስታንታዊው ኦዲፒ ከሞላ ጎደል ካለ ምንም ማንገራገር ይደገፋል። ኢኩሜኒዝም በክርስትና ስም የሚንቀሳቀሱትን ማዕከል ያደረገ ቢሆንም፣ ኢሬቻ/ዋቄፈና ደግሞ ሙስሊሙንም፣ ኦርቶዶክሱንም ፣ ፕሮቴስታንቱንም ማዕከል አድርጓል። ይህም በተለይ ኦርቶዶክሱን በኦሮሙማ ስም ከኦርቶዶክሳዊነት ለማለዘብ የተነደፈ ሴራ ይመስላል።

"ምን ችግር አለው?" የሚል ለዘብተኛ ኦርቶዶክስ ደግሞ በስም እንጂ በግብር የቤተ ክርስቲያን ሊኾን አይችልም። ስለዚህ በተለይ የኦሮሞ ኦርቶዶክሳውያን ትልቅ አስተዋይነትን የሚጠይቅ ጊዜ ላይ እንዳላችሁ ልትገነዘቡት ይገባል። ከኦርቶዶክሳዊነትና በተወዳጅ ባሕል ስም ከመጣ ሌላ እምነት መካከል ያላችሁ የምትወስኑበት ጊዜ እንደኾነ ይሰማኛል።

ኹለቱንም መኾን አይቻልም። ወይ ከጊዜ በኋላ በቅርቡ የሚበርደውን የወቅቱን ሞቅታ መምረጥ ወይም ደግሞ ካለችበት ከፍታ ላይ ሳትወርድ ለዘመናት የኖረችውን ተዋሕዶን መምረጥ ያሻል።

እግዚአብሔር ቤተ ክርስቲያናችንንና ምዕመኖቿን፣ ሀገራችንንና ዜጎችን ይጠብቅልን። አሜን።

hilinabzehohite@gmail.com
©ዘሕሊና
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አኑሮኛል ቸርነትህ

አኑሮኛል ቸርነትህ ልክ የሌለው ደግነትህ
እንዳንተ አይነት ከየት ይገኛል
ሁሉም ነገር ትዝ ይለኛል/2/

እዝ

ያቺ ፈዋሽ አዳኝ እጅህ
ዛሬም ለኔ ተዘርግታ
በሐጢያት ርቄ እንዳልጓዝ
አስረኸኛል በውለታ
ደግሞስ ህይወት ምርጫ ቢሆን
ካንተ ወደማን ይኬዳል
አባቴ ፍቅርህ እኮ
ጌታዬ ፍቅርህ እኮ
አለምን ያስክዳል

እዝ

ሞቼ ነበር ተቀብሬ
ጌታ ወደ እኔ ባትመጣ
አንተ ሞቴን ባትሞትልኝ
ወዴት ነበር የእኔ እጣ
ከንቱ ነበር ማንነቴ
ተሽናፊ ለዚች ዓለም
ግን አንተ የያዝከው
አባቴ የያዝከው
ይኖራል ዘላለም

እዝ

መቅደስህን ተጠግቼ
አይቻለሁ ብዙ ነገር
በልቤ ውስጥ ያስቀመጥኩት
እንዲህ ለሰው ማይነገር
ግን የሆነው ሁሉም ሆኖ
የለም ዛሬ ያላረፈ
የመከራው እሳት
የፈተናው እሳት
ባንተ እየታለፈ

እዝ

አይጠፋኝም ያ ፈገግታ
ልጄ ብለህ ያሳየህኝ
አመፀኛ መጥፎም ሆኜ
በትክሻህ ላይ ያኖርከኝ
እንዲህም አይነት ወዳጅ አለ
እየጠሉት የሚያፈቅር
ስሙም ኢየሱስ ነው/2/
የፅድቃችን ሚስጥር

እዝ

ስነፈርቅ ሳለቅስብህ
እሺ እያልከኝ ሁሉም ሆነ
ማይሆንለት ነገር የለም
ለካስ ባንተ የታመነ
መቸኮሌ መጣደፌ
አምላኬ ሆይ በከንቱ ነው
መፈፀሙ ላይቀር/2/
ጌታዬ አንተ ያልከው


ዘማሪት ምርትነሽ  ጥላሁን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እውነት ነው አዎ እውነት ነው

እውነት ነው አዎ እውነት ነው
መንገድ ነው አዎ መንገድ ነው
ህይወት ነው በእርግጥ ህይወት ነው
ኢየሱስ የጌቶች ጌታ ነው

ወደ እግዚአብሔር አብ የምንደርስበት
አንድያ ልጁን የምናምንበት
የህይወት መንገድ እርሱ ብቻ ነው
የባህሪ አምላክ ብለን ስናምነው
እውነት ነው አዎ እውነት ነው
መንገድ ነው አዎ መንገድ ነው
ህይወት ነው በእርግጥ ህይወት ነው
ኢየሱስ የአማልክት አምላክ ነው

በማርያም ስጋ የተገለጠው
ወልድን ስናውቅ ነው አብን ያወቅነው
አብ በእርሱ እንዳለ እርሱም በአብ አለ
በኃይል በሥልጣን የተካከለ
እውነት ነው አዎ እውነት ነው
መንገድ ነው አዎ መንገድ ነው
ህይወት ነው በእርግጥ ህይወት ነው
ኢየሱስ እርሱ ጌታ ነው

ሥጋዉን ቆርሶ ደሙን አፍሶ
ህይወት የሰጠን በደልን ክሶ
እኛም ዳሰስነው በላን ጠጣነው
በዝግ ቤት ሳለን ገብቶ ያየነው
እውነት ነው አዎ እውነት ነው
መንገድ ነው አዎ መንገድ ነው
ህይወት ነው በእርግጥ ህይወት ነው
ኢየሱስ የጌቶች ጌታ ነው

ፈቅዶ ቢወሰን በአጭር ቁመት
ረቂቁ ቢገዝፍ በጠባብ ደረት
መንሹ በእጁ ነው ሁሉን ያጠራል
በዓለም ሊፈርድ ዳግም ይመጣል
እውነት ነው አዎ እውነት ነው
መንገድ ነው አዎ መንገድ ነው
ህይወት ነው በእርግጥ ህይወት ነው
ኢየሱስ የጌቶች ጌታ ነው

ዘማሪ ገ/ዮሐንስ ገ/ጻድቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ስምሽ ጉልበት ሆኖኝ

ስምሽ ጉልበት ሆኖኝ ወጣሁት ዳገቱን
ድንግል ባንች ምልጃ አለፍኩት ወጥመዱን
ድንግል ማርያም በአንቺ ምልጃ ሰበርኩት ወጥመዱን

አዝ

አምላክ ቀድሶሻል ከሁሉም አብልጦ
ከአንቺ ይወለድ ዘንድ በሥጋ ተገልጦ
ለዓለሙ መዳን ምክንያት የሆንሽ
ቅድስተ ቅዱሳን ማርያም አንቺ ነሽ

አዝ

ወጀቡን ልሻገር ባንቺ ተደግፌ
ድካሜ ይወገድ ከጥላሽ ሥር አርፌ
ያላንቺ መድኃኒት ከቶ የለምና
ባንቺ ተመገብኩት የሰማዩን መና

አዝ

ይመስገን ፈጣሪ የነዳዊት አባት
ቤቴን ሞልቶልኛል ባንቺ አማላጅነት
አንቺን የተጠጋ በነፍስም በሥጋ
ከልጅሽ ይወርሳል የሰማዩን ዋጋ

አዝ

ዳግም እንዳልራብ ነፍሴ እንዳትጠማ
ከማይደርቀው ምንጭሽ አጠጭኝ እማማ
ከቤትሽ ገብቼ እረፍት አግኝቻለሁ
እድፌ ተወግዶ አዲስ ለብሻለሁ

ዘማሪ ዲያቆን አቤል ተስፋዬ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ምን ሰማህ ዮሐንስ

ምን ሰማህ ዮሐንስ በማህጸን ሳለህ /2/
ህፃን ሆነህ ነቢይ ለክብር የተጠራህ /2/
እንደ እንቦሳ ጥጃ ያዘለለህ ደስታ /2/
ምን አይነት ድምፅ ነው ምን አይነት ሰላምታ /2/

አዝ

ከተፈጥሮ በላይ ያሰገደህ ክብር    
እንዴት ቢገባህ ነው የእናታችን ፍቅር /2/
ሌላ ድምፅ አልሰማም ከእንግዲህ በኋላ    
ለውጦኛልና የሰላምታ ቃሏ /2/

አዝ

በረሀ ያስገባህ ለብዙ ዘመናት  
ምን ያለ ራዕይ እንዴት ያለ ብሥራት /2/ 
አንደ አዲስ ምስጋና ስልቱ የተዋበ  
ተደምጦ የማያውቅ ጭራሽ ያልታሰበ /2/

አዝ

ከሴት ከተገኙ ከደቂቀ አዳም    
ድንግል ስለሆነ በህይወቱ ፍፁም /2/      
ከማህፀን ሳለ ተመርጦ በጌታ      
ለማዳመጥ በቃ የኪዳን ሰላምታ /2/

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በድንግል ትህትና

በድንግል ትህትና በዓለም ተደነቀ /2/
እዉነተኛ መጠጥ ከሆዷ ፈለቀ /2/
ሰዉ የሚድንበት ሮማንና ገዉዝ /2/
ከሆዷ ፈለቀ እንደ ምንጭ እንደ ወንዝ /2/

አዝ

ፀጋን ስላደላት የመዉለድ ስጦታ/2/
በፍቅር ሳበችው የፍጥረትን ጌታ /2/
ሰማያዊዉ አካል ከእርሷ ሥጋን ነሳ /2/
ፀሐይ ስለወጣ ቀረልን አበሳ /2/

አዝ

እስኪ ተመልከቱት ይህንን ደስታ ይህን ታላቅ ነገር
ወልድን በመዉለዷ በፀጋ ስንከብር /2/
ታላላቅ አንስት እናቶች ቢባሉም /2/
አምላክን በመዉለድ እርሷን አያህሉም /2/

አዝ

እስኪ ተመልከቱት ይህንን ደስታ ይህን ታላቅ ነገር
ወልድን በመዉለዷ በፀጋ ስንከብር /2/
ታላላቅ አንስት እናቶች ቢባሉም /2/
አምላክን በመዉለድ ድንግልን አይቀድሙም /2/

አዝ

እግዚአብሔር ምድርን አየና በሞላ /2/
ማርያምን አገኛት ከቤተ-መቅደሱ ከደጁ ተጥላ /2/
ከመላዕክቱ ጋር እየተጫወተች /2/
የሰማዩን መና እየተመገበች /2/

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ቅዱስ እግዚአብሔር ቅዱስ ኃያል

ቅዱስ እግዚአብሔር ቅዱስ ኃያል ቅዱስ ሕያው ዘኢይመውት፤
ዘተወልደ እምማርያም ቅድስት ድንግል ተሣሃለነ እግዚኦ
የማይሞት የማይለወጥ ከቅድስት ድንግል ማርያም የተወለደ
ከስጋዋ ስጋ ከነፍሷ ነፍስን የተዋሀደ
የሰዉ ልጅ ነው በምድር የተመላለሰ
አምላክም ነው በደልን የደመሰሰ

ቅዱስ እግዚአብሔር ቅዱስ ኃያል ቅዱስ ሕያው ዘኢይመውት
ዘተጠምቀ በዮርዳኖስ፣ ወተሰቅለ ዲበ ዕጸ መስቀል ተሣሃለነ እግዚኦ
የማይሞት የማይለወጥ በማዕዶተ ዮርዳኖስ የተጠመቀ
የተቀበረውን የዕዳ ደብዳቤ ወዶ የፋቀ
በዕጸ መስቀል ቤዛ መድኃኒት የሆነ
በይቅርታ በምሕረት የተለመነ

ቅዱስ እግዚአብሔር ቅዱስ ኃያል ቅዱስ ሕያው ዘኢይመውት
ዘተንሥአ እምሙታን አመ ሣልስት ዕለት
ዐረገ በስብሐት ውስተ ሰማያት ወነበረ
በየማነ አቡሁ ዳግመ ይመጽእ በስብሐት
ይኮንን ሕያዋነ ወሙታነ ተሣሃለነ እግዚኦ

የማይሞት የማይለወጥ በሦስተኛው ቀን ተነስቶ ሞትን የሻረ
ወደ አባቱ ቀኝ በኃይል ያረገ የተከበረ
በምስጋና ዳግም ለፍርድ የሚመጣው
አምላካችን ከሀሊ ስሙም ቅዱስ ነው

ቅዱስ እግዚአብሔር ቅዱስ ኃያል ቅዱስ ሕያው ዘኢይመውት
ቅዱስ እግዚአብሔር ቅዱስ ኃያል ቅዱስ ሕያው ዘኢይመውት

ዘማሪ ገ/ዮሐንስ ገ/ ጻድቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፰ (28)

በዚች ቀን ቅድስት ሶስና አረፈች

ይህችውም ቅድስት የባዕለ ጸጋ ኢዮአቄም ሚስት የኾነች፣ የቅዱስ ሙሴን ሕግ የተማረችና ደጋግ የኾኑን አባትና እናቷም በመልካም ያሳደጓት፣ የኦሪትንም ሕግ ያስተማሯት አስተዋይ ቅድስት ናት።

በዚያም በባልዋ ቤት ብዙ እስራኤላውያን ይመጡ ነበርና የዚያም፡ቤት ቤተኛ ከኾኑት ኹለት የአይሁድ ረበናት ይገኙበታል። እኒህም ኹለት ግብዞች ደጋግመው ሶስናን አዩአት በዚህም ጸላኤ ሰናያት በልቡናቸው አደረና ዐይናቸው ኹሉ ግልብጥብጥ ብሎ በክፉ ሥራ ፈቀዷት።

አንድ እለት ከአትክልት ሥፍራ ዘግታ ስትታጠብ አገልጋዮቿን መልእክት ልካቸው እንደወጡ እኒህ ኹለት ክፉዎች ከተደበቁበት ወጥተው ፈቃዳችንን ፈጽሚ ካልፈጸምሽ ስታመነዝር ይዘናታል ብለን እንከስሻለን አሏት። እርሷም ከእጃቸው ማምለጥ አትችልምና ወደ ሰማይ አንጋጣ ቸሩን አምላክ በጽኑዕ ያድናት ዘንድ ተማጸነች።

እርሷም ፈቃዳቸውን ብፈጽምም ኾነ ባልፈጽም እሞታለሁ፣ ከፈጸምኹ ግን ከነርኲሰት ነውና የምሞተው ብላ አስባ እንደማትፈጽም ነገረቻቸው። ሦስቱም ሲጮኹ ሕዝብ ሲሰበሰብ ስታመነዝር አገኘናት አሉና ከሰሷት። እርሷም እንዲህ ያለ ነውር ተሰምቶባት አይታወቅምና ዘመዶቿ አፈሩ። በኋላም ለፍርድ በአደባባይ አቀረቧትና አየን ያሉትን ተናገሩ።

ሊወግሯትም ብለው ሲኼዱ ታላቁ ነብይ ቅዱስ ዳንኤል ቆይ እኔ ልመርምራቸው ብሎ አራርቆ ቢመረምራቸው አንዱ ከኮክ ዛፍ ሥር ነው ያየኋት፣ አንዱ ደግሞ ከሮማን ዛፍ ሥር ነው አለ። በዚህም ተለያይተዋልና ሕዝቡ እኒህን ኹለት ግብዝ ክፉ ሰዎች ገደሏቸው፣ ቅድስት ሶስናም በቸሩ አምላክ ታላቅ ነቢይ እርዳታ ዳነች።

በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​የበገና አካል ክፍሎች መንፈሳዊ ምሳሌ

1. ቀንበር (ጋድም)- የአኀዜ ኩሉ እግዚአብሔር ምሳሌ ሲሆን የሁሉ የበላይ መሆኑን ያጠይቃል።

2. ጌጥ (መስቀል)- እግዚአብሔር ለሰው ልጆች ፍፁም ፍቅሩን የገለጸበት።

3. መቃኛ- የመቃኛ ምድራዊ ሕይወታቸውን በቅድስና፣ በሰማዕትነት፤ አሸንፈው ሰማያዊውን ድል በተቀዳጁ የቤተ ክረስቲያን ሰማያዊ አካል በጻድቃን ይመስላል።

4. የቀኝ ምሰሶ - የፍቅረ እግዚአብሔር፣ የብሉይ ኪዳን፣ የመጋቤ ብሉይ የቅዱስ ሚካኤል ምሳሌ።

5. የግራ ምሰሶ - የፍቅረ ቢፅ/ሰው/፣ የሐዲስ ከዳን፤ የመጋቤ ሐዲስ የቅዱስ ገብርኤል ምሳሌ ነው።

6. አውታር - በቁጥር አስር ሲሆኑ የአስርቱ ትዕዛዛት ምሳሌ ናቸው።

7. የድምጽ ሳጥን (ገበቴ)፦ የእመቤታች የቅድስት ድንግል ማርያም ምሳሌ፤ ከድምጽ ሳጥኑ (ገበቴው) የበገናው ድምጽ እንደሚገኝ ከእመቤታችንም አካላዊ ቃል ወልድ ኢየሱስ ክርስቶስ ተገኝቷል፡፡

8. ብርኩማ - የደብረ ሲና ተራራ ምሳሌ።

9. እንዚራ - በተጋድሎ ላይ ባሉ ክርስቲያኖች ይመሰላል።

10 መወጠሪያ፦ የሰዎች መኖሪያ /ምድር/ ይመሰላል።

11. ድህንጻ - የክርስቶስ ምሳሌ ነው። በክርስቶስ መመሰሉም፤ ጌታችን መድኃኔታችን ኢየሱስ ክርስቶስ አስቀድሞ በኦሪት ለሰዎች የሰጣቸውን ዐሥሩን ትእዛዛት ደግሞ በሐዲስ ቃኝቷቸዋልና፤ ይበልጥ አጥብቋቸዋልና ነው።

ከድምጽ ሳጥኑ (ገበቴ) ጀርባ (ኋላ) ላይ የመስቀል ቅርጽ ምልክት አለ፡፡ ይህ የመስቀል ምልክት ቅዱስ ዳዊት ከሳኦል ጦር የዳነበት ምልክት ሲሆን መስቀል በሐዲስ ኪዳን ከዲያብሎስ ፍላፃ የዳነበት /የምንድንበት/ ምልክታችን በመሆኑ ይህ ምልክት ተደርጓል::

በገና የሚሠራበት ቁስ (ማቴሪያል)

በገና ከእንስሳትና ከእጽዋት ተዋጽኦ የሚሠራ የዜማ መሳሪያ ነው፡፡ ቁመቱ ከ90 ሳ.ሜ. እስከ 140 ሳ.ሜ ይደርሳል፡፡ ነገር ግን እንደ ሠሪውና እንደ አሠሪው ፍላጎት ሊጨምር /ሊቀንስ/ ይችላል፡፡

ከእንስሳት ተዋጽኦ :-

1.አውታር(ጅማት):- ከበግ አንጀት ከበሬ ከላም ጅማት።
2. ቆዳ:- የድምጽ ሳጥኑ የሚለብሰው እና
መወጠሪያውን የሚያስረው ከበሬ፣ ከላም፤ ከበግ፣ ከፍየል ቆዳ
3. እንዚራ:- ከበሬ (ከላም) ቆዳ
4. ድህንፃ:-ከበሬ (ከላም) ቀንድ

ከእጽዋት ተዋጽኦ

ከእጽዋት ተዋጽኦ ማለትም ከዋንዛ፣ ከቀረሮ፣ ከዝግባ፣ ከጽድ ወ.ዘ.ተ. የሚሠሩ የበገና ክፍሎች ቀንበሩ(ጋድም)፣ ምሰሶዎቹ የድምጽ ሳጥኑ፣ ብርኩማው፣ መቃኛው፣ ጌጡ እና መወጠሪያው ናቸው።

ይህ የዜማ ዕቃ ቁሶቹን ከማለዘብ፣ ከማለስለስ፣ ጌጥ ከመቅረጽ፣ ለአያያዝ እንዲመች ከማድረግና ውበት ከመስጠት ውጪ ከተፈጥሮ ከተገኙ ቁሶች የሚሠራ ነው፡፡ በመሆኑም የሚያወጣው ድምጽ፣ የሚሰጠውም ዜማ ተፈጥሮአዊ ነውና መንፈስን ይማርካል፣ ነፍስን ያስደስታል፡፡

ወስብሐት ለእግዚአብሔር
ምንጭ:- የበገና መማሪያ መጽሐፍት
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፯ (27)

በዚህችም ቀን ያለ ደም ማፍሰስ ሰማዕት የሆነች ቅድስት ጤቅላ አረፈች።

የዚህች ቅድስት ወላጆቿ ከመቄዶንያ ሰዎች ውስጥ ባለጸጎች ናቸው እርሷንም እንደ ሀገራቸው ባህል በተግሣጽ በምክር አሳደጓት እነርሱ ግን ጣዖትን የሚያመልኩ ነበሩ። ሐዋርያው ጳውሎስም ወደዚህች አገር በደረሰ ጊዜ ክብር ይግባውና በጌታችን በኢየሱስ ክርስቶስ ስም የማቴዎስ ወንጌል ምዕራፍ አምስትን ሊያስተምር ጀመረ ዐውቀው ድሆች የሆኑ ብፁዓን ናቸው መንግሥተ ሰማያት ለእነርሱ ናትና።

ይህንን በሰማች ጊዜ ያለ መብልና መጠጥ ሦስት ቀን ኖረች። ከዚህም በኋላ ወደ ሐዋርያው ጳውሎስ ሔደች። እርሱም በደስታ ተቀብሎ የክርስቶስን ሃይማኖት አስተማራት። በማግሥቱም እናቷ ከቅዱስ ጳውሎስ ዘንድ አብራ ተቀምጣ አገኘቻት ከዚያም ወደ መኰንን ሒዳ ልጇን ክርስቲያን እንደሆነች ነገረችው። መኰንኑም ከቅዱስ ጳውሎስ ጋራ እንዲያመጧት አዘዘ አስቀድመው ቅዱስ ጳውሎስን ወደ እሳት እንዲወረውሩት አዘዘ እግዚአብሔርም አዳነው።

መኰንኑም ቅድስት ጤቅላን ወደ እሳት እንዲወረውሩዋት አዘዘ። በዚያን ጊዜ በክርስቶስ ማዕተብ ራሷን አማትባ ራስዋን በራስዋ ወደ እሳት ወረወረች ማንም ያያት ሳይኖር ከእሳት ውስጥ ወጥታ ወደ ቅዱስ ጳውሎስ ሔደች የራስዋን ጠጒር ቆርጣ ወገቧንም ታጥቃ ቅዱስ ጳውሎስን ተከተለችው።

ከዚህም በኋላ መኰንኑ አንበሳና ድብ ከሚያድርበት ጨመራት እነርሱም ሰገዱላትና የእግሮቿን ትቢያ ላሱ። መኰንኑና ወገኖቹ ይህን አይተው በእግዚአብሔር አመኑ ቅድስት ጤቅላም ቅዱስ ጳውሎስን አገልግላ በሰላም አረፈች።

የቅዱሳን በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እንዴት ወጣሁ ብዬ

እንዴት ወጣሁ ብዬ ከቶ አልደነቅም
አምንሀለሁና ትተኸኝ አታውቅም
ያ ሁሉም አለፈ ቀረ ወደ ኋላ
ማልቀስ ማንባት ይብቃኝ ከእንግዲህ በኋላ

አዝ

ከእንግዲ አይመጣም ያ ቀን ተመልሶ
ላያዳግም ሄዷል እንባዬን አፍስሶ
በመስቀል ላይ ሆነህ ችንካርህ ታይቶኛል
ያ ሁሉ መከራ ባንተ አልፎልኛል

አዝ

እንደምን ተነሳ አላዛር አትበሉ
ይችላል እግዚአብሄር ይችላል ሀያሉ
ታሪክ ሆኖ አልፏል ያኔ ያስጨነቀኝ
ስንቱን ተሻግረናል ጌታ እየጠበቀን

አዝ

ከአሳ አንበሪው መዳፍ ከጥልቁ ወጥቼ
ዘምርለታለሁ ዳግም ተሰርቼ
የሽቶዬን ብልቃጥ ሰበርኩት በፊቱ
በፅድቅ እንዲያስበኝ ጌታ በምህረቱ

አዝ

ቁስሌን ቆሰልክልኝ ጥሜንም ተጠማህ
መቼ ገባኝና የመስቀሉ አላማ
ለካ ስለፍቅር የማይሆኑት የለም
አሳየኸኝ ጌታ ታላቅ ነህ ዘላለም

ዘማሪት ምርትነሽ ጥላሁን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፮ (26)

በዚህች ቀን እግዚአብሔር የመላእክት አለቃ ገብርኤልን ወደ በራክዩ ልጅ ዘካርያስ ልኮት መጥምቁ ዮሐንስ ከእርሱ ስለ መወለዱ አበሰረው።

ስሙ የተመሰገነ እግዚአብሔር ልጅን ይሰጠው ዘንድ አስቀድሞ ሁል ጊዜ በመጸለይ ወደ እግዚአብሔር ይማልድ ነበር። ልጅ ያልወለደውን እግዚአብሔር ብዙ ተባዙ ምድርንም ምሉዋት ያለውን በረከት ያጣ ነው በማለት እስራኤል ይገዳደሩት ነበርና።

ልመናውንም ሰማ በቤተመቅደስም ቁሞ ዕጣንን ሲያሳርግ መልአኩን ላከለት በከበረ ወንጌልም እንደተባለ መንገዱንም ይጠርግ ዘንድ በንጉስ ክርስቶስ ፊት እንደሚሄድ የተነገረለት ታላቅ ነቢይ ዮሐንስ ከእርሱ መወለዱን አበሰረው።

ዘካርያስም የሰውነቱን መድከም የመውለጃው ዘመን እንዳለፈና ፈጽሞ እንዳረጀ የሚስቱም እንዲሁ ዘመኗ እንዳለፈና ፈጽማ እንዳረጀች መካንም እንደሆነች ያውቃልና መልአኩን ተከራከረው መልአኩም እኔ ይህን ልነግርህ ከእግዚአብሔር ወደ አንተ ተልኬ ነበር ልትጠራጠርም ባልተገባ ነበር አሁንም ይህ በጊዜው እስቲፈጸም ዲዳ ሁነህ መናገር ይሳንሃል ብሎ ገሰጸው። ዘካርያስም የወልደ እግዚአብሔርን መንገድ የሚጠርግ ዮሐንስ እስከሚወለድበትጊዜ ድረስ ዲዳ ሆነ።

በሚገረዝበት ቀንም የሕፃኑን አባት  ዘካርያስን የሕፃኑን ስሙን ማን ብለው እንደሚሰይሙት ጠየቁት እርሱም ብራና ለምኖ ስሙ ዮሐንስ ነው ብሎ ጻፈ በዚያም ጊዜ አንደበቱ ተፈትቶ እግዚአብሔርን አመሰገነው። ስለ ልጁ ዮሐንስም

እርሱ የልዑል ነቢይ እንዲባል መንገዱንም ይጠርግ ዘንድ በእግዚአብሔር ፊት እንደሚሄድ ትንቢት ተናገረ።

በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ላመስግንህ የኔ ጌታ

ላመስግንህ የኔ ጌታ ላመስግንህ
ልቀኝልህ የኔ ጌታ ልቀኝልህ
ህይወቴ ነው ዝማሬዬ ትሩፋቴ
የሰጠኸኝ እንዳከብርህ አንተ አባቴ/2/

አዝ

ከኔ የሆነ የምሰጥህ ባይኖረኝም
ከሰጠኸኝ የአንተን መስጠት አይከብደኝም
ጥበቤ ነህ የምስጋና መሰረቴ
ዝማሬዬን ያፈሰስከው በህይወቴ
አንደበቴን የቃኘኸው ለምስጋና
ይኸው ውሰድ ቅኝትህን እንደገና/2/

አዝ

ባዶ እኮ ነኝ የኔ ጌታ ምን ልቅዳልህ
በእጄ ላይ አንዳች የለኝ የምሰጥህ
ላንተ ክብር የሚመጥን ህይወት የለኝ
ዝማሬዬን በቸርነት ተቀበለኝ
አንደበቴን የቃኘኸው ለምስጋና
ይኸው ውሰድ ቅኝትህን እንደገና/2/

አዝ

ከምድር ላይ ከአፈር ስትፈጥረኝ
ከምስጋና የተለየ ምን ሥራ አለኝ
ቀን እና ሌት በመቅደስህ እቆማለሁ
አምላኬ ሆይ ሳወድስህ እኖራለሁ
አንደበቴን የቃኘኸው ለምስጋና
ይኸው ውሰድ ቅኝትህን እንደገና/2/.

አዝ

ዕዝራ ስጠኝ የከበረ መሰንቆህን
ዳዊት ስጠኝ የሚፈውስ በገናህን
መዝሙር ቅኔ ተምርያለሁ ከአባቶቼ
ዘምራለሁ ባንተ ፍቅር ተነክቼ
አንደበቴን የቃኘኸው ለምስጋና
ይኸው ውሰድ ቅኝትህን እንደገና/2/

ዘማሪ ቀሲስ ምንዳዬ ብርሃኑ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፭

በዚች ቀን ታላቅ ነቢይ ዮናስ አረፈ።

ስሙ ከፍ ከፍ ያለና የተመሰገነ እግዚአብሔር ወደ ነነዌ ሀገር ሂደህ ሀገራችሁ እስከ ሦስት ቀን ድረስ ትጠፋለች ብለህ አስተምር ብሎ አዘዘው። ዮናስም በልቡ እግዚአብሔር መሀሪ ነው በኋላ ሲምራቸው እኔ ሀሰተኛ ነቢይ እባላለው እንዳይገድሉኝም እፈራለው፤ ወደዚያች ሀገርም ሄጄ እንዳላስተምር ከእግዚአብሔር ፊት ብኮበልል ይሻለኛል ብሎ አሰበ።

ዮናስም እግዚአብሔርን ሽሽት ወደ ተርሴስ ሊሄድ በመርከብ ላይ ወጣ። እግዚአብሔርም ታላቁን ነፋስ ወደ ባህር አመጣ መርከባቸውም ሊሰበር ቀረበ በመርከቧም የነበሩ ፈርተው ይህች መከራ ያገኘችን ስለማናችን ኃጢአት እንደሆነ እናውቅ ዘንድ ኑ ዕጣ እንጣጣል ተባባሉ ዕጣውም በዮናስ ላይ ወጣበት።

ዮናስም ማዕበሉ እንዲቆም አንሥታቹ ወደ ባህር ጣሉኝ ይተዋችኋል ይህ ታላቅ ሞገድ የመጣው በእኔ ምክንያት ነው አላቸው። እነርሱም የጻድቅ ሰው ደም አታድርግብን ብለው ዮናስን አንስተው ወደ ባህር ጣሉት። በባህርም ታላቅ አሳ አንበሪ ዋጠው በሆዱ ውስጥም ሦስት ቀንና ሦስት ለሊት ቆየ። ከዛም ዮናስ ወደ ከተማ ሊገባ የአንድ ቀን መንገድ ሲቀረው ነነዌ እስከ ሦስት ቀን ትጠፋለች ብሎ አስተማረ።

የነነዌ ሰዎችም የእግዚአብሔርን ቃል ሰሙ ሁሉም ሰው ጾምን እንጹም ብለው አወጁ ንጉሳቸውም ህዝቡም ልብሳቸውን አውልቀው ማቅ ትቢያ ለበሱ። እግዚአብሔርም ንሰሐቸውን ተቀብሎ ከቁጣው ተመለሰ። ዮናስም ነቢየ ሀሰት እየተባልኩ ከምኖር ሞት ይሻለኛልና አቤቱ አሁን ነፍሴን ከሥጋዬ ለያት አለ። ከዚህም በኋላ ዮናስ ተነስቶ ወደ ሀገሩ ተመልሶ በሰላም አረፈ መላ ዕድሜውም መቶ ሰባ ነው።

በረከቱ ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​በገና

“በበገናና በመሰንቆ አመስግኑት“መዝ.፻፶፥፫ (150፥3)

አባታችን ቅዱስ ዳዊት አምላካችንን በበገናና በመሰንቆ በጠቀስናቸው የመዝሙር ዕቃዎች ሁሉ ያመሰግን እንደነበር ሌሎችም አባቶቻችን እና እናቶቻችን እንደርሱ ለእግዚአብሔር ይዘምሩ እንደነበር መጽሐፍ ቅዱስ ያስተምረናል። ከምስጋናው ተጨማሪ በዚህ ዓይነት ዝማሬ አጋንንትና ርኩሳን መናፍስት ደዌና ሕማም ሁሉ ከሰው ልጆች ይርቁ እንደነበር ዛሬም እንደሚርቁ ተጽፎልናል። ቅዱስ ዳዊት አባታችንን ባሰብን ጊዜ ሁሉ በገናው አብሮ ይታሰበናል።

አባታችን ነቢዩ መዝሙረኛው ዳዊት በገና እየመታ የእግዚአብሔርን ስም ከማመስገን ጋራ በነቢዩ ሳሙኤል በተቀባ ጊዜ ከተሰጡት ከሰባቱ ሀብታት አንዱ ሀብተ ፈውስ ስለሆነ ንጉሥ ሳኦል የሚያስጨንቅ ርኩስ መንፈስ ሲያሠቃየው በበገናው ዝማሬ ይፈውሰው ነበር። “እንዲህም ሆነ … ዳዊት በገና ይዞ በእጁ ይመታ ነበር። ሳኦልንም ደስ ያሰኘው ያሳርፈውም ነበር ክፉ መንፈስም ከርሱ ይርቅ ነበር።” ፩ ሳሙ. ፲፮ ፥፳፫ (16:23)

ቅዱስ ዳዊት ለእግዚአብሔር በሚዘምርበት ጊዜ በሙሉ ኃይሉና ክብሩ ነበር። ያልታደለች ሜልኮል እስከምትቀልድበት ድረስ ለእግዚአብሔር ታቦት ካባው ከላዩ እስኪወድቅ በተመሰጦ ይዘምር ነበር። 2ኛ ሳሙ.6

ዛሬም እንደ ሜልኮል ሰዎች እንዳይዳፈሩ የታቦቱንም ዝማሬ እንዳይንቁ ቢንቁ ግን የሚደርስባቸውን ቀድመው እንዲያውቁት እግዚአብሔር ነግሮናል። ሜልኮል የዳዊትን በእግዚአብሔር ፊት መዘመር በናቀች ጊዜ እግዚአብሔር ማህፀኗን ዘጋ። ቅዱስ ዳዊት ግን አሁን ከሆንኩት በላይ ለእግዚአብሔር እዘምራለሁ በሰው ፊትም አከብረዋለሁ አለ። ዘወትርም እንዲህ እያለ ያመሰግን ነበር። ”በገና ሆይ ተነሥ መሰንቆም እኔም ማልጄ እነሣለሁ” አቤቱ በአሕዛብ መካከል አመሰግንሃለሁ። መዝ(107:2)

ሰኞ ምሽት ስለ በገና አሠራሩና ምሳሌነቱ እንመለከታለን

ወስብሐት ለእግዚአብሔር
ምንጭ ፦ መጽሐፈ አሚን ወስርዓት
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ኢሬቻ/ዋቄፈና/ ለክርስቲያን ምኑ ነው?
(በዲ/ን ሕሊና በለጠ)

ቤተ ክርስቲያን በባሕርይዋ የአንድ ማኅበረሰብን ባሕል ንቃም ኾነ ተቃውማ አታውቅም። በተቻላት መጠን ማኅበረሰቡ ከነ ባሕሉ ድኅነትን ያገኝ ዘንድ ሃይማኖቷንና ሥርዓቷን አስተምራ ታስተናግደዋለች እንጂ። ከእርሷ አምልኮ በተቃራኒው የሚያመልክ የአንድን ተገዳዳሪ የእምነት ተቋም አምልኮም በማይገባ መልኩ ተችታና አኮስሳ አታውቅም፤ እውነተኛውን መንገድ ግን በተገቢው መልኩ በጥብዓት ታስተምራለች። የዚያ የእምነት ተቋም አምልኮና እምነት ስሕተት ከኾነ ሰዎች ኹሉ ይድኑ ዘንድ እውነትን ትሰብካለች፤ ወደ እውነት ትመራለች፣ ታደርሳለች።

ኢሬቻ ምንድን ነው? ባሕል ነውን?

መልካም፣ ባሕልስ ከኾነ ቤተ ክርስቲያን የባሕሉን አክባሪ ባሕሉን ሳይዘነጋ ይቀበላት ዘንድ አይገዳትም። እርሷም ከነ ባሕሉ ዐቅፋና ደግፋ ትቀበለዋለች።

ግን ኢሬቻ ባሕል ነው?

አይመስለኝም። ሰሞንኛ ተናጋሪዎችን እንዘንጋቸውና እስኪ እንዴት እንደተከበረ እንመርምር። የመርሐ ግብሩ ተሳታፊዎች ውኃ ውስጥ ሣር እየነከሩ ወይም ዛፍን ቅቤ እየቀቡ ፈጣሪን ሲያመሰግኑ የሚያሳዩ ፎቶዎችንና ቪዲዮዎችን ስናይ ነበር። ስለዚህ ይህ በዓል:-

#1ኛ ፈጣሪ የሚመሰገንበት ነው (ይህም ተደጋግሞ በአክባሪዎቹ እየተነገረ ነው)። በፈጣሪ መኖር ማመን ደግሞ: ለሃይማኖት ህልውና የመጀመሪያው መስፈርት መኾኑን ልብ ይሏል። ስለዚህ ኢሬቻ/ዋቄፈና/ ለሃይማኖትነት ትልቁን መሥፈርት አሟልቷል ማለት እንችላለን።

#2ኛ የታወቀ የምስጋና (አምልኮ?) ሥርዓት (ለምሳሌ:- ሣር ውኃ ውስጥ መንከር፣ ቅቤ መቀባት ...) አለው። ይህም እስልምናም ኾነ ክርስትና የታወቀ የአምልኮ ሥርዓት እንዳላቸው ማለት ነው።

#3ኛ እስልምና መስጊድ፣ ክርስትናም ቤተ ክርስቲያን እንዳላቸው ኹሉ: ኢሬቻም /ዋቄፈናም/ ይህ ሥርዓት የሚፈጸምበት ቦታ (Sacred Place, ለምሳሌ:- ውኃና ዛፍ ያለበት ሥፍራ) አሉት።

#4ኛ ሃይማኖታዊ የአምልኮ ሥርዓት በካህናት እንደሚመራ: ክብረ በዓሉን የሚመሩ የሥርዓት መሪዎች (አባ ገዳዎች?) አሉት።

ስለዚህ ወይ አምልኮ ነው፣ ወይም ደግሞ ከቆይታ ብዛት ወደ ባሕልነት የተቀየረ አምልኮ ነው።

#ዐቢይነጥብ - ከላይ ከጠቀስናቸው ከዐራቱ ለጊዜው አንዱን ብቻ እንምረጥ -

-ፈጣሪ የሚመሰገንበት መኾኑ

ይህ ብቻ "ባሕል ነው" ለሚሉት ቆም ብለው እንዲያስቡ የሚያስገድድ ምክንያት ነው።

ፈጣሪን ማመስገን የሚቻለው በእምነት ነው። በመጀመሪያ ይህን ፈጣሪ ማመንና በጥቂቱም ቢኾን በእምነት ማወቅ ይገባል። ቢያንስ ፈጣሪ መኾኑን በእምነት መረዳት ያሻል። ከዚያም እርሱ በሚፈልገው ሥርዓት እርሱን ማመስገን/ማምለክ ይከተላል። እርሱን ማምለኪያ ውሱን ሥርዓት የለም ቢባል እንኳን: የማመስገኛ ሥርዓቱ "ሥርዓት የለሽ በመኾን" ይገለጻል፤ (non-religiousness is my religion) እንዲል አንድ የፍልስፍና መምህር /ፈላስፋ ላለማለት ነው/)።

ሙስሊሙ ፈጣሪን የሚያመሰግንበት ሥርዓትና ቦታ አለው፤ ሳምንታዊ(ጁምዓ) እና ዓመታዊ (ኢድ አል ፈጥር፣ ኢድ አልአድሃ) የበዓላት ዕለታትም አሉት። ክርስቲያኑም እንዲሁ ከሳምንታዊ ሰንበትን፣ ከዓመታዊ ልደትና ትንሣኤን የመሰሉ (ዕለታዊና ወርኃዊውን ጨምሮ) ብዙ በዓላት አሉት። ሙስሊሙም ክርስቲያኑም በየበዓላቱና በየታወቀ ሥርዓቱ ፈጣሪን ያመሰግናሉ፣ ያመልካሉ። ነገር ግን ክርስቲያኑ ኢሬቻ የሚል ፈጣሪን የማመስገኛ በዓል በዚቁ (liturgical Calendar) ውስጥ የለም። ሙስሊሙም እንደዚያ።

ሌላው ነጥብ: ኹሉም እምነት ፈጣሪን የተመለከተ መሠረተ-ትምህርቱ (Doctrine/Creed) ከሞላ ጎደል ይለያያል። ሙስሊሙም (ካልተሳሳትኩ) "ላ ኢላህ ኢለላህ መሐመዱር ረሱለላህ" የሚል ሸሀዳ (Creed) አለው። ይህንን አዘውትሮ ያደርሳል። ፕሮቴስታንቱ "ክርስቶስ አማላጄ" (ሎቱ ስብሃት) ይላል። እኛ ኦርቶዶክሳውያን ደግሞ "ኹሉን የፈጠረ አንድ አምላክ በሚኾን በእግዚአብሔር አብ እናምናለን" ከሚለው ጀምሮ የክርስቶስንና የመንፈስ ቅዱስን አንድ የባሕርይ አምላክነትና ከአብ ጋር መተካከል፣ የቤተ ክርስቲያንን ኲላዊነት፣ አንድነት፣ ቅድስናና ሐዋርያዊነት፣ የጥምቀትን የኃጢአት ማስተሥሪያነት፣ የትንሣኤ ሙታንን ተስፋነት የምንመሠክርበት የዘወትር ጸሎተ ሃይማኖት (Creed) አለን።

እነዚህ እምነቶች ይለያያሉ ብቻም ሳይሆን ይቃረናሉ። እንዴት በአንድነት ምስጋናቸውን ለአምላክ ያደርሳሉ?

እኔ አምላክ የምለውን ክርስቶስን አንዱ ከአጠገቤ "አማላጄ" እያለው እንዴት አንድነት ይኖረኛል? አንዱስ "ነቢይ" እያለው እንዴት አብረን እናመሰግናለን? የኔን አምላክ አማላጅም ፣ ነቢይም ማለት እርሱን ማሳነስ ለእኔም ንቀት ነው።

ሙስሊሙም አላህን አምላክ ይላል። ኢሳን ነቢይ ይላል። እኔ ከጎኑ ቆሜ ኢየሱስ ክርስቶስን "እግዚኦ መሐረነ ክርስቶስ" ስል እንዴት ይዋጥለታል?

አብረን ቡና የምንጠጣ፣ አብረን ኳስ የምንጫወት፣ በንግድ የምንተባበር ሙስሊሞችና ፕሮቴስታንቶች ይኖራሉ። በጣም የምንዋደድ ጓደኛሞችና የሥራ ባልደረቦች ልንሆን እንችላለን። ግን ለአምልኮ ሙስሊሙም መስጊድ፣ ፕሮቴስታንቱም "ቸርች" እኛም ቤተ ክርስቲያን እንሔዳለን እንጂ ፈጣሪን ለማመስገን መስጊድ ወይም ቤተ ክርስቲያን በአንድነት አንሔድም።

አንድ የምንኾንበትንና የማንኾንበትን እንለይ እንጂ! በኢትዮጵያዊነት አንድ ነን፤ በባሕል እንተባበራለን፤ በልማት አንድ መኾን እንችላለን፤ እንኳን በሀገር በቤተ ዘመድም በሃይማኖት መለያየት ይገጥመናል፤ ዝምድናን ጨምሮ ግን ብዙ አንድ የሚያደርጉን ጉዳዮች አሉን። ኾኖም በሃይማኖት አንድ ካልኾንን ከእናቴም ጋር ለጸሎትና ለምስጋና አልቆምም።

እንኳን ከሙስሊምና ከፕሮቴስታንት ጋር ይቅርና በብሉይ ኪዳን በሃይማኖት አንድ ከነበርነው ከይሁዲውም ጋር ፈጣሪን ለማመስገን በአንድነት አንቆምም። የይሁዲው መሠረተ ሃይማኖት ( ሸማ፣ Creed) በእኛው ብሉይ ኪዳን ላይ ዘዳ.6÷4-9 ያለው ንባብ ነው። ይሁዲዎች ይህንን በእጃቸው ያሥሩታል (Teffilin)። በበራቸውም ይጽፉታል (Mezzuzah)። ንባቡ እኛም የምናምንበትና የምናነበው ነው። ነገር ግን ምንም ያኽል ብንወዳቸው ክርስቶስን ከማያምኑት ከይሁዲ እምነት (Judaism) ተከታዮች ጋር የሃይማኖት ኅብረት የለንም።

ወንጌላችንም ያዘናልና "ቢቻለንስ በእኛ በኩል ከሰው ኹሉ ጋር በሰላም መኖርና ሰላምን መከታተል" የክርስትና መርሐችን ነው። (ሮሜ 12÷18፣ ዕብ. 12÷14)። ኾኖም ፈጣሪን የምናመሰግንበት የሃይማኖት ኅብረት የሚኖረን ግን ከተጠመቁት ጋር ብቻ ነው።

#ይቀጥላል
#ሼር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፬

በዚህች ቀን ቅዱስ አባት መነኰስ ጎርጎርዮስ አረፈ።

የዚሕም ቅዱስና የተመሰገነ ጎርጎርዮስ ወላጆቹ ደጎች እና ባለጸጎች ነበሩ ይህን ልጃቸውን ጎርጎርዮስንም የቤተ ክርስቲያን ትምህርትን ሁሉ ሥጋዊም የሆነ ጥበብንና ቋንቋንም አስተማሩት። የሀገራቸው ኤጲስቆጶስ አባ ይስሐቅ እጁን ጭኖ አናጒንስጢስነት ሾመው ዳግመኛም ወደ ጳጳስ ወስደው ዲቁናን ተሾመ።

ከወላጆቹም ብዙ ገንዘብ ወስዶ ወደ አባ ጳኵሚስም ቀርቦ ለሕንጻ ለቤተክርስቲያን፣ በገዳማቱ ለሚሰሩ ስራዎችና ለመነኮሳት ቤት መሥሪያ ተሳትፎ አደረገለት። ከዚህም በኋላ ወደ አባ ጳኵሚስም ገዳም ሄዶ የምንኩስናን ልብስ ለብሶ በጾም በጸሎት በመትጋት በመስገድ ከትሕትና ከቅንነት ከፍቅር ጋር ይጋደል ጀመረ።

ፈሪሃ እግዚአብሔርን ከእርሱ ተምረው አመንዝራዎች ንስሐ ገብተው ንጹሐንም እስከሆኑ ድረስ ተጋደሉ። ከአባ ጳኵሚስም ዘንድ ዐሥራ ሦስት አመት ኖረ። ዳግመኛም በአስቄጥስ ገዳም ከአባ መቃርስ ጋር ብዙ ዘመናት ኖረ። ከዚሕም በኋላ በዋሻ ውስጥ ሰባት አመት ኖረ።

አባ መቃርስም በከበረ በጌታችን የልደት በዓል እና የክብር ባለቤት ጌታችን በተነሳበት በትንሣኤ በዓል ቀን ይጎበኘው ነበር  ከእርሱ ጋርም ሥጋውንና ደሙን ተቀብሎ ይመለስ ነበር። ሃያ ሁለት ዓመታት በተጋድሎ ፈጸመ j እግዚአብሔርም መልአኩን ልኮ ከሦስት ቀን በኋላ  ከዚህ ዓለም ወጥተህ ወደ ዘለዓለም ሕይወት ትገባለህ አለው። ከሦስት ቀንም በኋላ አርፎ ወደ ዘለዓለም ሕይወት ገባ።

በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…