ደጅ ጠናሁ

ደጅ ጠናሁ ቆይቼ ኪዳነ ምህረትን
ተፅናናሁኝ ረሳሁ ሀዘኔንን
የአምላክ እናት እመቤታችን
ሞገስ ሁኝኝ ቀሪዉ ዘመኔን /2/

የመከራዉ ዘመን አለፈ እንደዋዛ
አንችን ተጠግቼ የአለሟን ቤዛ
የልጅሽ ቸርነት የአንችም ደግነት
ባርያሽን ሰወረኝ ከአስጨናቂዉ ሞት
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

ልቤ በአንች ፀና ከፍ ከፍም አለ
በጥላቶቼም ላይ አፌ ተናገረ
በማዳንሽ ስራ ባሪያሽ ደስ ብሎኛል
የኃያላኑን ቀስት ልጅሽ ሰብሮልኛል
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

እጄ ባዶ ሲሆን ወዳጆቼም ሸሹ
በመርገም ምክራቸዉ ሊለያዩኝ ሲሹ
እሱ የሰጠኝን እሱ ወሰደ አልኳቸዉ
እመቤቴ አለችኝ ብዬ አሳፈርኳቸዉ
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

አዝ

ከአዉደ ምህረቱ ሆኜ ስጠራት
ዘንበል ብላ አየችኝ ኪዳነ ምህረት
ሀሳብሽን ምንም የለም የሚመስለዉ
እረፍት ያገኘሁት እናቴ ባንቺ ነዉ
እናቴ ስምሽን ስጠራ
አለፈ ያሁሉ መከራ
እንባዬ በፊትሽ ፈሰሰ
እምዬ በአንች እየታበሰ ሰላም ለኪ

ቀሲስ እንግዳወርቅ በቀለ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ንሴብሆ

ንሴብሆ/2/ ለእግዚአብሔር/2/
ስቡሃ ዘተሰብሃ/2/
እናመስግነው/2/ እግዚአብሔርን/2/
ምስጉን ነው የተመሰገነ/2/

አዝ

ባሕሩን ተሻግረን ወንዙ ደረቅ ሆነ
በጠላታችን ላይ ድሉ የኛ ሆነ
ከባርነት ቀንበር ፍጹም ነጻ ወጣን
ህይወት የሚሆነን መና ነው ምግባችን

አዝ

አስፈሪ ነው ያልነው ብዙ ነገር ነበር
ሁሉንም አለፍነው አምላካችን ይክበር
ጉልበታችን ቢዝል ፈተናው ቢበዛ
ኃይላችን ጌታ ነው የዓለሙ ቤዛ

አዝ

ከዓለት ላይ ውሀ ፈልቆልን ጠጣን
ይህን ታላቅ አምላክ ኑ እናመስግን
በጠላታችን ላይ ድሉ የኛ ሆኗል
ሰዎች ደስ ይበለን ሕይወታችን ድኗል
ሰይጣን ጠላታችን አፍሮ ተመልሷል

አዝ

አስፈሪ ነው ያልነው ብዙ ነገር ነበር
ሁሉንም አለፍነው አምላካችን ይክበር
ጉልበታችን ቢዝል ፈተናው ቢበዛ
ኃይላችን ጌታ ነው የዓለሙ ቤዛ

ዘማሪ በሱፍቃድ አንዳርጋቸው
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አረሳት ኢትዮጵያን

አረሳት ኢትዮጲያን በእርፈ መስቀል
አባ ተክለሃይማኖት ሰባኪ ወንጌል
የእግዚአብሔር ሰው ነው ተወዳጅ በ ሰማይ
የተረማመደ በጽድቅ አደባባይ

ፈውስና ጸሎቱ ቃሉ የተሰማ
ወንጌል የሰበከ በገጠር ከተማ
የእቲሳው ኮከብ የደብረ አስቦቱ
ለወንጌል ተዋጋች ንጽህት ሕይወቱ

አዝ

ፋናው እስከ ዛሬ ሲያበራ የኖረ
የእቲሳው አባት ፍስሐጽዮን
እግዚአርያ እናቱ ማህፀነ ብሩክ
ወለደች ኮከብን ሲኦልን የሚያውክ

አዝ

ዲያቢሎስ እስካሁን ስሙ ሲጠራበት
ሲረገጥ ይኖራል በእሳት ሰንሰለት
አዲስ ሐዋርያ የኢትዮጵያ አባት
ደጋ ና ቆላውን በመስቀል ባረካት

አዝ

ምንጩና ፏፏቴው ተራራው ቅዱስ ነው
የአባታችን መስቀል ጽኑ ስለነካው
የተራመደበት የዳሰሰው ሁሉ
ድውይ ይፈውሳል ሳርና ቅጠሉ

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በዚህ ስም የሚጠራ Bot በዝማሬ ዳዊት እና በሌሎች መንፈሳዊ ግሩፕ ላይ የሚለቃቸውን ከመንፈሳዊ ይዘት ውጭ የሆኑ ነገሮች ብናጠፋ፣ ብሎክ ብናደርገውም ልንቆጣጠረው አልቻልንም። በመሆኑም ጉዳዩን እስክንፈታው ድረስ በትዕግሥት እንድትጠብቁን እንጠይቃለን።

Читать полностью…

በቤተ መቅደስህ ያሳደከኝ

በቤተ መቅደስህ ያሳደከኝ
ለአፌ ጥበብን ያስተማርከኝ
የልጅነቴ አምላክ ወዴት አለህ
በዚህ ዓለም ሀሳብ ክንዴ ዛለ

አዝ

የአሸዋ ላይ ህንፃ ሆኗል ቤቴ
ያረገርጋል መሰረቴ
ጠላት ሰልጥኖብኝ ደክምያለሁ
ዛሬ ብቻዬን ቀርቻለሁ

አዝ

አባካኝ ሆኛለሁ አመጸኛ
ለዚህ ዓለም ሀጢአት የማልተኛ
ነፍሴ ተንገላታች በመከራ
ማን ያገናኛት ካንተ ጋራ

አዝ

ሰላሜ ነህ አንተ ትዝታዬ
ጽፌ ያኖርኩህ በእንባዬ
አለም ወስዳኛለች በዘፈኗ
እባክህ ስራኝ እንደገና

አዝ

አመጸኞች ሁሉ ቤትህ ገቡ
ምሕረት ፍቅርህን እያሰቡ
እጅህን ዘርግተህ አቀፍካቸው
ባንተ ቀለጠ ልቦናቸው

ዘማሪት ምርትነሽ ጥላሁን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ለቤሩታዊት የደረሰ

ለቤሩታዊት የደረሰ
ሰማዕቱ ጊዮርጊስ ገሰገሰ
ፈጥኖ ሊያወጣኝ ከመከራ
ቆሟል ከጎኔ ከእኔ ጋራ

ስጋው ሲመተር አልፈራም እሱ
ሰባት አክሊላት ጭኗል በእራሱ
በደብረ ይድራስ በዛ ተራራ
የልዳው ፀሐይ ተብሎ ተጠራ

አዝ

ዓለምን ስትዞር በነጭ ፈረስ
አንድ ግዜ እርዳኝ ጊዮርጊስ ድረስ
ስሙን ለጠራ አምላከ ጊዮርጊስ
ሲደርስ ይፈጥናል ከአውሎ ንፋስ

አዝ

ለእሳት ለግለት ስጋውን ሲሰጥ
ፍርሃት የለበት ወይም መደንገጥ
ኡዲያኖስ አፋሮ ጣኦት ወደቀ
በጊዮርጊስ ጽናት ጌታ ታወቀ

አዝ

ከሹመት ይልቅ መርጠህ መከራ
ወንጌሉን ሰበክ አንዳች ሳትፈራ
በጭንቀት ሆነ ላንተ ንግስና
ብድራትህን አይተሃልና

አዝ

መስተጋድል ነህ ሃያል ገናና
መክብበ ሰማይት የእምነት ጀግና
ስምክን ስጠራ ከቤትህ ቆሜ
ይቀልልኛል የኃጢአት ሸክሜ

ዘማሪት መቅደስ ማርዬ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አለ ለእኔ የተሻለ ነገረ

አለ ለእኔ የተሻለ ነገር /2/
ዛሬን ባዝን ለጊዜው ብቸገር
አለ ለእኔ የተሻለ ነገር

በእጄ የጨበጥኩት በድንገት ቢበተን
ዙርያዬን ቢከበኝ ያላሰብኩት ሀዘን
እንባዬ በደስታ መቀየሩ አይቀርም
እተማመናለው በጌታዬ አላፍርም

አዝ

ሀብቴን ልጄን ባጣ እርሱ እንደወደደ
የእዮብ መከራ በእኔም ከወረደ
እራቁቴን መጣው እንዲሁ ሄዳለው
ከዚህ የላቀውን ከእርሱ እጠብቃለው

አዝ

መከራው ቢከብደኝ ከዙፋን ወርጄ
ከርስቴ ብሰደድ በአቤሰሎም ልጄ
ቀኑ እስከሚነጋ አልፈራም ጨለማ
ዳግም እለብሳለው የጽዮንን ግርማ

አዝ

አሳዳጄ ቢያይል ጉልበቱ ቢፀና
ተግዳሮቱ በዝቶ ወደ እኔ ቢያቀና
የከበረው ድንጋይ አለ በወንጭፌ
እቋቋመዋለው እርሱን ተደግፌ

አዝ

በናባው ተራራ ቢሆን መቃብሬ
ከነዓን ባልገባ ከህዝቡ ጋር አብሬ
አለኝ በሰማይ ቤት እጅግ የከበረች
በጆሮ ያልተሰማች በአይንም ያልታየች

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መልአከ ሰላምነ

መልአከ ሰላምነ ሊቀ መላእክት ዑራኤል /2/
ሰዐል ወጸሊ በእንቲአነ አእርግ ጸሎተነ
ቅድመ መንበሩ ለመድኃኒዓለም /2/

ጸበልህ የሚፈውስ የዋህ መልዐክ/2/
የምህረት ዝናብህን ፍጥረት ሁሉ ያደነቀው
ጸጋህ ልብስ ሆኖን እዲያስጌጠን
በረድኤት በፍቅር እባክህን አትለየን
አዝ
መራኄ ብርሃን ዑራኤል ሆይ አትለየን /2/
በምልጃ ብርሃንህ በረድኤት ጥላ ስር ነን
ፈጣን ንስር ሆይ ለምሕረት ሰውን ለማዳን/2/ የማይዘገይ/2/

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ስምሽን ጠርቼ

ስምሽን ጠርቼ መቼ አፍራለሁ
ማርያም ብዬ መች እወድቃለሁ
የምጽናናበት ስምሽ ነውና
ድንግል ሆይ ላቅርብ ላንቺ ምስጋና

ጨለማ ውጦኝ በጠላት ሀገር
ለዘመናትም ስረገጥ ስኖር
ዲያብሎስ ማርኮ ሲያሰቃየኝ
የዓለሙን መድን ወለድሽልኝ
ከአባቶቼ ርስት ከሀገር ወጥቼ
በአሕዛብ አገር ስኖር ተሸጬ
ደርሰሽ አጽናንተሽ አከበርሽኝ
ብቸኝነቴን አስረሳሽኝ

አዝ

ድንኳኑ ሞልቶ ሰዉ ታድሞ
አስተናባሪው በጭንቀት ቆሞ
ምን አቀርባለሁ ብዬ ስቸገር
ምልጃሽ ደርሶልኝ ዳንኩኝ ከማፈር
ያሰብኩት ሐሳብ ደመና ሆኖ
ቢበተንብኝ እንደ ጉም ተኖ
ይሆናል ያልኩት ሳይሆን ቢቀርም
በእመ አምላክ እኔስ ተስፋ አልቆርጥም

አዝ

እናት አባቴ ባያስታውሱኝ
ይህች ዓለም ንቃ ገፍታ ብትተወኝ
አንቺ ካለሽኝ ምን እሆናለሁ
አውሎ ነፋሱን ባሕሩን አልፋለሁ
ጠላቴ ደርሶ ቢያንገላታኝ
መከራ አብዝቶ ቢያስጨንቀኝም
አላቋርጥም ያንቺን ምስጋና
ውለታሽ ድንግል አለብኝና

አዝ

ክፉዎች ደርሰው ቢዝቱብኝ
አንቺን መውደዴን አያስተውኝ
በአሕዛብ መሐል ስምሽን ስጠራ
መከታ ሁኚኝ እናቴ አደራ
ጠላቴ ደርሶ ቢያንገላታኝም
መከራ አብዝቶ ቢያስጨንቀኝም
አላቋርጥም ያንቺን ምስጋና
ውለታሽ ድንግል አለብኝና

ቀሲስ ምንዳዬ ብርሃኑ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፩ /21/

በዚችም ቀን የነቢይ ኢዩኤል የዕረፍቱ መታሰቢያ ሆነ።

ይህም የእስራኤልን ልጆች የሚያስተምርና የሚገሥጻቸው ነበር ስለ ክርስቶስም በኢየሩሳሌም መኖርና ማስተማር ትንቢት ተናገረ። ደግሞም ስለ መከራው በሐዋርያትና በሰባ ሁለቱ አርድእት በሠላሳ ስድስቱ ቅዱሳት አንስት ላይ የመንፈስ ቅዱስን መውረድ እንዲህ ሲል ተናገረ።

"ከዚህ በኋላ በሥጋዊ በደማዊ ሰው ሁሉ ከመንፈሴ አሳድርበታለሁ ሴቶች ልጆቻችሁና ወንዶች ልጆቻችሁ ትንቢትን ይናገራሉ አለቆቻችሁ ሕልምን ያልማሉ ጎልማሶቻችሁም ራእይን ያያሉ።" ሁለተኛም እንዲህ አለ ያን ጊዜ ከተራራው ማር ከኮረብታውም ወተት ይፈሳል በቤተ እግዚአብሔር አጠገብ ካሉ ከይሁዳ አገሮች ሁሉ ምንጩ ከላይ ወደታች ይፈሳል።

ሙታን በሚነሡ ጊዜ ስለሚሆነው የፍርድ ሰዓት እንዲህ አለ ፀሐይና ጨረቃ ይጨልማሉ የከዋክብትም ብርሃናቸው ይጠፋል። የትንቢቱንም ወራት አድርሶ እግዚአብሔርንም አገልግሎ በሰላም አረፈ።

ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ሐሜት

ብዙ ሰው ‹‹እኔ ሐሜት አልወድም፡፡ ግን ማማት የሚወዱ ጓደኞች አሉኝ›› ይላል፡፡ አሁን እርሱ ምን እያደረገ ነው? ‹‹ወዳጆቼ ሐሜተኞች ናቸው›› ሲል እያማቸው አይደለምን? ወይስ ለእርሱ ሲሆን ሐሜቱ ተለውጦ የመረጃ ቅብብል ይሆናል?!

የማንወደው ነገር ግን እየጠላንም ቢሆን የምናደርገው ኃጢአት ሐሜት ነው። በመጽሐፍ ቅዱስ ለመጀመሪያ ጊዜ ሐሜተኛ ሆኖ የተጠቀሰው በእባብ ያደረው ሰይጣን ነው፡፡ በመጀመሪያ የታማው ደግሞ እግዚአብሔር ሲሆን፣ ሐሜቱን ሰምታ ሳትመረምር የተቀበለችውና ለስሕተት የቸኮለችው ሴት ደግሞ ሔዋን ነበረች፡፡ (ዘፍ 3፥1-5)

የሰይጣን ሐሜት እንዲህ በቀላሉ የሚታይ አይደለም፡፡ አንደኛ "አትሞቱም፤ እንደ እርሱ እንዳትሆኑ ነው የከለከላችሁ" በሚለው ንግግሩ "እግዚአብሔር ዋሽቷችኋል" እያለ ፍቅሩን እንድትጠራጠር አደረገ። ሁለተኛ ደግሞ ከዛፉ ብትበሉ እንደ እርሱ ትሆናላችሁ በማለት የእግዚአብሔር አምላክነት "የዛፍ ፍሬ" በመብላት የተገኘ መሆኑንና እርሱም እንደ እነርሱ የነበረበት ጊዜ እንዳለ እንድታስብ እየገፋፋት ነው። ታዲያ ከዚህ በላይ ስም ማጥፋት (Character assassination) ከየት ሊገኝ ይችላል?

ሰይጣን በነገር ሁሉ ፍጹም የሆነን አምላክ ጆሮን ጭው የሚያደርግ ሐሰት ፈጥሮ ለማማት ወደ ኋላ ካላለ፣ አንዳች ጉድለት የማያጣብን እኛማ ከሐሜቱ ጅራፍ ልናመልጥ እንደማንችል ሊታወቅ ይገባል፡፡ በተለይ በአሁን ጊዜ ሐሜት በእያንዳንዳችን ልብ ውስጥ ሥሩን ሰድዷል። እንደውም ባልንጀራን ማማት እንደ ምግብ ቢሆን ኖሮ ብዙዎቻችን በዚህች ደሃ አገር ከመጠን በላይ ወፍረን እንቸገር ነበር።

ማኅበራዊ ሚዲያዎቻችን የሐሜት አውድማዎች ሆነዋል። በየገጾቻችን ከሽነን የምናቀርባቸው ጽሑፎች ጠረናቸው የሰው ሥጋ የሰው ሥጋ ይላሉ። ፊታችን በሐሜት ወይቦ ሁለት መልክ ካወጣን ቆየን። ይኸው ሳንባችን በማማት አየር ተመርዞ ሳሉ ከበረታብን ሰነባብተናል። ወዳጃችንን የማናማበት ብቸኛው ጊዜ ከእርሱ ጋር የምንሆንበት ሰዓት ነው። ያውም ደግሞ ያንኑ ጊዜ ሌላኛውን ሰው ለማማት ካልተጠቀምንበት ማለቴ ነው።

ሊቁ ዮሐንስ ካዝያን እንደሚናገረው "ሰው ከሚጠቅመው ቃለ እግዚአብሔር ይልቅ የማይጠቅመው ሐሜት ያጓጓዋል። የአምላክ ቃል ሲነገር እንቅልፍ እንቅልፍ የሚለው ሁሉ፣ የሐሜት ነገር ሲሆን ግን እንደ እርሱ ንቁ የሚሆን የለም። በጥፍሩ ቆሞ ይሰማል። ሌሊቱን ሁሉ ሳይተኛ ቢያድር ደስ ይለዋል።"

ለመሆኑ ባልንጀራችንን ስለ ምን በቀስታ እናማዋለን? የወዳጃችንንስ ውድቀት በማውራት በእኛ ላይ የምንጨምረው ምን በጎ ነገር አለ? በሰው ፊት መልካም እየመሰልን ከኋላው ግን ስለ እርሱ ውድቀት በማውራት የራሳችንን ደረጃ ከፍ ማድረግ አይቻልም። ስለ ሌሎች በማውራት የምናጠፋውን ሰዓት ራሳችንን ለማሳደግ ብንጠቀምበት ኖሮ መኖራችንን ትርጉም እንዲኖረው ማድረግ ይቻለን ነበር።

"ንጹሕ ወዳጅነት" ሐሜትና ማሾክሾክ የሌለባት የታማኞች ጌጥ ናት። የሐሜት ስለታቸውን ያልጣሉ ሰዎች "እውነተኛ ባልንጀርነት"ን አያውቋትም። አንተ በፍቅር ወዳጅ አድርገህ ከፊትህ ስታቀርባቸው እነርሱ ከኋላህ ሆነው የሚያሙህን አትጥላቸው፤ አትጣላቸው። ነገር ግን የሐሜቱ እርሾ እንዳያገኝህ ቶሎ ተለያቸው። ከፊትህም አድርገህ አታሰቃያቸው። የእነርሱ ቦታ ከኋላህ መሆን ነው።

ሐሜት የሰይጣን ነው። ሰውን የሚያማ በገዛ ፈቃዱ አንደበቱን ለሰይጣን አሳልፎ የሰጠ ነው። ማማት በቤተ ክርስቲያን መለያየትን ያመጣል፣ ቤተሰብ ይበትናል፣ ወንድሞችን ያጣላል። ብንችል ስለ ሰው የምናውቀውን ጥሩውን እናውራ። የምናወራው ጥሩነት ከሌለው ደግሞ ቢያንስ ምንም አንበል።

ሔዋን ልክ እንደ አዳም እባብን "ሂጅልኝ" ብላ ብታባራት ኖሮ እነርሱም ከፈጣሪ ባልተጣሉ ሐሜትም ወደ ዓለም ባልገባ ነበር። ሐሜትን ማጥፋት ከፈለግን ሐሜተኛን እሺ አንበል። ማር ይስሐቅም "ወዳጁን በፊትህ የሚያንኳስሰውን ሰው አፉን መዝጋት ባትችል እንኳን ቢያንስ ሐሜቱን ከመስማት ተቆጠብ" ይላል። ሐሜትን ደስ ብሎህ ካልሰማኸው ደስ ብሎት የሚያማን ሰው ልትፈጥር አትችልም።

"ነገር ግን እርስ በርሳችሁ ብትነካከሱ ብትበላሉ እርስ በርሳችሁ እንዳትጠፋፉ ተጠንቀቁ" ገላ 5፥15

ዲ/ን ሄኖክ ኃይሌ
ወስብሐት ለእግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳ /20/

ዳግመኛም በዚህች ቀን የስሙ ትርጓሜ ጠባቂና አዳኝ የሆነ የታላቅ ነቢይ የኤልሳዕ የዕረፍቱ መታሰቢያ ነው።

እርሱም አሜሁላ ከሚባል አገር ከይሳኮር ነገድ ነው ብዙ ትንቢትን ተናግሮአል ብዙ ተአምራትንም አድርጓል። የኢያሪኮም ሰዎች ኤልሳዕን "ጌታችን እንደምታያት የዚች አገር ኑሮዋ ያማረ የተወደደ ነው የአገሩ ውኃ ግን ክፉ ነው ሴቶች ሲጠጡት ይመክናሉ አሉት" ኤልሳዕም ጨው ጨምራችሁ አዲስ ሸክላ አምጡልኝ አላቸው እነርሱም አመጡለት ።

ኤልሳዕም ወደ ውኃው ምንጭ ሒዶ ያንን ጨው በውስጡ ጨመረውና እግዚአብሔር እንዲህ አለ "እርሱን ከመጠጣት የተነሣ የሚሞት እንዳይኖር የሚመክንም እንዳይኖር ይህን ውኃ ለውጥኩት" አለ አላቸው።

ከዚያችም ቀን በኋላ ኤልሳዕ እንደተናገረ እስከ አሁን ድረስ ያ ውኃ ተለወጠ። የዚህ የነቢይ ኤልሳዕ ተአምራቱ ብዙ ነው የሶርያውን ሰው ንዕማንን ከለምጹ ያነጻው እርሱ ነው ሁለት ሙታንን አንዱን በሕይወት ሳለ ሌላውንም ከሞተ በኋላ አስነሥቷል። በኋላም የትንቢቱን ወራት ፈጽሞ በሰላም አረፈ።

ለእግዚአብሔርም ምስጋና ይሁን እኛንም በቅዱሳኑ ጸሎት ይማረን በረከታቸውም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ገብርኤል መልዐከ ራማ

ገብርኤል/2/ መልዐከ ራማ/2/
ስንጠራህ ፈጥነህ ድረስ ድምጽህን እንስማ

ትንቢቱ ሲፈጸም ዘመኑ ሲያበቃ
ከቀናት ሳትዘግይ ሳይጎድል ደቂቃ
ወደ ድንግል መጥተህ ደስታን አበሰርክ
የአምላክን ሰውን መሆን ለዓለሙ ሰበክ /2/

አዝ

ከውኃ እና ከእሳት ከሞት አመለጡ
በእሳቱ መካከል ለጥፋት ቢሰጡ
አንተ ባለህበት በየትኛውም ስፍራ
ምንም ቦታ የለው ሞትና መከራ /2/

አዝ

የመንገዴ መሪ ፈውስ ነህ ለህመሜ
ገብርኤል ስትመጣ በዛልኝ ሰላሜ
ደስታን አብሳሪ ተሸክመህ ዜና
ዛሬም ለሀገራችን ምስራች ይዘህ ና/2/

አዝ

አንጌቤናይቱ ቅድስት እየሉጣ
ስለአንተ ትመስክር እስከ ልጇ ትምጣ
እሳተ ነህ ገብርኤል ነበልባል አስወጋጅ
የአምላክ መወለድ ለዓለም የምታውጅ /2/

ዘማሪ ዲ/ን አቤል መክበብ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ገብርኤል ኃያል

ገብርኤል ኃያል መልዐከ ሰላም
መልዐከ ብስራት የምታወጣ
የእግዚአብሔርን ህዝብ ከሚነድ እሳት
ፍቅርህ ተስሏል በልባችን
ፊትህ ቆመናል ባርከን ብለን

የፅናታቸው ዝናው ሲሰማ
ከዚያች ባቢሎን ከሞት ከተማ
ህፃናት ሳሉ በራ እምነታቸው
ቁመህ ተገኘህ መሀከላቸው

አዝ

ውሀው ሲዘልል ቢያስደነግጥም
በጋኖቹም ውስጥ ቢነዋወጥም
ፀንተው ዘመሩ ልጅና እናቱ
አንተ ስትደርስ ከዚያ ከእሳቱ

አዝ

ቂርቆስም ፀና ሞትን ሳይፈራ
አንተ ስላለህ ከእነርሱ ጋራ
አትፍሪ አላት ስለምን ትፍራ
አምነው ድል ነሱት ያንን መከራ

አዝ

እኔም አምናለው አድነኝ ብዬ
ቆመህ አማልደኝ ከቸር ጌታዬ
ክፉውን ዘመን የማልፍበት
ፅናትን ስጠኝ ድል ልንሳበት

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ያዳነኝን አውቀዋለው

ያዳነኝን አውቀዋለው
የሞተልኝ ኢየሱስ ነው
ስለሌለኝ የምከፍለው
ስጦታዬ ምስጋና ነው

ጨለማዬን አስወግዶ
ያበራልኝን አውቃለሁ
ሙሉ ሰው ነኝ ከእንግዲህስ
ስከተለው እኖራለሁ
የብርሃንን ልዩ ውበት
ፊት ለፊቴ ቆሞ አየሁት
ፍቅሩ ማርኮኝ
በመቅደሱ ሰገድኩለት አመለኩት
ላመስግነው ላመስግነው ላመስግነው
ፍቅሩ ማያልቅ ነው /2/

አዝ

አሳደረኝ በእቅፉ
መጠውለጌን አለምልሞ
በመስቀል ላይ ተሰቀለ
ዳንኩኝ እኔ እርሱ ታሞ
በማይዝለው ክንዶቹ ላይ
እኔን በክብር እያኖረ
እንዲመቸኝ ዝቅ ብሎ
በበረት ውስጥ እርሱ አደረ
ላመስግነው ላመስግነው ላመስግነው
ፍቅሩ ማያልቅ ነው /2/

አዝ

ቅኔ ባፈስ ምን ይደንቃል
ደሙን በመስቀል አፍስሶ
ስለ ልጁ መዳን ብሎ
ነፍሱን ሳይቀር ለኔ ክሶ
ፍቅሬ ይዞት ከጸባኦት
በትትና መቶ ወርዶ
ተቀደስኩኝ በነጩ በግ
ቀራንዮ ጌታ ታርዶ
ላመስግነው ላመስግነው ላመስግነው
ፍቅሩ ማያልቅ ነው /2/

አዝ

አክሊለ ሶክ አጠለቀ
ግርማ ክብሩን ሁሉ ትቶ
አሻገረኝ ወደ ክብሬ
በቅዱስ ደም እኔን ዋጅቶ
አጎንብሶ ቀና አረገኝ
ፊቴን በጽድቅ እያበራ
እኖራለሁ ለዘለአለም
ካከበረኝ ጌታ ጋራ
ላመስግነው ላመስግነው ላመስግነው
ፍቅሩ ማያልቅ ነው /2/

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፭/25/

በዚች ቀን ታላቅና ክቡር የሆነ አቢብ የተባለ መስተጋድል አባ ቡላ አረፈ።

የዚህም ቅዱስ የአባቱ ስም አብርሃም የእናቱም ስም ሐሪክ ነው። በተወለደም ጊዜ ክርስትና ሳያስነሡ ዓመት ሙሉ አኖሩት እመቤታችን ማርያምም ለሮሜ ሊቀ ጳጳሳት ለሰለባስትርዮስ ተገልጣ ወደ አብርሃም ቤት ሒዶ ሕፃኑን እንዲአጠምቀው አዘዘችው። አጠመቀው ስሙንም ቡላ ብሎ ሰየመው።

ሕፃኑም ዐሥር ዓመት በሆነው ጊዜ ለጣዖት መስገድን የሚያዝ ከሀዲ መኰንን መጣ ቅዱስ ቡላም በሰማ ጊዜ ወደ መኰንኑ ሒዶ የረከሱ አማልክቶቹን ረገመ መኰንኑም በዚያንም ጊዜ እጅግ ለመስማት የሚዘገንን መከራ እና ስቃይ በህፃኑ ላይ አደረሰበት የመላእክት አለቃ ሚካኤልም መጥቶ አዳነው ያለ ጉዳትም ጤነኛ አደረገው።

ዕድሜውንም ፈጽሞ ከዚህ ዓለም የሚለይበት ጊዜ ሲደርስ ጌታችን ወርዶ ብዙ ቃል ኪዳን ገባለት በደረቱም ላይ አድርጎ ወደ አየር አወጣው። የመላእክትንም ምስጋና በሰማች ጊዜ ነፍሱ ከሥጋው ተለየች ወደ ሰማያዊት ኢየሩሳሌም ገባች።

የቅዱሳን በረከታቸው ይደርብን አሜን !
ወስብሐት ለእግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አጌጥንበት ስምህን

አጌጥንበት ስምህን
ተዋብንበት ፍቅርህን
ሞገሳችን ሆነሃል
የጽድቅ ልብሳችን አማኑኤል /2/

ተዋህዶ የአዳምን ሥጋ
አማኑኤል ሆነ ከእኛጋ
በግርግም በቤተልሔም
ተወልዶ ሆነልን ሰላም

አዝ

ብንጠግብ በልተን ጠጥተን
ብንገባ በሰላም ወጥተን
ልጆችን ወልደንም ብንስም
ጠርተን ነው ጌታ ያንተን ስም

አዝ

ቢያምርብን ቢሞቀን ለብሰን
ብንረሳ ለቅሶና ሀዘን
ፍቅርህ ነው ዛሬን ያሳየን
ተመስገን እንልሃለን

አዝ

በባዕድ ሀገር ብንኖር
ቢገጥመን መከራ ችግር
ነጩን ልብስ ለብሰን ታይተናል
መስቀሉን ከማህተቡ ጋር

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፳፬ /24/

በዚች ቀን መስተጋድል መነኰስ አባ አብላርዮስ አረፈ።

ይህም ቅዱስ ጋዛ ከሚባል አገር ነው። ወላጆቹም አረማውያን ናቸው የዮናናውያንንም ትምህርታቸውንና ፍልስፍናቸውን አስተማሩት ሰውነቱ ለጥበብ ማደሪያዋ እስከሆነ ድረስ በዕውቀቱ ከጓደኞቹ በላይ ሆነ።

ከዚህም በኋላ ከሀገሩ የሌለ መልካም የሆነ ጥበብን ከውጭ አገር መማርን ወዶ ተነሥቶ ወደ እስክንድርያ ሀገር ሔደ መምህራንም ሁሉ ከሚኖሩበት ቦታ ገብቶ ከእሳቸው ዘንድ ብዙ ትምህርትን ተማረ በዚያንም ጊዜ የቤተክርስቲያንን ትምህርት ለመማር ተነሣሥቶ ቸኰለ የቤተክርስቲያንንም መጻሕፍት ብዙዎቹን  አነበበ የእስክንድርያ ሊቀጳጳሳት አባ እለእስክንድሮስም ይተረጒምለትና ያስረዳው ነበር።

ከዚህም በኋላ ክብር ይግባውና በጌታችን ኢየሱስ ክርስቶስ አምኖ በምንኵስና ሕግ ጸንቶ ገድልን ተጋደለ ወደ አባ እንጦንዮስም ሔዶ መንፈሳዊ የሆነ ጥምቀት ተጠመቀ ከዚያም መንኵሶ የትሩፋትን ሥራ እየተማረ በእርሱ ዘንድ ብዙ ወራት ኖረ።

ወላጆቹም እንደሞቱ በሰማ ጊዜ ሒዶ የተዉለትን ገንዘባቸውን ሁሉንም ወስዶ ለድኆችና ለችግረኞች መጸወተ ከዚህም በኋላ ከሶርያ ገዳማት ወደ አንዱ ገዳም ገባ በዚያም በጾም፣ በጸሎት፣ በስግደት በመትጋት ፍጹም ገድልን ተጋደለ በየሰባት ቀን እስኪመገብ ድረስ ምግቡም የዱር ሣር ነበር።

እግዚአብሔርም ሀብተ ትንቢትን ሰጥቶት ልቡናው ብሩህ ሆነ ድንቆች ተአምራትንም የሚያደርግ ሆነ ኤጲፋንዮስንም ያመነኰሰውና ለደሴተ ቆጵሮስም ኤጲስቆጶስ እንደሚሆን ትንቢት የተናገረለት እርሱ ነው። ክብር ይግባውና እግዚአብሔርንም ካገለገለ በኋላ በሰላም አረፈ።

የቅዱሳን በረከታቸው ይደርብን!
ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የጥቅምት ፳፬ ማኅሌተ ጽጌ🌹
👉 @ortodoxmezmur

Читать полностью…

ጥቅምት ፳፫ /23/

በዚች ቀን ለአባቶች ሊቃነ ጳጳሳት ኀምሳ ሁለተኛ የሆነ የእስክንድርያ ሊቀ ጳጳሳት አባ ዮሴፍ አረፈ።

ይህም አባት ከመኑፍ አገር ከታላላቆች ተወላጆች ወገን ነው ወላጆቹም ብዙ ገንዘብ ያላቸው ነበሩ ታናሽም ሁኖ ሳለ አባትና እናቱ ትተውት ሲሞቱ ድኃ አደግ ሆነ አንድ እግዚአብሔርንም የሚወድ ሰው አሳደገው።

አድጎ በጐለመሰም ጊዜ የወላጆቹን ገንዘብ ሁሉንም ወስዶ ለድኆችና ለምስኪኖች መጸወተ ከዚህም በኋላ ወደ አስቄጥስ ገዳም ወጥቶ ከአንድ ጻድቅ ሽማግሌ ሰው አባት ዘንድ መነኰሰ በበጎ ገድል ሁሉ እየተጋደለ ኖረ።

ይህም ሊቀ ጳጳሳት አባ ዮሴፍ መናፍቃንን የሚገሥጻቸው ሆነ ሕዝቡንም ከአባቶቻቸው፤ በተቀበሏት በቀናች ሃይማኖት እንዲጸኑ አስተማራቸው ከቅዱሳት መጻሕፍትም ለእነርሱም  ሥውር የሆነውን ተርጕሞ ያስረዳቸዋል ያስገነዝባቸዋልም በትምህርቱና በጸሎቱም እንዲህ ጠበቃቸው ጌታችንም በእጆቹ ብዙዎች ተአምራትን አደረገ ያማረች ገድሉንም ፈጽሞ እግዚአብሔርንም አገልግሎ በሰላም  በፍቅር አረፈ።

መላ የሕይወቱም ዘመን ሰባ ስምንት ነው ከምንኵስና በፊት ሃያ ዓመት በምንኵስና ተጋድሎ ሠላሳ ዘጠኝ ዓመት በሊቀ ጵጵስና ሹመት ዓሥራ ዘጠኝ ዓመት ኖረ።

ለእግዚአብሔርም ምስጋና ይሁን እኛንም በዚህ አባት ጸሎት ይማረን በረከቱም ከእኛ ጋር ትኑር ለዘላለሙ አሜን።

ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

የሰው ልጅ ከውድቀት በፊት

እግዚአብሔር የሰው ልጅን ሲፈጥረው እንደ መላእክት አድርጎ ነው። ቅዱስት መላእክት ለባውያን፡ ሥጋዊ መሻት የሌለባቸው ከኃጢአት የነጹ እንደ ኾኑ ሁሉ የሰው ልጅም ሲፈጠር ምንም እንኳን ሥጋን የለበሰ ቢኾንም እንዲህ ኾኖ ነበር። የሰው ልጅ ያልተለመደ ዓይነት መልአክ ኾኖ የተፈጠረ ነው። ቅዱስ ያዕቆብ ዘሥሩግ አዳምንና ሔዋንን ኹለት መላእክት" የሚላቸውም ለዚህ ነው። ከቅዱሳን መላእክት ጋር ኾኖ ከአምላክ ጋር አንድነት የነበረው፡

ዲያብሎስና እርሱን የተከተሉት መላእክት እንዲቀኑ ያደረጋቸው የሰው ልጅ ሕይወት ነበር። ምንም እንኳን ሥጋን የለበሰ ቢኾንም እንደ ረቂቃኑ” መላእክት መኖሩ፣ በአንድ ጊዜ ረቂቅና ግዙፍ ፍጥረት መኾኑ ነበር ያስቀናቸው::

ይህ ሰው ለሞት የተፈጠረ አልነበረም። ምንም እንኳን ካለ መኖር ወደ መኖር የተፈጠረ እንደ መኾኑ በባሕርዩ ሊሞት የሚችል ማለት ሞት የሚስማማው ገና የተፈጠረ ቢኾንም፥ ሕያው ባሕርይ በኾነው በራሱ በእግዚአብሔር አርአያ የተፈጠረ በመኾኑ ሕጉን በመጠበቅና ፈጣሪውን በማወቅ ይህንን አርአያ እግዚአብሔርን ቢጠብቅ ግን አይሞትም ነበር። እግዚአብሔር ሕያው የምታደርገውን ነፍስ የሰጠው ስለ ኾነ ብሩህ፡ ውብ፡ ለባዊ፡ መልካም ሥራዎችን ለመሥራት ዓቅም ያለው የተፈጠረ ነው፥ ይሀ በርግጥም ልዩ ክብር እንደ ነበረ ቅዱስ ጐርጐርዮስ ዘቡል) ሲገልፀውም፡-

ከዚህ ክብር የሚበልጥ ምን ክብር አለ? ከዚህ ትምክሕት የሚበልጥ ምን
የሚያስመካ ነገር አለ?... ሰውን በእርሱ አምሳል እንደ ፈጠረው እንዲመሰክር ከመኾን የበለጠ የሚያስመካ ምን ነገር አለ?" ይላል ።"

ሙስና፡ ሞት፡ ሕማምና ድካም የመጡበት ከዚህ በኤደን ገነት ውስጥ ይኖርበት ከነበረው የንጽሕናና የድንግልና ሕይወት ፈቀቅ ሲል ነው። ሞት የሚስማማው ኾኖ የተፈጠረ ቢኾንም፥ በገዛ ፈቃዱ እንዳይሞት ማድረግ ይችል የነበረው የሰው ልጅ መዋቲ የኾነው ከበደለ በኋላ ነው።

ከአራቱ ባሕርያተ ሥጋና ከሦስቱ ባሕርያተ ነፍስ የተፈጠረ ቢኾንም፥ ክብሩ ግን ሰማያዊ ነበር። አፈርና ትቢያ የኾነው፡ እግዚአብሔር የነገረውን ባለ ማመን ብሎም ባለመታዘዝ ሲበድል ነው። ጥንቱን ከትቢያ የተፈጠረ ቢኾንም እስኪወድቅ ድረስ ክብሩ እፍ ተብላ ከተሰጠችው ነፍሱ የተነሣ ከፍ ያለ ነበር። ስለዚህም እንደ መላእክት ስለሚበላው፡ ስለሚጠጣው፣ ስለሚለብሰው፡ ስለ እንቅልፍ፣ ወጥቶ ወርዶ ስለ መሥራት፣ በአጠቃላይ ስለዚህ ዓለም ኑሮ የሚጨነቅ አልነበረም። ቅዱስ ዮሐንስ አፈ ወርቅ ይህን ግልፅ አድርጎ ሲነግረንም እንዲህ ይላል፡-

ምንም እንኳን በዚህ ምድር ላይ ሥጋ ለብሶ ቢኖርም ፍትወተ ሥጋ ሳይኖርበት እንደ ሰማያውያን መላእክት ኾኖ ይኖር ነበር። በትረ መንግሥቱን ይዞ የንግሥና ዘውዱን ጭኖ፡ ሐምራዊ መጎናጸፍያውን አድርጎ እንዳጌጠ ንጉሥ በነጻነትና በፍጹም ደስታ ይኖር ነበር። አንድም ነገር ሳይጐድልበት እጅግ ባለጸጋ ኾኖ በገነት ይኖር ነበር።"

ይበላ የነበረ ቢኾንም፤ በአንድ መልኩ ጥሮ ግሮ የሚበላ አልነበረም፡ በሌላ መልኩ ደግሞ አሁን የምናውቀው ዓይነት ረሃብና ጥም ስለ ነበረበት አይደለም። መላእክት እንደማይርባቸውና እንደማይጠማቸው ኹሉ፥ ሰውም እንደዚህ ነበር። ሰውስ ይቅርና ዛሬ ሥጋ በል የምንላቸው እንስሳትም ከውድቀት በፊት ምግባቸው ማር እንጂ ሥጋ እንዳልነበረ ቅዱስ ባስልዮስ ዘቂሳርያ ይነግረናል።'

በዚያን ጊዜ የሰው ልጅ ምንም እንኳን ሥጋ የለበሰ የነበረ ቢኾንም፥ በሥጋው ብቻ የታጠረ ግን አልነበረም። መላእክት ሥጋዊ ፍላጎት እንደ ሌለባቸው ኹሉ' ሰውም ይህ ኣልነበረበትም። መላእክት ልብስ እንደማያሻቸው ኹሉ' ሰውም ልብስ የሚያስፈልገው አልነበረም። ልብሱ፣ ቅዱስ ኤፍሬም ሶሪያዊ እንደሚነግረን የክብር ልብስ ነበር ይህን የክብር ልብስ ለብሶ እያለ' እስራኤላውያን ሊቀ ነቢያት ሙሴ ፊቱን ሳይሽፍን ማየት የማይቻላቸው እንደ ኾኑ፥ የምድር ፍጥረታትም አዳምንና ሔዋንን ማየት አይቻላቸውም ነበር። አዳም ለእንስሳቱ ስም ሲያወጣላቸውና በፊቱ ሲያልፉ እንኳን ቀና ብለው ማየት ሳይቻላቸው አጎንብሰው ነበር። አዳም ለብሶት የነበረውን የክብር ልብስ ማየት አይቻላቸውም ነበር።' እንስሳቱስ ይቅሩና ዲያብሎስ ይህን የአዳም ክብር በግልፅ ማየት አይቻለውም ነበር።" አዳም ይህን የክብር ልብስ ለብሶ ሲኖር ከግዙፍ ልብስ ዕራቁቱ እንደ ኾነ እንኳን አያውቅም ነበር። ስለዚህ አሁን የምናውቀው ዓይነት ልብስ ለሰው ልጅ የተሰጠው "ለዚያ አጊጠዉበት ለነበረው የብርሃን ልብስና ከሥጋ መሻቶች ነጻ ኾነው ለኖሩበት ሕይወት ያልተገቡ ኾነው በመገኘታቸው ነው።'' የቆዳ ልብስ የተሰጣቸው ለዚያ የክብር ልብስ ያልተገቡ ኾነው በመገኘታቸው ብቻ ሳይኾን ላለማመናቸውና ላለመታዘዛቸው ማዘከሪያ እንዲኾን ነው።

ዳግመኛም የሰው ልጅ በራሱ ላይ ብቻ ሳይኾን በሌሎች በሚታዩ ፍጥረታት ላይ ንጉሥ ኾኖ ይኖር የነበረ ነው። መጨረሻ ላይ መፈጠሩ፣ ሌሎቹ ፍጥረታት ኹሉ እርሱ እንዲጠቀምባቸው መዘጋጀታቸው በገነት ውስጥ ያለ ጣር መኖሩ፡ እንስሳቱ ኹሉ ስም እንዲያወጣላቸው ወደ እርሱ መምጣታቸውም ይህን ንግሥናውን በግልፅ የሚያስረዱ ናቸው። ፍርሐትና መንቀጥቀጥ የመጣበት ከበደለ በኋላ ነው፤ ሔዋን ከእባብ ጋር ያለ ፍርሐት መነጋገርዋ ይህን የሚያሳይ ነው።

የሰው ልጅ ከውድቀት በፊት እጅግ ዐዋቂና ጠቢብም ጭምር ነበር። ይህም ሳይሳሳትና ሳይደግም ለእንስሳቱ ስም በማውጣቱ ታውቆአል።

ነጻነትም ነበረው። ከመበደሉ በፊት የሚያሻውን በጎ ነገር ለማድረግ አያቅተውም ነበር። በጎ ማድረግን አስቦ ማድረግ ያቃተው ሲበድል ነው።

ከእግዚአብሔር ጋር እንደ ባልንጀራ አፍ ለአፍ የሚነጋገር ነበር። አባት ለልጁ ኹሉን ነገር እንደሚያስተምረው፥ እግዚአብሔርም ለአዳም ኹሉን ነገር ያስተምረው ነበር። በኋላ ሲወድቅ መጽሐፍ ቅዱስ የሰጠውም የሰው ልጅ ከእግዚአብሔር ስለ ራቀ ነው። አጠገብ ላለ ወዳጅ ደብዳቤ አይጻፍምና።በጎውንና ክፉውን የሚያውቅ መለየት የሚችል ነበር። መለየት የማይችል ቢኾን ኖሮ ባልተጠየቀ ነበርና።

ወስብሐት ለእግዚአብሔር
ምንጭ፦ ትንሿ ቤተክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት፳፪ /22/

በዚህች ቀን ብልህ ጥበበኛ የሆነ ቅዱስ ወንጌላዊ ሉቃስ በሰማዕትነት አረፈ።

ቅዱሳን ጴጥሮስና ጳውሎስም ከተገደሉ በኋላ በሮሜ ሀገር የሚያስተምር ሆነ በቀናች ሃይማኖትም ይጸኑ ዘንድ ለምእመናን መልእክትን ይጽፍ ነበር። ጣዖት አምላኪዎች ከአይሁድ ጋር በመስማማት አንድ ግምባር ፈጠሩ በንጉሥ ኔሮን ፊት ቁመው ጮኹ ይህ ሉቃስ ብዙዎች ሰዎችን በሥራዩ ወደ ትምህርቱ አስገባቸው። ንጉሥ ኔሮንም ወደ ፍርድ አደባባይ ሉቃስን እንዲአቀርቡት አዘዘ።

በኔሮንም ፊት ቀርቦ በቆመ ጊዜ ንጉሡ በሥራይህ ሕዝቡን የምታስት እስከመቼ ነው አለው ቅዱስ ሉቃስም እኔ ለሕያው እግዚአብሔር ልጅ ለጌታችን ኢየሱስ ክርስቶስ ሐዋርያው ነኝ እንጂ ሥራየኛ አይደለሁም ብሎ መለሰለት።

ንጉሥ ኔሮንም እየጻፈች ሰዎችን የምታስት ይቺን እጅህን እኔ እቆርጣታለሁ ይህንንም ብሎ የቀኝ እጁን እንዲቆርጡ አዘዘ በቆረጡትም ጊዜ ንጉሥ ሆይ እኛ የዚህን ዓለም ሞት እንደማንፈራ እወቅ ነገር ግን የጌታዬንና የፈጣሪዬን ኃይሉን ታውቅ ዘንድ አሳይሃለሁ።

ይህንንም ብሎ የተቆረጠች የቀኝ እጁን በግራ እጁ አንሥቶ ከተቆረጠችበት ቦታዋ ላይ አገናኝቶ እንደ ቀድሞዋ ደኅነኛ አደረጋት። በኋላ ለያት በዚያም የነበሩ አደነቁ የሠራዊት አለቃውና ሚስቱ ብዙዎችም ሰዎች ክብር ይግባውና በጌታችን ኢየሱስ ክርስቶስ አመኑ ቁጥራቸውም አራት መቶ ሰባ ሰባት ነፍስ ሆነ ንጉሡም ከቅዱስ ሉቃስ ጋር ራሶቻቸውን እንዲቆርጡ አዘዘና ቆረጡአቸው የምስክርነት አክሊልንም በመንግሥተ ሰማያት ተቀበሉ።

የቅዱሳን በረከታቸው ይደርብን!
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​​​ጥቅምት 21 ቀን እመቤታችን ሐዋርያው ማትያስን ከእስር ያስፈታችበት ቀን ነው!

በዛሬው እለት ማለትም ጥቅምት 21 ቀን እመቤታችን ለሐዋርያው ቅዱስ ማትያስ አስገራሚ ተአምር አድርጋለታለች፡፡ ቅዱሳን ሐዋርያት ዓለምን ዞረው ቅዱስ ወንጌል እንዲያስተምሩ ዕጣ ሲጣጣሉ ለቅዱስ ማትያስ ሰዎችን ወደሚበሉ ሀገር ዕጣ ደረሰው፡፡ ቅዱስ ማትያስም ወንጌልን እሰብካለሁ ብሎ ሀገራቸው ገባ፡፡

በዚያች ሀገር የሚኖሩ ሰዎች ደግሞ አንድ ሰይጣናዊ ልማድ ነበራቸው። ይኸውም አንድ ሰው ሀገራቸው ከመጣ ይዘውት ሁለቱንም ዓይኑን በማውጣት ለ30 ቀን እንደ ከብት ሣር እያበሉት በእስር ቤት ያቆዩታል፡፡ በ 30ኛው ቀንም ከእስር ቤት አውጥተው አርደው ይበሉታል። ታዲያ እነዚህ ሰው በላ ሰዎች ቅዱስ ማትያስንም ይዘው ሁለቱን ዓይኖቹን አወጡ በእስር ቤትም አስቀመጡት፡፡

ቅዱስ ማትያስም በእስር ቤት በጭንቅ ሆኖ ወደ እመቤታችን መማጸን ጀመረ፡፡ እመቤታችንም ቅዱስ ማትያስ የሚበላበት ሠላሳኛው ቀን ሳይደርስ በጸሎቷ ኃይል ከእስር ቤት አስወጣችው በተአምራትም ከሰው በላ ሰዎች አስመለጠችው፡፡

እመቤታችን በመዓዛ መለኮት በጣፈጠ ጥዑም አንደበቷ ከችግራችን፣ ከሕመማችን፣ ከእሥራታችን ትፍታን፡፡

ቀሲስ ሄኖክ ወ/ማርያም
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤

Читать полностью…

የዝማሬ ዳዊት ትክክለኛው የቲክቶክ ገጽ ይህ ነው።

በቅርቡ አዳዲስ ስራዎች ይዘን ስለምንቀርብ ቲክቶክ የምትጠቀሙ ቤተሰቦቻችን Follow እና ሼር በማድረግ የአገልግሎት ተደራሽነቱን ያስፉ።

https://vm.tiktok.com/ZMhQPn89c/
https://vm.tiktok.com/ZMhQ5DW1f/

Читать полностью…

ማርያም ማርያም ብዬ

ማርያም ማርያም ብዬ ስምሽን ልጥራው
አይደክመኝም እኔ ብደጋግመው
አሁንም ጠራሁሽ አላስችልህ ቢለኝ
አውቀዋለሁ ስምሽን እናቴ ስትወልደኝ/2/

ገና በማህጸን በእናቴ የምጥ ቀን
ደጋግሜ ሰማሁ ሲጠሩ ስምሽን
በሰከንዳት እድሜ የማውቃት አንዲት ቃል
ልቤ ላይ ያለው ስም ማርያም ማርያም ይላል/2/
ማርያም ማርያም

አዝ

ሔዋን ምጧ ቀሎ ልጆቿን ታቀፈች
በአማላጅነትሽ እናቴም ታመነች
በተወለድኩበት በመጀመሪያው ቀን
ስምሽን እየሰማሁ ወጣሁ ከማህጸን /2/
ማርያም ማርያም

አዝ

ከቃልኪዳን ስም ጋር አደግኩኝ አብሬ
ምልጃሽ ሳይለየኝ አለሁ እስከ ዛሬ
የህይወቴን ፊደል ካንቺ ላይ ቆጠርኩኝ
በልጅሽ አምኜ ዳግም ተወለድኩኝ /2/
ማርያም ማርያም

አዝ

የክፉ ቀን ስንቄ ያዘልኩሽ በልቤ
የህይወቴ ምግብ የእንጀራ መሶቤ
እንደ ትላንትናው ዛሬም እጠራሻለሁ
የመስቀል ስር ክብሬን እንዴት እረሳለሁ
የመስቀል ስር ክብሬን እንዴት እተዋለሁ/2/
ማርያም ማርያም

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ከሰማዩ ከፍታ

ከሰማዩ ከፍታ ከፍ ብላ ጽዮን
በሰገነት ላይ ተቀምጣ
ድንግል በክብር በግርማ ትኖራለች አጊጣ /2/

አይን ከሞላባቸው ከኪሩቤል
ክንፋቸው ከበዛ ከሱራፌል
ከሊቃናቱ ሁሉ ትበልጣለች
እሳተ መለኮትን በሆዱዋ ስለተሸከመች

አዝ

ከንጉሱ በስተቀኝ ከዙፋኑ
ንግስቲቱ ቆማለች በየቀኑ
የቃል ኪዳን ቀሚሷን ተጐናጽፋ
የምትማልድልን ድንግል ናት የሁላችን ተስፉ

አዝ

በብርሀን ወንበር ላይ ተቀምጣለች
ጨረቃን ከእግሯ በታች ተጫምታለች
የቅድስናን ውበት ተሸልማ
የምታብረቀርቀው እርሷ ናት የልዑል ከተማ

አዝ

ከዕብራውያን ሴቶች ተለይታ
ከሔዋን ዘሮች ሁሉ ታየች ጐልታ
ሰባቱን መቅረዝ ልጇ ያበራል
ስጋዋን ተዋህዶ በፍቅር እኛኑ መስሏል

ዘማሪ ገ/ዮሐንስ ገ/ጻድቅ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ሞገድ ሲመታኝ

ሞገድ ሲመታኝ ማዕበሉ
ማን ያድነዋል ሁሉም ሲሉ
በሰላም አለፍኩ በፀጥታ
ሁሉ ተችሎ ላንተ ጌታ /2/

በአንተስ ቁስል ተፈወስኩኝ
ጌታ በፍቅር ተማረኩኝ
ሞቴን ሽረኸው ባንተ ሞት
ይህው አቆምከኝ በህይወት/2/

አዝ

ደጅህ ስጠና ስማጸንህ
መቼ ጨከነ ጌታ ልብህ
እንደ ቀራጩ አጎነበስኩ
ምህረት ጸጋህ በእጅህ ለበስኩ/2/

አዝ

ዘወትር እልል ብል ብዘምር
ስለገባኝ ነው ያንተ ፍቅር
ጌታ ብጠራው ስምህን
ለውጠኸው ነው ታሪኬን /2/

አዝ

አይኖቼ አያዩም ካንተ በቀር
የምትወደድ የምትፈቀር
ዘመድ ወገኔ ሆነኸኛል
እኔን የሚችል የት ይገኛል /2/

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፲፱ /19/

በዚች ቀን በከሀዲው ዲዮቅልጥያኖስ ዘመን ቅዱስ በርቶሎሜዎስና ሚስቱ በሰማዕትነት አረፉ።

እኚህ ቅዱሳንም የግብጽ ምዕራብ ከሆነ ፍዩም ከሚባል አገር ናቸው፤ ክርስቲያኖችም እንደሆኑ፤ በመኰንኑ ዘንድ ወነጀሏቸው፤ መኰንኑም ልኮ አስቀረባቸውና ስለ ሃይማኖት ጠየቃቸው እነርሱም ክብር ይግባውና በጌታችን ኢየሱስ ክርስቶስ በፊቱ ታመኑ።

መኰንኑም ጥልቅ ጒድጓድ እንዲቆፍሩላቸው በዚያም እንዲጨምሩአቸውና በሕይወታቸው እንዲደፍኑባቸው አዘዘ። መኰንኑም እንዳዘዘ አደረጉባቸው በዚህም ምስክርነታቸውን ፈጽመው የሰማዕትነት አክሊልን በመንግሥተ ሰማያት ተቀበሉ።

የቅዱሳን በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​ሥርዓተ ቅዳሴ

ቅዳሴ ማለት ቀደሰ ከሚለው የግእዝ ግስ የተገኘ ሲሆን አመሰገነ፣ ባረከ፣ አከበረ፣ ለየ፣ ለእግዚአብሔር መርጦ ሰጠ ማለት ነው። ሥርዓት ማለት ደግሞ ሠርዐ፡ ሠራ ከሚለው የግእዝ ግስ የተገኘ ነው። ትርጉሙ ሕግ: ደንብ አሠራር ማለት ነው። በአንድ ላይ አድርገን ስናነበው የምሥጋና ሥርዓት ማለት ነው የሚመሰገነው  ደግሞ እግዚአብሔር ነው።

ቅዳሴ በሥርዓተ ቤተክርስቲያናችን ሥርዓት መሠረት በኅብረት የሚጸለይ የኅብረት ጸሎት ነው፡፡ ከፀሎቶች ሁሉ የላቀ የፀሎት ክፍል ነው፡፡

ቅዳሴ፡-
• በሰማይ የሚገኘውን ሥርዓት በምድር መተግበር ነው።
• ቅዱስ ቁርባን የሚቀርብበት እግዚአብሔርን የምናመልክበት ሥርዓት ነው።
• በደስታ የምናከናውነው እግዚአብሔርን የምናመልክበት ጸሎት ነው።
• ቅዳሴ አባቶች ካህናት እና ምእመናን ያሳተፈ የምሥጋና ሥርዓት ነው። ስለዚህ ዘወትር ለቅዳሴና ለመንፈሳዊ ትምህርት ትኩረት ልትሰጡ ይገባል።

ጳጳሳት፣ ቀሳውስት፣ ዲቆናት በመቀደስ ምእመናን ደግሞ በማስቀደስ  ይሳተፋሉ ከሁሉ በላይ አምላካችን የሚገኝበት እመቤታችን ቅድስት ማርያም የምትገኝበት መላእክት የሚገኙበት ሁሉም ቅዱሳን እንደተሰጣቸው ክብር የሚገኙበት ጸሎት ነው ስለዚህ ስናስቀድስ ብዙ በረከት እናገኝበታለን።

በቅዳሴ ጊዜ 5ቱ መሥዋዕቶች ምን ምን ናቸው?

አምስቱ የስሜት ሕዋሳት በፀሎተ ቅዳሴ ጊዜ ያስቀድሳሉ፤ በቅዳሴ ጊዜ 5ቱ ምሥዋዕቶች ተሟልተው ይገኙበታል። እዚህንም 5ቱን መሥዋዕቶች ማንኛውም ክርስተያን ለፈጣሪው የሚያቀርበው ነው፡፡

1. የቁርባን መስዋዕት፡-
በጸሎተ ቅዳሴ ጊዜ ኅብስቱ ተለውጦ ሥጋ መለኮት ወይኑ ተለውጦ ደመ መለኮት የሚሆነው በቅዳሴው ጸሎት ነው። ሳናስቀድስ አንቆርብምና የቁርባን መስዋዕት የሚፈጸመው በሥርዓተ ቅዳሴ ብቻ ነው፡፡ መስዋዕቱም በቤተልሔም ይዘጋጃል፤ በቤተክርስቲያን ውስጥ በቤተ-መቅደስ ውስጥ ደግሞ ይቀርባል ወይም ይታደላል፡፡ ጌታችን ሲወለደ በቤተልሔም ተወልዶ ቀራንዮ ለዓለም ሁሉ መስዋዕት ሆኗልና ቀራንዮ በተባለች በቤተክርስቲያን ቅዱሱ መስዋዕት ለሕዝብ ይታደላል።

2. የከንፈር መስዋዕት፡-
ካህኑ፣ ዲያቆኑና ሕዝቡ በመቀባበል በአንድነት ምስጋና ለፈጣሪያቸው የሚያቀርቡበት የከንፈራችን ፍሬ የሚሰዋበት የፀሎት ክፍል ፀሎተ ቅዳሴ ነው፡፡

3. የመብራት መስዋዕት፡-
በቅዳሴ ጊዜ የሚበራው ጧፍ ለእግዚአብሔር የሚቀርብ የሚሠጥ የመብራት መስዋዕት ነው፡፡ ምሳሌነቱም የጌታችን መድኃኒታችን የኢየሱስ ክርስቶስ ምሳሌ ነው። ይህውም ጌታችን ጨለማ ለሆነ ዓለም ብርሃን ሆኖ ብርሃንን ሊያበራ ወደ ዓለም መቷልና ነው፡፡

4. የዕጣን መስዋዕት፡-
የዕጣን ጸሎት ካህኑ ብቻ የሚያጥነው ሲሆን ይህውም በማዕጠንቱ አማካኝነት ቅዱሱን እጣን በመንበሩ፣ በቅዱሳን ስዕላቱ፣ በሕዝቡ መካከል ያጥናል። ይህውም የሕዝቡን ፀሎት ወደላይ ወደ ሥላሴ መንበር ይዞ ይወጣል።

በሰማይም ያሉ ቅዱሳን መላእክት ቅዱስ ቅዱስ ቅዱስ እያሉ የሥላሴን መንበር እንደሚያጥኑ ሁሉ በምድርም ያለው ካህን የሰማያዊው ምሳሌ ነውና በምድር ያለውን መንበር በማጠን ለእግዚአብሔር የዕጣን መስዋዕት ያቀርባል፡፡

5. የሰውነት መስዋዕትነት፡-
በቅዳሴ ጊዜ አብዛኛውን ሰዓት ሙሉውን ማለት ይቻላል በመቆም የሚፀለይ የፀሎት ክፍል ነው፡፡ በመሐል 2 ጊዜያት ብቻ የስገዱ ትዕዛዝ ሲተላለፍ ሕዝቡ ሁሉ ፊቱን ወደ ፈጣሪው አዞሮ እራሱን አዋርዶ ይሰግዳል። በእግዚአብሔር ፊት መቆምም ሆነ መስገድ ለእግዚአብሔር የሚሰጥ የሰውነት መሥዋዕት ነው፡፡

ይህ የጸሎት ክፍል (ቅዳሴ) በሦስት ዋና ዋና ክፍሎች ይከፈላል፦
1. የዝግጅት ክፍል
2. የንባብና የትምህርት ክፍል
3. ፍሬ ቅዳሴ፦ ፍሬ ቅዳሴያት እንደየበዓሉ ይለዋወጣተሉ ብዛታቸውም ፲፬ (14) ናቸው። እነዚህም፡-
3.1. ቅዳሴ ዘሐዋርያት
3.2. ቅዳሴ እግዚእ
3.3. ቅዳሴ ማርያም
3.4. ቅዳሴ ዘዮሐንስ ወልደ ነጓድጓድ
3.5. ቅዳሴ ዘሠለስቱ ምዕት
3.6. ቅዳሴ ዘአትናቴዎስ
3.7. ቅዳሴ ባስልዮስ
3.8. ቅዳሴ ጎርጎርዮስ
3.9. ጎርጎርዮስ ካልእ
3.10. ቅዳሴ ዘኤጲፋንዮስ
3.11. ቅዳሴ ዘዮሐንስ አፈወርቅ
3.12. ቅዳሴ ዘቄርሎስ
3.13. ቅዳሴ ዘያዕቆብ ዘሥሩግ
3.14. ቅዳሴ ዘዲዮስቆሮስ

- የጌታችን በዓል ከሆነ (ቅዳሴ እግዚእ)
-የጌታችን ምጽአት፣ ጳጉሜ እሑድ ቀን ከዋለች ሰንበት (ቅዳሴ አትናቴዎስ)
-የእመቤታችን በዓል ከሆነ ቅዳሴ ማርያም (ጎሳ ልብየ ቃለ ሰናየ)
-የመላእክትና የሐዋርያት በዓል ከሆነ (ቅዳሴ ዘያዕቆብ ዘሥሩግ)
-ከዘመነ ልደት እስከ ዘመነ ግዝረት (ቅዱስ ጎርጎርዮስ ካልዕ)

ወስብሐት ለእግዚአብሔር
ምንጭ፦ ሥርዓተ ቤተ ክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥቅምት ፲፰ /18/

በዚህች ቀን የከበረ ቅዱስ ሮማኖስ በሰማዕትነት አረፈ።

ይህም ቅዱስ የክርስቲያን ወገኖችን መኰንኑ እንዳሳደዳቸው በሰማ ጊዜ ከቀሳውስትና ከዲያቆናት ጋር የክርስቲያን ወገኖችን ሁሉ በአንድነት ሰበሰባቸው ስለ ክርስቶስ ሃይማኖትም መክሮ አጸናቸው።

አስቅልጵያኖስም ይህን ሰምቶ እንዲአመጡት አዘዘ በፊቱም በቆመ ጊዜ በወገን የከበርክ ሮማኖስ አንተ ነህን? አለው ቅዱሱም የወገን ክብር ምን ይጠቅመኛል ክብሬ ግን ክርስቶስ ነው ብሎ መለሰለት። መኰንኑም ሰምቶ እንዲሰቅሉትና ጉንጮቹን ይሰነጣጥቁ ዘንድ አዘዘ።

በዚያንም ጊዜ ሮማኖስ መኰንኑን እንዲህ አለው "እነሆ ስንፍናህን እዘልፍ ዘንድ ፈጣሪዬ አፌን ከፈተ፤እውነት ነገርን ብታውቅ ለእግዚአብሔር እንሰግድ ዘንድ ይገባ እንደሆነ ወይም ለአማልክት እንዲነግረን ሕፃን ልጅ እንዲአመጡ እዘዝ" መኰንኑም ታናሽ ሕፃንን እንዲአመጡ አዘዘ መኰንኑም ሕፃኑን ስግደት ለማን እንዲገባ ዕውነቱን ንገረን አለው። ሕፃኑም በአንዲት ቃል ዓለሙን ሁሉ ለፈጠረ ለሕያው እግዚአብሔር ስግደትና አምልኮ እንዲገባ አታውቅምን አለው።  በዚያንም ጊዜ የቅዱስ ሮማኖስንም ምላሱን ከግንዱ እንዲቆርጡ መኰንኑ አዘዘ።

ያን ጊዜ መኰንኑን ይዘልፍ ዘንድ ለአባ ሮማኖስ ረቂቅ አንደበት ተሰጠው ሲዘልፈውም መኰንኑ ሰምቶ ምላሱ እንዳልተቆረጠ ተጠራጠረ፤ ወታደሩንም ጠርቶ ምላሱን ያልቆረጥክ ለምንድን ነው አለው ወታደሩም የምላሱን ቁራጭ ያመጡ ዘንድ እዘዝ አለው አምጥተውለትም አየ መኰንኑም ወደ ወህኒ ቤት አስገብተው በዚያ አንቀው እንዲገድሉት አዘዘ የምስክርነት አክሊልን በመንግሥተ ሰማያት ተቀበለ።

የቅዱሳን በረከታቸው ይደርብን!
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…