ባለ ውለታዬ

ባለውለታዬ /2/
ከአመድ ያነሳኸኝ ከትቢያ ተጥዬ
ተመስገን ጌታዬ

አዝ

በሩን ቢዘጋብኝ ስምዖን ጨክኖ
ዝቅ አደርጎ ቢያየኝ ከአይሁድ ጋር ሆኖ
እንድቀርብ ወደ እርሱ አዘዘ ጌታዬ
እግሩን አጥበዋለሁ ወድቄ በእንባዬ /2/

አዝ

የቀራጭ አለቃ ቢሆንም ስራዬ
እንድወርድ ከዛፉ አዘዘ ጌታዬ
መዓረጌን መሸከም እስኪያቅተኝ ድረስ
ቤቴ ተባረከ በኢየሱስ ክርስቶስ /2/

አዝ

ድንጋይ የጨበጡ ፈራጆች ከበውኝ
ነውሬን ዘርዝረው ጌታ ፊት አቆሙኝ
ፈረደችባቸው ኃጢአትም በእነርሱ
በሠላም ሂድ ብሎ ምሮኛል ንጉሱ /2/

አዝ

የማምነውን አምላክ አውቀዋለሁ እኔ
በሰራልኝ ሥራ በእድሜ በዘመኔ
ፍቅሩን ተሸክሟል የልቤ ትከሻ
ልለየው አልችልም እስከ መጨረሻ /2/

ሊቀ መዘምራን ቴድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

​​እንኳን ለግሸን ደብረ ከርቤ: ለብዙኃን ማርያምና ለቅዱሳኑ ዓመታዊ በዓል በሰላም አደረሳችሁ፤ አደረሰን።

በስመ አብ ወወልድ ወመንፈስ ቅዱስ አሐዱ አምላክ አሜን!

ግሸን ደብረ ከርቤ

ሃገራችን ኢትዮጵያ ሃገረ እግዚአብሔር መሆኗን ታላቁ ቅዱስ መጽሐፍ ይመሰክራል። (መዝ. 67, አሞጽ. 9:7) ሕዝቦቿም የድንግል ማርያምና የቅዱሳን አሥራት ናቸው። የኢትዮዽያውያንን ያህል ድንግል ማርያምን የሚወድ ለቅዱስ መስቀሉ ክብርን የሚሰጥ ቅዱሳንንም የሚዘክር ያለ አይመስለኝም። "እመ ብርሃንም ፈጽማ ትወደናለች። ለዚህ ደግሞ ቅንጣት ታህል አንጠራጠርም።"

ለዓለም እስከ አሁን ድረስ የሁለቱ (የታቦተ ጽዮንና የቅዱስ ዕፀ መስቀሉ) መገኛ እንቆቅልሽ ነው። ለእኛ ግን ሁለቱም ያሉት በቤታችን ውስጥ ነውና እንመሠክራለን። ክብር ለቀደምት አበው ይድረሳቸውና አስፈላጊውን መንፈሳዊና ሥጋዊ ዋጋ ከፍለው ታቦተ ጽዮንን እና ቅዱስ ዕፀ መስቀሉን አምጥተውልናል።

በዚህች ዕለትም የጌታችንና የመድኃኒታችን ኢየሱስ ክርስቶስ መስቀል በደብረ ከርቤ ግሼን ማረፉን አስበን በዓልን እናከብራለን። ይኸውም ደጉ አፄ ዳዊት በሠይፈ አርዕድ የተጀመረውን ጥረት ቀጥለው በኃይለ እግዚአብሔር አሕዛብን አስደንግጠው እመ ብርሃንንም በጸሎት ጠየቁ።

የአምላክ እናትም ረድታቸው ቅዱስ ዕፀ መስቀሉን ከኩርዓተ ርዕሡ ወንጌላዊ ቅዱስ ሉቃስ ከሳላት ምስለ ፍቁር ወልዳ እና ከብዙ ንዋያተ ቅዱሳት ጋር ተላከላቸው። እርሳቸው መስከረም 10 ቀን መስቀሉን ተቀብለው በዓሉን በተድላ አክብረው በመንገድ በ1396 ዓ/ም ዐርፈዋል።

አፄ ዳዊት ካረፉ በኋላ ቅዱስ መስቀሉ ለ30 ዓመታት ተቀምጧል። አፄ ዘርዓ ያዕቆብ እስከ ነገሠበት 1426 ዓ/ም ድረስም ከ6 በላይ ነገሥታት አልፈዋል።

አፄ ዘርዓ ያዕቆብ ከነገሠ ከጥቂት ዓመታት በኋላ ለቅዱስ መስቀሉ በመካነ ንግሡ ደብረ ብርሃን ቤተ ክርስቲያንን ለማነጽ ሲያስብ ጌታችን በራዕይ "አንብር መስቀልየ በዲበ መስቀል" አለው። ከዚህ ቀን ጀምሮ ደጉ ንጉሥ የመካነ መስቀሉን ቦታ ይፈልግ ዘንድ ከሠራዊቱ ጋር ብዙ ደክሟል።

በመጨረሻም በነገሠ በ10 ዓመታት ግሼንን አምባሰል (ወሎ) ውስጥ አግኝቷት ሐሴትን አድርጓል። ቦታዋ በሥላሴ ፈቃድ በትእምርተ መስቀል የተፈጠረች ናትና እግዚአብሔር አብ ቤተ ክርስቲያንን አንጾ መስቀሉን በብረት በመዳብ በናስ በብር በወርቅ ለብጦ ዐፈር እንዳይነካውም አድርጐ አኑሮታል።

በቦታውም ተአምራት ተደርገዋል። ጻድቁ ዘርዓ ያዕቆብም 'ጤፉት' የሚባል መጽሐፍን ጽፎ እዚያው አኑሮታል። መጽሐፉ እንደሚለው በሃገራችን ያለው ግማደ መስቀሉ (የቀኝ እጁ) ብቻ ሳይሆን ሙሉው ዕፀ መስቀል ነው። ይህ የተደረገውም መስከረም 21 ቀን ነው።

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳፩

በዚችም ቀን ቅዱስ ቆጵርያኖስና፤ ድንግሊቱ ዮስቴና በሰማዕትነት አረፉ።

ቅዱስ ቆጵርያኖስ አስቀድሞ ከሃዲና ሥራየኛ ነበር። በሥራዩም የሚበልጠው ካለ ሊማር ከሌለ ግን በእነርሱ ላይ ሊመካባቸው ወደ አንጾኪያ አገር ሔደ። በዚያም አንድ ጎልማሳ ነበረ። ላይዋ የሚያምር አንዲትን ድንግል ብላቴና ወደ ቤተ ክርስቲያን በምትሄድ ግዜ እያያት በእርሷ ፍቅር ልቡ እንደ እሳት ተቃጠለ በገንዘብ፣ በማስፈራራት፣ በስራይ ስራም ሊያገኛት አልተቻለውም።

ጎልማሳውም ለቆጵርያኖስ ነገረው እርሱም ዮስቴናን እንዲያመጡለት አጋንንትን ላካቸው ከጸሎቷ የተነሳ ወደእርሱ ሊያመጧት አልቻሉም። ቆጵርያኖስም አጋንንቱን ድንግል ዮስቴናን ካላመጣችሁልኝ ክርስቲያን እሆናለው አላቸው። በዚሕም ጊዜ አንዱ ሰይጣን ዮስቴናን ተመስሎ ለቆጵርያኖስ ታየው።

ቆጵርያኖስም እውነት መስሎት በደስታ የሴቶች እመቤት ዮስቴና መምጣትሽ መልካም ሆነ አለ። ስሟን በጠራ ጊዜም በእርሷ አምሳል የተመሰለው ሰይጣን እንደ ጢስ ሆኖ ተበተነ። በዚሕ ጊዜ በልቡ ስሟን በጠሩበት ቦታ እንደጢስ የሚበተኑ ከሆነ በፊቷ ሊቆሙ እንዴት ይቻላቸዋል ብሎ ወዲያውኑ የጥንቆላ መጻሕፍቶቹን አቃጠለ።

ከዚሕም በኋላ የክርስትና ጥምቀትን ተጠምቆ የምንኩስና ልብስን ለበሰ። ዲቁና ዳግመኛም ቅስና ተሾመ። ቅድስት ዮስቴናንም ወስዶ ለደናግል ገዳም እመ ምኔት አደረጋት። በኋላም ከሀዲው ንጉስ ዳኬዎስ ስለእነርሱ ሰማ፤ የክብር ባለቤት ክርስቶስን ክደው ለጣዖቶቹ እንዲሰግዱ አዘዛቸው ትዕዛዙን ባልሰሙ ጊዜ ብዙ ሥቃይን አሠቃያቸው። በኋላም የቅዱስ ቆጵርያኖስን የቅድስት ዮስቴናን እራሳቸውን አስቆረጠ የሰማዕትነት አክሊልንም ተቀበሉ።

በረከታቸው ይደርብን! አሜን
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ማማተብ

ጸሎት በምንጀምርበት ጊዜና በምንፈጽምበት፣ በምንሰግድበትና በምንሳለምበት፣ አንዲሁም መስቀልን የሚያነሳ ቃልን በምንጸልይበት ጊዜ የሚያስደነግጥ ነገርን በምንሰማበትና በምናይበት ጊዜ በመስቀል አምሳል ገጻችንን እናማትባለን። ጸሎት በምንጀምርበት ጊዜ በማማተብ ይህንን ቃል እንላለን፡-

ይህን በምንልበት ጊዜ ፊታችንን ከግንባራችን ጀምረን ወደታች ወደ ደረት እንወርድና ከዚያ ወደ ግራ ሔደን ወደ ቀኝ እንመለሳለን። በዚህ ጊዜ መስቀል እንሠራለን። ይህም በጣታችን የመስቀል ምልክት በመሥራት ነው። በዚህ ጊዜ የሰይጣን መንፈስ ይርቃል መንፈስ ቅዱስ ይቀርባል። በጣታችንም የምናማትብበት ምሥጢሩ ይህ ነው፡፡

“እኔ ግን በእግዚአብሔር ጣት አጋንንትን የማወጣ ከሆንኩ አንግዲህ የእግዚአብሔር መንግሥት ወደ እናንተ ደርሳለች።” ሉቃ11፥ 20

በማማተብ ያለ ምሥጢር

በመጀመሪያ በቀኝ እጅ ጣታችን የመስቀል ምልክት እንሠራለን። ይህም መስቀል ምልክታችንና ዓርማችን አንደሆነ እንመሰክራለን። ከዚያም ገጻችንን እናማትባለን። በዚህም ጊዜ የምናስበውና የምንመሰክረው ምሥጢር በጌታችን በኢየሱስ ክርስቶስ የመስቀል ኃይል ከሞት ወደ ሕይወት መሸጋገራችንን ነው።

ከግንባር ጀምረን ከላይ ወደ ደረት ወደታች በምንወርድበት ጊዜ አምላካችን እኛን ለማዳን ከሰማየ ሰማያት መውረዱን ከእመቤታችን ከቅድስት ድንግል ማርያም መወለዱን በአጭር ቁመት በጠባብ ደረት ተወስኖ ስለእኛ በዚህ ምድር ሞትን ቀምሶ እኛን የማዳኑን ነገር እናስባለን።

በመቀጠልም ወደ ግራ አድርገን ወደቀኝ ተመልሰን ማማተባችን በኃጢአታችን ምክንያት ያመጣነውን ሞት አጥፍቶ ከግራ ቁመት፤ ከነፍስ ስደት አውጥቶ ወደ ቀኝ ቁመት ገነት መንግሥተ ሰማያት እንደመለሰንና እንዳስገባን አምነን የምናስብበት ነው። እንደገናም በኃጢአት ብንወድቅ በንስሐ አጥቦ ለፍርድ በሚመጣበት ጊዜ በቀኝ ከሚቆሙት ቅዱሳን ጋር እንዲቆጥረን እንማጸናለን።

ድኅነታችንን ሁልጊዜ ከማሰብ ጋራ በምናማትብበት ጊዜ የሰይጣንን መንፈስ የምናርቅበት ኃይላችን የሆነ መስቀልን እንደምንመካበት እንገልጻለን።

ወስብሐት ለእግዚአብሔር
ምንጭ ፦ መጽሐፈ አሚን ወስርዓት
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አዲሱን የዝማሬ ዳዊት የቲክቶክ ገጽ ይከተሉ!

https://vm.tiktok.com/ZMhMKp9NY/

Читать полностью…

ማረኝ

ማረኝ /3/ መመኪያዬ
አርጅቻለሁ እና በኃጢያት ጎስቁዬ/2/

አዝ

ከፊቴ ናትና ኃጢያቴ ሁል ጊዜ
ተዉጫለሁ እኔስ በሐዘን በትካዜ/2/
በፊትህ ክፋትን አድርጌያለሁ እኔ
ምንም ጽድቅ አልሰራሁ በሕይወት ዘመኔ/2/

አዝ

ከፊትህ መቅበዝበዝ መሰደድ ፈለኩኝ
ኃጢያት ከኋላዬ እያሳደደችኝ/2/
ወዴት እሄዳለሁ መሸሸጊያም የለኝ
ምህረትህ መጠጊያ ዋሻ ካልሆነችኝ/2/

አዝ

የተሰባበረዉ አጥንቴ እንዲጠገን
በምህረት እና በቸርነት ዳሰኝ /2/
የቀና መንፈስን አድስ በልቤ ዉስጥ
ነፍሴ በእሽታ በተስፋ ትለወጥ /2/

አዝ

ቅዱስ መንፈስህን ከእኔ ላይ አትዉሰድ
በንስሐ ድኜ በተስፋ እንድራመድ
አቤቱ ንፁህ ልብ ፍጠርልኝ እና
በደስታ ልስገድ በፍቅርህ ልፅናና/2/

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አለና ሚካኤል

አለና ሚካኤል አምላኩን ማለደው
ዘወትር ስለ እኛ መለመን ስራው ነው

አዝ

ሕፃናት በረሃብ ሲረግፉ አይቻለሁ
ስለዚህ አምላኬ ልማልድህ መጣሁ
ምድር ብረምጣድ ሆና ተቃጥላለች
እናት ለልጆቿ የምትሰጠው አጣች

አዝ

የሻገተ እንጀራ ፍርፋሪ ጠፋ
ምድር በውሃ ጥም በርሃብ ተቀፅፋ
ስለዚህ ታረቀው ይቅር በለው አለ
ሚካኤል በሰማይ ከአምላኩ ፊት ሳለ

አዝ

አይቻለሁ አለ ሰባ ዓመት ሲቆጣ
የምሕረት ፀሐይ በኢትዮጵያ ይውጣ
ሜዳው አረጓንዴ አበባ ይሞላ
ደመናው ይመለስ የምሕረት ጥላ

አዝ

ሚካኤል አምላኩን ማለደው በብርቱ
ዳግም እንድታበቅል አዝርዕት መሬቱ
ጠላትም እንዲያፍር ሕዝቡም እንዲፅናና
እግዚአብሔር በምሕረት በረድኤትህና

ሊቀ መዘምራን ይልማ ኃይሉ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ስሙ ገብርኤል ነው

የዘለዓለም ወንጌል በእጁ የተያዘ
በጠላቶች መኃል ሰይፍን የመዘዘ
ዘወትር ስለእኔ በአምላክ ፊት የሚቆመው
የሚረዳኝ መልዐክ ስሙ ገብርኤል ነው

አዝ

በሰርክ መስዋዕት ጊዜ የዳሰሰኝ
ጥበብ ክርስቶስን ገልጦ ያስተማረኝ
ክብሩ እያበራ በሌሊቱ ግርማ
የጌታን መወለድ ምስራች አሰማ(2)

አዝ

የአምላክ ስም ያለበት ክንፉን የዘረጋ
ሕዝቡን የታደገ ከጠላት መንጋጋ
የተሰጠው ግርማ እጅጉን ታላቅ ነው
በእሳቱ መካከል ሲበር እንዳየነው (2)

አዝ

የእየሉጣ ረዳት የቂርቆስ አዳኙ
የዳንኤል መምህር የጠላት በታኙ
ዛሬም ለልጆቹ የጌታን ፊት ያያል
ለታናናሾቹ በምልጃው ይቆማል(2)

አዝ

የአምላክ ስም ያለበት ክንፉን የዘረጋ
ሕዝቡን የታደገ ከጠላት መንጋጋ
የተሰጠው ግርማ እጅጉን ታላቅ ነው
በእሳቱ መካከል ሲበር እንዳየነው(2)

ዘማሪ ዲያቆን እንዳለ ደረጀ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

በድንኳኔ እልልታ ሙሉ ነው

በድንኳኔ እልልታ ሙሉ ነው
በድንኳኔ ዝማሬ ሙሉ ነው
በማንነቴ ላይ እግዚአብሔር ታላቅ ነው

አዝ

ፍላፃውን የጠላቴን ቁጣ
መከተልኝ ወደ እኔ እየመጣ
በራራልኝ በእርሱ በወዳጄ
ሰላም ሰፍኗል በጓዳ በደጄ

አዝ

የመንገዴን ጥርጊያውን አቅንቶ
የሰለለ ጉልበቴን አፅንቶ
ከፊት ለፊት በድል ቀድሞልኛል
በምስጋናው ከኋላ ስቦኛል

አዝ

ስላልተወኝ አንዳች አጣህ ብሎ
ሙሉ ሰው ነኝ የለኝም ጎዶሎ
በከፍታ ብኖር በዝቅታ
ደስተኛ ነኝ ሁልጊዜ በጌታ

አዝ

ማማረርን ማጉረምረም ትቻለሁ
አንደበቴን ቅኔ ሞልቻለሁ
ቢፈራረቅ ብርሃን ጨለማ
ከቶ አልወርድም ከምስጋና ማማ (2)

ሊቀ መዘምራን ቴዎድሮስ ዮሴፍ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አንድ ስም አለ

አንድ ስም አለ ከአፌ የማለየው
በዘመን ብዛት የማልተወው
ማርያም/3/ እላለሁ
መዳኔን ሳስብ ምክንያቴን እንዴት እረሳለሁ

አዝ

እኔማ ውዳሴዋን ከልጅነት ጀምሬ
ከአንደበቴ ሳለየው አለሁኝ እስከዛሬ
አላጥፍም አትሮንሱን ተርኬም አልጨረስኳት
ዘመኔ ሲያበቃ ነው የምስጋናዬ እልባት
በቀን ካልጠራሁት ስሟን ካልደጋገምኩት
ቀኑም ቀን አይሆንም ይጎልብኛል ሰላም

አዝ

አንድ ጊዜ ታትማ ተስላ ከአይምሮዬ
የአገልግሎቴ ምዕራፍ የመቅደስ ትዝታዬ
ሲበዛ የማይሰለች የስሟ መጣፈጥ
ማርያም ስል ዉዬ አድራለሁ ቃሉ ከማር ቢበልጥ
በቀን ካልጠራሁት ስሟን ካልደጋገምኩት
ቀኑም ቀን አይሆንም ይጎልብኛል ሰላም

አዝ

ሞቴን ሞተልኝ እና የማህፀኗ ፍሬ
እርቆ የነበረው ተመለሰልኝ ክብሬ
ፍቅሯ እየቀሰቀሰኝ እነሳለው ማልጄ
ሰላም ለኪ እላለሁ ሰላም እንዲሆን ደጄ
በቀን ካልጠራሁት ስሟን ካልደጋገምኩት
ቀኑም ቀን አይሆንም ይጎልብኛል ሰላም

አዝ

የንጉስ እናት ሁና ይደንቃል ትህትናዋ
ጨመረ በትውልዱ የመወደድ ግርማዋ
ጨለማው ተገፎ ነው አሻግሬ ማየቴ
ብርሃን የከበባትን አስቀድሜ ከፊቴ
በቀን ካልጠራሁት ስሟን ካልደጋገምኩት
ቀኑም ቀን አይሆንም ይጎልብኛል ሰላም

ሊቀ ዲያቆናት ነቢዩ ሣሙኤል
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አባ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስምወዕጨጌ ዘመንበረ ተክለ ሃይማኖት

መስከረም 16 ቀን 2017ዓ.ም
አዲስ አበባ፣ ኢትዮጵያ
👉 @ortodoxmezmur

Читать полностью…

እሰይ አበራ መስቀሉ

እሰይ አበራ መስቀሉ ለዓለም ሁሉ
ይለኮስ ችቦ ደመራ ጨለማው ይብራ

አዝ

የጥል ግድግዳ ፈረሰ እሰይ አበራ
ዳግም እምባችን ታበሰ እሰይ አበራ
ሕይወት ነው ለእኛ መስቀሉ እሰይ አበራ
ታምነናል እና በቃሉ እሰይ አበራ

አዝ

አይሁድ በክፋት ቢነሱ እሰይ አበራ
የሐሰት ካባ ቢለብሱ እሰይ አበራ
እሌኒ ሄደች ገስግሳ እሰይ አበራ
ቆስጠንጢኖስን አንግሳ እሰይ አበራ

አዝ

ዛሬም ኃይል አለው መስቀሉ እሰይ አበራ
አንድ አልፎበታል ለሁሉ እሰይ አበራ
አንሸሽገውም ከእውነት እሰይ አበራ
መውጊያውን ስለወጋበት እሰይ አበራ

አዝ

የመስቀሉ ቃል ለአመነው እሰይ አበራ
ከሞት ማምለጫ ስንቅ ነው እሰይ አበራ
ለዓለም ቢመስል ሞኝነት እሰይ አበራ
ተከፍሎበታል ስርዬት እሰይ አበራ

ዘማሪት ትርሃስ ገ/ እግዚአብሔር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ጥልን በመስቀሉ ገደለ
በመስቀሉ ለሰው ልጅ ሰላምን አደለ
🥰እንኳን ለብርሃነ መስቀሉ በሰላም አደረሳችሁ 🙏ከመስቀል አደባባይ 🥰

Читать полностью…

እንኳን ለብርሐነ መስቀሉ በሰላም አደረሳችሁ አደረሰን! መልካም በዓል ይሁንላችሁ ።

📍 ወለጋ ነቀምት

Читать полностью…

መስከረም ፲፯

በዚች ቀን ክብር ይግባውና ጌታችን ኢየሱስ ክርስቶስ የተሰቀለበት ለከበረ መስቀል በዓሉ ነው።

ንግስት ዕሌኒ የጎልጎታን ኮረብታ በአስጠረገች ጊዜ የከበረ መስቀልን አገኘችው ታላቅ ኮረብታም የሆነበት ምክንያት እንዲህ ነው ። ብዙ ድንቆች እና ተአምራቶች ክብር ይግባውና ጌታችን መድኃኒታችን ኢየሱስ ክርስቶስ ከተሰቀለበት መስቀል ይደረግ ነበና አይሁድ ተቆጡ።

እንዲህም ሥርዓትን ሠርተው አዘዙ በይሁዳ አገር ሁሉና በኢየሩሳሌም ቤቱን የሚጠርግ ሁሉ ወይም አፈር ወይም ጉድፍ የሚጠርግ በኢየሱስ ክርስቶስ መስቀል ላይ እንዲጥል አዘዙ።

እንዲህም እያደረጉ ዕሌኒ ንግሥት እስከ መጣችበት ጊዜ ድረስ ከሦስት መቶ ዓመት በላይ ኖሩ።

እርሷም በመጣች ጊዜ ክብር ይግባውና የጌታችን የኢየሱስ ክርስቶስን መስቀል እስከሚያሳዩዋት ድረስ አይሁድን ይዛ አሠቃየቻቸው ያንን ኮረብታም እንዲቆፍሩ አስገደደቻቸው በመጨረሻም የከበረ መስቀሉ ከተቀበረበት ተገልጦ ወጣ ።

ውብ የሆነች ቤተ ክርስቲያንም ተሠራች በዚች ቀንም አከበሩዋት ለመስቀሉም በዓልን መስከረም ዐሥራ ሰባት ቀን አከበሩለት።

የቅዱሳን በረከታቸው ይደርብን አሜን !
ወስብሃት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

አለፍኩኝ ድንግል

አለፍኩኝ ድንግል ማእበሉን
አለፍኩኝ ድንግል ውጣ ውረዱን
ምርኩዜ ስለሆንሽ ስጠራ ስምሽን

አዝ

አለፍኩኝ ድንግል  በእመቤቴ ምልጃ
አለፍኩኝ ድንግል  ወንዙን ስሻገር
አለፍኩኝ ድንግል  ያባረረኝ ጠላት
አለፍኩኝ ድንግል  ቀረ ሰምጦ ባህር
አለፍኩኝ ድንግል  ከበሮውን ላንሳ
አለፍኩኝ ድንግል  እንደ ሙሴ እህት
አለፍኩኝ ድንግል  ምስጋና ልሰዋ
አለፍኩኝ ድንግል  ለዓለም እመቤት

አዝ

አለፍኩኝ ድንግል  ወንድሞች ቢሸጡኝ
አለፍኩኝ ድንግል  አሳልፈውኝ
አለፍኩኝ ድንግል  በባዕድ ከተማ
አለፍኩኝ ድንግል  ድንግል ሾመችኝ
አለፍኩኝ ድንግል  በቅን የማመልከው
አለፍኩኝ ድንግል  ልጅሽ ክርስቶስ
አለፍኩኝ ድንግል  ምልጃሽን አስቦ
አለፍኩኝ ድንግል  ሰጥቶኛል ሞገስ

አዝ

አለፍኩኝ ድንግል  በስምጥ ሸለቆ
አለፍኩኝ ድንግል  ሆኜ ባጣብቂኝ
አለፍኩኝ ድንግል  የምደገፍበት
አለፍኩኝ ድንግል  አንዳች ሳይኖረኝ
አለፍኩኝ ድንግል  ባንቺ ተርፌአለሁ
አለፍኩኝ ድንግል  ምርኩዝ ሆነሽኝ

አዝ

አለፍኩኝ ድንግል  ሰው የለኝም እና
አለፍኩኝ ድንግል  ድንግል አትራቂኝ
አለፍኩኝ ድንግል  አንቺው ነሽ እናቴ
አለፍኩኝ ድንግል  የማትሰለቺኝ
አለፍኩኝ ድንግል  ውለታዋ ብዙ
አለፍኩኝ ድንግል  የድንግል ማርያም
አለፍኩኝ ድንግል  እርሷን ለእኔ የሰጠ
አለፍኩኝ ድንግል  ይክበር ዘለዓለም

ዘማሪ ቀሲስ እንግዳወርቅ በቀለ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

📕 መጽሐፈ ጤፉት

ጌታችን መድኃኒታችን ኢየሱስ ክርስቶስ የተሰቀለበት ቅዱስ መስቀል ወደ ኢትዮጵያ መጥቶ በግሸን ደብረ ከርቤ ቅድስት ማርያም መቀመጡን እና ሌሎች ጥንታዊያን ታሪኮች የሚናገር መጽሐፍ ነው።

💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ውል ውል አለኝ ደጅሽ

ውል ውል አለኝ ደጅሽ /፪/
የአምላክ ፈቃድ ሆኖ እስክሳለምሽ
ውል ውል አለኝ ደጅሽ /፪/

አዝ

የልቤን ፍላጎት ግሸን ላይ ነግሬ
ደስታ ቤቴን ሞላው ተረሳ ችግሬ
የግሸኗ እመቤት ልኑር በፍቅርሽ
ከአመቱ ሳትለዪኝ ልቁም ከደጅሽ
ውል ውል አለኝ ደጅሽ

አዝ

ሚካኤል ገብርኤል በቀኝ በግራ
አንቺ ከመሀል ነሽ ከፍ ባለ ስፍራ
የግሸኗ ንግስት ይነገር ዝናሽ፤
ግማደ መስቀሉን በክብር ያኖርሽ
ውል ውል አለኝ ደጅሽ

ግሸን ሆይ መግቢያሽ አንድ ነዉ /፪/
ለመንግስተ ሰማይ ምሳሌ የሆነዉ
ግሸን ሆይ መግቢያሽ አንድ ነዉ /፪/

አዝ

ጉልበቴ በረታ ዳገት ቁልቁለት፤
በምልጃሽ እንዲያገኝ የሀጢያት ስርየት፤
ይናፍቃል ልቤ ደጅሽ እስኪደርስ፤
ጠበልሽን ልጠጣ በእምነት ልታበስ፤
ግሸን ሆይ መግቢያሽ አንድ ነዉ፤

አዝ

የእግዚአብሔር ሀገሩ ግሸን ደብረ ከርቤ፤
እረካሁ ከጥሜ ጠገብኩኝ ከራቤ፤
ሀምሳለ ገነት ነሽ ኢየሩሳሌም፤
አምላክ አክብሮሻል እስከ ዘለአለም፤
ግሸን ሆይ መግቢያሽ አንድ ነዉ፤

አዝ

የመስቀል ቅርፅ ነው የተራራው ራስ፤
ሁሉም ይናፍቃል ደጅሽ እስኪደርስ፤
ተገልጾ የታየበት የክርስቶስ ፍቅር፤
የእግዚአብሄር አብ መቅደስ አለ በክብር፤
ውል ውል አለኝ ደጅሽ

ነፍሴን አለሟን አሳየዋት /፪/
በአለማዊ ግብር ካላበላሸዋት
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እቴ ሙሽራዬ

እቴ ሙሽራዬ ሰሎሞን ያለሽ /2/
እኔም ልበልሽ እናቴ
እመ አምላክ ግቢ በቤቴ     
እኔም ልበልሽ እናቴ
ማርያም ግቢ በቤቴ

አዝ

ሁሉም ሰው ለራሱ ወንበር ሲዘረጋ
የክብርን ሽልማት ራሱን ሲያስጠጋ
ድንግል እንደ ባርያ ውሃ ተሸክመሽ
ጌታን በትህትና ታገለግያለሽ
ነይ በደመና /4/ እመቤታችን ርህርህተ ህሊና/2/

አዝ

ወርቀ ዘቦ ለብሰው ከቤቱ ከሞሉት
በሐርና በእንቁ ከተንቆጠቆጡት
በሰው ፊት ያማሩ ብዙ ሆነው ሳለ
ጌታ ግን ወደደሽ እናቴ ነሽ አለ
ነይ በደመና /4/ እመቤታችን ርህርህተ ህሊና/2/

አዝ

አሳድጎሽ ሳለ መልአኩ መግቦ
ተሸልመሽ ሳለ በዝቶልሽ ተዉቦ
እጅግ በትህትና ስላገለገልሽው
እንደ ኪሩብ መልአክ ጌታን ተሸከምሽው
ነይ በደመና /4/ እመቤታችን ርህርህተ ህሊና/2/

አዝ

የባርያውን ውርደት ተመልክቷልና
ለወለድሽው ንጉስ ይድረሰው ምስጋና
ከልብ የወጣ እንጂ ከንቱውን አይደለም
ብጽዕት እንላለን እኛ ለዘላለም
ነይ በደመና /4/ እመቤታችን ርህርህተ ህሊና/2/

ዘማሪ ቀሲስ አሽናፊ ገ/ማርያም
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስከረም ፳

በዚህች ቀን ለሊቃነ ጳጳሳት ሃያ ስምንተኛ የሆነ የእስክንድርያ ሊቀ ጳጳሳት አባት አትናቴዎስ አረፈ።

ይህም አባት አስቀድሞ የእስክንድርያ አገር ቤተክርስቲያን መጋቢ ነበር፤ ከእርሱም በፊት የነበረ ሊቀ ጳጳሳት አባ ጴጥሮስ በአረፈ ጊዜ ይህን አባት ሊቀ ጵጵስና ይሾሙት ዘንድ ሁሉም ኤጲስቆጶሳት መኳንንቱና ሊቃውንቱ ሕዝቡም በአንድ ምክር ተስማሙ።

በእግዚአብሔር ሕግ በመጽናት ያደረገው መልካም ተጋድሎውና ቅድስናው ስለእርሱ ስለተነገረ መንፈስ ቅዱስም እንደ አደረበት ስለ ተረዱ ያለ ፈቃዱም ወስደው ሊቀ ጵጵስና ሾሙት።

ከዚህም በኋላ ክብር ይግባውና የክርስቶስን መንጋዎች በምክሩ፣ በትምህርቱ፣ በጸሎቱ ከዲያብሎስ ተኵላዎች በመልካም አጠባበቅ ጠበቃቸው እኒህም ሃይማኖትን የሚለውጡ መናፍቃን ናቸው። በሊቀ ጵጵስናውም ፯ ዓመት ኖረ እግዚአብሔርንም አገልግሎ በሰላም አረፈ።

በረከታቸው ይደርብን! አሜን
ወስብሐት ለእግዚአብሔር
ምንጭ፦ መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ለዘማርያን በሙሉ እንኳን ደስ አላችሁ።

የዝማሬ ዳዊት የዩቲዩብ ገጽ ዝማሬዎቻችሁን ወደ ምእመናኑ ለማድረስ ሙሉ ዝግጅቱን አጠናቋል።

በዚህም መሰረት ዝማሬ ሰርታችሁ ለምእመናኑ ሳይደርስ በቤታችሁ አስቀምጣችሁ ያስቀራችሁ፤ አዳዲስ ዝማሬ እየሰራችሁ ያላችሁ እና ለመስራት በመንገድ ላይ ያላችሁ በሙሉ፤ የዝማሬ ዳዊት ገጽ ስራችሁን ወደ ምእመናኑ ሊያደርሳችሁ ዝግጅቱን አጠናቋል።

በዚህም መሰረት ዝማሬዎቹን በዝማሬ ዳዊት የዩቲዩብ ገጽ ለማስተላለፍ መሟላት ያለባቸውን መስፈርቶች በውስጥ መስመር የምናሳውቃችሁ ይሆናል። እኛን ማግኘት ለምትፈልጉ
📩 @Zemaredawitadmin
📩 @Zimaredawitmessanger ወይም
📞 +251703408851 ላይ መልዕክት ያስቀምጡልን። የምታውቁት ሰው ካለም እባክዎ ይህን ዕድል ይጠቁሙ።

በተጨማሪም ዘማሪ መሆን የምትፈልጉ እና ጸጋው ያላችሁ ወንድም እህቶቻችን እግዚአብሔር ከፈቀደልን ትልቅ ዕድል ይዘን እየመጣን ስለሆነ እራሳችሁን አዘጋጅታችሁ ጠብቁን። ጅማሬዎቻችን ሁሉ መልካም ፍጻሜ እንዲኖራቸው በጸሎታችሁ አስቡን።

Читать полностью…

መስከረም ፲፱

በዚች ቀን ያለ ደም ማፍሰስ ሰማዕት የሆነ የአርማንያ ሊቀ ጳጳሳት ቅዱስ ጎርጎርዮስ ከዐዘቅት የወጣበት መታሰቢያው ነው።

ይህም በንጉሥ ድርጣድስ ዘመን በአርማንያ አገር ራሱን ባሪያ አድርጎ ይኖር ነበር። ንጉሡ ከሀዲ ነበርና ቅዱስ ጎርጎርዮስን ጣዖቱን ዕጣን እንዲያጥን አዘዘው። ቅዱሱም የንጉሱን ትዕዛዝ ባለመስማቱም እጅግ በጣም አሰቃየውና ከጥልቅ ጉድጓድ ጣለው በዚያም ለ15 ዓመት ኖረ። በዚያም በጉድጓድ ሳለ እግዚአብሔር ሁል ጊዜ ምግቡን የምትወረውርለት አንዲት ሴት አዘጋጀለት።

በዚያም ወራት ይህ ንጉሥ ድርጣድስ ደናግሎችንና ቅድስት አርሴማን ገድሎ ሥጋቸውም በተራራ ላይ ተጣለ። እግዚአብሔርም ከሰራው ክፋት የተነሳ የተፈጥሮ መልኩን ለውጦ እንስሳ አደረገው።

የንጉሡ እኅት ግን በራእይ "ጎርጎርዮስን ከጉድጓድ ውስጥ ካላወጣችሁት አትድኑም" የሚላት ሰውን አየች ለወገኖቿም ነገረቻቸውና እንርሱም ሒደው ቅዱስ ጎርጎርዮስን ከጎድጓድ አወጡት በዚያን ጊዜም ቅዱሳት ደናግልን ሥጋቸውን ገንዞ በመልካም ቦታ አኖራቸው ከዚያም በኃላ ንጉሡንና ቤተሰቦቹን ሁሉንም ወደ ሰውነት መለሳቸው።

የቅዱሳን በረከታቸው ይደርብን! አሜን።
ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

ለዘማርያን በሙሉ እንኳን ደስ አላችሁ።

የዝማሬ ዳዊት የዩቲዩብ ገጽ ዝማሬዎቻችሁን ወደ ምእመናኑ ለማድረስ ሙሉ ዝግጅቱን አጠናቋል።

በዚህም መሰረት ዝማሬ ሰርታችሁ ለምእመናኑ ሳይደርስ በቤታችሁ አስቀምጣችሁ ያስቀራችሁ፤ አዳዲስ ዝማሬ እየሰራችሁ ያላችሁ እና ለመስራት በመንገድ ላይ ያላችሁ በሙሉ፤ የዝማሬ ዳዊት ገጽ ስራችሁን ወደ ምእመናኑ ሊያደርሳችሁ ዝግጅቱን አጠናቋል።

በዚህም መሰረት ዝማሬዎቹን በዝማሬ ዳዊት የዩቲዩብ ገጽ ለማስተላለፍ መሟላት ያለባቸውን መስፈርቶች በውስጥ መስመር የምናሳውቃችሁ ይሆናል። እኛን ማግኘት ለምትፈልጉ
📩 @Zemaredawitadmin
📩 @Zimaredawitmessanger ወይም
📞 +251703408851 ላይ መልዕክት ያስቀምጡልን። የምታውቁት ሰው ካለም እባክዎ ይህን ዕድል ይጠቁሙ።

በተጨማሪም ዘማሪ መሆን የምትፈልጉ እና ጸጋው ያላችሁ ወንድም እህቶቻችን እግዚአብሔር ከፈቀደልን ትልቅ ዕድል ይዘን እየመጣን ስለሆነ እራሳችሁን አዘጋጅታችሁ ጠብቁን። ጅማሬዎቻችን ሁሉ መልካም ፍጻሜ እንዲኖራቸው በጸሎታችሁ አስቡን።

Читать полностью…

መስከረም ፲፰

በዚች ቀን አባታችን ኤዎስጣቴዎስ አረፈ።

በከበረ መልአክ በቅዱስ ገብርኤል አብሣሪነት የተወለደው ኤዎስጣቴዎስ ገና በልጅነቱ የቤተ ክርስቲያንን መጻሕፍትን ተማረ። ከዚህም በኋላ ወላጆቹ አጎቱ ወዳለበት የመነኰሳት ገዳም ወሰዱት።

ከዚህም በኋላ ክብር ይግባውና ጌታችን ኢየሱስ ክርስቶስ ከሚካኤልና ከገብርኤል ጋር ተገለጠለትና ሰላምታ ሰጠው፤ እንዲህም አለው ከኢትዮጵያ እስከ አርመንያ ድረስ መምህር አደረግሁህ አንተን የሰማ እኔን ሰማ አንተን ያልሰማ እኔን አልሰማም ጌታችንም ይህን ተናግሮ ወደ ሰማይ በክብር ዐረገ። ቅዱስ ኤዎስጣቴዎስም ቅስና ተሹሞ የወንጌልን ሃይማኖት ይሰብክ ጀመረ።

ተጉዘዉ ባሕረ ኢያሪኮ ሲደርሱ የሚሻገሩበት መርከብ አጡ። አባታችን በእምነት አጽፋቸውን (ኩታቸውን) አውልቀው ባሕሩ ላይ ጣሉት። በላዩ ላይም በትእምርተ መስቀል አማትበው ተቀመጡበት። ደቀ መዛሙርቶቻቸውም ባሕሩ ላይ በተነጠፈው ኩታ ላይ ከበው ተቀመጡ።

ከሰማይም ጌታ ወርዶ በመካከላቸው ቆመአባታችን፤ ሚካኤል በቀኝ ገብርኤልም በግራ ቆሙ። ጻድቁም ልጆቻቸውን ያስተምሯቸው ገቡ። ከመካከል ግን አንዱ በመጠራጠሩ እርሱ የተቀመጠባት ብቻ ተቀዳ ሰጠመ። በኋላ ግን ጻድቁ ተመልሰው አውጥተው ከሞት አስነስተውታል። በዚህም ምክንያት ማዕበልን የተሻገረ ይባላሉ።

ከዚህም በኋላ ዕረፍቱ ሲደርስ ክብር ይግባውና ጌታችን ተገለጠለትና ስሙን ለሚጠራ መታሰቢያውን ለሚያደርግ ገድሉንም ለሚጽፍ ቃል ኪዳንን ሰጠው። በአረፈም ጊዜ ጳጳሳትና ካህናት በታላቅ ክብር ገንዘው በሰማዕቱ በቅዱስ መርምህናም ቤተ ክርስቲያን ውስጥ ቀበሩት። ከሥጋውም ብዙ ተአምራት ተገለጡ።

በረከታቸው ይደርብን!
ወስብሐት ለእግዚአብሔር
ምንጭ:- መጽሐፈ ስንክሳር
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤

Читать полностью…

​​ቤተ ክርስቲያን

ቤተ ክርስቲያን ማለት ምን ማለት ነው?
በቀጥተኛ ትርጉም ቤተ ክርስቲያን የሚለው ቃል ቤተ እና ክርስቲያን  ከሚሉት ሁለት የግእዝ ቃላት የተገኘ ሲሆን ትርጉሙም የክርስቲያኖች  መኖሪያ /ቤት/ ማለት ነው፡፡ ይህም የክርስቶስ ቤት፣ የክርስቲያኖች  መሰባሰቢያ ቤት የሚል ትርጉም አለው፡፡

በግሪክ አቅሌስያ ትባላለች፤ የምርጦች ጉባዔ ማለት ነው፡፡ ይህች የምርጦች ጉባዔ የእግዚአብሔር ሕዝብ የነበሩት ጉባዔ እስራኤልን ያመለክታል፡፡

በዘይቤያዊ ፍቺ ቤተ ክርስቲያን ስንል ሦስት ትርጉም አለው ፡-

፩. ሕንጻ ቤተ ክርስቲያን:- ተሰባስበን የምናስቀድስባት፣ የምንማርባትና ሌሎች ምሥጢራትን የምንፈጽምባት ናት፡፡ ይኽችም ቤት ጌታችን ኢየሱስ ቤቴ ስላላት የክርስቶስ ቤት እንላታለን፡፡

ወደ መቅደስም ገብቶ በእርሱ  የሚሸጡትን የሚገዙትንም ያወጣ ጀመር፤ እርሱም፦ ቤቴ የጸሎት ቤት ይሆናል ተብሎ ተጽፎአል፤ እናንተ ግን የወንበዴዎች ዋሻ አደረጋችሁት  አላቸው።” ሉቃ. ፲፱ ፥ ፲፮

በዘመነ ሐዲስ የማርቆስ እናት የማርያም ቤት  የመጀመሪያዋ የሐዲስ ኪዳን ቤተ ክርስቲያን ነበረች፡፡ ሐዋርያት በዚያች  ቤተ ክርስቲያን ተሰባስበው ይጸልዩ ነበር፡፡

ጴጥሮስም በወኅኒ ይጠበቅ  ነበር፤ ነገር ግን ቤተ ክርስቲያን ስለ እርሱ ወደ እግዚአብሔር ጸሎት  አጥብቃ ታደረግ ነበር። የሐዋ.፲፪፥፭ 

፪. የክርስቲያኖችን ስብስብ፡- በክርስቶስ አምነው የተጠመቁ ክርስቲያኖች ሁለትና ከዚያ በላይ የሚኖራቸው ስብስብ ቤተ ክርስቲያን ይባላል፡፡ ምክንያቱም በዚያ የእምነት አንድነት ውስጥ እግዚአብሔር አለና፡፡

“ሁለት  ወይም ሦስት በስሜ በሚሰበሰቡበት በዚያ በመካከላቸው እሆናለሁና።” ማቴ. ፲፰ ፥ ፳ እንደተባለ፡፡

ጌታችን መድኃኒታችን ኢየሱስ ክርስቶስ  የበደለንን መክረን አልሰማ ቢለን ለቤተ ክርስቲያን ንገራት ያለን ለዚህች  የአባቶች ካህናት እና የምእመናን ስብስብ ለሆነችው ቤተ ክርስቲያን  ነው፡፡ ማቴ. ፲፰ ፥ ፲፯ ስለዚህች ቤተ ክርስቲያን በተለይም በሐዲስ  ኪዳን በተደጋጋሚ ተጽፏል፡፡ የሚከተሉትን ጥቅሶች ያንብቡ፡፡ የሐዋ. ፲፩፥፳፪፣ ፲፫፥፩፣ ሮሜ.፲፮፥፩፣ ፩ኛ.ቆሮ.፲፮፥፲፱፣ ፊልሞ.፩፥፪፣ ፩ኛ.ጴጥ. ፭፥፲፫ 

፫. እያንዳንዱ ክርስቲያን ፡- በእግዚአብሔር አንድነትና ሦስትነት አምነው የተጠመቁ ክርስቲያኖች የመንፈስ ቅዱስ ማደሪያዎች፣ የክርስቶስ አካላት ናቸውና ቤተ መቅደስ ይባላሉ፡፡ ለዚህ ቅዱስ ጳውሎስ

“የእግዚአብሔር  ቤተ መቅደስ እንደ ሆናችሁ የእግዚአብሔርም መንፈስ እንዲኖርባችሁ  አታውቁምን?” ፩ኛ.ቆሮ.፫፥ ፲፮ ብሎ የተናገረው፡፡

እንዲሁም በሌላ ቦታ  “ለእግዚአብሔር ቤተ መቅደስም ከጣኦት ጋር ምን መጋጠም አለው? እኛ  የሕያው እግዚአብሔር ቤተ መቅደስ ነንና ፪ኛ ቆሮ. ፮ ፥ ፲፮ እንዲሁም እግዚአብሔር ተናገረ እንዲህ ሲል፦ በእነርሱ እኖራለሁ በመካከላቸውም  እመላለሳለሁ፥ አምላካቸውም እሆናለሁ እነርሱም ሕዝቤ ይሆናሉ።” እንደተባለ ክርስቲያኖች የክርስቶስ ማደሪያ ነንና ቤተ ክርስቲያን ተብለን  እንጠራለን፡፡

ወስብሐት ለእግዚአብሔር
ምንጭ:- ሥራዓተ ቤተክርስቲያን
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስቀል ነው ኃይላችን

መስቀል ነው ኃይላችን
ሞገስ ነው መመኪያችን
ላመነው መስቀል ለእኛ
አርማ ነው የመዳኛ

አዝ

የክርስቶስ ዙፋኑ
ቀራንዮ መካኑ
መስቀል ብርሃን ነው
በአንገታችን ያሰርነው
በመስቀል(2)አገኘን ሰላም(4)

አዝ

ጠላትን መመከቻ
ፍቅርን መመስረቻ
ከጦር ከቀስት ያመለጥነው
መስቀሉን ጋሻ አርገን ነው
በመስቀል(2)አገኘን ሰላም(4)

አዝ

ለማያምኑት ሞኝነት
ለታመንበት ሕይወት
መስቀሉ ነው ምልክት
የለንም ትምክህት
በመስቀል(2)አገኘን ሰላም(4)

አዝ

የደከሙት ማረፊያ
የስደተኞች መኖሪያ
መስቀል ድልድይ ነው
እሳቱን የሚያሻግረው
በመስቀል(2)አገኘን ሰላም(4)

ዘማሪ ዲያቆን አቤኔዘር ፍቃዱ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

መስቀልከ ይኩነነ ቤዛ

መስቀልከ ይኩነነ ቤዛ (2)
ይኩነነ ቤዛ ይኩነነ ቤዛ (2)
መስቀልከ ይኩነነ ቤዛ

አዝ

የድኅነት አርማችን የክብር ጌጣችን
ፍቅርን ያየንበት ነው መታረቂያችን
የክርስቲያን ትምክህት የመዳን ምልክት
እርሱን ለምንፈራ ያደለን በረከት

አዝ

እሌኒ አገኘችው ከዓመታት በኃላ
በደመራውም ጢስ ወጣ ከተራራ
የአይሁድ ክፋታቸው በዛው ያላስቀረው
ለምናምን ለእኛ መስቀል ኃይላችን ነው

አዝ

እግሮቹ የቆሙበት በክብር ለሰዓታት
እፀ መስቀሉ ነው የመዳን ምክንያት
እንሰግዳለን እኛም ይህንን ይዘን
በአበው ትውፊት ትምህርት ጸንተን

አዝ

ለእለ ይፈርሁከ ለምንፈራው ለእኛ
የሰጠን ምልክት መስቀል ነው መዳኛ
ነገሩ ገብቶናል ሞኝነት አደለም
ከሚድኑት ተርታ እንቁም ዘለዓለም

አዝ

መድኃኒተ ነፍስ ለኩሉ ፍጥረት
ሰላምን ያደለን የእርቅ ምክንያት
ዛሬም እንድናለን በእፀ መስቀሉ
በእርሱ የሚባርኩ ካህናት ስላሉ

ዘማሪት ፍሬ ተስፋዬ
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…

እንኳን ለብርሐነ መስቀሉ በሰላም አደረሳችሁ አደረሰን! መልካም በዓል ይሁንላችሁ ።

📍 አ.አ መስቀል አደባባይ

Читать полностью…

እንኳን ለብርሃነ መስቀሉ በሰላም በጤና አደረሰን አደረሳችሁ መልካም በዓል 🙏 🙏 🙏
📍 ሰሚት ቅ/ጊዮርጊስ እና ቅ/አርሴማ ቤ/ክ

Читать полностью…

እፀ መስቀል

እፀ መስቀል የክብር መውረሻ
ሞትን ድል መንሻ (2)

አዝ

የክብር ባለቤት እፀ መስቀል
የተሰዋበት እፀ መስቀል
እፀ መስቀሉ ነው እፀ መስቀል
የእኛ መድኃኒት እፀ መስቀል

አዝ

እንደእሌኒ ንግስት እፀ መስቀል
ፍፁም አክብራችሁ እፀ መስቀል
ሁላችሁ ገስግሱ እፀ መስቀል
መስቀሉን ይዛችሁ እፀ መስቀል

አዝ

ያለኃይለ መስቀል እፀ መስቀል
የሰላም አርማችን እፀ መስቀል
ሊጠፋ አይችልም እፀ መስቀል
ሰይጣን ጠላታችን እፀ መስቀል

አዝ

እሳተ መለኮት እፀ መስቀል
ዙፋኑ የሆነ እፀ መስቀል
ሰይጣንን የሚያነድ እፀ መስቀል
እፀ መስቀሉ ነው እፀ መስቀል

አዝ

እንደተባረከ እፀ መስቀል
ቆስጠንጢኖስ ንጉሥ እፀ መስቀል
በመስቀል ብርሃን እፀ መስቀል
ወደ ሕይወት እንገስግስ እፀ መስቀል

አዝ

የተዋህዶ ልጆች እፀ መስቀል
ገስግሱ በተስፋ እፀ መስቀል
እፀ መስቀል ያዙ እፀ መስቀል
ጠላት እንዲጠፋ እፀ መስቀል

ዘማሪ በሱፍቃድ እንዳርጋቸው
💚 @ortodoxmezmur 💚
💛 @ortodoxmezmur 💛
❤️ @ortodoxmezmur ❤️

Читать полностью…