Telegram-канал ortodoxmezmur - ዝማሬ ዳዊት - Zemare Dawit: Неотсортированное

ዝማሬ ዳዊት - Zemare Dawit

05 июля 2023 20:22

👉ኢየሱስ ክርስቶስ ስንት ሰዓት ተሰቀለ ?

ማርቆስ 15÷25"በሰቀለትም ጊዜ 3 ሰዓት ነበር"
ዮሀንስ ወንጌል "የ ፈሲካም ዝግጅት ነበር ጊዜውም 9 ሰአት
ነበር 'ጲላጦስም እንሆ ንጉሳችሁ አላቸው እነሱም ስቀለው አሉት"

የጊዜው አቆጣጠር እነ ዩሐንስ የአይሁዳውያንን ሲጠቀሙ ማርቆስ ግን የሮማውያንን ነው የተጠቀመው ለማስረዳት ያህል

👉 ኢየሱስ ክርስቶስ በአይሁድ ሰዓት አቆጣጠር ሶስት ሰአት በሮማውያን አቆጣጠር በስድስት ሰአት ተሰቀለ፡፡ ቅዱስ ዮሐንስ ስድስት ሰዓት ያለው የሮማውያን የሰአት አቆጣጠር ተከትሎ ሲሆን👉 ሌሎቹ ወንጌላውያን ሶስት ሰዓት ያሉት የአይሁድን የሰአት አቆጣጠር
ተከትለው ነው፡፡ በመጀመሪያ ይህንን ለመረዳት በቅደም ተከተል ድርጊቶችን
እንመልከት ፡-
1. ኢየሱስ በፋሲካ ሌሊት ተያዘ ሉቃ 22÷7-8 ፤ዮሐ18፡2-4
2. ሲነጋጋ (ማለዳ) ወደ ሮማዊው ገዥ ወደ ጲላጦስ ግቢ ወሰዱት ዮሐ18:28-30
3. ከብዙ ንትርክ በኋላ ጲላጦስ ኢየሱስን ወደ ውጭ አውጥቶ ለፍርድ ተቀመጠ፡፡ ጊዜው ከቀኑ 6 ሰዓት ያህል ነበር የሚለው ቅዱስ ዮሐንስ በሮማውያኑ አቆጣጠር እንደሆነ ልናስተውል
ይገባል፡፡ በአይሁዳውያኑ ከጠዋቱ 12 ሰዓት ማለት ነው ዮሐ19፡13-14፡፡ ይህን ሰዓት በተመለከተ ብዙ ጭቅጭቅ ይነሳል/በተለይ መሀመዳውያን የሚያነሱት ሀሳብ ነው/፡፡ ምክንያቱም
ዮሐ 4፡6 ላይ 6 ሰዓት የተባለው ለምን ከዚህኛው ተለየ? በማለት፡፡ ዮሐ 4፡6 የአይሁዳውያን/ሳምራውያንን አውድ የተከተለ ታሪክ ነው፡፡ ዮሐ19፡14 ግን የሮማውያንን የፍርድ ቤት (መሥሪያ ቤት) አውድ የተከተለ ስለሆነ ሁለቱንም እንደ አውዳቸው ነው የፃፈልን፡፡
4. ኢየሱስ አርብ በአይሁዳዊያን ሰዓት አቆጣጠር ከጥዋቱ 3 ሰዓት ተሰቀለ ማር15÷25

ስንጠቀልለው ቅዱስ ዮሐንስ የኢየሱስን የመስቀል ፍርድ የፃፈው ሮማውያን ከፈረዱበት ተነስቶ በመሆኑ የሰአት አቆጣጠሩንም እንደታሪኩ ፍሰት በሮማውያን አቆጣጠር አድርጎ ፅፎልናል፡፡ ሌሎቹ ወንጌላውያን ግን የጌታን ፍርድ ከአይሁድ ጋር አያይዘው እንደታሪኩ ፍሰት በአይሁዳውያን የሰዓት አቆጣጠር መሰረት በሶስት ሰዓት እንደተሰቀለ ፅፈውልናል ፡፡ እንደውም ከአራቱ ወንጌሎች
የቅዱስ ዮሐንስ ወንጌል ታሪኩን ሙሉ ወንጌሉን ስናጠና ይህ የቅዱስ ዮሐንስ ወንጌል ሶስቱ ወንጌላት ያላካተቱትን በመጀመሪያ ቃል ነበር ብሎ ቀዳማዊ ልደቱን ጀምሮ በጌታ መለኮታዊ እና አስደናቂ ታምራት ጌትነት ቀጥሎ ከትንሳኤው በኋላ ያደረገውን ፅፎ ጌታ ያደረገው ብዙ ነገር እንዳለ ግን አለም ራሱ መፅሐፍ ቢሆን ተጽፎ እንደማያልቅ ተናግሮ ፈፅሟል ፡፡ስለዚህም ዮሐንስን ወንጌል ከሌሎቹ ሶስቱ ወንጌላት በታሪኩ እና በአውዱ የተለየ ሌሎቹ ያላካተቱትን ታሪክ ይዟል