671
القناة بأدارة خادمة العقيلة ام سجاد العسكري صاحبة ديوان القيد والمحراب وديوان ملحمة الخلود وديوان احزان متوارثه وديوان كرب وبلاء 5 اجزاء
هوسات للوداع
.........................
لــعد صيوان واليها اجت زينب المهضومه
تودع حسين ابو اليمه وعليه الروح مالومه
تگله ابداعت الــخوه يبن امــي الــمظلومه
تباصرني ينور العين اشوف اعداك ملمومه
(( ادخيلك خويه ادخيلك ))
(( شنهي النيه وشنهي الراي ))
.........................
يگلها ادخيل يا زينب خويه لاتنشديني
بس الليله انــه وياچ باچر ما تشوفيني
يحرگون الخيام ابنار خويه لوغفت عيني
ونتي بالأسر تمشين بالمصرع تخليني
(( العاشر يوم العاشر ))
(( تحرگ خيمتنه العدوان ))
.........................
خل يسبونه العدوان خل اخيامنه ايحرگون
كل مصاب احملنه بس امصيبتك متهون
اشلون اصبر يبعد الروح اشوف ابنحرك ايحزون
ابخيل الاعوجيه اضلاع منك يالولي ايكسرون
(( ضلوعك خويه ضلوعك ))
(( ليش ابخيل ايسحگوها ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
موشح لليلة الوداع
.........................
يا جفـن سولف عتاب اشكيله
وحچي بالـدمعه الوداع الليله
ودعـه بــدموع او انين
الليله بس ويه الحسين
ياجفـن سولف عتاب اشكيله
.........................
اليوم بالمدمـع نودع اخوانه
ماكـو تعبير الـيـوصف حالنه
تاهت الچلمات فوگ اللسانه
نشتكي ابـدمعة الـعين
الليله بس ويه الحسين
ياجفـن سولف عتاب اشكيله
.........................
بس سواد الليل ويه اخواني
ضهر باچر تبدي بيه احزاني
ايصير انه ام الحزن عنواني
مايــضل عنــدي حنين
الليله بس ويه الحسين
ياجفـن سولف عتاب اشكيله
.........................
من لــفيت انــه لـعند حسيني
گمت احچي ويا بدمعة عيني
صـدگ تقبل وحــدي اتخليني
منين اجيبن اخو منين
الليله بس ويه الحسين
ياجفـن سولف عتاب اشكيله
.........................
منين الگه الاخو المثلك وينه
نــور وجهك باچــر امضيعينه
عمري بــوداعك تضيع اسنينه
وياكــم اتضيع الـسنين
الليله بس ويه الحسين
ياجفـن سولف عتاب اشكيله
.........................
لو رحـت خويه تـروح العافيه
ما كو من بعدك سوالف دافيه
بيك طيبه ونيه كلش صافيه
گلبي من بعــدك حـزين
الليله بس ويه الحسين
ياجفـن سولف عتاب اشكيله
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
للوداع
.........................
گومن نودع ابو علي
اخــر وداع الـلــيـلـه
.........................
گومن نودع الوالي
باچر مكـانه خـالي
بعده تخيب امالي
ويـتـيـه امـداليله
.........................
امشــن بناتـه اويايه
خل اعتني الرجوايه
باچــر تطيـح الــرايه
وتـنسبـي كل العيله
.........................
مــن يـنـذبــح والينه
وبالطف تغمض عينه
ما يضـل حارس لينه
همچن بعد شيشيله
.........................
ما تـنـتـــهـــي الامــي
ضلمــه تــصيــر ايامي
لو شفت اخيي ضامي
والگلب يضعف حيله
.........................
لو راح منـي حسيني
والوحــدي ايخليني
تهمـل مـدامـع عيني
والدمــع دم انسيله
.........................
هــلـن دمــع بوداعــه
والــينه كلفه اوضاعه
مابقت بس چم ساعه
بعـده نــحــس ابميله
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
لليلة للوداع
.........................
تلملمنه ومشينه الخيمة الوالي
نودعه والــدمع بعيـونه ايلالي
جبت كــل الـمداليل
دخيلك طول يا ليل
تلملمنه ومشينه الخيمة الوالي
.........................
جبـت للــوالــي ويايــه بناته
مثل اطيــور چنهن حاضناته
يــودع حسين گام امــدللاته
ودمـع النايبه ايسيل
دخيلك طـول يا ليل
تلملمنه ومشينه الخيمة الوالي
.........................
يزينب گلــي اوصيـچ ابوصيه
عيـنــچ عالــضعينه الـهـاشميه
اخاف امن الهــزل تـوگع رقيه
مــن الـهـودج ايميل
دخيلك طول يا ليل
تلملمنه ومشينه الخيمة الوالي
.........................
وصاني ابوصيته وعيني تجره
احضريني صـحـت يمه يـزهره
باچر لــو يجي ينگطــع نـحــره
تسحگ مهجته الخيل
دخيلك طــول يا ليل
تلملمنه ومشينه الخيمة الوالي
.........................
رجـف گلبي كلامـه من سمعته
صحت ابصـوت دلالـي جرحته
اشلون البي محنه يفارگ اخته
ويا ياخــذ الـحـيل
دخيلك طول ياليل
تلملمنه ومشينه الخيمة الوالي
.........................
جيت الخيمتك يحسين جيتك
وحيلــي منهــدم مــن ودعيتك
خــويه ابداعت الــخوه نخيتك
لا تتركـنــي وتشيل
دخيلك طول يا ليل
تلملمنه ومشينه الخيمة الوالي
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
ابوذيه زائد نعي لعبد الله الرضيع ع
.........................
عـسـنـه لايـلــذ جــاريك ،،، ياماه
وعبد الله گضاه ابعطش ،،، ياماه
اسمعه ايگول اريد الماي ،،، ياماه
(( ويصدع گلبي من ايصد عليه ))
.........................
عبد الله يمه الگلب مصدوع
شفتك تـون عالـماي وتـلوع
والشرب يبني عليك ممنوع
دلالـي يــمــه عليك موجوع
.........................
دلالـي يـبني اعليك مهدوم
لا هــودت لاضــايگـه النوم
كــل ما احن اشتم بالهدوم
ريت الفرات اتحول ادموم
.........................
يا ماي ريته نشـف جاريك
دمعي يهل من يمر طاريك
چتال عبد الله انـه اسميك
يا ريت طـاحـت نبلته بيك
.........................
ريت الفرات انضحل ميه
ولا شفت عـبـد الله رميه
يــومــه كلف وشسوه بيه
مــاراد شــي بــس الــميه
.........................
شاطي الـفـرات وعاتـبـيته
لـيـش الـمــدلل عـطـشـيته
شـربـت امـيـه مـا سـگيته
خـايـب اللـسـانه يـبـسيته
.........................
شلك على ابني وشتطلبه
يَبَست مـن الـعطش گـلبه
خطارك احنه ابـدار غربه
لــيش الـزغيـر ما تشَـربه
.........................
لــيش الطفل يبست لهاته
عطشان شرب الماي فاته
مكــروه مايـك عكــر ذاته
هـديـت روحـك للـشماته
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
فزاعيه للطفل الرضيع ع
.........................
مفطوم بسهام الغدر
طفـل حسين مولانه
.........................
بالـنبله صـارت فطمته
اسـهـام الـمـنيه صابته
وحسين جابه الخيمته
وامــه تــون حــزنــانه
.........................
احـزانها ما ضــن تفل
يكتل كتل يوم الطفل
راح الــولـد منها غـفل
ودمـوعــهـا غــدرانــه
.........................
بالــدمع غسلت منحره
تشتكي الـربها الي جره
ونــيرانــهــا متــوجــره
للــذبــحــتــه عــدوانــه
.........................
مشتعله ما تطفه ابد
نيران المضيعه الولد
خالي بقى منه المهد
ايريد اللــطم عـوانه
.........................
عوانه اجينه المجلسچ
يـم الــطفل ونساعدچ
سلهم اعيونه امــدللچ
والــشفــاف ذبــلانه
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
موشح لعبد الله الرضيع ع
.........................
ايسـاعـده الله الـيوم گلبچ يالرباب
شفتي عبد الله الطفل دمه خضاب
.........................
گـلــبــج الله يالـربابــه ايعينه
شفتي عبد الله ابسهم رامينه
للــمنيه الــطفل ســورب عينه
وعينج اتهل من دمه دمع المصاب
.........................
ايعين گلبچ من نضرتي منحره
حـرمله صـابـه ابسهم دمه جره
والابوه حـسـيــن صـد ابناضره
چــن يگله اعداك حرموني الشراب
.........................
اشلون حالــچ للـخيم من جابه
حسـيـن ابـوه ودمـعـته سچابه
ما الــه طـيـبه نضـرتي اصوابه
اشگد حملتي من القهر وشگد عذاب
.........................
يطعن ابنص الگلب يوم الزغير
الرگبه ترفه والسهم كلش چبير
اشلون فارگتيه ابو شعر الحرير
وذاك خده الترف ضماه التراب
.........................
ذاك خــده الــترف مايحمل ترب
رايـحــه ادفـنيه وابـديــرة غـرب
وعلى گلب الوالده شبعده الدرب
بعــد ما ينفع مــلامــه ولا عتاب
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
تجليبه مربوعه لعبد الله الرضيع ع
.........................
احس مهد الطفل چـنه يناغيلي
عيني امساهره ولا غمضت ليلي
.........................
چن اسمع يناغي يگـول الحگيني
جــري الــنبله يـمـه حيــل تاذيني
ادور للـصبـح ما غـمـضـت عـيني
اثاري الـراس الــمعلـگ بحاچيني
راسه عالرمح عبد الله يشكيلي
.........................
دورت اشكثر بـس ما لگيت ابني
ثاري عالـرمــح راســه ويعـاتبني
ايگلـي اميه اريـدن مـن يشربني
بعده ايلـوب من الـعطش عذبني
عذبني ونينه واخذ كل حيلي
.........................
اخذ حيلي الرضيع المنذبح عطشان
ابيا ذنب او سـويه نحـرته الـعدوان
يا ديــن الــيـحــلل ذبحت الـرضعان
صفه مهد الــولـد مـن الــولـد خلوان
على المفطوم دم يا دمعتي سيلي
.........................
على ابني الـمنفطم يا حيف بالنبله
دمـعـي مـن دمــه معذوره لــو هله
اخذ حيلي ابغيابه كل شي ما خله
بعـد گلبي ابـغـيـابه ابـيــش يتسله
على المدلول اصيح احااه يا ويلي
.........................
عالـمـدلــول جينه انساعدج كلنه
والله ايعين گلـبـچ يـم عبـد گلنه
مصاب الـبـالـمهد يـم الـولد سلنه
شلنه اهمومچ ابنص الگلب شلنه
عذابچ عالطفل ما واحد ايشيله
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
فزاعيه للطفل الرضيع
.........................
ويه الرباب ام الطفل
شدي اللطم هالليله
.........................
شدي اللطم وياها
للــصوبـو ضنواها
فگد الــولد هداها
دمع الحزن هليله
.........................
دمع الحزن تجرينه
گلب امه الله ايعينه
ابنص النحر رامينه
ومنحره الدم ايسيله
.........................
امـــه تـنـادي ويـلي
عطشان ويهد حيلي
بعيونه ضل يشكيلي
من شفته منهد حيله
.........................
يشكي يويلي اوضاعه
بــعيــونه چنها الساعه
عبد الله حلوه اطباعه
گلبي بــقى اينــاغيله
.........................
مشتاگ انـــه الصوته
شــم الـعذيب ايفوته
عبد الله يفجـع موته
يفرفح ضمه من نشيله
.........................
يبست يويلي اشفافه
والـسهم لــمــن شـافه
خـرب هـذيچ اوصافه
حرمله من الله ويله
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
فزاعيه لعبد الله الرضيع ع
.........................
گلبك امك يون ابشوگ
يالـمـفــطـوم بالــنــبـله
.........................
گلب امـك تفطر حـيل
شلون اتعـوفها وتشيل
مــن ايمـر عليها الليل
دمــع اعيــونــها اتـهله
يالـمـفــطـوم بالــنــبـله
.........................
ما ينشف جفنها اعليك
يالــنحرك تـرف ماذيك
اشلون ابكربله اتخليك
افــراگك عودها ايسله
يالـمـفــطـوم بالــنــبـله
.........................
افراگك يصعب اعليها
ارجـــع يا عــبــد لـيها
لــتــروح او تــخــليها
اتـصيح احااا يعبد الله
يالـمـفــطـوم بالــنــبـله
.........................
اتصيح احاه يالـمدلـول
من فدوه الهذاك الطول
ليش اعله الگبر معجول
اخــلافك بـيـمن اتسله
يالـمـفــطـوم بالــنــبـله
.........................
اخلافك يابدر ليلي
بايــد يالـولد حيلي
بعد ياهو اليناغيلي
يالــفرگــاك مــا حــمله
يالـمـفــطـوم بالــنــبـله
.........................
ما احمل هجر وفراگ
جمــر البالــمهد حراگ
گلــب الــوالده يشتاگ
وجــهــك ذاك شــيـمله
يالـمـفــطـوم بالــنــبـله
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
نعي زائد ابوذيه لعلي الاكبر ع
.........................
يـمالك بالـعـگـل والـروح ،،، وشراك
نشدت الموت گتله اتبيع ،،، وشراك
يريــت وياك يمه ايسوم ،،، وشراك
(( وابدل بالعمر يبني المنيه ))
.........................
كــون الـعمـر ينشره وينباع
چان اشتريتك وكت الوداع
راح الـمساهر والـتعب ضاع
مــن ضمتك يالاكـبــر الگاع
.........................
اشلون التراب اعليك ينهال
شفتك امطبـر والدمع سال
بعـدك مـنـو للـحـمـل شيال
لو مال دهري والوكت عال
.........................
لو عـال دهـر امـك والـقدار
وبيها الـوكـت يالـولد يندار
مـثـلـك بـعـد ما يصـح نغار
صبيت دمعي اعليك مدرار
.........................
دمــع الـحزن عالـوجنه صبيت
والـخـيـمـتـك يـبـنـي تـعـنـيت
شفتك وكــوني ريت ما جيت
جرحك ابجرحي اليوم شديت
.........................
جرحك كلف ماصحله اشداد
فَــتگ اجروحــي والالــم زاد
جرح الــگلب ما ينفعه اضماد
ما يشـفــه كــونك ناوي البعاد
.........................
ما يشفه جـرحي الكم يشبان
ابنـص الـگلب حطالي نيشان
عاجـز دلـيلي ومـتنـي هدلان
من عدنه رحتوا والاجل حان
.........................
شــبـان راحـوا مـن ادينه
حگـه الـگلب يجهر ونينه
عالفرگه مـوش امعودينه
اشلون المچنه اتنام عينه
.........................
شلون الشباب اتغمض العيون
وبالـمـگـبـره وسـفـه يبـاتــون
ما ضـن بـعـد لــيــنـه يـردون
كل من عرفهم ضـال محزون
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
نعي زائد ابوذيه للقاسم ابن الحسن ع
.........................
ابغيابك انه اگل للگلب ،،، بس لاك
يمن مني خذاك الموت ،،، بس لاك
يا جاسم تــون الـروح ،،، بس لاك
(( لان عرسك صفه بحضن المنيه ))
.........................
احـــوه يـبنــي الــفارگاني
ابنص الگلب موته چواني
غمض اعيــونه وعــذباني
يكبــر گلت ويــرد حناني
.........................
تكبر گلت وانطر امجازاك
يلي تعــبت اسنين بــرباك
تاليها رمــل الـحـار غطاك
اگعد يبعد العافيه ارجاك
.........................
جاســم يـيمه مــو محلها
چــلــمــة الــيــايمــه تفلها
روحي على اغيابك تشلها
امــك غـريبـه وياهــو الها
.........................
امــك صفت يبني بلا روح
من شافتك ياضلها مذبوح
طــول العمر ما بطل النوح
دلالي يبقه اعليك مجروح
.........................
ما يبره جرحي ولا تشافه
ابني النفل يبست اشفافه
جـسام يالتعجب اوصافه
عريسنه امـگوطر حسافه
.........................
عــريـسـنه عـاف الـوناسه
عاف الحنينه وعاف ناسه
ضحه الابو اليمه بحماسه
حـر الرمل يا حيف جاسه
.........................
حـــر الــرمــل ذبـلـه الـشـفاف
ابن الحسن مكحول الاوصاف
بعده ابحياته كل شي ماشاف
بيه الـعـدو مـن كـل كتر حاف
.........................
من كـل كـتر جـته الشماته
شبل الحسن ماكـو ابغلاته
گبـل الـمـياح ايـحـل مماته
عـريس وكـت الـكيف فاته
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
فزاعيه جنوبيه حماسيه للعباس ع
............................
صاح اعله الشريعه وينه اليلاگي
انه الـعباس هذا وللـضعـن ساگي
............................
انه الضيغمي الما يرضه بالعيله
بجيوش آل اميه اليوم احط ميله
اسوي ابروسهم بالحرب محجيله
(( وخسفها ارض الطف ،،، بزنودي ))
......................
ابوادي الطف اخليها تموج الگاع
ربان السفينه حسين وانه اشراع
نضربها الاعادي ابفد زنــد وذراع
(( واليگدر خله ،،، ايلاوينه ))
.........................
وينه اليگدرلنه وصاح هذا انه
والبي زود خــل يتگابل ويانه
من ندخل تره ايخافون ملگانه
(( محد يندگ ،،، لو هدينه ))
.........................
مـن انـهـد علـيـهـم ما يـضـل خيال
كلها اتحط شيل لو صار وكت انزال
واحدهـم مـره وبـس بالاسـم رجال
(( وبوكت الهده ،،، ايضم راسه ))
.........................
ضمو روسهم من شافو العباس
واحدهم ابجدمه لو دنه ينداس
حماي الضينه الضيغمي الفراس
(( لو طب للحومه ،،، ايهابونه ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
هوسات حول شجاعة ابالفضل ع
.........................
اهـتـزت كـربله مـن صول العباس
اثر جدمه طبع بالمعركه من داس
مـن اتـصد اله تـرتاح چـنه الياس
لاكن من نزل طگاها راس ابراس
ختل ميزان الدنيه ،،، من صال العباس
.........................
مثل وجه الگمر من تصد بعيونه
لاكـن مـن نـزل خـلاها مـرجـونه
مثل حـيدر علـي راواهـم افنونه
يـرهب جيشهم من يصد بعيونه
ايموت اليگرب منه ،،، لو صد بعيونه
.........................
مثل حيـدر علـي لـو صـال بالحومه
الـسـبـع بـيـهـم اذا يـرتجف ما لومه
ابطرگ عمره شرد ما لحگته هدومه
لان عـبـاس گـبـلـه وصـلـت عـلـومه
واحد گل الواحد ،،، ارجع لا تنداس
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
كأني بمولاتي زينب ع تخاطب اخاها ابالفضل ع شتگله
.........................
من الهضم گلبي انطحن ،،، من راح
مـدري عالـبطـل عـبـاس ،،، من راح
دليلـي مـن بـعـد عيـنـاه ،،، من راح
(( وانه الهم هضم صبح او مسيه ))
.........................
جـدمــي گــوه جــابـانــي /وجر باه
لـگـيـت الـرايه مـطـروحه /وجر باه
صحت متني العدو خويه /وجر باه
(( ابسوط ايلوعون الهاشميه ))
.........................
عبـاس زينـب انــه اجـيتك
وبــداعــت الـخــوه نخيتك
حافــي اجــدامي وعتنيتك
مرمي على الشاطي لگيتك
.........................
اتــعــنيت واتــعــثر ابـممشاي
عباس خويه استمع شــكواي
مــن الــمــدينــه جــيت وياي
ترضاها اروح ابرفجت اعداي
.........................
تــرضـه العزيزه اتزتها شمات
ايصيحون زينب كافلچ مات
مايــرد لــيــچــن بعد هيهات
شــبــعــن هضم يالهاشميات
.........................
شبعن هظم صاحوا علينه
وللــمشرعه ابلهفه اعتنينه
اگــعد او سكت العال بينه
وانفــض اتــرابك يا ولينه
.........................
انفــض اترابــك يانفـل گوم
زينب نخت والحيل مهدوم
وياي اجـت اختك ام كلثوم
الـمـثلك ابــد ما لايـگ النوم
.........................
اكــعد لــخيتك يـبـن حيدر
شافــت ازنـودك والدمع در
ضـعـنك بعد ياهـو الـيسدر
ترضـه الـغريب ايگود خدر
.........................
يا ريحه من حيـدر ابونه
تـرضه الاعـادي ايهددونه
بالسوط كل ساعه وجونه
بعدك يخويه استوحدونه
.........................
بعدك يخـويه الـنـور طافي
اشلون الگمر عالـنهـر غافي
من نـومتـك انهـض وكافي
شوف الهجر يبس اشفافي
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
ابوذيه زائد نعي سباعي للوداع
.........................
العدو مابيه رحمه ،،، جن علينه
وسهــام الـمــنــيه ،،، جن علينه
يا ليل الــنوايــب ،،، چن عليلنه
(( والــموادع بده ويالهاشميه ))
.........................
وصل ليل الوداع اعلينه ،،، وخيم
ودمعنه فاض بالصيوان ،،، وخيم
باچــر ما يـضــل كفــال ،،، وخيم
(( بت حيدر علي حامي الحميه ))
.........................
حان الــوداع ابهل مسيه
بـيـن الـضعينه الهـاشميه
لـحسين وخـته الفاطميه
وتصيـح يمه اشلــون بيه
لو رحت ياخويه من اديه
انگــاد مــن عگبــك سبيه
وتضــل علـى الغبره رميه
.........................
تحچي هضمها ابدمعة العين
واتگله خويه اشلون يحسين
ساعات ضلــت يالــشيــاهين
وتفزع علينه الگــوم صوبين
ونشــوفكــم كلكم مطــاعين
وتـضــل اختكـم بـيـن نارين
لو حـرگــو اعلينه الصواوين
.........................
وداعــك يخويه الشده بالي
عذب مهجتي وضعف حالي
لــو رحــت عيشي ما هنالي
بــس الــدمــع بعــدك يلالي
يالــراســي بيكم دوم عالي
وما واحــد الامــح خيــالي
اشلون الــعقيله ابغير والي
.........................
تدري الاخت لو راح اخوها
بغــيابــه حــيــل ايعـذبوها
اشلــون الــحنان ايفارگوها
منهــم حــســافـه يحرموها
عبــاس وحسين ابــن ابوها
اتــمـوت ابفگدهم ما دروها
ابايتامــهــم شــو حـيــروها
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
نعي طور الفراق
كاني مولاتنا زينب ع
في ليلة العاشر من محرم
ولسان حالها يقول
.........................
ودعتهم ،،،، والدمع تارس اعيوني
ودعتهم ،،،، وخــوتي هم ودعوني
ودعتهم ،،،، اشلون محنه محنوني
،،،، ودعتهم ،،،،
.........................
اه يليلي ،،،، اخار اوداع اويه اخوتي
اه يليلي ،،،، ويه صبحك ريت موتي
اه يليلي ،،،، اشلـون اوصفهـا بلوتي
،،،، اه يليلي ،،،،
.........................
ساعه ساعه ،،،، طـول يا لـيـلـي عـليه
ساعه ساعه ،،،، خل اودع ابـن الزچيه
ساعه ساعه ،،،، وياه بس هاي المسيه
،،،، ساعه ساعه ،،،،
.........................
لاتخلص ،،،، خــل اودع كل اهلنه
لاتخلص ،،،، الصبح يطشر سملنه
لاتخلص ،،،، وماكو شيال الحملنه
،،،، لاتخلص ،،،،
.........................
اتوادعينه ،،،، صحت عزي وياك اودعه
اتوادعينه ،،،، وما بقــت بالــعين دمعه
اتوادعينه ،،،، حسين لو راح اشيرجعه
،،،، اتوادعينه ،،،،
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
لليلة الوداع
.........................
اجن لحسين كل الهاشميات
زينب والـفـواطـم والـبنيات
يحله بـيـه الـعتـاب
صار اموادع احباب
اجن لحسين كل الهاشميات
.........................
اجت زينب تودع البي محنه
وياهــا الــفــواطــم ودعــنــه
بــدمــوع الـمـواجـع ناشــدنه
ودمع العين سچاب
صار اموادع احباب
اخلافك ياهو الها الفاطميات
.........................
صـار اوداعــهــم اهـات وونــيــن
طـول الليــل ابـد ما غمضن عين
كلها اتصيح بينه شلون يحسين
لو بينه الخدر طاب
صار اموادع احباب
منه لو رحت نجذب الونات
.........................
خويه شلون لو رحت امن ادينه
وعــدوانـك اجــوا عالــوا علـينه
بــديار الــغــرب ولــيه انــولــينه
ونبقه ابين الاجناب
صار اموادع احباب
منه لو رحت نجذب الونات
.........................
بالغربه الاخت تحتاج اخوها
اخلافـه بالهظم ما يرحموها
بسياط الاعــادي ايلــوعوها
لو عنها الاخـو غاب
صار اموادع احباب
منه لو رحت نجذب الونات
.........................
لو عني رحــت يـبـن الزچيه
ويرضون الـصدر بالاعوجيه
عــدوانك تعـيـل اشلون بيه
گلبي اعليك ينصاب
صار اموادع احباب
منه لو رحت نجذب الونات
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
فزاعيه جنوبيه للوداع
.........................
صاح حسين خويه اليوم الوداع
باچــر لــو يجي نتــوســد الگاع
.........................
صاح حسين يا زينب وداعيه
ذوله اهل الــرذيله غـرروا بيه
باچـر لو اجانه انـروح جمعيه
(( اوگع عالغبره ،،، اتشوفيني ))
.........................
باچر بالحريبه انطيح كل احنه
والـعدوان تتفازع على اخيمنه
وراسي عالرمح خويه تشوفنه
(( وخيمچن خويه ،،، ايحرگوها ))
.........................
يحرگــون الـخيم يا زينب الـحره
وخوچ ابن الضبابي يعتلي صدره
وايحـز ابوريــده وينگـطع نــحره
(( وبعشر اخيول ،،، ايدوسونه ))
.........................
توادعنه وثگيل اوداع خواني
اذانــي حچيهم حــيــل اذاني
وحسين ابناته هواي وصاني
(( ويگلي ايتامي ،،، اتباريها ))
.........................
ايتامــي يگلـي عيـنـج اعليها
لو ونت رقيه اشبيچ انشديها
خافنها الـعده جـرت تراچيها
(( وابسوط ابنيتي ،،، ايضربوها ))
.........................
صحت ادخيل خويه لا توصيني
اباريها اليتامه ابمهجتي وعيني
خـل اشبــع وداع اوياك خليني
(( وشلونه اوداع ،،، المهضومه ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
هوسات لعبد الله الرضيع ع
.........................
تنام الناس وانه اعيوني ما نامت
عالطفل الرضيع ارويحتي هامت
مثل طير الــمـوكر عالمهد حامت
لــرسومك يبعد الـعافيه احتامت
(( كل ساع وصاحت ،،، يوليدي ))
.........................
اصــدن للــمــهـد يـولـيـدي ما الـگاك
نوبه اشتم گماطك نوبه اشم بغطاك
ساعه انـده ارجعلي ساعه الله وياك
حـنـضل فــرگـتـك ما اگــدر ابـلـيـاك
(( يالــهـجـرك مـارد ،،، دلالي ))
.........................
ودعــت الـگلب ماضـل نبض بيه
من شـفـت السهم والرگبه ملويه
صحت عبد الله يمه شعملت بيه
صـارت مـن صدگ هاي الوداعيه
(( بوداعك روحي ،،، اشضل بيها ))
.........................
تفارگنه وبـعـد ما يـنـفـع الــو چان
يالــعطرك مســچ ومطعـم بريحان
اسم الله اعليك يمه اتنام بالتربان
وگـلــيبي يـضـل بالـونه والاحزان
(( يالمهدك صار ،،، امن ذاري ))
.........................
عـگب حضن الحنينه اتنام عالذاري
اشلــون اســلاك يبني وتنطفي ناري
ثاري الـضاع ابنــها بالــهــظــم ثاري
يضل طول العمر دمع الجفن جاري
(( وايام الحلوه ،،، اتجافيها ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
نوحيه لعبد الله الرضيع ع
.........................
تـرفــه رگبتك والـسهم حار
عبد الله يمه بنحرك اشصار
يمه الولد ،،، يمه الولد
.........................
تــرفــه رگـبـتـك والـسـهـم ياذيها
عبد الله يبني روحك اشضل بيها
افتح اعيونك خل اشوف اشبيها
هــذا دمــع لــو دم نحــر غاطيها
لــتخلي گلبي اعليك محتار
عبد الله يمه بنحرك اشصار
يمه الولد ،،، يمه الولد
.........................
يمه الـولـد فـك عينك وناغيني
شنهو ييمه اليـوجعك حاچيني
اسمع تصيح الااه يصبي عيني
ما تــدري يمه ابـونتك تاذيني
صبيت يبني الــدمـع مدرار
عبد الله يمه بنحرك اشصار
يمه الولد ،،، يمه الولد
.........................
دمعاتي جمره وعالـوجه مدراره
محتاره روحـي ابنبلتك محتاره
خافــن اجــرها والــدمه يتجاره
وجهك طفت مــن الـمهد انواره
موجوع گلبي عالجره وصار
عبد الله يمه بنحـرك اشصار
يمه الولد ،،، يمه الولد
.........................
الله يــســاعــد يالــولــد دلالي
لــوشفــت مهدك يالمدلل خالي
عبد الله يمه بالهظم ضل حالي
خليني اموت وياك يمه اشوالي
شتفيد يبني بـعـد الاعــذار
عبد الله يمه بنحرك اشصار
يمه الولد ،،، يمه الولد
.........................
اشلــون الــحنينه الـيوم تتعذرها
گلــي ابغيابـك شـنـهــي ليصبرها
وضحكاتــك ابنص الـمهد تذكرها
رحت امن اديها ونكسر خاطرها
الــحول بعده اعليك ما دار
عبد الله يمه بنحرك اشصار
يمه الولد ،،، يمه الولد
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
تجليبه مربوعه لعبد الله الرضيع ع
.........................
اجاني الليل وانه امرافگه الدمعه
وياصــوت المناغــه بعد ماسمعه
.........................
اجانــي الليل ريـتـه لاهــلا ابجيته
اصــد مهد الــولد بفراشه ماشفته
صحت عبد الله يمه بشوگ عاتبته
لــذيذ الماي يبني لــيـش ما ضگته
دعـيـت الله يــردك وانه امفــرعه
.........................
كشفت الراس يبني وندعيت الله
يالمسير السحاب اتردلي عبد الله
صــار ابساع موته مــو مثــل حله
والـمفارگ رضيعه ايمــوت احسله
مر افراگ وجهك يمه شيجرعه
.........................
مــره فــرگــتــك ما حــسـبيناها
ارسومك يالعزيز اتــراب ضماها
وامــك بالمناشغ صــار سلــواها
مـن كثر البواچي طـفت عيناها
كل ماشوف مهدك انحب وانعه
.........................
كل ماشوف مهدك دمعتي ابعيني
يالمبچي الـنـواضـر ما تحـاچيني
علـى درب الـمصـابـر مـن يدليني
طفـيت ابوداعـك شمعـة اسنيني
من روحي طفت يبن السبط شمعه
.........................
يبـن حسيـن يـمـه ونـبـض دلالي
حسافه اليوم مهدك يالولد خالي
راسك مـن اشوفه امعلگ اگبالي
اصيح احااه يبني والـدمع هالي
عبد يمه ابغيابك گلبي اتصدعه
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
قصيده شده فائزي لعبد الله الرضيع ع
.........................
يالـمـاخذ اوياك الگلب عبد الله يمه
نحرك نبت بيه السهم وشلون اشمه
سـهــم الـنحـر عاميني
عبد الله يا ضي عيني
عبد الله يمه ،،، عبد الله يمه
.........................
متعوده اشمن منحرك صبح ومسيه
وحضن ارسـومك يالولد بثنين اديه
سهم الذي صاب النحر وشسـوه بيه
امنـين اجـتـنـي كــربلـه وهاي البليه
جـمـر الـهجر يچويني
عبد الله يا ضي عيني
عبد الله يمه ،،، عبد الله يمه
.........................
جمرك ابد ما ينحمل يمه الزغيرون
تمنيت تكبر بالـعمر واتفرح الـعيون
تلعب اصد ابلا كلل ويه الــيلعبون
تاليها راسك عالرمح والگلب محزون
سهــم الــنحر ماذيني
عبد الله يا ضي عيني
عبد الله يمه ،،، عبد الله يمه
.........................
يالريحتك عنبـر مسچ ومطمه بهيل
مالحگت اشبــع سمر ومناغـه بالليل
لا تعبت امتوني بعد لا رايـح الحيل
حنيت انه الشوفتك ولمدمع ايسيل
راحـت اويـاك سنينـي
عبد الله يا ضي عيني
عبد الله يمه ،،، عبد الله يمه
.........................
حـن الدليل الشوفتك ارجع يالوليد
ناري ابغيابك ماطفـت لا تقبل تهيد
يا نبض گلبي يالـولد يا فرحة العيد
بسكوت وتهل دمع حاچيني شتريد
محمـل بـعـد تــدريني
عبد الله يا ضي عيني
عبد الله يمه ،،، عبد الله يمه
.........................
وياك يا نبض الگلب دفنوا احلامي
ما ضل طعم بيهـا ابـد بعدك ايامي
ياريت ميته ولاشفت منحرك دامي
يابس يضل بروحتك دلالي ضامي
ما تگــعــد اتنــاغــيني
عبد الله يا ضي عيني
عبد الله يمه ،،، عبد الله يمه
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
قصيده ثگيله لعبد الله الرضيع ع
.........................
دللـــو يا عــبـد يـبـنــي دللــول
ريت الصاب نحرك يمه مشلول
منك شنهي يردون
دللـــو يالــزغيرون
دللـــو يا عـبـد يـبـنـي دللول
.........................
دللـو يالــولــد نــوم الــعــوافي
اهـــزن بالــمهد حسبالي غـافي
اثاريــه الــبـدر هــل ليله طافي
وطفه نــور العيون
دللـــو يالــزغيرون
دللـــو يا عـبـد يـبـنـي دللول
.........................
طفت عيني ابغيابك يا دليلي
ما شابــع لــعب ونهدم حيلي
اهــزن بالــمهد ما نمـت ليلي
افارگ وجهك اشلون
دللـــو يالــزغــيــرون
دللـــو يا عـبـد يـبـنـي دللول
.........................
مكانك بالحضن شتسوي بالگاع
تناغيلي اتعرف ما تعرف اوداع
جــاوبني يــيمــه الـسهم وجاع
وللـمنحر يگطعون
دللـــو يالــزغيرون
دللـــو يا عـبـد يـبـنـي دللول
.........................
ترف ذاك النحر وشلون گطعوه
ست اشهور عمــره وما يرحموه
يـفـرفــح بالــمنيه الــولـد جابوه
عمره ما يـرحمـون
دللـــو يالــزغيرون
دللـــو يا عـبـد يـبـنـي دللول
.........................
يا دين الــيحــلل ذبــحتك هاي
ما رايــد امنازل بس ردت ماي
صابوك ابسهم وانگطع رجواي
تغمض يبني لعيون
دللـــو يالــزغـيرون
دللـــو يا عـبـد يـبـنـي دللول
.........................
يــعــبـد الله ردت بــس الــميه
تالــي اتضوگ يـولــيدي المنيه
اشربك ردت بس ما صح بديه
والـتعبـي يضيعون
دللـــو يالــزغـيرون
دللـــو يا عـبـد يـبـنـي دللول
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
ابوذيه زائد نعي لعلي الاكبر ع
.........................
الـي رب الـذي اشكيله ،،، وليلاه
يـسَـكـن ونــي بـنهاري ،،، وليلاه
الناس اتغمض او تغفه ،،، وليلاه
(( تون اعله الولد صبح او مسيه ))
.........................
ما غـمــضـت عيـن الثكاله
ليلــى وگلبهـا اشلون حاله
من جابــو الاكـبــر اوصاله
شبه الـنبي وسيد الـرساله
.........................
رايـح ابنها العمره عشرين
تنزف دمه من تدمع العين
صاحت يالكبر يمه لا وين
هان وتعوف الربت اسنين
.........................
ارجـع تراني ابـعـازت الماي
اعـطـش محـنـه گـوم وياي
يبست چبدي بروحتك هاي
لــمـك چنت يالـرايح افياي
.........................
يالـچنت بــس انــده تجيني
شو صحت يمه ونضر عيني
ما فـززك نــوحــي او ونيني
يالاكـبـر وشـمـعـة سـنـيـني
.........................
يا مــحله مـن اتــمــر عليه
وانـده هـلا بالـجــاي لــيـه
وفــرشلك افــراشـك بديه
مــنـي رحــت وشصار بيه
.........................
مني رحــت يالبيك اشــد زود
والامـل يــبنـي بـيـك مـعـگود
تـدري الـولـد يا يـمـه مــريـود
للـنـايـبـــه ولـيــامـنـه الـسـود
.........................
بيــمــن بـعـد گلــي اشــد حيل
لــو دار وكــتي وحملــي ايميل
درب الــمفــارگ كـلـف وطويل
وشلون اخلصه من يجي الليل
.........................
وشلون اخلص الليل حسبات
اتواسيني من بعدك الدمعات
حالي مـثل حـال الـمضيعـات
يخلـص عـمـرهـن كـلـه ونات
.........................
يخلص عمرها الفاگده اعزاز
مثل الـيـروح ابـروحـه جـناز
مـعـتـاز گـلـبـي اعليك معتاز
جـرحـك بعـد ما ضـنه ينـراز
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
هوسات لعلي الاكبر ع
كأني بمولاتي ليلى ع عند نزول ولدها الاكبر ع الى الميدان شتگول
.........................
اريـد انـخـاك يا مــولاي يا مـعــبـود
عليه ابــرجعت ابنـي للـخيام اتجود
وكحــل ناضـري ابــردته مـن ايــعود
سبحه سنين عمري ضنوتي الشاهود
(( تطشر بفراگه ،،، اسنيني ))
.........................
اللهي ابحالـتي بس انته العالم
تردلـي على الاكبر للخيم سالم
لتسلـط عليه الـمعـتدي وظالم
يضل بس الحزن وياي متوالم
(( لو راح الاكبر ،،، من ايدي ))
.........................
اضل اخلاف عينه امرافگه الونه
مـوته اگبال عيني ايلوح اشوفنه
يشيلة راس امــه الـمـا تـمـل منه
هــوه معـصبي الـعالـراس اشدنه
(( عصابة راسي ،،، امسميته ))
.........................
اشلون ايعوف امــه من يباريها
ما تگــدر على الـهجران يـدريها
عفه روحي بغيابه شلون اسليها
جروحه بالگلب يا هو اليداويها
(( ما ينشد جرحه ،،، ابدلالي ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
هوسات لعلي الاكبر ع
.........................
علي الاكبر شبيه المصطفى العدنان
نــزل للـمعــركه واتــوسط الــميدان
هــذا انــه يگلهــم خلفـت الشجعان
انــه الــجدي علي داحــيها للــبيبان
(( عالراس ايطگ ،،، ما ثناها ))
.........................
شجاعة حيدره الاكبر يعرفونه
بالكلفات ابــد ما تهـدل امتونه
واذا هـمــه زلــم خلهم يلاگونه
بينه وبين حـيـدر ما يـمـيزونه
(( حيدر بالطف ،،، ايشوفونه ))
.........................
ابــن حسين هــذا والــنعم منه
اشما احجي وگولن ما اوصفنه
فـنـه الــيـوصلـه والـواجـها فنه
ابـن غانم بكـر روح انشده عنه
(( ويگول القاده ،،، اله افنيها ))
.........................
مو صعـبـه اذا يفـنـيها هاي الگوم
يضوگهم ابسيفه مــن يهد اسموم
ويخلي الـمنايه عالاعـادي اتـحوم
ابـوه الوحده ومحتاج فزعه اليوم
(( وحسين ايضحيله ،،، ابروحه ))
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
قصيده حماسيه لقمر بني هاشم ع
"""""""'''''""""""""""""
بــس عبـاس تـحـلاله الميادين
ابسيفه يلعب ابروس الملاعين
"""""""'''''""""""""""""
بـس عباس يحله السيف بيمينه
غيره ومرجله تنضح امن اجبينه
عالـذل والــمـهـانـه ما امـربـيــنه
طب الكربله وسواها صفين
بــس عبـاس تـحـلاله الميادين
"""""""'''''""""""""""""
صاح ابجيشهم اني انا العباس
سيفه ابيمنته وباليسره شال الطاس
خلاها الاعادي راس طگ ابراس
ثلث تنعام من خلفة الطيبين
بــس عبـاس تـحـلاله الميادين
"""""""'''''""""""""""""
ثلث تنعام يمخوف العياله
حصد بيهم فلا واحد تدناله
يا ليث الكتيبه الدرع يحلاله
حي الهاشمي يا گرت العين
بــس عبـاس تـحـلاله الميادين
"""""""'''''""""""""""""
حي الهاشمي الموصوف بالغيره
ابوجوده العايله مامرت ابحيره
صعب لليوم يابالفضل تفسيره
ضحاها النفس للخوه والدين
بــس عبـاس تـحـلاله الميادين
"""""""'''''""""""""""""
ضحه ابمهجته لحسين مولانه
وشمرهن فده للخوه ذرعانه
والهل يوم صار الوفه عنوانه
وين ايصح اخو مثله بعد وين
بــس عبـاس تـحـلاله الميادين
"""""""'''''""""""""""""
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
مربوعه للعباس ع
.........................
زيـنـب حـشـمـت ،،، عـبـاس واليها
تگله اطفال اخوك ،،، حسين رويها
.........................
زينب حشمت عباس ابو الغيره
اتگله اطـفالنـه يالكافـل ابحيره
عطشانه وعليك الناضر اتـديره
منتضره تجيب الماي تسگيها
.........................
منتضره رقيه اتصيح وين الماي
عطشانين كلنه يالحنينه اهـواي
وين حسين ابونه وعمي الرواي
ملـهـوفـه الـزغـيـره لا تخليها
.........................
ملـهـوفـيـن كـلـهـم والـــصـبـر عده
عـبـد الله الـزغـيـر منـفـطــر چـبده
وشاطي العلگمي خويه انلزم حده
وياهـم يخـويه اشلـون تاليهـا
.........................
يگلها ابشاربي وخذيها لحـچايه
يـزينب كون اخلي الگوم دمايه
ونهـر العلگمي اعليكم لهد مايه
ولا خلي الفواطم عطش يلفيها
.........................
سكنه شافته وصاحـت يمـاي العين
يعمي ادخيل بختك كلنه عطشانين
دلالـي انـفـطـر يا هـيـبـتـي نـصـين
گاللـهـا وعـد هـل جـربه لمليها
.........................
منطيهـا وعـد ما يخلف سـكينه
لـو يـعـرف يـذب عالماي چفينه
وسـهـم الـنـايبه يتوسط ابعينه
الماي ابساع راد ايوصله ليها
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313
لسان حال مولانا الحسين ع
لفقد اخيه العباس ع
.........................
كسر ضهري الگمر من شفت چفينه
طـاحـن عالـنـهـر ومـصـوب ابـعينه
.........................
مـن شفـت السـهام ابصدره صابنه
صحت عبـاس حيلي بيـش اشدنه
يـومـك هـد دليلي وشــيـبـت مـنه
حسافه عالشريعه خلصن اسنينه
.........................
خلصـت عشرتك وانـفـلـت الخوه
يومك هدلي حيلي وبعد ما اگوه
عگـب عينـك يغالـي مابقه تچوه
بعد وشـضـل الـيـه رايـح الـعينه
.........................
يشـيـال اللـواء وحـامـل الـرايه
انته حـزام ضـهري وللـنصر آيه
ابـد ميلوگ الك نـوم الـمسنايه
ندهتك گـوم يالفـرگاك ياذينه
.........................
انـهـض نـومـتـك عباس تاذيني
يا كبش الكتيبه ويا نضر عيني
من بعدك عسن لاطالت اسنيني
يبعد البي نبض شوفتك تروينه
.........................
دخيلك للـمـخـيـم گـوم رد وياي
نريدك كـون سالم ما نـريد الماي
يا ساعد يميني ويا اصبي عيناي
شگل لم عـون تنشد كافلي وينه
.........................
لـو نـشـدتـنـي زينب شهـي اگللها
نايـم عالـشـريـعـه ومـا تـرد الـهـا
خبر موتك يخويه ام عون يكتلها
كـفـالـچ بـعـد ماضـن تشوفينه
.........................
تـــمـ بعون الله تعالى ـــت
بقـــ✍ـــلم خادمة اهل البيت ع
ام سـ✍️ـجـاد العسكري
بتاریخ 15 شعبان 1442هـ🌙
لانجيز حذف الاسم ونسالكم الدعاء🙏🏻
/channel/omsajad313