1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
ليلة الانصار عليه السلام
💔🏴
جوكم الانصار يلسبعين الف
راية العز بيد ابن ظاهر ترف
💔🏴
راية الانصار راعيها حبيب
نصر من الله والفتح القريب
خل تگر عيونها اخت الغريب
الشايل الرايه بلملاگه كلف
💔🏴
اليوم يوم التضحيه وبذل النفوس
اعله المنايه اصحاب ابو اليمه تدوس
اشتدت ودارت رحی الحرب الضَروس
امن الانصار الواحد يعادل الف
💔🏴
للكلافه اتحزمو ومفرعين
مو حرب چنها اجوها معيدين
باذلين ارواحهم لجل الحسين
ماهتمو للجروح وللنزف
💔🏴
چنهم انجوم وهوت فوگ التراب
منهم الشايب ومنهم الشباب
ناده ابو السجاد ياخير الصحاب
بعد لاناصر بگالي ولاعرف
💔🏴
وحيدي عفتوني يزلم الموزمات
مادريتو للخيم ماظل حماة
صفه ذاك الشمل ياوسفه شتات
عمي ابن ظاهر يبو گلب الترف
💔🏴
✍ ام محمد الحجاج
٤ / ٥ / ٢٠٢٦
http://t.me/ommohamadalaebaadey
ليلة اولاد مسلم عليهم السلام
نعي
يلولاد حس امكم تنادي
بهل ليل ادوور بلبوادي
حاچوني اعليكم شسادي
خل تنطفي جمرة افادي
بيا كثر حاچوني ييمه
دنيه خطر والوكت ظلمه
كربله امخيفه وآنه حرمه
وهاي المصيبه تريد زلمه
شنهي المره ودوارت الليل
ومتيها بالغربه مداليل
طاهر ييمه اتهدم الحيل
للفزعه ماظلو رياجيل
ابوك انچتل وصلن علومه
نذبحو خوالك والعمومه
كلهم عله التربان نومه
اشري الولَد وين اليسومه
يمه الولد يمه
لدروبكم تربه عيوني
وين الله يايمه وتجوني
ماچنتو ساعه تبارحوني
خابت يبعد امكم ظنوني
💔
✍ ام محمد الحجاج
http://t.me/ommohamadalaebaadey
ليلة اولاد مسلم عليهم السلام
لسان حال الام 💔 كاني بها
باچر يطاهر تمشي لظعون
،يمته يروح امكم تعودون
ليل وخطر والدنيه ظلمه
العدوان تفتر وآنه حرمه
يمته يروح امكم تعودون
💔🏴
الوادي چبير وظلمه بالليل
زحمه اطر الزلم والخيل
رجليه ماتن مالهن حيل
يمه الدواره للرياجيل
لاعم ولا خال الاحشمه
العدوان تفتر وآنه حرمه
اهلي واهلكم نومه بلكون
💔🏴
بلكون نومه اهلي واهلكم
ياصوب اروحن ما اندلكم
نايم بحضن امه لبحلكم
وانتم تيتمتو بجهلكم
راح الشمل وشلون المه
العدوان تفتر وآنه حرمه
عنكم اروحن او تظلون
يمه
باچر يطاهر تمشي لظعون
💔🏴
عنكم اسايلمن يحلوين
جرحين يمه بگلبي جرحين
مو واحد مضيعتلي طفلين
ليلي گضه وماغمَضت عين
الفاگد ضناه يمه شينيمه
العدوان تفتر وآنه حرمه
ردولي لا يعمن العيون
يمه
باچر يطاهر تمشي لظعون
💔🏴
عنكم اسايلمن يحلوين
جرحين يمه بگلبي جرحين
مو واحد مضيعتلي طفلين
ليلي گضه وماغمضت العين
الفاگد ضناه يمه شينيمه
العدوان تفتر وآنه حرمه
ردولي لا يعمن العيون
يمه
باچر يطاهر تمشي لظعون
💔🏴
ربيت واسهرت الليالي
تضيعون ماچان اعله بالي
منكم اردن حضني خالي
ياهظمت الماعدها والي
ندمه يطاهر يبني ندمه
العدوان تفتر وآنه حرمه
شلون ارجع ابلياكم شلون
يمه
باچر يطاهر تمشي لظعون
💔🏴
تمت بحمد الله تعالی
٢ / ٥ / ٢٠٢٦
✍ ام محمد الحجاج
http://t.me/ommohamadalaebaadey
لما أُسِر مولانا مسلم بن عقيل عليه السلام وأخذوه إلى عبيد الله بن زياد لعنه الله؛ قال مسلم : إنّا لله وإنّا إليه راجعون. ثمّ بكى ، فقيل له : إنّ مَنْ يطلب مثل الذي تطلب إذا نزل به مثل الذي نزل بك لم يبكِ.
فقال مسلم : «إنّي والله ما لنفسي أبكي ، ولا لها من القتل أرثي وإن كنت لم أحبّ لها طرفة عين تلفاً ، ولكن أبكي لأهلي المقبلين إليّ ؛ أبكي لحسين وآل حسين
ماابچي اعله روحي ابچي لحسين
اهو وعياله للكوفه مجبلين
المكاتيب الكتبتوها اصبحت وين
خنتو العهد وي ابن الزچيه
من المدينه طلع بعياله وعمامه
وينه اليگله خل يرد ليها بسلامه
يبو السجاد ياحيف وندامه
بصير اوياك مثل الصار بيه
خله يرد للوطن بعياله ونصاره
مناك ايسدر الظعن الكوفه غداره
مسلم بشده واله محد فتح داره
ولا واحد سگاه شربت اميه
💔
ابو ذيه
اويلي عله البحبال جرّوه
ودمه من السطح للگاع جرّوه
عله مسلم الماجره جرّوه
من السطح شمروه للوطيه
رحم الله المنادي وامسلماه
💔
مسلم تمنه گبل موته
عياله يحضرونه واخوته
وشوفت بنيته ماتفوته
وام طاهر وطاهر سلوته
وابو اليمه وابو فاضل عزوته
نوحي لمسلم ياحميده
غدروه ودبروله مكيده
ويلاه من حزو وريده
طيحوه والطيحه شديده
من القصر والحبل بيده
اكون يم مسلم عضيده
واحد امن اسباع الصميده
چا سوه بالكوفه اليريده
نحبه گضه بديره بعيده
وامسلماه
آجركم الله
✍ ام محمد الحجاج
http://t.me/ommohamadalaebaadey
ليلة مسلم عليه السلام
🏴🏴
مسلم رموه امن القصر
ورّضن امفاصيله
🏴🏴
بالسيف گطغو منحره
امن السطح ذبوه لثره
وينك يسبع الگنطره
ََاحضر لمسلم شيله
مسلم رموه امن القصر
ورّضن امفاصيله
🏴🏴
حزو يويلي رگبته
للگاع شمرو جثته
وينه ليخبر اخوته
تلكد الخيل الليله
مسلم رموه امن القصر
ورّضن امفاصيله
🏴🏴
جثته بحبل مچتوفه
سحلوها اهل الكوفه
يجرونه طوعه اشوفه
تنعه ودمعها تسيله
مسلم رموه امن القصر
ورّضن امفاصيله
🏴🏴
الدم يصب من منحره
وعظامه كلها مكسره
بس طوعه يمه موزره
تندب بحامي ادخيله
مسلم رموه امن القصر
ورّضن امفاصيله
🏴🏴
تتفرج الناس اطلعت
حته الضلوع اتشلعت
الجثه رفسات اشبعت
واليرفس بكل حيله
مسلم رموه امن القصر
ورّضن مفاصيله
🏴🏴
لا اخو الحاضر لا ابن
لا اخت تنعاله وتون
لاچفن حصّل لادفن
لا ودعته العيله
مسلم رموه امن القصر
ورّضن امفاصيله
🏴🏴
ما ودعوه اعزازه
لا شيعوله اجنازه
اليوم يوم العازه
مايمه بت تبچيله
مسلم رموه امن القصر
ورّصن امفاصيله
🏴🏴
عظم الله اجورنا واجوركم
تمت بحمد الله تعالی
٩ / ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة سفير الحسين عليه السلام
مسلم بن عقيل سلام الله عليه
👇👇👇
ليلة مولاتي ام البنين عليها السلام
حين سارت القافلة 💔 كاني بها همهمت وراهم وقالت
🏴🏴
يل سايجين ظعون الاحباب
حيلي تبده بعتبة الباب
ياصوب تردون بظعنكم ؟
دمعاتي چا مايوجعنكم ؟
حيلي تبده بعتبة الباب
🏴🏴
الام تموت بفرگه الاولاد
وآنه متت بلباب سكته
بس الظعن عني جزه وراح
امكم خمس موتات ميته
حاديكم ضلوعي حناها
حين ابتعد يايمه شفته
يمه عساني اندار فدوات
ل اهل الظعن وحسين واخته
يعمن عيوني الودعنكم
دمعاتي چا مايوجعنكم
حيلي تبده بعتبة الباب
🏴🏴
لا اگدر امشي والحگ الراح
لااگدر ارجع للمنازل
شلگه امن ارد لديار العزاز
وحسين عن الديره شايل
بهروش گلبي فطّر الشيب
من ابعدت عني المحامل
ساعه ونزل بعيوني دخان
بس فارگن وجه ابو فاضل
شنهي اليصبر الگلب عنكم
دمعاتي چا مايوجعنكم
حيلي تبده بعتبة الباب
🏴🏴
بعيوني صبّح اظلم الكون
وجه ابو اليمه مالگيته
والهوی گوه اتشهگه الانفاس
راح اويه ظعن الفارگيته
درب الخذاهم ليل ونهار
بدموع المناطر سگيته
ماطاوعني عيوني للنوم
ساعه الجفن ماطبّگيته
دعواتي كون يرجعنكم
دمعاتي چا مايوجعنكم
حيلي تبده بعتبة الباب
🏴🏴
هيه التربي اولاد ياكون
دمعتهه ماتجري اعله خدهه
تعيش بدلال وبال مرتاح
مو مثل حالي اتظل وحدهه
عگب النشامه الترفع الراس
العازه تاخذها وتردهه
الماعدهه والي يصيبهه الضيم
هيبت الامايه بولدهه
مالن اضلوعي الضيعنكم
دمعاتي چا مايوجعنكم
حيلي تبده بعتبة الباب
🏴🏴
١٣ / شوال
الموافق ٢ / ٣ / ٢٠٢٦
✍ ام محمد الحجاج
http://t.me/ommohamadalaebaadey
حج الامام الحسين عليه السلام
🏴🏴
تحجُ الجموع لبيت اللهِ افواجا
وابنُ البتولِ منها قد نزحا
والكعبة مهدُ ابيه المرتضی
ودين محمد بسيفه فُتِحا
ولامهِ يرضی الله إن رضيّت
فهي الكوثرُ بالقرآنِ والضحی
🏴🏴
نعي شعبي
لبيك اللهم لبيك
لبيك اللهم لبيك
من مكه طالع يا الاهي وحَجّي ما تم
ماريد بالكعبه اليّه ينسفك دم
لبيك يامولاي چان الحجِ نيتي
بانت علايم ذبحتي وگربت منيتي
ليكربله گاصد احج واهل بيتي
تتگطع اوصالي نزل امر المحتّم
لبيك اللهم لبيك
لبيك اللهم لبيك
لبيك يامولاي احج للغاضريه
بعيالي واطفالي واخوتي هل مسيه
واحرمت يارباه ب اكفان المنيّه
وغسل الشهاده اغتسل من ماي زمزم
لبيك اللهم لبيك
لبيك اللهم لبيك
سدّرت بظعوني ومكه اطلعت منها
والروح مشتاگه لعطر طيبه وطنها
لديارنه ظلّت تحن مخنوگه بشجنها
يجرح فؤادي الريح احس لو منهه نسّم
لبيك اللهم لبيك
لبيك اللهم لبيك
مهاجر وليهه ماارد مخطوط باللوح
اخبرني جدي المصطفی بهل سفره مذبوح
ارضی برضی المعبود وابذل له الروح
مشتاق ل اسلافي وگرَب عاشر امحرّم
لبيك اللهم لبيك
لبيك اللهم لبيك
ام محمد الحجاج
http://t.me/ommohamadalaebaadey
ليلة مولاتي ام البنين عليها السلام
ابو ذيات
🏴💔
ولمهم
المرض والعازه من راحو .. ولمهم
يروحي وين ادورهم . ولمهم
گضاني ونزل بعظامي .. ولمهم
بفرگاهم ولا ظل حيل بيه
💔
عله دروب المشوها النظر . يبره
جرح الفرگه ماظن بعد . يبره
كسر گلبي صعب يحسين . يبره
جبرتي من ترد سالم اليه
💔
سيل الدمع من عيني . يهد هَد
وجمر البعد بضلوعي . يهد هِد
جيب اعلوم من ابني . يهدهد
حسين انگطعت اخباره عليه
💔
ليلة السيدة الجليلة مولاتي ام البنين عليها السلام
اذا جنَ عليها الليل تری المنازل موحشة . تهيج احزانها . تجافي المضجع . يعود بها الحنين الی تلك الليالي وجمع الاحبة . كاني بها
بلسان حال الشاعر .
💔
نعي نصاري
عسن ليل الاحزان اعليه لاهل
يريت يعود ذاك الليل الاول
جفني بشوفت حسين ايتكحل
اطب للدار والگه ابن الزچيه
💔
اطب للدار والگه حسين بالدار
واشوف ربوعها تشع بيها لنوار
بيهم مادريت شصار ماصار
وصلو لو بعد للغاضريه
💔
عيوني محاربتهن لذت النوم
يحگلي ماادخل لديارهم دوم
گضت روحي الملامه وجمر الهموم
السلف من مشو كله اظلم عليه
💔
نعي مجاريد
وين الله وترد الظعينه
بحسين وام عون الحنينه
لحي الهواشم بلمدينه
واعلّگ بكل دار زينه
وتفرح صدگ روحي الحزينه
واتلگه بو اليمه وبنينه
وزلم الهيابه ترد لينه
💔
ام محمد الحجاج
http://t.me/ommohamadalaebaadey
ليلة مولاتي ام البنين عليها السلام
من سافروا الامام الحسين واخته العقيلة عليهم السلام . تگعد تحاچي روحها . موجوعه . مندومة . تسال روحها هم يرجعون ؟ مايرجعون . يطول الغياب ؟ اتبعهم ؟ منو الياخذني وراهم
بهل الحال الشاعر يصور وضعها بلسان حاله .
كاني بها تسال روحها
راحو يم الابنين
عويناتچ الاثنين
💔🏴
زينب والحسين عزاز گلبي
عويناتي لشوفن بيها دربي
خلوني اونن ايتعبي
گضت روحي امن الاونين
راحو يم الابنين
💔🏴
الاغله من العيون الفارگوني
خلهن يعمن عليهم عيوني
ماادري يجوني ؟ مايجوني ؟
يعمه الفارگ ثنين
راحو يم الابنين
💔🏴
يعمه الفارگ ارباه او اله الحگ
من ثگل الحزن لو گلبه ينشگ
من يوم المشو سيل الدمع طگ
لكل واحد عمت عين
راحو يم الابنين
💔🏴
شوف عيوني لو كف والله حگي
چانو همه خلگي وراح خلگي
عله الخلّوچ شهگت موت شهگي
المن ماتموتين
راحو يم الابنين
💔🏴
چا شنهي اليصبّر خاطر اصبر
لاهي ايام واتحملها واتمر
احسب ساعه ساعه وگوه تعبر
ياروحي شتصبرين
راحو يم الابنين
💔
لاطارش لفاني ولامكاتيب
والحسبات تاخذ بيه وتجيب
ماعدچ خبر ياشمس ال امغيب
عن ظعونهم وين
راحو يم الابنين
💔🏴
تمت بحمد الله تعالی
٧/ ٤ / ٢٠٢٦
✍ ام محمد الحجاج
http://t.me/ommohamadalaebaadey
ليلة مولاتي العليلة عليها السلام
لما ارادوا الرحيل
كاني بها نادت الحادي بصوت حزين وحشرجت انين ... بلسان حال الشاعر
يلطوحت بظعون اهلنه
يابعد حيلي اوگف النه
سويعه يحاديهم تونّه
بلچن بعد نرتجي ظنه
يصعدونّه اهل المحنه
يرفجون وياهم حملنه
يجمال لاتسدر ببلهم
خليني اروحن بعد اگلهم
واعاتب الماشين كلهم
بس محملي يثگل حملهم
يردوني اظل وحدي بنزلهم
َياسايج ظعون الغوالي
شوي رييض وحن اعله حالي
اشلون اظل والبيت خالي
شيگضيهه عگب اهلي الليالي
غير البنيه تريد والي
مشو وعيوني يتناثر دمعها
روحي فرفرت مدري شوجعها
صوت الخيل والحادي فجعها
الحسره لبگلبي لو اطلعها
الصخر ينفت لا سمعها
💔
✍ ام محمد الحجاج
http://t.me/ommohamadalaebaadey
نكمل منهاج ليلة مولاتي فاطمة العليلة عليها السلام
👇👇
من هو الإمام محمد الباقر؟
◾️إسمه ونسبه: محمد بن علي بن الحسين بن علي بن أبي طالب، وهو خامس أئمة أهل البيت (عليهم السَّلام).
◾️أشهر ألقابه: باقر علم النبي ، باقر علوم النبيين ، الباقر.
◾️كنيته: أبو جعفر.
◾️أبوه: الإمام زين العابدين.
◾️أمه: فاطمة بنت الإمام الحسن المجتبى (عليه السَّلام).
◾️ولادته: يوم الاثنين أو الجمعة (3) شهر صفر أو أوّل شهر رجب سنة (57) هجرية.
◾️محل ولادته: المدينة المنورة.
◾️مدة عمره الشريف (57) سنة.
◾️مدة إمامته: (18) أو (19) سنة من (25) شهر محرم سنة (94) أو (95) هجرية.
نقش خاتمه: العزّة لله جميعاً.
◾️زوجاته: من زوجاته: فاطمة ـ المكناة بأُم فروة ـ بنت القاسم بن محمد بن أبي بكر.
◾️شهادته: يوم (7) شهر ذو الحجة سنة (114) هجرية.
◾️سبب شهادته :هوالسم من قبل إبراهيم بن الوليد أو هشام بن عبد الملك أيام خلافته.
مدفنه: جنة البقيع / المدينة المنورة.
الصّلاة على الإمام محمّد بن عليّ الباقر (عليه السلام
اَللّـهُمَّ صَلِّ عَلى مُحَمَّدِ بْنِ عَلِيٍّ باقِرِ الْعِلْمِ وَاِمامِ الْهُدى ، وَقائِدِ اَهْلِ التَّقْوى وَالْمُنْتَجَبِ مِنْ عِبادِكَ ، اَللّـهُمَّ وَكَما جَعَلْتَهُ عَلَماً لِعِبادِكَ وَمَناراً لِبِلادِكَ ، وَمُسْتَوْدَعاً لِحِكْمَتِكَ وَمُتَرْجِماً لِوَحْيِكَ ، وَاَمَرْتَ بِطاعَتِهِ وَحَذَّرْتَ مِنْ مَعْصِيَتِهِ ، فَصَلِّ عَلَيْهِ يا رَبِّ اَفْضَلَ ما صَلَّيْتَ عَلى اَحَد مِنْ ذُرِّيَةِ اَنْبِيائِكَ وَاَصْفِيائِكَ وَرُسُلِكَ وَاُمَنائِكَ يا رَبَّ الْعالَمينَ.
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ
بعوالي رماح روس اهلي شفتهه
واميّه احقادها بينه شِفَتهه
عمتي الضاميه اليبست شفتهه
تنادي حسين بويه الحگ عليه
عظم الله اجورنا واجوركم
ذكری شهادة الامام محمد الباقر عليه السلام
ام محمد الحجاج
ليلة مولاتي العليلة عليها السلام
💔🏴
ظلمه المنازل ياهلي الليله
ياضيم يحمل گلب العليله
💔🏴
ظلمه المنازل يهلي تاذيني
وحشه امن اصدن ليهه تعميني
خليني اموت احسلّي خليني
ماظل حنين واگعد اشكيله
💔🏴
اشكيلمن والسلف ظل خالي
وحشه الديار اشسوت بحالي
طير الحزن بلباب ينعالي
بطور المضيعه عيني تبچيله
💔🏴
ابچي ل اهلي مدري ابچي ال روحي
ليلي ونهاري مايفل نوحي
ظليت اون محتاره بجروحي
آياهلي الشالو فرد شيله
💔🏴
آياهلي الراحو وخلوني
لاودو امكاتيب لااجوني
دمع البچيته ودّر عيوني
احچيلمن ضيمي وتفاصيله
💔🏴
راح الابو لمدلله بجاله
سافر وخله دموعي هماله
ناسيني لو بيش انشغل باله
من فرگته گلبي خلص حيله
💔🏴
مشتاگه حيل لوجهه مشتاگه
روحي گضت ماتحمل فراگه
يادنيه هم يرجع ونتلاگه
ماوصلت اشاخر مراسيله
💔🏴
لا رد الي ولاجاني مكتوبه
ومناطره عيوني عله دروبه
اغفه وافز من نومي مرعوبه
احلم اترض بثدصدره خياله
💔🏴
عظم الله لنا ولكم الاجر
تمت بحمد الله تعالی
١٨ // من شهر شوال
✍ ام محمد الحجاج
http://t.me/ommohamadalaebaadey
ليلة اولاد مسلم عليهم السلام
💔
راحو عزاز الروح
وين الگاهم
🏴🏴
لوجوهم حنيت
شوفتهم تمنيت
يادهري شسويت
تسعر باب حشاي
يافرگاهم
راحو عزاز الروح
وين الگاهم
🏴🏴
مثل الهوی والماي
رابين حدر اچلاي
كل حاصلي بدنياي
ميته ويردلي الروح
ياملگاهم
راحو عزاز الروح
وين الگاهم
🏴🏴
يادهري ياغدار
گلبي تچوه بنار
مالك خذيت زغار
حن الگلب ويريد
ليل ارباهم
راحو عزاز الروح
وين الگاهم
🏴🏴
ياما سهرت الليل
دمعي اعله خدي يسيل
انعه يلمداليل
ياريع گلبي كون
ميته وياهم
راحو عزاز الروح
وين الگاهم
🏴🏴
الحدر الگلب رابين
راحو امن امهم وين
كل واحد اصبي عين
چانو ترس عيناي
يامحلاهم
راحو عزاز الروح
وين الگاهم
🏴🏴
آه اشيصبر الروح
ظليت بس للنوح
يمه الگلب مجروح
يهل الرحم
طاهر واخيه ماهم
راحو عزاز الروح
وين الگاهم
🏴🏴
نذبحو بجرف الماي
يامهجتي ورجواي
وافلست من ارباي
لشاطي لمسيب راحو
اشوداهم
راحو عزاز الروح
وين الگاهم
🏴🏴
تمت بحمد الله تعالی
٣ / ٥ / ٢٠٢٦
✍ ام محمد الحجاج
http://t.me/ommohamadalaebaadey
أكثر ما يؤلم في مصيبة مسلم بن عقيل (عليه السلام)، هو أنّ الأطفال صاروا يجرّون جسده بالحبال!
💔😭
ليلة مسلم عليه السلام
💔🏴
بالكوفه بو طاهر الفك داره
مثل عمه الصميده يچوي بتاره
💔🏴
مثل عمه الصميده مايگحمونه
تخلي الزلم ترجف جدحت عيونه
خانت علي الكوفه ومسلم تخونه
وين اولاد عمه اليوم وانصاره
💔🏴
بين الگوم وحده ومايصح ناصر
وين حزام ظهره اليوم ابو طاهر
من كل صوب عسكرهم عليه داير
عساچ بهجم يلكوفه يغداره
💔🏴
ابو طاهر الكوفه تميد خلاها
الروس من الرگاب بسيفه شالاها
ياغاره تجي برمحه تولّاها
الخمسميه فنه الغاره وره الغاره
💔🏴
عياه نزف الدمه وتتلاهب جروحه
وامن العطش والحر فرفحت روحه
رماح الغدر گامت مسلم تلوحه
وطوعه تحوم من ابعيد محتاره
💔🏴
حفروله حفيره بدربه لمچنّه
تنگطر بيها والسيف انسلب منه
بثناياه ضربة الظلّام تتثنه
لظعون الاجو من ياخذ اخباره؟
💔🏴
صعدو بي لفوگ القصر عدوانه
ذبحوه او رمو للگاع جثمانه
يلكوفه عمت عينچ يخوانه
وجروه بلحبال ودمه يجاره
وامسلماه
ومظلوماه
واغريباه
٩ /٤ / ٢٠٢٦
✍ ام محمد الحجاج
http://t.me/ommohamadalaebaadey
ساعد الله گلبچ يامولاتي ياام البنين
صار الليل لا صوت الامام الحسين ياذن ولايقره قرآن بالبيت . الديار صفنه . الها وحشه مخيفه اجت مولاتي ام البنين عليها السلام تشوف شحال مولاتي فاطمة العليلة خلوها اهلها مريضة وابوها عليه السلام وصی السيدة ام البنين عليها السلام . ببنيته العليلة الی ان يرجع او يجي واحد من اهلها ياخذها وراهم .. گعدن ذيچ الليلة لكن شلون گعده .
كاني بهن ..
نعي
تنعه ام البنين وفاطمه تون
الليله ييمه عدمن نچن
ظلمه المنازل وين اهلهن
لاقاري اسمع لا موذن (١)
حته الحبايب مشن كلهن
روحي لبوچ وعمتچ اتحن
دروب الخذتهم مااندلهن
عدله اظل من مشو ماظن
١/ صوت قراية القرآن
يمه يايمه
تگلها
لو چلچل الليل بظلامه
اگعد اون ون الحمامه
روحي شيصبرها وانامه
يخلص دمع يخلص ملامه
ياحيف ياوسف وندامه
فارگت حلوين الجهامه
💔
يا ام البنين يامولاتي
✍ ام محمد الحجاج
http://t.me/ommohamadalaebaadey
السلام علی النازحين عن الاوطان
نزحو من ديار طيبه لرض الاطفوف
وتممو حجهم بعاشر كربله
السلام علی النازحين عن الاوطان
٨ / ذي الحجة خروج الامام الحسين عليه السلام من مكة الی العراق 💔
ليلة مولاتي السيدة ام البنين عليها السلام
نعي مجاريد
رحلوا وماعادوا
💔
لو اندل الطف اتبعتهم
هد حيلي يوم الودعتهم
گالولي ظلي وطاوعتهم
اولادي فدوه اربعتهم
لحسين وام عون انذرتهم
كون اندل دروب الصحاري
امشيهن بليلي ونهاري
تلسعني خل شمس الظهاري
تحرگ بلب احشاي ناري
خلاف ابو اليمه ظلمه داري
مناطره دروب الخذنهم
ادعي إل باري يردنهم
ويعود للديره ظعنهم
ما ردو يطولون چنهم
اتعطّلو عني اظنهم
ماجوني مدري شعطلاهم
عيوني عله درب الخذاهم
اطلع واعاين ما الگاهم
العيشه ماتسوه بلاهم
خيعونه يامن شم هواهم
💔
نعي فايزي
طوول سفرهم والعيون امحاربه النوم
وثگلن عله امتوني احس اخاف الهدوم
حسرات اخلص الليل متغطيه بلهموم
كل يوم اگول الراحو يردولي اليوم
اطلع وناشد يامن ال جايبلي اعلوم
يهل الرحم محد دره عن ابني حسين
💔
وين اليبشرني عن ابني وجايب اخبار
يكسب ثواب وتنطقي بضلوعي النار
يخبرني وين الظعن حط وشلذي صار
ابني وحبيبي ونور عيني وفدوه اله اندار
سافر وطالت غيبته وماعاد للدار
اربعتي وآنه نروح فدوه ويسلم حسين
💔
٧ / ٤ ٢٠٢٦
ام محمد الحجاج
http://t.me/ommohamadalaebaadey
ليلة مولاتي السيدة الطاهرة ام البنين عليها السلام
🏴👇👇👇
ليلة مولاتي فاطمة العليلة عليها السلام
ابو ذيه ونعي
تون الدار مثلي مايهلها
دمعتي الفگد يوسف مايهلها
اهييس روحي يبست مايهلها
ونيران الفراگ اوجرت بيّه
نار فراگهم بحشاي وجره
وعليهم دمعي شبه السيل وجره
بيهم مادريت شصار وجره
ولا طارش المنهم مر عليه
بدمعي تيبس رياگي وبلها
من سدرت خيول اهلي وبلها
عليله تعاين اخوتها وبلها
وعشيره اسباع ظعنو هلمسيه
نعي ينقرب بطور البحراني و الركباني والعلواني و الحدي
طور مرتضی حرب
ياراكبن ليفوگ سباگت الريح
💔
يللي حديت ظعونهم ابتالي الليل
اتوانه بمسيرك تره ماظل بعد حيل
خلهم يشوفون حالي ودمعي ليسيل
حلفتك بضلع الزچيه وحامي لدخيل
رييض بمسراك يحادي ونووخ النوگ
بجمر الغضه لب الحشه وبل آه محروگ
موش انجرح گلبي تره . بي صارن شگوگ
ينحت ويصير ارماد بجفاهم من الشوگ
گبل الفجر لاينبلج سلكو البيده
اسمع اجراس القافله صارت بعيده
صابت عظامي بس حدو رجفه شديده
رجليه ماتن من جفاني ابن الصميدة
💔
َ
ياحادي العزاز هونك بلمشي هونك
سايج رچايب هلي من ريت خيعونك
ياكون لي ملتفت وتشوفني عيونك
وراك اگوم وطحت ماتحدي بظعونك
💔
لاحول ولاقوة الا بالله العلي العظيم
✍ ام محمد الحجاج
http://t.me/ommohamadalaebaadey
السلام علی من حمل وجع كربلاء في صدره
السلام علی حاضر الطف . شاهِد المصاب
عظم الله اجورنا واجوركم
استشهاد الإمام الباقر عليه السلام
نعي
ولما ساءت حالة الإمام الباقر عليه السلام مد رجليه واسبل يديه واغمض عينيه وفاضت روحه الطاهرة
وكان الامام جعفر الصادق عنده وقف الامام الصادق عليه السلام ووضع يديه على راسه قائلا
انا لله وانا اليه راجعون
اقول ساعد الله قلب الامام زين العابدين عليه السلام حين صعد الشمر اللعين على صدر الإمام الحسين عليه السلام ليذبحه
قال الامام زين العابدين عليه لعمته زينب عليها السلام عمه ارفعي طرف الخيمة
سالته لماذا يانور عيني
قال الامام زين العابدين عليه السلام
الآن بدء الشمر اللعين يذبح والدي
الآن قلب وجهه الشريف الى التراب
وطبره اثنى عشرة طبرة
وبدأ يقول لعمته ماذا يصنع الشمر اللعين
حتى بكى وقال
انا لله وانا اليه راجعون
عمه الآن رفع رأسه الشريف على رمح طويل ..
اي واحسيناه
الباقر من گضه نحبه يمه ابنه واهل بيته
على فراشه عمت عيني يوم الحانت منيته
لبنه الصادق شگلّه وشنهي چانت وصيته
خلّو النوح بس لحسين والآه اعله مسبيته
ماانسه الجرى بعاشور وبعيني شفت ذبحه
شفت راسه ايتگاطر دم وهوه معلّگ برمحه
شفت من اجن عشر خيول كل حافر يرض صفحه
وعمتي تصيح ياجداه بين الوادم الوكحه
شسولفلك بعد يبني يوم الركضت النسوان
من جاها المهر خالي مايل سرجه للصيوان
يگلهن گومن امشنّه لعد حسين للميدان
وآنه رحت وياهن بين الخيل والعدوان
صدّيت وشفت جدي بس الجسد وبلا راس
وعمتي للنهر شاطت تريد تحشم العباس
صاحو هاي زينب هاي وتعاين عليها الناس
وليل هدعش لاخيمه ولا ظل للحرم حراس
.....
.....
أم محمد الحجاج
ليلة مولاتي العليلة عليها السلام
بقيت بعد سفر اهلها مريضة وزادت علتها بعد سفر والدها الامام الحسين عليه السلام . واعمامها وعمتها وامها واخواتها وجميع الاحبة . تصبرها السيدة ام البنين خوفاً عليها من شدة الجزع . كاني بها بلسان حال الشاعر
ماني مريضه يم الابنين
يوجعني يمه فراگ الحسين
دولاب دولبني جفاهم
گلبه صلب حادي الخذاهم
يوجعني يمه فراگ الحسين
🏴🏴
عدله بعدني شلون ظليت
ماهم عزاز الروح بلبيت
لعبدالله كون شويه لوليت
مليت من الصبر مليت
وينه اليودينه وراهم
گلب صلب حادي الخذاهم
يوجعني يمه فراگ الحسين
🏴🏴
من ليلة البعدو بلظعون
گلبي يگلي مايردون
يلحره يمه علتي تهون
بس فرگت اهلي تعمي العيون
اترد روحي من اشتم هواهم
گلبه صلب حادي الخذاهم
يوجعني يمه فراگ الحسين
🏴🏴
يمه المرض بضلوعي يدوي
ونار الفراگ بروحي تچوي
بهلي الظعن ياصوب منوي
اظلم البيت الچان مضوي
بلبيت ادوور مالگاهم
گلبه صلب حادي الخذاهم
يوجعني يمه فراگ الحسين
🏴🏴
الفاگد هله دنياته مُرّه
بغير الاحباب اشيسوه عمره
يگضي بندامه ودمع حسره
وتسعر بنص ضلوعه جمره
المرض سهمه الفارگاهم
گلبه صلب حادي الخذاهم
يوجعني يمه فراگ الحسين
🏴🏴
وكت العصر تلتم الاحزان
تعرض گبالي وجوه الاحنان
ركني الفراگ وبلعظم بان
موتي عساه من حملو حان
يردهم گلت دمعي البچاهم
گلبه صلب حادي الخذاهم
يوجعني يمه فراگ الحسين
🏴🏴
غيمه التمر انشدهه عنهم
ماجايبتلي اخبار منهم ؟
ماشفتي احبابي وظعنهم ؟
يرجعون يو لاله لوطنهم ؟
بلچن اتمرين بسماهم
گلبه صلب حادي الخذاهم
يوجعني يمه فراگ الحسين
ماني مريضه يم الابنين
🏴🏴
عظم الله اجورنا واجوركم
✍ ام محمد الحجاج
١٧ // شوال
الموافق
٦ // ٤ // ٢٠٢٦
http://t.me/ommohamadalaebaadey