1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
أَقبِلْ إمامَ العصرِ أَصْلِحْ حالَنا
واْغمُرْ تَصحُّرَنا بِغَيْثٍ يُورِقُ
الغوث الغوث الغوث
العجل العجل العجل
الساعة الساعة الساعة
برحمتك ياارحم الراحمين
افضل لاعمال في ليلة الجمعة و يوم الجمعة الصلاة على محمد وال محمد.. ولتعجيل فرج مولانا صاحب الزمان وللشفاعة ولقضاء الحوائج وللأموات افلح من صلى على محمد وال محمد
اللهم_صل_على_محمد_وال_محمد
وعجل فرجهم
🙏
اخبرتهم مولاتي فاطمة الزهراء من خلف الباب
( اعلموا اني فاطمة وابي محمد صلوات الله عليهما ) لكنهم احرقوا بابها وكسروا ضلعها واسقطوا جنينها ..
ابو ذيه
بحب الزهره گلبي فاطمه آنه
ليش انصفع خدهه فاطمانه
خلف الباب نادت فاطمة آنه
ولا واحد المنهم بي حميه
يازهراء يابنت محمد ياقرة عين الرسول صلوات الله عليكما
ام محمد الحجاج
/channel/ommohamadalaebaadey
امير المؤمنين عليه السلام حين يشتاق لفاطمة عليها السلام
🏴
ليلنه مابي سوالف دافيه
راح وياچ السمر والعافيه
فاطمة يافاطمة
🏴
يل خذيتي وياچ ضحكات الامس
چنت احسّچ هوی ويصعد بالنفس
كلشي مُر ماينجرع بالدنيه احس
وليلي ماخلّه المواجع غافيه
فاطمة يافاطمة
🏴
حتی من يغفه الجرح بالليل ايفز
وخنجر الآهآت بنياطي يحز
هموم ال بگلبي صفت مثل اللغز
لا موديتني الچ لا شافيه
فاطمة يافاطمة
🏴
باهت بعيني الضوی بعز الصبح
لو علت شمس الضحی انصاب برمح
نسر چني وبات مكسور الجنح
وعلّتي ماصح دواها وخافيه
فاطمة يافاطمة
🏴
چنتي دوم بدنيتي شمس الضحه
وجهچ امن انشوفه ربنه انسبّحه
والسعادة البيهه كل تعبي انمحه
ياسمه الخير الوسيعه الصافيه
فاطمة يافاطمة
🏴
نعمة الله الشابعه الوادم هَنه
ابحور خير وفاضت عليهم غنه
بعدچ التسبيح شيّب ونحنه
ادهور اسولف عنّچ وماكافيه
فاطمة يافاطمة
🏴
چفوفچ يوزعن عطايه اعله البشر
وتالي ضلع الحمد بالباب انكسر
سورة الكوثر يواسنهه السوّر
ولعنن الزمره الجحوده وجافيه
فاطمة يافاطمة
🏴
ام محمد الحجاج
/channel/ommohamadalaebaadey
قصيده لسان حال اولاد الزهراء عليهم السلام
فاعلن فعلن. فاعلن فعلن
......
الحسن وحسين. وزينب الحره
ابظلمه شيعوها. الفاطمه الزهره
▪️▪️▪️▪️▪️▪️▪️▪️▪️
غبتي من عدنه زهره يالبضعه
ليــل ســهرانين. نجـري الدمعه
ظلمه ظل دارچ انتـي يالشمعه
صعبـه عفتيـنه ما الـچ رجـعه
ريتــچ اتعودين يمـه فد نظره
✍️#الشاعره ام عباس الحسيني
▪️▪️▪️▪️▪️▪️▪️▪️▪️
ريتچ تعودين يم حضن دافي
ظلمه دنيانه امن الهجر كافي
جروحنه هوايه وعطفچ الشافي
لا دمع ينشف لاجفن غافي
بالجفن دمعه وبالگلب حسره
✍#الشاعره ام محمد الحجاج
▪️▪️▪️▪️▪️▪️▪️▪️▪️
يمه وافراگج بالحشا سهمه
بعازتچ احنه ورحتــي يايمه
لــخاطر اولادچ. ردّي اللـــمه
نذكر احضانچ وعطرچ انشمه
صحنه يا يمه ونجـــري العبره
✍🏻#الشاعره ام سيد يعقوب
▪️▪️▪️▪️▪️▪️▪️▪️▪️
رحتي عفتي البيت اظلم بدونچ
يمـه ما نرتاح وداعت اعيونچ
زهـــرة القــداح غيـــــرو لونچ
كسرو الاغصــان اليـــكرهونچ
وخلــو بدلال كل مـحب جمرة
✍#الشاعره ام فاطمة الزهراء
▪️▪️▪️▪️▪️▪️▪️▪️▪️
يكتل فراگچ ماإلي حيله
يغير احوالي يطشر العيله
حيدر بموتچ المدمع ايسيله
ينادي يانعشچ مابيه اشيله
يعاتب الوالي غيبتچ كسره
✍#خادمه آل القائم(عج)الشاعره فاطمه اللامي
▪️▪️▪️▪️▪️▪️▪️▪️▪️
يمــة يافاطم. بعبرة ونينة
لا ولانبـــــرد. من بواچينة
نهمل المدمع. ناره تچوينة
طاحت الخيمة. الچانت اعلينة
ازغـــار يايمة. وفركتچ مرة
✍🏻#الشاعره فاطمه علي
▪️▪️▪️▪️▪️▪️▪️▪️▪️
أزغار عفتينه. والوكت جتال
مايرحمونه. أحنه بيت الآل
زينب وچلثوم بعدچ بيا حال
بعدچ شيجرى. ماخطر عالبال
ياگلب زينب. گولي شيجبره
✍#الشاعره رماد الخيام
▪️▪️▪️▪️▪️▪️▪️▪️▪️
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
/channel/ommohamadalaebaadey
العاشر من ربيع ثاني وفاة مولاتي فاطمة المعصومة عليها السلام
🏴
الچ من بُعد سلّمنه وزرنه
وشدّينه لحزن فگدچ وزرنه
بثگل اجبال مولاتي وزرنه
وندبناچ بمدامعنه الجريّه
ام محمد الحجاج
/channel/ommohamadalaebaadey
نخوه بمولاتي فاطمة المعصومة عليها السلام .
يلعندك هموم هواي
اخت الرضا تعناها
🏴
اگصد ضريح اخت الرضا المعصومه
نادي بگلب مكسور يامظلومه
بيچ استجير امن الزمن وهمومه
اهموم البگلبي هموم
محد يعرف ادواها
🏴
جار الزمان اعليچ واعله اخوانچ
الغربه . والون . والحزن عنوانچ
بنت الكرم وادري الكرم من شانچ
اليجي بخاطر مكسور
مِسعَد يرد معناها
🏴
تعنّه الغريبه اخت الغريب وگلهه
جيتچ امشكبن بالمواجع كلهه
الماتگضي والما الهه حل اتحلهه
سر عدهه من رب الكون
تگضي الشدد يمناها
🏴
موسی ابن جعفر چن واجيت البابه
معصومه عنوان الكرم واسبابه
لبعازه يمهه خل ينوخ ارچابه
الجدهه علي داحي الباب
مگضيّه من تنخاها
🏴
حي الله معصومه التنشف الدمعه
صوت النخاها عن بُعد وتسمعه
فزعتهه بت موسی ابن جعفر فزعه
بين الله مابين الناس
حبل الوصل خلاها
🏴
ام محمد الحجاج
/channel/ommohamadalaebaadey
الجروح الفاطميات
🏴🏴
قليلات ثلثتشهر عزيه
عسن دوم ليالي الفاطميه
لحد يوم القيامة
يهل دمع الامامه
قليلات قليلات
🏴🏴
مثل دمع المهدي كون الشيعه تبچي
واليضدنه مايهمنه خله يحچي
فاطمة ليهسّه عد الباري تشچي
يعجّل ال لموعودهه بدعوتهه بلچي
الموالين سبيل ايهل دمعها
قرابين فده لكسرة ضلعها
حسافه اويا ندامه
يهل دمع الامامه
قليلات قليلات
🏴🏴
فاطمة بضعة رسول الله الشريفه
ومهجته . ونزلوا دمعها اهل السقيفه
طلعوا امن ارحام ابد ماهي نظيفه
المهدي ينبش ذوله باچر جيفه جيفه
ولحساب الاصعب للحچاها
وإن گال وفاطم مارعاها
من يبدي انتقامه
يهل دمع الامامه
قليلات قليلات
🏴🏴
اليغضب الباري لغضبها روّعوها
الوان واشكال المصايب جرّعوها
اجو للحارسهه الله ولوّعوها
بمملكتهه وغصب عنهه طلّعوها
دِخلّوه علي حامي حمانه
والاّ بحق رافع سمانه
اشكو هل ظُلامه
يهل دمع الامامه
قليلات قليلات
🏴🏴
صار واجب نفتتح جامعة الاحزان
والليالي الفاطمية تصير عنوان
حته ندرس فاطمة اليعرفها سلمان
مافهمنه اسرارها وليهسه عميان
ظُلامات ماياسع شرحهن
بلگوب اثر باقي لجرحهن
سر صعب افتهامه
يهل دمع الامامه
قليلات قليلات
🏴🏴
الاصبحت ام النبي وام الائمه
بيهه سر الكون كله المانفهمه
هي نعمه ليشما خلوها نعمه
حجة الله الما تمسّك بيهه اعمه
يظنون طمس عين الحقيقه
وروايات ائمتنه وثيقه
ذكروا يامه يامه
تهل عين الامامه
قليلات قليلات
🏴🏴
ام محمد الحجاج
/channel/ommohamadalaebaadey
مولاتي زينب عليها السلام تناجي الليل
ابو ذيه
😭
ينبيك
ياليل اسأل البسمار ينبيك (يخبرك )
جنب فاطمة انصاب . وسلم ينبيك ( الجنبين . الخاصرتين )
يكون جروح صدر ام حسن ينبيك
يظالم لوّعت ليش الزچيّة
يازهراء
ام محمد الحجاج
/channel/ommohamadalaebaadey
ابو ذيه ليلة وحشة الزهراء عليها السلام
كاني بمولاتي زينب عليها السلام تقول بلسان الحال
يم زينب الليله الدار وحشه
مله گلبي زماني جروح وحشه
روحي ماتهيد اعليچ وحشه
نيرانه غدت كبره وسِرِيّه
عمت عيني يامولاتي يازينب
ام محمد الحجاج
/channel/ommohamadalaebaadey
زينب صبحت ام البيت
وابوها عظّمت اجره
بعبايتهه محنّة ام
اثاري اعبايت الزهره
تالي الليل طلعتهه
وگعدت طولها تگصره
حتی اخوتهه امن ايفزون
اتگلهم يمه اسم الله
ام محمد الحجاج
هوسات حال مولاتي زينب بعد استشهاد الزهراء علی فاطمة وزينب سلام الله
🏴🏴
علي يبچي ويه زينب
مدري يصبرها
حيره بالرزايا الوكت
حيّرها
طفله مدلله وفگد
امها كبّرها
طفله ام خمس سنين
وصبحت ام لثلاثه
😭
ام محمد الحجاج
عظم الله اجرِك مولاتي زينب
ندبة لمولانا صاحب الزمان عجل الله فرجه وسهل مخرجه
تنقري لطمية ونعي بعدة اطوار
🏴
يابو صالح گوم عدّل ميلهه
الكلافه اهل الكلافه تشيلهه
🏴
ال حمل لو مال تنهض بي هله
واحنه كل حمولنه امست مايله
معضله تنتهي وترد معضله
ليل دامس يمته يخلص ليلهه
🏴
مدلهمّه ايامنه وين المفر
متی الساعه حتی ينشق القمر
اضرب بعصّاك وافلق البحر
سيدي ويبّس بحرها ونيلهه
🏴
يااسكندرها او يسر الله الغميچ
الشيعه تاهت ماتدليهه الطريج ؟
اعلينه من كل صوب تلتم وتضيج
طلّسم مانفتهم تأويلهه
🏴
هواي ( الف ) والفوگه نزلن للعظم
اتجرّعينه الحنظل اشبعنه هظم
كره طاري ارگابنه سيف الظلم
انحور نترس گمنه ونبدّيلهه
🏴
ياشمس مابسهه من خلف السحاب
ليمته عن وجهك اتزيح النگاب
علي مخلّي الدار لسه ابليه باب
او لا انطاهم عطوه حامي ادخيلهه
🏴
حالنه مثل ام غزل ومسودنه
منهه ماتقبض صدگ لا بيّنه
الكتب عندك وكلهه معنونه
وتعرف بموجزها وبتفصيلهه
🏴
اللهم عجل لوليك الفرج
ام محمد الحجاج
/channel/ommohamadalaebaadey
فَلأَيِّ الأُمُورِ تُدْفَنُ لَيْلا.
بَضْعَةُ الْمُصْطَفَى وَيُعْفَى ثَرَاهَا.
فَمَضَتْ وَهيَ أَعْظَمُ الناسِ وَجْداً.
في فَمِ الدهرِ غُصَّةٌ مِنْ جَوَاهَا
وافاطمتاه
😭😭
مولاي ياصاحب الزمان
ابو ذيه
بسراج
الظلم والجور يامولاي بس راج
متی نشاهد اخيول العدل بسراج
وتقشع كل ظلام الدُجی بسراج
عدلك . وبضوی الطلعة البهيه
الجناسات
١ // اصبح رائج ومنتشر جهاراً نهاراً
٢ // نری خيل الدولة المهدوية تّسرج وتعلو ظهورها الرجال الاشاوس
٣ // نور الظهور المبارك
مولاي ياصاحب زماني 😢
لذلولك لا اثر ماعرف ونحط
وغيابك داي بالدلّال . ون حط
دهتني مرادف الحسرات ونحط
نحيط وثگل هم اجبال بيّه
وحق خالق املاك وجان ونسه
طاري اسمك يمر ع الگلب ونسه
امن اسمعه خاطري ينشرح ونسه
كل همّي وامان يحيط بيّه
حبك وي دمه الشريان يسراي
رغم خلف السحاب اتنور يسراي
متی من جور دهري تفك يسراي
وانعم بالعداله المهدويه
ام محمد الحجاج
/channel/ommohamadalaebaadey
الليلة جمعة مولاي ياصاحب الامر روحي فداك سيدي ...
الليله جمعه .. يامسيت العافيه
الليله جمعه .. يابو روح الدافيه
الليله جمعه .. يابو ايد الشافيه
الليله جمعه ..
ناطرينك .. ياندا تبلل عطشنه
ناطرينك .. بكل درب مدمع فُرشنه
ناطرينك .. بحسبت الاموات عشنه
ناطرينك ..
وينك انت .. بينه شوگ وببنه حيره
وينك انت .. بيامحطه بايِّ ديره
وينك انت .. اجبر گلوب الكسيره
وينك انت ..
ابو ذيه
ولابت
مولاي ياصاحب الزمان
ماظل بالگلب سالم ولا بت
بكثر ماروحي الك حنّت ولابت
عنك لا ولد نسال ولا بت
قميصك من يجيبه الليله اليّه
...
اذان الشوگ يالغايب وذنباي
الليله وفزّن جروحي وذنباي
سبب غيبتك تقصيري وذنباي
العذر ياسيدي التقصير بيّه
اللهم عجل لوليك الفرج
ام محمد الحِجَّاج
/channel/ommohamadalaebaadey
مولاتنا زينب عليها السلام وحالها بعد مرور اسبوع لرحيل امها سلام الله عليها
دارمي
🏴
يايمه صار اسبوع وعيوني للباب
اتصوّر اتعودين لينه امن الغياب
--------------------------
مرن سبع تيام والليله جمعه
صوتچ بكل مچان بالبيت اسمعه
ثوبچ يبعد الروح ليليه اطلعه
واشتم ينور العين عطرچ بلثياب
✍#ام_محمد_الحجاج
✦════◐•⊰•❉•⊱•◑════✦
يمه ينـورالعــين يام المــــحنه
مظلم ییمه الدار من غبتي عنه
من رحتي بالـدلال خليـتي ونـه
بعدچ يبعد الروح گلبي احس ذاب
✍#ام_عباس_الحسیني
✦════◐•⊰•❉•⊱•◑════✦
أتخايلچ بالبيت ودموعي تجري
أفديهه ألچ هالروح يابعد عمري
خان الوكت وياي كاسرلي ظهري
حبيبة بچفن لفوج غطاچ التراب
✍#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦
يايمه صار اسبوع مشتاگه عيني
كل مايمر اغروب يكثر حنيني
مابطّلت بجفاچ نوحي او ونيني
والدمع بالوجنات يايمه سچاب
✍#علويه_ام_فاضل
✦════◐•⊰•❉•⊱•◑════✦
صِحْت ابألم وب اه يا سلوة الروح
ظلمه وخليّه الدار شيداوي الجروح
والتفگد امها انوب بعد إلمن اتروح
عشت بيتم من يوم وجهچ عَلَي غاب
✍#_ام_سيد_يعقوب
✦════◐•⊰•❉•⊱•◑════✦
دارچ ييمة عليچ ظلمة وحزينة
واليفگد امه زغير بس تجري عينه
بعدچ ترى الأيام جارت علينا
وعطرچ يطيبة يفوح وية الهوى الهاب
✍#ام_سيد_علي_الموسوي
✦════◐•⊰•❉•⊱•◑════✦
يايمه صار البيت أظلم علية
بالوجنة هالدمعات كل مغربية
نيراني من فرگاچ ظلت سرية
مني خذاچ الموت ياأغلى الاحباب
✍#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
/channel/ommohamadalaebaadey
ليلة جمعة ومولاتي زينب عليها السلام مسوية مجلس لامها فاطمة عليها السلام وحدهه بحجرة امها طالعة عباية الزهراء سلام الله عليها وتنعي عمت عيني
كاني بها
🏴
الليله جمعه وامي ماهي ابيتهه
والقرايه امن العصر سويتهه
🏴
قرايه سويت ودمع عيني ثواب
وحدي انعي والصدی يرد الجواب
مجلسي بحجرتهه واطلعت الثياب
ومن دمع عيني اليصب روّيتهه
🏴
صوتي ماعلّيته لايسمعني ابوي
خوفي يسمعني الحسن وحسين اخوي
آآآه يلواجعني فگدچ يمه اوووي
بصدري عنهم عبرتي ضمّيتهه
🏴
للقصيده المستهل كسر الضلوع
والنواعي طورهن مجری الدمموع
وبالقرايه اشعلت صينية الشموع
عيوني من كثر الشمع بچّيتهه
🏴
للمصيبه اوصلت والباب انفتح
عله اخواني هيّست گلبي انجرج
حسين بفراشچ اشوفه امن انطرح
ونّته حته آنه ماونّيتهه
🏴
وری الباب اسمعت آه اتهز جبل
اعرفت هذا اليبچي ابوحسين الفحل
صحت واويلاه ياخير العمل
اثگال حيل همومك الضمّيتهه
🏴
اختمنه مجلسنه وقرينه الفاتحه
الباگ ضحكتنه حرام انسامحه
سوايته السواها ابد ماطايحه
المحكمة للمنتظر خلّيتهه
🏴
ام محمد الحجاج
/channel/ommohamadalaebaadey
مولاتي
الحزن مولاتي هد حيلچ والچ سال
الليله الدمع هدّيته والچ سال
حسبيه سايل ابابچ والچ سال
منچ راد مولاتي عِطيّه
ام محمد الحجاج
/channel/ommohamadalaebaadey
١٠ // ربيع ثاني وفاة السيدة فاطمة المعصومة بنت الامام موسی الكاظم اخت الامام الرضا عليهم السلام ..
🏴
ابو ذيه
مولاتي
گلبچ حمل يالوعات ياهم
تولّو غِسلچ ودفنتچ ياهم ؟
الهواشم خبر موتچ يوم ياهم
فزعو ليچ يوله بهل مسيه
اويلي عليچ يل گلبچ فزعلاه ( فزع له آه )
نعشچ ياهو من اهلچ فزعلاه
الوجع والهظم بعماقي فز اعلاه ( اعلی درجات الحزن )
لمصابچ دوت نيران بيّه
🏴
ام محمد الحجاج
/channel/ommohamadalaebaadey
مولاتي زينب عليها السلام عندما حملوا نعش امها سلام الله عليها
كاني بها نادت بلسان الحال
نعي مجاريد
يجنازهه اتوانه تگله
نعش امي اترجاك خله
خليني يمهه الدمع اهلّه
وياها راح الحيل كله
✍ #ام_محمد_الحجاج
★------------★------------★
حيلي انهدم من فرگة امي
يفراگها لعيوني يعمي
بعد ألمن آنه أشتكي همي
صار البچي والنوح سهمي
✍🏻#ولائـية_وافتـخر (دعاء العامري)
★------------★------------★
صار الدمع والنوح فرگاچ
ياللي مشيتي شلون الگاچ
لاهي سنه وسنتين واتناچ
وانطر يزهره شوكت ملگاچ
شالو نعشها گبال العيون
والروح شالوها اليشيعون
بام حسن ردو وين تردون
بامي الحنينه لاتبعدون
✍#رماد_الخيام
★------------★------------★
ياوالده لاتودعيني.
كثر البواچي تعمي عيني.
يومچ حرگ شمعة اسنيني.
وزيد لي حسراتي وونيني .
✍🏻#ام_فاطمة_الزهراء
★------------★------------★
فراگچ هضمني ياضوه العين
گلبي أنفطر لمن تونين
والموت ردته من تلوجين
صار الدمع بالخـد نياشين
✍🏻#آلّشآعرهً آلــــّعــلّويِـــه آلّمٌوسويِــــۿ
★------------★------------★
صار الحزن عنوان اليه
گعدي يـــيمه يـــازچيه
زينــب انـــا ردي علـيــه
ياحيف يمه اگطعتي بيه
✍🏻#خادمه_آل_القائم(عج)فاطمه اللامي
★------------★------------★
بفرگاچ يمه انهدم حيلي
ظليت اون مانمت ليلي
مچانچ الخالي فت دليلي
بعدچ طحت من يتچيلي
✍🏻#ام_عباس_العبادي
★------------★------------★
يلشايله ثلثين حملي
بيّه جرح فگدچ مخلّي
لبيتچ اروحن بعد شلّي
من شالت امي ياهم اهلي
✍🏻#ام_محمد_الحجاج
★------------★------------★
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
/channel/ommohamadalaebaadey
"كُنَّا كزوجِ حمامةٍ في أيكةٍ
مُتمتّعينِ بصحّةٍ وشبابِ
دخلَ الزمانُ بنا وفرَّقَ بيننا
إنّ الزمانَ مفَرِّقُ الأحبَابِ"
💔
- لسان حال الإمام عليّ (عليه السلام) راثيًا فاطمته.
💔
علي من يا كتر بيين واجه البين
بس بالفرگه لافيني وجه البين
اگلهه اسم الله يايمه واجلبين
ب اديهه وماترد الصوت اليّه
يامولاتي يازهراء
ام محمد الحجاج
/channel/ommohamadalaebaadey
ليلة وحشة مولاتنا الزهراء عليها السلام
قُبيل الغروب .. حال مولاتي زينب عليها السلام
نعي مجاريد
🏴
يمه يزهره صار الغروب
روحي تراها گامت تلوب
حجره لحجره افتر عله البوب
ماله دوه ياكسر الگلوب
🏴
لو چلچل الليل
شلون استچن لو چلچل الليل
ياريحة الهيل
ضمّچ لحد ياريحة الهيل
دموعي اتسيل
بعدچ اون ودموعي اتسيل
يمه
المداليل
بعازت حنانچ المداليل
🏴
ومگابله الباب
لغروب اجه ومگابله الباب
بي ريحة ثياب
منچ اشم بي ريحة ثياب
حس ونهة احباب
چني اسمعت حس ونة احباب
وياي ابو تراب
لن اليون وياي ابو تراب
🏴
واذا بمولاتي زينب تسمع صوت المؤذّن لصلاة المغرب
كاني بها
🏴
مصلاچ يمه فارشتّه
بعطر التحبّيه راشتّه
شلچ بدرب الماشيتّه
گصير عمر العايشتّه
🏴
ياطاهره گعدي لصلاتچ
سجّادتچ هاي وعباتچ
تصلين كل ليله شحلاتچ
مايوم فرض غروب فاتچ
🏴
محلاتهه بيدچ السبحه
امن اول الليل لفجر صبحه
ام المحنّه ودوم سمحه
حدر ايدچ المعلول يصحه
🏴
ام محمد الحجاج
/channel/ommohamadalaebaadey
هوسات اول صبح واالزهراء ماموجودة بالدار
😭
خطيه الحسن عاف الزاد
ظل صافن بماعونه
اول صبح فاگد خير
مامش زهره بعيونه
امس امهم اتصب الزاد
وبس الهنا يسمعونه
اليوم الدمعه اتصبها
زينب بالماعون
🏴
من گد ماتون بالليل
واتهم كبرت هوايه
من البارحه لليوم
زينب صارت امّايه
تدوّر صبحت اعله امها
وسألت حته المرايه
ماظمّيتي امن امي
صوره اشتاگت روحي اليوم
🏴
عمت عيني يامولاتي
ام محمد الحجاج
/channel/ommohamadalaebaadey
عمت عيني عليهه اليوم
صبحت تكسر الخاطر 😭
جفنهه البارحه مانام
ظل وي الدمع ساهر
من الباب اجن حسبات
خذنهه الليلة العاشر
حمره عيونچ بابا شبيچ
يگلهه ودار عيونه
آجرك الله ياامير المؤمنين
ام محمد الحجاج
علي مكسور گلبه اليوم
فاگد زهرة سنينه 😭
عظم الله اجوركم
#اللحظات الأخيرة بين مولاتي زينب عليها السلام وأمها الزهراء عليها السلام...
#وزن التجليبة
بــعيونــچ وداع امبيــن الليلـه..
أشم ريحة يتم والفرگه بالشيله..
⟥────────✤────────⟤
ونّاتچ ضعيفه وأنخطف لونچ
ونظرات الوداع امبينه بعيونچ
الهوی انتي ييمه اختنگ دونچ
تحاچي امها ودمعها زينب تسيله
✍🏻#ام_محمد_الحجاج
⟥────────✤────────⟤
تحاچيها وتجر حسرة بأثر حسرة
يطاري الفرگة احسها تگلها چن جمرة
شعبتي گليبي لتنظريلي هالنظرة
البُعد يكتل ييمه ومالي ابد حيله
✍🏻#ولائـية_وافتـخر (دعاء العامري)
⟥────────✤────────⟤
فــراكج يالحنينة والله مــا أحمله
ريت ويــاج أمــوت ولا أظل عدلة
ربــالــي الزمــان أبغيبتــج عـلـة
يظل مطروح حملي ومحد يشيله
✍🏻#آلّشآعرهً آلــــّعــلّويِـــه آلّمٌوسويِــــۿ
⟥────────✤────────⟤
هظايم فركتج مو هظمه يا يمه
وانا اعله الهظايم روحي متعلمه
وكل مصاب يجره للله بي حكمه
اصبر وحتسب وهمومي ثكيله
✍🏻#ام_فاطمة_الزهراء
⟥────────✤────────⟤
اهمومي ثگيله وشيبت راسي
فگدتج يالحنينه وأنتي أعز ناسي
وتدرينه زماني يم حسن جاسي
يارحلة عذابي بعدچ اطويله
✍🏻#رماد_الخيام
⟥────────✤────────⟤
يظل بيتچ عليّ موحش واصد للباب
واذكر عصرتچ يمه ابدمع سچاب
ما أنسى ونينچ والضلع منصاب
بس همّچ على ولادچ على العيله
✍🏻#خادمة_أبي_الفضل
⟥────────✤────────⟤
سمعيني يزينب يمه بوصيتي
صبر ثم الصبر لو دمعه هليتي
عينچ على اخوانچ همه عافيتي
اخوچ حسين من اينام لوليله
✍🏻#ام_عباس_العبادي
⟥────────✤────────⟤
صعب فگدچ ييمه بيش اسلي الروح
العمر كله اخلصه بالبچي والنوح
شيطيب الگلب وجروحه لاهي اجروح
بعدچ يالحبيبه ياهو الأشكيله
✍🏻#خادمه_ام_الحسن_ام_مهدي_الفرطوسية
⟥────────✤────────⟤
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
/channel/ommohamadalaebaadey
غسلها .. وكفنها
ثم جلسَ وحيداً يبكيها
وهمسَ قائلاً
يا فاطمة أنا عَلي
عظَّم الله اجورنا واجوركم