1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
ابو ذيه لمولد الصادِقَين الرسول الاعظم وجعفر ابن محمد صلوات الله عليهم
❤️
بكل احساسنه الكم // صادِقِينه
بس الندري يحبكم // صادِقَينه
نحيي نريد ليلة // صادقينه
( طه ) وجعفر اسياد البريه
صلوات ❤️
اللهم صلِ علی محمد وال محمد
🌹❤️
ام محمد الحجاج
/channel/ommohamadalaebaadey
ابو ذيه لمولد الامام جعفر الصادق سلام الله عليه
❤️
بتحيه زاكيه الصادق // حييته
امامي وليل ميلاده // حييته
گلبي المات بحزانه // حييته
بفرحة مولده هاي المسيه
صلوات ❤️
اللهم صل علی محمد وآل محمد
🌹🌹
ام محمد الحجاج
/channel/ommohamadalaebaadey
ابو ذيه مولد نبي الرحمة صلی الله عليه وآله
🌹
تنور الليله مكه // والمدينه
اويه فطرتنه توالم // ولمه دينه
ادينه مانمدهه // ول مدينه
تجينه من ابو الزهره العِطِيّه
صلوات ❤️
اللهم صل علی محمد وآل محمد
🌹🌹
ام محمد الحجاج
/channel/ommohamadalaebaadey
ابو ذيه مولد رسول الله صلوات الله تعالی عليه وعلی آله الطاهرين
🌹
هله يافجر ميلاده // واذانه
نسينه احزانّه وهمنه // واذانه
بخيالي اسرحت واشواگي // واذانه
عَلَي نسّمت نفحات احمديّه
صلوات ❤️
اللهم صلِ علی محمد وآلِ محمد
🌹🌹
ام محمد الحجاج
/channel/ommohamadalaebaadey
بسم الله الرحمن الرحيم
بمناسبه مولد مولد الرسول الاكرم ص وحفيده صادق ال محمد سيتم نشر القصائد بقناتنا الجديده الخاصه بافراح ومواليد العتره الطاهره على الرابط التالي
/channel/yaaliimdd2023
يرجى نشر الرابط ليصل الى جميع الخدام
هنيئا مريئا يا خديجة قد جرت
لك الطير فيما كان منك بأسعد
تزوجت من خير البرية كلها
ومن ذا الذي في الناس مثل محمد؟
🥰🌹🌹
زواج الرسول الاعظم صلی الله غليه وآله
من خديجة الكبری سلام الله عليها
💚
💚
زَفّوا خديجه لمحمد
يافرحةٍ مالها حد
💞💞
للّي تحبّه ويحبها
وهبت عمرها وگلبها
الغالي صار بقربها
كل طير بالكونِ غرّد
💞💞
فرحة عمرها ومُناها
يا كُل سعدهه وهناها
بالكون مافي بغناها
او لا مره من عدهه اسعد
💞
💞
خلّي تموت العواذل ☺️
السما عقدت محافل
لملاكِ صاعد ونازل
ماتنحصي مالها عد
💞💞
اروع عرس واحلی فرحه
هل يوم يازينِ صبحه
السمح زفوله سمحه
هاشم يزفونه احمد
💞💞
مبارك يسيد البريه
زفّتك هاي العشيه
لك ولعروسك تحيه
طول الزمن مالها حد
💞💞
هل عرس ماصح مثيله
بالفرحه طولي يليله
يتهنّه خلِ بخليله
والورد بالخدّين ورّد
💞💞
يللي تحب هل عروسين
صلّي عله احمد صلاتين
والثالثه يامحبين 😍
للسما خليهه تصعد
💞💞
💕
💓
اللهم صل علی محمد وآلِ محمد ❤️
ام محمد الحجاج
🌹🌷🌹🌷
/channel/ommohamadalaebaadey
متی بيرغك يالمهدي // يلمنه ؟
طبيبك ليمته يبيّن // يلمنه ؟
وبعد مانسمع اي لايم // يلمنه
بظل حاكم الدولة المهدوية
اللهم عجل فرج القائم
ام محمد الحِجِّاج
يا نفس ذوبي ياحشاي تفطّري
حزناً على الحسن الإمام العسكري
واجري المدامع يا عيوني حسرة
وعلى الخدود من المحاجر فامطري
#واماماه #وامسموماه
عظم الله اجورنا واجوركم
انتَ المعزّی يامولاي ياصاحب الزمان روحي فداك
استشهاد الامام الحسن العسكري عليه السلام
🏴🏴
گومو يشيعه نشيّع المسموم ويّه الزچيه .. هاي المسيّه
🏴🏴
لسامره گومو الليله ياشيعة
نتعنه للعسكري وتشيّعه
نجدد عهدنه اويه ابو مهدينه
لصاحب امرنه نوقّع البيعه
حضرت الزهره والضلع مهشوم
تنعه الرزيه .. هاي المسيه
🏴🏴
حته السمه ويّه ام حسن تنعه
واهل الارض ضجّوا اويه البضعه
شافوها تتعثّر بممشاها
كل شيعي فدوه لفاطمه ضلعه
اتريد عونه لدفنة المحروم
يالجعفريه .. هاي المسيه
🏴🏴
شالوا فرد شيله غواليهه
وليل النوايب خيّم اعليهه
ياصوب تنطي الوجه تاليهه
وايام سود الجايّه ليهه
فاطمة ونرجس حيلهن مهدوم
ينعن سويه.. هاي المسيه
🏴🏴
اتنوح ال شباب الحسن ومصابه
وامصاب ثاني المهدي واغيابه
البيت خالي شالوا احبابه
ضيه انطفه اظلم انسد بابه
بالدار نرجس چالحمامه تحوم
وحشه وخليه .. هاي المسيه
🏴🏴
الله يصبرچ يمه ويعينچ
غابوا سوه يانرجس اثنينچ
فرگه وحزن تگضينهه اسنينچ
للمات لو للغايب اونينچ
سنين التجي تخلص قهر وهموم
حسره واذيه .. هاي المسيه
🏴🏴
ام محمد الحجاج.
/channel/ommohamadalaebaadey
#وفاة مولاتي سكينة بنت الإمام الحسين عليهم السلام .....
عاشت والگلب مذبوح من العاشر وضيمه
ينزف چم جرح بالروح ليل هدعش والهيمه
......................................
سكنه الدللاها حسين اسولف عن مآسيهه
ابدي بيا جرح يا آه بيوم العاشر ابديهه
من وادعها ابوها حسين دموع الفرگه تجريهه
رايح يانظر عيني
تيتمني و تخليني
اعداكم وليه توليني
من هسه الزلم والخيل تفتر داير الخيمة
✍🏻 #أم محمد الحجاج العبادي
●=●=●=●=●●=●=●=●=●
ياهي الشاهدت مثلي مصايب ذبح اهاليها
بعيني شاهدت رضعان حيل العطش ماذيها
وشفت اخيمنه حرگوها والنسوان سابيها
ناديت البطل عباس
يعمي فرهدتنه الناس
بهل الحال ونظرت الراس
حزن خَيّم على گلبي وظلام أشبه مثل غيمه
✍🏻 #علوية أم فاضل
●=●=●=●=●●=●=●=●=●
بتوديع الاهل وحسين ذابت منها حتى الروح
شلون تكله يابويه من هسه الكلب مجروح
تعمه العين من عندي ولاشوف النحر مذبوح
مانه عزيزتك تدري
بعدك ينهتك خدري
بويه اللوعه لبصدري
خل اشبع حضن منك باجر بتك يتيمه
✍🏻 #أم حسين الاسدي
●=●=●=●=●●=●=●=●=●
جرّعها الزّمان اهوال وظلّت ناحبة كل يوم
جِفنّها ملازم الدّمعة و تذكر ذبحت المظلوم
ما تغمض عيون الشوق قلبها منفطر مهموم
يا طير اللي یروح اهناك
ريت اگدر اروح اوياك
وگله جيت. يبويه انعاك
تعال الساع يبو الأكبر عاشت ماتت اسقيمه
✍🏻 #خادمة أبي الفضل
●=●=●=●=●●=●=●=●=●
عاشرها الحزن والنوح لمن فگدت الوالي
تنادي يالخذت روحي عگبك منشده بالي
أگعد عاين العدوان شوف اشعملو بحالي
ياليل اهدعش يحسين
نتلفت يسار ايمين
لا خيمة ودمع بالعين
حاطونة العده بكل صوب وماعدهم ولا شيمه
✍🏻 #ولائـية_وافتـخر (دعاء العامري)
●=●=●=●=●●=●=●=●=●
بويه واكسر الخاطر ردت بموتتي تحضر
تقرالي العديله هناك وجفك يرفع المضطر
ريت بكربله گبري وبتراب اللحد تحفر
يبو اليمه غريبه هنا
وحدي والگلب ينعاه
لا والي اليشيل وياه
نعشي وبالغرب يبقى وحدي ولا أله قيمه
✍🏻 #ام باقر الشويلي
●=●=●=●=●●=●=●=●=●
/channel/ommohamadalaebaadey
جريمة الهجوم على دار الزهراء عليها السلام
🏴🏴
حرگت الباب يلماعدك مروه
انت وربعك ادفعتوه بكل قوه
تدري ام الحسن خلفه
اشجاب الرجس للعفّه
وانت وربعك ادفعتوه بكل قوه
🏴🏴
اسمعت حسهه وتعمدت اباذيّتهه
اعصرتهه والهوى اگطعته اعله ريّتهه
عليهه الباب طبگت
صوت ضلوع طگّت
شهگت موت شهگت
الزهره بدمهه غرگت
ضلعهه اتصوّب اتعرفه
اشجاب الرجس للعفّه
وانت وربعك ادفعتوه بكل قوّه
🏴🏴
خلف الباب لاذت ليش تعصرهه ؟
الباب اعليهه طاحت وين تگدرهه
هوت هيه وابنهه
واتسمعون ونهه
بتهه وفضه اجنهه
سندنهه وخذنهه
جرحهه ماكطع نزفه
اشحاب الرجس للعفّه
وانت وربعك ادفعتوه بكل قوه
🏴🏴
يلماتستحي أو لاغيره ال براسك
ولا ذرة رجوله شايل احساسك
مره وغايب وليهه
اجيت بنار ليهه
اهجمت هجمه عليهه
لون حاضر علِيهه
ذراعك ينگطع چفه
اشجاب الرجس للعفه
وانت وربعك ادفعتوه بكل قوه
🏴🏴
تدري بالوصيه حيدر امچتف
ذرعانك ايگص ولسانك اويالچف
حقد متروس گلبك
درب إبليس دربك
حزب شيطان حزبك
جبت نارك وحطبك
ستر بيت الوحي اتكشفه
اشجاب الرجس للعفّه
أنت وربعك ادفعتوه بكل قوه
🏴🏴
احركت باب الوحي انتَ وشياطينك
وحقد الجاهليه امبيين بعينك
گلت يهجر محمد
كلامك هذا يشهد
مرتد انتَ مرتد
چفك سِطر ياخد
اطباعك كلهه منحرفه
اشجاب الرجس للعفّه
وانت وربعك ادفعتوه بكل قوّه
🏴🏴
لعن الله من قيل له .. إن في الدار فاطمة .. فقال # وإن
🏴🏴
ام محمد الحجاج
/channel/ommohamadalaebaadey
جريمة الهجوم علی دار الزهراء سلام الله عليها .. لسان حال امير المؤمتين سلام الله عليه ..
🏴🏴
الوداع الوداع فاطمة
الوداع الوداع فاطمة
🏴🏴
اطاچ گلبچ يالحنينه /ۧ/ رحتي وتخليني
ماهي بس زينب يتيمه // آنه يتمتيني
عمري وحشه ايامه صارن // ضوه ما بسنيني
اجروحي بعدچ كبرن هواي
چنتي الطبيب وبيدچ ادواي
يازهرت الدنيه وهوی الهاب
بفراگچ اشيگضيهه دنياي
عافيتي .. وياچ راحت للابد
عافيتي .. هيهات ماترجع بعد
عافيتي ..
الوداع الوداع فاطمة
الوداع الوداع فاطمة
🏴🏴
حيل ماظل بيّه اخذتي//
اوياچ كل عافيتي
من اطب للبيت يخنگ //
صاير اظلم بيتي
ابكل مكان جروح بيّه //
بروحتچ خليتي
مكسور ظهره القالع الباب
مذبوح چنه الفاگد احباب
واثمنطعش شمعات طفّيت
روحي ادفنتهه جوه لتراب
ايامي .. لا راحه بيهه او لاطعم
ايامي .. منهه اجرعت مر الهظم
ايامي ..
الوداع الوداع فاطمة
الوداع الوداع فاطمة
🏴🏴
من امر بالباب جدمي //
يموت يم اعتابه
شلون بي روح ال انذبحو //
عله العتبه اِحبابه
بيتي كلما جيت ادخله //
دم اشوف ابّابه
اسمع مناشغ تارس البيت
وانواعي توجع گلبي لو جيت
شعلّمهه زينب تنعه ياناس
ياريت اشوفچ يمه ياريت
مهظومه .. زينب عله فراگ ام حسن
مهظومه .. من امها حارمهه الزمن
مهظومه ..
الوداع الوداع فاطمة
الوداع الوداع فاطمة
🏴🏴
مدري اصبّر زينب آنه //
مدري اون اوياها
هاكثر بيّه بواچي //
تحله وي مبچاها
اوياي هم الدنيه خانت //
موش بس دنياها
تنعالي وابچي نخلّص الليل
ودمعاتنه وجروحنه تسيل
ونعاتب البسمار والباب
اعصرتوها ليش ثنينكم حيل
وجروحي .. تلچمهه وحشة فاطمه
وجروحي .. شوغتهه تصعد للسمه
وجروحي
الوداع الوداع فاطمة
الوداع الوداع فاطمة
🏴🏴
ام محمد الحجاج.
/channel/ommohamadalaebaadey
يا أهل يثرب لا مقام لكم بها
قتل الحسين فأدمعي مدرار
الجسم منه بكربلاء مضرج
والرأس منه على القناة يدار
#الرجوع_الى_المدينة
مولاتي تشكو ماجری لجدها رسول الله صلی الله عليه وآله ..
نعي مجاريد
🏴🏴
ياجدي احباب التودهم
مني يجد راحوا شيردهم
اتذبّحوا همّه او وِلِدهم
ادفنّاهم اهناك بلحدهم
وگنّالهم العذر عدهم
واحنه انسبينه من بعدهم
خان الوكت بينه امنهدهم
🏴🏴
ابو ذيه لسان حال مولاتي زينب عليها السلام
بس الجفه امن الامّه .. وِجدنه
اجينه وبالصدر يلهب .. وَجِدنه
ابونه المرتضی حيدر .. وجدنه
محمد . ونسبينه لال اميّه
إنّا لله وإنّا اليه راجعون
🏴🏴
ام محمد الحجاج
/channel/ommohamadalaebaadey
تشعشع نور هادينه // وجعفر
الليله الحزن سد بابه // وجع فر
يهنياله اليصل ليكم // واجه اعفر
جبينه بالاعتاب الاقدسيّه
صلوات ❤️
اللهم صل علی محمد وآل محمد
❤️🌹
ام محمد الحجاج
/channel/ommohamadalaebaadey
ابو ذيه مولد الامام جعفر الصادق سلام الله عليه ❤️
عباده لو ذكرت اسمك // وعيده
بفرحة يوم ميلادك // وعيده
الباري ابد مايشمل // وعيده
ولا ناره تمس الجعفريه
صلوات ❤️
اللهم صل علی محمد وآل محمد
❤️❤️
ام محمد الحجاج
/channel/ommohamadalaebaadey
هله بمولد حبيب الله // ومينه
سفينه وبحر للرحمه // ومينه
رفعنه چفوفنه عالي // ومينه
لحضرته تهنئه وشوگ وتحيه
صلوات ❤️
اللهم صلِ علی محمد وآلِ محمد
🌹🌹
ام محمد الحجاج
/channel/ommohamadalaebaadey
بسم الله الرحمن الرحيم
(إنا لله وإنا إليه راجعون)
تعرب المرجعية الدينية العليا عن بالغ الأسى والأسف لحادث الحريق المروّع الذي وقع في قضاء الحمدانية وأسفر عن سقوط مئات الضحايا والمصابين، وتقدم تعازيها للعوائل المكلومة وتبدي تضامنها معها وتسأل الله العلي القدير أن يربط على قلوبهم بالصبر ويشمل الضحايا بواسع رحمته ويمن على المصابين بالشفاء العاجل. ولا حول ولا قوة إلا بالله العلي العظيم.
11/ ربيع الأول/ 1445هـ
مكتب السيد السيستاني (دام ظله) ـ النجف الأشرف
ميلاد نبي الرحمة محمد عليه الصلاة والسلام
🌹🌹
الگلب ينبض غرام
انولد خيرِ الانام
تحيات وسلام
الی سيد البريه
🌹🌹
بزغ بدر التمامي
قشع كل الظلامي
هله بسيد الانامي
ايا عشقي وغرامي
علی جنح الحمام
تحيات وسلام
الی سيد البريه
🌹🌹
ربيع اول يغالي
حزت تاج المعالي
والعز والكمالي
شع نوره يلالي
سطع بدر التمام
تحيات وسلام
الی سيد البريه
🌹🌹
حبيب الله محمد
رسول الامّه لمجد
شحلات الاسم احمد
لجله الكون عيّد
علی مهده ازدحام
تحيات وسلام
الی سيد البريه
🌹🌹
الصلاة الاحمديه
لشفيعي ابديّه
بعبق عشقي نديّه
اله ابعثهه هديه
الی اقدس مقام
تحيات وسلام
الی سيد البريه
🌹🌹
سلام الله وصلاته
للقدسيّه ذاته
المحموده صفاته
رضی الباري برضاته
اوصفه بيا كلام ؟؟
تحيات وسلام
الی سيد البريه
🌹🌹
صلوووات زاكيات
لسيد الكائنات
محمد
اللهم صل وسلم علی محمد وآل محمد
🌹🌹🌹🌹
ام محمد الحجاج
/channel/ommohamadalaebaadey
🌸 10 ربيع الأول / سنة (28 ق. هـ) 🌸
🌷 نبارك لكم 🌷
زواج الرسول الأكرم (ص) من أم المؤمنين خديجة الكبرى (ع)
🔷معلومات مهمة عن أم المؤمنين خديجة الكبرى (ع):
.
1. كانت من سادات قريش وأشرافها وتُدعى في الجاهلية بـ ( الطاهرة ).
2. أول امرأة تزوجها النبي (ص).
3. أول الخلق إسلاماً بإجماع المسلمين لم يتقدمها رجل ولا امرأة غير الإمام علي (ع).
4. أول من آمنت بالرسول محمد (ص) من النساء؛ جاء في الحديث: " خديجة بنت خويلد سابقة نساء العالمين إلى الإيمان باللّه وبمحمّد (ص) ".
5. أوّل من صلّت خلف النبي (ص) من النساء .
6. لقّبها النبي (ص) بـ ( الكبرى ).
الحزن بغياب مهدينه // هوانه
نشم بي ريحة الغربه // هوانه
الزمن جار وتجرّعنه // هوانه
يابو اثلثطعش والثلثميّه
الغوث الغوث الغوث
ادركنا يامولانا ياصاحب الزمان
ام محمد الحِجِّاج
/channel/ommohamadalaebaadey
حال الامام المهدي عجل الله فرجه الشريف بفقد والده الامام الحسن العسكري عليه السلام ...
🏴🏴
من باچر ياسامره
ابديهه الغيبه الصغره
بدموع العين
فرگاچ سنين
ابديهه الغيبه الصغره
🏴🏴
يادار الاحبه حانت الفرگه
ياديرة هلي مثلچ ولا الگه
ياجنه بلياچ الهوى خنگه
ياعطر الحبايب دافي بالشهگه
نتوادع من هلليله
والغيبه هواي اطويله
مضطر تدرين
فرگاچ سنين
ابديهه الغيبه الصغره
🏴🏴
الي الوالد سند چان . ورحل عني
الامان بروحته كله انوخذ مني
من بعده أصبحت مالي وطن چني
لاجرحي يطيب او لا يقل حزني
بجروحي وجمر احزاني
وكسرة فرگة خلاني
وادموع العين
فرگاچ سنين
ابديهه الغيبه الصغره
🏴🏴
بجرحي ال ينزف أرحل دنيتي صعبه
غربه ابلا حبايب توجع الغربه
لسامره تظل عيوني تتربّه
ليفارگ ريحة اهله ياجرح گلبه
ياحضن امي وحنّيته
يضمد اجروحي تمنيته
بدمع امضيعين
فرگاچ سنين
ابديهه الغيبه الصغره
🏴🏴
تشتد المحن عالشيعه بغيابي
وتنصب البلايه صب عله احبابي
كل جمعه تناطر جيتي و ترابي
حزني لشيعتي اعظم من امصابي
انظر حالتهم صعبه
بديرتهم لكن غربه
وآنه بنارين
فرگاچ سنين
ابديهه الغيبه الصغره
🏴🏴
عله الشيعه الدواهي والفتن تنزل
بغيابي والشدايد بيهم اطّوّل
الخلاص الهم الآهي بالفرج عجّل
التمسّك بالصبر كل الصعاب اتذل
انظرهم واسمع حسهم
آنه بكل شدّه احرسهم
من غدر البين
فرگاچ سنين
ابديهه الغيبه الصغره
🏴🏴
ام محمد الحجاج
/channel/ommohamadalaebaadey
تم نشر قصائد شهاده الامام الحسن العسكري ع على الرابط التالي
/channel/alnasherfalahhasnn
يرجى نشر رابط القناه لتصل القصائد الى الخدام
{ بسم الله الرحمن الرحيم} السلام عليكم ورحمة الله وبركاته /
.
(( البرمودة ))
.
الكل يعلم أن بعض أطفالنا من الصغر إلى أن يبلغ الأبتدائية من العمر- تقريبا إلى السن الثامنة- يرتدون البناطير القصيرة تارتا- ارتفاع هذا البنطرون- يغطي الركب وأخرى لا.
ولكن بمرور الزمن ولا سيما في الآونة الأخيرة بدات الأعمار المتقدمة في المتوسطة عمرا إلى الاعداديه ترتدي هذا الزي القصير الذي يطلقون عليه اسم -《 البرموده》 في خارج الدور وفي الأسواق وفي الأسفار.
.
ولعدم أستهجان الآخرين لهم وعدم وجود الرادع من قبل الأهالي والتعويد المستمر للنظر حتى أصبح طبيعيا، تطور الحال لهذا اللباس القصير فبدأ يرتدونه حتى سن الثلاثين إلى الأربعين من العمر دون أن يتعرض لهم أحد خشية سماعه الكلام الجارح أو الملامه ،تقليدا للغرب فسرعان ما ينتشر في مجتمعاتنا كل ما هو لديهم من البسة وتقاليد أجتماعية سيئة مخلة بالانسانية كما هو معلوم لديكم.
.
ولم يتوقف الحال إلى هذا الحد بل تطور إلى أن يكون هذا اللباس القصير( البرموده) مرتفع في قصره ليصل فوق الركبه بمقدار الشبر.
.
فشاهدنا الشباب والاكبر منهم عمرا مع عوائلهم يدخلون الأسواق ويتبضعون وهم يرتدون هذا اللباس القصير المعيب والمستقبح عندنا والكل يشاهد وساكت ولا يحرك ساكن، دون أن يكترثو إلى إننا في مجتمعات اسلاميه عربيه عرفت منذ القدم بحشمتها وتقاليدها القرآنية،
حيث ورد في محكم كتابه الكريم بسم الله الرحمن الرحيم( وذكر فإن الذكرى تنفع المؤمنين ) صدق الله العلي العظيم.
اين اصبحنا والی مَن ننتمي ؟؟
الآهي عظم البلاء ...
وفاة مولاتي سكينة بنت الإمام الحسين عليهم السلام .....
🏴🏴
الكوفه ماادري الشام
بلواها اشد اعليّه
ياوكت مسبيه تروح
فوگ الهزل علويّه
🏴🏴
شفت العذاب بكربله ابألوانه
للموت گلبي مابره امن احزانه
عد هلي امس امدلله چنت آنه
تاليهه اروحن للشام
وي الشمر مسبيّه
.....
.....
ذبّاح ابوي اعله الهزل سابينه
يتطاير شرار الحقد من عينه
ويسب اهلنه يريد بس ياذينه
چلماته اشد من السيف
ياهلي شسوت بيّه
.....
.....
لساعة مماتي والجرح ماشافي
نيشان من سوط الشمر بچتافي
ليل هدعش غيرلي كل اوصافي
شيّبني مغرب عاشور
من رَكْضَت البريّه
.....
.....
ياكربله لوعتهه ماانساها
خلّصت عمري عايشه بماساها
كل ليله اموتن موته وي ذكراها
جمر المخيم لليوم
يچويني احس ليليه
.....
.....
للموت تنزف بالدليل جروحي
ليليه اقيم التعزيه لمذبوحي
من كثر ما ونيت ماتت روحي
تمنيت لحظات الموت
والدي يحضر ليّه
.....
.....
حانت وفاتي والگلب بي لوعه
والروح من نار الحزن مصدوعه
من يوم طفو لبن عمي شموعه
وتخضب بفيض ادماه
مذبوح رد تاليّه
.....
.....
ردت الأجل بالغاضريه وياهم
ميته عساني او لاالم فرگاهم
ماظل هظم ما شفته من اعداهم
بالگبر لو جاني حسين
اقراله يامرثيّه
.....
.....
أم محمد الحجاج
/channel/ommohamadalaebaadey
#لعن الله من قيل له: أن في الدار فاطمة فقال: #وإن
Читать полностью…
في 2 ربيع الاول رجوع سبايا الإمام الحسين(ع) إلى المدينة وتتجدد الاحزان على آل بيت رسول الله(ص).. فعظم الله الاجر لآل بيت رسول الله(ص)ولجميع محبي محمد وآل محمد.
عظم الله اجورنا واجوركم
لما وصلت مولاتي زينب عليها السلام إلى المدينة جائتها مولاتي ام البنين سلام الله عليها لتشاركها مصابها وجراحاتها الشاعر يصف الموقف 💔
معي محاريد
🏴🏴
بالباب يبني حسين صاحت
لطمت ويم الباب طاحت
ام عون لم عباس راحت
شبگت عله زينب وناحت
عين العدو هذه استراحت
🏴🏴
ابو ذيه لسان حال مولاتي ام البنين سلام الله عليها
جرح خضر بوسط الگلب .. وأربع
ودليلي صار يمه اثلاث .. وأربع
نذرت الروح فدوه تروح .. وأربع
بنيني الچ وارجعتي سبيه
🏴🏴
ام محمد الحجاج
/channel/ommohamadalaebaadey
حين وصلت مولاتي زينب سلام الله عليها للمدينة
توجهت لقبرِ امها الزهراء عليها السلام تخبرها بما جری عليها . وتبث احزانها وجراحاتها . كاني بها ..
نعي مجاريد
🏴🏴
يمه زهره يا يمه يايمه
يالغافيه بتراب گبرچ
تمنيت اطب واگعد بكترچ
عن ضيم گلبي جيت اخبرچ
صبر الصبرت مثل صبرچ
وانكسر گلبي مثل كسرچ
ودهري ظلمني مثل دهرچ
وخدري تسلّب مثل خدرچ
وجمر الحرگني مثل جمرچ
ظهري انضرب بسياط ظهرچ
احچي المصايب ؟ خاف اعورچ
🏴🏴
ابو ذيه لسان حال مولاتي زينب سلام الله عليها ..
اسولف هظم البگلبي .. وظهره
يوم العاشر اشسوّه .. وظهره
اخوي انذبح جدّامي .. وظهره
عليه الخيل لعبن روحه جيّه
لاحول ولا قوة الا بالله العلي العظيم
ام محمد الحجاج
/channel/ommohamadalaebaadey