1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
اهتزّت السماوات وكون اللهِ لمّا سحقوا أضلاعك يا روح الوجود 💔
أعظم الله لنا ولكم الإجر
يا هلا بهالشيبة المباركة
ملك چنه من الملائكة
واحد وتسعين عمره
عوزه بس اعوام عشرة
يصير تسبيحة الزهرة
😭😭
سجل اسمي ياحبيب ابن مظاهر 🙏
بني اسد جاءوا ليشاهدوا آثار المعركة او لربما لدفن الاجساد المرمّلة بالدماء والتراب علی خوفٍٍ من بطش رجال عبيدالله ابن زياد لعنه الله تعالی .. بينما هم كذلك اذ اقبل عليهم فارس من جهة الكوفة .. وقد جعلوا احد العيون من جماعتهم يراقب طريق الكوفة كي يتواروا عن الانظار ... كانه ناداهم محذراً ..
اظن مخبر امن الكوفه // وصل هاا
هذييييچ الجثّة هالفارس // وصلها
انحنه يمهه اشوفه يلم // وصلها
مبيين ماهو من عيون اميّه
🏴🏴
اسمعه ونّته اعله الجسد // منّاخ
طلعت لو جبل ينصدع /, منّاخ
اظن مچتول هذا اليون // منّاخ
امبينه ونّة المچتول اخَيّه
🏴🏴
اجو يَمّه اختلط ونهم // بنينه
انوح لوالدي مدري // بنينه
مشينه ولا گبور الهم // بنينه
وطم جروحهم رمل الوطيّه
🏴🏴
مولاي السجاد عليه السلام ينعي اهله بلسان الحال 😭😭
حسافه البين يحبابي // لِِفلكم
غسل لا صح چفن لاصح // لفلكم
اون طول العمر كوني // لفلكم
ماوافيلكم يهلي رزيّه
🏴🏴
لاحول ولاقوة الا بالله العلي العظيم
ام محمد الحجاج
/channel/ommohamadalaebaadey
دفن الاجساد الطاهرة
حضور الامام زين العابدين عليه السلام لظدفن الشهدء وصادف نفس الوقت الذي حضر به بنو اسد .. الشاعر يصور ماجری
🏴🏴
تنقري لطمية ونعي
وگف يجري المدامع زين العباد
يوم اثلثطعش مابين الاجساد
🏴🏴
مابين الجثث ينعه ويجر حسره
للظلّوا ثلثتيام عالغبره
الانصار كلهم حطهم بحفره
ما يگطع ونينه او لا بچاه هاد
يوم اثلثطعش مابين الاجساد
🏴🏴
بنيسد حضروا بنفس الوكت يمه
لگاهم صايرين بكل كتر لمّه
گلهم عاونوني بدفن ابو اليمّه
اول ندفن اصحابه والاولاد
يوم اثلثطعش مابين الاجساد
🏴🏴
راح لجثّة العريس والاكبر
لبن عمه واخيّه وگف يتِحسّر
يدفن والگلب بحزانه يتفطّر
ياعين الدمع للفاگد اشفاد
يوم اثلثطعش مابين الاجساد
🏴🏴
تعنّه لوالده والونّه مسموعه
شبه السيل تسفح ظلت دموعه
ذب عمامته من عاين ضلوعه
من سحگ الحوافر صايره رماد
يوم اثلثطعش مابين الاجساد
🏴🏴
گلهم يابنيسد باريه انطوني
نجمع جثة المظلوم عينوني
بعد ضلوع ماهن وين دلّوني
مطحونات مدري صارن بعاد
يوم اثلثطعش مابين الاجساد
🏴🏴
بعد يم النهر جثة گمر هاشم
وصل ليه ونده عمي صدگ نايم
اگعد شوف زينب شبعت اهظايم
چفك يابطل هالساعه يرّاد
يوم اثلثطعش مابين الاجساد
🏴🏴
تم دفن الاجساد وعاود لعمته
من شافت امترّب راسه سالتّه
گلهه لوالدي اتعنيت وادفنته
مظلوم وغريب بذيچ ال ابلاد
يوم اثلثطعش مابين الاجساد
🏴🏴
ام محمد الحجاج
/channel/ommohamadalaebaadey
نعي لسان حال مولاتي زينب عليها السلام
من وصلت للكوفة والناس طلغت تتفرج علی السبايا مولاتي تذكرت بالامس كانت اميرة الكوفة واليوم تاتيها علی ظهور عجف النياق . تلتفت يميناً ويساراً لم تجد احداً ذو رحمٍ يرأف بحالها ويرق قلبه عليها .. كاني بها قالت والالم يحرق قلبها والحسرة بانت بعينيها ..
آه آه آه يامولاتي
حسبالي هلي يتبعون ظعني
لسه ولا زلمه ال تبعني
ابوي اظنّه ماسمعني
درب السبي ذلّه شبعني
🏴
ياحيدر بطرگ العبايه
طبيت آنه والسبايه
وجه الخدر يتبدّه مايه
لاهودج او لا فوگه رايه
🏴
بويه
گوم واستقبل بناتك
غطّيهن بهيبة عباتك
ياحيدر وداعة غلاتك
الهظم مسنه ورايداتك
🏴
ممشه البراري ماهو انّه
من الفشل ميتات چَنّه
حته الهزل ونن الونّه
يابويه اجاك اعتاب منّه
🏴
امن المستحه يبست لهاتي
اخاف الهوه يحرّك عباتي
نندب الغوث آنه وخواتي
ماگلت حي الله بناتي
🏴
ماندري بعد الكوفه لا وين ؟
چم ليله چم يوم ومرحلين ؟
مانعلم ليا ديره ماشين
ياعلي جاي ادخل دواوين
🏴
لا حول ولا قوة الا بالله العلي العظيم
ام محمد الحجاج
/channel/ommohamadalaebaadey
لاتزال مولاتي زينب عليها السلام بالكوفة وخطابها لابيها امير المؤمنين سلام الله عليه ،،،
بلسان حال الشاعر،،،،
🏴🏴
علي بويه
الضعينه تريد ياحيدر حمه الهه
وبتك ياعلي طايح حملهه
مصايب كربله گلبي حملهه
لچن مايحمل اتسمّه سبيّه
🏴🏴
بعدچ عدله لو متّي يروحي
اخياط ودوه ماينفع يروحي
امشي اخيال والوادم يروه حي
بعد ياروح بالمذبوح اخيّه
🏴🏴
غدت كل يوم روحي ماتم الهه
الموت اويه ابو اليمه ماتم الهه
اليتامه تريد اشيّد ماتم الهه
وانه كل يوم اباتلّي بنويّه
🏴🏴
عمت عين الوكت ياناس لادار
وحگّه الدمع ليل نهار لادار
زينب صفت لا خوان لا دار
ومشيت ادروب ماترهم عليّه
🏴🏴
ام محمد الحِجّاج
/channel/ommohamadalaebaadey
لميلاد سيدة نساء العالمين عليها السلام
🌹🌹🌹🌹🌹
فرحنه واليحبنه يفرح ويانه
هالليله الفرح مفتوحه بيبانه
.....
.....
الصلاوات على هادينا رفعناها
تهانينه وامانينه بعثناها
صواني الشمع والزينه هديناها
ليلة مولد الزهراء حييناها
من انوارها ازهرت دنيانه
.....
.....
بالكوثر مبارك يانبي الرحمه
هالليله بجبينك فرحه منرسمه
عله شفافك بمولدهه علت بسمه
اجمل تهنئه ونبعث سلام اسمى
الطيبه والمدينه الشوگ عنوانه
.....
.....
ارض وسمه بهاي الفرحه مسروره
سعاده اليوم متوشّحه المعموره
تزهر فاطمة من احمد ونوره
سبحانه الرسم وجهچ بهل صوره
بميلادچ هلا ومرحبا من جانه
.....
.....
هلا بميلادها ومرحبا بمصباحه
البلابل اصبحت هاليوم صداحه
ازهار الخمايل كلهه فواحه
علينه الكون ينثر عطر قداحه
وطير السعد غنّه اعذب ألحانه
.....
.....
بيت الوحي الليله يلالن انواره
واملاك السمه والعرش خطاره
بالكوثر محمد ازهرت داره
مبارك ياخديجه بهاي البشاره
الباري مَن عليچ بفضله واحسانه
.....
.....
🌹🌹🌹
🌹🌹
🌹
أم محمد الحجاج/ العبادي
لميلاد سيدة نساء العالمين الصديقة الطاهرة فاطمة الزهراء عليها السلام
🌹🌹🌹🌹🌹
هوسات
هله بنور ام ابوها فاطمة الزهره
يا سر الالاه المحد يفسره
ال حفظت دين طه وصيته بالعتره
بس الله اليعرف معناها
🌹🌹🌹🌹🌹
حجة اعله الحجج جاعلها باريهه
كل هيبة محمد فاطمة بيهه
مخصوص العلي ربك مسويهه
مسويهه من نوره الباري
🌹🌹🌹🌹🌹
مشكاة الولاية وروح سيد المرسلين
الخاطر فاطمة الباري سوه الكون والتكوين
اهل الدنيه واهل الجنة بيهه اليوم مسرورين
بميلادچ الدنيه معيده
🌹🌹🌹🌹🌹
ام محمد الحجاج / العبادي
مولاتي الشفاعة نريد والعونه
بينه جروح عدنه گلوب محزونه
تدرين بوضعنه وحالنه شلونه
غيثينه بالمهدي دخيلچ
الشفاعة يا مولاتي
🌹🌹🌹
🌹🌹
🌹
ام محمد الحجاج/ العبادي
ميلاد سيدة نساء العالمين مولاتي فاطمة الزهراء عليها
هوسات
ازهرت بيچ السمه وياالارض
محبّتچ يافاطمة طاعه وفرض
بغيضه خله يموت كلمن يعترض
يا سر آياته الكون تكوّن بسمچ
🌹🌹🌹
🌹🌹
🌹
أم محمد الحجاج/ العبادي
هوسات نخوه لمولاتي باب الحوائج ام البنين عليها السلآم
كربمه ام البنين وتگضي كل حاجه
واجت للمجلس الوادم المحتاجه
مولاتي المريض اتكفّلي اعلاجه
دكتورة
تسميچ الشيعة
.....
.....
حوايج عدنه وتعنينه القرايه
بجاه البگه طايح بالمسنايه
عليچ ابداعت الچفين والرايه
بهل ساعه تگضين الحاجه
.....
.....
أم محمد الحجاج/ العبادي
ياام البنين يامولاتي
الى كل من يتطاول على ابطال الحشد الشعبي وتضحياتهم
اقول
يتنفس ( بعث ) بعده بهوى الريه
علن مامستحي يمجد البعثيه
اذا صفحة ابوه احرگها يوميه
ملعون ذيول يسمينه
.....
.....
ملكنا فكان العفو منا سجية
ولما ملكتم سال بالدم ابطح
شگد فقره تصورناكم تنظفون
الچلب يبقى چلب مينظفه ماي الكون .. اجلكم الله خ
نبقى احنه علي (ع ) وفلانكم تبقون
متربي الشيطان ابيته
.....
.....
يصرّح من ورى الكيبورد . المابايت بساتر ليله شتويّه
الماشايف ضباب الموت . من جوه غطاه يتمزهد اعليه
الماشم ريحة البارود . والجبهات تمطر موت ليليه
مدغوش اصله وندري بهايه
.....
.....
وينك وين ذاك البلبرد مايدفن ضلوعه
وثلثتيام مايلگه خبز الياكله خاطر يسد جوعه
باع الروح يوم السمع گاع الوطن مبيوعه
روح اقره مسجّل تاريخه
.....
.....
أم محمد الحجاج/ العبادي
٢٤ / ١ / ٣٠٢١
لشهدائنا الابرار 😢
يتراب المگابر عينك عليهم
بردانين اجوك ارجوك غطيهم
يمن هنيال الگبور
نامو بيهن بدور
يتراب المگابر عينك عليهم
.....
.....
ال حلوين متعودين عالكشخه
الاجاك بكشخته ها بالك توسخه
عليهم ياگبرهم لاتضيگ ارخه
ترف ويريد نومت عافيه تفوخه
غفو بحضانك اهل ارواح ورديّه
افرشله واغطيه چنت بيديّه
محرومين اجو ليك
عينك عالغفو بيك
يتراب المگابر عينك عليهم
.....
.....
المعرّس وعاف اطفاله تنتظره
والحبيّبته ظلت عايشه بحسرة
والخاطب وصارت زفّته الگبره
البقمصانه باقي بس اثر عطره
بدلة عرسه ظلت والتصاوير
بحال امه لون شافتهه شيصير
گلب بالفرگه مذبوح
تشم بس عطره وتنوح
يتراب المگابر عينك عليهم
.....
.....
مو واحد ولاعشره نزف ميّه
حداد ونايبه وتفجير يوميّه
ناعي الحزن صرنه نحب نواعيّه
حته الفرح صار بطور لطميه
بالعيد المگابر نهوى روحتهه
بيهه اعزازنه وحبينه عشرتهه
نصبح يم الگبور
نغسلهن بالعطور
يتراب المگابر عينك عليهم
.....
.....
ياوادي النجف شخبار البحضنك
معانيهم اتخربهن اخافنك
اترجاك واطلب هالطلب منك
على احبابي اوصيك او احلفنك
عليك الله ورسوله لا اتاذيهم
نوم العافية ينامون خليهم
فدوه بوحشة الليل
عينك عالمداليل
يتراب المگابر عينك عليهم
.....
.....
حنين الروح ياخذهه ويرد بيهه
جمر الفرگه من تشتاگ يچويهه
اطب للمگبره انعي واحاچيهه
اريد احبابي تسمعني وابچيهه
عفتوني بهجركم روحي تچّوه
يالغالين شنهو اخباركم جوه
آه ياجمر الفراگ
بين ضلوعي حرّاگ
يتراب المگابر عينك عليهم
.....
.....
أم محمد الحجاج/ العبادي
٢٢ / ١ / ٢٠٢١
/channel/ommohamadalaebaadey
🏴🏴🏴
بخصوص مولاتي أم البنين عليها السلآم ..
قصيدة لمولاتي ام البنين وشوگها للإمام الحسين عليه السلام
طال الفراگ .. ييـمه بيـنك وبيني
طال الفراگ .. ييـمه يانظـر عيني
اعتادت اجدامي الدرب
انـشـد اعلـيك الـــغـرب
طال الفراگ .. ييـمه يانظـر عـيني
............1⃣
خلصت كل وكتي انشـد مانسـيتك
امشي كل خطوة واگولن ها لگيتك
مرورت فراگك تفت روحي بثنيتك
آه يبـعد الحـيل يـمه تـردلي ريتـك
الباب احنيه .. لونـك تـرجـع لدارك
الباب احنيه .. واخلي الدنيا تتبارك
خـبـر مـنــك ارتـجـي
عيـني ودرها البــچي
طال الفراگ .. ييـمه يانظـر عيـني
✍ أم عباس العبادي
...........2⃣
دمعي ارشه ابـاب بيـتي المغـربيّه
والـده وتـنـاجـي ربـها يعـود اليّـه
يا إلاهـي الـدار تخـنگـني المـسيه
مثلـمـا رديـت يـوسـف حـن علـيه
راحت الروح ..خذاها بروحته الغالي
راحت الروح .. يدنيه وخابت امالي
طـال ياروحي الهـجر
لي مـته يطـلـع فـجـر
طال الفراگ .. ييـمه يانظـر عينـي
✍ أم محمد الحجاج/ العبادي
..........3⃣
صوتك بذانـي اسـمعه وين ماروح
كل ركن بالدار اشمن عطرك يفوح
مچانك الموحش يفزز بيه الجروح
عيني مابطل دمعها وحزني مفضوح
حزن يعقوب ..يحزني وماسكت دمعي
حزن يعقوب ..واونن هذا كل طبعي
لون تـرجـع ياشـمـس
عطرك يردلي الـنفس
طال الفراگ .. ييـمه يانظـر عيـني
✍ ام عباس العبادي
..........4⃣
بكثر مامشتاگه اشمن بالهوى الهاب
بلكي وي نسماته من عندك عطر جاب
جرح گلبي من يمربي چا بره وطاب
شحصلت ياروحي من امناطر الباب
ليل وانهار .. اناطـر وانخـطف لوني
ليل وانهار .. حسرتي وجمرة ظنوني
لاخـبـر مـنـكـم اجـه
يمه واگطـعت الرجه
طال الفراگ .. ييـمه يانظـر عيـني
✍ أم محمد الحجاج/
...........5⃣
ما رحـت ويـاكـم اشـخـلاني بالـدار
او لاخبر منكم اجاني وتنـطفي النار
مااتمر بحلامي بس اطيوف الاخطار
والهواجس ساعة ساعة تجيب الاخبار
گلبي شاهد .. لوني هاجت ظنوني
گلبي شاهد .. يـساتر رفـن عيـوني
طــيوف مرنّي امــن امــس
احساسي مايخطي امن احس
طال الفراگ .. ييـمه يانـظر عيـني
✍ أم محمد الحجاج/ العبادي
..........6⃣
من كثـر مامرت افـكار عـلى بالي
ابنيت خمس گبور يمه من خيالي
حتى اگابلـهن وانعـي لهـذا حالي
والصخر شاهـد عليه هـم بچـالي
گبر لحسين .. بنيته بدمعـتي ونوحي
گبر لحسين .. هدملي حيلي وصروحي
شلـون اصدگ مايـرد
غيـابه فتــتلي الچبد
طال الفراگ .. ييـمه يانـظر عـيني
✍ أم عباس العبادي
.............................
#أم_محمد_الحجاج/العبادي
#أم_عباس_العبادي
٧ جمادى الآخرة ١٤٤٢ هـ
لشهدائنا رحمهم الله تعالى واسكنهم فسيح جناته ....
ماظلت متون تشيل تابوت
ولك ياموت ماخليت زاتوت
اشوف اللافتات بكل البيوت
حداد وتعزيات امنين ماافوت
واسمع فاگدات الينعن بصوت
يالولد حس امك دسمعه
ياحلو يامن زين طبعه
الك لوما الك للبيت رجعه
صارت براس الگلب صدعه
خليتني بس اون وانعى
.....
.....
ظليت اون ليلي ونهاري
والدمع فوگ الخدي جاري
احاه ياضيمي ومراري
ياشمعتي لمضويه داري
عليك ماتنطفي ناري
الولد يبني
.....
.....
ام محمد الحجاج/ العبادي
٢٢ / ١ / ٢٠٢١
الامام السجاد عليه السلام حين حضر لدفن الاجساد الطواهر الزواكي
وقف علی جسد الامام الحسين عليه السلام المقطع بالسيوف المرضوض بحوافر الخيل كاني به قال بلسان الحال
ابو ذيه مشطّر
🏴
هذا انت يفرع الدين وصله
يمصحف مرتبط بالعرش وصله
جثتك طحن مطحونه
اريدن للدفن عونه
واريدن باريه لجسمك
ترس الگاع شيلمّك
اشيلك وحدي مااگدر
يالمطبّر يالموذّر
حالك هدم منّي الحيل وصله
نيران الهظم وال آه بيّه
ام محمد الحجاج
الجناسات
١ // الاصل
٢ // الوصل والارتباط
٣ // اضرم او اشعل النيران
✍🏻ام محمد الحجاج
<><><>•••••••<><><>•••••••<><><>
/channel/ommohamadalaebaadey
مولاي الامام زين العابدين عليه السلام
ينعی الاجساد الطاهرة يوم دفنها
نعي
🏴🏴
مثل السيل هد الدمع واجره
ودمعته تطيح فوگ الوجن جمره
يدفن بالاجساد ونعي يقره
آيحسين يلهشّموا صدره
🏴🏴
ولما دفن علي الاكبر عليه السلام قال بلسان الحال
🏴🏴
ياخويه چنت حزام ظهري
يكون تشوف بيّه شعمل دهري
نيران الهظم بحشاي تسري
بالضيم الدهاني كون تدري
🏴🏴
ياعازتك خويه شكبرها
ياكسرتي يصعب جبرها
ياماي عيني ويانظرها
ياخويه روحي شيصبّرها
🏴🏴
ينعی القاسم ابن الحسن عليهم السلام
🏴🏴
طفّينه شمعات العرس
جاسم يمحروم
وامك تحنت يلولد
مو حنّه بدموم
تحسب احساب لزفتك
يومن بعد يوم
زفتك صارت للگبر
خويه يجسوم
🏴🏴
يدفن عمه وينعاه
🏴🏴
اختك يحماي الخدر
راحت سبيّه
فوگ الهزايل والخدر
تحديه اُميّه
من يمك اتعدّه الظعن
بالفاطميّه
نادت يعبااااس العذر
لاتعتب عليّه
🏴🏴
اما حين وقف علی جسد ابيه الحسين عليهما السلام فكاني به
🏴🏴
ويلاه روحي شكثر جَلده
لوالدي احفر بيدي لحده
وادفن وليده الطفل عنده
حالك يبويه الحيل هدّه
🏴🏴
طبراتك الف وتسعميّه
جسمك موزع عالوطيه
امن الگاع لميته بديه
ياحيل بعد اليظل بيّه
🏴🏴
لا حول ولا قوة الا بالله العلي العظيم
عظم الله اجورنا واجوركم
ام محمد الحجاج
/channel/ommohamadalaebaadey
لدفن جسد سيد الشهداء المقطّع الاعضاء 😭😭
تنقري بعدة اطوار ثگيل . سريع ونعي
🏴🏴
يادفان لم الداسته الخيل
يادفان لم الداسته الخيل
🏴🏴
مسوياته الحوافر تارس الگاع
بالتربان چم ضلع وعظم ضاع
امفاصيله غدن انصاف وارباع
بهيده لو اجيت لجثّته تشيل
يادفان لم
الداسته الخيل
🏴🏴
فرشنّه الحوافر اگعد وجمعه
يشلعن باللحم بالروحه والرجعه
يادفان المثلث گُبل طلعه
بهيد بهيد من اتجره مو حيل
يادفان لم
الداسته الخيل
🏴🏴
دوور خنصره المگطوع من ايده
ضايع مدري وين برملة البيده
الجثّه من تلمهه شيلهه بهيده
مرضوضات بالخيل المفاصيل
يادفان لم
الداسته الخيل
🏴🏴
ثلثتيام عاري وعالرمل جسمه
معورته الشمس خافنك تلچمه
حط فراش خاطر تگدر اتلمّه
وانخه وياك للشيله رياجيل
يادفان لم
الداسته الخيل
🏴🏴
انخه وياك وادم خاطر تشيله
انرضت بالحوافر كل مفاصيله
دم وتراب ابو السجاد تغسيله
اصبر يدفان اتراب لتهيل
يادفان لم
الداسته الخيل
🏴🏴
انخه وياك وادم خاطر تشيله
انرضت بالحوافر كل مفاصيله
دم وتراب ابو السجاد تغسيله
تراب الحفره يادفان لتهيل
يادفان لم
الداسته الخيل
🏴🏴
اصبر لا اتهيل اترابها الحفره
طفل حسين جيبه او وسّده لصدره
طفل ازغير يستاحش عَليه گبره
ابوه ايصبره لو فز تالي الليل
يادفان لم
الداسته الخيل
🏴🏴
ام محمد الحجاج
/channel/ommohamadalaebaadey
بسم الله الرحمٰن الرحيم
والصلاة والسلام علی اشرف الانبياء والمرسلين ابي الزهراء محمد وآله الطييبين الطاهرين
بعون الله وقوته ابدأ منهاج دفن الاجساد الطاهرة
🏴🏴
👇👇👇👇👇
ابو ذيات
مولاتي زينب عليها َلما وصلت الكوفة كاني بها وجهت عتبها لابيها امير المؤمنين عليه السلام ... بلسان حال الشاعر 😢😢
وشيله
تگله ياعلي يابويه
الضعن كل يوم اله حطّه وشَيله
وبعد بالعين ماظلت وشِيله
عبايه اريد يابويه وشيله
اخاف السوط ايشگ هاي العليّه
🏴🏴
دريت . الشمر ضعني اليوم ياباه
وكل سوط اليطگني الگلب ياب آه
انه زينب كتلني الهظم ياباه
اميره امس هسه ادخل سبيه
ياعلي يابويه
🏴🏴
سبيّه واصعدت هزله بلادين
اويه ناس المامش امروّه بلادِين
امن امس لليوم طرّينه بلادين
وبعد الشام ياحامي الحميّه
🏴🏴
ياعلي ياعلي يابويه
تسلّبنه ، انسبينه ، ونهظمنه
يفت الصخر بويه ون هظمنه
إن شمت بينه عدونه وإن هظمنه
يظل محفوظ خدر الفاطمية
🏴🏴
وادم رافگتنه لومه شينه
حچيهم بس مسبّه لو مُشبنه
يبويه شلون باچر لو مشينه
الموش اجواد باڿر تحدي بيّه
علي يابويه
يبويه ارّيد بالممشه حمه النه
ثجيل يريدله والي حملنه
عدونه اعله الهزل ترضه حمَلنه
ول اهل الشام باچر يحدي بيّه
🏴🏴
ام محمد الحِجّاج
/channel/ommohamadalaebaadey
اللهم صل على محمد وآل محمد وعجل فرجهم
بسم الله الرحمن الرحيم
اَللَّـهُمَّ كُـنْ لِوَلِيِّــكَ الحُجَّـةِ بنِ الحَسَنِ صَلَواتُـكَ عليهِ وَعَلَى آبائِـهِ فِي هَـذِهِ السَّـاعَةِ وَفِي كُـلِّ سَاعَـةٍ وَلِيـَّاً وَحَافِظَـاً وَقَائِـدَاً وَنَاصِرَاً وَدَلِيـلاً وَعَيْنَـاً حَتَـى تُسْكِنَـهُ أَرْضَـكَ طَوْعَـاً وَتُمَتِّعَـهُ فِيهَـا طَويـلاً بـِرَحْمَتِـكَ يَا أَرْحـَمَ الرَّاحِـمِينَ.
وصلَّى الله على محمد وآل محمد الطيبين الطاهرين
اِللهمَّ عَظُمَ الْبَلاءُ، وَبَرِحَ الْخَفاءُ، وَانْكَشَفَ الْغِطاءُ، وَضاقَتِ الاَْرْضُ وَمُنِعَتِ السَّماءُوَاِلَيْكَ يا ربّ الْمُشْتَكى وَعَلَيْكَ الْمُعَوَّلُ فِى الشِّدَّةِ وَالرَّخاءِ اَللّـهُمَّ صَلِّ عَلى مُحَمَّدٍ وَآله أولي الامر الَّذينَ فَرَضْتَ عَلَيْنا طاعَتَهُمْ َفعَرَّفْتَنا بِذلِكَ مَنْزِلَتَهُمْ فَرِّجْ عَنّا بِحَقِّهِمْ فَرَجاً عاجِلا ًكَلَمْحِ الْبَصَرِ اَوْ هُوَ اَقْرَبُ مِنْ ذلكَ يا مُحَمَّدُ يا عَلِيُّ، يا عَلِيُّ يا مُحَمَّدُ َانْصُراني فإنكما ناصِرايِ وَاَكْفياني فَاَنَّكُما كافِياي يا مَوْلاي يا صاحِبَ الزَّمانِ الْغَوْثَ الْغَوْثَ الْغَوْثَ، اَدْرِكْني اَدْرِكْني اَدْرِكْني .
.
لولادة مولاتي الزهراء عليها السلام
على الاكوان شع نورچ ... وسرها
خطف البآبنه حبچ ... واسرها
محد عرف شخصيتچ ... وسرها
يسر الكون بس الله ونبيّه
🌷🌷🌷
فاطم مو مرة فاطم ... سر الكون
عظيمة شان مولدهه ... سر الكون
الليلة ال طه وال حيدر ... سره الكون
ب ورد وشموع محتفله البرية
🌹🌹🌹
🌹🌹
🌹
ام محمد الحجاج / العبادي
ميلاد ام ابوها غانمه ورحمه
من انوارها تاخذ ضوه النجمه
عطر بي رحمة الله محمله النسمه
امن الجنه النسمه تمر بينه
الشفاعة يا مولاتي
🌺🌺🌺
🌺🌺
🌺
أم محمد الحجاج/ العبادي
يا اجمل انوار وعيد وبشاره
يابضعة الهادي وروحه واسراره
اليوم الكون اخذ من فاطم انواره
من نور البيها .. نوره يشع
🌷🌷🌷
🌷🌷
🌷
أم محمد الحجاج/ العبادي
رفعتُ أحلآمي لربّي.. تمنيتُ أشيآءً گثيرة.. وبعضهآ مُستحيلة.. ولگنّ
يقينِي بأنهآ ستتَحقق.. فهي بينّ يد رَبً
يقُول للشيءِ گنّ فيگونّ..
من هي السيدة أم البنين( ع)؟
🔳: نسب أم البنين:
أم البنين هي فاطمة بنت حزام ، بن خالد ، بن ربيعة ، بن عامر ، بن كلاب ، بن ربيعة ، بن عامر ، بن صعصعة الكلابيّة ، فهي تنحدر من بيت عريق في العروبة و الشجاعة ، وقال عنها عقيل بن أبي طالب: ليس في العرب أشجع من آبائها ولا أفرس.
🔳: زواجها:
تزوَّجها سيّدنا و مولانا الإمام أمير المؤمنين علي بن أبي طالب (عليه السَّلام) ، بإشارة من أخيه عقيل بن أبي طالب لكونه عالماً بأخبار العرب وأنسابهم ، حيث كان قد طلب منه الإمام (عليه السَّلام) أن يختار له امرأةً قد ولدتها الفحولة من العرب ليتزوّجها فتلد له غلاماً فارساً ، فاختارها له . وقال الطبر: ثم تزوّج ـ أي علي (عليه السَّلام) بعد فاطمة (عليهاالسلام) ـ أم البنين بنت حزام ، وهو ـ أي حزام ـ أبو المجل بن خالد ، بن ربيعة ، بن الوحيد ، بن كعب ، بن عامر ، بن كلاب ، فولدها لها منه: العباس وجعفر وعبد الله وعثمان ، قتلوا مع الحسين (عليه السلام) بكربلاء ، ولا بقية لهم غير العباس 1 .
🔳: أم البنين والشعر:
كانت اُم البنين شاعرة فصيحة ، تخرج بعد مقتل الحسين (عليه السَّلام) ومقتل أولادها الأربعة كلّ يوم إلى البقيع ومعها عبيد الله ولد ولدها العباس ، فتندب أولادها ـ خصوصاً العباس ـ أشجى ندبة ، فيجتمع الناس فيسمعون بكاءها وندبتها ، وكان مروان بن الحكم على شدّة عداوته لبني هاشم يجيء في مَن يجيء ، فلا يزال يسمع ندبتها ويبكي .
🔳: موقفها البطولي الرائع:
لم تحضر أم البنين واقعة الطف ، إلاّ أنّها واست أهل البيت (عليهم السلام) وضحَّت من أجل الدفاع عن الدين الإسلامي بتقديم أولادها الأبطال الأربعة فداءً للحسين (عليه السَّلام) ولأهدافه السامية.
ثم واصلت جهادها الإعلامي بعد مقتل سيد الشهداء ووصول أهل البيت (عليهم السلام) إلى المدينة المنورة ، فكانت تخرج كل يوم إلى مقبرة البقيع ومعها عبيد الله ولد ولدها العباس ، فتندب أبناءها الأربعة أشجى ندبة ، فيجتمع الناس إليها فيسمعون بكاءها وندبتها ويشاركوها العزاء ، كما كانت تقيم مجالس العزاء في بيتها فتنوح وتبكي على الحسين (عليه السَّلام) وعلى أبنائها الشهداء الأربعة ، ولم تزل حالتها هذه حتى التحقت بالرفيق الأعلى.
🔳: وفاتها:
تُوفيت هذه السيدة الجليلة في الثالث عشر مِن جمادى الآخرة سنة: 64 هـجرية في المدينة المنورة ودُفنت بالجانب الغربي من جنة البقيع حيث يتوافد الزائرون لزيارة مرقدها الطاهر.
🔳: ولائها للإمام الحسين (عليه السَّلام):
كانت أم البنين تحب الحسين (عليه السَّلام) وتتولاه إلى حدّ كبير يفوق المألوف ، ومما يدلّ على ذلك موقفها البطولي لدى وصول خبر إستشهاد الإمام الحسين (عليه السَّلام) إلى المدينة ، الموقف الذي لا ينمحي من ذاكرة التاريخ أبداً ، هذا الموقف الذي رفع من شأنها ومنحها منزلة رفيعة في قلوب المؤمنين.
يقول المامقاني في تنقيح المقال: ويستفاد قوّة إيمانها وتشيّعها من أنّ بشراً بعد وروده المدينة نعى إليها أحد أولادها الأربعة.
فقالت ما معناه: أخبرني عن أبي عبد الله الحسين (عليه السَّلام) ، فلمّا نعى إليها الأربعة قالت: قطّعت نياط قلبي ، أولادي ومَن تحت الخضراء كلّهم فداء لأبي عبد الله الحسين (عليه السَّلام) ، فإنّ عُلْقَتِها بالحسين ليس إلاّ لإمامته (عليه السَّلام) ، وتهوينها على نفسها موت مثل هؤلاء الأشبال الأربعة إن سَلِمَ الحسين (عليه السَّلام) يكشف عن مرتبة في الديانة رفيعة ، وإنّي اعتبرها لذلك من الحسان إن لم نعتبرها من الثقات.
ـــــــــــ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ
أبو ذيه لسان حال مولاتي ام البنين عليها السلآم ...
بعده اخضر جرح گلبي .. ونادي
وبعدني حسين يمه اندب .. وانادي
بيت الحزن شيدته .. ونادي
وموكب للعزاء وحسينيّه
.....
.....
شوف العين وشّل تری .. مايه
وضعن السافرو للحين .. مايه
جروح الواجعه الدلال .. مايه / ١٠٠
او لو اجه الليل صارن ثلثميه
.....
.....
بيوت احزان من راحو .. بنينه
يتگطّع احس گلبي .. بنينه
المن عيشته الفاگد .. بنينه
يظل للٓاه والونه الشجيه
.....
.....
احلفك يانسيم الهاب .. بالله
تخبرهم بحالي شصار .. بال آه
باب البيت دمع العين .. بلّاه
ثلث مرات مابينو عليّه
.....
.....
أم محمد الحجاج/ العبادي
نخوه لام البنين عليها السلآم ...
نطلب الحاجات من ام الوفه
بيهه ابو اليمه يروح نکلّفه
.....
.....
باب من بيبانه منطيهه الجليل
جاه عدهه شكبره تگضي المستحيل
بصدق نيه گلهه مولاتي دخيل
بس تشوفك دمع عينك تذرفه
.....
.....
بس تشوف دموعك اعله الخد تهل
تگلك البي جاي اخذه اورد سهل
بنظره منهه يزول همك لو حِمل
گبل لاتحچيه ويمهه تسولفه
.....
.....
باب حاجة صارت ام الاربعه
الخير عدهه وبيدهه امن اتوزّعه
تنطي بثواب البگه عالمشرعه
في سبيل الجود من يوم انچفه
.....
.....
مراد تنطي وماتقصر لليجي
تترس ايده ابابهه من يلتجي
جيتهه بحاجاتي واليوم ارتجي
هم البگلبي الكريمه تكشفه
.....
.....
همي من يثگل واحير بدنيتي
الغيرهه فشله اسولف حيرتي
بس اناجيهه واهلن دمعتي
وكون اگلهه بالعقيله محلّفه
.....
.....
أم محمد الحجاج/ العبادي
٢١ / ١ / ٢٠٢١
/channel/ommohamadalaebaadey
انت الذيل يامن نازع الغيره
وما عنده ضمير الهيچ تفكيره
منكوبه على شبانهه الديره
تتشمت بيمن يالواطي
.....
.....
عادة الموت النه وهاي معروفه
لان شيعة علي وهيهات منعوفه
اكون مگابل يگابلنه ونشوفه
انگص من لحمه او وچلناه
.....
.....
مو بحزام ناسف جاينه الملعون
وانت تمجّد ابن سعود ابن صهيون
الزلمه وخوش زلمه اعلى السواتر كون
خل يوگف ونشوف افعاله
.....
.....
أم محمد الحجاج / العبادي
22 / 1 / 20 21
زفيت الولد بس للگبر زفيت
ليلة حنه للعريس ماسويت
اجو ربعك ييمه وهلهلو بالبيت
بالتابوت نايم ليش مافزيت
جابو شمع عرسك جابو الچكليت
صواني يالولد يمه الك حطيت
مرتك هاي يبني وانت مارديت
.....
.....
أم محمد الحجاج/ العبادي
٢٢ / ١ / ٢٠٢١