الشاعرة أم محمد الحِجِّاج

30 января 2021 07:38

لميلاد سيدة نساء العالمين الصديقة الطاهرة فاطمة الزهراء عليها السلام


🌹🌹🌹🌹🌹


هوسات


هله بنور ام ابوها فاطمة الزهره

يا سر الالاه المحد يفسره

ال حفظت دين طه وصيته بالعتره

بس الله اليعرف معناها


🌹🌹🌹🌹🌹



حجة اعله الحجج جاعلها باريهه

كل هيبة محمد فاطمة بيهه

مخصوص العلي ربك مسويهه

مسويهه من نوره الباري



🌹🌹🌹🌹🌹



مشكاة الولاية وروح سيد المرسلين

الخاطر فاطمة الباري سوه الكون والتكوين

اهل الدنيه واهل الجنة بيهه اليوم مسرورين

بميلادچ الدنيه معيده


🌹🌹🌹🌹🌹


ام محمد الحجاج / العبادي

الشاعرة أم محمد الحِجِّاج

30 января 2021 07:09

مولاتي الشفاعة نريد والعونه

بينه جروح عدنه گلوب محزونه

تدرين بوضعنه وحالنه شلونه

غيثينه بالمهدي دخيلچ


الشفاعة يا مولاتي

🌹🌹🌹
🌹🌹
🌹

ام محمد الحجاج/ العبادي

الشاعرة أم محمد الحِجِّاج

29 января 2021 19:57

ميلاد سيدة نساء العالمين مولاتي فاطمة الزهراء عليها


هوسات

ازهرت بيچ السمه وياالارض

محبّتچ يافاطمة طاعه وفرض

بغيضه خله يموت كلمن يعترض

يا سر آياته الكون تكوّن بسمچ


🌹🌹🌹
🌹🌹
🌹

أم محمد الحجاج/ العبادي

الشاعرة أم محمد الحِجِّاج

27 января 2021 10:55

هوسات نخوه لمولاتي باب الحوائج ام البنين عليها السلآم


كربمه ام البنين وتگضي كل حاجه

واجت للمجلس الوادم المحتاجه

مولاتي المريض اتكفّلي اعلاجه

دكتورة
تسميچ الشيعة

.....
.....

حوايج عدنه وتعنينه القرايه

بجاه البگه طايح بالمسنايه

عليچ ابداعت الچفين والرايه

بهل ساعه تگضين الحاجه

.....
.....

أم محمد الحجاج/ العبادي

ياام البنين يامولاتي

الشاعرة أم محمد الحِجِّاج

24 января 2021 10:04

الى كل من يتطاول على ابطال الحشد الشعبي وتضحياتهم

اقول


يتنفس ( بعث ) بعده بهوى الريه

علن مامستحي يمجد البعثيه

اذا صفحة ابوه احرگها يوميه

ملعون ذيول يسمينه

.....
.....


ملكنا فكان العفو منا سجية
ولما ملكتم سال بالدم ابطح


شگد فقره تصورناكم تنظفون

الچلب يبقى چلب مينظفه ماي الكون .. اجلكم الله خ

نبقى احنه علي (ع ) وفلانكم تبقون

متربي الشيطان ابيته

.....
.....

يصرّح من ورى الكيبورد . المابايت بساتر ليله شتويّه

الماشايف ضباب الموت . من جوه غطاه يتمزهد اعليه

الماشم ريحة البارود . والجبهات تمطر موت ليليه

مدغوش اصله وندري بهايه

.....
.....

وينك وين ذاك البلبرد مايدفن ضلوعه

وثلثتيام مايلگه خبز الياكله خاطر يسد جوعه

باع الروح يوم السمع گاع الوطن مبيوعه

روح اقره مسجّل تاريخه

.....
.....

أم محمد الحجاج/ العبادي

٢٤ / ١ / ٣٠٢١

الشاعرة أم محمد الحِجِّاج

22 января 2021 17:43

لشهدائنا الابرار 😢


يتراب المگابر عينك عليهم

بردانين اجوك ارجوك غطيهم

يمن هنيال الگبور
نامو بيهن بدور

يتراب المگابر عينك عليهم

.....
.....

ال حلوين متعودين عالكشخه

الاجاك بكشخته ها بالك توسخه

عليهم ياگبرهم لاتضيگ ارخه

ترف ويريد نومت عافيه تفوخه

غفو بحضانك اهل ارواح ورديّه

افرشله واغطيه چنت بيديّه

محرومين اجو ليك
عينك عالغفو بيك


يتراب المگابر عينك عليهم

.....
.....

المعرّس وعاف اطفاله تنتظره

والحبيّبته ظلت عايشه بحسرة

والخاطب وصارت زفّته الگبره

البقمصانه باقي بس اثر عطره

بدلة عرسه ظلت والتصاوير

بحال امه لون شافتهه شيصير

گلب بالفرگه مذبوح

تشم بس عطره وتنوح

يتراب المگابر عينك عليهم

.....
.....

مو واحد ولاعشره نزف ميّه

حداد ونايبه وتفجير يوميّه

ناعي الحزن صرنه نحب نواعيّه

حته الفرح صار بطور لطميه

بالعيد المگابر نهوى روحتهه
بيهه اعزازنه وحبينه عشرتهه

نصبح يم الگبور
نغسلهن بالعطور

يتراب المگابر عينك عليهم

.....
.....

ياوادي النجف شخبار البحضنك

معانيهم اتخربهن اخافنك

اترجاك واطلب هالطلب منك

على احبابي اوصيك او احلفنك

عليك الله ورسوله لا اتاذيهم

نوم العافية ينامون خليهم

فدوه بوحشة الليل
عينك عالمداليل

يتراب المگابر عينك عليهم

.....
.....

حنين الروح ياخذهه ويرد بيهه

جمر الفرگه من تشتاگ يچويهه

اطب للمگبره انعي واحاچيهه

اريد احبابي تسمعني وابچيهه

عفتوني بهجركم روحي تچّوه

يالغالين شنهو اخباركم جوه

آه ياجمر الفراگ
بين ضلوعي حرّاگ

يتراب المگابر عينك عليهم

.....
.....

أم محمد الحجاج/ العبادي

٢٢ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

22 января 2021 17:18

🏴🏴🏴

بخصوص مولاتي أم البنين عليها السلآم ..


قصيدة لمولاتي ام البنين وشوگها للإمام الحسين عليه السلام


طال الفراگ .. ييـمه بيـنك وبيني
طال الفراگ .. ييـمه يانظـر عيني

اعتادت اجدامي الدرب
انـشـد اعلـيك الـــغـرب

طال الفراگ .. ييـمه يانظـر عـيني

............1⃣

خلصت كل وكتي انشـد مانسـيتك
امشي كل خطوة واگولن ها لگيتك
مرورت فراگك تفت روحي بثنيتك
آه يبـعد الحـيل يـمه تـردلي ريتـك

الباب احنيه .. لونـك تـرجـع لدارك
الباب احنيه .. واخلي الدنيا تتبارك

خـبـر مـنــك ارتـجـي
عيـني ودرها البــچي

طال الفراگ .. ييـمه يانظـر عيـني

✍ أم عباس العبادي


...........2⃣

دمعي ارشه ابـاب بيـتي المغـربيّه
والـده وتـنـاجـي ربـها يعـود اليّـه
يا إلاهـي الـدار تخـنگـني المـسيه
مثلـمـا رديـت يـوسـف حـن علـيه

راحت الروح ..خذاها بروحته الغالي
راحت الروح .. يدنيه وخابت امالي

طـال ياروحي الهـجر
لي مـته يطـلـع فـجـر

طال الفراگ .. ييـمه يانظـر عينـي

✍ أم محمد الحجاج/ العبادي


..........3⃣

صوتك بذانـي اسـمعه وين ماروح
كل ركن بالدار اشمن عطرك يفوح
مچانك الموحش يفزز بيه الجروح
عيني مابطل دمعها وحزني مفضوح

حزن يعقوب ..يحزني وماسكت دمعي
حزن يعقوب ..واونن هذا كل طبعي

لون تـرجـع ياشـمـس
عطرك يردلي الـنفس

طال الفراگ .. ييـمه يانظـر عيـني

✍ ام عباس العبادي

..........4⃣

بكثر مامشتاگه اشمن بالهوى الهاب
بلكي وي نسماته من عندك عطر جاب
جرح گلبي من يمربي چا بره وطاب
شحصلت ياروحي من امناطر الباب

ليل وانهار .. اناطـر وانخـطف لوني
ليل وانهار .. حسرتي وجمرة ظنوني

لاخـبـر مـنـكـم اجـه
يمه واگطـعت الرجه

طال الفراگ .. ييـمه يانظـر عيـني

✍ أم محمد الحجاج/


...........5⃣

ما رحـت ويـاكـم اشـخـلاني بالـدار
او لاخبر منكم اجاني وتنـطفي النار
مااتمر بحلامي بس اطيوف الاخطار
والهواجس ساعة ساعة تجيب الاخبار

گلبي شاهد .. لوني هاجت ظنوني
گلبي شاهد .. يـساتر رفـن عيـوني

طــيوف مرنّي امــن امــس
احساسي مايخطي امن احس

طال الفراگ .. ييـمه يانـظر عيـني

✍ أم محمد الحجاج/ العبادي


..........6⃣

من كثـر مامرت افـكار عـلى بالي
ابنيت خمس گبور يمه من خيالي
حتى اگابلـهن وانعـي لهـذا حالي
والصخر شاهـد عليه هـم بچـالي

گبر لحسين .. بنيته بدمعـتي ونوحي
گبر لحسين .. هدملي حيلي وصروحي

شلـون اصدگ مايـرد
غيـابه فتــتلي الچبد

طال الفراگ .. ييـمه يانـظر عـيني

✍ أم عباس العبادي

.............................

#أم_محمد_الحجاج/العبادي
#أم_عباس_العبادي

٧ جمادى الآخرة ١٤٤٢ هـ

الشاعرة أم محمد الحِجِّاج

22 января 2021 08:34

لشهدائنا رحمهم الله تعالى واسكنهم فسيح جناته ....


ماظلت متون تشيل تابوت

ولك ياموت ماخليت زاتوت

اشوف اللافتات بكل البيوت

حداد وتعزيات امنين ماافوت

واسمع فاگدات الينعن بصوت


يالولد حس امك دسمعه

ياحلو يامن زين طبعه

الك لوما الك للبيت رجعه

صارت براس الگلب صدعه

خليتني بس اون وانعى

.....
.....

ظليت اون ليلي ونهاري

والدمع فوگ الخدي جاري

احاه ياضيمي ومراري

ياشمعتي لمضويه داري

عليك ماتنطفي ناري

الولد يبني

.....
.....

ام محمد الحجاج/ العبادي

٢٢ / ١ / ٢٠٢١

الشاعرة أم محمد الحِجِّاج

22 января 2021 07:21

الولد يمه الولد يمه


ربيتهم وافلست منهم

استعجل الدفان بدفنهم

الدم والتراب اصبح چفنهم

.....
.....

لاتونون
يترفين يمه لاتونون

يا بعد روح امكم شتردون

يالزغيرون
بالگبر شلك يالزغيرون

.....
.....

للموت ازفه

حاحسبت للموت ازفه

روحه ترفه
بعده شباب وروحه ترفه

محنه زلمه
من فيض دمه محنه زلفه

.....
.....

يدفان
بهداي وياهم يدفان

يلچم الشبان
اخاف اللحد يلچم الشبان

لاتغلگ البيبان
ظلمه الگبر لاتغلگ البيبان

.....
.....

اللهم أرحم شهدائنا واسكنهم فسيح جناتك والهم ذويهم الصبر والسلوان . وشافي الجرحى بشفاءك . والعن من قتل أبناءنا

انا لله وانا اليه راجعون


٢٢ / ١ / ٢٠٢١

الشاعرة أم محمد الحِجِّاج

20 января 2021 20:40

‏ذات الحجاب الأعوج كيف ستواجه من انكسر ضلعها خلف الباب مقابل أن تبقى العفّة مَصونة؟

اجت بوقتها اريد احجي عن هالشي…

البنات الي يروحن للامام الحسين( ع) وهنَّ ملونات مثل جدران الروضة .. شنو يستفادن
وشنو يحسن؟؟
شنو كمية التخلف الي شايلاتها
المكياج و لفة الشال والعلج طاق طاق والوگفة الاستعراضية الي هي بحث آخر ...وكأنما رايحات لعرس ابوهن...
تعرفين صحن الحسين شنو ؟؟؟
صحن الحسين يعني اضلاع مطحونة يعني سهم يعني نحر يعني عطش يعني السيدة زينب من الدلال للسبي يعني رقية خايفة يعني زين العابدين عليل وميكدر يگوم الابوه وبس يسمع اضلاعه تتكسر ويشوف الحُسين (ع) مذبوح!!!
لو مر مليون عام ولو اجه الف جيل تبقى مصيبة الحُسين
(مصيبة ما اعظمها واعظم رزيتها في الاسلام)..
ف الي يگول حرية شخصية هذا متخلف و متعربن اسفة على المصطلح بس هذا انسب شي اله ...
لان هذا الحُسين سيد الشهداء وسيد الاحرار
ماتقارن حريتك/چ الدنيوية بالحُسين
الحُسين ما استشهد علمود الدنيا ولا علمود سلطان وملك استشهد علمود الدين ...
ف حريتج الشخصية المستمدة من افكار الغرب خليها بعيد عن ضريح الحُسين وقضية الحُسين ...
(ولا يبدينَّ زينتهنَّ) .. 👉من القرآن كتاب الدين الذي دافع عنهُ الحسين
فإن كنت تدري فتلكَ مُصيبةٌ و إن كُنتَ لا تدري فالمصيبةُ أعظمُ

و فوگ هذا كُله تگول معليج الله يحاسبني أني و ربي..مو بس ؏ الحجاب ..؏ كل تصرف خطأ... زين هذي اللي تحجي هيج تعرف شنو القبر..منكر و نكير.. ليلة الوحشة...ضغطة القبر ( والعياذ بالله منها)...
واللهِ باللهِ لو تعرف ، كان اتعظت.. و ما گالت معليكم بذنوبي و لحد ينصحني آني و ربّي نتحاسب...

و بالآخير منگول غير..أُماهُ يا زهراء خُذي بأيدينا و لا تُفلتيها💔

روحي خربطي بكيفج
بس يم مكان مقدس يم طف الحسين !
عجيب امرهم والله…
واخيرا وليس آخراّ…

عليكَ منّي سَلامُ المُشتاقين سَيّدي . .

الشاعرة أم محمد الحِجِّاج

20 января 2021 13:50

نعي وفاة مولاتي أم البنين عليها السلآم ...


ردت دفان يدفني امن الاولاد

لچن ماصح يروحي كلهم بعاد

مالي احباب اويلي بهاي البلاد

ولا من طارش ويطويهه الاوهاد

يجد السير وايخبر ابو السجاد

يگله روح شيع امك الليله

.....
.....

من شط الفرات اخذ لمك ماي

غسلهه يصير منّه شگد تمنّت هاي

حنتلك او ونت ماتچن بفياي

عن اخبارك تسايل الراح وجاي

يرد سالم حسين ابني ونظر عيناي

امهم واربعتهم فدوه نغديله

.....
.....

من ارماد المخيم اخذ حفنه وياك

عطر لمن تشمه تلگه من ذكراك

راح الشوف منهه بكثر ماتنعاك

ليل انهار ماهوّدت من فرگاك

آه يحسين يبني شلون عود انساك

يوميه گبر تگعد وتبنيله

.....
.....


ابو ذيه

فده نذرت لبو اليمه .. وِلِدهه

وسالم تندعي يرجع .. وَلَدهه

الضاهدهه وتون منّه .. والادهى

حال ام عون من رجعت سبيه

.....
.....

ابن حذلم دخل ينعه .. مردهه

التگفّل بزينب شو .. مردهه

ندامه الروح اموّتهه .. مردهه

اصد شلون لبنات الزچيه

.....
.....

رد الضعن چاوينه .. عَلمكم

يوم الطب بشر ينعى .. عِلمكم

منيّه الخبر يايمه .. على امكم

شجاني ومارحت للغاضريه

.....
.....

أم محمد الحجاج/ العبادي

٢٠ / ١ / ٢٠٢٢


/channel/ommohamadalaebaadey

الشاعرة أم محمد الحِجِّاج

19 января 2021 14:21

حين دنت ساعة وفاتها . كأني بها قالت بلسان الحال

بسچن غمّضن للموت .. يجفون

جفوني الما حسبت بيوم .. يجفون

على نعشي ردت وليان .. يجفون

وسف ماحضرو بوكت المنية


واويلاه يامولاتي ياام البنين


أم محمد الحجاج/ العبادي

الشاعرة أم محمد الحِجِّاج

18 января 2021 20:10

لمولاتي ام البنين عليها السلآم



نعي


عندي اربع بنين وشيخ الحسين

امه تنازع وديوانه مسدود

لاهاون يدگ لا دلّته تفور

لا حضرت عمامه مشمره الزنود

التريد تموت امه يبني صيوان

ومضيفه امن الصبح لليل معگود

يم راس الحنينه يقره قرآن

ولو ونّت . دمعته تجيس الخدود

گرب لي الاجل وينك يعباس

بس احضرني مالازم بالزنود

لا جعفر ولاعثمان لا عون

يمه وينكم يالبيكم الزود

ردتكم للكبر والوكتي لودار

چاهوه الولد للكبره مريود

يشيل جنازت امه فوگ المتون

وينزلهه اعله كيف بذيچ الالحود

يگلهه مودعه الله بدمعة العين

عليهه الجزا تالي العمر مردود

.....
.....

ام محمد الحجاج / العبادي

الشاعرة أم محمد الحِجِّاج

18 января 2021 18:04

ابو ذيه لسان حال مولاتي أم البنين عليها السلام ...

لدربكم عيني هلليله .. ترابي

وعتاب شكثر يمه .. ترابي

اموت ومايهيل ابني .. ترابي

ولازاتوت منهم حضر ليه

.....
.....

أم محمد الحجاج/ العبادي

الشاعرة أم محمد الحِجِّاج

18 января 2021 14:18

لمولاتي ام البنين عليها السلام



هم اتعود الاحباب---- واسمع دگت الباب

......
.....


هم الهم بعد جيّه ويعودون

لمّتنه ترد وياي يگعدون

تشوف وجوهكم مشتاگه لعيون

وين الله وصدگ ترجع الغيّاب

واسمع دگت الباب
.....
.....

وين الله وترد ذيچ الليالي

وعزاز الگلب تگعد گبالي

بس النوح من راحو صفالي

ودمع العين ليل انهار سچاب

واسمع دگت الباب

.....
.....


سچاب الدمع والحسره واللوم

جفن العين حارب
لذت النوم

ليلي اگضيه مگالب وي الهموم

طيف وجوهكم عن عيني ماغاب

واسمع دگت الباب
.....
.....


احن الكم هواي بوكت الغروب

آه يحباب گلبي رحتو ياصوب

استاحش وروحي المغرب تلوب

عيني اعله الدرب وشوده وشجاب

واسمع دگت الباب

.....
.....


اگضي الليل بالدمعات والون

حرام ان چان كون عيوني يغفن

يگضن حيلي هالحسبات لواجن

گلبي انفطر من فرگاهم وذاب

واسمع دگت الباب

.....
.....


من يوم المشو متهدم الحيل

جرح افراگهم مايغفه بالليل

لا طارش اجاني لا مراسيل

وبگلبي جرح لليوم ما طاب

واسمع دگت الباب

.....
.....

ماينفع امعاتب بعد لا نوح

كون اوياهم تموتين ياروح

متروس الدليل هموم وجروح

من يوم الغفيتو حدر التراب

واسمع دگت الباب

.....
.....


ام محمد الحجاج//العبادي


١٧ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

30 января 2021 07:24

ميلاد ام ابوها غانمه ورحمه

من انوارها تاخذ ضوه النجمه

عطر بي رحمة الله محمله النسمه

امن الجنه النسمه تمر بينه


الشفاعة يا مولاتي

🌺🌺🌺
🌺🌺
🌺

أم محمد الحجاج/ العبادي

الشاعرة أم محمد الحِجِّاج

29 января 2021 20:01

يا اجمل انوار وعيد وبشاره

يابضعة الهادي وروحه واسراره

اليوم الكون اخذ من فاطم انواره

من نور البيها .. نوره يشع


🌷🌷🌷
🌷🌷
🌷

أم محمد الحجاج/ العبادي

الشاعرة أم محمد الحِجِّاج

29 января 2021 19:51

رفعتُ أحلآمي لربّي.. تمنيتُ أشيآءً گثيرة.. وبعضهآ مُستحيلة.. ولگنّ
يقينِي بأنهآ ستتَحقق.. فهي بينّ يد رَبً
يقُول للشيءِ گنّ فيگونّ..

الشاعرة أم محمد الحِجِّاج

26 января 2021 19:50

من هي السيدة أم البنين( ع)؟
🔳: نسب أم البنين:
أم البنين هي فاطمة بنت حزام ، بن خالد ، بن ربيعة ، بن عامر ، بن كلاب ، بن ربيعة ، بن عامر ، بن صعصعة الكلابيّة ، فهي تنحدر من بيت عريق في العروبة و الشجاعة ، وقال عنها عقيل بن أبي طالب: ليس في العرب أشجع من آبائها ولا أفرس.
🔳: زواجها:
تزوَّجها سيّدنا و مولانا الإمام أمير المؤمنين علي بن أبي طالب (عليه السَّلام) ، بإشارة من أخيه عقيل بن أبي طالب لكونه عالماً بأخبار العرب وأنسابهم ، حيث كان قد طلب منه الإمام (عليه السَّلام) أن يختار له امرأةً قد ولدتها الفحولة من العرب ليتزوّجها فتلد له غلاماً فارساً ، فاختارها له . وقال الطبر: ثم تزوّج ـ أي علي (عليه السَّلام) بعد فاطمة (عليهاالسلام) ـ أم البنين بنت حزام ، وهو ـ أي حزام ـ أبو المجل بن خالد ، بن ربيعة ، بن الوحيد ، بن كعب ، بن عامر ، بن كلاب ، فولدها لها منه: العباس وجعفر وعبد الله وعثمان ، قتلوا مع الحسين (عليه السلام) بكربلاء ، ولا بقية لهم غير العباس 1 .
🔳: أم البنين والشعر:
كانت اُم البنين شاعرة فصيحة ، تخرج بعد مقتل الحسين (عليه السَّلام) ومقتل أولادها الأربعة كلّ يوم إلى البقيع ومعها عبيد الله ولد ولدها العباس ، فتندب أولادها ـ خصوصاً العباس ـ أشجى ندبة ، فيجتمع الناس فيسمعون بكاءها وندبتها ، وكان مروان بن الحكم على شدّة عداوته لبني هاشم يجيء في مَن يجيء ، فلا يزال يسمع ندبتها ويبكي .

🔳: موقفها البطولي الرائع:
لم تحضر أم البنين واقعة الطف ، إلاّ أنّها واست أهل البيت (عليهم السلام) وضحَّت من أجل الدفاع عن الدين الإسلامي بتقديم أولادها الأبطال الأربعة فداءً للحسين (عليه السَّلام) ولأهدافه السامية.

ثم واصلت جهادها الإعلامي بعد مقتل سيد الشهداء ووصول أهل البيت (عليهم السلام) إلى المدينة المنورة ، فكانت تخرج كل يوم إلى مقبرة البقيع ومعها عبيد الله ولد ولدها العباس ، فتندب أبناءها الأربعة أشجى ندبة ، فيجتمع الناس إليها فيسمعون بكاءها وندبتها ويشاركوها العزاء ، كما كانت تقيم مجالس العزاء في بيتها فتنوح وتبكي على الحسين (عليه السَّلام) وعلى أبنائها الشهداء الأربعة ، ولم تزل حالتها هذه حتى التحقت بالرفيق الأعلى.
🔳: وفاتها:
تُوفيت هذه السيدة الجليلة في الثالث عشر مِن جمادى الآخرة سنة: 64 هـجرية في المدينة المنورة ودُفنت بالجانب الغربي من جنة البقيع حيث يتوافد الزائرون لزيارة مرقدها الطاهر.
🔳: ولائها للإمام الحسين (عليه السَّلام):
كانت أم البنين تحب الحسين (عليه السَّلام) وتتولاه إلى حدّ كبير يفوق المألوف ، ومما يدلّ على ذلك موقفها البطولي لدى وصول خبر إستشهاد الإمام الحسين (عليه السَّلام) إلى المدينة ، الموقف الذي لا ينمحي من ذاكرة التاريخ أبداً ، هذا الموقف الذي رفع من شأنها ومنحها منزلة رفيعة في قلوب المؤمنين.
يقول المامقاني في تنقيح المقال: ويستفاد قوّة إيمانها وتشيّعها من أنّ بشراً بعد وروده المدينة نعى إليها أحد أولادها الأربعة.

فقالت ما معناه: أخبرني عن أبي عبد الله الحسين (عليه السَّلام) ، فلمّا نعى إليها الأربعة قالت: قطّعت نياط قلبي ، أولادي ومَن تحت الخضراء كلّهم فداء لأبي عبد الله الحسين (عليه السَّلام) ، فإنّ عُلْقَتِها بالحسين ليس إلاّ لإمامته (عليه السَّلام) ، وتهوينها على نفسها موت مثل هؤلاء الأشبال الأربعة إن سَلِمَ الحسين (عليه السَّلام) يكشف عن مرتبة في الديانة رفيعة ، وإنّي اعتبرها لذلك من الحسان إن لم نعتبرها من الثقات.
ـــــــــــ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ

الشاعرة أم محمد الحِجِّاج

23 января 2021 12:37

أبو ذيه لسان حال مولاتي ام البنين عليها السلآم ...


بعده اخضر جرح گلبي .. ونادي

وبعدني حسين يمه اندب .. وانادي

بيت الحزن شيدته .. ونادي

وموكب للعزاء وحسينيّه

.....
.....

شوف العين وشّل تری .. مايه

وضعن السافرو للحين .. مايه

جروح الواجعه الدلال .. مايه / ١٠٠

او لو اجه الليل صارن ثلثميه

.....
.....

بيوت احزان من راحو .. بنينه

يتگطّع احس گلبي .. بنينه

المن عيشته الفاگد .. بنينه

يظل للٓاه والونه الشجيه

.....
.....

احلفك يانسيم الهاب .. بالله

تخبرهم بحالي شصار .. بال آه

باب البيت دمع العين .. بلّاه

ثلث مرات مابينو عليّه
.....
.....

أم محمد الحجاج/ العبادي

الشاعرة أم محمد الحِجِّاج

22 января 2021 17:20

نخوه لام البنين عليها السلآم ...


نطلب الحاجات من ام الوفه

بيهه ابو اليمه يروح نکلّفه

.....
.....

باب من بيبانه منطيهه الجليل
جاه عدهه شكبره تگضي المستحيل

بصدق نيه گلهه مولاتي دخيل

بس تشوفك دمع عينك تذرفه
.....
.....

بس تشوف دموعك اعله الخد تهل

تگلك البي جاي اخذه اورد سهل

بنظره منهه يزول همك لو حِمل
گبل لاتحچيه ويمهه تسولفه

.....
.....

باب حاجة صارت ام الاربعه

الخير عدهه وبيدهه امن اتوزّعه

تنطي بثواب البگه عالمشرعه

في سبيل الجود من يوم انچفه

.....
.....

مراد تنطي وماتقصر لليجي

تترس ايده ابابهه من يلتجي

جيتهه بحاجاتي واليوم ارتجي

هم البگلبي الكريمه تكشفه

.....
.....

همي من يثگل واحير بدنيتي

الغيرهه فشله اسولف حيرتي

بس اناجيهه واهلن دمعتي

وكون اگلهه بالعقيله محلّفه
.....
.....

أم محمد الحجاج/ العبادي

٢١ / ١ / ٢٠٢١

/channel/ommohamadalaebaadey

الشاعرة أم محمد الحِجِّاج

22 января 2021 14:33

انت الذيل يامن نازع الغيره

وما عنده ضمير الهيچ تفكيره

منكوبه على شبانهه الديره

تتشمت بيمن يالواطي

.....
.....

عادة الموت النه وهاي معروفه

لان شيعة علي وهيهات منعوفه

اكون مگابل يگابلنه ونشوفه

انگص من لحمه او وچلناه

.....
.....

مو بحزام ناسف جاينه الملعون

وانت تمجّد ابن سعود ابن صهيون

الزلمه وخوش زلمه اعلى السواتر كون

خل يوگف ونشوف افعاله

.....
.....

أم محمد الحجاج / العبادي


22 / 1 / 20 21

الشاعرة أم محمد الحِجِّاج

22 января 2021 07:44

زفيت الولد بس للگبر زفيت

ليلة حنه للعريس ماسويت

اجو ربعك ييمه وهلهلو بالبيت

بالتابوت نايم ليش مافزيت

جابو شمع عرسك جابو الچكليت

صواني يالولد يمه الك حطيت

مرتك هاي يبني وانت مارديت

.....
.....

أم محمد الحجاج/ العبادي

٢٢ / ١ / ٢٠٢١

الشاعرة أم محمد الحِجِّاج

22 января 2021 06:31

يادفان لا تدفن عراريس

عمت عين الگبر ياخذ الحلوين

آنه الوالده امهم رد الاولاد

الگبر بارد ويعوركم يترفين

اخاف تجيسكم ابرودت الگاع

اسم الله اعلى اسمكم ياضوه العين

بعد بنفوسكم شوگ العرس ليش

يمه للمگابر هسه ماشين

شحلات عيونكم يالچنکم ورود

ماشفتو بعدكم شي بالسنين

ياتعب امكم الراح بفرد يوم

وبس الصور ظلت عالحياطين

أم محمد الحجاج/ العبادي

الشاعرة أم محمد الحِجِّاج

20 января 2021 14:46

حين دنت ساعة وفاتها . كأني بها قالت بلسان الحال


بسچن غمّــضن للمــوت .. يجفون

جفوني الما حسبت بيوم ..يجفون

على نعشي ردت وليان .. يجفون

وسف ماحــضرو بوكــت المــنية


واويلاه يامولاتي ياام البنين


أم محمد الحجاج/ العبادي

〰〰〰〰〰〰〰

بعيــده اللــي يـوادع يرد واراه

واهـــو يــدري اجـــرن آه واراه

يريت ايحظر دفن الجسد واراه

ويهـيل تـراب بيـدينه السـخيـه


ام عباس العبادي

الشاعرة أم محمد الحِجِّاج

19 января 2021 14:43

نعي لوفاة مولاتي ام البنين عليها السلآم ...



عيونهه للباب تربي هلمسيه

ودمعاتهه للمااجو ظلت جريه


تريدك تجيهه بالعجل لاتبطي عنهه

حانت منيّتهه ومايحضرها ابنهه

الليله اخر ليله ياعباس چنهه

رادتکم تودعونهه يهل الحميه

.....
.....

محد يناشدهه ليش تجر بالونين

ليكربله دارت ونادت يبني يحسين

يانور عيني ماتجي تودع ام البنين

اتريد عندك تندفن بالغاضريه

.....
.....

وينه اليصل للشام لم عون ويگلهه

خل تحضر امها بالعجل تتوله غسلهه

لحد يشيل جنازتي ياناس خلهه

لمن تجيني الغاليه بنت الزچيه

.....
.....

ماتت ودمعتهه تصب محد حضرها

لازينب امن الشام اجت لا جه گمرها

اتمنت ابو السجاد ينزلهه بگبرها

ويجيب من شاطي الفرات اوياه امّيّه

.....
.....

آه يا مولاتي ياام البنين عليها السلآم

أم محمد الحجاج / العبادي

/channel/ommohamadalaebaadey

الشاعرة أم محمد الحِجِّاج

19 января 2021 13:34

بحق مولاتي ام البنين عليها السلآم



كون يهوس العباس .. لمّه من يشيعوها

الهوسه اهل المدينة هناك .. كلهم خل يسمعوها


.....
.....

يهوس كون بالبيرغ الجيدومه

وينصب چادر اليوم الولد يومه

البيارغ ماهي للنسوان معلومه

بس لم البنين اعلام تستاهل يرفعوها

.....
.....

ينشرون البيارغ الهه بس هيّه

والعباس تستاهل البدويّه

هيبه اسمچ لون ينجاب طاريّه

حگ الهوسه الچ هاليوم ولدچ من يهوسوها

.....
.....

ذِب رباط هوسه گبل زتتهه

بالميدان واتحزم بشيلتهه

حته تنام متهنّيه بنومتهه

يعباس اربعتكم كون .. للمگبره تزتوها

.....
.....

تدري امك شلون البين كاسرها

صوتك من تسمعه يطيب خاطرها

حلوه الهوسه لو عباس شاعرها

وجنازتهه بالبيرغ .. لو شلتوها غطوها

.....
.....

لفهه برايتك خل عطرك تشمه

وانعي بعالي صوتك يمه يايمه

نعمه الوالده وانفگدت النعمه

ظلمة من بعدهه البيت .. يامن فارگيتوها

.....
.....

ياام البنين

السلام على مولاتي باب الحوائج ام البنين


أم محمد الحجاج/ العبادي



١٩ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

18 января 2021 18:32

لسان حال مولاتي ام البنين عليها السلآم


للمجفين دم ياعين .. هملاي

راحو وبدليلي جبال .. هملاي

يطارش هاك اخذ مرسال .. هملاي

خبّرهم دِنت لي المنيّه

ام محمد الحجاج / العبادي

الشاعرة أم محمد الحِجِّاج

18 января 2021 17:17

نعي لسان حال مولاتي ام البنين عليها السلام ...

علی الباب
العين تتفكّر على الباب

بعازة احباب
كلّش الليله بعازة احباب

ترجع الغيّاب
للدار لو ترجع الغيّاب

الگلب عطاب
ناره سريه الگلب عطاب

.....
.....

بعوزوالي
العدهه بنين بعوز والي

يادلالي
سباح گلبي يادلالي

شوفو حالي
ردو ييمه شوفو حالي

سهر الليالى
جازو الربه وسهر الليالي

.....
.....

يالبعيدين
حنّو وتعالو يالبعيدين

امن ام الابنين
ماجاكم اعتاب امن ام الابنين

راحت العين
من يوم رحتو راحت العين

اروح لا وين
بشيبي وكبرتي اروح لاوين

.....
.....

جرح فرگه الاولاد شلون .. يبره

يمه وكسر گلبي شلون .. يبره

للرايح وجاي النظر .. يبره

واحبابي ولابينو عليه

.....
.....

أم محمد الحجاج / العبادي

الشاعرة أم محمد الحِجِّاج

18 января 2021 13:36

وفاة مولاتي أم البنين عليها السلآم .. امنياتها في الساعات الأخيرة ...


مسيت العافية اعليكم يغيّابي

روحي تريدكم هلليله يحبابي

حان الاجل يمه ومالكم جيه
لا انتم ولازينب المسبيه

روحي تريدكم هلليله يحبابي

.....
.....

خمستكم ولاواحد يجي الليله

ينشف العين من مدمعها ال اتسيله

اريدن ولد تابوتي يجي يشيله

وينعيلي بكثر ماچنت الوليله

آه يالوالده امي بطور حنّيه
لا انتم ولا زينب المسبيه

وين الله وابو فاضل يدگ بابي
روحي تريدكم هلليله يحبابي

.....
.....

ياونه الاونهه تگطع انياطي

اريد حسين والنايم على الشاطي

ياموتي اكون شويه متباطي

امهلني يجون البيهم زماطي

چا هذا الربه وهايه تواليه

لا انتم ولا زينب المسبيه

يمه ماوصلكم وني وعتابي
روحي تريدكم هلليله يحبابي

.....
.....

حلو التابوت كون الولد جنّازه

والمييت بهيبه تشيّعه عزازه
امهلني يموتي ليش تتوازه

لبو السجاد روحي الليله محتازه

يحضر موتتي الماضاگ الميّه

لاانتم ولا زينب المسبيه

امن امس لليوم عيني الدربك ترابي

روحي تريدكم هلليله يحبابي

.....
.....

كون الليله خمس اولادي يلفوني

بونّات المنيّه خل يسمعوني

شسوّه فراگهم بيّه يشوفوني

ابني حسين اريده يغمّض عيوني

الام بموتهه تحتاج البنيه

لاانتم ولا زينب المسبيه

آنه أم البنين الماشفه صوابي
روحي تريدكم هلليله يحبابي

.....
.....

تعالو الليله نشفولي دمع عيني

ونيني ودمعتي لعباس وحسيني

يزينب کونچ الليله تحضريني

اريدچ لو متت يمه تغسليني

واسمع بالمنازع ونّچ اعليه

لاانتم ولا زينب المسبيه

غريبه مااريد تجرّد ثيابي
روحي تريدكم هلليله يحبابي

.....
.....

أم محمد الحجاج/ العبادي

١٨ / ١ / ٢٠٢١


/channel/ommohamadalaebaadey