الشاعرة أم محمد الحِجِّاج

22 января 2021 07:21

الولد يمه الولد يمه


ربيتهم وافلست منهم

استعجل الدفان بدفنهم

الدم والتراب اصبح چفنهم

.....
.....

لاتونون
يترفين يمه لاتونون

يا بعد روح امكم شتردون

يالزغيرون
بالگبر شلك يالزغيرون

.....
.....

للموت ازفه

حاحسبت للموت ازفه

روحه ترفه
بعده شباب وروحه ترفه

محنه زلمه
من فيض دمه محنه زلفه

.....
.....

يدفان
بهداي وياهم يدفان

يلچم الشبان
اخاف اللحد يلچم الشبان

لاتغلگ البيبان
ظلمه الگبر لاتغلگ البيبان

.....
.....

اللهم أرحم شهدائنا واسكنهم فسيح جناتك والهم ذويهم الصبر والسلوان . وشافي الجرحى بشفاءك . والعن من قتل أبناءنا

انا لله وانا اليه راجعون


٢٢ / ١ / ٢٠٢١

الشاعرة أم محمد الحِجِّاج

20 января 2021 20:40

‏ذات الحجاب الأعوج كيف ستواجه من انكسر ضلعها خلف الباب مقابل أن تبقى العفّة مَصونة؟

اجت بوقتها اريد احجي عن هالشي…

البنات الي يروحن للامام الحسين( ع) وهنَّ ملونات مثل جدران الروضة .. شنو يستفادن
وشنو يحسن؟؟
شنو كمية التخلف الي شايلاتها
المكياج و لفة الشال والعلج طاق طاق والوگفة الاستعراضية الي هي بحث آخر ...وكأنما رايحات لعرس ابوهن...
تعرفين صحن الحسين شنو ؟؟؟
صحن الحسين يعني اضلاع مطحونة يعني سهم يعني نحر يعني عطش يعني السيدة زينب من الدلال للسبي يعني رقية خايفة يعني زين العابدين عليل وميكدر يگوم الابوه وبس يسمع اضلاعه تتكسر ويشوف الحُسين (ع) مذبوح!!!
لو مر مليون عام ولو اجه الف جيل تبقى مصيبة الحُسين
(مصيبة ما اعظمها واعظم رزيتها في الاسلام)..
ف الي يگول حرية شخصية هذا متخلف و متعربن اسفة على المصطلح بس هذا انسب شي اله ...
لان هذا الحُسين سيد الشهداء وسيد الاحرار
ماتقارن حريتك/چ الدنيوية بالحُسين
الحُسين ما استشهد علمود الدنيا ولا علمود سلطان وملك استشهد علمود الدين ...
ف حريتج الشخصية المستمدة من افكار الغرب خليها بعيد عن ضريح الحُسين وقضية الحُسين ...
(ولا يبدينَّ زينتهنَّ) .. 👉من القرآن كتاب الدين الذي دافع عنهُ الحسين
فإن كنت تدري فتلكَ مُصيبةٌ و إن كُنتَ لا تدري فالمصيبةُ أعظمُ

و فوگ هذا كُله تگول معليج الله يحاسبني أني و ربي..مو بس ؏ الحجاب ..؏ كل تصرف خطأ... زين هذي اللي تحجي هيج تعرف شنو القبر..منكر و نكير.. ليلة الوحشة...ضغطة القبر ( والعياذ بالله منها)...
واللهِ باللهِ لو تعرف ، كان اتعظت.. و ما گالت معليكم بذنوبي و لحد ينصحني آني و ربّي نتحاسب...

و بالآخير منگول غير..أُماهُ يا زهراء خُذي بأيدينا و لا تُفلتيها💔

روحي خربطي بكيفج
بس يم مكان مقدس يم طف الحسين !
عجيب امرهم والله…
واخيرا وليس آخراّ…

عليكَ منّي سَلامُ المُشتاقين سَيّدي . .

الشاعرة أم محمد الحِجِّاج

20 января 2021 13:50

نعي وفاة مولاتي أم البنين عليها السلآم ...


ردت دفان يدفني امن الاولاد

لچن ماصح يروحي كلهم بعاد

مالي احباب اويلي بهاي البلاد

ولا من طارش ويطويهه الاوهاد

يجد السير وايخبر ابو السجاد

يگله روح شيع امك الليله

.....
.....

من شط الفرات اخذ لمك ماي

غسلهه يصير منّه شگد تمنّت هاي

حنتلك او ونت ماتچن بفياي

عن اخبارك تسايل الراح وجاي

يرد سالم حسين ابني ونظر عيناي

امهم واربعتهم فدوه نغديله

.....
.....

من ارماد المخيم اخذ حفنه وياك

عطر لمن تشمه تلگه من ذكراك

راح الشوف منهه بكثر ماتنعاك

ليل انهار ماهوّدت من فرگاك

آه يحسين يبني شلون عود انساك

يوميه گبر تگعد وتبنيله

.....
.....


ابو ذيه

فده نذرت لبو اليمه .. وِلِدهه

وسالم تندعي يرجع .. وَلَدهه

الضاهدهه وتون منّه .. والادهى

حال ام عون من رجعت سبيه

.....
.....

ابن حذلم دخل ينعه .. مردهه

التگفّل بزينب شو .. مردهه

ندامه الروح اموّتهه .. مردهه

اصد شلون لبنات الزچيه

.....
.....

رد الضعن چاوينه .. عَلمكم

يوم الطب بشر ينعى .. عِلمكم

منيّه الخبر يايمه .. على امكم

شجاني ومارحت للغاضريه

.....
.....

أم محمد الحجاج/ العبادي

٢٠ / ١ / ٢٠٢٢


/channel/ommohamadalaebaadey

الشاعرة أم محمد الحِجِّاج

19 января 2021 14:21

حين دنت ساعة وفاتها . كأني بها قالت بلسان الحال

بسچن غمّضن للموت .. يجفون

جفوني الما حسبت بيوم .. يجفون

على نعشي ردت وليان .. يجفون

وسف ماحضرو بوكت المنية


واويلاه يامولاتي ياام البنين


أم محمد الحجاج/ العبادي

الشاعرة أم محمد الحِجِّاج

18 января 2021 20:10

لمولاتي ام البنين عليها السلآم



نعي


عندي اربع بنين وشيخ الحسين

امه تنازع وديوانه مسدود

لاهاون يدگ لا دلّته تفور

لا حضرت عمامه مشمره الزنود

التريد تموت امه يبني صيوان

ومضيفه امن الصبح لليل معگود

يم راس الحنينه يقره قرآن

ولو ونّت . دمعته تجيس الخدود

گرب لي الاجل وينك يعباس

بس احضرني مالازم بالزنود

لا جعفر ولاعثمان لا عون

يمه وينكم يالبيكم الزود

ردتكم للكبر والوكتي لودار

چاهوه الولد للكبره مريود

يشيل جنازت امه فوگ المتون

وينزلهه اعله كيف بذيچ الالحود

يگلهه مودعه الله بدمعة العين

عليهه الجزا تالي العمر مردود

.....
.....

ام محمد الحجاج / العبادي

الشاعرة أم محمد الحِجِّاج

18 января 2021 18:04

ابو ذيه لسان حال مولاتي أم البنين عليها السلام ...

لدربكم عيني هلليله .. ترابي

وعتاب شكثر يمه .. ترابي

اموت ومايهيل ابني .. ترابي

ولازاتوت منهم حضر ليه

.....
.....

أم محمد الحجاج/ العبادي

الشاعرة أم محمد الحِجِّاج

18 января 2021 14:18

لمولاتي ام البنين عليها السلام



هم اتعود الاحباب---- واسمع دگت الباب

......
.....


هم الهم بعد جيّه ويعودون

لمّتنه ترد وياي يگعدون

تشوف وجوهكم مشتاگه لعيون

وين الله وصدگ ترجع الغيّاب

واسمع دگت الباب
.....
.....

وين الله وترد ذيچ الليالي

وعزاز الگلب تگعد گبالي

بس النوح من راحو صفالي

ودمع العين ليل انهار سچاب

واسمع دگت الباب

.....
.....


سچاب الدمع والحسره واللوم

جفن العين حارب
لذت النوم

ليلي اگضيه مگالب وي الهموم

طيف وجوهكم عن عيني ماغاب

واسمع دگت الباب
.....
.....


احن الكم هواي بوكت الغروب

آه يحباب گلبي رحتو ياصوب

استاحش وروحي المغرب تلوب

عيني اعله الدرب وشوده وشجاب

واسمع دگت الباب

.....
.....


اگضي الليل بالدمعات والون

حرام ان چان كون عيوني يغفن

يگضن حيلي هالحسبات لواجن

گلبي انفطر من فرگاهم وذاب

واسمع دگت الباب

.....
.....


من يوم المشو متهدم الحيل

جرح افراگهم مايغفه بالليل

لا طارش اجاني لا مراسيل

وبگلبي جرح لليوم ما طاب

واسمع دگت الباب

.....
.....

ماينفع امعاتب بعد لا نوح

كون اوياهم تموتين ياروح

متروس الدليل هموم وجروح

من يوم الغفيتو حدر التراب

واسمع دگت الباب

.....
.....


ام محمد الحجاج//العبادي


١٧ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

18 января 2021 09:29

🏴🏴 وفاة مولاتي ام البنين عليها السلآم .. قصائد . نعي . هوسات 🏴🏴

الشاعرة أم محمد الحِجِّاج

17 января 2021 11:44

اللهم ارزقنا قبساً من نور فاطمة عليها السلام ..

وشجاعة فاطمة..
وشهامة فاطمة
وفقه فاطمة..
و عرفان فاطمة..
وبلاغة فاطمة..
و ورع فاطمة..
و عبادة فاطمة..
وزهد فاطمة..
واخلاق فاطمة..
وعفو فاطمة..
واحسان فاطمة..
واجعل في بيوتنا اثراً من بيت فاطمة .

اللهم اجعلنا من محبي فاطمة.. و موالي فاطمة.. وشيعة فاطمة .. لنفوز بـ"شفاعة فاطمة" (ع)🏴🏴🏴🏴🏴🏴🏴

الشاعرة أم محمد الحِجِّاج

17 января 2021 10:30

/channel/omsafaa2021

الشاعرة أم محمد الحِجِّاج

16 января 2021 20:34

روي أن أمير المؤمنين عليه السلام عندما استشهدت الزهراء عليها السلام وأودعها في قبرها وأهال عليها التراب، وقف (عليه السلام) على حافة القبر، وهو يروي ثراه بدموع عينيه، واندفع يُؤَبِّنها بهذه الكلمات التي تمثل لوعته وحزنه على هذا الرزء القاصم قائلاً:
السَّلام عَليكَ يا رسولَ الله عَنِّي وعنِ ابنَتِك النَّازِلَة في جوارك، السريعة اللحاق بك، قَلَّ يا رسولَ الله عن صَفِيَّتِك صَبرِي، وَرَقَّ عنها تَجَلُّدِي، إِلاَّ أنَّ في التأسِّي بِعظِيم فرقَتِك وَفَادحِ مُصِبَيتِك مَوضِعَ تَعَزٍّ، فَلَقد وَسَّدتُكَ فِي مَلحُودَةِ قَبرِك، وَفَاضَت بَينَ نَحري وصَدرِي نَفسُكَ.
إِنَّـا لله وإنَّا إليه راجعون، لقد استُرجِعَتْ الوَديعةُ، وأُخِذَتْ الرَّهينَة، أمَّا حُزنِي فَسَرْمَدْ، وَأمَّا لَيلِي فَمُسَهَّدْ، إلى أَنْ يختارَ اللهُ لي دارَك التي أنتَ بِها مُقيم، وَسَتُنَبِّئُكَ ابنتُكَ بِتَضَافُرِ أُمَّتِكَ على هَضمِها، فَاحفِهَا السُّؤَالَ، واستَخبِرْهَا الحَالَ.

الشاعرة أم محمد الحِجِّاج

16 января 2021 20:15

نعي ليلة استشهاد مولاتنا فاطمة الزهراء عليها السلام ... لما جن الليل على مولاتنا زينب واخوتها عليهم السلام ...


چانت من يجينه الليل . تغطينه بعبايتهه

وحضنها افراشنه الدافي . نغفه ونشم ريحتهه

تشم اولادها بلهفه . وترد تحضن ابنيتهه

الليله وينها امنه . شكبر بالدلر وحشتهه

نريد انّام مانگدر . ظلمه نشوف حجرتهه

راحت وين هالليله . التغطينه بمحنّتهه

نگعد ننتظر بالباب . ونسولف بسيرتهه

ابونه يعود تالي الليل . وانسأله اعله دفنتهه

شلونه الضلع المهشّم . امنه شلون نومتهه

وسٌعت اللحد بس كون . حته بهيده نزلتهه

ياخد بالتراب يصير . اخاف البيه سطرتهه

.....
.....

الليله العزا لم الحسن .. ينصاب

وي زينب دمع عيناي .. ينصاب

يريت وچم ضلع باللطم .. ينصاب

واكسرهن مثل ضلع الزچية

.....
.....


ام محمد الحجاج/ العبادي

الشاعرة أم محمد الحِجِّاج

16 января 2021 16:37

هوسات لاستشهاد مولاتي الزهراء عليها السلام


حس جبريل ينعه بلسمه الليله

شنهو الصار هز الكون بعويله

نعش ام الحسن بالليل رايح حيدر يشيله

لمن شاله عرش الله اهتز

.....
.....

شال جنازة الزهره ابو الحسنين

زينب من مشو ظلت تهل العين

تگله ادخيل بويه ماخذ امي وين

خلهه الليله ويانه تظل

.....
.....

ليش بليل رايح للگبر بيهه

ويانه يبويه الليله خليهه

بعد امي الحنينه وين الآگيهه

اتوادع .. خلوني اوياها

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 11:19

اللهم صل على محمد وآل محمد وعجل فرجهم


اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فیها طویلا.

اِلـهي عَظُمَ الْبَلاءُ، وَبَرِحَ الْخَفاءُ، وَانْكَشَفَ الْغِطاءُ، وَانْقَطَعَ الرَّجاءُ، وَضاقَتِ الاَرْضُ، وَمُنِعَتِ السَّماءُ، واَنْتَ الْمُسْتَعانُ، وَاِلَيْكَ الْمُشْتَكى، وَعَلَيْكَ الْمُعَوَّلُ فِي الشِدَّةِ والرَّخاءِ، اَللّـهُمَّ صَلِّ عَلى مُحَمَّد وَآلِ مُحَمَّد، اُولِي الاَمْرِ الَّذينَ فَرَضْتَ عَلَيْنا طاعَتَهُمْ، وَعَرَّفْتَنا بِذلِكَ مَنْزِلَتَهُمْ، فَفَرِّجْ عَنا بِحَقِّهِمْ فَرَجاً عاجِلاً قَريباً كَلَمْحِ الْبَصَرِ اَوْ هُوَ اَقْرَبُ، يا مُحَمَّدُ يا عَلِيُّ يا عَلِيُّ يا مُحَمَّدُ  اِكْفِياني فَاِنَّكُما كافِيانِ، وَانْصُراني فَاِنَّكُما ناصِرانِ، يا مَوْلانا يا صاحِبَ الزَّمانِ، الْغَوْثَ الْغَوْثَ الْغَوْثَ، اَدْرِكْني اَدْرِكْني اَدْرِكْني، السّاعَةَ السّاعَةَ السّاعَةَ، الْعَجَلَ الْعَجَلَ الْعَجَل، يا اَرْحَمَ الرّاحِمينَ، بِحَقِّ مُحَمَّد وَآلِهِ الطّاهِرين. 🙏

الشاعرة أم محمد الحِجِّاج

15 января 2021 15:50

محسن وامه طاحو لوسماوات

يبعد العافية إسم الله وسلامات

بعد الدم بالعتاب
والدخان بالباب

اسم الله وسلامات

.....
.....

دخيل الله ورسوله شصار ماصار

احمر صاير شمالك يبسمار

محني من شديد الضربه والنار

احس ريحة ضلع مكسور بالدار

ليش البيت فاهي
وين الزهره ماهي

تموت ام الحسن محسنهه لومات

يبعد العافية إسم الله وسلامات

.....
.....

باب الدار اشوفن توه مسحوگ

والقرآن يم العتبه مشگوگ

اشم جلباب فاطم چنه محروگ

اسمع ناعي ينعي بالعرش فوگ

وجه اطفالي مخطوف
بيّن بيهم الخوف

صفنه البيت اسمع
بس الآهآت

يبعد العافية إسم الله وسلامات

.....
.....

اثر للدم اجه امن الباب شفته

دم زهرت سنيني ابسع عرفته

والبسمار جارحها وخفتّه

اويلي شلون بالله اتحملتّه

گاطع حته العروگ
والدم واصل الفوگ

مدري اشچم ضلع هشمهن وفات

يبعد العافية إسم الله وسلامات

.....
.....

ذبلتي ونخطف لونچ يزهره

يامهجة علي ودنياه وعمره

مثل كسرت ضلوعچ گلبي كسره

ماينفع دوه بعد اشيجبره

هوه الگلبه مكسور
لو ون حگه معذور

مكابر يگضي عمره ابين شمات

يبعد العافية إسم الله وسلامات
.....
.....

شمسوين باوصافچ يترفه

جفنچ بعده مامگطوع نزفه

هذا السوّه هيچ فلان اعرفه

لوما هي الوصيه اگطعها چفه

چف الماله غيره
يكسر ضلع اميره

ماموجود حيدر ياحسافات

يبعد العافية إسم الله وسلامات


اللهم العن فلان وفلان
ومن اعانهم
.....
.....


أم محمد الحجاج/ العبادي

١٥ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

22 января 2021 06:31

يادفان لا تدفن عراريس

عمت عين الگبر ياخذ الحلوين

آنه الوالده امهم رد الاولاد

الگبر بارد ويعوركم يترفين

اخاف تجيسكم ابرودت الگاع

اسم الله اعلى اسمكم ياضوه العين

بعد بنفوسكم شوگ العرس ليش

يمه للمگابر هسه ماشين

شحلات عيونكم يالچنکم ورود

ماشفتو بعدكم شي بالسنين

ياتعب امكم الراح بفرد يوم

وبس الصور ظلت عالحياطين

أم محمد الحجاج/ العبادي

الشاعرة أم محمد الحِجِّاج

20 января 2021 14:46

حين دنت ساعة وفاتها . كأني بها قالت بلسان الحال


بسچن غمّــضن للمــوت .. يجفون

جفوني الما حسبت بيوم ..يجفون

على نعشي ردت وليان .. يجفون

وسف ماحــضرو بوكــت المــنية


واويلاه يامولاتي ياام البنين


أم محمد الحجاج/ العبادي

〰〰〰〰〰〰〰

بعيــده اللــي يـوادع يرد واراه

واهـــو يــدري اجـــرن آه واراه

يريت ايحظر دفن الجسد واراه

ويهـيل تـراب بيـدينه السـخيـه


ام عباس العبادي

الشاعرة أم محمد الحِجِّاج

19 января 2021 14:43

نعي لوفاة مولاتي ام البنين عليها السلآم ...



عيونهه للباب تربي هلمسيه

ودمعاتهه للمااجو ظلت جريه


تريدك تجيهه بالعجل لاتبطي عنهه

حانت منيّتهه ومايحضرها ابنهه

الليله اخر ليله ياعباس چنهه

رادتکم تودعونهه يهل الحميه

.....
.....

محد يناشدهه ليش تجر بالونين

ليكربله دارت ونادت يبني يحسين

يانور عيني ماتجي تودع ام البنين

اتريد عندك تندفن بالغاضريه

.....
.....

وينه اليصل للشام لم عون ويگلهه

خل تحضر امها بالعجل تتوله غسلهه

لحد يشيل جنازتي ياناس خلهه

لمن تجيني الغاليه بنت الزچيه

.....
.....

ماتت ودمعتهه تصب محد حضرها

لازينب امن الشام اجت لا جه گمرها

اتمنت ابو السجاد ينزلهه بگبرها

ويجيب من شاطي الفرات اوياه امّيّه

.....
.....

آه يا مولاتي ياام البنين عليها السلآم

أم محمد الحجاج / العبادي

/channel/ommohamadalaebaadey

الشاعرة أم محمد الحِجِّاج

19 января 2021 13:34

بحق مولاتي ام البنين عليها السلآم



كون يهوس العباس .. لمّه من يشيعوها

الهوسه اهل المدينة هناك .. كلهم خل يسمعوها


.....
.....

يهوس كون بالبيرغ الجيدومه

وينصب چادر اليوم الولد يومه

البيارغ ماهي للنسوان معلومه

بس لم البنين اعلام تستاهل يرفعوها

.....
.....

ينشرون البيارغ الهه بس هيّه

والعباس تستاهل البدويّه

هيبه اسمچ لون ينجاب طاريّه

حگ الهوسه الچ هاليوم ولدچ من يهوسوها

.....
.....

ذِب رباط هوسه گبل زتتهه

بالميدان واتحزم بشيلتهه

حته تنام متهنّيه بنومتهه

يعباس اربعتكم كون .. للمگبره تزتوها

.....
.....

تدري امك شلون البين كاسرها

صوتك من تسمعه يطيب خاطرها

حلوه الهوسه لو عباس شاعرها

وجنازتهه بالبيرغ .. لو شلتوها غطوها

.....
.....

لفهه برايتك خل عطرك تشمه

وانعي بعالي صوتك يمه يايمه

نعمه الوالده وانفگدت النعمه

ظلمة من بعدهه البيت .. يامن فارگيتوها

.....
.....

ياام البنين

السلام على مولاتي باب الحوائج ام البنين


أم محمد الحجاج/ العبادي



١٩ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

18 января 2021 18:32

لسان حال مولاتي ام البنين عليها السلآم


للمجفين دم ياعين .. هملاي

راحو وبدليلي جبال .. هملاي

يطارش هاك اخذ مرسال .. هملاي

خبّرهم دِنت لي المنيّه

ام محمد الحجاج / العبادي

الشاعرة أم محمد الحِجِّاج

18 января 2021 17:17

نعي لسان حال مولاتي ام البنين عليها السلام ...

علی الباب
العين تتفكّر على الباب

بعازة احباب
كلّش الليله بعازة احباب

ترجع الغيّاب
للدار لو ترجع الغيّاب

الگلب عطاب
ناره سريه الگلب عطاب

.....
.....

بعوزوالي
العدهه بنين بعوز والي

يادلالي
سباح گلبي يادلالي

شوفو حالي
ردو ييمه شوفو حالي

سهر الليالى
جازو الربه وسهر الليالي

.....
.....

يالبعيدين
حنّو وتعالو يالبعيدين

امن ام الابنين
ماجاكم اعتاب امن ام الابنين

راحت العين
من يوم رحتو راحت العين

اروح لا وين
بشيبي وكبرتي اروح لاوين

.....
.....

جرح فرگه الاولاد شلون .. يبره

يمه وكسر گلبي شلون .. يبره

للرايح وجاي النظر .. يبره

واحبابي ولابينو عليه

.....
.....

أم محمد الحجاج / العبادي

الشاعرة أم محمد الحِجِّاج

18 января 2021 13:36

وفاة مولاتي أم البنين عليها السلآم .. امنياتها في الساعات الأخيرة ...


مسيت العافية اعليكم يغيّابي

روحي تريدكم هلليله يحبابي

حان الاجل يمه ومالكم جيه
لا انتم ولازينب المسبيه

روحي تريدكم هلليله يحبابي

.....
.....

خمستكم ولاواحد يجي الليله

ينشف العين من مدمعها ال اتسيله

اريدن ولد تابوتي يجي يشيله

وينعيلي بكثر ماچنت الوليله

آه يالوالده امي بطور حنّيه
لا انتم ولا زينب المسبيه

وين الله وابو فاضل يدگ بابي
روحي تريدكم هلليله يحبابي

.....
.....

ياونه الاونهه تگطع انياطي

اريد حسين والنايم على الشاطي

ياموتي اكون شويه متباطي

امهلني يجون البيهم زماطي

چا هذا الربه وهايه تواليه

لا انتم ولا زينب المسبيه

يمه ماوصلكم وني وعتابي
روحي تريدكم هلليله يحبابي

.....
.....

حلو التابوت كون الولد جنّازه

والمييت بهيبه تشيّعه عزازه
امهلني يموتي ليش تتوازه

لبو السجاد روحي الليله محتازه

يحضر موتتي الماضاگ الميّه

لاانتم ولا زينب المسبيه

امن امس لليوم عيني الدربك ترابي

روحي تريدكم هلليله يحبابي

.....
.....

كون الليله خمس اولادي يلفوني

بونّات المنيّه خل يسمعوني

شسوّه فراگهم بيّه يشوفوني

ابني حسين اريده يغمّض عيوني

الام بموتهه تحتاج البنيه

لاانتم ولا زينب المسبيه

آنه أم البنين الماشفه صوابي
روحي تريدكم هلليله يحبابي

.....
.....

تعالو الليله نشفولي دمع عيني

ونيني ودمعتي لعباس وحسيني

يزينب کونچ الليله تحضريني

اريدچ لو متت يمه تغسليني

واسمع بالمنازع ونّچ اعليه

لاانتم ولا زينب المسبيه

غريبه مااريد تجرّد ثيابي
روحي تريدكم هلليله يحبابي

.....
.....

أم محمد الحجاج/ العبادي

١٨ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

17 января 2021 13:50

بسم الله الرحمن الرحيم
السلام عليكم ورحمة الله وبركاته
بمناسبه قرب وفاه السيده ام البنين الطاهره ع تم نشر اكثر من ٤٠٠ من القصائد الخاصه بهذه المناسبة ( نعي ، ابوذيه ، مقدمه ، ثقيل، نزلات، شور، محاضره) على الرابط التالي

https://t.me/joinchat/AAAAAERVlQu2TaN8ejCHEw

#الناشر_الحاج_فلاح_حسن

الشاعرة أم محمد الحِجِّاج

17 января 2021 11:12

السؤال: ما هو مصحف فاطمة وما هو محتواه ومن كتبه وجمعه؟ وهل له علاقة بالقرآن؟

الجواب:‌
السلام عليكم ورحمة الله وبركاته
قد وردت روايات عن طريق أهل البيت (عليهم السلام) بوجود كتاب تختّص به فاطمة (عليها السّلام) يعبّر في لسان الأخبار بمصحف فاطمة (عليها السلام) أو اللّوح من إملاء جبرئيل (عليه السلام) عليها، فيه أخبار بالمغيّبات والحوادث الكائنة في المستقبل ومنها ذكر الأوصياء (عليهم السلام) بعد النبي (صلّى الله عليه وآله وسلّم).
ثمّ إنّ هذا الكتاب كان ولا يزال عند الأئمة الاثني عشر (عليهم السلام) يستفيدون منه حيث يشاؤون.
فاتضّح مما ذكرناه بأن لا علاقة لهذا المصحف بالقرآن ـ كما افترى البعض على الشيعة ـ بل إنّهما متمايزان كمّاً وكيفاً ـ كما عليه صريح روايات الشيعة.ففي بعضها: (ما هو بالقرآن) . وفي الآخر: (مصحف فيه مثل قرآنكم هذا ثلاث مرّات، والله ما فيه من قرآنكم حرف واحد) (بصائر الدرجات: 3/151، والكافي: 1/238).
ودمتم في رعاية الله

الشاعرة أم محمد الحِجِّاج

17 января 2021 08:17

اول صبحيه لفقد الزهراء عليها السلام

نعي اطوار متعددة



اليوم من صار الصبح . شيگل علي لولاده

صبحكم الله بالجرح . ماهيّه ام الساده

شلونكم وي الدمع . والحزن صار وساده

تدرون ابوكم للفجر . حسراته تچوي افّاده

حسبالي تصبح فاطمة . بالبيت مثل العاده
.....
.....

وجوهكم صبحن صفر . والسهر بيهه شسوه

عظم الباري النه الاجر . يرزقنه دمع السلوه

البيت مابي فاطمة . الگعده صارت گوه

مخنوگ مااجر النفس . موجوع احس واتلوّه

البيت اصبح مگبره . يطلع صبح مااهوه

.....
.....

هابويه زينب ساكته . انعيلي بالله شويه

عطشان ماشابع بچي . تدرين حزن البيه

حلوه النواعي امن الصبح . لمها تون لبنيه

صوتچ عبرته مكسره . وشكثر بي حنيه

يالحانيه ضلوعچ حزن . من هسه چن مسبيه

.....
.....

نعي مجاريد

زينب يبويه اهدمتي حيلي

وأنه البارحة مانمت ليلي

عله امچ بعد بيتي انعيلي

.....
.....

تگله يبويه راحت امي

الچانت تشارکني بهمي

ابچي عليهه العين لعمي

.....
.....

صبّح اليوم الحيل مهدوم

عيني البارحه ماشافت النوم

گلبي يريد الوالده اليوم

.....
.....

اخذنه يبويه نروح ليهه

تدريني متعلمه عليهه

الراحت امها شلون بيهه

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 20:19

#السلام_على_مكسورة_الأضلاع💔
#لعن_الله_قاتليك_يازهراء
#تقرأ ★•• شوط كربلائي وبألحان ثقيلة وسريعة وكذلك بأطوار نعي التغريد الحزين-ياجبريل نترجاك-لفى عاشور وغيرها••★

ينوح اليوم ابو الحسنين .. وعلى الزهره يهل دمعة
يگلها اشوفچ اتلوجين .. شنهو اليوجع البضعة
⚡️⚡️⚡️⚡️⚡️

تگله اگعد ياماي العين .. اسمعني يبن عمي
تراني گربت منيتي .. وعنكم راحله بهمي
أمس جاني أبوي بطيف .. گلي تگربي يمي

بهالليله لنا تحضرين
أبد يبنيتي لتهمين
زينب والحسن وحسين
بأمان الله يبعد الروح .. ألهم ماألچ رجعة

✍🏻#أم_حسين_الأسدي
✺✺—————✺✺—————✺✺

ألموني يبو الحسنين .. وكسروه الضلع مني
سگطو محسن وليدي .. وزيدو هضمي ووني
صحت فضة دلحگيلي .. گرب مني الأجل چني

ردتك يمي يالكرار
من شبو عليّه النار
تعاين عالجرى والصار
لو حاضر چنت يمي .. چا ما شفت انه صفعة

✍🏻#ولائـية_وافتـخر (دعاء العامري)
✺✺—————✺✺—————✺✺

شيّعني بتوالي الليل .. واخفي يا علي گبري
ماريد الغصب حقي .. لو خذت النعش يدري
أروح اشكي لرسول الله .. مصيبة محسن وكسري

أخبره بفعلت الجاني
الأول شارك الثاني
حين اتواري جثماني
الگالوله ام حسن بالدار .. حرام اعليه يجي يشيعة

✍🏻#أم_محمد_الحجاج/ العبادي
✺✺—————✺✺—————✺✺

من اتواري جثماني .. أبقى يا علي شويه
أقره اعله الگبر قرآن .. وحدي ويوحش اعليه
ما متعوده عالفرگه .. هواي بگلبي حنّيه

يسعدي ودنيتي كلهه
ياعشره الولا املهه
شلون الفرگه احملهه
العايش بالگلب والروح .. يصعب لمن نودعة

✍🏻#أم_محمد_الحجاج/ العبادي
✺✺—————✺✺—————✺✺

من ترجع إلى داري .. بهونك بس تِدخله الدار
تشوف حسين ابو اليمّه .. قاعد يعتب بسمار
دموعه اتغرّق اخدوده .. وحاضن شيلتي تذكار

يجر حسره بأثر حسره
يدگ ويلطم ابصدره
واخته اتساعده بعبره
الدنيه هاي ما تِرحمهم .. باكر بالذّبح صرعى

✍🏻#خادمة_أبي_الفضل
✺✺—————✺✺—————✺✺

الشاعرة أم محمد الحِجِّاج

16 января 2021 17:12

استشهاد مولاتنا فاطمة الزهراء عليها السلام

ختامية مجلس

الماتت امها تريد عونه لللطم

.....
.....

من مشه جنازها

الماتت امها تريد عونه لللطم
تصرخ وراها عازوها

الماتت امها تريد عونه لللطم

بعده الگلب محتازها

الماتت امها تريد عونه لللطم

عفتيني يمه للهظم

تريد عونه لللطم

.....
.....

اتوانه يادفانهه

الماتت امها تريد عونه لللطم

خليني اشم احضانهه

الماتت امها تريد عونه لللطم

هلبت تفك ذرعانهه

الماتت امها تريد عونه لللطم

اتوادع اوياها واشم

تريد عونه لللطم

.....
.....

خلوني اودع الوالده

الماتت امها تريد عونه لللطم

وتسمع الونه الچايده

الماتت امها تريد عونه لللطم

يالحمّليتي وباعده

الماتت امها تريد عونه لللطم

الحيل يمه ينهدم

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 15:07

استشهاد مولاتنا فاطمة الزهراء عليها السلام


فزاعية وهوسه

ماتت فاطمة نصبو العزيات
ارتج الكون واركان السماوات

.....
.....

اظلم كونهه والدنيه مرجونه

وصايح بالسمه ماتت المحزونه

الليله المصطفى راحو يعازونه

بالزهره الماتت مهظومه

ماتت فاطمة نصبو العزيات
.....
.....

صارت فاتحه بسابع سمه الليله

نعش ام الحسن رايح علي يشيله

يم امها العقيله المدمع تسيله

شبگت تابوت المظلومه

ماتت فاطمة نصبو العزيات

.....
.....

گومو نروح كلنه نشيّع الزهره

وينه اليلطم الليله ويدگ صدره

ونواسي بلطمنه زينب الحره

ونوسّع ميدان الهوسه

ماتت فاطمة نصبو العزيات

.....
.....

زينب ماتت امها تريد عوانه

عرش الله عليهه ينعن اركانه

ظلت عالجنازه تنوح حزنانه

كل احنه الليله نعازيهه

ماتت فاطمة نصبو العزيات

.....
.....

نعش ام الحسن راحو يشيلونه

خنگابل ابنيتهه الزغيرونه

للمبچه تريد اوللطم عونه

نتگابل وندگ وياها

ماتت فاطمة نصبو العزيات

.....
.....

شالوه النعش بالليل من يمها

الله يعينهه من ابعدو بامها

يمه تصيح وبعبره تكلمها

يالشلتو امي اخذوني اوياها

ماتت فاطمة نصبو العزيات

ارتج الكون وأركان السماوات

.....
.....

آجرك الله يارسول الله

انت المعزى يا صاحب الزمان

عظم الله لكم الاجر ياشيعة علي عليه السلام


ام محمد الحجاج/ العبادي

١٦ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

15 января 2021 17:16

لمصيبة مولاتي الزهراء عليها السلام

نعي مجرد

هجمو على دار الزچيه
ماچنهه بت سيد البريه
ظلت تون ونه خفيه
الحد مادنت ليهه المنيه
.....
.....

زينب تشوف امها عليله
تحاچيهه والمدمع تسيله
ماغمضت عينچ الليله
تونين والونه ثگيله

.....
.....

يمه لاتونين
زهره ييمه لا تونين

سطرت العين
ماذيچ الضلع لوسطرت العين

يمه الوجعچ وين
خليني اجس اليوجعچ وين

مايرحم البين
شبيدي عليه مايرحم البين

.....
.....


أم محمد الحجاج/ العبادي

الشاعرة أم محمد الحِجِّاج

14 января 2021 08:19

بعلي شمسويه الاحزان

راح الليله دفان

حيل منين خاطر يدفن الزهره

مو هيّه الدفنهه چن دفن عمره

اويلاه اويلاه

الشاعرة ام محمد الحجاج العبادي
صوت قيصر أبو منتظر الإمارة