الشاعرة أم محمد الحِجِّاج

18 января 2021 09:29

🏴🏴 وفاة مولاتي ام البنين عليها السلآم .. قصائد . نعي . هوسات 🏴🏴

الشاعرة أم محمد الحِجِّاج

17 января 2021 11:44

اللهم ارزقنا قبساً من نور فاطمة عليها السلام ..

وشجاعة فاطمة..
وشهامة فاطمة
وفقه فاطمة..
و عرفان فاطمة..
وبلاغة فاطمة..
و ورع فاطمة..
و عبادة فاطمة..
وزهد فاطمة..
واخلاق فاطمة..
وعفو فاطمة..
واحسان فاطمة..
واجعل في بيوتنا اثراً من بيت فاطمة .

اللهم اجعلنا من محبي فاطمة.. و موالي فاطمة.. وشيعة فاطمة .. لنفوز بـ"شفاعة فاطمة" (ع)🏴🏴🏴🏴🏴🏴🏴

الشاعرة أم محمد الحِجِّاج

17 января 2021 10:30

/channel/omsafaa2021

الشاعرة أم محمد الحِجِّاج

16 января 2021 20:34

روي أن أمير المؤمنين عليه السلام عندما استشهدت الزهراء عليها السلام وأودعها في قبرها وأهال عليها التراب، وقف (عليه السلام) على حافة القبر، وهو يروي ثراه بدموع عينيه، واندفع يُؤَبِّنها بهذه الكلمات التي تمثل لوعته وحزنه على هذا الرزء القاصم قائلاً:
السَّلام عَليكَ يا رسولَ الله عَنِّي وعنِ ابنَتِك النَّازِلَة في جوارك، السريعة اللحاق بك، قَلَّ يا رسولَ الله عن صَفِيَّتِك صَبرِي، وَرَقَّ عنها تَجَلُّدِي، إِلاَّ أنَّ في التأسِّي بِعظِيم فرقَتِك وَفَادحِ مُصِبَيتِك مَوضِعَ تَعَزٍّ، فَلَقد وَسَّدتُكَ فِي مَلحُودَةِ قَبرِك، وَفَاضَت بَينَ نَحري وصَدرِي نَفسُكَ.
إِنَّـا لله وإنَّا إليه راجعون، لقد استُرجِعَتْ الوَديعةُ، وأُخِذَتْ الرَّهينَة، أمَّا حُزنِي فَسَرْمَدْ، وَأمَّا لَيلِي فَمُسَهَّدْ، إلى أَنْ يختارَ اللهُ لي دارَك التي أنتَ بِها مُقيم، وَسَتُنَبِّئُكَ ابنتُكَ بِتَضَافُرِ أُمَّتِكَ على هَضمِها، فَاحفِهَا السُّؤَالَ، واستَخبِرْهَا الحَالَ.

الشاعرة أم محمد الحِجِّاج

16 января 2021 20:15

نعي ليلة استشهاد مولاتنا فاطمة الزهراء عليها السلام ... لما جن الليل على مولاتنا زينب واخوتها عليهم السلام ...


چانت من يجينه الليل . تغطينه بعبايتهه

وحضنها افراشنه الدافي . نغفه ونشم ريحتهه

تشم اولادها بلهفه . وترد تحضن ابنيتهه

الليله وينها امنه . شكبر بالدلر وحشتهه

نريد انّام مانگدر . ظلمه نشوف حجرتهه

راحت وين هالليله . التغطينه بمحنّتهه

نگعد ننتظر بالباب . ونسولف بسيرتهه

ابونه يعود تالي الليل . وانسأله اعله دفنتهه

شلونه الضلع المهشّم . امنه شلون نومتهه

وسٌعت اللحد بس كون . حته بهيده نزلتهه

ياخد بالتراب يصير . اخاف البيه سطرتهه

.....
.....

الليله العزا لم الحسن .. ينصاب

وي زينب دمع عيناي .. ينصاب

يريت وچم ضلع باللطم .. ينصاب

واكسرهن مثل ضلع الزچية

.....
.....


ام محمد الحجاج/ العبادي

الشاعرة أم محمد الحِجِّاج

16 января 2021 16:37

هوسات لاستشهاد مولاتي الزهراء عليها السلام


حس جبريل ينعه بلسمه الليله

شنهو الصار هز الكون بعويله

نعش ام الحسن بالليل رايح حيدر يشيله

لمن شاله عرش الله اهتز

.....
.....

شال جنازة الزهره ابو الحسنين

زينب من مشو ظلت تهل العين

تگله ادخيل بويه ماخذ امي وين

خلهه الليله ويانه تظل

.....
.....

ليش بليل رايح للگبر بيهه

ويانه يبويه الليله خليهه

بعد امي الحنينه وين الآگيهه

اتوادع .. خلوني اوياها

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 11:19

اللهم صل على محمد وآل محمد وعجل فرجهم


اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فیها طویلا.

اِلـهي عَظُمَ الْبَلاءُ، وَبَرِحَ الْخَفاءُ، وَانْكَشَفَ الْغِطاءُ، وَانْقَطَعَ الرَّجاءُ، وَضاقَتِ الاَرْضُ، وَمُنِعَتِ السَّماءُ، واَنْتَ الْمُسْتَعانُ، وَاِلَيْكَ الْمُشْتَكى، وَعَلَيْكَ الْمُعَوَّلُ فِي الشِدَّةِ والرَّخاءِ، اَللّـهُمَّ صَلِّ عَلى مُحَمَّد وَآلِ مُحَمَّد، اُولِي الاَمْرِ الَّذينَ فَرَضْتَ عَلَيْنا طاعَتَهُمْ، وَعَرَّفْتَنا بِذلِكَ مَنْزِلَتَهُمْ، فَفَرِّجْ عَنا بِحَقِّهِمْ فَرَجاً عاجِلاً قَريباً كَلَمْحِ الْبَصَرِ اَوْ هُوَ اَقْرَبُ، يا مُحَمَّدُ يا عَلِيُّ يا عَلِيُّ يا مُحَمَّدُ  اِكْفِياني فَاِنَّكُما كافِيانِ، وَانْصُراني فَاِنَّكُما ناصِرانِ، يا مَوْلانا يا صاحِبَ الزَّمانِ، الْغَوْثَ الْغَوْثَ الْغَوْثَ، اَدْرِكْني اَدْرِكْني اَدْرِكْني، السّاعَةَ السّاعَةَ السّاعَةَ، الْعَجَلَ الْعَجَلَ الْعَجَل، يا اَرْحَمَ الرّاحِمينَ، بِحَقِّ مُحَمَّد وَآلِهِ الطّاهِرين. 🙏

الشاعرة أم محمد الحِجِّاج

15 января 2021 15:50

محسن وامه طاحو لوسماوات

يبعد العافية إسم الله وسلامات

بعد الدم بالعتاب
والدخان بالباب

اسم الله وسلامات

.....
.....

دخيل الله ورسوله شصار ماصار

احمر صاير شمالك يبسمار

محني من شديد الضربه والنار

احس ريحة ضلع مكسور بالدار

ليش البيت فاهي
وين الزهره ماهي

تموت ام الحسن محسنهه لومات

يبعد العافية إسم الله وسلامات

.....
.....

باب الدار اشوفن توه مسحوگ

والقرآن يم العتبه مشگوگ

اشم جلباب فاطم چنه محروگ

اسمع ناعي ينعي بالعرش فوگ

وجه اطفالي مخطوف
بيّن بيهم الخوف

صفنه البيت اسمع
بس الآهآت

يبعد العافية إسم الله وسلامات

.....
.....

اثر للدم اجه امن الباب شفته

دم زهرت سنيني ابسع عرفته

والبسمار جارحها وخفتّه

اويلي شلون بالله اتحملتّه

گاطع حته العروگ
والدم واصل الفوگ

مدري اشچم ضلع هشمهن وفات

يبعد العافية إسم الله وسلامات

.....
.....

ذبلتي ونخطف لونچ يزهره

يامهجة علي ودنياه وعمره

مثل كسرت ضلوعچ گلبي كسره

ماينفع دوه بعد اشيجبره

هوه الگلبه مكسور
لو ون حگه معذور

مكابر يگضي عمره ابين شمات

يبعد العافية إسم الله وسلامات
.....
.....

شمسوين باوصافچ يترفه

جفنچ بعده مامگطوع نزفه

هذا السوّه هيچ فلان اعرفه

لوما هي الوصيه اگطعها چفه

چف الماله غيره
يكسر ضلع اميره

ماموجود حيدر ياحسافات

يبعد العافية إسم الله وسلامات


اللهم العن فلان وفلان
ومن اعانهم
.....
.....


أم محمد الحجاج/ العبادي

١٥ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

09 января 2021 08:59

#في_ خدمة_ الرواديد_ والقراء
#حديث بين السيدة زينب ع وامها الزهراء ع:



قلبي .. اعلن حِداده ومأتمه
قلبي .. ذابل يا يُمّه فاطمة
قلبي .. نزفه على ضلوعك دِمه .. قلبي

،،،،،،،،،،،، ،،،،،،،،،،،، ،،،،،،،،،،،،

تحكي زينب وي امها بعين عبره
خلني يا يُمه اشمّك بيّه جمره
يعني من هسه عذابي وياي حسره
وباكر اعيون الشّماته آه يزهره

رِدي حيلي بغيابك انمرد
رِدي وين القى مثلِك هم بعد
رِدي بعدك أموت امألمه .. قلبي

،،،،،،،،،،،،،، ،،،،،،،،،،،،،، ،،،،،،،،،،،

عيني ما غمضت تريدك ترتجيك
طبعك الطّيبة وحنينه ادري بيك
قلبي يا يُمّه ترى امعلم عليك
ردّي ليّه ليله اغفى ابين اديك

حزني .. جاري بحياتي ابكل وقت
حزني .. بساعت وداعك بيه صحت
حزني .. تبكي البكاي ارض وسمه ..قلبي

،،،،،،،،،،،،،، ،،،،،،،،،،،،،، ،،،،،،،،،،،

ادليلي بفراقك تفطر خوفي باكر
ابقى وحدي ابلا انيسي بيوم عاشر
وانظر حسيني وضلوعه ايرضها حافر
حتى راسه عالعواسل خصمه شاهر

ادري .. عندي تفاصيل الجرح
ادري .. قالتلي امي عن ذبح
ادري .. بحافر ضلوعه امهشمه .. قلبي

،،،،،،،،،،،،،، ،،،،،،،،،،،،، ،،،،،،،،،،،،

يُمّه لاترحين عنّي يالزكيّه
ليلة الحادي عشر بالغاضريّه
اخْوِتي كلهم ضحايا عالوطيّه
هناك يُمّه احتاجك امن امسي سبيّه

حيره .. تدرين يُمّه بكربله
حيره .. اتكفّل آنه بعايله
حيره .. ليلة مآسي ومظلمه ..قلبي


✍خادمة أبي الفضل _ ✍ام محمد الحجاج/ العبادي

الشاعرة أم محمد الحِجِّاج

07 января 2021 20:11

اللهم عجل لوليك الفرج
.....
.....



ليليه الحنين يفزز الروح

ونار الشوگ تچوي الساهر الليل

على جروف انتظاري تايه الشوف

وإلاهات ارتل بيهه ترتيل

يتعب الينتظر ليل وجرح بي

اليتاني بلايه موعد ينوجع حيل

طويل الليل وتسامرني الهموم

والدمعات ابعثهن مراسيل

مو دمعات تنزل ينزل الشوف

وبگاية الروح وي ابچاهن تسيل

.....
.....

ام محمد الحجاج / العبادي

الشاعرة أم محمد الحِجِّاج

07 января 2021 19:21

يا دائِمَ الفضل عَلى البرية يا باسِطَ الْيَدَيْنِ بِالْعَطية يا صاحِبَ الْمَواهِبِ السنية صَل عَلى محمد وَآلِهِ خير الورى سجية واغفر لَنا يا ذَا الْعُلى فى هذِهِ الْعشيه


اللهم صل على محمد وآل محمد وعجل فرجهم

الشاعرة أم محمد الحِجِّاج

05 января 2021 17:57

نعي للقاسم بن الامام الكاظم عليهما السلام

اويلاه من حانت منيته
محد حضر من اهل بيته
بس بنته وصاها بوصيته
.....
.....

گلهه يروحي وگرة العين
لهلچ يبويه من تروحين
اهلچ عشيرة هناك تلگين
.....
.....

حيهم يهل گلبي يالاطياب
گبال الباب صيحي بصوت العتاب
ابنكم مات وسفه بين الاجناب
.....
.....


مات ويدير العين كل ساع
واتمنه تحضرونه يالسباع
ويشوف اخوته گبل الاوداع

.....
.....


ام محمد الحجاج / العبادي

الشاعرة أم محمد الحِجِّاج

04 января 2021 20:20

ابو ذيه لمولاي القاسم بن الامام الكاظم عليهما السلام
،،،،،،،،،،


ضعني ابين ديرة غرب، ... من ناخ

صفگت ايدي واجرن آخ ... من آخ

اون محروم من الاهل ... من أخ

ردتهم حين وافتني المنيه
.....
....


ام محمد الحجاج / العبادي

الشاعرة أم محمد الحِجِّاج

04 января 2021 08:17

مررت بدارنا شوقاا إليهم.......

لعلي ألمح الأحباب فيها.......

فما من نائم في الدار يصحو.......

وما من زائر يدنو إليهم.......

سألت الجار عن الأخبار قل لي......

فقال الدار أبقى من ذويها.......

أما تعلم بأن الناس تمضي.......

وإن الدار تنعي ساكنيها.......


رحم الله من عشنا معهم اجمل السنين

الشاعرة أم محمد الحِجِّاج

03 января 2021 09:55

بمناسبة الذكرى السنوية لوفاة والدي رحمه الله تعالى والى كل من فقد الاحبة .. لسان حال مولاتي العليلة عليها السلام .. مولاتي ام البنين عليها السلآم ..




فارگيناهم .. العاشريناهم

گلوبنه ليهم تحن .. مانسيناهم

.....
.....

گلوبنه ليهم تحن توجع الفرگه

الفاگد عزاز الگلب من يون حگه

العاشريناهم مشو مابعد ملگه
ذكرى منهم بس صور ظلت امعلگه

عاتبيناهم .. ردنه ملگاهم

حگه المفارگ يون مانسيناهم

.....
.....

حگه المفارگ يون للمشو خله

يموت كون بحسرته بالعمر شلّه

افراگهم ماينحمل بالله شيحمله

عمره ونّات وحزن ينگضي كله

ضيعيناهم .. العشنه وياهم
آه يليالي المضن .. مانسيناهم

.....
.....

ارواحنه تريد المشو حنت اعليهم

افراگهم ماينجرع وين الآگيهم

بالمگابر واللحد تراب غاطيهم

ماالهم باب ونطب من نجي ليهم

بذل بلياهم .. طوّل اجفاهم

فارگتنه يازمن .. مانسيناهم

.....
.....

العشنه وياهم عمر مُره وبحلوه

الموت فارگنه غفل فرگته گوّه

من بعدكم دنيتي والله ماتسوّه

طشّر احباب الگلب دهري اشسوّه

وين يادنيه الشمل ابعد ونوّه

والفگدناهم .. حيل نهواهم

ضعونهم لمن مشن .. مانسيناهم

.....
.....

دوم خوان الدهر مارحم حالي

غالي يتخير صبح من بعد غالي

احبابي ترس المگبره شنهو خلالي

كون وياهم متت آنه واشوالي

هيبه ردناهم .. صبّحو ماهم

عيونّه اعليهم عمن .. مانسيناهم

.....
.....

أم محمد الحجاج / العبادي


٣ / ١ / ٢٠٢١

الشاعرة أم محمد الحِجِّاج

17 января 2021 13:50

بسم الله الرحمن الرحيم
السلام عليكم ورحمة الله وبركاته
بمناسبه قرب وفاه السيده ام البنين الطاهره ع تم نشر اكثر من ٤٠٠ من القصائد الخاصه بهذه المناسبة ( نعي ، ابوذيه ، مقدمه ، ثقيل، نزلات، شور، محاضره) على الرابط التالي

https://t.me/joinchat/AAAAAERVlQu2TaN8ejCHEw

#الناشر_الحاج_فلاح_حسن

الشاعرة أم محمد الحِجِّاج

17 января 2021 11:12

السؤال: ما هو مصحف فاطمة وما هو محتواه ومن كتبه وجمعه؟ وهل له علاقة بالقرآن؟

الجواب:‌
السلام عليكم ورحمة الله وبركاته
قد وردت روايات عن طريق أهل البيت (عليهم السلام) بوجود كتاب تختّص به فاطمة (عليها السّلام) يعبّر في لسان الأخبار بمصحف فاطمة (عليها السلام) أو اللّوح من إملاء جبرئيل (عليه السلام) عليها، فيه أخبار بالمغيّبات والحوادث الكائنة في المستقبل ومنها ذكر الأوصياء (عليهم السلام) بعد النبي (صلّى الله عليه وآله وسلّم).
ثمّ إنّ هذا الكتاب كان ولا يزال عند الأئمة الاثني عشر (عليهم السلام) يستفيدون منه حيث يشاؤون.
فاتضّح مما ذكرناه بأن لا علاقة لهذا المصحف بالقرآن ـ كما افترى البعض على الشيعة ـ بل إنّهما متمايزان كمّاً وكيفاً ـ كما عليه صريح روايات الشيعة.ففي بعضها: (ما هو بالقرآن) . وفي الآخر: (مصحف فيه مثل قرآنكم هذا ثلاث مرّات، والله ما فيه من قرآنكم حرف واحد) (بصائر الدرجات: 3/151، والكافي: 1/238).
ودمتم في رعاية الله

الشاعرة أم محمد الحِجِّاج

17 января 2021 08:17

اول صبحيه لفقد الزهراء عليها السلام

نعي اطوار متعددة



اليوم من صار الصبح . شيگل علي لولاده

صبحكم الله بالجرح . ماهيّه ام الساده

شلونكم وي الدمع . والحزن صار وساده

تدرون ابوكم للفجر . حسراته تچوي افّاده

حسبالي تصبح فاطمة . بالبيت مثل العاده
.....
.....

وجوهكم صبحن صفر . والسهر بيهه شسوه

عظم الباري النه الاجر . يرزقنه دمع السلوه

البيت مابي فاطمة . الگعده صارت گوه

مخنوگ مااجر النفس . موجوع احس واتلوّه

البيت اصبح مگبره . يطلع صبح مااهوه

.....
.....

هابويه زينب ساكته . انعيلي بالله شويه

عطشان ماشابع بچي . تدرين حزن البيه

حلوه النواعي امن الصبح . لمها تون لبنيه

صوتچ عبرته مكسره . وشكثر بي حنيه

يالحانيه ضلوعچ حزن . من هسه چن مسبيه

.....
.....

نعي مجاريد

زينب يبويه اهدمتي حيلي

وأنه البارحة مانمت ليلي

عله امچ بعد بيتي انعيلي

.....
.....

تگله يبويه راحت امي

الچانت تشارکني بهمي

ابچي عليهه العين لعمي

.....
.....

صبّح اليوم الحيل مهدوم

عيني البارحه ماشافت النوم

گلبي يريد الوالده اليوم

.....
.....

اخذنه يبويه نروح ليهه

تدريني متعلمه عليهه

الراحت امها شلون بيهه

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 20:19

#السلام_على_مكسورة_الأضلاع💔
#لعن_الله_قاتليك_يازهراء
#تقرأ ★•• شوط كربلائي وبألحان ثقيلة وسريعة وكذلك بأطوار نعي التغريد الحزين-ياجبريل نترجاك-لفى عاشور وغيرها••★

ينوح اليوم ابو الحسنين .. وعلى الزهره يهل دمعة
يگلها اشوفچ اتلوجين .. شنهو اليوجع البضعة
⚡️⚡️⚡️⚡️⚡️

تگله اگعد ياماي العين .. اسمعني يبن عمي
تراني گربت منيتي .. وعنكم راحله بهمي
أمس جاني أبوي بطيف .. گلي تگربي يمي

بهالليله لنا تحضرين
أبد يبنيتي لتهمين
زينب والحسن وحسين
بأمان الله يبعد الروح .. ألهم ماألچ رجعة

✍🏻#أم_حسين_الأسدي
✺✺—————✺✺—————✺✺

ألموني يبو الحسنين .. وكسروه الضلع مني
سگطو محسن وليدي .. وزيدو هضمي ووني
صحت فضة دلحگيلي .. گرب مني الأجل چني

ردتك يمي يالكرار
من شبو عليّه النار
تعاين عالجرى والصار
لو حاضر چنت يمي .. چا ما شفت انه صفعة

✍🏻#ولائـية_وافتـخر (دعاء العامري)
✺✺—————✺✺—————✺✺

شيّعني بتوالي الليل .. واخفي يا علي گبري
ماريد الغصب حقي .. لو خذت النعش يدري
أروح اشكي لرسول الله .. مصيبة محسن وكسري

أخبره بفعلت الجاني
الأول شارك الثاني
حين اتواري جثماني
الگالوله ام حسن بالدار .. حرام اعليه يجي يشيعة

✍🏻#أم_محمد_الحجاج/ العبادي
✺✺—————✺✺—————✺✺

من اتواري جثماني .. أبقى يا علي شويه
أقره اعله الگبر قرآن .. وحدي ويوحش اعليه
ما متعوده عالفرگه .. هواي بگلبي حنّيه

يسعدي ودنيتي كلهه
ياعشره الولا املهه
شلون الفرگه احملهه
العايش بالگلب والروح .. يصعب لمن نودعة

✍🏻#أم_محمد_الحجاج/ العبادي
✺✺—————✺✺—————✺✺

من ترجع إلى داري .. بهونك بس تِدخله الدار
تشوف حسين ابو اليمّه .. قاعد يعتب بسمار
دموعه اتغرّق اخدوده .. وحاضن شيلتي تذكار

يجر حسره بأثر حسره
يدگ ويلطم ابصدره
واخته اتساعده بعبره
الدنيه هاي ما تِرحمهم .. باكر بالذّبح صرعى

✍🏻#خادمة_أبي_الفضل
✺✺—————✺✺—————✺✺

الشاعرة أم محمد الحِجِّاج

16 января 2021 17:12

استشهاد مولاتنا فاطمة الزهراء عليها السلام

ختامية مجلس

الماتت امها تريد عونه لللطم

.....
.....

من مشه جنازها

الماتت امها تريد عونه لللطم
تصرخ وراها عازوها

الماتت امها تريد عونه لللطم

بعده الگلب محتازها

الماتت امها تريد عونه لللطم

عفتيني يمه للهظم

تريد عونه لللطم

.....
.....

اتوانه يادفانهه

الماتت امها تريد عونه لللطم

خليني اشم احضانهه

الماتت امها تريد عونه لللطم

هلبت تفك ذرعانهه

الماتت امها تريد عونه لللطم

اتوادع اوياها واشم

تريد عونه لللطم

.....
.....

خلوني اودع الوالده

الماتت امها تريد عونه لللطم

وتسمع الونه الچايده

الماتت امها تريد عونه لللطم

يالحمّليتي وباعده

الماتت امها تريد عونه لللطم

الحيل يمه ينهدم

.....
.....

أم محمد الحجاج/ العبادي

الشاعرة أم محمد الحِجِّاج

16 января 2021 15:07

استشهاد مولاتنا فاطمة الزهراء عليها السلام


فزاعية وهوسه

ماتت فاطمة نصبو العزيات
ارتج الكون واركان السماوات

.....
.....

اظلم كونهه والدنيه مرجونه

وصايح بالسمه ماتت المحزونه

الليله المصطفى راحو يعازونه

بالزهره الماتت مهظومه

ماتت فاطمة نصبو العزيات
.....
.....

صارت فاتحه بسابع سمه الليله

نعش ام الحسن رايح علي يشيله

يم امها العقيله المدمع تسيله

شبگت تابوت المظلومه

ماتت فاطمة نصبو العزيات

.....
.....

گومو نروح كلنه نشيّع الزهره

وينه اليلطم الليله ويدگ صدره

ونواسي بلطمنه زينب الحره

ونوسّع ميدان الهوسه

ماتت فاطمة نصبو العزيات

.....
.....

زينب ماتت امها تريد عوانه

عرش الله عليهه ينعن اركانه

ظلت عالجنازه تنوح حزنانه

كل احنه الليله نعازيهه

ماتت فاطمة نصبو العزيات

.....
.....

نعش ام الحسن راحو يشيلونه

خنگابل ابنيتهه الزغيرونه

للمبچه تريد اوللطم عونه

نتگابل وندگ وياها

ماتت فاطمة نصبو العزيات

.....
.....

شالوه النعش بالليل من يمها

الله يعينهه من ابعدو بامها

يمه تصيح وبعبره تكلمها

يالشلتو امي اخذوني اوياها

ماتت فاطمة نصبو العزيات

ارتج الكون وأركان السماوات

.....
.....

آجرك الله يارسول الله

انت المعزى يا صاحب الزمان

عظم الله لكم الاجر ياشيعة علي عليه السلام


ام محمد الحجاج/ العبادي

١٦ / ١ / ٢٠٢١


/channel/ommohamadalaebaadey

الشاعرة أم محمد الحِجِّاج

15 января 2021 17:16

لمصيبة مولاتي الزهراء عليها السلام

نعي مجرد

هجمو على دار الزچيه
ماچنهه بت سيد البريه
ظلت تون ونه خفيه
الحد مادنت ليهه المنيه
.....
.....

زينب تشوف امها عليله
تحاچيهه والمدمع تسيله
ماغمضت عينچ الليله
تونين والونه ثگيله

.....
.....

يمه لاتونين
زهره ييمه لا تونين

سطرت العين
ماذيچ الضلع لوسطرت العين

يمه الوجعچ وين
خليني اجس اليوجعچ وين

مايرحم البين
شبيدي عليه مايرحم البين

.....
.....


أم محمد الحجاج/ العبادي

الشاعرة أم محمد الحِجِّاج

14 января 2021 08:19

بعلي شمسويه الاحزان

راح الليله دفان

حيل منين خاطر يدفن الزهره

مو هيّه الدفنهه چن دفن عمره

اويلاه اويلاه

الشاعرة ام محمد الحجاج العبادي
صوت قيصر أبو منتظر الإمارة

الشاعرة أم محمد الحِجِّاج

08 января 2021 11:42

آللهم عجل فرج قائم آل محمد صلوات الله تعالى عليهم


يمهدي ضاگت الدنيه علينه
كسرنه يريد جبرك ياولينه

.....
.....

بعد ماينفع خياط لجرحنه

بسيف الذابح حسين انذبحنه

شمسك ليمته اتمر بصبحنه

الك نشكو يمولاي انولينه


.....
.....

بينه الشوگ يحدي بكل مسيّه

كل جمعة بليالي الفاطميّه

تدلّينه عله گبر الزچيّه

الرواية الثالثة نزور المدينه

.....
.....

ليش ام الحسن مخفي گبرها

شهيدة اثمنطعش ماتت عمرها

من نذكر ظُلامتهه وكسرها

احفاد الظلمها تلوم بينه

.....
.....

فداك العمر يامولاي وينك

تعال انشارك ابونّه ونينك

نظر عيني فده لدموع عينك

يمن يفداك كل عمري وسنينه

.....
.....

مُضلّات الفتن واهواء الأيام

غريبة اصبحت شرع الله والاحكام

للمنكر اليوم اترف الاعلام

قابض عله جمره الكاض دينه

.....
.....

دعائك سيدي ثبّت مهجنه

بلطفك سدد و انصر نهجنه

الى ان يأذن الباري بفرجنه

اصبحنا العدا مستضعفينه

.....
.....

أم محمد الحجاج/ العبادي

٨ / ١ / ٢٠٢١

اللهم عجل لوليك الفرج

الشاعرة أم محمد الحِجِّاج

07 января 2021 20:11

للامام المنتظر عجل الله فرجه الشريف الليلة جمعة يامولاي ياصاحب الزمان


حبيب گلوبنه يمته .. يمرنه

وتحت ضل رايته نصطف .. يمرنه

متى ياسيدي يبرد .. يمرنه

وتسكت الشامت اللي يلوم بيه

.....
.....

فرح ما يوم مر بينه .. ومرضاي

بحزن جبت العمر كله .. ومرضاي

اسمي مسجل بسجلك .. ومرضاي

عني ؟... سيدي عطفك عليه

.....
.....

بغيابك روحي مايبرد .. يمرها

انتظر كل ليله لن طيفك .. يمرها

دنيانه يغايبنه .. يمرها

سجن چنهه اصبحت يبن الزچية

.....
.....

اللهم عجل لوليك الفرج

أم محمد الحجاج/ العبادي

الشاعرة أم محمد الحِجِّاج

07 января 2021 13:59

ليتيمة القاسم بن الامام الكاظم عليهما السلام


غرُبْتِي تشبه الغربة رقيه
ماعندي اهل تسأل عليه
يهلي ابعيده الدروب
احن لو صار الغروب
غربتي تشبه الغربة رقيه


تحملت الكلام اليجرح احساسي
مايدرون ياهم اهلي و ناسي
تحملت الشماته وهبطت راسي
تمر لحظات بيه تخنگ انفاسي
انطي الوجه ياصوب
احن لو صار الغروب
دمعاتي عله خدودي جريه
غربتي تشبه الغربة رقيه
.....
.....

ليليه ابات ودمعتي بعيني
غربه يازماني امن اول اسنيني
يبويه ياهم اهلي بالله حاچيني
يعيرني البنات وهذا ياذيني
يوجع كسر الگلوب
احن لو صار الغروب
حلوين الاهل وكت المسيه
غربتي تشبه الغربة رقيه

.....
.....


اشوف بعين ابوي الدمعه تتلاله
امن أسأل عن عمامي هواي تحلاله
يسكت بس تظل دموعه هماله
هنياله يمن شاف اهله هنياله
مامهظوم ويلوب
احن لو صار الغروب
الاهله ابعاد ماعنده تچيه
غربتي تشبه الغربة رقيه
.....
.....



خمس سنين عمري وعايشه الوحدي
من دون البنيات اهل ماعدي
كل يوم العصر دمعاتي ابخدي
تسيّر لي حبايب منّيتي او ودي
مو اگعد وره البوب
احن لو صار الغروب
كاتلني القهر واصفج بديّه
غربتي تشبه الغربة رقيه
.....
.....

گلهه احنه يبنتي نسل الأطياب
امنه فاطمة العصروها بالباب
وابونه حيدره البلحرب ماهاب
خلانه الوكت عاشرنه الاجناب
مثلچ گلبي مصيوب
احن لو صار الغروب
يبنيتي اهلنه اهل الحميه
غربتي تشبه الغربة رقيه
.....
.....


منيتي گرّبّت كَعدي ارد اگلچ
من بعدي يبويه رجعي لهلچ
اذّنّچ البنات البحلّچ
لاتبچين لو وحده تسالچ
ادري الصبر چمدوب
احن لو صار الغروب
لا يسدي عليچ إلسده بيه
غربتي تشبه الغربة رقيه
.....
.....


ام محمد الحجاج/ العبادي


٧ / ١ / ٢٠٢١

/channel/ommohamadalaebaadey

الشاعرة أم محمد الحِجِّاج

04 января 2021 20:45

نعي للقاسم بن الامام الكاظم عليهما السلام
يكلم ابنته حين اقترب اجله
.....
.....


كَعدي بويه ارد اسولفلچ کلام

هاچ رباط الحچي ومضمونه

انه اعرفچ حره يم عقل الچبير

خاف يعتبرونچ زغيرونه

هاي مو ديرتنه واهلچ موهذول

لچن بويه اهل السلف حيّونه

انه احس روحي گرب ليهه الاجل

گلهه والدمعات ترس عيونه

انتي اهلچ بالنسب آل الرسول

وعلي جدچ کلهم يهابونه

رجعي يبنيتي الهلچ من بعد ابوچ

بس اهم قدرچ تره يعرفونه

بالمدينه اهلچ عشيرة يامناي

وفگد ابوچ ويتمچ يعوضونه

الغربه ذل ياماي عيني ومره حيل

والغريب الناس مايردونه

لو وصلتي اربوع اهلنه وناشدوچ

عني .. خبريهم ايا محزونه

.....
.....

گليلهم يهل المحنه

حيل الليالي لوّعنه

غصبن تره فارگنه اهلنه

مرسال منكم ماوصلنه

او لاطارش المر سال عنّه

.....
.....

ام محمد الحجاج العبادي

الشاعرة أم محمد الحِجِّاج

04 января 2021 20:17

نعي لمولاي القاسم بن الامام الكاظم عليهما السلام
حديثه مع شيخ العشيرة عندما اقترب اجله ..


احس بهل مسيه حان الفراگ

تعال اگعد يشيخ اسمع شعندي

انه القاسم ابن موسى بن جعفر

وحامي الجار حيدر علي جدي

نفوني امن المدينة وعن الاحباب

ودنت ساعة و فاتي وهذا حدي

هنياله اليحضرون اهله بالموت

اموت ابين اهل واحباب ودي

لچن ماصح بدي ملگه اويا العزاز

اخوتي لو متت تحفرلي لحدي

ظلت حسرة بالدلال ياحيف

غريب ودمعتي تجري اعله خدي

ما يدرون اهلي بموتي ياحيف

بديرة غرب حان الليله(اليوم)وعدي

لمي بالخصوص الونه والاه

فرگه الوالدة امي المرد چبدي

وبنيتي بتيمة ابين الاجناب

مكسورة الخاطر تظل بعدي

.....
.....

ام محمد الحجاج / العبادي

الشاعرة أم محمد الحِجِّاج

03 января 2021 09:58

نعي لسان حال مولاتي العليلة من صار الليل والدار ظلمه عليهه بعد ابوها تگول ...

بويه يابويه تسال الدار ..



يادار انشدچ وين اهلنه

اظلم نزلنه
موحش مسه واظلم نزلنه

اوياي ونه
يادار وني اوياي ونه

ونيت لمن خلص حيلي
.....
.....

البيت خلوان
امسه علينه البيت خلوان

وين الاحنان
گليلي بالله وين الاحنان

بطرگ الاحزان
عافوني ليش بطرگ الاحزان

من حملو ماحملوني ليش يهلي

.....
.....

يالمرحلين

بعازتكم آنه يالمرحلين

راحت العين
من البواچي راحت العين

چنهن سنين
ايام غبتو چنهن سنين

.....
.....

علي ظيم واهلي مااندلهم


أم محمد الحجاج / العبادي

الشاعرة أم محمد الحِجِّاج

03 января 2021 09:50

عيون اعداك نامت هسه مرتاحه

قسور چنت ياهو اليگرب الساحه

عليك الگلب ظلت تنزف جراحه

الحشد ايون اعليه
الچان امبچّي اعدانه


أم محمد الحجاج / العبادي