الشاعرة أم محمد الحِجِّاج

17 июля 2024 18:50

مولاتي زينب عليها السلام  بعد مقتل اولاهه واخوتهه كلهم   من صار الليل طلعت المستورة راحت يم جثة وليدهه عون گعدت بصفه شلون حالهه  گلبهه مكسور  اديهه ورجليهه مچويات بجمر الخيام واهي تعبانه تركض مناه وترد مناه ادور عاليتامه.  عمت عيني  عليهه   ...  حاچت وليدهه وسولفت وياه..... وكأني بها قالت.....





ياعون يبني ... بسك امن النومه

گوم حشم...  خالك الجيدومه

.....
.....



گوم يابعد امك وريع الگلب

روح يبني لخالك او وصل العتب

دنيه ليل ومااندليت الدرب 

زحمه تالي الليل اطر الحومه

.....
.....


استحي من  خالك اوصل للنّهر 

انهض انته وروح يصبي النظر

گله خياتك يبو الشيمه بخطر 

يعاتبنك زينب وچلثومه 

.....
.....


روح گله بناتكم بين العده

يمه عون الصار لمك ماسده

الما اندلهن وين مامتوچده 

الضايعه ماادري يامظلومه

.....
.....


گوم لمك يبني وازاها الوزه

الليل والخيل الدرب مااميزه

صيح هالولاد خالك فززه 

خله يفزعلي  ويفزع گومه

.....
.....

اوگف اعله التل واصيحن  ياهلي

كون محد منهم اليفزع الي

عافو بنياتهم وسط الخلي

والشمر گوّه علينه اعزومه

.....
.....


يبني بس عباس كافي لو اجه

حته بالسووه الليله نورجه

گله امي تگول يالبيك الرجه

حبالنه لليسر هالملمومه 

.....
.....


ام محمد الحجاج

الشاعرة أم محمد الحِجِّاج

17 июля 2024 18:47

لليلة الحادي عشر مولاتي زينب عليها السلام  البارحة  وين  الليله وين كأني بها قالت  .....



محد مر عليه جروح
مثل جروح البگلبي
موجوعه اشهكت شهگات
يعلم بيهه بس ربي

.....
.....

شهكت مختنگ بالموت
اشهگ مادرو بيّه

احس مامش هوى بهل كون
شح حتى الهوى اعليه

يهل الشيم ماتدرون
عدكم اخت مسبيه

اعله اختكم يامرار الصار
آه يا ضيمي ياتعبي
.....
.....


نذرت الشوف من تلفون
اطشه اويالدمع كله

خل يروح فدوه الشوف
خل يعمه النظر خله

بس كون الايام تعود
والبيرغ علي ظله

يرد عباس والچفين
واشوفن كافلي بگربي

.....
.....

شلّي چابعد بالعين
المااشوف الگمر بيهه

اعاين للشمر حداي
كون امن البچي اعميهه

يروحي من عگب عباس
صارت هيچ تاليهه

يعيني ابچي على  العباس
دمعچ من دمه صبي

.....
.....

خيمه البارحه ورايه
على راسي وگمر بسماي

والليله بعباتي شلون
الي
لو ستر للوياي 

غطه اسويهه مدري فراش
ياحيره الاشد من هاي

واريد اطلع وادور ايتام
وزلم وعيونهم تربي

.....
.....

تفرهد  كلشي بالخيمات
بس بهدومنه اطلعنه

وخذو باجي العبي والخير
بس البيهن اگبعنه

الليله چا فرشناهن
ليش الگاع توجعنه

شلون ينام عالتربان
ال بعز وخير متربي

.....
......

عمت عين الوكت دوار
دار بزينب شسوه

چانت فخر للنسوان
او  عد زينب شلون اخوه

ياهو الگال اخت عباس
الليله تبات بالشلوه

يادهري اشبعد خليت
بعد يانايبه تخبّي 


.....
.....


أم محمد الحجاج  / العبادي


/channel/ommohamadalaebaadey

الشاعرة أم محمد الحِجِّاج

17 июля 2024 18:43

ليلة الوحشة  مولاتي زينب عليها السلام  توصي النساء  .....


علويات لاتبچن  لايسمعچن العسكر 

يبنيات لاتحچن احنه الليله وسط البر

ادري تريدن تروحن

يم ولياچن تنوحن 

خوفي تغير لينه الگوم  .. وآنه الوحدي مااگدر

.....
.....

احچن بالومي الليله .. حسچن لايسمعونه

ظمّن حته ونتچن ..  خاطر مايعرفونه

چلمات الشماته  تصيب .. تكتل من يصوبونه

ادري الفاگدات عزاز ..  يردن للبچي عونه

تالي اليل نگصدهم

ونظل للصبح عدهم

انه اكثرچن مضيعه وگلبي امن المصاب انطر

.....
.....

لا تبچن يعلويات  .. سكته الليله خلّنهه

لاتسمعچن الشمات .. ونّه لا تعلّنهه

من نروح  للوليان  .. سكته الليله تگضنهه

ذيچ الروس فوگ رماح .. تنظر لينه شوفنهه

الروس عيونهم لينه

يبچون البواچينه

واسمع واحد امن الروس لو ونّيت يتحسر

.....
.....

ادريچن يالمضيعات .. تردن تبچن الليله

والفگدت عزيز تريد .. تگضي الليل تبچيله

طول الليل يمه تنوح .. هظم العدهه تحچيله

بس ادخيلچن بهداي  .. يفتر العدو بخيله

خافن يهجم علينه

ياهو الليله يحمينه

لا لا ينسمع حسچن  .. شوفن خيلهم تفتر
.....
.....

خل عيونهم تغفه  .. وآخذچن الولياچن

شدّن للمصيبة حزام  .. وآنه اتحزّم وياچن

لمّن حيلچن للنوح .. للشوغات گواچن 

حضرن للسياط متون  .. لوسوط الشمر جاچن 

ادري جروحچن تنزف

بس ذاك الشمر واگف

بهيده لومشيتن ليل  .. خافن بالجثث نعثر

.....
.....

من نار الخيم ادري  .. مچويات رجليچن

لاچن شوفن الحراس  .. تربي عيونهم ليچن

خاف نگوم هسه نروح  .. ياهو وياي يحميچن

من يفزع علينه الجيش  .. وين الليله اودّيچن

لمّه نصير لو جونه

گعدن من يضربونه

وحده تلوذ يم وحده  .. وحده بوحده نتستّر

.....
.....



أم محمد الحجاج/ العبادي






/channel/ommohamadalaebaadey

الشاعرة أم محمد الحِجِّاج

17 июля 2024 12:34

رباطات ليوم العاشر
بعد مقتل الامام الحسين عليه السلام


اختكم الظهر // طرّت الخياله

يم عون لحگيهه// رقيه من الشمر

جرّو تراچيهه // ودمهه يسيل ظل

حرگو الخيمه // وينك يخو زينب

لزمن الهيمه // بنات حسين فرّن

من يطفيها // والنار بعبينه



ام محمد الحجاج

الشاعرة أم محمد الحِجِّاج

17 июля 2024 12:03

يوم العاشر
وحرق الخيام
كاني بمولاتي العقيلة عليها السلام لما احرقوا الخيام علی الاطفال والنساء
فررنََ من خيمة الی خيمة والنار باطراف العبي  .  نادی الامام السجاد عليه السلام عمته زينب عمه فرّن الی الصحراء . فر الجميع الا مولاتنا زينب عليها السلام لقيت واقفة اما الخيمة والنار اخذت اطراف ثيابها  . لان العليل وسط الخيمة تريد اخراجه قبل ان تصله النيران

قالت بلسان حال الشاعر

🏴🏴



ماظلت بهاي الوادم مروّه
اعاين للحرم بالنار تجّوه

ناس المالهم شيمه
عليهن حرگو الخيمه
اعاين للحرم بالنار تچّوه

🏴🏴


عليل بخيمته مانگدر نطلعه
وصلت ليه النار نشوفها تلسعه
ذبايح بالخلي كلهم هله وربعه
ماظل اعربي بي شيمه ونفزعه


ماأگدر اطلعنّه
لا نغّار افزعنّه
ينهض ويرد يعثر بالجمر جوّه

🏴🏴

مناه نار مناه خيلهم جتنه
وين نروح كلهه مذبّحه اخوتنه
ماكو خيام حرگو حته خيمتنه
بنات حسين صاحن وين عمّتنه

خذتنه النار ياعمه
علينه الخيل ملتمه
عله متون البنات السوط  يتلوّه

🏴🏴

فرّن للبراري يلحرم فرّن
ديرن بالچن خافنچن تعثرن
ايد بايد لزمن كلچن وطرّن
درب الخيل صوب المشرعه عبرن

ندهن كافل العيله
شلون بحيرة الليله
گلله الشمر من عگبك استقوه

🏴🏴

روحن وآنه ادور ايتام خلّنّي
ياهو الضاع ياهو انسحگ دلّنّي
روحن للشريعه وآنه مهلنّي
تالي الليل يم الجثث تلگنّي

يم حسين نتلاگه
عمه ونگعد براگه
اريد الليله اودع ريحة الخوّه

🏴🏴

اگلّه الخوه حدها الليله وياكم
امشي ميسره وادعي الله يرعاكم
خويه شبيدنه يلمادفنّاكم
اجينه وياكم ونرجع بلياكم

اختكم حيل مهظومه
مابسكم من النومه
لو تدرون عصر العاشر اسوّه

🏴🏴

اريد انصب عزاكم مايخلونه
ماالطم السوط الهدّل امتوني
جبتوني اكون انتم تردوني
شمّاتي عگب عباس يحدوني

الدنيه شسوت بحالي
چتال اهلي يبرالي
باچر لليسر يبره الظعن هوّه

🏴🏴


تمت بحمد الله تعالی

٢٥ // ذي القعدة

الموافق

٣// ٦// ٢٠٢٤


✍ ام محمد الحجاج 

/channel/ommohamadalaebaadey

الشاعرة أم محمد الحِجِّاج

17 июля 2024 07:45

«اللهم أنت ثقتي في كلّ كَرب، ورجائي في كلّ شدة، وأنت لي في كلّ أمرٍ نزل بي ثقة، وعُدّة،كم من هِمٍّ يَضْعفُ فيه الفؤاد، وتقلّ فيه الحِيلة، ويَخذُلُ فيه الصّديق، ويشمت فيه العدوّ، أنزلتُه بك وشكوتُه إليك، رغبةً مني إليك عمّن سِواك، ففرّجته وكشفته، فأنت وليُّ كل نعمةٍ، وصاحب كلّ حَسنةٍ، ومنتهى كلّ رغبة

الشاعرة أم محمد الحِجِّاج

16 июля 2024 13:41

وداع الإمام الحسين عليه السلام  لاهل بيته  .....


الوداع  الوداع  يااهل بيتي الوداع
٢

.....
.....

الوداع الوداع 
ياخواتي  الوداع


الوداع  الوداع 
يابناتي الوادع


الوداع الوداع
يم  الاكبر الوداع


الوداع الوداع 
يارباب الوداع


الوداع الوداع
ياعليلي الوداع


الوداع الوداع
يختي زينب الوداع


.....
.....

ناده گومن يالفواطم

الوداع الوداع

توادعن ويّه الهواشم

الوداع الوداع


ليلة وداع الاكارم

الوداع الوداع

توادعن ويه السباع

الوداع الوداع
الوداع الوداع

.....
.....

هاي اخر ليله يمچن

الوداع الوداع

باچر تفگدن زلمچن

الوداع الوداع 

تنحرگ باچر خيمچن

الوداع الوداع

والشمل يصبح ضياع
الوداع الوداع 
الوداع الوداع 

....
....

الصبر ها ياخواتي

الوداع الوداع

العذر منچن بناتي

الوداع الوداع

تعاينن ذبحي ومماتي

الوداع الوداع 

لاتندبن بفتجاع

الوداع الوداع 
الوداع الوداع

.....
.....

ياسكينه  يارقيه
الوداع الوداع

بويه بس هاي المسيه

الوداع الوداع

باچر فراگ المنيه

الوداع الوداع

هذا اخر اشتماع

الوداع الوداع
الوداع الوداع

.....
.....

سمعي يختي بالعقيله

الوداع الوداع

باچر مصايب ثجيله

الوداع الوداع

بالحرم انتي الكفيله

الوداع الوداع

عگب عباس الشجاع

الوداع الوداع
الوداع الوداع

.....
.....

خويه عايلتي  وبناتي

الوداع الوداع

والحرم هاي وخواتي

الوداع الوداع

من بعد ذبحي ومماتي

الوداع الوداع



أم محمد الحجاج/ العبادي



/channel/ommohamadalaebaadey

الشاعرة أم محمد الحِجِّاج

16 июля 2024 13:38

لمولاي عبدالله الرضيع عليه السلام 


             نعي


غافي لو واعي عبد فوگ الرمح

بوسطت الهيمه تشع مثل الصبح

مايلوگ اعله البدر يبني الذبح 

ياترف . ياحلو . يالوجهك سمح 


.....
.....

ياگمر بس غايب بغيم الدمه

لاچن منور يعبدالله السمه

السهم من صابك اظن يبني عمه

ريت سهمك نحري صابه وخذّمه

.....
.....


تعال نام بحضني نوم العافيه

وال  دللول الحنينه الدافيه

بعيد عن امك وعينك غافيه

وآنه تالي الليل ادوّر حافيه

.....
.....

يابدر بالهيمه ومضوي السمه

نورك يشع من وره غيم الدمه

اشم خدك يالله انام معلّمه

تعال يبني حتى ماي مولّمه 

.....
.....

فراش ناعم بالمهد حطيته

گماطك البي دم عبد غطيته

الماي مااشربه ثواب انطيته

الدرب بدموعي التصب خطيته 

....
....


أم محمد الحجاج/ العبادي


/channel/ommohamadalaebaadey

الشاعرة أم محمد الحِجِّاج

08 июля 2024 14:18

مولاتي العليلة عليها السلام
وفراگ اهلها

ابو ذيه

بجفاكم هلي لو غابت شَمسنه
لو تدرون من الهم شِمِسنه
عن اليوم اخبرنكم ؟ شمسنه ؟
بچيت عيون ماظل شوف اليّه

😭😭


يروحي احزان ويه جروح شِبچي
لاظل دمع . لاظل حيل . شَبچي
بعظامي جمر حسيت شب چي
لگيت هدوم من اختي رقيّة

😭😭



ام محمد الحجاج

الشاعرة أم محمد الحِجِّاج

07 июля 2024 15:29

مولاتي العقيلة بمثل هاي الليلة باوعت للسمه وشافت الهلال دارت سنة علی فاجعة كربله تجدد حزنهه وعزاها ونوحها
كاني بها عمت عيني عليها قالت بلسان الحال . الشاعر يصف حالها الليلة


ابوذيه ونعي


هظم واحزان هلليله علنّه
وحداد وفاتحه وماتم علنّه
آه يحسين ومصابه علنّه

ولطم ببيوتنه هاي المسيه


بان علينه
اعلان الحداد
ارتفع صوت الانين


🏴🏴


مولاتي زينب تقول بلسان حال الشاعر


حضّرنه مدامعنه حضرناه
الليله ومجلس الضامي حضرناه
يشيعه اليحضر يواسي حضرناه
بالوحشه انه وامي الزچيه


حضّرنه الدمع وال آه
حضرنه المجلس
نحضره ليلة نزوله بقبره


🏴🏴

نعي گرناوي

آه آه يامولاتي يازينب


عساني ماشفت ضيّك يلهلال
الليله بالسمه طالع اتلالي

گلبي اعله اخوتي ماطاب مجروح
اوياهم راح كل عزي ودلالي

الليله انصب عزا واتحزم حزام
اريد اشبع لطم هاي الليالي

افگدت بالطف عشيره وكلهم حيود
ورديت ال هلي من غير والي

لا هليت ياعاشور الاحزان
وابو السجاد اطب لبيته خالي



مجاريد

وين الفاجده خلهه تجيني
بونتهه تساعدني بونيني
دمعها اتهلّه وي دمعات عيني
زهره ييمه جابليني
عله النوح والون ساعديني


الليله يشيعه اريد عونه
مجلس اخيي تحضرونه
صوت البواچي تعلّونه
مكسور گلبي تعرفونه
اريد بدمعكم تجبرونه


للعزا الليله تحضر امي
وياها قميص حسين مدمي
مدمعها ماينگطع يهمي
للظل عله التربان مرمي


تصيح آيحسين يمه
القميص كل ساعه تشمّه
شابگته وتنشره وتلمّه
مصبوغ بعده بفيض دمه
اتريد للمذبوح لطمه
شيعيه والميدان يحمه



طور الفراق


هل محرم وهلت اليال المصيبه
هل محرم ودمعة عيوني سچيبه
هل محرم وآنه مسبيه وغريبه
هل محرم


خويه خويه هل محرم هلمسيه
خويه خويه وعاد حزن الغاضريه
خويه خويه واسعرت نيران بيّه
خويه خويه


ياحسين

ام محمد الحجاج

الشاعرة أم محمد الحِجِّاج

06 июля 2024 20:31

أعلن مكتب سماحة السيد السيستاني (دام ظلّه) في النجف الأشرف أن يوم غدٍ الأحد هو المكمّل لشهر ذي الحجة الحرام ويوم الإثنين الموافق ٢٠٢٤/٧/٨م هو الأول من شهر المحرم الحرام لعام ١٤٤٦ للهجرة..

عظم الله أجورنا وأجوركم

الشاعرة أم محمد الحِجِّاج

05 июля 2024 14:14

محرم الحرام 1446م

🏴 الهلال ..... /channel/ommohamadalaebaadey/8865


🏴 المسير الى كربلاء ......
/channel/ommohamadalaebaadey/8878


🏴 نزول الضعن في كربلاء ......
/channel/ommohamadalaebaadey/8919


🏴قصائد ونعي مولاتي العليلة ...

/channel/ommohamadalaebaadey/8935

🏴 ليلة مولاتي ام البنين ع ....

/channel/ommohamadalaebaadey/8956


🏴 مسلم بن عقيل واولاده .....

/channel/ommohamadalaebaadey/8978


🏴 ليلة الانصار ......
/channel/ommohamadalaebaadey/9014


🏴 ليلة أبا الفضل العباس ع .....
/channel/ommohamadalaebaadey/9035


🏴 ليلة القاسم ع ....
/channel/ommohamadalaebaadey/9062


🏴 ليلة علي الاكبر ع ......
/channel/ommohamadalaebaadey/9084


🏴 عبد الله الرضيع .....
/channel/ommohamadalaebaadey/9111


🏴 ليلة العاشر ( الوداع ) ....
/channel/ommohamadalaebaadey/9134


🏴 يوم العاشر .......
/channel/ommohamadalaebaadey/9154


🏴 ليلة الوحشة .....
/channel/ommohamadalaebaadey/9170




نسألكم الدعاء

الشاعرة أم محمد الحِجِّاج

04 июля 2024 18:52

مسيت العافيه صوب النجف وديت
وجمعه مباركه لهل المگابر

اشم اترابهم هاذه المسه تمنيت
يم اهلي وابات لصبح باچر

وافك صندوگ گلبي واطلع شضمّيت
اسامرهم بدمعه وكسر خاطر


اللهم  انقلهم من ضيق القبور  الی سعة الدور والقصور
برحمتك يا ارحم الراحمين

😢🙏

الشاعرة أم محمد الحِجِّاج

04 июля 2024 08:57

لسان حال  خادم الإمام الحسين عليه السلام

قصيدة رقم ( ١٠ )


يبو السجاد مااسوه بلا خدمه
دمعي بمجلسك ياسيدي نعمه 

.....
.....

فخر هاي الخدامه ونعمه من الله .
نلت بيها الكرامه وصيت الي يعله .
دخيلك سيدي بلا مجلسك  ذله .
يخيمتنه التلمنه بعاطفه ورحمه

.....
.....


الشكر لله الك خادم يسموني .
اريد بدفتر الخدمه  تسجلوني .
يبو اليمه  لون مايبچن عيوني  .
بالمجلس عليك عيوني خل تعمه

.....
.....

واهس للمدامع سيدي بعاشور  .
من مجلس لمجلس ياحسين ندور .
اعرف ماتخلي خاطري مكسور . 
ويّه الخدم سجل اسمي يبو اليمه 

.....
.....



جمر تنزل مدامع عيني بالمجلس .
اسمعهن يطيحن لكن الهن حس  ..
ادري بفاطمه اباب العزاء تجلس
واسمع باللطم ملچومه چم لچمه 

.....
.....


يبو اليمه المجالس كلشي تعنيلي .
سنه بگدها لمحرم آنه اشد حيلي .
بلا ونّه ولطم مابي طعم ليلي .
لون ليليه ماذب حيلي باللطمه 

.....
.....

امشّي عليك دمع امك او ونتها
وآ يحسين يبني ونار حسرتها
خلينه نواسيها بمصيبتها
بالمجلس وكسر ضلوعها تلزمه

ياحسين
يازهراء

.....
.....

أم محمد الحجاج  / العبادي 

١٠  /   ٧ / ٢٠٢٠


من الارشيف

/channel/ommohamadalaebaadey

الشاعرة أم محمد الحِجِّاج

01 июля 2024 20:20

#محرم_1442


🏴 الهلال والمسير 🏴 👇🏻👇🏻

/channel/ommohamadalaebaadey/905


🏴 للخدمة الحسينية 🏴 👇🏻👇🏻

/channel/ommohamadalaebaadey/918


🏴 العليلة عليها السلام 🏴 👇🏻👇🏻

/channel/ommohamadalaebaadey/922


🏴 أم البنين عليها السلام 🏴 👇🏻👇🏻

/channel/ommohamadalaebaadey/940


🏴 أولاد مسلم عليهم السلام 🏴 👇🏻👇🏻

/channel/ommohamadalaebaadey/964


🏴 مسلم ابن عقيل عليه السلام 🏴 👇🏻👇🏻

/channel/ommohamadalaebaadey/970


🏴 الانصار عليهم السلام 🏴 👇🏻👇🏻

/channel/ommohamadalaebaadey/985


🏴 أبا الفضل العباس عليه السلام 🏴 👇🏻👇🏻

/channel/ommohamadalaebaadey/994


🏴 القاسم عليه السلام 🏴 👇🏻👇🏻

/channel/ommohamadalaebaadey/1016



🏴 علي الأكبر عليه السلام 🏴 👇🏻👇🏻

/channel/ommohamadalaebaadey/1034



🏴 عبد الله الرضيع عليه السلام 🏴 👇🏻👇🏻

/channel/ommohamadalaebaadey/1047



🏴 ليلة العاشر 🏴 👇🏻👇🏻

/channel/ommohamadalaebaadey/1055



🏴 يوم العاشر 🏴 👇🏻👇🏻

/channel/ommohamadalaebaadey/1064


🏴 ليلة الوحشة 🏴 👇🏻👇🏻

/channel/ommohamadalaebaadey/1079

الشاعرة أم محمد الحِجِّاج

17 июля 2024 18:48

ابو ذيه ليلة الوحشة

يسراي



الضعن غبشه  يريده الشمر  ..   يسراي

وبنفاسي احس الموت  ..    يسراي

مربوط بسكينه حبل  ..   يسراي

وحبل يمنياي مربوط برقية

.....
.....

ام محمد الحجاج
العبادي


/channel/ommohamadalaebaadey

الشاعرة أم محمد الحِجِّاج

17 июля 2024 18:44

كأني بمولاتي فاطمة الزهراء عليها السلام  حضرت ليلة الحادي عشر من المحرم  عند جسد ولدها الحسين عليه السلام  وسمعت انين الاطفال والنساء  جاءت واستقبلتها مولاتنا  زينب عليها السلام  حوار بين مولاتي الزهراء عليها السلام  ومولاتي زينب عليها السلام  ليلة الوحشة  .....



          وزن الدارمي




يم حسن لاخوان لاخيمه والخيل

تروح وترد وتخاف منهه المداليل

ياصوب أضم ابنات اخوتي

.....
.....


حيره بنات حسين وين امشي بيهن
لاوالي  لاخيمات ظلن عليهن
خاف الشمر بالسوط غفله ويجيهن
السانه عله النسوان مايستحي اطويل

ياصوب أضم ابنات اخوتي

.....
.....


ونچن يمهظومات لمن سمعته

چن سهم صاب احشاي والگلبي فتّه
يمه بنات حسين ونهن عرفته
شفته العدا محضرين نوگ المهازيل
ياصوب أضم ابنات اخوتي

.....
.....

جيتچ ينور العين ها يالغريبه
يايمه شتحملين هم يامصيبه 
كافل ضعونچ راح وامّين اجيبه
خوفي العدا يم عون وياچن تعيل
ياصوب أضم ابنات اخوتي

.....
.....


وين اليتامه تنام نعسانه وتلوع
توجعهم التربان مچويّه الضلوع
من زفّة المحروم ماظلت شموع
حتى اليتامه تنام نشعلهه بالليل

ياصوب أضم ابنات اخوتي

.....
.....


گومن امشننه ارّوح يم جثة حسين
خلينه نگضي الليل يازينب اونين
ظلمه وستر يم عون من الملاعين
خلينه يمه نلوذ بين المچاتيل
ياصوب أضم ابنات اخوتي 

.....
.....


تفتر علينه الگوم مانگدر انّوح
ماتبچي يمه شلون العدهه مذبوح
گومن يمهظومات للمعركه نروح
ادري بالمضيعات ماظل بعد حيل
ياصوب أضم ابنات اخوتي

.....
.....


وين الرباب او وين رمله  ورقيه
فرن بهذا الليل اليا نويّه
هم هنّه مسبيات وآنه سبيه
والفجر وي الگوم عن كربله نشيل
ياصوب أضم ابنات اخوتي

.....
.....

حرمه وسبيه وليل وبديرة اجناب
لارحم بيهه الگوم لا فزعة احباب
شلون اليتامه تنام يلچمهه لتراب
توجعهم الچويات ودماهم تسيل
ياصوب أضم ابنات اخوتي

.....
.....


أم محمد الحجاج/ العبادي




/channel/ommohamadalaebaadey

الشاعرة أم محمد الحِجِّاج

17 июля 2024 18:34

ليلة الوحشة
وحضور مولاتنا فاطمة الزهراء عليها السلام لكربلاء
عند الجسد المقدس لابي عبدالله عليه السلام

كاني بها بلسان حال الشاعر

🏴🏴🏴

حسين يمه حسين يمه حسين يمه

حسين يمه حسين يمه حسين يمه

🏴🏴

وينك انت هاذه بس دم وتراب

وين طولك وين يايمه الثياب

وين لحمك يبني اريدلّي جواب

واصل امن الشاطي وال حد الخيام

بيش المّك  نعمه واتبدّت حرام

وين ادوّر يمه والدنيه ظلام

حسبن يمه حسين يمه حسين يمه

حسين يمه حسين يمه حسين يمه

🏴🏴

وين راسك خل اشم خد التريب

وين شيبك گالو بدمك خضيب

ليش عاري مسلبينك يالغريب

جابلني وعاونني يلبنات

دورن وياي الضلوع امطشّرات

عود يم ابني ردت هلليله ابات

حسين يمه حسين يمه حسين يمه

حسين يمه حسين يمه حسين يمه

🏴🏴

سهم المثلث شيجرّه امن الگلب

ليش يايمه اعلوجهك منگلب

طامّه جروحك عمت عين الترب

ماكله بخاصرتك هواي الرماح

شويه منك ظال وين الباقي راح

والحوافر ما مخليه امن الصفاح

حسين يمه حسين يمه حسين يمه

حسين يمه حسين يمه حسين يمه

🏴🏴

ذاااك راسك شايلينه  اعله الرمح

من عمت عيني عليه شابع ذبح

هم حلو بعده مثل وجه الصبح

غارز بمنحرك يايمه السنان

عله عيونك مايمر غير الامان

آنه يمك بايته بهذا المچان

حسين يمه حسين يمه حسين يمه

حسين يمه حسين يمه حسين يمه

🏴🏴

كون ينطونك الي لوكت الفجر

باچر تروح اويه اخيتك لليسر

ارد اودعك والم بهدومي العطر

غير ينطونك الي امسح دماك

جايبتلك ماي ابلل لك شفاك

سفر باچر بالشمس يبني وراك

حسين يمه حسين يمه حسين يمه

حسين يمه حسين يمه حسين يمه

🏴🏴

يبني اشوفنهم منوخين الهزل

والسلاسل ولّموهن والحبل

يم بناتي الحرس كل ساعه شكل

ياخواتك وينهن وين الجمال

يابناتك وينهن وين الحبال

يادلال عيالك وراح الدلال

حسين يمه حسين يمه حسين يمه

حسين يمه حسين يمه حسين يمه


🏴🏴

تمت بحمد الله تعالی

٢٣ // ذو القعدة

الموافق

١ // ٦ // ٢٠٢٤

ام محمد الحجاج


/channel/ommohamadalaebaadey

الشاعرة أم محمد الحِجِّاج

17 июля 2024 12:05

حين وقع الامام الحسين عليه السلام من ظهر الجواد وضعُف عن القتال واعياه نزف الدم صار الجبناء يتجاسرون  . يطعنونه بالرماح ويضربونه بالسيوف حتی بات هدفهم  ..

ابو ذيه ليوم العاشر

🏴🏴

غده لسيوف اميّه  منحر  حسين ( ينحرونه )
مات امن العطش لو   من حر  حسين
ثنّه الشمر يگطع  منحر  حسين
وب باب الخيّم تصرخ رقية
ۧ
ام محمد الحجاج 


/channel/ommohamadalaebaadey

الشاعرة أم محمد الحِجِّاج

17 июля 2024 12:03

يوم العاشر  وصلن بنات الزهراء لمصرع الحسين عليه السلام

كاني بمولاتنا العقيلة عليها السلام لما راته
نادت بصوت حزين  وقلبٍ جريح  😭😭

بلسان الحال

🏴🏴


هاذه حسين
امغسّلاته دمومه

هاذه حسين
ابدّلات ارسومه


🏴🏴


مااعرفنه اوصافه      هاذه حسين
امغسّلاته دمومه

طاحنين اچتافه     هاذه حسين

يحتار كلمن شافه    هاذه حسين

مسوينه ترس الحومه

هاذه حسين
امغسلاته دمومه

🏴🏴

امكسرات  اعظامه   هاذه حسين
امغسّلاته دمومه

وصلن ال حد اخيامه     هاذه حسين


يلمّون بيهه ايتامه      هاذه حسين


ياجيت الميشومه

هاذه حسين
امغسّلاته دمومه

🏴🏴

مفروش جسم الوالي    هاذه حسين
امغسّلاته دمومه

مرفوع راسي گبالي     هاذه حسين

ويگلّي لمي عيالي     هاذه حسين

ياحيل ظل للگومه

هاذه حسين
امغسلاته دمومه

🏴🏴

الله واكبر ياهلي   هاذه حسين
امغسلاته دمومه

ياحمزه وينك ياعلي    هاذه حسين

مذبوح اخيي بالخلي    هاذه حسين

ومسلّبات هدومه

هاذه حسين
امغسلاته دمومه

بعمامته يومولي   هاذه حسين
امغسّلاته دمومه

تردينهه يگولولي   هاذه حسين

يضحكون  ويئشرولي   هاذه حسين


وآنه الطم ومهظومه

هاذه حسين
امغسلاته دمومه

🏴🏴

للجثه جبت ابناته   هاذه حسين
امغسلاته دمومه

يمسحن دمه اصواباته    هاذه حسين


الليل  وين نباته    هاذه حسين

اعلينه الزلم ملمومه

هاذه حسين
امغسّلاته دمومه

🏴🏴

ارقيه تگل لسكينه    هاذه حسين
امغسلاته دمومه

اعله الراس ادوور وينه ؟   هاذه حسين

يباوعلي خله بعينه     هاذه حسين

اتصبّرها اجت چلثومه

هاذه حسين
امغسلاته دمومه


🏴🏴


عظم الله لنا ولكم الاجر


ام محمد الحجاج 


٢٥ //ذو القعدة
الموافق

٣ //٦ // ٢٠٢٤

/channel/ommohamadalaebaadey

الشاعرة أم محمد الحِجِّاج

16 июля 2024 13:42

ليلة الوداع


ابو اليمه الظهر باچر
يذبحونه

الزهره تريد وياها اللطم  عونه

ابو اليمه الظهر باچر
يذبحونه

واويلاه يازينب المحزونه

ابو اليمه الظهر باچر يذبحونه

گلبه بسهم المثلث  يگطعونه

ابو اليمه الظهر باچر يذبحونه

يظل صوب الخيام يدير بعيونه

أبو اليمه الظهر باچر يذبحونه

يطلب ماي لاچن مايشربونه

أبو اليمه الظهر باچر يذبحونه

من ماي الفرات اعداه يحرمونه

أبو اليمه الظهر باچر يذبحونه

راسه امن الجسد باچر يحزونه

ابو اليمه الظهر باچر يذبحونه

فوگ رماح يازهره يرفعونه

ابو اليمه الظهر باچر يذبحونه

بحوافر خيلهم صدره يسحگونه

ابو اليمه الظهر باچر يذبحونه

اويلي اعله الثره جسمه يطشونه

أبو اليمه الظهر باچر يذبحونه

عمت عيني عله عياله اليشوفونه

أبو اليمه الظهر باچر يذبحونه

سبايه لومشو عنه ويخلونه

ابو اليمه الظهر باچر يذبحونه

جسد عاري يظل ومايدفنونه

أبو اليمه الظهر باچر يذبحونه


.....
.....


يحسين  اشرب ماي عيوني

.....
.....

ياخيل بصدره
اشخليتي

.....
.....


اسمعهن كسرات
ضلوعه
.....
.....


بهداي وياه
ياذباحه

.....
.....


يم زينب راسه
معلگينه

.....
.....




أم محمد الحجاج/ العبادي



/channel/ommohamadalaebaadey

الشاعرة أم محمد الحِجِّاج

16 июля 2024 13:41

للوداع



گومن وادعني يالعزيزات
گومن وادعني يالعزيزات

.....
.....

گلهن يابناتي
يالعزيزات
گومن ياخواتي
يالعزيزات
الليله اخر حياتي
يالعزيزات
بس الليله خويه
وياچن نبات

.....
.....

گعدن ودّعنّي
شبعن شوف مني
جاي تفارگني
تظلن من بعد عيني
غريبات
گومن وادعني
يالعزيزات 

.....
.....

باچر يالحبايب
بالعاشر مصايب
اتظلن غرايب
ليله الجايه كلچن
سبيات
گومن وادعني
يالعزيزات 

.....
.....

ينذبحون اهلچن
مسبيات كلچن
ياطيحت حملچن
باچر يابنات امي
سليبات
گومن وادعني
يالعزيزات 

.....
......

باچر ماكو راحه
من اول صباحه
بس ضيم ومناحه
مايبگه عدل ويغسل
المات
گومن وادعني
يالعزيزات

.....
.....


أم محمد الحجاج  / العبادي


/channel/ommohamadalaebaadey

الشاعرة أم محمد الحِجِّاج

08 июля 2024 21:06

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ


اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde

الشاعرة أم محمد الحِجِّاج

08 июля 2024 13:44

ابو ذيه
لسان حال مولاتي فاطمة العليلة عليها السلام
بعد سفر اهلها الی كربلاء

كاني بها ..

بويه يابو علي يابويه


العراق المغربيه اتّجه شطره
ماادري ببوي شصار شطره
انشطر گلبي ولا يرّاف شطره
ومثل طير انذِبِح كل مغربيه


😭😭

مَر لوعات بالدلّال مر آح
مروره تجي اگضي الليل مُر راح
يهل وادم ابوي حسين مرّاح
وشالة عافيه ماخلّه بيّه

😭😭


ام محمد الحجاج

الشاعرة أم محمد الحِجِّاج

07 июля 2024 10:15

عظم الله لك الاجر یا صاحب الزمان عج

الشاعرة أم محمد الحِجِّاج

05 июля 2024 15:36

ابو ذيه لدفن الجسد الطاهر للمولی ابي عبدالله الحسين عليه السلام



يدفان جسم حسين لِمّه
تطشّر يوم اجنّه الخيل لَمّه
بگه صدر وظَهر مطحون لمّه
عليه العَشره لعبن روحه جيّه

وا حسينااااه


ام محمد الحجاج


/channel/ommohamadalaebaadey

الشاعرة أم محمد الحِجِّاج

04 июля 2024 21:14

لدفن الاجساد الطاهره



السحگته الحوافر
بيش ينشال
السحگته الحوافر
بيش ينشال

🏴🏴

يادفان لا واحد ولا ثنين
نومه اعله ثره واحد وسبيعن
تشيل شلون جثته موذر حسين
ثلثتيام عاري ابحر الرمال

🏴🏴

جثة حسين صارت ملعب الخيل
وماخلت حوافرهن مفاصيل
تريد وياك للدفنه رياجيل
يلمّون البگه فوگ الثره وصال

🏴🏴

لعشر خيول صار ابن امي ميدان
ماظل بي عظم صاحي يدفان
بلچي تغسّل المذبوح عطشان
ماصح للجنازه تشيلهه رجال

🏴🏴

شمسويه الحوافر والشمس بيه
عاري والتراب الحار غاطيه
بهيده من تلمّه ومن تواريه
ياميت  ثلاثه بلا دفن ظال ؟؟

🏴🏴

شلون بسهم المثلث ولضلوع
امن اتشلعه الگلب وياه مشلوع
من صدره اعله ظهره اگبال مطلوع
هوّه الخله اخوي امن المهر مال

🏴🏴

عن ضلوعه دوور صوب الخيام
انشلعن بالحوافر شفت العظام
يشمروهن عمت عيني اعلليتام
سحگن فوگ صدره خيول الثگال

🏴🏴

رحم الله المنادي
وا حسينااااه
واذبيحاااه
وا مظلوماااه
وا عطشانااااه


تمت بحمد الله ومنّته

٢٧ ذي الحجة

٣// ٧ // ٢٠٢٤

ام محمد الحجاج 


/channel/ommohamadalaebaadey

الشاعرة أم محمد الحِجِّاج

04 июля 2024 15:18

🌙 المسافة البرية التي قطعها الامام الحسين بين مكة المكرمة وكربلاء المقدسة بلغت (1470)كيلومتراً.

🌙 خرج الامام الحسين (عليه السلام) من المدينة المنورة متوجها الى كربلاء عن طريق مكة يوم الاحد 29 رجب سنه 60 هجرية.

🌙 وصل الامام مكة المكرمة يوم الجمعة 4 شعبان سنه 60 هجرية.

🌙 عدد الايام التي قضاها الامام الحسين (عليه السلام) بين المدينة المنورة ومكة المكرمة (5) ايام.

🌙 بقي الامام في مكة المكرمة (120) يوما من 4شعبان الى 7ذي الحجة سنه 60 هجرية.

🌙 خرج من مكة المكرمة يوم الثلاثاء 8ذي الحجة سنه 60 هجرية.

🌙 وصل إلى كربلاء يوم الخميس في اليوم الثاني من شهر محرم الحرام سنه 61 هجرية.

🌙 عدد المناطق التي مر بها الامام الحسين (38) منطقة.

🌙 عدد الايام التي قطعها الحسين (23) يوماً، (21) يوما من شهر ذي الحجة سنة 60 هجرية ويومين من شهر محرم الحرام سنة 61 هجرية.

🌙 سار في الحجاز (14) يوما.. وسار في العراق (9) ايام.

🌙 معدل سرعة ركب الامام الحسين (عليه السّلام) باليوم الواحد بلغت (63،91 ) كيلومتر في اليوم.

🌙 اكثر مسافة قطعها الركب في اليوم بلغت (144) كيلومتراً باليوم وذلك بين منطقتي سليله ومغيثه في الحجاز.

🌙 اقل مسافة قطعها الامام الحسين باليوم الواحد بلغت (1) كيلومتر فقط بين نينوى والطف في العراق.

🌙 استشهد يوم (10) من محرم الحرام سنه 61 هجرية.

🌙 ويكون بذلك قد عاش في العراق مدة (8) ايام: من (2) محرم الحرام سنه 61 هجرية الى العاشر من محرم الحرام سنة 61 هجرية.



#العتبة_العباسية_المقدسة
#قسم_شؤون_المعارف_الإسلامية_والإنسانية
#شعبة_الإعلام_المعرفي
#وحدة_الموقع_الإلكتروني

الشاعرة أم محمد الحِجِّاج

03 июля 2024 14:28

لسان حال خادم الحسين عليه السلام .....

قصيدة رقم  ( ٩ )


خدمتك يحسين اشرف منزله
فاز كلمن خادم اسمه تسجله
واحسيناه    واحسيناه

.....
.....

يعله شانه وملك يصبح خادمه
بدنيه واخرته ينول الغانمه
الف هنياله التسجله فاطمه
ال فخر والعزه صارت كلهه اله
واحسيناه    واحسيناه

.....
.....

من هويناك وعشگناك بصدگ
صار نبض گلوبنه بسمك يدگ
عشگ ابو الاحرار يااقدس عشگ
والخدم عدك  تعيش مدلله
واحسيناه    واحسيناه

.....
.....

الخدمه ذله وخدمتك عزة نفس
بالكرامه سيدي الخادم يحس
امن الخدامه تعلمت اعظم درس
عهد حبك سيدي ماابدله
واحسيناه   واحسيناه

.....
.....

يبقى خالد ذكر خدام الحسين
منزلتهم باقيه بمر السنين
ياحسين اشهد بأنّا عاشگين
وكل عمرنه حسين  .. زينب .. كربله
واحسيناه    واحسيناه

.....
.....

كل عمرنه ناذرينه لخدمتك
انه محتاجك ورايد وگفتك
سجل اسمي ياحبيبي مروتك
بدفترك سجلني فضلك كمله
واحسيناه     واحسيناه

.....
.....

سنة صارت وانه الم دمع الجفن
حته ابچيه من يهل شهر الحزن
بي اواسي فاطمة امك من تون
دمعتي وي امك اتضل هامله
واحسيناه    واحسيناه

.....
.....

اقره وانعه ياغريب ويا سليب
دمعي ما ينشف لبو الشيب الخضيب
قسماً بالنحر والخد التريب
احس روحي رايحه اويّه القافله
واحسيناه     واحسيناه


.....
.....


٩ / ٧ / ٢٠٢٠


من الارشيف


ام محمد الحجاج/العبادي


/channel/ommohamadalaebaadey

الشاعرة أم محمد الحِجِّاج

29 июня 2024 15:30

مولاتي العقيلة عليها السلام
وليل هدعش

لسان حال الشاعر

خطيّتنه برگبتك كون   يلماي
لونّه عدل راعي الجود  يلماي
لا اگدر اون وتهيد  يلماي
بر . وليل . ومحوطيني اميّه




مولاتي العقيلة عليها السلام
لسان حال الشاعر


اللايم بينه يوجع من يلمنه
صفينه اتياه بالبر  من يلمنه
تحضر عند ابنها منيه لمنه
وترافگني امن يودوني سبيه


يامولاتي يازينب

ام محمد الحجاج

/channel/ommohamadalaebaadey