1590
أللهم أرزقني شفاعة الحسين ع 5 / نيسان / 2020 م ١٤ / شعبان /١٤٤١ هــ
ندبة لمولاتي باب الحوائج ام البنين عليها السلام
جديد محرم ١٤٤٧
🏴🏴
للمجلس اجينه اليوم
والحاجات نطلبها ٢
🏴🏴
اجينه والدمع بالعين ..
يل ابحاجاتنه تدرين ..
يم عباس متعلمين ..
اقراياتچ انحبها
للمجلس اجينه اليوم
والحاجات نطلبها
🏴🏴
متعلمين نتعناچ ..
متقصرين لو ننخاچ ..
وفيّه ندري واندبناچ
عليچ همومنه نذبها
للمجلس اجينه اليوم
والحاجات نطلبها
🏴🏴
نريد الهم تزيلينه ..
لباچر ماتخلينه ..
چفّچ بس تشيلينه ..
فرجت الله يكتبها
للمجلس اجينه اليوم
والحاجات نطلبها
🏴🏴
بجاه حسين وبنينه ..
بجاه ابنچ وچفينه ..
عله العدوان نصرينه ..
ادعي الباري نغلبها
للمجلس اجينه اليوم
والحاجات نطلبها
يا مولاتي ياام البنين
٢٥ // ذي الحجة
ام محمد الحجاج
/channel/ommohamadalaebaadey
جديد محرم ١٤٤٧
٧ // شوال
نعي لسان حال مولاتي ام البنين عليها السلام
فايزي
🏴🏴
طووح الحادي بالظعينه وسار بلليل
وآنه اعاين للمشو والمدمع يسيل
ناديت ريّضلي يحادي ووچب الخيل
مالي صبر لفراگهم لا للهجر حيل
گتله توانه مااتوانه وسچ عله ارحيل
ماسمع صوتي امن الاجراس ومن الاصهيل
ماتن عظامي يهل حادي رييض ادخيل
نعي مجاريد
مولاتي ام البنين عليها السلام حين ابتعد الحادي عنها كاني بها ...
عله بختك يحدّاي الظعينه
ماگلت هاي ام وحنينه
مالك گطعت الوصل بينه
ماتدري چويات انچوينه
ويّه بزرنه تفارگينه
كونك تحن وترد لينه
سويعات ب حسين وبنينه
لخاطر گلب هاي الحزينه
الچاره شنهي لو مسينه
واديارهم تظلم علينه
ماريدهن عگب ابو اسكينه
نعي
طور الفراق
بالظعينه ... سافرو كل الاحبهم
بالظعينه ... وآنه مابارح دربهم
بالظعينه ... بعد وين احظه بگربهم
بالظعينه
ماخذوني ... والديار امست خليّه
ماخذوني ... وين اروحن هلمسينه
ماخذوني ... الفرگه اشد من المنيه
ماخذوني
بذكرياتي ... ساهرت ليلي اويه دمعي
بذكرياتي ... يم صورهم اگعد انعي
بذكرياتي ... نوح لومامتي شبعي
بذكرياتي بذكرياتي
ابو ذيه
كاني بمولاتي ام البنين حين اوحشت عليها الدار واشتاقت لحبيبها الحسين عليه السلام ..
تچيتي وهيبتي انته . وِنته ظِلّي
خل يرحون كلهم . وِنته ظلّي
جمر حرگي بدليلي وَنته ظلّي
لحد ونتي الاخيره بلمنيّه
ياام البنين
عظم الله لنا ولكم الاجر
ام محمد الحجاج
/channel/ommohamadalaebaadey
ليلة مولاتي ام البنين عليها السلام 💔
🏴🏴
الوحدة النسائية المسؤولة عن إطلاق الصواريخ المتطورة من غرفة العمليات الخاصة بهن
اخذوني وياهن 😍
ليلة مولاتي ام البنين عليها السلام 💔
🏴🏴
جديد محرم ١٤٤٧ هجري
ليلة مولاتي العليلة عليها السلام
كاني بها جمعت قواها وقامت من فراش المرض . توجهت لاختها سكينة بعد صلاة العشاء ودار بينهن حديث وداع وفراق
ابو ذيه
يسكنه
جرح فوگ الجرح گلبي يِسِكنه
ودوه مايصح غير اهلي يِسَكنه
اموتن لو تفارگنه يسكنه
بس ترحين تلفيني المنيّه
وسكنه
وجع فرگاچ مايسكن وسكنه
شلي بلبيت لو رحتو وسكنه
ابوي وعمّتي وامي وسكنه
وعلي الاكبر وعبدالله ورقيّه
نعي
جرّت روحها من فراشهه شتريد
وره فرض العشه وسيرت لسكينه
تلگته بهله ومرحبه بجيتچ هاي
يم اسوالف الحلوه التونسينه
اخيتي وبعد حيلي ام الحسن ترعاچ
من المرض طبتي انشاالله وزينه
جرّت من گلبها آه اتهد الحيل
تگلهه اململمه حمولچ يل احنينه
صدگ ومسافره اويه الظعن تالي الليل
ياخيه لمسامر ذاك چا وينه
تدريني مريضه بعازت احبيبات
وحيلي من المرض خلصان تدرينه
مااحمل فراگچ فدوه لاترحين
وافراگي اعرفچ ماتحملينه
عزيزة گلبي وآنه وياچ روح بروح
ال امسامر الفات شلون تنسينه
يخيه ماالچ من هلسفر تعطال
وگلبي التوجعه الونه تجبرينه
نعي مجاريد
تخلّينّي طاوعچ گلبچ
اختي التحبيني واحبچ
وعيني تظل تربي اعله دربچ
عليچ ماابطل الونه
ينطر دليلي امن المحنه
يذاك الوكت مايرد چنّه
امحمله يبعد اختچ امحمله
فرگاچ ياخيتي اشيحمله
اشنفعه يظل ليفارچ اهله
تم بحمد الله تعالی
٢٣ //شوال
الموافق ٢٢ // ٤ // ٢٠٢٥
ام محمد الحجاج
/channel/ommohamadalaebaadey
ليلة مولاتي فاطمة العليلة عليها السلام
🏴🏴
نعي للنزول بكربلاء
لسان حال اراضي كربلاء ترحب بالقادمين اليها ..
اهلا وسهلا بيك واكثر
كربله اليوم ازهرت والبر
الوادي ببو السجاد نوور
بظعن الحياده حِله وازهر
بكافل اخيته وابو الاكبر
كل الهله بولاد حيدر
بجيّتهم وجيّت الخدّر
اليابس بهاي الديره خضّر
اما الامام الحسين عليه السلام
لسان حال الشاعر ...
ناده ابو اليمه گمر عدنان
حط الظعينه بهذا لمچان
ونزّل يبو فاضل النسوان
عن الشمس طبهن الصيوان
يعباس گلب ام عون حزنان
اتحن للمدينه وذيچ الاوطان
ومنها اشوف الحيل خلصان
تخاف امن اديهه تروح الاخوان
بس سمعت اسم الغاضريه
ودمعتها مانشفت جريه
تصد نوبه لك نوبه اليه
صبرها يلكلك حميه
وطمنها ياخويه عليه
امّنهه يبن امنه الوفيه
تمت بحمد الله تعالی
١٠ // ذي الحجة
ام محمد الحجاج
/channel/ommohamadalaebaadey
نعي للمسير
جديد محرم ١٤٤٧ هجرية
مجاريد
شالو من الديره الحياده
سدُو منازلهم الساده
اهل المشوره والقياده
اهل العلم واهل العباده
الباطل عله الحگ من تماده
وللمو كفو اثنه الوساده
درب الجهاد حسين راده
لو نصر لو عز الشهاده
واتوكل يريد السعاده
الهم يعرف الچتل عاده
ياحسين
عظم الله اجورنا واجوركم
٩ // شوال
✍ ام محمد الحجاج
/channel/ommohamadalaebaadey
للهلال
ابو ذيات
لاله
هلالك ياشهر عاشور . لاله
تعازينه لرسول الله ، لاله
تكفّين الدمع ياعين ، لاله
عله حسين وعله ام عون السبيه
🏴🏴
قبل عاشور مچدر ، حالي لحسين
عليّه الحزن والهم ، حالي لحسين
واويلاه يروحي ، حاه للحسين ( احاه للحسين )
شفت اهلال حزن الغاضرية
🏴🏴
/channel/ommohamadalaebaadey
محرم ١٤٤٧ هجري
كاني بمولاتي العقيلة زينب عليعا السلام تودع قبر امها الزهراء فاطمة عليها السلام
بلسان حال الشاعر ...
نعي مجاريد
يمه يزهره گعدي لَيّه
خليني اسولفلچ اشبيّه
ونشّارك بهم العليّه
ارّيد نرحل هلمسيه
من الوطن للغاضريه
واخوي ابو اليمه واَخيّه
وعبدالله بگماطه ورقيّه
گعدي انتباصر يزّچيّه
يمه يم حسن يمه
گعدي انتسامر فرد ليله
هم العليّه مالي حَيله
جيتچ دمع عيني اسيله
اجر الجِدم گوه ونحيله
الظعن لو گوطر دليله
يم حسن سفرتنه طويله
محتاره وحمولي ثجيله
هسه الحمل يبراه چفيله
يمه امن ارد من يتچيله
وايد الشمر جسره وطويله
يا زينب
لاحول ولاقوة الا بالله العلي العظيم
٤ // شوال
الموافق
٣ // ٤ // ٢٠٢٥
ام محمد الحجاج
/channel/ommohamadalaebaadey
للهلال
🏴🏴
دارت سنة مولاتي زينب نظرت للسماء ورات هلال شهر الاحزان وعادت بها الذكريات وما جری بمثل هذه الليلة من العام الماضي وجميع الاحبة حولها واليوم ولامن حبيب .. كاني بها
تنقري لطمية ونعي
يهلال النوايب بالله لاتطلع
ميشوم امن اشوفك گلبي يتگطع
🏴🏴
تاذيني امن اشوفك تلچم جروحي
تهييض كل مواجع چامنه بروحي
من العام لسه دمعتي ونوحي
لبن امي . وچفيلي طاهر المرضع
🏴🏴
يهلال الحزن ريتك ولاهليت
المن طالع امن اخواني ماخليت
وآنه للمواجع والقهر ظليت
وياهم تمنيت ابفرد مصرع
🏴🏴
تمنيت ابفرد مصرع اويه اخواني
حيف الموت اخذهم وآنه خلّاني
ظلّيت الهضم والدمعه عنواني
انعه ومااهيدن واستچن واهجع
🏴🏴
مااهجع ولاافل الحزن ساعة
اجروح وحسره گلبي صارن اطباعه
يتچّوّه اهيسه بجمرة اوجاعه
كل آه امن اجرها اسمعه يتصدّع
🏴🏴
كل آه الاجرها تلچم جروحي
عدله شلون لسه وماگضت روحي
هل هلال حزني وغربتي ونوحي
عالتربان ظل حسين وآنه ارجع
🏴🏴
أم محمد الحجاج:
علتربان وخيول العده اترضّه
كلّه جروح جسمه منين ماكضّه
موذراته السيوف ابطوله وبعرضه
ياكتر الالمّه من دماه انگع
🏴🏴
عام الفات مثل الليله بين اهلي
وسبع الگنطره متكفل بحملي
اوصلت لكربله ومحد لمح ظلّي
حزني مو حزن للكافل امربع
🏴🏴
تمت بحمد الله تعالی
١٢ // شوال
الموافق
١١ // ٤ // ٢٠٢٥
عظم الله اجورنا واجوركم
ام محمد الحجاج
/channel/ommohamadalaebaadey
اقدم اسمی آيات التهاني لمقام سيدي ومولاي صاحب العصر والزمان عجل الله فرجه .
وابارك لكم عيد الغدير الاغر عيد الله الاكبر اكمال الدين واتمام النعمة
اللهم اشهد اني بايعتُ علي
اللهم عجل لوليك الفرج
🌹
ترميهم بحجارةٍ من سجّيل
اللهم سدد رميتهم
جديد محرم ١٤٤٧ هجرية
ليلة مولاتي ام البنين عليها السلام
مولاتي ام البنين عليها السلام تتفاخر بأولادها ولها الحق ان تفخر بهم
نعي
يناس الوِلِد اشكال والوان
جبحين بيهم بيهم احنان
بيهم كفو وبيهم الغمّان
حلوين بيهم طبع والسان
وبيهم يحيف اتجيبه نسوان
اربعه عندي لزينب اخوان
الخوه اشتروها بغالي لثمان
جازو رباي بطيب واحسان
ماخاب بيهم ظنّي شجعان
بيّضو وجهي اربعتهم
من وفه درّي ارضعتهم
وبحب اخوهم ولّعتهم
لومه السيوف امگطعتهم
دون ابو اليمه ماردتهم
آنه لخدر زينب بعتهم
وصّيتهم من ودعتهم
وفّوا وماخلفوا وعدهم
ياام البنين
تمت بحمد الله تعالی
٧ // شوال
ام محمد الحجاج
/channel/ommohamadalaebaadey
جديد محرم ١٤٤٧
ليلة مولاتي ام البنين عليها السلام
لما رات القافلة اكتملت وحان الرحيل . كاني بها
بلسان حال الشاعر
🏴🏴
امين اجتني الغاضريه حسين يبني
راحلين بهلمسيه احبابي عني
بصدري مخنوگ الهوه
شح عله عيوني الضوه
امّين اجتني امّين اجتني
🏴🏴
بيمن ابدي ها يروحي بيمن ابدي
ياهو لوّل ياهو تالي وكلها ولدي
وين تكفي وهيه بس هلليله عندي
انوب اظل للحسره والدمعات وحدي
حجره حجره الليله اودع بلغوالي
وادري ماترجع بعد ذيچ الليالي
بعد مانلتم سوه
شح عله عيوني الضوه
امين اجتني امّين اجتني
🏴🏴
باب ادگّه وباب ارجع ماادگه
ايدي ترعش هيه مو تسيوره فرگه
گلبي يخفگ خفگت المذبوح حگه
من اهييس للعَلَم بالباب خفگه
اسمع البيرغ يرف صوب العقيله
وگلبي هم مثله يرف گام اعله حيله
بجمر دگاته انچوه
شح عله عيوني الضوه
امّين اجتني امّين اجتني
🏴🏴
ودعتهم كلهم وبس ابني بعده
نور عيني حسين اخير اوداع عدّه
ودمعي ايگلّه دربك الماشيه اشبِعِده
يابعد حيلي ترد لو ماكو رده
هبّطت راسي اخاف يشوف دمعي
لزم ايدي وگالّي يابعد ضلعي
گتله اصيرلّك دوه
شح عله عيوني الضوه
امّين اجتني امّين اجتني
🏴🏴
ردت اگله وياك اخذني شلون اگله ؟
وقره بدموعي الحچي المضموم كله
گلّي ياامي الحنينه ودمعه هلّه
بالچ اعله بنيتي لو سافرنه خلّه
اعرفت مامقسوم وياهم رحيلي
باس راسي وگال يايمه اندعيلي
شفته هبّط والتوه
شح عله عيوني الضوه
امّين اجتني امّين اجتني
🏴🏴
بهل حچي وعباس للهودج خذه اخته
بس دمع وآهآت صار اوداع سكته
عمري الك فدوه ثلث دورات درته
كلشي ماريدن اريدك سالم انته
حده الحادي وشبّت النار بدليلي
ردت اوگف مااگدر بعد اعله حيلي
اسمعت طاري نينوه
شح علی عيوني الضوه
امّين اجتني امّين اجتني
ياام البنين
عظم الله اجورناواجوركم
٧// شوال
الموافق ٦ // ٤ // ٢٠٣٥
/channel/ommohamadalaebaadey
استشهاد الصحابي الجليل لامير المؤمنين عليه السلام ميثم التمار سلام الله عليه
٢٢ من شهر ذي الحجة
يابو العقيده الراسخه
الوفّيت بعهودك
يالمشتري صحبة علي
وارضيت معبودك
نفسك كريمه يالابي
من يوصل ال جودك؟
تدري بمصيرك تنصلب
بس ماضعف زودك
ياطود ماهزك ظلم
ماجاوز حدودك
بشمسك يميثم كل صبح
ينبهت نمرودك
السلام عليك يوم ولدت ويوم صلبوك على جذع النخله
ويوم تبعث حيا
ثبتنا الله على ما ثبتك عليه
نسأل الله تعالى شفاعتك يوم المحشر
أم محمد الحجاج/ العبادي
ليلة مولاتي العليلة عليها السلام
جديد محرم ١٤٤٧
فزاعية والقفلة هوسة
ريضولي بظعنكم يلمرحلين
ريضولي بظعنكم يلمرحلين
🏴🏴
حاديكم جزاني .. يلمرحلين
راح وماخذاني
اايس لو اتاني
تخلوني
بالدار اشعدي
🏴🏴
وين اهل المحنه .. يلمرحلين
ظلمه ديار اهلنه
اجر ونه اعله ونه
تانوني
ارفج وياكم
🏴🏴
سفرتكم بعيده .. يلمرحلين
چا گلبي اشيهيده
فرگاكم مچيده
انهد حيلي
من سار الحادي
🏴🏴
منازلكم خليّه .. يلمرحلين
مست وحشه عليه
هلي اتردون اليّه ؟؟
اتردولي
لو تعمه عيوني
🏴🏴
بنيتكم عِليله .. يلمرحلين
وغيبتكم طويله
ياعگلي ودليله
من راحو
الموت اشوالي
🏴🏴
اون ون الحمامه .. يلمرحلين
وليلي ماانامه
گضت حيلي الملامه
غيّابي
طالت فرگتهم
🏴🏴
تمت بحمد الله تعالی
٢٣ // شوال
ام محمد الحجاج
/channel/ommohamadalaebaadey
ليلة مولاتي العليلة عليها السلام
😭😭
جديد محرم ١٤٤٧
لامّه غريضاتهه امن البارحه
خايفه وكلساعه تقره الفاتحه
🏴🏴
طاويه فراش المرض مانايمه
حته عن الزاد صبحت صايمه
ساعه تگعد ساعه ترجع گايمه
وساعة اليغشه عليهه وطايحه
خايفه وكلساعه تقره الفاتحه
🏴🏴
تنتبه وتناشد امها اعالسفر
امشي لوما امشي هم عدچ خبر؟
يمه لو ظليت اموت امن القهر
امعلمه عبدالله عيني اتصابحه
خايفه وكلساعه تقره الفاتحه
🏴🏴
لحجرت ارقيه تروح اجّس نبض
امن المرض ترجف اوبلحايط تكض
غاطّه غط بلحزن طول وعِرض
عن سفرها شلون ابوها اتصارحه
خايفه وكلساعه تقره الفاتحه
🏴🏴
للسفر ماگلهه ابوها اتحضّري
عيونهم بيهن حچي ماينقري
اتگل لختهه روحي بالله استفسري
لونگل عمتي واهيّه اتفاتحه
خايفه وكلساعه تقره الفاتحه
🏴🏴
شافت ام عون العليله بهل وضع
خانگتها العبره بسكوت الدمع
ياعذر تبديلهه وبي تقتنع
حچاية الماياخذونچ جارحه
خايفه وكلساعه تقره الفاتحه
🏴🏴
عاينت لحمول عمتهه وبچت
وحسره جرّتهه وعله الباب انتچت
افتهمت ابلايه كلام وماحچت
وعرفت يروحن واهي مارايحه
خايفه وكلساعه تقره الفاتحه
🏴🏴
تمت بحمد الله تعالی
٢٢ // شوال
الموافق ٢١ // ٤ // ٢٠٢٥
✍ ام محمد الحجاج
/channel/ommohamadalaebaadey
النزول بكربلاء
جديد محرم ١٤٤٧ هجرية
🏴🏴
حطت اليوم الظعينه بكربله
الرايه رفت بيد راعي المرجله
🏴🏴
الرايه رفت والسبع شيالها
وكربله متنومسه برجالها
هله براعي المشرعه وخيّالها
كربله بعباس نادت ياهله
حطت اليوم الظعينه بكربله
🏴🏴
هله بالحيد الفحل وابن الفحل
مثل هيبت حيدره بالطف نزل
جيش اميه من سمع بسمه ختل
اترييس اعليهم ابن عقد الوله
حطت اليوم الظعينه بكربله
🏴🏴
نووخ ظعون الفخر راعي اللوه
شيخ ومشييد مضيف بنينوه
بس بنه اصواوينهم دگ اگهوه
وگهوة ادلاله لذيذه امهيّله
حطت اليوم الظعينه بكربله
🏴🏴
شيخ ومعزب الهواشم والربع
والمضيف الشييده كلش وسع
ارجال كل القافله بي تنجمع
الضيف من يدخل مضيفه يدل له
حطت اليوم الظعينه بكربله
🏴🏴
بنه خيام وسور دار اعليهن
بيضه مصفوفه وخَضَر عاليهن
انصه من البيرغ مخليهن
وباب اخيته كاتب اعليه بسمله
حطت اليوم الظعينه بكربله
🏴🏴
كاتب اسم الله ومحمد وعلي
حته اخيته ام عون همها ينجلي
يروح ويرد او يگلها ادللي
اعلوعد خدرچ اخوچ الكافله
حطت اليوم الظعينه بكربله
تمت بحمد الله تعالی
١٢ // ذي الحجة
ام محمد الحجاج
/channel/ommohamadalaebaadey
النزول بكربلاء
جديد محرم ١٤٤٧
🏴🏴
اليوم بكربله المظلوم
شيدهن اصواوينه ٢
🏴🏴
الطف هايه اراضيها .. شيدهن اصواوينه
ويصير الذبح بيها ..
شيدوا خيامنه عليها ..
برض الموت حطّينه
اليوم بكربله المظلوم
شيدهن اصواوينه
🏴🏴
ناده حسين ياشبان .. شيدهن اصواوينه
نزلو الحرم والرضعان
وانته ياگنر عدنان
نزل ام عون الحنينه
اليوم بكربله المظلوم
شيدهن اصواوينه
🏴🏴
اليوم لكربله وصلو .. شيدهن اصواوينه
اوتاد الخيم دگو ..
زينب والحرم نزلو ..
جسام وعلي يعينه
اليوم بكربله المظلوم
شيدهن اصواوينه
🏴🏴
زينب عاينت لحسين .. شيدهن اصواوينه
ومدمعها عله الخدين ..
تشوفه شيّد اصواوين ..
تشوف اعداه امحوطينه
اليوم بكربله المظلوم
شيدهن اصواوينه
🏴🏴
حط برض البله والموت .. شيدهن اصواوينه
بنه المظلوم بيها بيوت ..
گلب اخته عليه مفتوت ..
عله ابنياته وبنينه
اليوم بكربله المظلوم
شيدهن اصواوينه
🏴🏴
تعاينله وتجر حسره ..شيدهن اصواوينه
حط بكربله الگشره ..
بيهه ينگطع نحره ..
ويشبح للخيم عينه
اليوم بكربله المظلوم
شيدهن اصواوينه
🏴🏴
واحسيناااااه
واغريبااااه
وامظلومااااه
تمت بحمد الله تعالی
١١ // ذي الحجة
ام محمد الحجاج
/channel/ommohamadalaebaadey
نعي للمسير
جديد محرم ١٤٤٧ // هجرية
مجاريد
گطعو ادروب الكلهن اخطار
يحدي ظعنهم والوكت حار
النسوان وامحامل ال ازغار
ماتمض بيهم شمس ال انهار
ادّور الشمس والبيرغ اندار
يسويلهم الكافل استار
يرش لو مشو ماي اعله لكتار
يرش الهوادج للبروده
والحرم مرتاحه ابزوده
محلاه لو شمّر ازنوده
من يتعب تورّد خدوده
يباري الظعينه وماله هوده
وارث هله او وارث اجدوده
نعي طور عاشوري . عگراوي وغيرها
عباس ياحلو الشمايل
آه آه آه
كلساع ويعدل المحامل
آه آه آه
هودج اخيته يظن مايل
تسلم زنودك يبو فاضل
خوما تعبتي ام عون يگلهه
آه آه آه
يتماشه وي ناگة حِملهه
آه آه آه
عن الشموس ايظلل الهه
متنومسه بجال الكفله
ياالله
٩ // شوال
ام محمد الحجاج
/channel/ommohamadalaebaadey
جديد محرم ١٤٤٧
للمسير 🏴🏴
سارو بلظعينه
الليله امن المدينه
بسم الله ورسوله يرف لواهم
🏴🏴
متوكلين بالله وسرجو الخيل
سچّو بلمسير بتالي الليل
حملو بالظعن حته المداليل
وام عون الحنينه
الليله امن المدينه
بسم الله ورسوله يرف لواهم
🏴🏴
شالو من بلد جدهم لل اطفوف
شباب وشيب ما بگلوبهم خوف
كلها اسباع الايدين اعلسيوف
البيرغ ناشرينه
الليله امن المدينه
بسم الله ورسوله يرف لواهم
🏴🏴
گطعو بلظعينه ادروب ودروب
ظعن بي راية العباس مهيوب
مرتاحه الحرم وامأمنه الگلوب
الگمر صوب اخته عينه
الليله امن المدينه
بسم الله ورسوله ايرف لواهم
🏴🏴
ايحرسون الظعن ولد ام الابنين
اثنين انجسمو ايحفّون الاثنين
نص لم عون والثاني للحسين
المايل عادلينه
الليله امن المدينه
بسم الله ورسوله يرف لواهم
🏴🏴
مسافه وحط ظعنهم يستراحون
امن المحمل ينزل الكافل ام عون
حچي بلايه حچي سوالف بلعيون
دره بگلب الحزينه
الليله امن المدينه
بسم الله ورسوله يرف لواهم
🏴🏴
تمت بحمد الله تعالی
٨ // شوال
الموافق
٧ // ٤ // ٢٠٢٥
ام محمد الحجاج
/channel/ommohamadalaebaadey
للهلال
نعي
دارت سنة علی مصيبة كربلاء
كاني بمولاتي العقيلة زينب عليها السلام
حين رات الهلال ...
يهلال المصايب ليش هليت
يميشوم من اخوتي شخليت
اشوفك بچبد السمه تعليت
عساك غايب دوم ظليت
هليت يهلال النوايب
ٍيگشر عسنك دوم غايب
شخليت بديار الاطايب
ظلمه وخليّه من الحبايب
حسبالنه يردون لينه
دارت سنتهم واييسينه
والدار تنعاهم حزينه
گعداتهم عنّت علينه
هاضت اوجاع الگلب هاضت
وشطوط حزني اليوم فاضت
واعلفرح روحي اختاضت
ويالنوم عيني مااتراضت
٩// شوال
الموافق
٨ // ٤ // ٢٠٢٥
ام محمد الحجاج
/channel/ommohamadalaebaadey
جديد محرم ١٤٤٧ هجرية
للهلال
🏴🏴
هلليله محرم
بيين هلاله
هلليله محرم
بيين هلاله
🏴🏴
هلال الحزن طالع ... بيين هلاله
حضّرنه المدامع ...
هيّضنه المواجع ...
عله الچبده تخذّم
صرخه تتّعاله
🏴🏴
صرختنه حسيناه ... بيين هلاله
والمجلس حضرناه ...
والاسود نشرناه ...
عله الصدره تهشم
وانسبه عياله
🏴🏴
نواسي امه الزچيه ... بيين هلاله
بغريب الغاضريه ...
الجثته اعلوطيه ...
راسه يفيض بالدم
والرمح شاله
🏴🏴
ماننسه مصابه ... بيين هلاله
ذبيح اعلترابه ...
مسلوبه ثيابه ...
عليه الفِزِع ملتم
واخته تبراله
🏴🏴
حسين انذبح ضامي ... بيين هلاله
جسد مرضوض دامي ...
ثلثتيام إمامي ...
لا خي لا ابن عم
غسّله وشاله
🏴🏴
الليله نشد حزمنه ... بيين هلاله
بواچينه ولطمنه ...
تسجل الزهره اسمنه ...
والدمعات تنظم
اليبچي هنياله
ياحسين
تمت بحمد الله تعالی
٨// شوال
الموافق
٧ // ٤ // ٢٠٢٥
✍ ام محمد الحجاج
/channel/ommohamadalaebaadey
بسم الله الرحمٰن الرحيم
اللهم صل علی محمد وآله الطيبين الطاهرين